Post: #1
Title: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 08:44 AM
والله السودان دا حيرنا في كل شيء!!
|
Post: #2
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 08:47 AM
Parent: #1
Quote: جاء علي لسان مصدر مسئول بلجنة تسجيلات وانتقالات اللاعبين باتحاد الكرة والذي كشف معلومات مهمة ومثيرة لقوون اكد خلالها استحالة تعاقد المريخ مع الحارس المصري عصام الحضري بقوة القانون معضدا ذلك بعدة عوائق وعراقيل قانونية ستصيب مسئولي المريخ بالرعب واوضح المصدر المسئول بلجنة التسجيلات ان المادة 30 من القواعد العامة لاتحاد كرة القدم السوداني قد نصت بوضوح لا لبس فيه وفي ثلاث فقرات كما يلي:
أ ـ يكون اقصي عدد للاعبين الاجانب متعاقدين او هواة في النادي الواحد ثلاثة لاعبين فقط.
ب ـ ولا يجوز لاي ناد بالدرجة الاولي او الممتازة تسجيل اي لاعب اجنبي في خانة حارس المرمي.
ج ـ لا يجوز تسجيل اي لاعب اجنبي بالدرجة الثانية او الثالثة الا اذا كانت اسرته مقيمة بالسودان.
|
رمضان في جريدتو الليلة!!
معقولة بس؟؟
|
Post: #3
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبدالمجيد الكونت
Date: 12-18-2010, 08:54 AM
Parent: #2
والجوطة حق الحضري دي كلها ساااااي
|
Post: #4
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عادل عوض بلال
Date: 12-18-2010, 09:12 AM
Parent: #3
والله ناس المريخ عارفين كل شيء لكن واثقين من اتحاد معتصم في إيجاد المخرج
ذي ما عملو استثناء للحارس ياسين ... ورفضو لفيصل موسى التسجيل للهلال
اصلو البلد خربانة في كل المرافق ....
|
Post: #5
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 09:15 AM
Parent: #3
| Quote: والجوطة حق الحضري دي كلها ساااااي |
ياكونت حبابك،،
المشكلة الموضوع فيهو مشاكل بين الحضري ومصر كلها،،
والراجل الآن عايز يتقدم بفسخ عقده مستفيدا من قانون الفيفا،،
يعني ممكن بعد دا كله يجي المريخاب يقولو ليهو : سوري والله ماكانا عارفين؟؟
|
Post: #6
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 09:19 AM
Parent: #5
Quote: والله ناس المريخ عارفين كل شيء لكن واثقين من اتحاد معتصم في إيجاد المخرجذي ما عملو استثناء للحارس ياسين ... ورفضو لفيصل موسى التسجيل للهلال
اصلو البلد خربانة في كل المرافق .... |
والله تبقى الحكاية بقت رجالة ساي يا خوي عادل،،
أعتى الدوريات متابعنها لينا سنين : يوم واحد ما سمعن صوت
لأتحاد عمل مخالفة ولا جامل فريق ضد الفرق الأخرى:
إلى متى يظل قانون (المحاباة القهرية) سائداً في إتحاداتنا؟؟
يظل شداد هو العنصر الأكثر حزماً في تاريخ الكورة السودانية!!
|
Post: #7
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: فتحي الصديق
Date: 12-18-2010, 10:18 AM
Parent: #6
بيسجلوهو بموجب اتفاقية الحريات الأربع يا عبداللطيف ...
فيها حق العمل .. والراجل( شغال) حارس مرمى طبعا ..
البلد كلها ماشة على البركة ..قول يا لطيف .
|
Post: #8
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: محمد البشرى الخضر
Date: 12-18-2010, 10:49 AM
Parent: #7
غالبا ح يتجنس اولا و كسوداني مافي لائحة بتمنع التعاقد معاه
شداد كان بعتمد على انو الدولة ترفض تجنيس حراس المرمى
مفروض الاتحاد يلغي القيود المفروضة على انتقالات اللاعبين ما دام بساعد بنفسع على عدم احترامها
|
Post: #9
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 11:47 AM
Parent: #7
Quote: بيسجلوهو بموجب اتفاقية الحريات الأربع يا عبداللطيف ...
