انفصال الجنوب.....واراجيف المركز

في كتاب ابيل الير(جنوب السودان والتمادي في نقض المواثيق العهود) كانت هناك ملاحظة عجيبة قد تمر على القاري العادي التفكير والسلوك...ان بعض النخب العربية ينظرون نظرة دونية للنخب الشمال السودانية بنفس القدر الذى ينظر اليه بعض نخب الشمال للجنوبيين ايضا...انتهى الاقتباس

ولان علم النفس السياسي علم جديد وتحت التجريب..ولكن قد يعطي رؤية واضحة عن الازمة النفسية وحالة الاسقاط السياسي التي يتساوى فيها حزب المؤتمر الوطني ومعارضة السودان القديم في النظرة لابناء الجنوب بانهم ناقصين عقل ودين...واذا انفصل الجنوب سيعاني من انعدام الامن والمجاعات وسيعجزون عن ادارة اقليمهم...والعديد من الاراجيف والاسقاطات اللاوعية للنخبة السودانية وادمان الفشل
والسؤال
هل الازمة الان في الجنوب ام في المركز؟؟ام هذه حالة حول سياسي...لم تجد طبيب عيون لتشخيصها او اصلاحها
نحن نحترم الاستفتاء ونتائجه كجزء اصيل من اتفاقية نيفاشا الدولية ولا يعدوا سواء فك ارتباط وعملية اجرائية لدولة قائمة من 2005..فاذا انفصل الجنوب من الواضح ان الذي سيعاني هوالشمال..لان الاستقرار مرتبط بالديموقراطية والمسؤلية والمؤسسية والاتساق مع المنظومة الدولية(الامم المتحدة) ولقد اثبت ابناء الجنوب انهم اكثر ديموقراطية ومسؤلية ومؤسسية منذ تجربتهم الاولى مع اتفاقية اديس ابابا(1972-1983 ) التي وفرت استقرار دام عشر سنوات قوضه الرئيس الراحل نميري وبطانته..كما انه بعد توقيع اتفاقية نيفاشا(2005-2011) ودخولها حيز التنفيذ تعامل ابناء الجنوب بمسؤلية مع رحيل قرنق ومع الانتخابات ومع الاستفتاء ومالاته بالحوار الجنوبي الجنوبي الذى افرز خارطة طريق واضحة تتداعي لها جميع ابناء الجنوب سواء كان الخيار المتاح وحدة او انفصال وهذه ايضا مؤسسية يفتقر اليها المركز منذ 1956

نظرية الجدادة والريش بتاعة الشيوعيين في استغفال الجنوبيين ايضا
هل مشكلة الجنوبيين نفط؟؟
طيب ما اصل 80% من نفط السودان عندهم واذا انفصلو وانتهت نيفاشا بكون حقهم...شنو تقول ليهم شيلو نفطكم كلو وصوتوا للوحدة
طيب كلام اتيم قرنق واااااااااااااااااااااضح

الوحدة باسس جديدة او الانفصال

بقى نعرف الاسس الجديدة دي شنو او نسال منها ياسر عرمان اصلو كلام ابناء الجنوب لا يجد اذن ضاغية للخلل السيكولجي المذكور في اعلاه
الحقيقة التي يراها البعض ويتعامى عنها البعض الاخر
اذا انفصل الجنوب حتما سيواجه شمال الانقاذ الفصل السابع ومخازيه وجرائمه الممتدة من 1989
ولعلمكم الفصل السابع احد ادوات التغيير في النظام العالمي الجديد والعراق ليس عنكم ببعيد وهو احد خيارات نشرتها ويكي ليكس

1-حول لا وجود للحركة الشعبية كحزب في الشمال بعد انفصال الجنوب
طبعا دي واحدة من اكبر الاراجيف التي لا يقبلها الذوق وليس العقل
لماذا يكون في الشمال اخوان مسلمين/مشروع مصري وبعثيين/عراقي وشيوعيين/روسي وسلفيين/سعودي..ما علاقة هذه المشاريع بالدولة السودانية
وشمال جنوب احسن تكون دقيقة
الشمال فيه مسلمين كثيرين لكن العرب هم فقط الرشايدة والزبيدية الباقي رطانة وزنوج ايضا ومافي عرب مشلخين

