Post: #1
Title: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:15 AM
خرجنا برغبة منا دون تنسيق أو إيعاز من أحد ..
في النهاية الحكاية قناعات ..
أنا شخصياً ضد ماتعرضت له الفتاة من إهانة وإمتهان نتيجة الجلد الخاطي المهين ..
وقد تم إعتقالنا وأفرج عنا والحمدلله ..
النجيضة :
أول حاجة لا أحتاج الي شكر أو مدح أو ثناء أو ترقية ( )
تانياً لايهني أن أكون كالسارية حتي يراني الكل أو البعض (سوف أذكر البعض تفصيلاً في وقت لاحق )
تالتاً أنا مع خروج المسيرة من أجل تسليم المذكرة لرفع الضرر عن تلك الفتاة والسعي لعدم تكرار ذلك .. لكن أن تسيس القضية ويتخذ البعض من الفتاة مطية للنيل من الشريعة الإسلامية فهذا مالم أخرج من أجله ,,
ــ
ولا أسعي لكي أنضم الي كشف المناضلين أو من يدعون النضال ..
لأني أختلف معهم في كثير مما يؤمنون به .
|
Post: #2
Title: Re: ذهبنا للمسيرة رغبةً لا رهبة !
Author: HAIDER ALZAIN
Date: 12-16-2010, 11:24 AM
Parent: #1
إن شاء الله شربتو شوربة قراقيــر بس ..
فسمك عوضيــة دون الشوربة كالصلاة من غيــر وضوء ..
ــــــــــ
والتحية للمناضل وهبة
|
Post: #5
Title: Re: ذهبنا للمسيرة رغبةً لا رهبة !
Author: Yassir Tayfour
Date: 12-16-2010, 11:29 AM
Parent: #2
يا حيدر الزين
لا قول لي أكثر من ما قاله د. مصطفى محمود..
___
السيِّد ووهبه، العَشاء مُقدم على العِشاء، فما بال المسيرة؟
|
Post: #9
Title: Re: ذهبنا للمسيرة رغبةً لا رهبة !
Author: HAIDER ALZAIN
Date: 12-16-2010, 11:36 AM
Parent: #5
Quote: قول لي أكثر من ما قاله د. مصطفى محمود..
|
مناضل محمود استحق عليها الاوسكار بجدارة .. ونقش ليك نومتم اول زول ..
اصلاً هو بيكون عارف حركات المناضلين البيتاجروا بالقضايا دي فختاها ليهم في التمانيات طوالي
|
Post: #10
Title: Re: ذهبنا للمسيرة رغبةً لا رهبة !
Author: Yassir Tayfour
Date: 12-16-2010, 11:45 AM
Parent: #9
يا حيدر الزين
وهبه والسيد هما ما قال فيهم د. مصطفى محمود قولته الشهيره التي سار بها الركبان: ما أتوا لحوار ولكنهم أتوا لأجندات، التجاهل التجاهل التجاهل..
___
فحق فيهما (التجاهل) تكعيب..
|
Post: #18
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 12:16 PM
Parent: #9
| Quote: اصلاً هو بيكون عارف حركات المناضلين البيتاجروا بالقضايا دي فختاها ليهم في التمانيات طوالي |
طيب ليه ماختاها لـ خالد أبوأحمد لما بكي مجعراً وقال ماقال في حق نفسه وحق المعارضة .. ؟
إنها إذدواجية المعايير التي طالما تحدثنا عنها حد الملل !
ــ
مصطفي محمود لا يملك الشجاعة التي تجعله يكتب بإسمه ..
لهذا فسوف أتجاهله متعمداً .
|
Post: #12
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:49 AM
Parent: #5
| Quote: السيِّد ووهبه، العَشاء مُقدم على العِشاء، فما بال المسيرة؟ |
أها يابتاع السياحة المخية !
قلت لي وهبة دا بقدم العشاء ويأخر أي حاجة ..
كمان جابت ليها إغتيال شخصية ياهذا ..
تباً لكـ
|
Post: #6
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:31 AM
Parent: #2
بالمناسبة دي ياحيدر أختنا عوضية كانت كان عاملة يوم مفتوح ومجاني دعماً لمبادرة لا لقهر النساء
السمكـ ملح لكن الشوربة خارج إطار الدعم المقدم ..
