عايزين نشوف لو في زول عندو معلومة عن صاحب كلمات الأغنية وملحنها ، فنان الأغنية الأصلي أعتقد عبد الوهاب الصادق لكن ما متأكد ، لو في زول يؤكد أو ينفي المعلومة يكون تمام!!
برضو لو في زول عارف الود الفنان ده يورينا هو منو؟ وهسه وين؟
رغم إنو الفنان الشاب صوتو جميل ، لكن مشكلتو إنو بحاول يخش في صوت فرفور ودي مشكلة كبيرة بتواجه كتير من الشباب المبدعين ، أنا ما بحب صوت فرفور , صوتو عامل زي الزول الماسك قسطيرة في خشمو وبصفر فيها :
الأب نهر ولدو قال ليهو : يا ولد الجنريتر ده عامل إزعاج ، وقفو وشغل لينا شريط نسمعو. الولد وقف الجنريتر وشغل فرفور. الأب : يا ولد ده شنو ده الشغلتو ده؟ وقف الشريط ده وأمشي شغل الجنريتر تاني أحسن!!!