الجميع يتحدث عن فيديو ..الجلد ... والجميع محقون ... البعض يكتب صدمة مما هول ما شاهد ، والبعض يكتب متحريا الإصلاح وحفظ كرامات الناس ، والبعض يكتب من مدخل دواس كان عجباك اندس كما يقول أهلنا في دارفور وهم محقون بالطبع ، فلا سانحة أعظم من هذه لكي يمسحوا بالحكومة عرصات المنابر وواجهاتها ، ولو أن شيئا مماثلا حظي به أنصار الحكومة لما تركوا لخصومهم صفحة يرقدون عليها ، ولكن دعونا من بين تفاصيل كامل هذا المشهد نثبت حقائق نتعامل معها بموضوعية وتجرد دون الالتزام بالانحيازات السياسية ..مع او ضد
طريقة الجلد وتنفيذ العقوبة واضح فيها التشفى الذى حولها من حد يقصد به التطهير الى فعل اقرب للممارسة السادية التى يتلذذ بها المنفذ وبعض جمهور النظارة ( اغلبهم جند وعناصر وربما ضباط بالقسم الذى شهد الواقعة ) وهنا اسجل استيائى مع تمسكى بالا يعنى هذا انجرار الناس لمس مبدأ اقامة الحدود
Quote: وهنا اسجل استيائى مع تمسكى بالا يعنى هذا انجرار الناس لمس مبدأ اقامة الحدود
حدود شنو يا جنابو البتتكلم عنها ... والسرقة والنهب والقتل والاختلاس و والمحسوبيةوالتضييق على البشر في أرزقاهم مالي البلد .. أرجوووووووووووووووووك احترم من هم هنا ... قضايا النهب والسرقة والاختلاسات والمحسوبية سابقة لهذه القضية فلم لذت بالصمت حينها ؟؟
يمتد الى شكل التشفى والتلذذ استمرار ظاهرة تسرب كثير من المقاطع والصور والمشاهد ( من اقسام الشرطة ) اذ ان هذا يؤكد ان بعض العناصر يصورون لحظات تنفيذ العقوبات او بعض مسارح الجريمة (صور الشهيد محمد طه محمد احمد التى نشرها هشام هبانى هنا ) وواضح ان البعض وفى سياق التباهى او الاستمتاع يتداول مع رفاقه ومعارفه هذه الصور وغض النظر عن ايجابية مصادفة خروج مشاهد جلد الفتاة للراى العام فان التصوير فى حد ذاته خرق لخصوصية هذه اللحظة وهنا ياتى دور القاضى (والذى شرح بعض الزملاء هنا جوانب تحسب عليه ولا داع لتكرارها )
خلونا نمشى واحدة واحدة ، واتمنى الا يندفع الناس فى مداخلات طابعها الهياج ، كلنا متفقون على وجود خطأ فى طريقة التنفيذ ، والعقاب لان القانون والشريعة حددا الكيفية والطريقة والجرعة
بدون فلسفة كتيرة انا عاوز الجميع يستفيدوا من الحصل لو هناك اخطاء يتم حسمها ، ومحاسبة من اتاها ، يعنى الهيلمانة وما عارف رمز النضال الوطنى ، ومسحوقة الهامش وعاك عيك البذخ السياسى الانصرافى دى كلها نفاق وجعجعة ما جايبة حقها (هسة شوف المرثية المكتوبة فى العسكرى الاسمو قدوقدو قالو يخلوه لانو من الهامش ) اى زول سكران ، مرتكب لجريمة حدية ( انا هنا ما عاوز اخش فى تفاصيل كيس البت ) يتعاقب حسب النصوص ، دى ما فيها اتنين تلاتة ، وما عندها عندى اى مساحة لتلطف ومدارة فى ابداء الراى والموقف
فيا جماعة الخير لو قاصدين اثبات حق ورد تجاوز انا معاكم
Quote: فيا جماعة الخير لو قاصدين اثبات حق ورد تجاوز انا معاكم
اغتصابكم للسلطة ردوها الينا وحلوا عنا سماؤنا! الفيديو فضحكم فى القبل الاربعة ولهذا اتيت فى مهمة خاصة ! قضى الامر يا محج! فى 9 يناير 2011 ستحكمون 700 الف ميل فقط ! و تزدادون كيل بعير! أى كيل يا رجل! جنى
Quote: فيا جماعة الخير لو قاصدين اثبات حق ورد تجاوز انا معاكم
كل المطلوب يا سعادتك أن يتم السماح لهذه الفتاة بمغادرة السودان إلى أي وجهة كانت ..
