Post: #1
Title: مبروك يا معفن و بيت مال و عيال
Author: خدر
Date: 12-16-2010, 11:04 PM
Parent: #0
دكين .. ياخي انت عارف اخوك ما مضمون , قصة اني اكتم سر دي بصراحة صعبة و خاصة لمن يكون المساررك راجل , راجل شنو البساررو في آخر عمري كمان ؟
يا زول مبروك .. اخوك خشمو خفيف (بلغ البوليس) , صبرت عليك شهرين و نيف اسه و ما بقدر اكتر من كدي. مبروك يا معفن , إنشاء الله تبقي ليك ضُل و تبقي ليها
ضلين عملا بالحديث الشريف (اوصيكم بالنساء خيراَ) و تبقي ليها حبيب و تبقي ليك زوجة صعبة و زرزارة , تطلع عينك
...
مبروك يا ستنا.. ربما يعينك و قلوبنا في المنبر العام معك , إستمسكي ما إستطعت بالصبر و الصلاة و الشعوذه و كل ما من شأنه ان يثبت العقل و الدين
, رميناك بخيرة فتيان المنبر العام لسودانيزاونلاين , ليك اللحم و العضم و بعد ده طالبين عفوك , اعفي لينا .. عارفين انو ظلمناك , لكن ماعندنا غيرك يا شيالة التقيلة.
مبروك يا معفن
بيت مال و عيال
___
دي الغنوة البتحبوها, هدية زواجكم (جدكم ود الرضي)
الحديث الشريف الذكرتو انا فوق ده راجعوهو .. انا ما متأكد منو 
|
Post: #2
Title: Re: مبروك يا معفن و بيت مال و عيال
Author: Rawia
Date: 12-16-2010, 11:09 PM
Parent: #1
الف الف الف الف مبروك
كل المنى بكل سعادة الدنيا لدكين وعروسو
_________
الاغنية تحفة
|
Post: #3
Title: Re: مبروك يا معفن و بيت مال و عيال
Author: حيدر حسن ميرغني
Date: 12-16-2010, 11:13 PM
Parent: #2
الف مبروك لدكين
شكرا خدر
|
Post: #5
Title: Re: مبروك يا معفن و بيت مال و عيال
Author: عمران حسن صالح
Date: 12-16-2010, 11:20 PM
Parent: #3
يازول الحكاية دي باقي ليها شهر الشفقة شنو ؟؟
بعدين بطل كسل وإعادة أغاني ودي الغنية البتحبوها والحنكـ العاضي ده :)
دكين غنيتو تجهزه من حسي
__________________________
بعدين انتو صحيتو حسي ولا شنو القصة ؟؟
|
Post: #9
Title: Re: مبروك يا معفن و بيت مال و عيال
Author: خدر
Date: 12-16-2010, 11:39 PM
Parent: #3
راوية و حيدر
والله انا الشباب ديل صبرت عليهم اكتر من 9 شهور اسه
و انا النصيحة لي الله خشمي خفيف (في الاخبار السمحة بس )
اسوي شنو ؟ افتو صاح ؟
شكرا لتمنياتكم للشباب ديل
وربنا يوريكم و يوريني في دكين يوم
|
Post: #4
Title: Re: مبروك يا معفن و بيت مال و عيال
Author: عماد الدين عبدالله
Date: 12-16-2010, 11:20 PM
Parent: #2
الاخ العزيز دكين وزوجته المصون
الف الف الف مبروك وبيت مال وعيال
ان شاء الله
|
Post: #6
Title: Re: مبروك يا معفن و بيت مال و عيال
Author: مزمل خيرى
Date: 12-16-2010, 11:26 PM
Parent: #4
الف مبروك يا دكين ...
|
Post: #7
Title: Re: مبروك يا معفن و بيت مال و عيال
Author: محمد علي شقدي
Date: 12-16-2010, 11:34 PM
Parent: #6
دكين تهانينا
شكرا خدر
|
Post: #8
Title: Re: مبروك يا معفن و بيت مال و عيال
Author: محمد البشرى الخضر
Date: 12-16-2010, 11:35 PM
Parent: #6
الف الف مبروك يا دكين ربنا يتم ليكم على خير
مشكور خدر على الخبر و الأغنية
|
Post: #11
Title: Re: مبروك يا معفن و بيت مال و عيال
Author: خدر
Date: 12-16-2010, 11:50 PM
Parent: #6
مزمل و شقدي
عقبالكم يا شباب
عرس الزين ده مفروض المتزوج فيهو يدبل والله
|
Post: #17
Title: Re: مبروك يا معفن و بيت مال و عيال
Author: مزمل خيرى
Date: 12-17-2010, 00:08 AM
Parent: #6
سلام ياطارق ، معليش نسينا نسلم ...
وشكراً على الغنوة الحلوة ..
|
Post: #10
Title: Re: مبروك يا معفن و بيت مال و عيال
Author: خدر
Date: 12-16-2010, 11:47 PM
Parent: #4
والله يا عمران
الغنوة دي زي السجارة الببشروا بيها في اعراس الشمالية ديك
لو ما جيت باركت بيها , الشباب ديل مشكلتي كبيرة معاهم
شكرا عماد الدين
علي التمنيات و الورود
و عقبالك
|
Post: #12
Title: Re: مبروك يا معفن و بيت مال و عيال
Author: حبيب نورة
Date: 12-16-2010, 11:50 PM
Parent: #10
مبروووووك يا دكين
ومشكوووور يا خدر علي خفة الخشم
|
Post: #14
Title: Re: مبروك يا معفن و بيت مال و عيال
Author: خدر
Date: 12-16-2010, 11:55 PM
Parent: #12
ود البشري
تسلم يا فنان ,
طمني ياخ الموضوع ماشي كيف بهناك ؟
لسه لُذاذ ؟
حبيبو
شكرا علي التقريظ يا فنان
|
Post: #13
Title: Re: مبروك يا معفن و بيت مال و عيال
Author: Ali Sirelkhatim
Date: 12-16-2010, 11:54 PM
Parent: #10
الف مبروك لدكين وان شاالله بيت مال وعيال
تخريمة
اغنية جميلة جدا واداء وصوت اجمل يا طارق يا رائع
|
Post: #15
Title: Re: مبروك يا معفن و بيت مال و عيال
Author: عمران حسن صالح
Date: 12-17-2010, 00:03 AM
Parent: #13
دكين الذي أحب
الزول ده والله يا خدر فاقدو بشكل خرافي
وعايز بس أقول لمن يستغربون العنوان (ربما) بس يدوسو الرابط ده ويقروا للمطموس ده شويه
البوست ده لامن مشى الدوحة واعتبره حجَه ، مسكين من السعودية بنين إلى الدوحة
احـــوال الدوحــة
|
Post: #16
Title: Re: مبروك يا معفن و بيت مال و عيال
Author: خدر
Date: 12-17-2010, 00:07 AM
Parent: #15
تشكرات كبيرة
سعادة الضابط المناوب
يا عمران
خلونا نحتفي بالوغد ده و عروسو البهية
و بنحتفي بي كتاباتو معانا هنا
اردم البوست يا فنان بمساهمات الوغد ده
لا تآخذنك به شفقة
|
Post: #18
Title: Re: مبروك يا معفن و بيت مال و عيال
Author: ترهاقا
Date: 12-17-2010, 00:16 AM
Parent: #16
واخيرا وقع الوغد
شنو الخيانات دي يا دكين - شغلك كلو لبودي
الف مبروك
|
Post: #19
Title: Re: مبروك يا معفن و بيت مال و عيال
Author: smart_ana2001
Date: 12-17-2010, 00:31 AM
Parent: #18
مبروك لدكين و بيت مال و عيال
|
Post: #21
Title: Re: مبروك يا معفن و بيت مال و عيال
Author: عمران حسن صالح
Date: 12-17-2010, 00:56 AM
Parent: #19
للأسف يا خدر عبد العزيز مظلوم من أب صلعة وما لمه ليهو كل الكتبو هنا
عشان كده الشي الفي مكتبتو قليل
ده تقريباً بوست الإعتراف : مداسٌ عند عتبات القـلب Quote: وهكذا يا سادتي ..استجمعت اطيافي وشتات حال السرور الذي فيني فأزهرت هيَّ وحدها في رياضِ نفسي..
