Post: #1
Title: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: البحيراوي
Date: 12-20-2010, 10:16 AM
قيادات (اتحادية) بشمال كردفان تنضم لـ (الوطني)
الخرطوم: الابيض: حمد الطاهر: اعلنت مجموعة من قيادات الحزب الاتحادي الديمقراطي بولاية شمال كردفان، انسلاخها رسميا عن الحزب والانضمام للمؤتمر الوطني، وأدت المجموعة القسم امام نائب رئيس المؤتمر الوطني للشؤون السياسية والتنظيمية، الدكتور نافع علي نافع، وعضو المكتب القيادي بالحزب الدكتور عيسى بشري، ووزير الارشاد والاوقاف ازهري التجاني.
ورحب نافع بانضمام القيادات لحزبه ووجه بإفساح المجال لهم واشراكهم في في كافة مؤسسات الحزب السياسية والتنظيمية والتفيذية والتشريعية،
وقال عضو المكتب السياسي ومقرر لجنة الانتخابات بالحزب الاتحادي السابق ياسراحمد محمد هاشم الذي اعلن انضمامة للوطني ضمن المجموعة لـ» الصحافة « ان الخطوة جاءت للوقوف صفاً واحدا مع المؤتمر الوطني ،لمواجهة التحديات والمخاطر التي تواجه البلاد ،وعزا اسباب الانسلاخ الى ما اسماه فقدان الشفافية والوضوح والواقعية في الحزب الاتحادي، وارتكازه على الارث التاريخي القديم وعدم موافقة خطابه السياسي للمرحلة ومجريات الساحة السياسية بالبلاد.
واوضح ان المجموعة المنضمة تتكون من 11 الفا من قيادات الاتحادي وعلى رأسهم الامين العام للحزب بالولاية الشيخ محمود عبد الرسول، ومساعده لشؤون التنظيم خليفة احمد محمد، ومساعد الامين العام لاعلام والفكر والثفافة ، عوض الله جاد كريم، ومساعد الامين العام للطرق الصوفية الشيخ حسين ادم رابح، وعضو المكتب السياسي محمد عبد الله شرشير.
|
Post: #2
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: أحمد الشايقي
Date: 12-20-2010, 10:29 AM
Parent: #1
سلام يا بحيراوي
11 ألف عضو في الاتحادي الديمقراطي ؟ بالله معقولة دي ؟؟؟؟
الاتحادي الديمقراطي (حسب نتائجهم) لم يحرز 11 ألف صوت في كل شمال كردفان ......
طيب ديل كانوا وين يا سعادتو ؟؟؟؟؟
الله يطمنكم يا داب كدا عرفنا الحزب دا (كان) عنده جماهير .. لما جات الانتخابات الـ (فاتت)
أحمد الشايقي
|
Post: #3
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: شكرى سليمان ماطوس
Date: 12-20-2010, 11:16 AM
Parent: #2
يا تو إتحادى و ياتو ديمقراطـــــــــى !!!
مش كان يفصلواا لينا الصنف !
اصلوا الحكاية جاطت
و خربانة أم بناية قش
--------
سلام بحراوى / أحمد الشايقى
ش
|
Post: #4
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: البحيراوي
Date: 12-20-2010, 11:27 AM
Parent: #3
سلام شكري والشايقي
بالله مش عدد محترم . بالطبع قاصدين الإتحادي الاصل حسب تسميتهم للحزب الإتحادي الديمقراطي وهم عارفين كيف قسموا الحزب لكيمان فرعية ثم تفتحت العبقرية وابقوا علي الأصل في المسمى.
بالله مش حاجة غريبة مدير جهاز الأمن والمخابرات يطالب قيادات الأحزاب وأحزابهم لتعلية سقفهم في التحديات التي تواجه الوطن . ويسافر دكتور نافع والوزير أزهري التجاني لشمال كردفان عشان يكبروا كومهم بهذه الطريقة. بالله دي تجي كيف يا الشايقي؟
بحيراوي
|
Post: #5
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: صديق محمد عثمان
Date: 12-20-2010, 11:46 AM
Parent: #4
يا بحيراوي سلام
أكان الدين بالمراض واليمين مطلوق منو البفوز على ميرغني عبدالرحمن في الأبيض السيد محمد عثمان الميرغني نفسه لو نافس ميرغني عبدالرحمن لما فلح لكن جماعتنا فالحين فلاح جد أهه جابو ليك 11 الف لا بسين بلياقة وبياكلوا مولد الختم كل أسبوع وينضموا للوطني عندك كلامفوق الكلام ده
تحياتي
|
Post: #6
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: البحيراوي
Date: 12-20-2010, 04:08 PM
Parent: #5
Quote: يا بحيراوي سلام
أكان الدين بالمراض واليمين مطلوق منو البفوز على ميرغني عبدالرحمن في الأبيض السيد محمد عثمان الميرغني نفسه لو نافس ميرغني عبدالرحمن لما فلح لكن جماعتنا فالحين فلاح جد أهه جابو ليك 11 الف لا بسين بلياقة وبياكلوا مولد الختم كل أسبوع وينضموا للوطني عندك كلامفوق الكلام ده
تحياتي |
العزيز صديق
تحياتي - بالطبع هناك أسماء كالشهب في سماء السياسية السودانية إختلفت أو إتفقت معهم لا يتصور المرء بقاءهم خارج اللعبة السياسية في حالة سيادة مبدأ الشفافية والنزاهة . لكن في هذا الزمان أصبح كل شئ جائز وأضف عندك الأستاذ إبراهيم الشيخ بدائرةالنهود.
لكن أهلنا قالوا كان تكلمنّا تقلمنّا وكان سكتنا علي الوجيع
إلا زمان أهلنا قالوا لينا أم المك عزباء غايتو.
بحيراوي
|
Post: #7
Title: Re: 11 ألف كانوا إتحاديين بشمال كردفان ولم يفوز الحزب بدائره ؟؟ يا النبي
Author: Saadan Ibrahim
Date: 12-21-2010, 02:25 AM
Parent: #6
البحيراوي بالله اسكت ...انتو ناس الخوي السيد الرئيس ونائبه ومساعده مهتمين بيكم جدا وكمان ادوكم محليه وبنوا لكم قصر ماله مثيل للسيد المحافظ والخير جاري عليكم تقله شنو الجاييكم
|
|