ليتوفر لها على الأقل العلاج النفسي بعيداً عن "التطهير" بالطريقة الانقاذية التي رأيناها في الفيديو وجيت أنت تتحدث عنها هنا !
وبعد ما تطلع البت من السودان .. جماعتكم انتو حرين فيهم .. إن شاء الله تدوهم مؤبد أو تقطعوهم حتت ..
بتبقى "راجل" يا محمد حامد جمعة وتقدر ترتب للبت الغلبانة دي بسلطاتك وعلاقاتك أمر مغادرة السودان إلى أي جهة كانت ؟؟
لو بتقدر بنسمع ليك ونشيلك فوق رأسنا ده من فوق ..
لو ما بتقدر عليك الله انطم ولم اسهالك الكبيتو هنا ده عليك وأمشي اتخارج
أو كمان شيلو وكبو في رأس عمر البشير ونافع علي نافع انحنا ما فاضيين ليك
قال تطهير قال ..
ياخ ان شاء الله يطهروك بموس ميتة..
تصريجة: تعرف مادام انت رافض قصة العميد وسعادتك دي.. فأنا شايف انو أحسن لقب ليك بعد حكاية "التطهير" دي انو يسموك "أبو الطهار"
وطبعاً "التطهير" المعني في مداخلة محمد حامد جمعة والشفناهو في الفيديو غير عن "التطهير العرقي" الذي يمارسه النظام في دارفور ده "تطهير" من نوع آخر للغلابة في الخرطوم.. "تطهير" يرتدي مسوح الدين والقانون والنظام العام ومحمد حامد جمعة قصدو انو يهذبوا "التطهير" ده ويشذبوهو شوية .. يخلوهو سياحي شوية بدل الصورة الظهر بيها وعملت ليهم فضيحة دي
Post: #21 Title: Re: وَنَزْدَادُ كَيْلَ بَعِيرٍ Author: عبد المنعم سليمان Date: 12-10-2010, 04:06 PM Parent: #20
قال المناضل الامريكي والمدافع عن الحقوق المدنية للسود مالكوم اكس : الفرق بين عبيد المنازل وعبيد الحقول هو ان عبد المنزل يتألم لسيده اكثر مما يتالم السيد لنفسه
بدون فلسفة كتيرة انا عاوز الجميع يستفيدوا من الحصل لو هناك اخطاء يتم حسمها ، ومحاسبة من اتاها ، يعنى الهيلمانة وما عارف رمز النضال الوطنى ، ومسحوقة الهامش وعاك عيك البذخ السياسى الانصرافى دى كلها نفاق وجعجعة ما جايبة حقها (هسة شوف المرثية المكتوبة فى العسكرى الاسمو قدوقدو قالو يخلوه لانو من الهامش ) اى زول سكران ، مرتكب لجريمة حدية ( انا هنا ما عاوز اخش فى تفاصيل كيس البت ) يتعاقب حسب النصوص ، دى ما فيها اتنين تلاتة ، وما عندها عندى اى مساحة لتلطف ومدارة فى ابداء الراى والموقف
فيا جماعة الخير لو قاصدين اثبات حق ورد تجاوز انا معاكم
كل النفاق الكيزانى البغيض
هلا ابن عمى التائه الضائع الذى باع ضميره و اسمه و صار فى ايدى غيره من المارقين
انت اتيت هنا لصرف الناس عن الهدف الرئيسى وهى رأس الدولة ومؤسساتها واجهزتها العدلية المنهارة والفاسدة بالحديث عن تفاصيل الحادثة والشرطى والقاضى واحكام الشريعة التى انت ذاتك نفسك لا تملكه تفاصيلها..واغراق القضية بانا ود جمعة قريب من الحدث وعارف اكثر منكم..هلا والله معظم الاعضاء هنا الان اكثر وعيا بادواتكم واسلحتكم وطريقة ادراتكم لسقاطاتكم انا معاكم القتها دى لن تغرى بها احد ليستمع اليك عد من حيث أتيت والقى نظرة داخل ضميرك اذا تبقى فيه شئ
