Post: #1 Title: يا نساء السودان , دعونا ننفصل.... Author: mamkouna Date: 12-12-2010, 02:30 PM Parent: #0
كل الخيارات لم تعد جاذبة .
Post: #2 Title: Re: يا نساء السودان , دعونا ننفصل.... Author: mamkouna Date: 12-12-2010, 02:50 PM Parent: #1
وااااااي يا أمك و أمي .
Post: #3 Title: Re: يا نساء السودان , دعونا ننفصل.... Author: Tragie Mustafa Date: 12-12-2010, 02:51 PM Parent: #1
ده الكلام الجد
Quote: كل الخيارات لم تعد جاذبة .
عارفه يا ممكونه لاول مره الحظ توحد النساء وفعلا فركت بتكوين جيش ودخول الغابه!
لن نجلد وقد قلتها عاليه لا باسم الرب لا باسم الدين لا باسم الدولة المدنيه لا باسم الهامش لا باسم اي هباب..... ارفض مثل هذه العقوبات تماما.
لن نجلد وهذا ما يجب ان يعيعه كل الساسه من يسارهم ليمينهم لوسطهم في حركات الهامش وغيرها.
Post: #4 Title: Re: يا نساء السودان , دعونا ننفصل.... Author: mamkouna Date: 12-12-2010, 03:09 PM Parent: #3
لي تلاتة يوم يا تراجي , بفتح البورد عشان احكي عن وجعتي .. أستدعي كل حروف الحسرة العارفاها و... يغلبني اقفل البورد , ابلع غصتي مع حبتين بنادول و يتضاعف ألمي ما لاقية كلام اقولو.. قدوقدو جلد انسانيتنا و آدميتنا قدوقدو كتل اي حاجة حلوة جوانا قدوقدو شوَانا حيين
ااااااااخ
Post: #5 Title: Re: يا نساء السودان , دعونا ننفصل.... Author: Tragie Mustafa Date: 12-12-2010, 03:21 PM Parent: #4
ممكونه
قدوقدو كثر خيره صحى كل الخير في النساء عارفه لاول مره اسمع من كل الوان الطيف النسوي وبتنوعع عن اجماع حقيقي!
ستخرج كل النساء في مسيرة اليوم بلندن بعضهن قد يخالفن حتى اوامر ازواجهن ويخرجوا!
لانه غضبنا كنساء حقيقي غضبنا اصيل غضبنا غير مشحود وغضبنا باذن الله خلاق.
اي واحدة فينا حست بالسياط جسدها ويمكن لو عندها بنت مشت اطمأنت عليها اكثر من مره ليلا وهي تحس كانها مضروبه او مهدده بالضرب غدا!
يا ممكونه نساء السودان باتن ملوعات حزينات يومها يعلم الله اتصلن بي حتى اميات لم يقرأن يوما ما نكتب هنا ولكنهم روعوا بالفيديو!!
لعنة الله على من روعها وروعنا جميعا. لعنة الله على الذين خافوا على اسرهم ولم يخافوا علي اسرتها. لعنة الله على اصحاب العداله الانتقائيه.
Post: #6 Title: Re: يا نساء السودان , دعونا ننفصل.... Author: mamkouna Date: 12-12-2010, 04:45 PM Parent: #5
وجعة قديمة تتجدد... ...بنطلون و ستة "قدوقدو" ...
Post: #7 Title: Re: يا نساء السودان , دعونا ننفصل.... Author: Tumadir Date: 12-12-2010, 04:52 PM Parent: #6
انا زيك يا ممكونة بعد تلاتة يوم من الغصة والعبرة الفي الحلق
Post: #8 Title: Re: يا نساء السودان , دعونا ننفصل.... Author: mona altom Date: 12-12-2010, 08:53 PM Parent: #7
سلام يالحبيبات والله اكتفيت بقراءة كل ماكتب عن اختنا المغلوبه علي امرها لكن الى تاريخ هذه اللحظه لم تكن لدي الشجاعه على مشاهدة الفيديو وياليتني قويت علي ذلك ودت التحدث الي شخص لكي اهون على نفسي لم تتيح لي الفرصه سو عبر التلفون ولا تعليق لي سوء حسبنا الله ونعم الوكيل وعليه اؤيد انفصالنا او نقبل علي فعل عمل يحفظ ويحمي حقوقنا كنساء
Post: #14 Title: Re: يا نساء السودان , دعونا ننفصل.... Author: mamkouna Date: 12-13-2010, 11:09 AM
Quote: وعليه اؤيد انفصالنا او نقبل علي فعل عمل يحفظ ويحمي حقوقنا كنساء
مطلبنا واااااااحد بس يا منى التوم ...