شفت الحظ دا كيف ياعريس ؟.
|
Post: #3
Title: Re: ذهبنا للمسيرة رغبةً لا رهبة !
Author: معاوية عوض الكريم
Date: 12-16-2010, 11:26 AM
Parent: #1
طيب ليه ما سجلوكم في قائمة الشرف ؟!
Quote: وقد تم إعتقالنا وأفرج عنا والحمدلله ..
|
وفي رواية اخرى قالو مشيتو تضربو سمك .. انت والامنجي وهبة
|
Post: #11
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:46 AM
Parent: #3
ياكبسور لو نحن ماشين للسمك داسينو مالو ..
وهل كانت عوضية تبيع العرقي أم كان السمكـ مسبة !
نصيحتي ليك تاني لو حصل أي شي أمشي لكن ما تكلم زول .
|
Post: #4
Title: Re: ذهبنا للمسيرة رغبةً لا رهبة !
Author: محمد البشرى الخضر
Date: 12-16-2010, 11:27 AM
Parent: #1
أها وختيت في الكشف ولاّ عملت رايح
|
Post: #7
Title: Re: ذهبنا للمسيرة رغبةً لا رهبة !
Author: ياسر بيناوي
Date: 12-16-2010, 11:32 AM
Parent: #4
Quote: إن شاء الله شربتو شوربة قراقيــر بس ..
فسمك عوضيــة دون الشوربة كالصلاة من غيــر وضوء ..
|
ارفعوا اقلامكم عن المناضلين
عاش نضال البزيانوس
|
Post: #14
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:52 AM
Parent: #7
| Quote: عاش نضال البزيانوس |
عاش عاش عاش
|
Post: #8
Title: Re: ذهبنا للمسيرة رغبةً لا رهبة !
Author: Yassir Tayfour
Date: 12-16-2010, 11:34 AM
Parent: #4
السيِّد ووهبه تم إعتقالهما للمتاجرة بالعملة، وهذا للعلم..
المصدر:
مثلي لا يسأل من المصدر، أو كما قالت ميادة..
|
Post: #16
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 12:02 PM
Parent: #8
| Quote: السيِّد ووهبه تم إعتقالهما للمتاجرة بالعملة، وهذا للعلم.. |
لا يخفي علي القارئ محاولة ياسر طيفور تصفية حساباته التي لا علاقة لها بموضوع البوست ..
|
Post: #13
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 11:51 AM
Parent: #4
| Quote: أها وختيت في الكشف ولاّ عملت رايح |
ياودالبشري لو ختيت في الكشف ماكنت فتحت البوست دا ..!
كان أتفتحت لي مية بوست .
|
Post: #15
Title: Re: ذهبنا للمسيرة رغبةً لا رهبة !
Author: بدر الدين اسحاق احمد
Date: 12-16-2010, 12:00 PM
Parent: #13
ارفعو اقلامكم عن المناضــلان ( ابو السيد ووهبــه )
بالله يا ابو السيد يا صاحب ( عامل فيها مناضل من ورانــا )
|
Post: #17
Title: Re: ذهبنا للمسيرة رغبةً لا رهبة !
Author: معتصم محمد صالح
Date: 12-16-2010, 12:06 PM
Parent: #15
الشهادة لله .. لم ارهما لدى عوضية التي قضيت لديها سحابة ذلك النهار (نهار المسيرة النسائية) ..
احتمال يكونوا مشوا شعيب ...
|
Post: #19
Title: Re: ذهبنا للمسيرة رغبةً لا رهبة !
Author: وليد عبد اللطيف
Date: 12-16-2010, 12:33 PM
Parent: #17
.
Quote: الشهادة لله .. لم ارهما لدى عوضية التي قضيت لديها سحابة ذلك النهار (نهار المسيرة النسائية) ..
احتمال يكونوا مشوا شعيب .. |
هه هه هه
دي بالغت فيها عديل
الله ياجزيكم انتو الواحد اصلا مايقع في خشمكم
كمان يجيكم هنا ود الصايم وتتموا الناقصة
.
.
----------------------------------------
السيد ياسيد اخوك عوض المسلمي مالو قافل التلفون للان خايف يقولو ليه جاين يعتقلوك ( على قول صاحبك ) هه هه هه
|
Post: #20
Title: Re: ذهبنا للمسيرة رغبةً لا رهبة !
