Post: #1
Title: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:11 PM
Parent: #0
بداية فلنحسن الظن ونقول دا (حرامي) لانه شال اللاب توب والتلفون
وخلي كمرتين واحدة Canon و التانية JVC
وكان سرقتهم أسهل
ومن منطلق حسن هذا الظن يا اخوانا لو واحد مر عليه لاب توب Hp
شاشته مكسرة ومع هذا اللاب توب موديوم كنار نرجو منه الاتصال بنا
علي الرقم 00249123595667 ودا تلفوني أنا بخاري
|
Post: #2
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:13 PM
Parent: #1
والي حين تدبير الامر وتوفير معدات عمل جديدة
ستتغيب نجلاء عن المنبر العام ..
|
Post: #3
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: Yassir Tayfour
Date: 12-19-2010, 02:16 PM
Parent: #2
في ميزان حسناتها يا بخاري،
__
لك أن تطلق على السارق "قدو قدو"، حتى إشعار آخر..
|
Post: #4
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: كمال عباس
Date: 12-19-2010, 02:21 PM
Parent: #3
تحياتي
......... نجلاء وبخاري
وربنا يعوض عليكم........ بس أوعي يكون دا حرامي الغوشاية بتاعت
ناس أستاذنا محجوب شريف !!??
خلوا بالكم كويس الحرامية الأيام دي سمها فائر ودليلها حائر!!
|
Post: #5
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:25 PM
Parent: #4
| Quote: لك أن تطلق على السارق "قدو قدو"، حتى إشعار آخر.. |
طبعاً يا ياسر قدو قدو هو الاكثر شهرة الان ..
نجلاء عيانة وانا صحيت بدري لتدبر أمر البنات والمدارس
ولان قومة ستة ونص صعبة ، قلت لهم الزول بصحي الصباح
جسمه مكسر التقول داقيهو قدو قدو
|
Post: #6
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:27 PM
Parent: #5
Quote: تحياتي
......... نجلاء وبخاري
وربنا يعوض عليكم........ بس أوعي يكون دا حرامي الغوشاية بتاعت
ناس أستاذنا محجوب شريف !!??
خلوا بالكم كويس الحرامية الأيام دي سمها فائر ودليلها حائر!!
|
يا كمال والله ربنا يعوض ..
قولنا كدي نحسن الظن ويطلع حرامي عادي
|
Post: #7
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: محمد زكريا
Date: 12-19-2010, 02:30 PM
Parent: #3
Quote:
وخلي كمرتين واحدة Canon و التانية JVC |
والله حرامى بليد لكن
الحمدلله طلع حرامى ..............ما بتاع امن
Quote:
شاشته مكسرة ومع هذا اللاب توب موديوم كنار نرجو منه الاتصال بنا
|
ما ح اوعدكم بلابتوب جديد.....لكن بالجد بعد كل الانجازات دى واللابتوب مكسور......اقل هديه ممكن تكون من المناضلين
===
سننسق
|
Post: #8
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:36 PM
Parent: #7
Quote: والله حرامى بليد لكن
الحمدلله طلع حرامى ..............ما بتاع امن |
صديقنا محمد الذي بتلك البلاد الباردة الايام دي
زول بخلي كمرتين ويشيل لاب توب مكسر أكيد ( حرامي ) موش كده ؟
|
Post: #9
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: النذير حجازي
Date: 12-19-2010, 02:52 PM
Parent: #8
يا سلاام عليك يا ود زكريا
يلا أفتح بوست ومائة دولار مائة دولار
ونجيب ليها لاب توب طيارة بس
عزيزنا بخاري أكاد أجزم بأن هذا
السارق له علاقة بالأمن أو كيزان سودانيز أون لاين
والهدف هو الملفات التي باللاب توب
تحياتي واللي جاتكم في مالكم سامحتكم
|
Post: #10
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 02:56 PM
Parent: #9
| Quote: يلا أفتح بوست ومائة دولار مائة دولار |
النذير
كده الواحد يموت مطمئن علي قول الوغد صديقنا معاوية العبيد ..