............دعونا و شأننا!
Post: #12 Title: Re: يا نساء السودان , دعونا ننفصل.... Author: mamkouna Date: 12-13-2010, 05:29 AM Parent: #7
Quote: ضربات سياطك أوجعتني وقشعريرة منظرك ما فارقت عيني ما أدتني نوم الله بيعلم أرقتني
نمتي كيف يا السمحة من ديك المذلة ؟؟وعايشة كيف حسة؟معاك منو ..؟؟
خليني أهمسا ليك شان يمكن شوية أطمنك:
نحن ما بنسكت عليك
الصدى المن صرختك يشهد عليك
نحن شايلنك شهادة ورسمة كلنا بتعتز بيك
نحن بنجيبك دليل ...ما زي قبيل وبنمشي موكب عزة ليك
برااااافو عليكي يا تماضر...
عارفة الوجع في الجوف كتير و عارفك كمان ما بتقدري اتصبري .
Post: #9 Title: Re: يا نساء السودان , دعونا ننفصل.... Author: انعام عبد الحفيظ Date: 12-12-2010, 09:09 PM Parent: #1
Quote: ي تلاتة يوم يا تراجي , بفتح البورد عشان احكي عن وجعتي .. أستدعي كل حروف الحسرة العارفاها و... يغلبني اقفل البورد , ابلع غصتي مع حبتين بنادول و يتضاعف ألمي ما لاقية كلام اقولو.. قدوقدو جلد انسانيتنا و آدميتنا قدوقدو كتل اي حاجة حلوة جوانا قدوقدو شوَانا حيين
حكيتي عن حالنا يا ممكونة من يومها تتلبسني حالة غريبة وغير مفهومة ألم ووجع وغضب وحنق وغيظ وإستياء وحزن و ووووووو .........
Post: #10 Title: Re: يا نساء السودان , دعونا ننفصل.... Author: الجندرية Date: 12-12-2010, 09:35 PM Parent: #9
صدقت يا ممكونة وجعاً قديم بتجدد وبالضبط المشكلة انه مافي خيارات جاذبة
Post: #11 Title: Re: يا نساء السودان , دعونا ننفصل.... Author: د.نجاة محمود Date: 12-13-2010, 03:27 AM Parent: #10
سلامات يا ممكونة كيف الحي بيك؟
قبل سنوات قبل الانتخابات فتحت كم بوست عم عمل بلات فورم نسائي جامع.. مافي زول اهتم بيه...
لو كان قدرنا نكون وجدة دا ما كان بحصل
لو انفصانا حيكون ذي حال الجنوبين حروب اهلية طاحنة
بين سرقة الاضواء وتلميع الذات على حسب العمل العام والكسب الشخصي
الدنيا مضلمة ياممكونة...
Post: #13 Title: Re: يا نساء السودان , دعونا ننفصل.... Author: Hadeer Alzain Date: 12-13-2010, 05:42 AM Parent: #11
أفصلوني معاكم ولنسميها مملكة النساء والأخرى دولة الرجال
يا ريت من رحم هذه المأساة ومن قلب هذا البوست تطلعوا لينا بحزب نسائي ولنسمه حزب الممكونات أو أيآ كان إسمه
تحياتي ممكونة ولكل نساء هذا البوست الواعيات الجميلات
Post: #15 Title: Re: يا نساء السودان , دعونا ننفصل.... Author: سمرية Date: 12-13-2010, 11:46 AM Parent: #13
انا مع حزب الممكونات ....
ـــــــــــــــــ
بل ..........مع دولة لا يحكمها ( ارهاب وقهر النساء )
Post: #16 Title: Re: يا نساء السودان , دعونا ننفصل.... Author: mamkouna Date: 12-22-2010, 01:14 AM Parent: #15
......................................
.................... التحقيق في شنو؟؟؟؟!!!!!!!!!!!!!!!!!!!!!!!!!!!!!!! ...........
حسبي الله و نعم الوكيل حسبي الله و نعم الوكيل حسبي الله و نعم الوكيل حسبي الله و نعم الوكيل حسبي الله , نعم المولى و نعم النصير و لا حول و لا قوة الا بالله