الأخ محمد حامد...سلام عليكم قانون النظام العام به كثير من المواد لم ترد كنصوص صريحة في القرآن الكريم و السنة النبوية ولا الأثر وهو قانون من اجتهاد بشر قد يصيبوا وقد يخطؤوا الحدود الشرعية نفسها التي ذكرت في القرآن الكريم سيدنا عمر عطّل أحدها لمصلحة المجتمع و الظرف حينها و قال صلى الله عليه وسلّم في ما معناه أن ادرؤوا الحدود بالشبهات يبقى قانون النظام العام أو على الأقل بعض مواده و السلطات المطلقة التي اتاحها لفرد الشرطة و للقاضي و طبيعة محاكماته التي تاخذ بالشبهات ولا تتحرى الوسائل الشرعية في الإثبات أحرى أن يعدّل و يُلغى إن كانت المصلحة في ذلك و لأن يفلت الف مجرم من العقاب خير من يعاقب بريئ واحد وأنت اعلم بمشاكل تطبيق القانون بشكله الحالي واثره في تدمير السمعة لكثير من المواطنين الذين وقعوا تحت طائلته و استغلال المعنيين بتطبيقه للمواطنين و ارهابهم و ابتزازهم
هل دا دور المجلس الوطني أم زارة العدل أم من؟ توقيعات المنابر و القنوات العالمية ح تشكل ضغط نعم , لكن هل يكفي تعديل او الغاء القانون و تحجيم السلطات المطلقة اهم حاليا من اي اجندات اخرى دورك يا أخ محمد و أهل الصحافة ايصال الموضوع لاكبر المستويات وانتم اهل مكة على الاقل مافي شبهة معارضة
Quote: ياسر طيفور بالله ما تهظر الموضوع ده جاد...و كده.
جديَّة أكتر من كده كيف يا دكتور سيف؟ وأب تفه يضحك مذبوحاً من الألم.. ___ هذا ما يُضحِك الناس من شر البلايا.. والحمد لله الذي جعلنا يا سيف في الضفة الأخرى!
يا سعادتك الفاكتر العاوز تناقشو مضروب , القضية دي بالذات مافيها اي طريقة لتشتيت الاصوات بحجة الدين او الشريعة شيخنا ابو حنيفة قال: لا تستشر من ليس في بيته دقيق و السودانيين ديل بقي ما عندهم دقيق يا معلم انصحك تعمل يااااع بدري قبل ما الجماعة اللابدين ديل يقبلوا عليك
Quote: بدون فلسفة كتيرة انا عاوز الجميع يستفيدوا من الحصل لو هناك اخطاء يتم حسمها ، ومحاسبة من اتاها
ولكنة لم يأت لحوار بل لصرف أنظار الناس عن الفاعل الحقيقي لهذة المأساة وذلك بتحويلها لتهريج ليس إلا
Quote: انت اتيت هنا لصرف الناس عن الهدف الرئيسى وهى رأس الدولة ومؤسساتها واجهزتها العدلية المنهارة والفاسدة بالحديث عن تفاصيل الحادثة والشرطى والقاضى واحكام الشريعة التى انت ذاتك نفسك لا تملكه تفاصيلها..واغراق القضية بانا ود جمعة قريب من الحدث وعارف اكثر منكم..هلا والله معظم الاعضاء هنا الان اكثر وعيا بادواتكم واسلحتكم وطريقة ادراتكم لسقاطاتكم انا معاكم القتها دى لن تغرى بها احد ليستمع اليك عد من حيث أتيت والقى نظرة داخل ضميرك اذا تبقى فيه شئ
Quote: ولكن دعونا من بين تفاصيل كامل هذا المشهد نثبت حقائق نتعامل معها بموضوعية وتجرد دون الالتزام بالانحيازات السياسية ..مع او ضد
حمدلله على السلامة و الله يا استاذ محمد! يعني نفهم أنو حضورك اليوم (فجأة) و (من غير ميعاد) خالي من الغرض السياسي و بتجرد؟ حضورك الآن وفي هذه الوقت تحديدا في معزل تماما من الانحياز السياسي؟ ولا انت ممثل (الحقائق) في المحاكمة دي؟ انا ما عندي أي انتماء سياسي و امر الفيديو ده مسني في انسانيتي، اجيب معاي انسانيتي ولا بتعيق (التعامل بموضوعية و تجرد) اعمل ليها باركينق برة البوست؟