Author: اسماء الجنيد
Date: 12-16-2010, 12:42 PM
Parent: #19
Quote: أول حاجة لا أحتاج الي شكر أو مدح أو ثناء أو ترقية ( )
تانياً لايهني أن أكون كالسارية حتي يراني الكل أو البعض |
المسلمي لك التحية والتقدير ,,
شوف يا خوي السطرين الفوق ديل قناعة ما بعدها قناعة
تعبير بليغ ومختصر
كلامك ريحني جدا يعلم الله
وتاني على قول ود طيفور ياسر اي زول نضم معاك
التجاهل التجاهل النجاهل و بس
مشاققة
ياسر طيفور والله انت اظرف زول في البورد ده
اليومين ديل انت كاتبي المفضل بديك شهادة اديبنا خفيف الظل تسلم ياخ والتحية عبرك لست بيتك المصون
كل الود
|
Post: #21
Title: Re: ذهبنا للمسيرة رغبةً لا رهبة !
Author: Deng
Date: 12-16-2010, 12:54 PM
Parent: #20
| Quote: الشهادة لله .. لم ارهما لدى عوضية التي قضيت لديها سحابة ذلك النهار (نهار المسيرة النسائية) .. |
أنها شهادة مجروحة.
|
Post: #23
Title: Re: ذهبنا للمسيرة رغبةً لا رهبة !
Author: علاء الدين يوسف علي محمد
Date: 12-16-2010, 01:07 PM
Parent: #21
جورج دبليو سسي
إنت جلابي؟
يلا كسِّح بلدك و ألزم بنو جِلدتك و سيب التِّلِصِّق الفي الجلابة ديل
لمتين حتعيش لصقة من حكيم
لعنك الله أينما حللت يا قاتل أطفال العراق
|
Post: #45
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:21 PM
Parent: #23
الأخ علاء الدين هون عليك وماتقوم نفسكـ ساهي
القصة مابتستاهل
|
Post: #46
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:25 PM
Parent: #21
دينق ..
| Quote: أنها شهادة مجروحة. |
الحمدلله إنكـ قلت مجروحة بس !
أتوقعتك تدينا من قاموسكـ المعروف .. فشكراً لك علي هذا الإجتهاد .
ــ
اتمني أن تواصل في هذا المنوال مستقبلاً .
|
Post: #22
Title: Re: ذهبنا للمسيرة رغبةً لا رهبة !
Author: Yassir Tayfour
Date: 12-16-2010, 01:06 PM
Parent: #20
سوما المرهفة ذاتها ما أتت لحوار؟
ومن يأتِ في حضرة السيِّد لحوار؟ نحن نأتيه صمٌ بكمٌ ولا نرى أو نسمع إلا ما نريد كتابته ونخرج..
____
أخبارك وصحتك ومحمد والأولاد؟
|
Post: #25
Title: Re: ذهبنا للمسيرة رغبةً لا رهبة !
Author: انعام حيمورة
Date: 12-16-2010, 01:16 PM
Parent: #22
ابو السيد الف حمد لله على السلامة
لما فتح محمد المسلمي بوست بسال عنك ووهبة
واول مداخلة قام بها لعلاء الدين غيرت مسار البوست !!
بعد اكد انكم بخير وهو اتصل بكم حاولت ادخل المنبر ما قدرت
الف حمد لله على السلامة وتحياتي لوهبة ومحمد المسلمي والعوض ذاتو
ونحن قناعاتك عارفنها ياخ مافي داعي للتبرير
|
Post: #44
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:19 PM
Parent: #25
Quote: الف حمد لله على السلامة وتحياتي لوهبة ومحمد المسلمي والعوض ذاتو
ونحن قناعاتك عارفنها ياخ مافي داعي للتبرير |
النعومة والله عارفكـ مابتقصري أصلك ..
وزي ماقلتي الحكاية قناعات وبالتأكيد لا أحتاج الي تبرير ..
يديك العافية ياملكة .
|
Post: #26
Title: Re: ذهبنا للمسيرة رغبةً لا رهبة !
Author: محمد يوسف الزين
Date: 12-16-2010, 01:16 PM
Parent: #20
يا معتصم والمسلمي..وبقية بورداب الخرطوم الذين أعزهم..
سمعتو بالمعيار الجديد؟
قال:
أتعلمون من هو الـنُقط نُقط؟!