فيها حق العمل .. والراجل( شغال) حارس مرمى طبعا ..
البلد كلها ماشة على البركة ..قول يا لطيف . |
الأخ / فتحي ،،
أنا شاكي إنو الموضوع دا فيهو شيء ماطبيعي ، لأن الحضري
ليس الحارس الخلااااااص يعني ح يحل مشكلة المريخ في حراسة
المرمى!!
الحريات الاربعة دي من طرف واحد ولا شنو يابو الفتوح؟؟
|
Post: #10
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: فايزودالقاضي
Date: 12-18-2010, 11:52 AM
Parent: #9
عبداللطيف ..سلام ..
نحن بنينا المقصورة يغلبنانلقى مخرج للحضري ....المريخ زعيم وسيد بلد والقروش عندنا والحكومة حقتنا..تاني في حاجة ؟!!!
|
Post: #16
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 05:02 PM
Parent: #10
Quote:
عبداللطيف ..سلام ..
نحن بنينا المقصورة يغلبنانلقى مخرج للحضري ....المريخ زعيم وسيد بلد والقروش عندنا والحكومة حقتنا..تاني في حاجة ؟!!!
|
والله ياود القاضي تاني مافي أي حاجة!!
بس شايف اليومين دي في كلام عن فلوس الحكومة الميارات دي: أرجوكم تسردبو وما تجرجرونا معاكم!!
ههههههه!!!
|
Post: #11
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: عبد اللطيف بكري أحمد
Date: 12-18-2010, 11:54 AM
Parent: #9
Quote: غالبا ح يتجنس اولا و كسوداني مافي لائحة بتمنع التعاقد معاه
شداد كان بعتمد على انو الدولة ترفض تجنيس حراس المرمى |
يتجنس بعدين يتسجل : هو التجاوز بعينه،، أسهل إجراءات تجنس في العالم
عندنا في السودان ،، المشكلة لو سوداني من الداخل عايز يطلع جنسية بيكون
عايز ليهو زي شهر كدا لما فترة التسجيلات تقفل !!
في أسبانيا : يمضي اللاعب سنتين لاعباً محترفاً في فريق من ثم يحق له الترشح
لنيل الجنسية بعد أن يؤدي فروض الولاء والطاعة للملك ويقسم على دلك ،
بسبب المشكلة دي طار (إيتو) من ريــال مدريد إلى يومنا بسبب عدم وجود
خانة لغير الأسبان
| Quote: مفروض الاتحاد يلغي القيود المفروضة على انتقالات اللاعبين ما دام بساعد بنفسع على عدم احترامها |
والله يحفظ ماء وجهه حينها وينال إحترامنا!!
سملت ياحبيب على المرور،،
معاً ضد تجنيس الحضري!!
أو تجنيس كل السودانيين الموجودين بالقاهرة!! (لمن رغب طبعاً يابشاشا)!!
