Post: #1 Title: ألولف كتال يا أمريكا ___ وداعا وداعا Author: Osman Musa Date: 01-28-2009, 11:45 PM Parent: #0
بلد عظيمة عظيمة مافى شك ابد ابد لكن وداعا 12 سنة من ( الهمبعة ) تكفى دستة سنوات تكفى تعلمنا فيها الكثير وضاع فيها الكثير ( قول شيخنا الطيب صالح ) شفاء عاجل يارب .. وداعا امريكا فرحان للعودة ( وكما قال شيخنا (الدوش ) ( كبرت كراعى من الفرح نص فى الأرض ونص فى النعال ) ... دعواتكم دعواتكم
Post: #2 Title: Re: ألولف كتال يا أمريكا ___ وداعا وداعا Author: yasir Abdelgadir Date: 01-29-2009, 00:17 AM Parent: #1
سلام عثمان موسي
خير إن شاء الله
لسه الزمن بدري....أوباما يادوب بيقول يا هادي
من الصورة أتوقعك عثمان صديقنا في جامعة الخرطوم وإبن عطبرة
إذا كنت كذلك لك التحية وأرجو التواصل
أخوك : د. ياسر زين العابدين
Post: #3 Title: Re: ألولف كتال يا أمريكا ___ وداعا وداعا Author: Magdi Algorashi Date: 01-29-2009, 00:28 AM Parent: #2
اخي العزيز عثمان موسي
تحياتي
اخي عثمان ماتخلي ود العم (اوباما) يتمدي شوية
والبلد ملحوقة علي راي واح صاحبنا (اصلو العشرين سنة الاولي الواحد بكون مشتاق للسودان)
اخي عثمان ربنا يعدل ليك سبيلك وعودا حميدا مستطاب
ودي
Post: #14 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 04:06 PM Parent: #3
العزيز ودالقرشى سلامات كيفك يازول كلفورنيا الحبوب .. دعواتك . مع جزيل شكرى
Post: #11 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 06:01 AM Parent: #2
العزيز د/ ياسر زين العابدين كيفك ؟ الزمن طال ودايرين نتبن الاهل . وعطبرة فى البال . تحياتى وشكرى يا حبوب
Post: #26 Title: Re: ألولف كتال يا أمريكا ___ وداعا وداعا Author: Osman Musa Date: 01-30-2009, 03:37 PM Parent: #2
وداعا حبيبتى منهاتن
Post: #4 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 01:17 AM Parent: #1
وقال شيخنا الطيب صالح عن الرجوع ( العودة _ that I returned to my people . I learnt much . and much passed me by
Post: #5 Title: Re: ألولف كتال يا أمريكا ___ وداعا وداعا Author: يسرى معتصم Date: 01-29-2009, 01:24 AM Parent: #4
أنتم السابقون ونحن اللاحقون
Post: #6 Title: Re: ألولف كتال يا أمريكا ___ وداعا وداعا Author: عبدالعزيز الفاضلابى Date: 01-29-2009, 01:28 AM Parent: #5
جيتنا فى اللحم الحى
Post: #7 Title: Re: ألولف كتال يا أمريكا ___ وداعا وداعا Author: ابراهيم عدلان Date: 01-29-2009, 01:40 AM Parent: #6
يا عثمان مالك علينا ياخ
Post: #21 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 07:00 PM Parent: #7
العزيز ابراهيم عدلان سلامات يازول ما انت سيد الجى اف كى انت فى الباب .. لك التحية ياعزيز نشوفك هناك . تحياتى
Post: #8 Title: Re: ألولف كتال يا أمريكا ___ وداعا وداعا Author: عزيز عيسى Date: 01-29-2009, 01:55 AM Parent: #6
Quote: الولف كتال يا أمريكا
الأخ عثمان موسى،
هو فعلا الولف كتال.. بالرغم من إنني أتمنى لك التوفيق لكن أقول ليك البشم هواء البلد دي ويشرب من مويتها لابد أن يعود إليها مرة أخرى ولو بعد حين.. وكلامي دا إتذكرو كويس.. ونصيحة لما ترجع تاني ما تجلس في نيويورك.. أبحث عن ولاية ثانية.
Post: #22 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 07:23 PM Parent: #8
العزيز عزيز عيسى سلامات لكن ألولف كتال كتل جد جد . مارقين نطق الجرسة داخلين جرستيين .. نسوى شنو ؟ دعواتك تحياتى وشكرى
Post: #20 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 06:19 PM Parent: #6
العزيز عبدالعزيز الفاضلابى سلامات وينك يا برازر ؟ عليك امان الله بعد أيام تلقانى فى نص بنطون الفاضلاب كان الله هون .. اها شن قولك ؟ لكن يازول ألولف كتال وأمريكا الحبيبة تب ما قصرت . تحياتى وشكرى
Post: #18 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 05:12 PM Parent: #5
العزيز يسرى سلامات يازول كسلا التى أشرقت بها شمس وجدى فهى فى الحق الجنة . ولابد من العودة لتلك الجنات . دعواتك ياعزيز تحياتى
Post: #9 Title: Re: ألولف كتال يا أمريكا ___ وداعا وداعا Author: Osman Musa Date: 01-29-2009, 05:14 AM Parent: #1
الله يحل سواجير الجميع يارب يارب
Post: #10 Title: Re: ألولف كتال يا أمريكا ___ وداعا وداعا Author: Hisham Osman Date: 01-29-2009, 05:38 AM Parent: #9
مع السلامة
Post: #27 Title: Re: ألولف كتال يا أمريكا ___ وداعا وداعا Author: Osman Musa Date: 01-30-2009, 04:16 PM Parent: #10
H . osman كيفك ياعزيزى ؟ ارجو أن تكون عافية تحياتى
Post: #12 Title: تمنياتنا لكم بالتوفيق والسداد في سودان العزة والشموخ Author: Ridhaa Date: 01-29-2009, 11:01 AM Parent: #1
الأخ الخلوق عثمان موسى سلام ....
عديلة عليك محل ماتقبل .... تمنياتنا لكم بالتوفيق والسداد في سودان العزة والشموخ .