التعليق في هذا البوست على مسئولية مناضله!!!

انا فتحت البوست دا مخصوص عشان أقول إني لاحظت إنو بعض المناضلين
بقوا يمتنوا على الوطن بنضالهم وإنهم بقوا يزايدوا على مواقف الشرفاء
ويفترضوا فيها خذلان حسبما تصوّر لهم عقولهم وأهواءهم
ما أظن في شخص سوي ويدعي الديمقراطية يكون واقف على راس الناس وبيحدد ليها
تعمل شنو عشان تكون وطنية في نظرهم!!!
بهكذا تصرفات من هكذا عقليات ستظل الإنقاذ على رؤوسنا مئات من السنين

أحييي من قبيل عايزة لي فرقة عشان اقول (ريموت كنترول) !!











--
ريحتيني في حناني ذاتو ياخ هههههههههههههههههه

ده بالنسبة لي شنو يا شقيقة؟؟؟



أكتلي الشارع بس

دا بالنسبة للنضال الأخير يا شقيق


أكتل الشارع كيف ما انا من زمان بكتل الشارع وبغض الطرف لما خلاص هسه غلبني







ــــــ
النضال الأخير دا مقصود بيهو نضال الشرطة لأنو النضال الأول كان نضال الأمن
كان الناس بسوقوهم على بيوت الأشباح طوالي مافي أقسام شرطة ولا يحزنون!!! 

يا إنعام يا المراسلة الحربية الريموت معاك يلا أقدلي لينا

وهل الإعتقال والسجن هما المقياس الأوحد للوطنية
وللفعل الشريف تجاه المبادئ التي يحملها الإنسان الوطني ؟؟؟

وهل لكي تكون مناضلاً لازم يتصدّر إسمك وصورك البوستات في المسيرات
وكل أشكال التعبير الحالية والفي الفترة الأخيرة الفي الشارع العام ؟؟؟

يا ريت الناس تعرف الخلاف والشد بيكون خصماً على شنو ....

نهايتو ..... الحاجة دي ما حقت زول .. وهي متاحة من شيل المدافع لي شيل الشعارات في الشوارع أو حتى طقطقة كيبورد.

المهم تثبيت المواقف.

_____
إنعام وإنعام ..... عملتو لينا زغللة عيون .. نفس الإسم .. ونفس البروفايل .. ونفس الكلام.

لكن برضو .. إزيكم .. ومشتاقين يعلم الله.

Quote: يا ريت الناس تعرف الخلاف والشد بيكون خصماً على شنو .... نهايتو ..... الحاجة دي ما حقت زول .. وهي متاحة من شيل المدافع لي شيل الشعارات في الشوارع أو حتى طقطقة كيبورد. المهم تثبيت المواقف.

تثبيت الموقف دا يا ابو الريش بكون أولاً قدام ضميرك
وثانياً قدام الحولك من الناس وأخيراً قدام الكل وعامة الناس
وتثبيت الموقف من أجل وطنك أشكالو كتيرة ما عندو نمط محدد



سلامات يا محمد وعساك طيب 

Quote: إنعام وإنعام ..... عملتو لينا زغللة عيون .. نفس الإسم .. ونفس البروفايل .. ونفس الكلام.

عارف يا محمد نحن تؤام ما بالاسم بس بي اي شي متطابقين مع بعض

حتى في الرقيص والهجيج بس الفرق الوحيد بينا انعام ما بتتصور وانا قاعد اتصور ههههههههههههههه

لكن يبدو انو انعام نظريتها صاح في عدم التصوير وانزال صورها في المنبر العام

غايتو انا من يوم الليلة زول ينزل لي صورة في المنبر مافي

سمح يا أنور التكينة وانت يا طارق جبريل الصور الداسيها اوعك تمرقا

ابو الريش شوق عظيم ياخ


---
اللهم خلينا لي بعض ومنال معانا برضو

انعام سلامات

Quote: وهل لكي تكون مناضلاً لازم يتصدّر إسمك وصورك البوستات في المسيرات وكل أشكال التعبير الحالية والفي الفترة الأخيرة الفي الشارع العام ؟؟؟

كان بقي النضال كدي
من يوم الليلة انا ماعندي علاقة بيهو


خالص الود

انعام عبد الحفيظ

سلامات ياشقيقة

يعني انتي كمان لاحظتي ....؟

ياخي انا عامل فيها تفتيحة

وماسك مفاتيحة وقايل نفسي

براااااااااي لاحظت الحركة

الفي شكل فراشة دي.....!!!!

