Post: #1 Title: عازف العود الساحر عوض أحمودى ده أسطورة Author: Osman Musa Date: 08-26-2009, 02:01 AM Parent: #0
العالم العربى كلو يتحدث عن عازف العود التونسى أحمد القلعى . عليه الرحمة وأنا أحب فن الأستاذ القلعى . ( الا ) العازف الموهوب أحمودى ده براو براو .. هذا الفنان أسطورة .
Post: #2 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 02:45 AM Parent: #1
فنان الأمة محمد وردى قال : أحمودى نابغة نابغة . قالها مرتين . الله يديك العافية يا أحمودى
Post: #3 Title: Re: عازف العود الساحر عوض أحمودى ده أسطورة Author: معاوية المدير Date: 08-26-2009, 03:23 AM Parent: #2
يا عثمان موسي كيف أحوالك, ورمضان كريمـ...
يأخي ولدنا بتاع عطبرة (الداخلة) ده بيعزف أحسن من محمد الأمين زاتو. وأنا بقول الكلام ده من صُحّي...
Post: #4 Title: Re: عازف العود الساحر عوض أحمودى ده أسطورة Author: Yasier Elsayed Date: 08-26-2009, 05:07 AM Parent: #3
اخونا عثمان موسى
رمضان كريم وكل سنة وانت طيب
اما عن هذا العوض الاحمودى فالحديث قد يطول فهو من العازفيين المهرة القلائل
واضف على ذللك رجل فنان وصاحب اذن موسيقية عالية وذوق كبير جدا
وسوف اعود ليك راجع
اصلا انا من مجانيين عوض احمودى
Post: #5 Title: Re: عازف العود الساحر عوض أحمودى ده أسطورة Author: محمد الأمين موسى Date: 08-26-2009, 06:03 AM Parent: #4
حقا الفنان عوض عازف ماهر، لكن عوده تعبان... محتاج لعود عراقي كارب زي البيعزف عليه نصير شمة.
Post: #11 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 07:25 PM Parent: #5
عزيزنا د / محمد الأمين سلامات ورمضان كريم . بختك يا محمد الشارقة اليومين ديل فى رمضان الجو فيها حلو . بلاد طيبة . بعدين نصير شمة شنو يا دكتور أستاذ أحمودى ده عالمى بس الاعلام عندنا بحشر السودانين فى أضابير المحلية . وياريت محلية وبس . الزول ده ماعادى . ساحر . تحياتى وشكرى
Post: #10 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 06:41 PM Parent: #4
العزيز ياسر ودعمنا على السيد عمدة rockville كيفك . وعامل شنو مع الدافورى فى رمضان ... أحمودى موسيقار يطول عنه الحديث . . شكرى وتحياتى
Post: #9 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 06:03 PM Parent: #3
ولدنا العزيز معاوية المدير سلامات وكيف أنطباعات الوليدات بعد العودة من وطن السدود ؟ أنشاءالله مرتاحين . أستاذ أحمودى عازف كبير بس الاعلام عندنا تعبان تعب الموت . تحياتى ورمضان كريم
Post: #59 Title: Re: عازف العود الساحر عوض أحمودى ده أسطورة Author: Osman Musa Date: 09-01-2009, 07:51 PM Parent: #3
نستمع الى العوض أحمودى
Post: #6 Title: Re: عازف العود الساحر عوض أحمودى ده أسطورة Author: Munir Date: 08-26-2009, 08:59 AM Parent: #2
نعم عازف عود مبدع .. بس يبتعد من محاولة الغناء لأن صوته أجش ..
رمضان كريم يا عثمان ..