سبق وان قال لي موت ساي يا زول العوجة ما بتجئ لي اولادك
|
Post: #11
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: amin siddig
Date: 12-19-2010, 03:20 PM
Parent: #10
معقول يكون حرامي عادي بالبلادة دي ؟
يعني بليد زي الحرامي الداسي القروش في إنجلترا ؟
|
Post: #12
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: hamid abdalah
Date: 12-19-2010, 03:22 PM
Parent: #10
Quote: يا سلاام عليك يا ود زكريا
يلا أفتح بوست ومائة دولار مائة دولار
ونجيب ليها لاب توب طيارة بس |
|
Post: #13
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: محمد زكريا
Date: 12-19-2010, 03:22 PM
Parent: #10
سلام اخ حجازى
Quote:
يا سلاام عليك يا ود زكريا
يلا أفتح بوست ومائة دولار مائة دولار
ونجيب ليها لاب توب طيارة بس
|
انت اول واحد فى اللسته.......
تعرف ولا ميه دولار بس.........اى مبلغ ان شاءالله دلار .....ايرو.درهم..ولا ريال واحد بس بيعمل شىء
تعرف انا فكرت انه ممكن يكون فى استديو تلفزيونى ومحطه ارسال عديل قبل كده..وما صعبه
اها بعد الاذن من الاخ بخارى وحرمه.......ممكن ننسق؟
|
Post: #14
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: الفاتح علي التوم
Date: 12-19-2010, 03:35 PM
Parent: #13
يا نجلاء مبروك وعجبني ليك
يا عدوه قوي الظلام
ويا ملاحقه من يحاولون دائما
تغبيش وعي الناس
|
Post: #16
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: النذير حجازي
Date: 12-19-2010, 03:52 PM
Parent: #14
يا ود زكريا نسق طوالي، ونشوف لينا زول في السودان
يستلم المبلغ ويسلمو لبخاري أو نجلاء وأقترح الأخ محمد هاشم
أو أي واحد تاني، وهسا ماشاء الله القائمة فيها تلاتة أشخاص
وأنا بضيف ليهم كوستاوي و محمد محمود (وسام)
القائمة:
1) محمد زكريا
2) النذير حجازي
3) حامد عبد الله
4) نصر الدين هجام (كوستاوي)
5) محمد محمود (وسام)
|
Post: #18
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: النذير حجازي
Date: 12-19-2010, 04:00 PM
Parent: #16
تنويه: يا شباب أي واحد ح يمد رأسو بمداخلة
ح نسجلو في القائمة 
زي جورج بوش الابن بعد سبتمبر إليفن، قال أنا
ما عايز زول يطبطب لي أو يعزيني أنا عايز آكشن
عندك مقدرة تساهم بقروش مرحب، عندك مقدرة
تساهم بي جنود مرحب
|
Post: #20
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: عبدالمجيد المقابل
Date: 12-19-2010, 05:03 PM
Parent: #18
بخاري كفارة و ربنا يعوضكم
=
حادث سرقة غريب !! لكن يمكن الحرامي عندو ضعف نظر ( بعد نظر ) .
=
تلفونك مقفول !
|
Post: #21
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: معاوية عبيد الصائم
Date: 12-19-2010, 05:15 PM
Parent: #20
Quote:
كده الواحد يموت مطمئن علي قول الوغد صديقنا معاوية العبيد ..
|
شوف يابخارى
من الاخر كداااا
انا بتهم سليمان الع ب
طه جعفر
مرتضى جعفر
وحسين النور متهم احتياطى
شكرا
|
Post: #22
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: صديق عبد الجبار
Date: 12-19-2010, 05:30 PM
Parent: #21
الأعزاء بخاري ونجلاء .. تحية عطرة .. وألف كفارة ...
الجاتكم في لاب توبكم وجوالكم سامحتكم ..
إنشا الله تعيشوا .. وما تاخدوا غيرها !!
البركة في الصحة والعافية وراحة البال ... والعيال .. ربنا يخليكم ويخليهم !
تحياتي
|
Post: #23
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: محمد زكريا
Date: 12-19-2010, 05:44 PM
Quote:
يا ود زكريا نسق طوالي، ونشوف لينا زول في السودان
يستلم المبلغ ويسلمو لبخاري أو نجلاء وأقترح الأخ محمد هاشم
أو أي واحد تاني، وهسا ماشاء الله القائمة فيها تلاتة أشخاص
وأنا بضيف ليهم كوستاوي و محمد محمود (وسام)
القائمة:
1) محمد زكريا
2) النذير حجازي
3) حامد عبد الله
4) نصر الدين هجام (كوستاوي)
5) محمد محمود (وسام) |
النذير حجازى طيب ما ياهو انت قمت بالتنسيق على طول... ..شغل نضيف
تعرف فى ناس رسلو لى فى المسنجر انهم مستعدين للمساهمه بدون ذكر الاسم
طيب خلينا فى المهم.الشغلانه ما محتاجه تنسيق واجنه وووو
للناس الداير تساهم من خارج المنبر
انا ح اخت لاالايميل ده والمستعد للاتصال برضو ممكن بعد ما يخت تلفونه بنتصل بهم انحنا
[email protected]
بالنسبه ل حميضه.......ما تتظارف وتتراشق.........داير تساهم ساهم ما داير .....ما تتمسخر لينا هنا بالله
|
Post: #25
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 06:45 PM
Parent: #24
Quote: بخاري كفارة و ربنا يعوضكم
=
حادث سرقة غريب !! لكن يمكن الحرامي عندو ضعف نظر ( بعد نظر ) .