Quote: بعض المناضلين بقوا يمتنوا على الوطن بنضالهم وإنهم بقوا يزايدوا على مواقف الشرفاء ويفترضوا فيها خذلان حسبما تصوّر لهم عقولهم وأهواءهم ما أظن في شخص سوي ويدعي الديمقراطية يكون واقف على راس الناس وبيحدد ليها تعمل شنو عشان تكون وطنية في نظرهم!!!

اتاريها الحركة بقت وااااااااااااااااااضحة

وظاااااااااااااااااااااهرة ....!!!!!!

انعام حيمورة

سلمي لي علي صديقي ازهري

يصله ويجدكم بالف خير

الحاصل

شنو ياناس

Quote: يعني انتي كمان لاحظتي ....؟

يا هارون طفح الكيل خلاص
من زمان شايفين وعارفين بس عاملين رايحين
ياخي دي قصة بقت غريبة جد

يا ياسر يلزم الجميع ان يفهموا ان لا نضال بإقصاء الآخرين
ولا نضال بعزل الناس وتحديد مسارهم ورسم خط محدد كي يسيروا فيه  
الديمقراطية هي قبول الآخر لا رفضه وصده وتجريمه وتخوينه

Quote: التعليق في هذا البوست على مسئولية مناضله!!!

توضيح للعنوان دا يا جماعة وإزالة للبس في الفهم حدث لبعضهم !!!
التعليق في هذا البوست على مسئولية مناضله أي صاحبه
التعليق في هذا البوست على مسئولية صاحبه!!!
يعني أي زول يجي يناضل في البوست دا يتحمّل مسئولية تعليقو
انا ما مسئولة من أي تعليق هنا بتاتاً لأني ما طارحه نفسي مناضله في البوست دا

Quote: أحييي من قبيل عايزة لي فرقة عشان اقول (ريموت كنترول) !!

انعام حيموره مالك يا اختي قاطعه الخبر عل المانع خير ؟؟!!!

يا ماما دومة إزيك
عليك الله بعد ما إنعام ترد عليك خليها تحكي وتمثّل ليك قصة الريموت كنترول

ماما دومة ..

كيفك والله مشتاقين والله قاعدة انتي المافي ..

اليوم كلو بعاين ليك انتي الما ظاهرة ..



خلاص تعالي عشان احكي ليك قصة الريموت كنترول هههههههههه



نعوم المداخلة دي علي مسئولتي

Quote: انا ما مسئولة من أي تعليق هنا بتاتاً لأني ما طارحه نفسي مناضله في البوست دا

يـا أنعـام هذه شيمة وتواضع قل من يفهمه ويقدرة ،، نحن نفتخر ونباهى بك داخل

المليون ميل مربع (هذا الى ما قبل 09/ يناير)

تحياتى يا شقيقه ،،، وكما يقولون ( أن فى الصمت كلام )

أنا وكما هو معلوم لم أتي لحوار


بس جيت أسلم

Quote: يـا أنعـام هذه شيمة وتواضع قل من يفهمه ويقدرة ،، نحن نفتخر ونباهى بك داخل المليون ميل مربع (هذا الى ما قبل 09/ يناير)

ونحن ايضا نحترم ونعز كل المناضلين الشرفاء من امثالها


ولانامت اعين الهبل المهاوييس وادعياء النضال

نعوم يا صديقة
هدى اللعب شوية
هههههههههههههههههههههههههه
بجيك راجعة
بعد ابقى مناضلة اسوى ليك شنو حددتى صفة المتداخلييييين

بيان حول قضية فتاة الفيديو
16th, December 2010, 9:32 am
نيابة عن نساء دارفور الائى تعرضن للاغتصاب المنظم تحت اشراف المؤتمر الوطنى الفاقد لادنى قيم الاسلام والاخلاق السودانية — ونيابة عن رئيس الحركة د خليل ابراهيم وقيادات الحركة فى كل مؤسساتها — تدين حركة العدل والمساواة السودانية وتشجب كل اشكال التعديب والاهانة والادلال التى تتعرض لها المراة السودانية فى كل ارجاء السودان والتى تجلت فى احدى صورها الموثقة فى حالة فتاة الفيديو التى شهدها العالم على النيت فى عهد ثورة وكيلكس التى تمردت غلى كل اشكال الرقابة الحكومية وتهديدات المخابرات بكل اشكالها — ان حركة العدل والمساواة تشاطر كل نساء السودان — وكل الامهات والاخوات الاحزان والماسى التى تعانيها على ايدى جلادى الشعب السودانى من قيادلت المؤتمر الوطنى المجرمة الملطخة الايادى بالابادة الجماعية والتطهير العرقى والجرائم ضد الانسانية — وتشيد حركة العدل والمساواة بنزول النساء فى الخرطوم للشارع للتعبير عن رفضهن واستنكارهن للضرب والاهانة — كما تشيد بالمقاومة المدنية المنظمة التى نظمتها قوى المجتمع المدنى السودانية فى كل انحاء العلم مستنكرة اهانة المراة السودانية