ويقيني انها دعوات صادقات من ام حنينة..وقبول من رحيم
والان تستريح قوافل الكلام ..
فاللهم لك مني الحمد بما أجريته من لطائفكَ في صحائِف الايام..
ولك الحمد بما غرسته من رياض جنانك في صعيد قلبي الزلِق..
ولك الحمد على ماتفتق في قلبي من زهرِ المودة النضر بتبصرٍ الهمتنيه..
ولك اللهم الحمد على اريجٍ هب ناحيتي فتنسمت منه رضاك علىَّ ..
اللهم اغفر لي انانيتي وشح نفسي إذ احمـدُك بما تفضلت به علىَّ لا على كونك مستوجب للحمدِ بلا شروط..
ولك الحمد ياربي بلا شروط.
والحق يقال ان ود الرضي ومعاهو طارق ابو عبيدة كانو خلفية مذهبة في هذا النسج البديع من هذه المشاعر المجهرية..
(لاتزيد بلبالي ولاتكون شكواي موية في غربالِ..ياحبيب رحماك) |
|
Post: #23
Title: Re: مبروك يا معفن و بيت مال و عيال
Author: كمال سالم
Date: 12-17-2010, 01:05 AM
Parent: #19
ياخدر إزيك يأخ ومشتاقين ,,
هسه إنت فتيت شنو ؟؟
خبر دكين داير يعرس ده خبر قدييييييييييم
والناس كلها عارفنو .
إذا عايز تفت صاح ورينا من هى صاحبة هذا
الحظ السعيد ,, وده ياهو الفت ,,
وطبعا إنت عندك وعد معاى إنك تجينا فى الدوحه
فياحبذا لو جيت فى الشهر الجاى أهو منها توفى
وعدك ومنها تغنى لدكين فى عرسو ,,
وقبل ما أنسى بصحح ليك عنوانك ده وأقول ليك إنو
دكين وغد وليس معفن ,, هكذا عرفناه منذ سنوات ,,
( والوغاده ) دى أكيد حتزول بعد زواجو من زينة البنات
وأخيرهم ,,
ألف مبروك ياوغد وربنا يتمم على خير ,, ومنتظرنك ياخدر,,
|
Post: #59
Title: Re: مبروك يا معفن و بيت مال و عيال
Author: دينا خالد
Date: 12-17-2010, 08:57 PM
Parent: #23
Quote: بعدين دينا خالد صحبتك دي لو ماجات تهنيني خلال نص ساعة انا حاعتبر نفسي توم كروز
|
ونبارك ليه لا ؟؟ اهلنا المصريين بقولوا
لو فاتك الميرى اسكت بارك ...
هسه لو ما هى ،،، توم كروز دا كنت عرفتو كيف ؟؟
خلاص حان ان تفكنا من ابو درعه والسرمدى والرجال الاساميهم ذى الادوية ديك ..
اتثقف اتثقف ياخ .. ذبحتنا !
صحببببتك انت دا خلاص جانا العرس وجانا النكر !! لوووووووب
ـــــــــــــ
بتفك متين ؟؟
|
Post: #20
Title: Re: مبروك يا معفن و بيت مال و عيال
Author: Adil Hamza
Date: 12-17-2010, 00:51 AM
Parent: #18
الف مبروك يا دكين
|
Post: #24
Title: Re: مبروك يا معفن و بيت مال و عيال
Author: Elawad
Date: 12-17-2010, 01:58 AM
Parent: #22
بارك الله لكما و بارك عليكما و جمع بينكما في خير يا دكين. ربنا يتم على خير.
شكرا يا خدر.
|
Post: #26
Title: Re: مبروك يا معفن و بيت مال و عيال
Author: عبد المنعم ابراهيم الحاج
Date: 12-17-2010, 02:18 AM
Parent: #24
آلاف التبريكات لدكين وعروسه
بيت فرح ومسرة
ولو ختيت خدر دا
ما بتنضره
أبدا أبدا ..
دا شيال حال جوه
وبره
وبتاع معازف
وشيطان جرة ..
|
Post: #25
Title: Re: مبروك يا معفن و بيت مال و عيال
Author: سفيان بشير نابرى
Date: 12-17-2010, 02:06 AM
Parent: #22
غايتو يا خدر صاحبنا ده امو داعيه ليهو
امو براها!!!! الدناقلة كلهم داعيييين
ليهو ...
اما أنتي يا ستنا الله يصبرك ويديك طولة
البال
ويا وغد الف مبروك
ويا المبروكه الف
الف مبروك .
|
Post: #27
Title: Re: مبروك يا معفن و بيت مال و عيال
Author: doma
Date: 12-17-2010, 04:47 AM
Parent: #25
بالله الوغد تزوج؟؟؟
الف مبروك يا عبدالعزيز
غايتوا انا شفت الصوره وقلت غالبا تكون دي العروس
|
Post: #28
Title: Re: مبروك يا معفن و بيت مال و عيال
Author: الصادق اسماعيل
Date: 12-17-2010, 05:08 AM
Parent: #27
دكين
لك
و
لها
أن
يكون
بينكما
ما
بينكما
الآن
طول
عمركما
وبس
|
Post: #29
Title: Re: مبروك يا معفن و بيت مال و عيال
Author: nazar hussien
Date: 12-17-2010, 05:29 AM
Parent: #28
ياخ والله المعفن انت دا يا خدر...
غنا زي الكمده والرمده لي وجع
الضرس...تقوم تدسو بالطريقة دي
هسي دكين زاتو مع الغنية دي يباركو ليه كيف ...
انا قاعد هنا دا في الصيوان دا...اسمع وأملأ الاباريق
وأغسل لي اي زول ايدو....بس الغنية دي ما تقيف كلو كلو
ويا دكين وستنا عدوني باركت ليكم...