قالوا: لا والله لا نعلم
قال: الـنُقط نُقط هــــو
بوردابي يذهب الى رحلات البورداب وينشرو صورو في البوستات
قيل ثم أي..
قال: بوردابي يذهب الى الرحلات ثم يزوغ من المسيرات!
قيل ثم أي؟ قال:
وبعد أن يزوغ من المسيرات التي ضحى فيها " الشرفاء" .. يفتح البوستات
قالو: حيرتنا!
أليس ذلك هو "الأمنجي"؟!
قال:
نعم..إنه هو وأيم الله
قالو:
ماذا اذا لم يزوغوا؟
قال: اذن هو قول الشاعر:
إذا سقط الذباب على طعام * رفعت يدي ونفسي تشتهيه
وتجتنب الأسود ورود ماء * إذا كان الكلاب ولغن فيه
--------------------------
هل لكم بمسيرة "شرفاء" تـُكفر فيها الذنوب وتنصر بها الحرائر وتتحرر بها الاستنارة من الظلام والعبودية! ، معشر بورداب الخرطوم..سامحكم الله في أسماككم؟!
|
Post: #43
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:16 PM
Parent: #26
Quote: يا معتصم والمسلمي..وبقية بورداب الخرطوم الذين أعزهم..
سمعتو بالمعيار الجديد؟ |
يامحمد يوسف ياحبيب والله معياركـ دا إلا تملاء الأماكن الشاغرة دي حتي نفهموا !
هو في زمن لي نقط نقط .. الدنيا أخر شهر وأخر سنة .. قول الفي ضميركـ يافردة نو تايم .
|
Post: #42
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:13 PM
Parent: #20
Quote: وتاني على قول ود طيفور ياسر اي زول نضم معاك
التجاهل التجاهل النجاهل و بس |
لو طلعت من البوست دا بـ مداخلة الأخت أسماء الجنيد لكفاني  ..
بتقول كلام موزون مش زي حيدر الزين كلامو كلو ( سمكـ وشية في قندهار ) ..
وسوف أعمل بنصيحتكـ القيمة .. وأتجاهل الذين لم ياتوا لحوار .
تحياتي .
|
Post: #27
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 01:17 PM
Parent: #19
| Quote: السيد ياسيد اخوك عوض المسلمي مالو قافل التلفون للان خايف يقولو ليه جاين يعتقلوك ( على قول صاحبك ) |
وليد ياحبيبنا حاول مرة أخري .. ولو ماجا معاكـ أضرب علي جاركـ بتاع المسيرة بديك الشمار .
|
Post: #24
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-16-2010, 01:10 PM
Parent: #17
| Quote: الشهادة لله .. لم ارهما لدى عوضية التي قضيت لديها سحابة ذلك النهار (نهار المسيرة النسائية) .. |
كدي مرقنا من عوضية ..
يلا ياجماعة باقي لينا قندهار .. و بعدها عايزين إعتذارات بالجملة .
ــ
شعيب دا بلعب وين ؟
|
Post: #28
Title: Re: ذهبنا للمسيرة رغبةً لا رهبة !
Author: معاوية عوض الكريم
Date: 12-16-2010, 01:24 PM
Parent: #24
التحية للمناضل الجسور السيد المسلمي وهو يقود المسيرة ..
________
المعتقل لقيتو كيف يا ابو السيد ؟
وقالو ليك شنو في الحبس ..؟!
|
Post: #29
Title: Re: ذهبنا للمسيرة رغبةً لا رهبة !
Author: معتصم محمد صالح
Date: 12-16-2010, 02:23 PM
Parent: #28
| Quote: أنها شهادة مجروحة. |
النجيضة يا عمك الناس ديل لا مشوا مسيرة ولا حاجة كان عندهم تمام وبعد التمام المسلمي حلقوا ليهو صلعة عشان تقاريرو زي الزفت .. ( انتو برضو الامريكان بحلقوا ليكم صلعة لمن تبزبطو ) ؟ اوووع تجي تقول لي تبزبطوا يعني شنو ..