=
تلفونك مقفول ! |
يا دكتور ازيك ياخ .. التلفون بفتحه بكرة ومنتظر منك رنة ..
|
Post: #26
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: الفاضل يسن عثمان
Date: 12-19-2010, 07:05 PM
Parent: #25
بخاري وقريبتي نجلاء والبنات:
كفاره في اللاتوب والموبايل.
وبدون تأويل دي شغل حرامية مدمشق
اللستة والقائمة لو جاءت هنا مابنقصر.
قريبتي تستحق، المساهمة طبعا.
كفارة بخاري.
|
Post: #27
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-19-2010, 07:08 PM
Parent: #25
Quote: شوف يابخارى
من الاخر كداااا
انا بتهم سليمان الع ب
طه جعفر
مرتضى جعفر
وحسين النور متهم احتياطى
شكرا |
يا معاوية زمان في امتحانات الجامعة بدوك اربعة اجابات واحدة منهم صحيحة
وعشان تصل للاجابة الصحيحة عليك اولا استبعاد النتائج الغلط :-
حسين النور .. أشتري بيت وبقي مدير كبير في دال ( يستبعد )
سليمان ال ع ب .. قاعد في الدمازين وبقي حاجة كبيرة لدرجة انه ما اشتغل برسالتي له ( يستبعد )
طه جعفر بقي اديب يفوز بالجوائز وما فاضي لي ( يستبعد )
مرتضي جعفر الايام دي في اجازة معانا وكان ( بايت ) معاي قبل يومين كده وقلت له انا مفلس اداني فقط 20 جنيه
وكان عنده ما مجموعه 40 جنيه وارهق لي ميزانية البيت بالطلبات فول وما عارف شنو وشنو ( انت رأيك الاجابة الصحيحة ياتها ؟ )
يا وغد داير تفتني مع اصحابي
|
Post: #28
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: معاوية عبيد الصائم
Date: 12-19-2010, 07:14 PM
Parent: #27
Quote:
مرتضي جعفر الايام دي في اجازة معانا وكان ( بايت ) معاي قبل يومين كده وقلت له انا مفلس اداني فقط 20 جنيه
|
بارك الله فيك يا رجل
والله اعلم
|
Post: #29
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: محمد زكريا
Date: 12-19-2010, 10:54 PM
Parent: #28
يا شباب ما قلنا مرور ساى بالمجان ما ينفع
اللسته هسه فيها سته اشخاص..لحدى الويكيند الجاى دايرين لينا اربعتاشر نفر بس
يلا يا ناس الخليج شنو لبدتو كده......يعنى ناس امريكا واوربا بس اجدع ناس
قبل الارشفه الماك لازم يصل.....واضعف الايمان البوست ما ينزل
====
فوق
|
Post: #30
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: Amani Al Ajab
Date: 12-19-2010, 11:06 PM
Parent: #29
كفارة وربنا أعوضكم ..
والجاتك في مالكم سمحتكم ..
التحية لك الأخ بخاري وللحبيبة نجلاء
ولاسرتك الكريمة ..
|
Post: #31
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: naeem ali
Date: 12-20-2010, 00:08 AM
Parent: #30
الجاتك في مالك سامحتك يا صديق..