لا حولا ولا قولا
|
Post: #30
Title: Re: مبروك يا معفن و بيت مال و عيال
Author: تولوس
Date: 12-17-2010, 07:46 AM
Parent: #29
الف الف مبرووك اخي العزيز دكين وبيت مال وعيال ...
|
Post: #31
Title: Re: مبروك يا معفن و بيت مال و عيال
Author: omer osman
Date: 12-17-2010, 07:51 AM
Parent: #29
الف الف مبروك يا دكين ربنا يتم ليكم على خير
مشكور خدر على الخبر و الأغنية ...... خدر ياخ حرام عليك البتعملوا فينا ده 
|
Post: #32
Title: Re: مبروك يا معفن و بيت مال و عيال
Author: خدر
Date: 12-17-2010, 12:31 PM
Parent: #31
السيد العريس
|
Post: #33
Title: Re: مبروك يا معفن و بيت مال و عيال
Author: SHIBKA
Date: 12-17-2010, 12:46 PM
Parent: #32
الف مبروك للعروس اولا
ومبروك للعريس
ان شاء الله بيت مال وعيال
|
Post: #34
Title: Re: مبروك يا معفن و بيت مال و عيال
Author: النذير حجازي
Date: 12-17-2010, 12:50 PM
Parent: #33
ألف مبروك يا دكين وربنا يتمم ليكم على خير
|
Post: #35
Title: Re: مبروك يا معفن و بيت مال و عيال
Author: النذير حجازي
Date: 12-17-2010, 12:59 PM
Parent: #34
سلام يا طارق،
الدكتور جون قرنق عندو حكمة لطيفة عن السر
وكان دائماً بقول:" السر اللي بعرفوهو نفرين
كهذا (مشيراً بأصبعيه السبابة والوسطى) بيكون بعرفوهو
حداشر لأنو السبابة الوسطى يعنوا أيضاً حداشر بالعربي لوول
تحياتي ليك يا فنان
|
Post: #36
Title: Re: مبروك يا معفن و بيت مال و عيال
Author: محمد عبدالرحمن محمد
Date: 12-17-2010, 01:30 PM
Parent: #35
Quote: تابعت قفشات الصايم وودالبشرى.. رصانة أبوبكر سيد أحمد وأستاذ سيف الدوله..
إنسانية دوما (بت الشمس) وانعام حيموره.. رقة عفاف الصادق.. المناكفون و(العكاليت!)..
الهلاريخاب.. ناس الليل والنخجي والجوعير بقيادة جنا جبريل..
والأقلام الرشيقة: محمد المرتضى حامد، دكين، عماد عبدالله، عزاز شامي، تيسير..
واخرين تحبهم لوجه الله: كيكي، عمر عثمان، خليل، حمور وخاله!
و: سلمى هووي ليلي نا!
والشاعرين صديق وزهير!!! |
الفوق دا جزء من أول مشاركه لي في حوشكم دا! وصاحبك ال[....] من ساعتا تاني ما شفتلو سطر!!
أتاري فوق راي! قولو انبقى دا سببك عافيلك لله والرسول.. وان غِبْ سني للحول فوق عديلك!
وان شالله [ستك] تتهنابا وتتهنابك.. وابشر بالخير!
_______
ويا طارق؛
ياخ انت زول رايع كلمه، مكتوبه ومنطوقه.. ورايع خبارات! يعني [فنان] بالصح،
مش فنان الطالقي دربا اليومين ديل!.. تسلم ياخ!
|
Post: #37
Title: Re: مبروك يا معفن و بيت مال و عيال
Author: DKEEN
Date: 12-17-2010, 01:38 PM
Parent: #31
ولا حول ولا قوة إلا بالله..
في حياة الناس القصيرة ذات المسرات المتقطعة والاحزان المتقطعة .. و المواجد العابرة والإحن والنفس الأمارة بالسوء..
لا يجد الإنسان -في تقلبات امزجته الادمية- قلوبا تتفتح إليه إلا القليل القليل، وبمقدارِ يمتد مع امتداد الجوار والإلفة.
يرسلها الله- له في مسيرة الخير القاصدة منه - تعالى كونه صاحب الخير القاصد لعبده..
فان اعرض العبد وأبى فتلك من غفلات النفس وضلال الرشد..وقيل سوء الحظ..
ولا يستبين الادمي منا غفلات نفسه وضلال رشده وسوء حظه إلا ضحى الغد..
حينها يعلم أي خيرٍ عميمِ خيره الله فيه، واي القلوب كانت عامرةٌ بالود، مستعدةٌ للمودات رحمةَ ومحنة..
ويعلم حينها كيف تغشت النفس ضلامات فوق ضلمات وآمال خلب ..فضلت إلى بلاد النفس- المستقرة المُرشدة المُخيرة الى خيرها وصلاح نفسها- سبيلاً..
وكيف بعدها تاهت النفوس وعميت البصائر في غبشِ من فجر التكشفات وأنصاف الحقائق والعمر المسلوب..
كيف ضلت السبيل الى بلاد نفسها وابواب الولف والتجانس والود المبذول اليها...
من كان منكم بلا سر دفين فهو في منتهى سدرته وقد غنم..
من استوى عنده ظاهر امره الى باطنة فهو فائزٌ وذو حظِ عظيم..
قال البرعي عليه رحمة الله "لاتفشى سرك لي كافة المخلوق لو يبقى سرك"
الدنيا دار بوار تتغشى البصائر فيها عاديات البشر الطموحة الطموعة الهلوعة..
والارزاق قسم وانصبة..وبعد حينِ.. حين تدرك اين انت من محبة خالية من الزيف تضرب كفا بكف
وترى غشامة نفسك وغباش دنياك وكم وكم ُيفرط الناس في خيرِ الله القاصد ..
ُيذهبه عنك ماهو ليس بفطرة وماهو تغبيش وضلال من نفسك.
ولله الحمد على كل حال .
غلطة ذاتو انا جيتك الكلاكلة اليوم داك سايقا معاي..يحدونا الشوق الى صوتك الوافر
اصلا انا جيتك سايقني الشوق..وقتا اسمع الاغنية دي لايف معاها..
ياوغد قطعتا ليك ونسة وبرطعة طرف النيل عشان اسلمك سر الغنية دي..واوريك انو الشاعر قالها باثر مستقبلي..سبب نزول آيات ود الرضي عشان ادخلك في زمرة المرضي عنهم وتكون من الصحابة لا من زمرة السامعين.. عشان اتحداك انو ود الرضي لامن قالا كان قاصد الجات معاي في ذلك النهار الصيخود..
البت وبعد ماشافت المسافة البعيدة بين النيل وبيتكم قالت متوجسة واظنها كانت تستحضر في ذهنها فكرة دكين الوغد الماعندو حدود لي الونسة قالت لي: انتا متاكد انو نحنا ماشين نلاقي خدر؟؟
على أي حال كانت غلطة اني اكضب البرعي واصدقك يا معفن..
كل يوم البرعي بثبت لي انو كلامو مابقع واضة...
وانتا ياخدر طلعتا واضة مدحرجة .. يتقطنر عندك الكلام ويدردق بلا هوادة..
ولولا ماسبق من صوتك الاخاذ الذي يتخذ الى الروح طريقه بلا هوادة..
ولولا ماسبق من محبة مقيمة لك في الفؤاد ..ثبتت عبر تاريخ كتابتك الولوفة الودودة
وعبر لقاء يتيم اكثر ودا ..واغنية شهدت بواكير هذا الحب الممتد بمشيئة الله ومشيئتي ومشيئتها ..