اها اتم ليك .. بعد التمام وهبة قال للسيد نمشي عوضية السيد قال ليهو لا شعيب .. عوضية .. شعيب .. عوضية شعيب .. قام اتضاربو وكل واحد طلع مسدسو للتاني .. قاموا ناس البوليس لقوهم مطلعين المسدسات في الشارع .. رفعوهم في البوكس .. الجماعة شافوهم في بوسك البوليس طلعوهم ليك مناضلين وهم ما عارفين اي حاجة .. في القسم كل واحد طلع بطاقتو .. قاموا فكوهم .. بعد ما فكوهم طبعا قصة عوضية تاني ما بتنجح بتكون قفلت .. المرة دي المسلمي هو القال لي وهبة لاحظ قبيييل وهبة هو القال للمسلمي نمشي عوضية .. والمسلمي قال ليهو شعيب .. اها نواصل .. المسلمي قال لوهبة نمشي قندهار ( جنو خرفان ) وهبة قال ليهو ياخ الزمن راح نمشي بطة .. بطة دي طبعا عندها كوارع مجنونة عديييل .. والجماعة دوروا تاني .. قندهار .. بطة .. قندهار .. بطة .. وتاني اتشاكلو .. وتاني طلعوا المسدسات .. وتاني ناس البوليس قبضوهم ..ورفعوهم في البوكس .. وودوهم القسم .. المرة دي بيتوهم لانو الضابط كان مافي .. الصباح فكوهم زي الساعة تسعة كده .. وهبة قال للمسلمي نمشي عوضية .. المسلمي قال ليهو شعيب ... شعيب .. عوضية .. شعيب .. عوضية ..
|
Post: #30
Title: Re: ذهبنا للمسيرة رغبةً لا رهبة !
Author: Deng
Date: 12-16-2010, 02:45 PM
Parent: #29
الأرزقي علاء الدين يوسف.
أعصابك يا راجل أعصابك.
|
Post: #31
Title: Re: ذهبنا للمسيرة رغبةً لا رهبة !
Author: محمد عادل
Date: 12-16-2010, 03:48 PM
Parent: #30
بوست بتاع نيولوكات
الامنجية انكشفو
|
Post: #33
Title: Re: ذهبنا للمسيرة رغبةً لا رهبة !
Author: Balla Musa
Date: 12-16-2010, 03:57 PM
Parent: #31
يا السيد
سلام
من لم يشهد باعتقاله الشرفاء فاعتقاله غير معتمد..
تحت تحت قالوا كنتو بتوجهو ناس الأمن من داخل المعارضة..
وأحد الشرفاء قال عايزين تستدرجو الشرفاء لبيوت الأشباح!
|
Post: #51
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 02:12 PM
Parent: #33
Quote: من لم يشهد باعتقاله الشرفاء فاعتقاله غير معتمد..
|
أغرب حاجة يادكتور بلة هو حصر الشرفاء في لستة
يعني عادي ممكن الواحد يفتش إسمو في الإحتياطي مايلقاهو خاصة إذا كان الكوتش شاميك للدين
عالم تحير !
Quote: تحت تحت قالوا كنتو بتوجهو ناس الأمن من داخل المعارضة..
وأحد الشرفاء قال عايزين تستدرجو الشرفاء لبيوت الأشباح!تحت تحت قالوا كنتو بتوجهو ناس الأمن من داخل المعارضة..
وأحد الشرفاء قال عايزين تستدرجو الشرفاء لبيوت الأشباح! |
دي نظرية المؤامرة التي طالما تحدثنا عنها مراراً وتكراراً ..
هل المسيرة دي كانو عاملنها في جنينة السيد علي ولا شنو ؟
الناس ديل كلهم كانو في الشارع العام ومالابسين أي أقنعة ولا كمامات !
يعني الدايرنو ناس الأمن أكيد لو في بيتو بجوهو .. دي صعبة دي !!!
دا وهم معشعش في راسهم من قديم الزمان .. وأكتر زول عيان بالحكاية دي هو بشاشا ..
فما تاخد في بالكـ
|
Post: #52
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 02:14 PM
Parent: #31
Quote: بوست بتاع نيولوكات
الامنجية انكشفو |
أترفع من الرد عليك لأسباب أظنني قد ذكرتها لكـ قبلاً .
|
Post: #57
Title: Re: ذهبنا للمسيرة رغبةً لا رهبة !
Author: محمد عادل
Date: 12-18-2010, 01:35 PM
Parent: #52
تعرف تزغردى ياسيده
|
Post: #58
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-18-2010, 05:51 PM
Parent: #57
| Quote: تعرف تزغردى ياسيده |
طويل لسان بس لكن وقت الحارة مابتركز ياحمادة ..
