البشير وعد باغلاق بيوت الاشباح ولكن "النظام الداخلي" ساحات الاشباح ونفس التعذيب

طبعا تذكرون وعد البشير امام البرلمان لا ادري الحالي ام السابق، على العموم لا فرق

وعد البشير بأنه لن تكون هناك بيوت اشباح مجدداً، ومافي ايه كده تاني ساكت، والله نسيتها
لكن في ظني اعتقالات او اغتيالات

"النظام الداخلي" دا مصطلح قاطعو من راسي ساكت، لكن كجهة هو موجود وحاكم ويتحكم ولو جزئيا
بالجبهة الاسلامية الحاكمة والانقاذ والمؤتمر الوطني وامكن كمان المؤتمر الشعبي

النظام الداخلي دا ما عنده شغله بهوجة البشير وكلامه الفارغ الكتير البقولو على الهواء

مافي قوات اجنبية وطلاق وجزمتي وعيييييييييك يا 26 الف جندي (وبكل هدوء)

مافي زيادة في اسعار السلع و وتاني يوم عينك ما تشوف الا النور

آخر حاجة قصة مافي بيوت اشباح دي فقرروا ان ينقلوها له في الساحات العامة والتعذيب هو التعذيب
والسياط هي السياط، وكده شوفوا البشير لو يقدر يفتح فمه بكلمة

انت جنيت يا البشير، هي لو ما السيطان دي الهبت ظهور الرجال في عهدك وبيوت اشباحك
كنت لسه بتكون قاعد فيها، كان انت كان هم؟؟ لولا التعذيب والاغتيال واذلال الرجال
وامتهان كرامتهم كنت قعدت في الحكم سنتين خليك من عشرين