لولا المحبات والمودات واشياء اخرى بين وبينك ليس اقلها شغفنا بالجميل الجميل وطلائع الزهر من بنات السودان المحببات الي النفس لولا كل ماسبق - مثالا وليس حصرا- لكان ختيت فيك راي ذي صلعتك دي..
ــــــــــــــــــــــــــــــــــــــــــــــــــــ
الكلام الفوق ده - ذي حديثك النبوي- راجعو كلو انا ما متاكد منو
ويحضرني في هذه العجالة كلام اخونا العارف بطبائع الزهر "ملاسي" حين قال "ارجى الراجيك"
|
Post: #38
Title: Re: مبروك يا معفن و بيت مال و عيال
Author: عبدالله الشقليني
Date: 12-17-2010, 01:48 PM
Parent: #37
*
لا حول ولا قوة ...
مبروك للسِر وللسريرة وللمسرورة وللمسرور،
وربنا عالم بالسراير ،
*
|
Post: #39
Title: Re: مبروك يا معفن و بيت مال و عيال
Author: رانيه محمد الشيخ
Date: 12-17-2010, 01:54 PM
Parent: #38
الف مبروك وان شاء الله بيت مال وعيال
|
Post: #40
Title: Re: مبروك يا معفن و بيت مال و عيال
Author: عمران حسن صالح
Date: 12-17-2010, 02:25 PM
Parent: #39
Quote: ياوغد قطعتا ليك ونسة وبرطعة طرف النيل عشان اسلمك سر الغنية دي..واوريك انو الشاعر قالها باثر مستقبلي..سبب نزول آيات ود الرضي عشان ادخلك في زمرة المرضي عنهم وتكون من الصحابة لا من زمرة السامعين.. عشان اتحداك انو ود الرضي لامن قالا كان قاصد الجات معاي في ذلك النهار الصيخود..
البت وبعد ماشافت المسافة البعيدة بين النيل وبيتكم قالت متوجسة واظنها كانت تستحضر في ذهنها فكرة دكين الوغد الماعندو حدود لي الونسة قالت لي: انتا متاكد انو نحنا ماشين نلاقي خدر؟؟ |
كل النقة الفوق دي يا خدر صدقني ما أدتني إحساس إنو الزول ده رافض خطوتكـ دي 
_________________
الكوت ما ليهو علاقة بتعليقي
سؤال : ما هو النهار الصيخود ؟
أصلو عربينا عربي شايقية ساي
|
Post: #41
Title: Re: مبروك يا معفن و بيت مال و عيال
Author: عماد الدين عبدالله
Date: 12-17-2010, 02:31 PM
Parent: #40
Quote: شكرا عماد الدين
علي التمنيات و الورود
و عقبالك |
الاخ العزيز خدر
عقبالك وعقبالنا
لكن ام امير ( زوجتي ) كان شافت امنيتك دي
تاني ما بتنوم الا تقفل اللاب توب معاي
تحياتي واحترامي
|
Post: #45
Title: Re: مبروك يا معفن و بيت مال و عيال
Author: خضر الطيب
Date: 12-17-2010, 02:55 PM
Parent: #41
خدر الفنان
مبروك لي دكين وبيت مال وعيال
الصوره دي بعد الزواج ولا قبلو
بتخيل انها قبلو ( ماتفهموني صاح ) لوول
|
Post: #44
Title: Re: مبروك يا معفن و بيت مال و عيال
Author: عماد شمت
Date: 12-17-2010, 02:45 PM
Parent: #40
سلام ياخدر كيفنك والاولاد
ومبروك يادكين وربنا وربنا يجعل بينكما المودة والرحمة والبنين والبنات
بس يااخي الصلعة دي خليها في حالها !! الزول ده بلاها مابقدر يبدع
امنياتي للجميع بعام سعيد يتحقق فيها كل الامنيات الطيبة
|
Post: #42
Title: Re: مبروك يا معفن و بيت مال و عيال
Author: مازن فيصل هلال
Date: 12-17-2010, 02:35 PM
Parent: #39
يا سلام علي الاخبار الحلوة - تشكر علي الاخبار دي يا خدر يا فنان
و الف مبروك لصاحب البستان دكين و بالرفاه و البنين
بس ما تغطس - طل علي المنبر مرة مرة - و ما تبعد عن الكتابات اياها
-----
manubia
|
Post: #46
Title: Re: مبروك يا معفن و بيت مال و عيال
Author: DKEEN
Date: 12-17-2010, 04:25 PM
Parent: #42
الله يبارك في حنانك ذاتو ياراوية
بوركت ياحيدر
بعد ده ممكن صحبتك ديك تطمئن وتعرف انو انا مافيني سلك شائك..
عماد الدين
ازيك يادوك..وطولنا منك
ياخي الف شكر على الكرت الجميل ياذوق
عشان تفتش ليك كرت ذي ده
في دوحة ذي دي
في نت ذي ده
في ظروف ذي دي
مع مرة ذي ما بتقول
اجتهاد تؤجر عليهو بصراحة
سلاماتي للاسرة ياحبوب
سلمتا يامزمل
الف شكر
الله يبارك فيك ياشقدي عقبالك تاني
آمين يا البشرى
خليك قريب..دي ما تبريكة.. تجينا بالدرب تقول كلام ده
حبيب نورة
تعرف لو ماجية القاهرة ديك ماكان لميت فيها
البباريك ياعرس ياجنة
اشتقتا ليك ياخفيف الروح
على سر الختم
من الواضح انو خدر خما الجو بي غنيتو دي
يبارك فيك ياحبوب
ساطور
عييييييييييييييييييك ..حرم ياخ انا قايلك اتوفيت
انتا ياخينا..ما تكشكر ساي تدينا خبرك؟؟
بلاي من الكباية ديك وعييك
احبك ياخ
الله يبارك فيك ياسمارت
قريبك يس الايام دي مشرفنا في الدوحة..
الود بقى بي اتش دي هولدر..
ولسع بحب فيروز ولسع شهادة عربية
كيمو
يازول الزول قال ليك دكين انتا تجي تقول فلانة
بلاي بطل لخبتة.. وقول لي مبروك واتخارج ..
بعدين دينا خالد صحبتك دي لو ماجات تهنيني خلال نص ساعة انا حاعتبر نفسي توم كروز
بوركت ياعادل
العوض
شفتا كيف؟؟
اخيرا
عبد المنعم
ولو ختيت خدر دا
ما بتنضره
أبدا أبدا ..
دا شيال حال جوه
وبره
وبتاع معازف
وشيطان جرة ..
رضي الله عنك يامنعم
نابري
ياخي انا كم مرة يهنوني بالعرس في هذا المكان
؟؟
مبروك ليها ياحبيب
لاقياني وين
دومة
قنا ليك فكي لينا شفرة البي ام دبليو المعاكي ديك
بخلتي علينا بها..
هسي كان علمتها ليك رطانة وبقت ماسكة اربعة لغات حية..
