ما طالا فى بحرك فى مى تمرك مفدع بالجريد شدرك أمد حد السمى طينك معتق بالطمى نبنيك أكيد نبنيك هوى نبنيك أيوه سوا ... سوا من نوع جديد يا ايد أبوى على ايد اخوى على ايدى أنا على ايد وايد نجدع بعيد فى اللجه من راس ميضنه حيكومة الفقر الكجار الكضبن والصهينة هى اللى نقاص أيامنا كاس اليا لطيف سوس البحر نرجم قفاه حجر حجر من ها ، الرصيف الما قدر قدام تريعة الموج يقيف ... الما نستر الأرزقية وناس مو ... يا نسقيها كاس اسقتنا ... يا نوريها كيف عشق الحياه سنانا فوق حجر القصاص تلقانا ناس ... ضرب البحر جواها أحر من الرصاص يا ضو حبيبين القسا طول ما انت غرقان فى الأسى تبت يدين ما ترمى ساس ماتبنى مجدك من جديد تفتح شبابيك الخلاص تدخل نسيمات النشيد تستقبلا بيت القصيد مستقبلا يا بلدى يا فردة جناحى التانى لما الناس تطير لى عالما يا وجعة الزول اليجيك ما يلقى فيك غير الهجير ...!!! وناسا تواتى مسالمه كل البشاشات القبيل يلقاها ميتى مسممه الجاتا ... جاتا من الأرض ما جاتا من تالا السما ماأعتى غبنك يا ولد وأعدل قضيتك وأعظما لا ترجع السيف الجفير والدنيا فايرى مصادما من غير تجيب تار البلد ريح العوارض تهزما تطرد مع ابليس الأخير ساعة الضلال من جنتك ، يا آدما تاكل من الشدر الحلال يغشاك نعاس فى ضل رمى تختاك هضاريب الصعب حرقة ليالى المظلما يابلدى لى خاطرك يطيب ضو القميرا الفى السما باسمك يهب الهمبريب نكشح تواريب الغضب بى عين قويه وفلهما نوبه وذنوج ، بجه وحلب عربان أشو ومولدين تلقانا أو نلقاكا ضد ظلمة ليالينا العجاف آمانا بيك وموحدين فى ايدنا فاس وقلم رصاص شتله وكمنجه ومسطرين وطبنجه فى خط التماس حراسه من كيد اليكيد والشوق حماس يوقد شديد بين كل ايد والتانية ايد نبنيك ومابننسى القصاص ومابننسى غيبتك يا شهيد.
طبعاً الكلمات لولدنا محمد الحسن حسن سالم (حميد)....
أهه يا شيخنا قصرت معاك؟
أكتر من كدة الليلة ما عندي وباكر بنشوف الباقي وصباحات الله بي خيرة (حميد) وما نبقى في الأبت تطلع لامن طلع من المدفع خازوق..... برضو (حميد)
Quote: أكتر من كدة الليلة ما عندي وباكر بنشوف الباقي وصباحات الله بي خيرة (حميد)
السنجك شكرا ات عارف حميد ابدع وكان ولكن انا حسيت انو حميد احبط كما احبط ناس كثر من امثاله ات عارف فى دعاء ماثور الهم ا متنى ان كان الموت خير واحيينى ان ان كانت الحياة خير لى ديل عايشين فى زمن غلط
