يا جماعة ... خلافنا في شأن الوطن نرغب به في صناعة غد افضل

اتنين اصحاب
او قول انهم ما اصحاب
اولاد حلة واحدة ساي ..
و الحلة دي فيها مشكلة .. قول انو الخور بتاعها كاسر في الشارع و مغرقو
او قول انو الميدان بتاعها مضلم و بيتلمو فيهو رباطة بالليل
او قول ... قول اي حاجة .. المهم مشكلة بتاعة الحلة كلها ..
اها اخونا الاول دا رأي كان انو نردم الكسر بتاع الخور او ننور الميدان او .. اي حل اول للمشكلة الاولى
و اخونا نمرة اتنين كان رأيو انو نردم الخور كلو كلو و نغير المجرى بتاعو و نمشي للرباطة ديل ندقهم دق العيش عشان تاني ما يجوو الحلة ...

اها بدأو يتناقشوا يعمل رأي الاول و لا رأي التاني
اها كلمة من لكلمة من دا
اتشبطوا في بعض و دا قال لي دا ما عارف شنو و داك قال لي داك ما عارف ايه
و نسو الخور و الميدان و الحلة و بقو كل واحد بيفتش ليهو في نقيصة و لا مسبة للتاني
و طبعاً الموضوع جاب موضوع و امك و ابوك و اخواتك و اولاد عمك و جو بتاعين المطافي و بتاعين النظام العام و كل زول اخد ليهو خندق ووقف مع زولو
و جوا ناس اصلاً ما عندهم علاقة بالخور و لا بالميدان و لا هامهم الحلة في كتير و لا صغير لكن الغريب برضو بيقوا اصحاب رأي و رؤية نظرية و فكرية و فلسفية في شأن تنوير الخور و ترديم الرباطة ( و اهو كلو عند العرب مخلوط)


بالمناسبة : لا يزال خور الحلة كاسر السيل و لا تزال بنوت الحلة لا يخرجن من بيوتهن بعد مغيب الشمس مخافة الرباطة

خلافنا لو كان على شـأن الوطن كان المشكلته اتحلت زمان
لكم المشكله عشان المصالح ما اكتر
كل زول عايز حل يفيده فى المرتبه الاولى والقبل الاخيره

رانيا
دا ما خلافنا في شأن الوطن
دا خلاف مصالح تاني و كل المشاركين فيها مجرمين

انا حديثي عن شخصنة الصراع السياسي ، خصوصاً في المنبر هنا و هو لا يعود بفائدة مصلحية مباشرة على أحد
فليس ثمة من هو موجود بتكليف تنظيمي ما هنا من اعضاء المنبر ..

هو فعلا الصراع الهنا فظيع الله يهدى النفوس