شفتي الصورة ديك بس قرضي عليها
الصادق
الله يبارك فيك يا إمام
نزار حسين
ياخي الغنية دي نزلها خدر هنا في بوست براهو
انتا بس اظن كمدتك كانت اكبر من حسن الاطلاع تلك الايام..
ومباركتك ال########ة دي وصلت
جاي تبارك لينا كما المراكبية؟
فريد عبد الوهاب (تولوس)
ياخي قبلنا التهاني ونردها ليك في الافراح
عمر عثمان
سلمتا ياحبوب
الله يبارك فيك ياشبكة
نردها ليك في الافراح ياستي
النذير الله يبارك فيك
لا اذيعك سرا
خدر ذاتو انا سمعتا انو عايز يعرس تحت تحت
عشان تاني يآمن..
محمد عبد الرحمن
امين وشكرا على الدعوات الصالحات
شقليني
ايوا نكرر
مبروك للمسرورة والمسرور وسيدي الحسن والسر والسريرة والسرير ذاتو..
رانية
شكرا للتهنئة يارانيا ..
خضر الطيب
الله يبارك فيك
الصورة دي تعبير عن عبارة "كلنا لها"
السنوسي
الف شكر على التهنئة الصادقة
انا بيني وبينك محتاج تضامن شديد .. العالمين دي ما بتطمن نوهائي
امين ياعماد ..
وعقبالك
مانوبيا
شكرا للتهنئة
تاني وين يامعلم كتابات زي ديك
ديك ذاتو لو لقينا طريقة نعمل ليك شفت دليت بنمسح امها..
القصة بقى فيها "ابقى راجل قول كلام ماياهو"
|
Post: #47
Title: Re: مبروك يا معفن و بيت مال و عيال
Author: نيازي مصطفى
Date: 12-17-2010, 04:30 PM
Parent: #46
مبروك لدكين و بيت هناء وسعادة
شكرا يا خدر على الخبر والاغنية الجميلة دي
|
Post: #49
Title: Re: مبروك يا معفن و بيت مال و عيال
Author: BAKTASH
Date: 12-17-2010, 04:45 PM
Parent: #47
من الاشياء القليلة التي تفرح هذه الايام خبر زواجك يا دكين .. ربنا يهنيكم بي بعض..
تشكر خدر على اشراكنا الفرحة..
|
Post: #48
Title: Re: مبروك يا معفن و بيت مال و عيال
Author: DKEEN
Date: 12-17-2010, 04:31 PM
Parent: #46
ابو حمودي
انا كنتا عايز اعزمك العرس ..
شويتين لامن لقيت تضامنك اللامحدود قررتا اعزمك واعمل ليك الفيزا
شويتين لامن لقيتك اكثر تضامنا قررتا اعزمك واعمل ليك الفيزا وادفع ليك التذكرة ذاتو..
شويتين ولامن لقيتك بتقول والله الزول ده انا بحبو وبتاع قررتا اعزمك واعمل الفيزا والتذاكر ليك ولي العيال ذاتو..
هسي لامن لقيتك طوالي ورا خبر عرسي ده جاني احساس عمييييييييييييق
بي انو ابو حمودي عايز يشوف فيني يوم..
ــــــــــــــــــــــــــــــ
جهزالتوب حق ام حمودي والدهب واللاذي منو..
نحنا برانا جيبنا يتقدا؟؟
|
Post: #50
Title: Re: مبروك يا معفن و بيت مال و عيال
Author: عماد الدين عبدالله
Date: 12-17-2010, 04:57 PM
Parent: #48
Quote: عماد الدين
ازيك يادوك..وطولنا منك
ياخي الف شكر على الكرت الجميل ياذوق
عشان تفتش ليك كرت ذي ده
في دوحة ذي دي
في نت ذي ده
في ظروف ذي دي
مع مرة ذي ما بتقول
اجتهاد تؤجر عليهو بصراحة
سلاماتي للاسرة ياحبوب |
الاخ العزيز عبدالعزيز
تحياتي
منتظرين شوفتك
|
Post: #51
Title: Re: مبروك يا معفن و بيت مال و عيال
Author: عمران حسن صالح
Date: 12-17-2010, 05:16 PM
Parent: #50
Quote: هسي لامن لقيتك طوالي ورا خبر عرسي ده جاني احساس عمييييييييييييق
بي انو ابو حمودي عايز يشوف فيني يوم.. |
هو نحن ما شفناهو لسه ؟
ياخي كلام الحروف البتتكتب بي كيبورد دي وقفوكـ منها !!
غااااااااااااااااااغ
|
Post: #52
Title: Re: مبروك يا معفن و بيت مال و عيال
Author: nazar hussien
Date: 12-17-2010, 06:32 PM
Parent: #51
Quote: نزار حسين
ياخي الغنية دي نزلها خدر هنا في بوست براهو
انتا بس اظن كمدتك كانت اكبر من حسن الاطلاع تلك الايام..
ومباركتك ال########ة دي وصلت
جاي تبارك لينا كما المراكبية؟ |
يا دكين امسحا لينا في سكرة طربنا...
يا دكين خدر دا عذب الغنية...دي عذاب..
واكيد سمعتها قبال دا لكن ما بي نفس
النقرشة...النقرشة دي ياها زاتا
الخلتني اقيف وراء الصيوان وابكي..
يعني اجي ابارك ليك وانا ببكي...
بترضاها لي اخوك...
ربي يخليك يا خدر ويحرسك محل ما تقبل...
دكين ياخي هسي مليون مبروك وبيت مال وعيال
وسعادة مستدامة...وربي يهنيك في كل لحظة
|
Post: #53
Title: Re: مبروك يا معفن و بيت مال و عيال
Author: خدر
Date: 12-17-2010, 07:54 PM
Parent: #52
Quote: من كان منكم بلا سر دفين فهو في منتهى سدرته وقد غنم..
من استوى عنده ظاهر امره الى باطنة فهو فائزٌ وذو حظِ عظيم..
قال البرعي عليه رحمة الله "لاتفشى سرك لي كافة المخلوق لو يبقى سرك" |
يا عريس ..
انما الاسرار من آفات الزمان , ثقيلة هي علي قلوبنا في زمن يتضارب فيه مؤشر ناسداك مع صكوك نيفاشا و ويكي لس تُبشرنا بقرب الخلاص , إتئد يا صديقي , نحن في زمان آخر الان .. خارج ارواحنا , نتعشم في باكر و قلبنا طري و اخدر و حنين , ما تشجعنا علي كتم السر يا معفن , كتم السر بكبح سرعة تبادل التجارب و بقلل منسوب الخيال , و إن كان المقام هنا كما قلت مقام المديح و ادبو , جدك ود الماحي قال
قام العِبيدْ من نومو صَحْ
لقي جنبو لبناً في قدح
سَمّى وشِرب زيّن اتنتح
فاشرب لبنك و احمد سيدك علي ما منحك من فضل عظيم و اسأل الله الصبر و طولة البال لبت عمك ديك , ربنا يعينها علي إبتلآت قلبها و انتظرني ساعة حتي اعود
|
Post: #54
Title: Re: مبروك يا معفن و بيت مال و عيال
Author: احمد محمد بشير
Date: 12-17-2010, 08:05 PM
Parent: #53
يا سلاااااااام يا دكين مبروك وربنا يسعدك و إنشاء الله كده بيت مال وعيال.