Quote: بدون فلسفة كتيرة انا عاوز الجميع يستفيدوا من الحصل لو هناك اخطاء يتم حسمها ، ومحاسبة من اتاها ، يعنى الهيلمانة وما عارف رمز النضال الوطنى ، ومسحوقة الهامش وعاك عيك البذخ السياسى الانصرافى دى كلها نفاق وجعجعة ما جايبة حقها (هسة شوف المرثية المكتوبة فى العسكرى الاسمو قدوقدو قالو يخلوه لانو من الهامش )
فلسفة كتيرة دي من طرفنا ولا من طرفك؟ عاوز الجميع يستفيد كيف بالله أكتر من انو يقول انو الشافو غلط و يطالب بمحسابة القائمين عليه وتعديل القوانين و إصلاح الجهاز القضائي و العاملين عليه.
ولا حقو اسأل الجميع ديل احنا ولا ناس الشرطة يمكن تكون قاصدهم علشان تاني ما يصورو الجلد و يخلوها "غموتية" علشان ما تضطر تجي من علياءك وتنورنا فيما يستفاد من (إذلالنا وهدر كرامتنا)؟ كدي خلي البذخ السياسي و المرثية، الجميع دي افرزها لينا و اعملها صفين صف بني آدمين و صف كراتين، لانو فضلة خير الانقاذ بقت فينا ناس قلوبهم حجر صوان عديل فبالله ما تسيء لانسانيتنا و تشمل معاهم في "الجميع" كفاية علينا انهم محسوبين سودانيين فما تزيد الوجعة الله يرضى عليك!
Quote: اى زول سكران ، مرتكب لجريمة حدية ( انا هنا ما عاوز اخش فى تفاصيل كيس البت ) يتعاقب حسب النصوص ، دى ما فيها اتنين تلاتة ، وما عندها عندى اى مساحة لتلطف ومدارة فى ابداء الراى والموقف
حسي سكران دي جات ليها هنا؟ لبستوها تهمة سكر جديدة لنج ولا شنو؟ يتعاقب حسب النصوص دي انت متأكد منها؟ واتنين تلاتة دي رأيك الشخصي ولا الواقع؟ بالله جاوبني بكل صراحة ما لاقاك زول بيسكر ولا زول مرتشي ولا سارق ولا حرامي ولا مختلس يتقدل في الخرطوم وما هبشتو النسمة ناهيك عن سوط عنج في ظهيرة الخرطوم و قدام فرّاجة؟
Quote: فيا جماعة الخير لو قاصدين اثبات حق ورد تجاوز انا معاكم
ده البندول الصرفو لينا ولا شنو؟ انو الاستاذ محمد حامد يجي يقول لينا (انا معاكم) نثبت ليكم الحق! لا خلاص كان كدا أمرنا مقضي تـــب! انت معانا كيف يعني؟ معيتك دي حتفيدنا بشنو بالله نورني واعفي لي جهلي احنا محتاجين "معية" زول علشان نستنكر و نطالب ولا ده نظام "كفيل" جديد في السودان لازم يكون "معانا" زول من العارفين علشان نطالب بحقنا؟ والله عموما كتر خيرك وما قصرت و "معاكم" دي ما بناباها بس الفيكم اتعرفت!
Post: #34 Title: Re: وَنَزْدَادُ كَيْلَ بَعِيرٍ Author: سيف النصر محي الدين محمد أحمد Date: 12-10-2010, 09:32 PM Parent: #32
Quote: اى زول سكران ، مرتكب لجريمة حدية ( انا هنا ما عاوز اخش فى تفاصيل كيس البت ) يتعاقب حسب النصوص ، دى ما فيها اتنين تلاتة ، وما عندها عندى اى مساحة لتلطف ومدارة فى ابداء الراى والموقف
و دي ذاتها و بموافقة الحكومة و حسب نيفاشا فيها اتنين تلاتة، لأنو ما أي زول سكران بتعاقب بالجلد.