Post: #7 Title: Re: عازف العود الساحر عوض أحمودى ده أسطورة Author: ناذر محمد الخليفة Date: 08-26-2009, 10:14 AM Parent: #6
Post: #8 Title: Re: عازف العود الساحر عوض أحمودى ده أسطورة Author: حامد محمد حامد Date: 08-26-2009, 10:21 AM Parent: #7
لكنه هلالابى زى وردى
Post: #15 Title: Re: عازف العود الساحر عوض أحمودى ده أسطورة Author: Osman Musa Date: 08-27-2009, 03:34 AM Parent: #8
عزيزنا حامد محمد حامد سلامات ورمضان كريم دى أيام الملك أحمودى ( أيام رمضان ) بكون فى رمضان هو فاكهة الشاشات فى السودان .. الله يديك العافية أستاذ أحمودى . تحياتى وشكرى أخى حامد
Post: #14 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 09:13 PM Parent: #7
المك ناذر ودالخليفة رمضان كريم يا أيها المك الكريم . وأنشاءالله كل الاهل حامدين شاكرين . ألف شكر وأنت تضع كل شحم ولحم المكتبة الناذرية . ... الأستاذ أحمودى مدرسة . نعم مدرسة فسيحة عامرة بالفن العذب . التحية لحمودى العظيم . .. شكرى وتحياتى أخى ناذر
Post: #12 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 08:00 PM Parent: #6
العزيز منير عبدالرحيم سلامات ورمضان كريم أستاذ أحمودى زول عاشق العزف . يروح فى الفن يدروش يخرج الى أفاق بعيدة .. عزف الزول ده ماهو عزف عادى بشهادة كثيرين من أساتذة الموسيقى . تحياتى وشكرى
Post: #13 Title: Re: عازف العود الساحر عوض أحمودى ده أسطورة Author: Osman Musa Date: 08-26-2009, 08:28 PM Parent: #12
الفنان الكبير التاج مكى كان يستمتع جدا بسماع عزف الفنان الجميل أحمد ربشة . عليه الرحمة . ولا شك أن أحمد ربشة قد أدخل الكثير من التفانين الجديدة فى طريقة العزف المعهودة فى سودان تلك الأيام . لقد كان لى شرف سماع وحضور ربشة . وأجمع له الكثير . لكن حسب ظنى كمتابع ومستمع فقط ..( أظن أن الساحر أحمودى قد فات الجميع )
Post: #56 Title: Re: عازف العود الساحر عوض أحمودى ده أسطورة Author: Osman Musa Date: 09-01-2009, 00:30 AM Parent: #6
نتابع العازف المتفرد عوض أحمودى
Post: #16 Title: Re: عازف العود الساحر عوض أحمودى ده أسطورة Author: Osman Musa Date: 08-27-2009, 05:55 AM Parent: #2
أستاذ أحمودى
Post: #17 Title: Re: عازف العود الساحر عوض أحمودى ده أسطورة Author: صلاح شعيب Date: 08-27-2009, 07:21 AM Parent: #16
يا حليلك يا عثمان
إفتقدناك كثيرا ومتى العودة.
هذا البوست ذكرني بأيام جميلة من أيام النصف الأول من التسعينات. الفنان عاطف والصحافي ياسر عركي وعوض أحمودي وشخصي النحيل جهزنا (فولا مكربا) في ليلة من ليالي امبدة السبيل. بدأنا نستمع لعزف أحمودي وغناء عاطف منذ المغارب حتى الصبح. ولا تتخيل كيف أن ذلك اليوم لا يزال (رطبا) في ذاكرتي، عزف أحمودي لعاطف الذي عشق وردي عددا من أغنيات وغنى وعزف أحمودي لود الامين كثيرا من أعماله وبين وردي وودالامين جاءت كل الاغاني الجميلة من ابن البادية لابراهيم عوض لزيدان لمصطفى. تفنن أحمودي في ريشته واستنطق الوتر طوال ما يقرب السبع ساعات. أحمودي يتميز بـ"استايل" متفرد يختلف عن كل الذين عزفوا العود منذ زرياب أو إسحق الموصلي. طريقة أحمودي سودنت أنغام العود بالشكل الذي يجعلك تقول أنه ما ينبغي إلا توظيف آلة العود للأغاني السودانية. من قبله إستمعنا لطريقة برعي صاحب الريشة الخفيفة والذي تحسه كأنه يعطيك شلالا متدفقا من النغمات بلا توقف. هو إضافة أيضا للموسيقار بشير عباس والذي وصلت ريشته الخفيفة أيضا مع العود إلى مراحل متقدمة من الألفة. وهو إضافة إلى محمد الأمين الذي لن يتكرر من حيث قدرته على إستخراج أجمل النغمات من العود..