ألف شكرا ليك يا خضر علي الخبر و البوسط الجميل.
|
Post: #55
Title: Re: مبروك يا معفن و بيت مال و عيال
Author: سفيان بشير نابرى
Date: 12-17-2010, 08:06 PM
Parent: #53
Quote:
فاشرب لبنك و احمد سيدك علي ما منحك من فضل عظيم و اسأل الله الصبر و طولة
البال لبت عمك ديك , ربنا يعينها علي إبتلآت قلبها و انتظرني ساعة حتي اعود |
وقد اوفاك صديقك النُصح فانتصح و اعقل ياهذا وانتح ليبينتك دي من سُكات
وحاول نوم لكن انت معروف بلداحتك ونشافة رأسك وقطع شك بتكشح اللبن
واصلك كلام العجائز عندك فوقو بدل الراي اراء لكن اسمع كلام اخوك
والبيضاء لا تاباها .
نهنئ فيك من اربعه سنة لي وراء ولسه انت بتفتش في حمودي !!؟
ياخ عمليتك دي مروان العبادي مابيسويها.
|
Post: #56
Title: Re: مبروك يا معفن و بيت مال و عيال
Author: maia
Date: 12-17-2010, 08:15 PM
Parent: #55
الف مبروك للاخ دكين وعروسته انشالله بيت مال وعيال وربنا يديم عليكم السعادة والهناء
|
Post: #57
Title: Re: مبروك يا معفن و بيت مال و عيال
Author: عبد اللطيف بكري أحمد
Date: 12-17-2010, 08:19 PM
Parent: #53
والله خبر مفرح شديد
وكل الأمنيات الصادقة للأخ عزو بحياة زوجية هانئة وسعيدة
وتسلم العزيز خدر على الخبر
|
Post: #58
Title: Re: مبروك يا معفن و بيت مال و عيال
Author: Elawad Eltayeb
Date: 12-17-2010, 08:33 PM
Parent: #57
ألف مبروك وبيت مال وعيال
ربنا يهنيكم ويديم الأفراح
|
Post: #60
Title: Re: مبروك يا معفن و بيت مال و عيال
Author: Marouf Sanad
Date: 12-17-2010, 09:28 PM
Parent: #58
مبروك يا دكين
جمع بينكما,,, الخ
هذه اخبار جيدة
شكرا خدر
|
Post: #62
Title: Re: مبروك يا معفن و بيت مال و عيال
Author: نصرالدين صلاح
Date: 12-17-2010, 09:55 PM
Parent: #60
بسسسسسسسسس
| Quote: القصة بقى فيها "ابقى راجل قول كلام ماياهو" |
ما دام كتبت كدة ياكا العرست تب
من قبيل متشكك ابارك و لا تطلع زي المرات الخمسه التي باركنا فيها
من قبل .
-----------------------
مبروك دكين و لعروسك
|
Post: #61
Title: Re: مبروك يا معفن و بيت مال و عيال
Author: yasir Abdelgadir
Date: 12-17-2010, 09:31 PM
Parent: #58
الف مبروك للاخ دكين
جينا ماشين بالشارع, شفنا الصيوان.. وسمعنا صوت الفنان....وقلنا مابيصح نفوت بي فوق.. لازم ندخل ونبارك...حتي لو طلعت سماية
طارق يا فنان...الف مبروك للزول دا...ألا بالله وصيهو انو بعد دا ما يبخل بي قلمو ....وكمان وصي البنية انها ماتحتكر كتاباتو...(وكمان كان هي ذاتها بتكتب كمان مايبخلوا علينا( بمزيج برنت) بعد تلاقح الافكار
الف مبرووك مرة تانية
وGelukig niew jaar
|
Post: #63
Title: Re: مبروك يا معفن و بيت مال و عيال
Author: عبدالله الشقليني
Date: 12-17-2010, 10:15 PM
|
Post: #64
Title: Re: مبروك يا معفن و بيت مال و عيال
Author: هجو الأقرع
Date: 12-17-2010, 10:39 PM
Parent: #63
الف مبرووووووووووووووووووووووووك و بيت مال و عيال ، و تشكر يا خدر على الخبر الجميل ، معقوله يا دكين ناس دخان ما عندهم حبر.
|
Post: #65
Title: Re: مبروك يا معفن و بيت مال و عيال
Author: عصام دهب
Date: 12-17-2010, 10:46 PM
Parent: #64
ألف .. ألف مبروك يا دكين ..
و بارك الله لكما و بارك عليكما و جمع بينكما في خير ..
و كل الأمنيات لكما بحياة هانئة و مترعة بالرفاه و الذرية الصالحة ..
|
Post: #66
Title: Re: مبروك يا معفن و بيت مال و عيال
Author: Salah Abdulla
Date: 12-17-2010, 11:22 PM
Parent: #65
Quote: ابن التي تحبها ومن دون الخلق في مدينة عمرانة..لاقاني وانا سايق- في سرية تامة- التي احبها معاي..لاقاني عند تخوم محل احمد سمك في مدينة الشيخ خليفة ..في هيئة الشنب وبتلك المشية التي لو دققت فيها لايقنت انو صلاح عبد الله لايسير إلا بايقاع..
اخوك ياعماد بنقز وبمشي على ضهر الوضة..
اضف الى ذلك حظه الوافر في ربوع الدنيا ..فهو الوحيد الذي متع ناظريه ذلك الصباح..
اظنها دعوة امك يامسخوت.. |
لا أعتقد أن هناك من هو أوفر حظاً منك ..
هنيئاً لك يا ابن خالتي..
تبريكات وتمنيات طيبة وربنا يتمم على خير..
-
خدر الفنان ، إزيّك.
|
Post: #67
Title: Re: مبروك يا معفن و بيت مال و عيال
Author: Alsa7afa_30
Date: 12-17-2010, 11:24 PM
Parent: #65
ألف مبروك يا قريبي
و خالص الأماني بحياة زوجية سعيدة ..
.
.
شكراً خدر على الخبر و اللحن الحنين ..
|
Post: #68
Title: Re: مبروك يا معفن و بيت مال و عيال
Author: معتصم مصطفي الجبلابي
Date: 12-17-2010, 11:47 PM
Parent: #67
الف مبروك بيت مال وعيال
|
Post: #69
Title: Re: مبروك يا معفن و بيت مال و عيال
Author: خالد العبيد
Date: 12-18-2010, 00:07 AM
Parent: #68
الف الف مبروك يا دكين ربنا يتم ليكم على خير
مشكور خدر على الخبر و الأغنية
|
Post: #70
Title: Re: مبروك يا معفن و بيت مال و عيال
Author: كمال عباس
Date: 12-18-2010, 00:28 AM
Parent: #69
| Quote: الف مبروك للاخ دكين وعروسته انشالله بيت مال وعيال وربنا يديم عليكم السعادة والهناء |
|
Post: #71
Title: Re: مبروك يا معفن و بيت مال و عيال
Author: طارق جبريل
Date: 12-18-2010, 00:48 AM
Parent: #70
الف الف مبروك لدكين
وان شاء الله بيت مال وعيال
تليشة:
يا طروق الفيك اتعرفت
استنيتك في العيد
بس الله غالب كعادتك ادينا بازوكا
|
Post: #72
Title: Re: مبروك يا معفن و بيت مال و عيال
Author: Elmuiz Haggaz
Date: 12-18-2010, 03:17 AM
Parent: #71
الفنان خدر
هسا الزول يبارك لي دكين وللا يسمع الاغنية وللا يقرا التهانى وللا يعمل شنو؟
مبروك دكين (أكتب خلق الله في سودانيزه لولا شحه) ولا تحجب عنا قلمك الصادق الشجى.