لو كان -على سبيل المثال فقط- حالة تعذيب وقتل علي فضل مصوّرة كيف كانت ستكون مداخلاتكم هنا؟
القصة ما حالة جلد يا محمد القصة قصة نظام كامل، ربنا يهديكم قبل ما تقابلوهو
Post: #37 Title: Re: وَنَزْدَادُ كَيْلَ بَعِيرٍ Author: بدر الدين الأمير Date: 12-10-2010, 10:01 PM Parent: #32
Quote: يا امير سلامات
يا اخوى لا تعميد ولا يحزنون
بدون فلسفة كتيرة انا عاوز الجميع يستفيدوا من الحصل لو هناك اخطاء يتم حسمها ، ومحاسبة من اتاها ، يعنى الهيلمانة وما عارف رمز النضال الوطنى ، ومسحوقة الهامش وعاك عيك البذخ السياسى الانصرافى دى كلها نفاق وجعجعة ما جايبة حقها (هسة شوف المرثية المكتوبة فى العسكرى الاسمو قدوقدو قالو يخلوه لانو من الهامش ) اى زول سكران ، مرتكب لجريمة حدية ( انا هنا ما عاوز اخش فى تفاصيل كيس البت ) يتعاقب حسب النصوص ، دى ما فيها اتنين تلاتة ، وما عندها عندى اى مساحة لتلطف ومدارة فى ابداء الراى والموقف
فيا جماعة الخير لو قاصدين اثبات حق ورد تجاوز انا معاكم
سعادة العميد وعليكم السلام سياطك اعلاه هى مواصلة لسياط ميادة كمال والمشروع اللاانسانى الكيزانى ماحدث مع تلك الفتاة هو وثيقة دامغة لماظل يحدث على مدى اكثر من عشرين سنة من حكمكم وتشفيكم بازلالنا وقهرنا ولو دايرين نحصر وثائق افعالكم محتاجين لويكيلكس سودانة بيوت الاشباح شهداء رمضان شهداء كجبار العميد محمد احمد الريح الشهيد على فضل وراسخ والشهداء من الطلاب التاية ومعسكر العيلفون ومحارق حرب الجنوب ووالخ وهاهو الجنوب يمضى نحو الانفصال بفضل افعالكم ومش هاميكم في شىء وجبال النوبة تتوثب للانفصال ودارفور مشتعلة ومعسكرات لللاجئين لاحصر لها وها انت زميلنا هنا في التحاور اتيت ومن خلال واجبك كماهو واجب ذلك الشرطى لتعدل المسار ولتستمر السياط بس حسب ذوقك يا محمد (تقتلونا بدم بارد ثم تضحكون علينا.)
تنهدات: الكلام للفيتورى في رثاء عبدالخالق محجوب: قتلونى وانكرنى قاتلى وإلتف بردان في كفني
بل إن لم يكن المطلب إلغاء الحدود فليست هناك فائدة من كل هذه الهيلمانة
الحدود طريقة وحشية للعقاب ، و تنتهك الحريات الشخصية
الحدود ليست ملائمة لزماننا و مكاننا هذا
لا نريد قوانين منزلة من السماء ، بل قوانين مجازة من سلطة منتخبة و ملتزمة بمعايير حقوق الإنسان
من أراد أن يطبق الحدود لإلتزام ديني فليطبقها في نفسه فقط ، أو فلتقم محمية طبيعية للقادمين من العصور الوسطي يقيمون فيها حدودهم كما يشاؤون ، يقطعون أعضائهم و يحرسون فروج بعضهم و يشهدون الجماجم تتهشم بالحجارة ، ويتأملوا في الحكمة السماوية و هم يرون شظايا الدماغ متناثرة أمامهم .. في محميتهم هذه لا يدخلون على أحد و لا يدخل عليهم أحد .