وبجانب هؤلاء الذين تميزوا بالعزف المتقن على العود وجدنا ابوعركي وعلي السقيد وعادل صديق وطارق ابو عبيدة (خدر) وهؤلاء من الذين يستحسنون التعامل معه على حسب سماعي لهم، وأذكر أن بشير عباس قال لي مرة أن عركي أفضل عازف عود من الأحياء وقال لي أنه يلعب بالعود حتى..ربما هناك عازفون مهرة كثر لم أتمكن من الاستماع لهم بالقدر الوافي ولكن من المؤكدأن السودان مليئ بمن يحسنون إلى العود ويحسن إليهم. إتفق مع الزميل محمد الامين موسى أن العود الذي يعزف به أحمودي تعبان بالمقارنة مع أعواد شامية وعراقية ومصرية إستمعنا لها من خلال غناء فنانين عرب وأعتقد أن الاوتار التي يعزف عليها ضعيفة مقارنة بالاوتار الألمانية. ويا ريت لو ساعد هذا البوست في عمل( شيرينق) لمحبي آلة العود وأحمودي لتكريمه من خلال شراء آلتي عود من سوريا أو العراق هدية له من اللجنة التمهيدية لمعجبيه وننصب الزميل عثمان موسى رئيسا. وأنا على إستعداد للمساهمة بنصيبي. ويا ريت يجينا ناذر الخليفة في هذا البوست وهو من الشباب الذواقة الدارسين ومن عازفي العود الذين نرتجى منهم الكثير. كما نأمل من الموصلي، والذي لم إستمع لعزفه للعود حتى الآن، ويحدثنا عن تاريخ آلة العود في السودان ورموزها.
Post: #18 Title: Re: عازف العود الساحر عوض أحمودى ده أسطورة Author: أسامة عبد الجليل Date: 08-27-2009, 09:28 AM Parent: #17
يا سلام يا عثمان موسى
لك التحايا
ولزوار البوست..
رمضان كريم . هاكم
عوض بيشتغل
( يا جميلة ومستحيلة) لوردي ..
تحايا للأخ الكاتب الصحفي صلاح شعيب.
Post: #20 Title: Re: عازف العود الساحر عوض أحمودى ده أسطورة Author: Osman Musa Date: 08-27-2009, 07:10 PM Parent: #18
العزيز أسامة عبدالجليل يا سلام عليك أصلو عارفك زول جميل . وكمان يا جميلة ومستحيلة . ؟ وردى بتكيف من نوع العزف المتل ده . والدنيا كلها بتتكيف لسحر الرجل . ألف شكر يا أسامة على وضعك أحمودى . سمعتو .. شوف الزول ده بمشى لا حدد وين . محلات بعيدة بعيدة شديد . يديك العوأفى يا أسامة . ورمضان كريم .. تحياتى وجزيل شكرى
Post: #19 Title: Re: عازف العود الساحر عوض أحمودى ده أسطورة Author: Osman Musa Date: 08-27-2009, 05:20 PM Parent: #17
أستاذ صلاح شعيب سلامات وكل رمضان وأنت بألف خير كيف حال الوليدات وأخبار الاهل ؟ ألف شكر أخى على كل ما تقوم به من أعمال عظيمة وأكرر الشكر وأنت تتابع وتراعى ما يدور هنا وهناك . ( تابعت كل شغلات العازف اليمنى الكبير أحمد فتحى شغل مافى كلام ) الا يا أستاذ شعيب أظن أن العازف الكبير أحمودى الأن يحتل المرتبة الأولى فى العالم لكن تخلف وسائل الاعلام السودانية المقروءة والمسموعة والمرئية هو الذى يحد من فرص نشر الفنون السودانية على نحو صحى فى العالم ( والله يا أستاذ شعيب الواحد يحزن .. شوف الامريكان شغالين كيف . وبعدين تأمل الانغلاق .. هناك . ( أسع الفرق شنو بين أحمودى وبين رى شارلس ) ؟ ( وبتكلم كمستمع ماعندى معرفة فى الموسيقى ) أستاذ شعيب أشكرك جزيل الشكر تحياتى
Post: #21 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 00:22 AM Parent: #19
يا جميلة ومستحيلة . ده ياهو الحديث .. وياهو النضم .. عاد ما ياهو الكلام ..