شكرا خدر على الاغنية النادرة سمعتها ذات صياعة اسفيرية بصوت عاصم البنا مع انه اتغتاتت على (مرة جانا هنا
في حفلة بكل تهذيب قلت ليهو يا استاذ عليك الله (روح وأعرض حالى) قال لي ياخى دى اغنية يغنوها في حفلة, أكلتها في حنانى ساهى وسكت)
يفتحها عليكم دنيا واخرة يا طارق ودكين السمعتونى الاغنية دى الليلة.
|
Post: #73
Title: Re: مبروك يا معفن و بيت مال و عيال
Author: عفاف الصادق بابكر
Date: 12-18-2010, 07:25 AM
Parent: #72
الف مبروك ..
تقلبها بالمال وتقلبك بالعيار الكتار ..
شكرا خدر على الإبداع ..
|
Post: #74
Title: Re: مبروك يا معفن و بيت مال و عيال
Author: حمد فتح الرحمن
Date: 12-18-2010, 07:43 AM
Parent: #72
شكرا يا خدر على الخبر الجميل
و الله خفة خشمك دي ريحتني و ريحت ناس كتيرة تانية في حنانهم
و الف الف مبروك للاخ عبد العزيز و بيت مال و عيال ان شاء الله و الف مبروك للعروس و ربنا يسعدك مع عبد العزيز ان شاء الله
الغنية سمحة تب بس ان شاء الله جاي تغني بالدرب العدييييل
|
Post: #75
Title: Re: مبروك يا معفن و بيت مال و عيال
Author: الحاج حمد الحاج
Date: 12-18-2010, 07:55 AM
Parent: #74
الف مبروك بيت مال و عيال.
|
Post: #76
Title: Re: مبروك يا معفن و بيت مال و عيال
Author: وليد الطيب قسم السيد
Date: 12-18-2010, 08:35 AM
Parent: #75
سواها الود دكين يعنى......
|
Post: #77
Title: Re: مبروك يا معفن و بيت مال و عيال
Author: بله محمد الفاضل
Date: 12-18-2010, 09:17 AM
Parent: #76
كلام سمح تب والله
وصباح أبيض
الحمد لله على تكسير جدار العزوبية
والدخول في (قفص) الزواج الذهبي
وإن شاء الله ما في طلعة منو تاني
لا متاوقة
ولا نفس
مؤبد مؤبد مؤبد (بالتلاتة)
في حرم المحبة والجمال والمال
والوليدات البفتحوا شبابيك الأمل
يا اخي مبروك عديل كدا
أها
وشكراً ليك يا قيثارة السمح
خدر
على هذا الخبر
شكراً
|
Post: #78
Title: Re: مبروك يا معفن و بيت مال و عيال
Author: othman mohmmadien
Date: 12-18-2010, 09:31 AM
Parent: #76
مبروك وبالرفاه والبنين ...
وإن شاء الله بيت ما ل وعيال ...
|
Post: #79
Title: Re: مبروك يا معفن و بيت مال و عيال
Author: هيثم درار
Date: 12-18-2010, 10:29 AM
Parent: #78
مبروك يا عزيز
مبروك يا ستهم وربنا يهنيكم إن شاء الله
ياخدر انت لو تسعة شهور بس ؟ انا سنة ونص خشمى ياكلنى
لكن على قول حمد خفة خشمك دى ريحتنى فى حنان حنانى زاتو
|
Post: #80
Title: Re: مبروك يا معفن و بيت مال و عيال
Author: خدر
Date: 12-18-2010, 10:49 AM
Parent: #78
Quote: البت وبعد ماشافت المسافة البعيدة بين النيل وبيتكم قالت متوجسة واظنها كانت تستحضر في ذهنها فكرة دكين الوغد الماعندو حدود لي الونسة قالت لي: انتا متاكد انو نحنا ماشين نلاقي خدر؟؟
على أي حال كانت غلطة اني اكضب البرعي واصدقك يا معفن.. |
واطة مدحرجة في عينك , ده قلبي اب خشما خفيف لم يقو علي كتم سركما فالاسرار عندي يا صاحب تحتوي علي ما نخجل من إشهاره علي العوام و متسقطي الاخبار, و خبركم ده احمد الله اني صبرت عليهو الشهرين الفاتو ديل رغم اني لا اخفيك سرا اني و في صينية الغداء يوم زيارتكم ساررت بيهو امي - يمة دكين خطب - دكين منو ؟
عبدالعزيز ياخ - اها عرس منو
بلا بلا بلا واصلنا القطيعة و نتفنا ريشك (طبعا الاسرة كلها شاركت في الشمار بحكم عضويتهم في صينية الغداء)
إذن زي ما شايف اخوك بلغ الامانة - قول لي نام الخالي و هو يتخيل رنة الخلخال - والله و المستمعين و سيرفر بكري ابوبكر علي ما اقوله شهيد و رغم ذلك رأينا جميعا راي العين اعلاه كيف انها لاذالت متوجسة من طرطشتك التي اعرف , اقسم انها تحتاج منك كليمات حتي تصدح ملء فيها - يا نسيم لي والي - فاحكي عنها و لها , قدم عرضحالاتك , عهدتك فارس لا تبالي بشُماتك الكُثر هنا و هناك , احكي غير هياب .. قل لها هيت لك .. العرس البدخلوهو بي قلب متوجس ده يا ديكو آخرتو اطفال قطاع طرق و انا اخشي عليك من ذلك المآب. فلا تكتمن شيئا بقلبك و افعل كما فعل صنوك الباسل ارخميدس و احكي لنا كيف و اين وجدتها؟ بعد ان إحتملناك طويلا وانت تبحث عنها هنا و هناك.
____
عشان ما يجيبوهو ليك و تبقي قطيعة , حبيبتك اللاقيتها معاك في ذلك النهار قطع شك ستولدك ملائكة في ثياب ضناقلة صغار .
|
Post: #81
Title: Re: مبروك يا معفن و بيت مال و عيال
Author: ismeil abbas
Date: 12-18-2010, 11:49 AM
Parent: #80
شكرآ أخ/خدر.مبروك لدكين وزوجته ونسأل الله ان يمتعهم فى حياتهم ويرزقهم الذرية الصالحة.
|
Post: #82
Title: Re: مبروك يا معفن و بيت مال و عيال
Author: وليد عبد اللطيف
Date: 12-18-2010, 01:13 PM
Parent: #81
خدر الفنان
شوف رصدنا شنو
Quote: الاخ العزيز خدر
عقبالك وعقبالنا
لكن ام امير ( زوجتي ) كان شافت امنيتك دي
تاني ما بتنوم الا تقفل اللاب توب معاي
تحياتي واحترامي |
اتاري انا اقول الزول دا مالو ما بسجل لينا زيارات يعني اللاب توب دسوهو وللا شنو
.