بعدين رجعنا لدجل الشريعة
الشريعة ليس قوانين جنائية تستخدم لازلال السودانيين وشرطة مختلة تطارد النسا حت داخل الستر والبيوت..
الشريعة نظام سياسي ايضا لا يسمح للمسيحي بولاية عامة ولا المراة مناصب القضاء والجيش...وقائم على الخلافة ويكون من ال لبيت(الخلافة في قريش) وفي مسيحيين في الشمال في جبال النوبة واقباط.. ووثنيين ايضا في جنوب النيل الازرق ..
اما عن الاقتصاد اسائلو التجاني عبدالقادر هو اعلم بالرسماليين الاسلاميين والفساد الملا البر والبحر والشعب السوداني لا يتضرر من السكارى وستات العرقي بل يتضرر من ارباب الثراء الحرام من اعجاز النخل الخاوية
عن الجنسية المزدوجة حدث ولا حرج الجنسية السودانية يدوها زمان للعرب المتتطرفين والليلة للعيبة الكورة رغم انه عندهم بلد وعلم مرفوع ويحرمون منها الجنوبيين...رغم ان دستور السودان يسمح بان يكون للواحد جنسيتين وجل الكيزان لهم جوزات اروبية وامريكية ويتباهون بوثائق الكفار التي حصلو عليها عندما ذهبو للدراسة في العلم الذي لا ينفع الذى تعوذ منه الرسول(ص)
......
نحن زمان بننصح اهل الانقاذ وثمود بالنذر
ونقول ليهم الرهان الذى يخرجكم من جحر الضب الخرب بتاع ايدولجية الاخوان المسلمين هو الوحدة باسس جديدة او الانفصال
لكن الليلة بنقول ليكم عديل
يا الوحدة باسس جديدة يا الفصل السابع اذا مشى الجنوبيين....ونذر الفصل السابع تتجلى في دارفور الان..
طبعا يقع عجز احزاب السودان القديم وبؤسها في زعاماتها...لا جابت مشروع بديل واضح يغني الشعب السوداني المؤتمر الوطني ومخازيه...ولا سكتت قعدت في الجير ووفرت ارواح الناس لي ما بعد الفصل السابع

هل المؤتمر الوطني حزب ام تنظيم؟
اذا كان حزب...كان حيكون حزب يشبه السودان وشعب السودان المغلوب على امره وكان فيه مؤسسية تجعلهم يبعدون الفاسد ويبقون الجيد حتى ولو كان في قمة السلطة بالوسائل الدستورية واللوائح الحزبية...كان اشعر المنتمين اليه بالفخر وليس كمثل العنبكوت اتخذت بيتا في البورد ديل

اذا تنظيم(عصابة اوغاد) لها جذور خارجية تحتقر الشعب السوداني وتعيش داخل نرجسيتها وسوء تقديرها لعواقب الامور وتهدد مستقبل السودان...فلماذا ينتمي اليه السودانيين الشرفاء حتى بعد وصولهم ارزل العمر لك لا علموا من بعد علم شيئا.. ويدافعون عن مخازيه التي لا تنتهي

المؤتمر الوطني تنظيم عقائدي(الاخوان المسلمين) وافد من الجارة مصر يستخدم كل اساليب الانظمة الشمولية
1- المؤلفة جيبوهم من عرب وعجم وافريقيين وسودانيين اعطوا ضمائرهم اجازة مفتوحة بدون مرتب
2- المغفل الما نافع....ما نافع لاننا في عصر العلم والمعلومات عصر مهما تكن في امريء من خليقة ان خاله تخفى على الناس تعلم

المغفلين الما نافعين في البورد والسودان ده...بفتكروا انهم بالدفاع عن مخازي المؤتمر الوطني ونشر الاراجيف ضد الحركة والمعارضة الشريفة...يطيلون عمر الانقاذ.... او رموزها الفاسدة...
عليم يتربصو فقط بعد الاسفتاء ليشاهدوا....الفكرة.....وفناؤها
والفلم الهندي ده دخلانه في العراق القديم وبالتفاصيل المملة
مش كان جعجعوا بالشريعة كان كتبوالله اكبر في علم السودان ذى العراق..ده ما بحلهم
ورموز المؤتمر الوطني من البشير الي الخفير...اما بسمعوا نصح الناصحين ويتغيروا ام يغيروا من جهة ليس لهم بها قبل...سيجدون انفسهم وحيدين وفي حفر ..ولن يجدي الخطاب العنصري البائس...وتشرزم خلف شعارات مستهلكة عفا عنها الزمن
....
والحركة الشعبية ومشروع السودان الجديد قاعد ومن نمولي للاسكندرية ولحدت يوم 9/9 /2011...اذا تغيير المركز وحتى ولو لم يتغير الاشخاص وتغيير جذرى...واصبح باسس جديدة...دولة مدنية فدرالية ديموقراطية واختفت كل الاحتقانات والقضايا العالقة في الشمال..ستكون الوحدة هي خيار ابناء الجنوب الذين اثبتو انهم اذكى مننا بمراحل...