|
Post: #12
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: ياسر بيناوي
Date: 12-18-2010, 12:03 PM
Parent: #11
لا للقوانين المقيدة لتسجيل المواسير
والله لو ناس الاتحاد رفضو للمريخ تسجيل الحضري
نطلع الشارع ويمكن نقلب الحكومة ذاتو
معقولة لكن ؟
ضروري ضروري تسجيل الحضري للمريخ
عشان نسمع السنة الجاية
الحضري اهدي الهلال كاس السودان
غايتو يامعتصم لو بالجد رفضتو تسجيل الحضري للمريخ
كدة حتأكد مريخيتك وبالجد قلبك علي المريخ
وبتشوف ايي حاجة تضر الهلال
خالص الود
|
Post: #13
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: وليد عبد اللطيف
Date: 12-18-2010, 01:22 PM
Parent: #12
| Quote: يظل شداد هو العنصر الأكثر حزماً في تاريخ الكورة السودانية!! |
|
Post: #14
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: حيدر بشير
Date: 12-18-2010, 01:47 PM
Parent: #13
لكم التحايا
من المؤكدسيتم تسجيله ان اراد المريخ ذلك
الاتحاد يقول ما ممكن و لجنة التسجيلات تقول ما ممكن لكن اذا صديق قال حا نسجله
يبقى سيتم التسجيل ان لم يكن بمخالفة صريحة كما حدث من قبل فسيكون بتجنيسه قبل ان تطأ قدماه ارض الكان مليون متر مربع
|
Post: #15
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: محمد البشرى الخضر
Date: 12-18-2010, 02:21 PM
Parent: #14
يا عبد اللطيف اسبانيا الضربت بيها المثل في صعوبة التجنيس مافيها تقييد لعدد المحترفين الأجانب
ولا فيها مشكلة بالنسبة لكون حارس المرمى اجنبي و شايف براك منتخبها الوطني انجازاته
وعدم تأثره بعدد الاجانب في الدوري
الاتحاد الدولي بيدعو لتحرير اللاعبين و افتكر في قاعدة ستة زائد خمسة
التجنيس و المخالفات و التحايل على القوانين دا كلو بسبب ان قواعد الاتحاد السوداني مشاترة ولا تتسق مع قواعد الاتحاد الدولي
الاسلم و الاسهل العمل على تغيير قواعد انتقالات و تسجيل اللاعبين في السودان وجعلها تتماشى مع قواعد الاتحاد الدولي
|
Post: #17
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: keiga2000
Date: 12-18-2010, 07:21 PM
Parent: #15
عبداللطيف
نحن أسياد بلد نقعد نقيف على كيفنا............
أصحاب كاسات محمولة جوا .. منو الزينـا
والما بتلحقـوا جدعــوا
تعال ياهارون أدي لينا عبداللطيف دا
كااااااااااااااااك ياهارونـا
أبومصطفى
|
Post: #18
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: فيصل نوبي
Date: 12-18-2010, 07:28 PM
Parent: #17
سلامات يا ابو عبده و ضيوفه
موضوع الحضري ده فيهو شيء ما مكتمل
الزمالك قال داير مليون و المريخ قال بيدفع 800 الف ( اذا غلطان صلحوني )
اها الحضري قال عشان يكمل الصفقة بيدفع الفرق من جيبو
علي حسب الحسابات السنية و العمرية الحضري باقي ليهو يلعب سنة و بعدها بيكون فات فيهو الفوات
طيب سنة و دافع 200 الف عشان يمشي المريخ يعني بمعدل 16,666 دولار في الشهر ( ده الدفعو الحضري 200 الف مقسومة علي 12 شهر )
يا تري المريخ ح يدفع للحضري كم عشان الحضري يدفع المبلغ ده ؟
نفترض إنهم سنتين حيكون برضو المبلغ حوالي 8,333 في الشهر
برضو المريخ ح يدفع للحضري كم عشان الحضري يدفع 200 الف الفرق ؟
|
Post: #19
Title: Re: يعني معقول ناس المريخ ماعارفين أنو ممنوع تسجل حارس مرمى غير سوداني؟؟
Author: محمد البشرى الخضر
Date: 12-18-2010, 08:22 PM
Parent: #18
نقلا عن منتدى الهلال
في لقاء على مودرن سبورت نفى وكيل الحضري انه سيحصل على الجنسية السودانية نسبة لرغبته في خوض انتخابات مجلس الشعب المصري بعد اعتزاله
طيب ح يسجل كيف؟ و بأي قانون أو لائحة ؟
غايتو كان الحريات الأربعة اليخجلو ساي , أخير منها اجتماع جمعية عمومية عاجل و إلغاء القانون و حلاص
|
|