روح الي حال سبيلكـ أديتكـ زمن أكتر مما تستحق .
قرف الله يقرفكـ .
|
Post: #59
Title: Re: ذهبنا للمسيرة رغبةً لا رهبة !
Author: محمد عادل
Date: 12-18-2010, 09:12 PM
Parent: #58
داهية تحمك عفن
|
Post: #32
Title: Re: ذهبنا للمسيرة رغبةً لا رهبة !
Author: بدر الدين اسحاق احمد
Date: 12-16-2010, 03:55 PM
Parent: #30
| Quote: وقالو ليك شنو في الحبس ..؟! |
لا حولا ...
اسرار دولــة يا زول
|
Post: #35
Title: Re: ذهبنا للمسيرة رغبةً لا رهبة !
Author: Elsanosi Badr
Date: 12-16-2010, 04:25 PM
Parent: #32
Quote: بالله يا ابو السيد يا صاحب ( عامل فيها مناضل من ورانــا )
|
| Quote: اسرار دولــة يا زول |
الليله يا المسلمي ... خلاص قطرك قام
من محلك ده تشوف ليك اقرب سفاره وتدخل اوراقك يا مسلمي يا كباشي...
ونهيب ببورداب الخرطوم تشكيل لجنه للدفاع عن السيد المسلمي ضد تحرشات (الجبهجي) شيخ بدرالدين وتبخيس نضاله من قبل (مناضلي الكي بورد) ياسر طيفور ومعتصم ودكتور بله
بدرالسنوسي
سكرتير اللجنه العليا للدفاع عن ودعمنا السيد المسلمي الكباشي
|
Post: #49
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:53 PM
Parent: #35
Quote: ونهيب ببورداب الخرطوم تشكيل لجنه للدفاع عن السيد المسلمي ضد تحرشات (الجبهجي) شيخ بدرالدين وتبخيس نضاله من قبل (مناضلي الكي بورد) ياسر طيفور ومعتصم ودكتور بله
|
ياالسنوسي ناس ياسرأبوتفة ومعتصم ودكتور بلة .. ديل الحبة مابسوها ..
بالله ركز لي علي الأمنجي بدرالدين إسحق ..دا لو قصدنا بغطس حجرنا . والله تاني في قوقل ماتلقي لي خبر .
ــ
| Quote: سكرتير اللجنه العليا للدفاع عن ودعمنا السيد المسلمي الكباشي |
شكلك كدا نويت تبيع ود عمكـ ياسنوسي ( الله غالب )
|
Post: #50
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:56 PM
Parent: #32
Quote: لا حولا ...
اسرار دولــة يا زول |
يعني يابدرالدين ناس عووووك عوووك .. وشي صور وشي فيدبو كلو مافيهو أسرار دولة ..
بس بقت علي أنا المسكين دا ..
ماهو المعيار ( أو كما قال الحبشي )
|
Post: #34
Title: Re: ذهبنا للمسيرة رغبةً لا رهبة !
Author: Elawad
Date: 12-16-2010, 04:04 PM
Parent: #30
السيد ياخي المسألة فوضى هي... في نزام في سيستم زي ما قال الراجل في النكتة. كلامك دا غير مقبول إلا تجيب لينا شهادة موقعة من تلاتة مناضلات و تلاتة مناضلين من مناضلي الداخل و موثقة من مناضلين و مناضلتين من مناضلي الخارج بشرط أن يكونوا مقيمين في دول غير ناطقة بالعربية... يعني مناضلين السعودية و الخليج ديل ما لازمننا لأنه عارف عندنا مناضلين كتار عندهم راي في موضوع الكفيل و كدا.
يا زول ما تشتغل بالعوة دي... دي مواقف بتقيفوها لأنها بتشبهكم و بتشبه أخلاقكم و ما حاجة الواحد بعملها عشان تتكب في سيرته الذاتية.
|
Post: #36
Title: Re: ذهبنا للمسيرة رغبةً لا رهبة !
Author: saif massad ali
Date: 12-16-2010, 04:50 PM
Parent: #34
بالله صلاح قوش كل يوم معاكم
وسجنوكم كمان
اسمع السيد يا اخوي
قنبوري بقي طويل
|
Post: #37
Title: Re: ذهبنا للمسيرة رغبةً لا رهبة !