.
الف الف مبروك دكين
بيت مال وعيال
.
.
|
Post: #83
Title: Re: مبروك يا معفن و بيت مال و عيال
Author: DKEEN
Date: 12-18-2010, 05:04 PM
Parent: #82
Quote:
و افعل كما فعل صنوك الباسل ارخميدس و احكي لنا كيف و اين وجدتها؟ بعد ان إحتملناك طويلا وانت تبحث عنها هنا و هناك.
|
كنتا تحت شجرة بلح قامت جات واقعة..
اكشتفت انها عندها جاذبية.. وذلك ما حدث ياصاحبي
حبيبتي كما تفاحة نيوتن ياخدر .. التقينا كما قوانين الطبيعة في انجذاب تام..
والبترميها الطبيعة بيحملا عزيز..
خدر ياصاحب
نحن ونيابة عن تفاحتنا بنهديك اطيب السلام وكثير المحبة..وتهنئتك دي سرت بالنا ومنحتنا احساس عمييق بالجميل..
اكتر من كده ما تتوقع مني اجتهاد..فذلك مبلغ قدرتي على كشف الاسرار واحسبه مبلغ قدرتك برضو..
قصة الكرتلة اللقيتا فيها دي تلقاها عند الغافل يامعلم..
هنا في مبدا اسمى من كافة تخرصاتك التي ما فتئت تفلقني بيها اسمو تكتم في قضاء حوائجك ما بلغت الى ذلك سبيلا..
،،،،،،،،،،،،،،،،،،،،،،،،،،،،،،،
انتا التلج الحبسك وخلاك ماعندك شغلة غيري ده الله يحرق صباحو ذاتو..
يعني لحدي الصيف حتكون مباري قصتي دي؟؟
|
Post: #84
Title: Re: مبروك يا معفن و بيت مال و عيال
Author: doma
Date: 12-18-2010, 06:21 PM
Parent: #83
طرطشتونا الله يطرطشكم انت وخدر بجاه الجماعه كلهم
|
Post: #85
Title: Re: مبروك يا معفن و بيت مال و عيال
Author: انعام عبد الحفيظ
Date: 12-18-2010, 10:14 PM
Parent: #84
الف مبروك يا عزيز وربنا يسعدكم انشاء الله
خدر إزيك ياخ والله ما سامعه أي شئ
|
Post: #86
Title: Re: مبروك يا معفن و بيت مال و عيال
Author: haroon diyab
Date: 12-18-2010, 10:29 PM
Parent: #85
خدر يافنان
سلامات
والله ياخي خبرك بمليون
وحاتك الليلة صحبك لقيتو
يتغدي الساعة 4 في مطعم ادروب
والله حنيت لي حالو....!!!!!
ياخي نحنا في الدوحة الساعة اربعة
بنكون نستعد للعشاء
عزيز شلال
علي الوعد باذن الله
سلامات
|
Post: #87
Title: Re: مبروك يا معفن و بيت مال و عيال
Author: Ashraf el-Halabi
Date: 12-19-2010, 08:03 AM
Parent: #86
سلامات يا فنان
ألف مبروك لدكين وبيت مال وعيال
|
Post: #88
Title: Re: مبروك يا معفن و بيت مال و عيال
Author: انعام حيمورة
Date: 12-19-2010, 08:53 AM
Parent: #87
الف الف مبروك
وبيت ومال وعيال يا دكين
شكراا ياخدر ومشتاقين
|
Post: #89
Title: Re: مبروك يا معفن و بيت مال و عيال
Author: اساسي
Date: 12-19-2010, 09:00 AM
Parent: #88
الف مبروك يا دكين
|
Post: #90
Title: Re: مبروك يا معفن و بيت مال و عيال
Author: saadeldin abdelrahman
Date: 12-19-2010, 10:46 AM
Parent: #89
حمدلله على سلامة الوصول يا دكين
ربنا يتمم على خير
شكرا خدر
|
Post: #91
Title: Re: مبروك يا معفن و بيت مال و عيال
Author: محسن خالد
Date: 12-19-2010, 11:25 AM
Parent: #90
Quote: مبروك ليها ياحبيب
لاقياني وين
دكين
|
عان الجخ دا ساي؟ علي بالحلال يا وغد، إنت السعيد في عمرك دا.
لكن عارف الضحكني شنو؟ حكاية إنو ناس ما اطمأنت وناس لساها خايفة منّك، وإنك مخيف، ومرعب هههه
يمين ذكرتني قصيدة العقاب الهرم للعقاد.
ياخي بعد اتلميت وشعرت بالبَر، ما تقوم تشوف لي أمك دي في حكاية الأدعية الصالحة، نظام استلاف يعني لخالتي العزيزة، كان ينفك ساجوري أنا كمان.
غايتو دعوات الحاجّة المهلتها عليك دي، أشهد لها أنها من الصالحات.
مبروك للشابة النادرة العروس، بارك الله فيها، أبداً ما قصرت معاك.
---
ما تزعل شديد ممكن أعرس قريب، فبكون عندك فرصة تسدَّ
الأسرة حق، والعرس بشيل عوّامو
يا مصاريني
|
Post: #92
Title: Re: مبروك يا معفن و بيت مال و عيال
Author: GamarBoBa
Date: 12-19-2010, 02:04 PM
Parent: #91
الف مبروك يا دكين ...ربنا يتمم علي خير...
اصدق التهاني
|
Post: #93
Title: Re: مبروك يا معفن و بيت مال و عيال
Author: tariq
Date: 12-23-2010, 10:17 PM
Parent: #92
اخي وصديقي الاسفيري دكين الف الف مبروك ومنك المال ومنها العيال ان شاءالله .... اللهم بارك لهما وبارك عليهما واجمع بينهما في خير ... وتحياتي للعروس ....
|
Post: #94
Title: Re: مبروك يا معفن و بيت مال و عيال
Author: رشا سالم
Date: 12-23-2010, 11:39 PM
Parent: #93
مليون مبروك يا وغد..ولو طلعت الفي بالي تكون الدنيا
كلها داعية ليك..
اديني خبر لو العرس في الدوحة عشان نمتطي الفارهة ونجيك
ونزغرت a live اصلنا حنكون اهل عريس وعروس..
...
فيما يختص بالاغنية يا خدر فانا ما عافية ليك..بكيتني
وجاية هولندا يوم 5 فبراير لو ربنا احيانا..اوعك تكون
حايم بره البلد والا ...
حأبكي تاني وبرضو ما بعفي ليك..
|
Post: #95
Title: Re: مبروك يا معفن و بيت مال و عيال
Author: jini
Date: 12-24-2010, 06:09 AM
Parent: #94
الف مبروك لعشا البايتات وبيت مال وعيال
جنى
|
Post: #96
Title: Re: مبروك يا معفن و بيت مال و عيال
Author: باسط المكي
Date: 12-24-2010, 08:37 AM
Parent: #95
مبروك وبيت مال وعيال
يا دكين
|
|