تحياتي واحتراماتي لك وللاسره الكريمه..
|
Post: #32
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: فيصل الباقر
Date: 12-20-2010, 00:20 AM
Parent: #30
العزيز بخارى و العزيزة نجلاء
تحياتى ..و إحترامى و تضامنى و كفارة . و الجاتكم فى لابتوبكم و موبايلاتكم "سامحتكم " .. و قالوا يا العزيز : اسأل مجرّب .. ما تسأل طبيب " .. شخصى له تجربة مع هّّا النوع من " الحرامية " راجع الميدان - عمود مدارات .. أصل الحكاية : و الدنيا عيد .. كسر الحرامى باب الشقة .. و سرق اللاب يوب يتاعى .. و خلّا كل شىء فى البيت كما هو !!. فتحت بلاغ فى الشرطة .. جات الشرطة و شالت البصمة . وظللت أسأل و اتابع لفترة " روح و تعال " .. و وحات خوّتك لى هسى ما قبضو الحرامى .. بينى و بينك ناس الشرطة ذاتهم كانوا مرّات بيلمحوا لى ..هم ذاتهم ما بيقدروا يصرحوا فى سرقات حرامية اللابتوبات ديل ..
المهم يا عزيز : اليقظة ... الحذر ... الإستعداد .
|
Post: #33
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: سيف اليزل برعي البدوي
Date: 12-20-2010, 01:05 AM
Parent: #32
الف كفارة يا بخاري ويا نجلاء
انها محاولات لتعطيل النضال بكاميرا فضحت نظام بحاله..
ويا لها من ضريبة..
تكرار السرقة وراءه ما وراءه
مية المية بيكون حرامي امنجي
الله لا كسبه
لكم خالص مودتي
سيف
|
Post: #34
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: بخاري عثمان الامين
Date: 12-20-2010, 07:06 AM
Parent: #33
Quote: يا شباب ما قلنا مرور ساى بالمجان ما ينفع
اللسته هسه فيها سته اشخاص..لحدى الويكيند الجاى دايرين لينا اربعتاشر نفر بس
يلا يا ناس الخليج شنو لبدتو كده......يعنى ناس امريكا واوربا بس اجدع ناس |
تسلم يا محمد زكريا
نجلاء تشكرك كثيرا انت وباقي الشباب وقد وجدت عرض
جيد جدا وخشت في لاب توب جديد باقساط مريحة وقالت
لك وفر هذا الجهد للتقيلة ...
|
Post: #37
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: mayada kamal
Date: 12-20-2010, 08:24 AM
Parent: #9
Quote: عزيزنا بخاري أكاد أجزم بأن هذا
السارق له علاقة بالأمن أو كيزان سودانيز أون لاين
والهدف هو الملفات التي باللاب توب
|
مع احترامي للاخ بخاري عثمان الامين
أقول للسيد نزير ملفاتكم دي تبلوها وتشربوا مويتها
لا الكيزان ولا الامنجية فاضين ليكم
ولو داير لابتوب انا ميادة كمال الموظفة بتبرع ليك بيه
انتو شغالين بي نظام تكذبوا الكذبة وتصدقوها ولا شنو
والبتعمل فيه الاخ/ت نجلاء دا
بيعتبر (نضال) في فهمكم انتو بس
ورغم اني اتضامن معهم في السرقة التي تعرضوا لها
واششجب وادين واستنكر كمان
الا انو مافي دليل انو السارق هو زول كوز او امنجي
فما تعملوا (هالة) حوالينكم سااااي
الف الف كفارة ليك يا اخ البخاري
|
Post: #38
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: محمد زكريا
Date: 12-20-2010, 10:51 AM
Parent: #37
Quote:
تسلم يا محمد زكريا
نجلاء تشكرك كثيرا انت وباقي الشباب وقد وجدت عرض
جيد جدا وخشت في لاب توب جديد باقساط مريحة وقالت
لك وفر هذا الجهد للتقيلة ... |
يا زول !!!!!..كويس مبروك برضو
طيب ربنا ما يجيب التقيله وانشاء الله تلقوا الشباب فى كل وقت وربنا يقدرنا ان نكافىء عطاوكم
|
Post: #41
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: saif massad ali
Date: 12-20-2010, 12:02 PM
Parent: #38
ربنا يعوض بي ابرك
محمد زكريا انا معاكم
كان قلتو كلو اشتريهو لوحدي قبلان
يانجلاء ربنا يكتب ليك السلامة
دي عين معاوية الصائم ماوقعت واطة
|
Post: #43
Title: Re: سرقنا مرة أخري / لاب توب وتلفون ( نجلاء سيد أحمد ) ...
Author: انعام حيمورة
Date: 12-20-2010, 12:52 PM
Parent: #41
كفااارة يا بخاري ونجلاء
ما تستاهلوا والله ..
ربنا يعوضكم ان شاء الله خير
خلوا بالكم وقفلوا كويس ولا ارحلوا من الشقة دي ياخ الحتة دي حراميتها كتار وطوالي ناطين ليكم
|
|