ان العقلية الامنية فى حكومة المؤتمر الوطنى التى استخدمت الاغتصاب كسلاح للحرب فى دارفور غير مؤهلة اخلاقيا ولا شرعيا لاقامة الحدود والقصاص على كائن من كان فى السودان — لانها حكومة تجار الدين — حكومة الفساد المالى والاخلاقى بشهادة مؤسسات الشفافية — حكومة الدولة الفاشلة العاجزة عن صيانة الحدود — ووطن الجدود — ان صورة فتاة الفيدو تمثل حالة واحدة من حالات الانحطاط الشامل التى يعانى منها السودان على يدى حكام المتمر الوطنى المطلوبين للعدالة الدولية — وتلاحقهم اوامر القبض ومدكرات التوقيف اينما ثقفوا — ان حركة العدل والمساواة تهيب بكافة الشرفاء على امتداد هدا الوطن الدى لم تعد مساحته مليون ميل مربع — (باعتبار ما سيكون بعد الاستفتاء) — بتنظيم الصفوف لقلع هدا النظام العنصرى الفاشى من الجدور — فالنظام لا يسقط الا بالتنظيم الدقيق — وقد وحدت المقاومة الدارفورية صفوفها وتوحدت فى تحالف وطنى عريض — سياسيا وعسكريا من اجل اسقاط النظام الفاشى — ولهزيمة المؤتمر الوطنى تهيب حركة العدل بكل طلائع التغيير فى (المركز) بتنظم المقاومة الشعبية — من اجل التغيير الجدرى المدروس

وعاش نضال المراة السودانية — وكل المستضعفين من الرجال والنساء والولدان — فى كل السودان — وتحية لكم من اشاوس العدل والمساواة — الدين يسيطرون على الارض فى كل ولايات دارفور الكبرى وكردفان الكبرى — وموعدنا الصبح

ابوبكر القاضى

رئيس المؤتمر العام

إنعام عبدوُالحفيظ.
أوع تكوني حزب أمة بس!

إذا انتي حزب أمة انا حرج ليك في بوستك ده تاني بي كلاام كتتتتتييييير.
والكلام حيكون علي مسئوليتي طبعاً.

انعام ع / الحفيظ العظيمة

صحيح النضال خشم بيوت وكفى

تسلمي

درب النضاال قاسي!
وضرب النساء إذلال ...

تحاياي

الاخت انعام عبد الحفيظ

تحية طيبة



ما اعرفه انت زوله عمل عام ولك حزبك الذي تنتمي اليه وله برنامج وتاريخ كبير فهو حزب



من احزاب السودان التي ارست مفاهيم للعمل الديمقراطي ويحمد له انه لم يخطط لانقلاب او كان من عضويته من قام بانقلاب


ما اتمناه هو انه كان ان تشكلي تواجد ليس في المسيرة وهي فرض عين لمن يحاول ان ينتزع الديمقراطية عنوة واقتدارا

ومهما ليل الظلم الا ان صبح الخلاص قادم


اعلم انك في حزب ومعك قريبتي وهج التي لا تساوم في اي قضية يحاول بعض اهلها الذين ينتمون الي الجبهة ارغامها علي الرضوخ لكنها تقول لا مثلما يفعل قريبنا حاتم السر

الذي لا زال يناضل ضد العسكر


انت بالنسبة لي متقدمه علي لانك لك حزبك ولك برنامجك وهو في اول التسعينات رفع شعار سلم تسلم

لا ازال اتمني وحدة حزبك ووحدة الجماهير خلفك انت وقيادتك السياسية لانو لو لم تتقدمي انت الصفوف الحركة الجماهيرية عمرها ما حا تنجز المهام

لانو الطليعة للشعب هي الاحزاب السياسية التي تؤمن بالتغيير

انت هنا تختلفي عن من ليس له لها حزب ومن الممكن ان تجذبه اي اطروحات سياسية


اتمني علي قوي المعارضة الانتباه وان تخلق للجماهير الامل الذي اصبح بعيدا
لكن عند الله قريبا


سلامي واحترامي لك ولقادة العمل السياسي

النعناعتين ازيكن ومشتاقين
انا غايتو زي اختي راوية دي جابنا الدرب وقلنا نطايبكن بي ضيوفكن
وراوية زاتها معاكن
مشتاقين يا الحبيبات