Post: #40 Title: Re: وَنَزْدَادُ كَيْلَ بَعِيرٍ Author: عبدالله شمس الدين مصطفى Date: 12-11-2010, 00:48 AM Parent: #39
الأخ محمد, التحية. قلت:-
Quote: يتعاقب حسب النصوص ، دى ما فيها اتنين تلاتة
والذى تم لهذه المسكينة هو أنها عوقبت حسب النصوص, لكن... أى نصوص, وأى قانون, وأى رجال قانون, أهم من عينة الذى شاهدنا عبر الفيديو الفجيعة , أم هى/هم آخرين. بالنسبة لى ليست القضية قضية أخطاء فى التطبيق فقط, بل هى قضية أخطاء فى القوانين, وأخطاء فى ممثلى العدالة أنفسهم ممثلين فى القضاة و وكلاء النيابة, وحتى أصغر عسكرى, فالذى رأيناه لم يكن عسف شرطة وتجاوزها فقط, الذى رأيناه هو قصور أداء وفشل للهيئة القضائية التى تقوم بتعيين مثل هذا القاضى السادى الظالم, والذى كان من حظ هذه المسكينة أن يكون قاضيها وجلادها فى آن, فإن كان مولانا هذا لم يعترض على طريقة تنفيذ الحكم بهذه الطريقة الشائهة والشائنة, فإن هذا يفتح الباب أمامنا فى التشكيك فى مدى عدالة ونزاهة حكمه وأحكامه التى ينطق بها لأنها, وببساطة قد تكون على شاكلة خطأ رؤيته لذلك التجاوزوتغاضيه عنه, وعدم تحريكه ساكناً فى تصحيح هذا الخطأ, ولو من أجل الحفاظ على دينه, ضميره وشرف المؤسسة التى ينتمى إليها, لا حفاظاً على حق هذه المسكينة, والذى كفلته لها الشريعة نفسها التى يعاقبونها بموجبها !!! أما عن القانون نفسه يا محمد, وهو قانون النظام العام, والذى هو القانون الجنائى لسنة 1991, فحدث ولا حرج. إذن فالخطأ فى القانون أولاً, ثم الخطأ فى وجود مثل هذا القاضى الظالم ثانياً, وأخيراً تأتى قاعدة هرم العدالة, الا وهى التطبيق, فالتطبيق الشائة والمغلوط هو ما اثار حفيظة الكل, وغستثار غيرتهم على الدين أولاً, وعلى الخلاق والأعراف. إذن هناك ثلاثة خطايا وليست مجرد خطأ واحد - التطبيق - والمحصلة هى أن الخطيئة الكبرى هى الدولة نفسها ممثلة فى أجهزتها التشريعية أولاً, والعدلية والقضائية, وجهاز الشرطة, ولا يمكن لأحدٍ ما أن يقول أن بأن هذا محض عواء, وإفتراء سياسى, وبأن لا دخل للدولة فى تلك الجريمة, وكل جرائم التجاوزات والتعديات الأخرى التى تقوم بها تلك الأجهزة المتنفذة. فلو صلح حال الدولة, لصلحت بالتالى مختلف أجهزتها, أدواتها وأذرعها التى تقبض وتدير بها دولاب الدولة, وشؤون مواطنيها ورعاياها.