Author: ود الباوقة
Date: 12-16-2010, 04:57 PM
Parent: #36
| Quote: أنها شهادة مجروحة. |
دينق
يجرحك ان شاء الله بوش الاب .......
|
Post: #38
Title: Re: ذهبنا للمسيرة رغبةً لا رهبة !
Author: ABUHUSSEIN
Date: 12-16-2010, 06:23 PM
Parent: #37
Quote: فسمك عوضيــة دون الشوربة كالصلاة من غيــر وضوء ..
|
لكن التشبيه ما عندك يا الطريفي .....
|
Post: #39
Title: Re: ذهبنا للمسيرة رغبةً لا رهبة !
Author: saif massad ali
Date: 12-16-2010, 06:36 PM
Parent: #38
بيان حول قضية فتاة الفيديو
16th, December 2010, 9:32 am
نيابة عن نساء دارفور الائى تعرضن للاغتصاب المنظم تحت اشراف المؤتمر الوطنى الفاقد لادنى قيم الاسلام والاخلاق السودانية — ونيابة عن رئيس الحركة د خليل ابراهيم وقيادات الحركة فى كل مؤسساتها — تدين حركة العدل والمساواة السودانية وتشجب كل اشكال التعديب والاهانة والادلال التى تتعرض لها المراة السودانية فى كل ارجاء السودان والتى تجلت فى احدى صورها الموثقة فى حالة فتاة الفيديو التى شهدها العالم على النيت فى عهد ثورة وكيلكس التى تمردت غلى كل اشكال الرقابة الحكومية وتهديدات المخابرات بكل اشكالها — ان حركة العدل والمساواة تشاطر كل نساء السودان — وكل الامهات والاخوات الاحزان والماسى التى تعانيها على ايدى جلادى الشعب السودانى من قيادلت المؤتمر الوطنى المجرمة الملطخة الايادى بالابادة الجماعية والتطهير العرقى والجرائم ضد الانسانية — وتشيد حركة العدل والمساواة بنزول النساء فى الخرطوم للشارع للتعبير عن رفضهن واستنكارهن للضرب والاهانة — كما تشيد بالمقاومة المدنية المنظمة التى نظمتها قوى المجتمع المدنى السودانية فى كل انحاء العلم مستنكرة اهانة المراة السودانية
ان العقلية الامنية فى حكومة المؤتمر الوطنى التى استخدمت الاغتصاب كسلاح للحرب فى دارفور غير مؤهلة اخلاقيا ولا شرعيا لاقامة الحدود والقصاص على كائن من كان فى السودان — لانها حكومة تجار الدين — حكومة الفساد المالى والاخلاقى بشهادة مؤسسات الشفافية — حكومة الدولة الفاشلة العاجزة عن صيانة الحدود — ووطن الجدود — ان صورة فتاة الفيدو تمثل حالة واحدة من حالات الانحطاط الشامل التى يعانى منها السودان على يدى حكام المتمر الوطنى المطلوبين للعدالة الدولية — وتلاحقهم اوامر القبض ومدكرات التوقيف اينما ثقفوا — ان حركة العدل والمساواة تهيب بكافة الشرفاء على امتداد هدا الوطن الدى لم تعد مساحته مليون ميل مربع — (باعتبار ما سيكون بعد الاستفتاء) — بتنظيم الصفوف لقلع هدا النظام العنصرى الفاشى من الجدور — فالنظام لا يسقط الا بالتنظيم الدقيق — وقد وحدت المقاومة الدارفورية صفوفها وتوحدت فى تحالف وطنى عريض — سياسيا وعسكريا من اجل اسقاط النظام الفاشى — ولهزيمة المؤتمر الوطنى تهيب حركة العدل بكل طلائع التغيير فى (المركز) بتنظم المقاومة الشعبية — من اجل التغيير الجدرى المدروس
وعاش نضال المراة السودانية — وكل المستضعفين من الرجال والنساء والولدان — فى كل السودان — وتحية لكم من اشاوس العدل والمساواة — الدين يسيطرون على الارض فى كل ولايات دارفور الكبرى وكردفان الكبرى — وموعدنا الصبح
ابوبكر القاضى
رئيس المؤتمر العام
|
Post: #40
Title: Re: ذهبنا للمسيرة رغبةً لا رهبة !
