نكتة هدية/ لكل البورداب و القراء و لبكري وناس الإدارة.

النكتة هدية للكل, و لي ناس إدارة المنبر بمناسبة إقتراب موعد الأرشفة و الشغل الكتير الراجيهم.
العندوا نكات بالله ينزلها, نفرفش شوية لانو أكيد كلكم دايرين تنفجرو بي الأخبار الغير سارة في بلدنا.


-------------------------------------------------------------
قال ليك:
حلفاوى"عامل فيها شيخ" خطب خُطبة الجمعة, و بعدما انتهي سال صاحبو رايك شنو في خطبتي ؟
-صاحبو قال ليهُ: كويس بس عندك عشرة اخطاء!!:
أولا : المنبر عندو سلم مافي داعي تتلب .

ثانيا : حكاية السجارة بين الخطبتين دي شنو .

ثالثا : ماحصل سمعنا بصحابي اسمو تامر.

رابعا : ابو جهل صاح كافر بس ود الحرام دي مافي داعي ليها.

خامسا : الملك فهد ما شارك في صلح الحديبية ..

سادسا : غزوة بدر الكبرى ما كانت بالطيارات ..

سابعا : غزوة الخندق ما استعملوا فيها الاسلحة الكيماوية ..

ثامنا : السفة فى نص الخطبة ما صح ..

تاسعا : امية بن خلف صحيح باع بلال بن رباح لكن ما لناس برشلونة

عاشرا : ايد على ايد تجدع بعيد ده مثل ما حديث شريف

مرحبا بيكم وبنكاتكم.






--------------
انا عندي نكتة آخري بيخصوص المحكمة الجنائية. ما حنزلها إلا بعدما واحد فيكم يشاركنا بنكتة.

كان ما اخاف الكضب الامام ده صديقنا فيصل محمد صالح

شكراً لهذا البوست وسط هذا الكم الهائل من الاخبار السيئة من الوطن

------------------------------------------------------------------
هذهـ الطرفة حقيقية تفاصيلها حدثت فى قرية نوبية فى أقصى شمال السودان

يقال بان شخصين ذهبا الى عبري ممثلين لقريتهم فى المجلس المحلي ولما عادوا الى قريتهم عقدوا بقريتهم إجتماع جمعية عمومية بالنادي لتوضيح ما دار فى إجتماع عبري, فبدأ احد منهم بالحديث عما دار فى عبري ... احد الحاضرين طلب فرصة وقال نحن عايزين نعرف الحصل فى الإجتماع بالتفاصيل المملة ... فكرر لهم ... هل تريدون التفاصيل المملة فقالوا نعم ... صاحبنا إتصلح فى جلسته وبدأ الحديث منذ ان صحي فى صباح ذلك اليوم قبل ان يذهب الى عبري وبدأ بقوله أنه بدأ يومه بسجارة قمشة حارة جعله يحكح حتى وصوله جوار المركب الذي نقله الى البر الشرقي ووجد عربة بوكسي ذهب بهم الى عبري وكان بداخل البوكس نفر كريم من قرية كذا وكذا وتونس معهم حتى وصل عبري ... فقال لمن وصلنا عبري كنا جاعانين شديد ففضلنا أن نفطر ... طلبنا فول وعدس وكبدة ... بعدما شبعنا قلنا نشرب لينا كمان بيبسي ...فقال باللغة النوبية
" بالحقيقة بيبسي توكون جوقرا منو " = البيبسي كان حار

حينها المجتمعين ملوا من الاجتماع وطلبوا منه ان يحكي ما دار بالإجتماع بدون تفاصيل مملة واعتذر من طلب التفاصيل المملة (للامانة حذفت كثير من التفاصيل حتى لا تكون مملة)

فإنتبهوا ما تطلبوا مننا نفاصيل مملة

خالد العبيد ترجيحك وارد بنسبة 99.9%