Post: #22 Title: Re: عازف العود الساحر عوض أحمودى ده أسطورة Author: طارق ميرغني Date: 08-28-2009, 00:49 AM Parent: #21
اخي عثمان رمضان كريم
احمودي رجل فنان بحق وحقيقه والجميل ليس عزفه فحسب
انما احساسه المرهف لرجل لا يري
فهو يحس متي يدخل الفنان الاغنيه ومتي يختمها دون اي اشاره من احد اضافة الي حذقة العزف.
اما انه يعزف ابدع من الاستاذ محمد الامين او ابو عركي فانا اشك في ذلك...!!
Post: #23 Title: Re: عازف العود الساحر عوض أحمودى ده أسطورة Author: ناذر محمد الخليفة Date: 08-28-2009, 01:27 AM Parent: #22
Post: #24 Title: Re: عازف العود الساحر عوض أحمودى ده أسطورة Author: ناذر محمد الخليفة Date: 08-28-2009, 01:35 AM Parent: #22
لو اعيش زول ليهو قيمة غناء حنان النيل عزف عوض أحمودي
Post: #26 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 04:42 AM Parent: #24
المك ناذر الخليفة سلامات جزيل الشكر على الدعم والحضور الجميل . جيب لينا أخبار الساحر ده .. عارف أعجابك بالدرر ديك . وجودك مهم شديد هنا . تحياتى . وأكرر شكرى يا ناذر على كل ما تقوم به نحو كل القادمين من بورداب الخارج . أنت زول تلب ونص . تحياتى
Post: #25 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 03:48 AM Parent: #22
العزيز طارق ميرغنى سلامات ورمضان كريم موهوب الرجل . ولديه الكثير من السحر تحياتى وجزيل شكرى على المتابعة .
Post: #27 Title: Re: عازف العود الساحر عوض أحمودى ده أسطورة Author: Abdulmageed Gorashi Date: 08-28-2009, 09:00 AM Parent: #25
لاشك انه فنان مكتمل... لكن لاننسي المرحوم محجوب عبدالحفيظ ..برنامج الصلات الطيبة الذي اظهر هذه الموهبه.
Post: #28 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 06:18 PM Parent: #27
العزيز أبوالقاسم قرشى سلامات ورمضان كريم ألف شكر عى المرور والمشاركة الكريمة . تحياتى
Post: #29 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 07:24 PM Parent: #28
أحمودى يحاول أن يسهم بدور جديد . أحمودى يمهد ليسلك طريق العزف الأصعب . يا سلام على الذكا ء . يخيل لى أن أحمودى يريد أن يكون محرجا لتجاهل الاعلام له وللموسيقى السودانية . وهو لا يخاطر على كل حال . فلنستمع للساحر أحمودى
( كب الشغلات عزيزى ناذر الخليفة )
Post: #30 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 08:32 PM Parent: #29
العزيز ناذر أرجو التكرم بوضع تسجيلات الأستاذ . مع جزيل شكرى
Post: #31 Title: Re: عازف العود الساحر عوض أحمودى ده أسطورة Author: Osman Musa Date: 08-28-2009, 09:41 PM Parent: #30
تستمع الى العوض أحمودى . يا .. تلك ممارسة طويلة . وعمل عن حب . ورغبة فى السفر الى المكانات البعيدة والمريحة والجديدة فى أركان الموسيقى . الساحر أحمودى يتفرد بشهادة الجميع .
Post: #32 Title: Re: عازف العود الساحر عوض أحمودى ده أسطورة Author: Osman Musa Date: 08-29-2009, 01:20 AM Parent: #31
أحمودى . أحمودى هنا فى أغنية ( يا جميلة ومستحيلة ) يتمرد . تمرد آخر . نوع جديد من التمرد . هنا أحمودى لا يتبع ( شغل ) الأستاذ العظيم وردى الجاهز . أحمودى هنا ينتج أفكاره فى العزف الخاصة به . هذا الرجل يبحث بحث دؤوب فى بحور الة العود . أتمنا أن يجد أحمودى الاهتمام الكبير .
