Post: #1
Title: ساخر سبيل ...أكثر 50 سؤالاً متداولة ...الفاتح جبرا ...
Author: سيف اليزل برعي البدوي
Date: 12-27-2010, 01:32 PM
- الشارع ده إتجاه واحد؟
2- الكهرباء رجعت؟
3- وح تودوهو الأردن؟
4- بتعرف ليك واسطة؟
5-الجمرة فضل فيها كم؟
6- الدولار عمل كم الليلة؟
7- الليلة هو اليوم شنو؟
8- تودينى المشوار ده بى كم؟
9- المويه دى عكرانة كده مالا ؟
10- معاك فكة؟
11- الظهر أذن؟
12-الجنوب ح ينفصل؟
13- العقد فى ياتو مسجد؟
14- القال ليك منو؟
15-مالك زهجان وقرفان؟
16- ماشى وين؟
17- الجاب القون منو؟
18- الحفلة بى ياتو فنان؟
19- دفعتا حق الإيجار؟
20-البوش ده عاوز زيت؟
21-الرسوم كم؟
22-منو فى الباب؟
23- الإجتماع إنتهى؟
24-عندك رصيد؟
25-الطماطم الليله عملت كم؟
26-عامل كيف مع الفلس؟
27- نتيجة الفحص طلعت شنو؟
28- وح تسموهو منو؟
29-الحرامى شال منكم شنو؟
30-موبايلى ختيتو وين؟
31- العيد إجازتو كم يوم؟
32-صرفو ليكم الماهية؟
33-الجاب الأقوان منو؟
34-الكورة ناقلنها فى التلفزيون؟
35- ده يا ربي رقم منو؟
36-متين اليوم إنتهى؟
37- شفتا الشريط بتاع الفديو؟
38- صحى التمباك ح يحظروهو؟
39- عربية النفايات جات؟
40-و ح تتم باقى الشهر كيف؟
41- شهادة البحث وين؟
42-العريس شغال شنو؟
43-الناس دى عايشة كيف؟
44-والبص القلبو شنو؟
45- الوزير جا من السفر؟
46-الرغيف ده وزنو مالو بقى كده؟
47-الزول ده جاب القروش الكتيره دى من وين؟
48-معقول طيارة واحدة ما تجى فى مواعيدا؟
49-الموظف الفى الشباك ده مشى وين؟
50-كان قدمتا ليهم ح يدونى مرابحة؟
كسرة :
سؤال إضافى : فى أمل الحالة دى تتصلح؟
http://www.rayaam.info/Raay_view.aspx?pid=835&id=66935
|
Post: #2
Title: Re: ساخر سبيل ...أكثر 50 سؤالاً متداولة ...الفاتح جبرا ...
Author: سيف اليزل برعي البدوي
Date: 12-28-2010, 01:56 AM
Parent: #1
Quote: -الناس دى عايشة كيف؟
44-والبص القلبو شنو؟
45- الوزير جا من السفر؟
46-الرغيف ده وزنو مالو بقى كده؟
47-الزول ده جاب القروش الكتيره دى من وين؟
|
|
|