Author: mohmed khalail
Date: 12-16-2010, 06:57 PM
Parent: #39
ابو السيد
إن شاء الله في ميزان نضالاتك
وكفارة ليك يا الزول اصلو السجن للرجّالة
|
Post: #41
Title: Re: ذهبنا للمسيرة رغبةً لا رهبة !
Author: Hassan Makkawi
Date: 12-16-2010, 07:35 PM
Parent: #40
| Quote: أنها شهادة مجروحة. |
يجرحك مايكل تايسون شخصياً....قول آآآمين
_______________________________
تحياتى للمناضل الجسور مسلمى
|
Post: #47
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:27 PM
Parent: #36
سلاما .. سلاما
|
Post: #48
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 01:44 PM
Parent: #34
| Quote: السيد ياخي المسألة فوضى هي... في نزام في سيستم زي ما قال الراجل في النكتة. كلامك دا غير مقبول إلا تجيب لينا شهادة موقعة من تلاتة مناضلات و تلاتة مناضلين من مناضلي الداخل و موثقة من مناضلين و مناضلتين من مناضلي الخارج بشرط أن يكونوا مقيمين في دول غير ناطقة بالعربية... يعني مناضلين السعودية و الخليج ديل ما لازمننا لأنه عارف عندنا مناضلين كتار عندهم راي في موضوع الكفيل و كدا. |
قريت مداخلتكـ مرة ومرتين وتلاتة .. وطلعت منها إنكـ إنت العوض دا ماك حاسبني مع المناضلين الذين لايشق لهم غبار ..
وهذا في نظري تخطي متعمد منكـ ومقصود من أجل إضعاف وتشتيت القوي الوطنية ..
ـــ
تسلم ياحبيبنا ياسر ..
وشكرا علي كلماتكـ الطيبة في حقنا ..
الف تحية .
|
Post: #53
Title: Re: ذهبنا للمسيرة رغبةً لا رهبة !
Author: السيد المسلمي
Date: 12-17-2010, 02:16 PM
Parent: #28
Quote: المعتقل لقيتو كيف يا ابو السيد ؟
وقالو ليك شنو في الحبس ..؟! |
أسكت ساهي يامعاوية ..
المرة الجاية حـ نجيب معانا الكمرات ونعمل ليكم بث مباشر ( زي بتاع ناذر الخليفة )
والقالو لينا مابنحكي (الهم إني صائم ).
|
Post: #54
Title: Re: ذهبنا للمسيرة رغبةً لا رهبة !
Author: زهير عثمان حمد
Date: 12-17-2010, 03:00 PM
Parent: #53
ود المسلمي والاخ وهبه
وكل بورداب الخرطوم
وباقي الرفاق
والله انا كنت ممثل لكل قبيلة البورداب وخاصة بورداب الخرطوم بكل الفئات مناضلين وأمنجية وناس مناسبات ورقيص بتكليف خاصة من قيادتناالعليا والريس عوض المسلمي وهذه الشهادة للتاريخ وشكرا
أرجو عمل لجنة تحقيق في الامر!؟
|
Post: #55
Title: Re: ذهبنا للمسيرة رغبةً لا رهبة !
Author: معاوية عوض الكريم
Date: 12-18-2010, 08:20 AM
Parent: #54
Quote: أسكت ساهي يامعاوية ..
المرة الجاية حـ نجيب معانا الكمرات ونعمل ليكم بث مباشر ( زي بتاع ناذر الخليفة )
والقالو لينا مابنحكي (الهم إني صائم ). |
المناضل السيد المسلمى ..
وين صور الاعتقال ..!
|
Post: #56
Title: Re: ذهبنا للمسيرة رغبةً لا رهبة !
Author: وليد عبد اللطيف
Date: 12-18-2010, 09:16 AM
Parent: #55
محمد عادل ... سلامات
Quote:
بوست بتاع نيولوكات
الامنجية انكشفو |
محمد عادل ياخي طلعت زول خطير ومعروف في حزب الامه ونحن ماعارفين
معنا هنا هذه الايام صديقنا رئيس بحري لحزب الامه ( الصادق عثمان احمد ) ومرشح دائرة بحري ..
كان كدي ماتشيل هم تركته يطلع على كل بوستاتك في سودانيز القديمة والجديدة ..
.
.
بيقريك السلام
.
.
|
|