Post: #33 Title: Re: عازف العود الساحر عوض أحمودى ده أسطورة Author: Osman Musa Date: 08-29-2009, 03:03 AM Parent: #32
عوض أحمودى الموسيقى الذى حين يعزف يجاهرك فنه بالحقيقة على آخر مداها . نعم . لقد استطالت صفوف المعجبين به . ولا توجد صفوف خصوم . تلك هى الصورة التى رسمها عوض لنفسة والتى تبدو أقرب للأسطورة فى حقيقتها .
Post: #34 Title: Re: عازف العود الساحر عوض أحمودى ده أسطورة Author: Osman Musa Date: 08-29-2009, 04:13 AM Parent: #33
عزيزنا أسامة عبدالجليل سلامات سمعت أنو أشتغل برضو أغنية ( الحزن القديم ) لو لقيت الشغل ده عليك الله أدرعو فى المكان ده . عشان نشوف الاتيكيت فى عزف الساحر . .. كلام عجيب يا أحمودى
Post: #35 Title: Re: عازف العود الساحر عوض أحمودى ده أسطورة Author: Osman Musa Date: 08-29-2009, 09:01 PM Parent: #34
تابعت أحمودى فى رمضان 2008 وأستمعت اليه قبل أيام وهو يعزف لوردى . وفى كل تلك الجلسات والبرامج رأيت الرجل يستطيع أن يكون محط اعجاب وتبجيل وسعادة الجميع
الاخ عثمان السلام عليكم رمضان كريم عوض جميل زمانه لقد سمعته مره يغني مساء الخير ياالامير فيها تجلي وابداع منقطع النظير اتمني ان يكرمنا بها من لديه هذه التحفه شكرا عثمان علي هذا الاختيار
Post: #41 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 05:12 AM Parent: #37
العزيز الرشيد أحمد رمضان كريم ونتمنا نسمع مساء الخبر يا الامير . من الامير عوض . تحياتى وجزيل شكرى
Post: #38 Title: Re: عازف العود الساحر عوض أحمودى ده أسطورة Author: عمر التوم Date: 08-29-2009, 11:36 PM Parent: #36
الأخ عثمان موسى شكرا جزيلا لك على هذا البوست العملاق عن هذا المتفرد
العم العزيز/طارق ميرغني
Quote: اما انه يعزف ابدع من الاستاذ محمد الامين او ابو عركي فانا اشك في ذلك...!!
بل هو اكثر ابداعا
وجهة نظر مستمع عادي جدا
احترامي الأكيد
Post: #42 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 04:34 PM Parent: #38
العزيز عمر التوم سلامات ورمضان كريم نعم يا عزيزى عمر . هذا العوض أحمودى متفرد . تحياتى وجزيل شكرى
Post: #39 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 01:21 AM Parent: #36
العزيز حمزه الكوبى سلامات ورمضان كريم بارك الله فيك سيد حمزه . نعم الرجل فريد عصر هذا الزمان تحياتى وشكرى
سلام عثمان موسى والاحبة الكرام في اطار الجمال هنا اسمعو عزف عوض هنا في حلقة اليوم السابع من اغاني واغاني
لما ترجع بي السلامة
Post: #43 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 07:05 PM Parent: #40
عزيزنا عبدالله وداعه سلام شديد ورمضان كريم بركاتك يا شيخ عبدالله . عليك الله كل يوم أكشح لينا الحلقات دى .. خلينا نستمتع معاكم بعزف عزيزنا العوض أحمودى ضرورى . أكرر ضرورى يا سلام عليك .. وفى أنتظارك تجدع لينا شغل الليلة 30 / 8 هسع عندنا فى الساحل الشرقى فى ال U S الساعة 2 نهار . ما عارف تكون عندكم فى لندن كم . . تحياتى وكتير شكرى
Post: #44 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 07:56 PM Parent: #43
عازف العود الساحر عوض أحمودى ده أسطورة ___ فلنتابع
Post: #45 Title: Re: عازف العود الساحر عوض أحمودى ده أسطورة Author: Ahmed al Qurashi Date: 08-30-2009, 08:37 PM Parent: #44
العزيز / عثمان موسى سلامات
فعلا عوض احمودى عازف ماهر ومتمكن
قبا فترة شرفنا فى سلطنة عمان واقام جلسة استماع فى منزلى
عثمان كيفنك ياخي والله الزول دة عنده عزف يخلي الزول يدستر رسمي
Post: #51 Title: Re: عازف العود الساحر عوض أحمودى ده أسطورة Author: Osman Musa Date: 08-31-2009, 01:44 AM
العزيز طارق جبريل سلامات ورمضان كريم . جد يا طارق كلنا بندستر وبندروش مع الساحر . ألف شكر تحياتى لك وللعزيز طلحة جبريل وأتمنا أن يكون قد وصل بخير .