Post: #42 Title: Re: وَنَزْدَادُ كَيْلَ بَعِيرٍ Author: Nasr Date: 12-11-2010, 01:31 AM Parent: #40
الجبهة الاسلامية حزب سياسي نزل في إنتخابات حرة نزيهة أجريت في عام ستة وثمانين من القرن السابق بشعار تطبيق شرع الله ولكنه هزم في الانتخابات وقال الناس رأيهم فيه وفي الشريعة التي يرغب في تطبيقها لا واضحة وعلنية وصريحة (زيادة علي لا قوية شديد قيلت في نميري وشريعته السبتمبرية في إنتفاضة أبريل عام خمسة وثمانين) ولكن حزب الجبهة الاسلامية أبي وأستكبر ورفض رأي الناس وحرك دبابات وقوات وجنود وسرق السلطة بليل بهيم وأدعي أنه أتي لتطبيق شرع الله وهنا بدأ الكفر وأبتدأ التناقض فشرع الله يقول أن لا بيعة لمغتصب وسارق السلطة يعني لا يحق للحرامي أن يحد حراميا آخر (تذكرت قولة الشيخ الذي مر بحادثة حد سارق فقال سبحن الله سارق العلن يقطع سارق السر) ولا يحق للحرامي أن يجلد مواطنة سودانية بحجة الزنا (ولا نحتاج أن نقول هنا أنه حتي تعريف للزنا في قوانين الاسلاميين مخالف للشريعة الاسلامية) والغاية في الشريعة لا تبرر الوسيلة الحرامي مجرم عليه التوبة وإرجاع الحقوق وبعد ذلك يعاقب وفقا للقوانين السارية في البلاد (قبل أن يسرق السلطة طبعا)
ونضيف أن تجربة السلودانيين مع حكومة الجبهة الاسلامية وشريعتها ومشروعها الحضاري كشفت بما لا يدع مجالا للشك أن هؤلاء القوم (والذين لا يعرف أحد من أين أتوا ) ما هم إلا شلة حرامية بكل ما تعني كلمة حرامية
ويعرف الناس من أثري وكيف (وكل هذا موجب للحد في الشريعة الاسلامية)
ويعرف الناس أن الضحايا من فقراء الناس ومسحوقيهم ضرورين كمساحيق لاخفاء بثور أكثر قبحا بما لا يقاس ضرورين كقرابين تقدم في معبد سرقة الشعوب وإذلالها
ضروري حاجات زي دي عشان حلفاء وهميين من سلفيين وأنصار سنة ووهابيين الذين كلما رأوا أمرأة تجلد وتهان هتفوا الله أكبر والعزة للإسلام وكلما رأوا حاكما وأعوانه يسرقون ويظلمون أداروا وجوهمم حتي لا يرأوا وحتي لا يروي
سلطة بتعمل كدا في البشر بتسقط بتسقط المسألة مسألة زمن ليس إلا
Post: #44 Title: Re: وَنَزْدَادُ كَيْلَ بَعِيرٍ Author: محمد على حسن Date: 12-11-2010, 09:14 AM Parent: #43
Quote: سلامي يا محمد حامد جمعة صورتك دي ظالماك غيرها عليك الله تعرف لمن شوفتك اليوم داك والله ما عرفتك فلك العتبى
المعنى الزول سمن وبقق واصبح منّعم لدرجة صورتك الخائف عليها اصبحت لا توصف الكائن امامك يعني انقاذكم لو طار زي محج يرجع لصورتو القديمة والله حرام عشان كدة م ح ج جاء جاري لتشتيت الكورة
Quote: طريقة الجلد وتنفيذ العقوبة واضح فيها التشفى الذى حولها من حد يقصد به التطهير الى فعل اقرب للممارسة السادية التى يتلذذ بها المنفذ وبعض جمهور النظارة ( اغلبهم جند وعناصر وربما ضباط بالقسم الذى شهد الواقعة ) وهنا اسجل استيائى مع تمسكى بالا يعنى هذا انجرار الناس لمس مبدأ اقامة الحدود
زمان يا ولد ابوك في منهج علم المثلثات بتاع الشهادة السودانية.. درسونا القاعدة الذهبية لعلم المنطق..و التي تقول: سـلامة المقدمات (المنطقية) تقود لسلامة النتائج ( المنطقية)..!
الموضوع ما كان الجلد في اقامة حد..و بالتالي نتائجك التي بنيتها على ما بعد هذه المقدمة تكون باطلة لأنو ما بني على باطل فهو باطل( نديك اتنين من عشرة على سلاسة اللغة و انيسابها.. لكن منطق مافي تب)..
كلامك عن الحد هنا يا ول ابا يفيد ان الزولة في الفيديو كانت محدودة في حد من حدود الله..و الواقع غير ذلك..و اذا انت مصر تواصل في انو الموضوع كان حد.. يبقى يا اخوى دي جريمة قذف و اشانة سمعة..و دي وصيتي و فهمي معاك..اخطا الكلام البجيب تبعةيا ولد ابا..
باختصار يا ولد ابوك.. الخم، يمكن يغطي مع اخوان/اخوات نسيبة ، لكن ما بيغطي معانا..!!