Post: #49 Title: Re: عازف العود الساحر عوض أحمودى ده أسطورة Author: Osman Musa Date: 08-31-2009, 00:22 AM Parent: #46
الصحفى الجميل انور التكينة رمضان كريم وسلامات كانت لحظات جميلة يوم ليلة ناذر الخليفة فى مطعم لانفوشى . أنتم بورداب الخرطوم شعب طيب . نعم عزيزى انور . أحمودى أبداع بلا حدود .. ألف شكر على الدعم الكريم تحياتى
Post: #48 Title: Re: عازف العود الساحر عوض أحمودى ده أسطورة Author: Osman Musa Date: 08-30-2009, 11:19 PM Parent: #45
عزيزنا د / أحمد القرشى رمضان كريم أنشاءالله تكون شديد يا أحمد الزول ده عجيب كلو كلو . وأنت كمان بتعرف وين مخابى الساحر أحمودى . وبتعرف تنكت منو القديم والجديد . عاين يا أحمد . كدى أسمع يا جميلة ومستحيلة . ( يا الله ) أنشاءالله بديك تلفون فى اليومين ديل . ونشوف خبر الجلسة العجيبة دى . تحياتى وجزيل شكرى
Post: #50 Title: Re: عازف العود الساحر عوض أحمودى ده أسطورة Author: Ahmed Abdallah Date: 08-31-2009, 00:36 AM Parent: #48
للتحية والسـلام رمضان كريـم
Post: #52 Title: Re: عازف العود الساحر عوض أحمودى ده أسطورة Author: Osman Musa Date: 08-31-2009, 03:01 AM Parent: #50
عزيزنا أحمد عبدالله رمضان كريم وكيف حال الديار والاهل هناك . تحياتى وجزيل شكرى
Post: #53 Title: Re: عازف العود الساحر عوض أحمودى ده أسطورة Author: Osman Musa Date: 08-31-2009, 04:20 AM Parent: #17
نتابع الساحر أحمودى
Post: #54 Title: Re: عازف العود الساحر عوض أحمودى ده أسطورة Author: abdalla osman Date: 08-31-2009, 08:07 AM Parent: #53
العزيز عثمان رمضان كريم
المبدع قال في لقاء معه من مدة إنّّّّّّّّّوّ لما قابل لجنة إجازة الصوت زماان ..اللجنة طربت لطريقة عزفه العود اكثر من صوته ونصحته على هذا الاساس وقد كان ..
أجمل ما فيه إندماجو الكااامل مع الأداء والله مرات يقرب يقيف علي حيلو..
مودتي..
Post: #55 Title: Re: عازف العود الساحر عوض أحمودى ده أسطورة Author: Osman Musa Date: 08-31-2009, 06:10 PM Parent: #54
العزيز د/ عبدالله عثمان رمضان كريم نعم يا د / عبدالله ده كلام صاح . أحمودى يسحر ويطرب الجميع .. الرجل يدمجك ويندمج . يا سلام تحياتى وجزيل شكرى
تحية وسلام لك واحبابك هنا لكم هه الهدية وتفرد الجميل احمودي
اشتقت ليك - برنامج اغاني واغاني 2009
Post: #58 Title: Re: عازف العود الساحر عوض أحمودى ده أسطورة Author: Osman Musa Date: 09-01-2009, 06:09 PM Parent: #57
فى اشتقت ليك . العود نضم يا عبدالله . العود هنا يتكلم . شوف شوف . وما كان من الموسيقار محمديه الا الضحك . محمديه ضحك أعجابا بالساحر . تحياتى وكتير أحترامى أخى عبدالله