Post: #1
Title: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 06:38 PM
غدا توقيع عقد إنشاء جسر شمبات الهجرة ... وبطول 934 متراً
|
Post: #2
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 06:44 PM
Parent: #1
كبرى شمبات مهم ومهم جدا باعتباره اول كبرى على نهر النيل
وعلى بعد خمسة كيلومترات منو كبرى الحلفايا الحتانة وبرضو مهم وبخدم قطاع كبير من منطقة الثورات الى منطقة جنوب ودحامد بالغرب بولاية نهر النيل
|
Post: #4
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 06:48 PM
Parent: #2
لكن ياكل مهندسي السودان وخاصة انصار المؤتمر الوطني اقنعونا بأهمية انشاء كبرى يربط شمبات بالهجرة ... يعني الكبرى علشان سخدم منو من المواطنين واصلاً حيتم فتح مداخل ليهو كيف خاصة في امدرمان
وبعدين الخرطوم موعودة حالياً بارتفاع اسعار الخبز الذي اصلاً ارتفع سعر الدقيق فيها بنسبة 20% للعبوات الصغيرة زنة كيلو جرام
|
Post: #3
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: عمران حسن صالح
Date: 12-07-2010, 06:47 PM
Parent: #1
هو اسمو كبري الهجرة (شمبات ـ أبوروف) ولا ده واحد تاني ؟؟
|
Post: #5
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 06:54 PM
Parent: #3
ياهو زاتو .. اختلفت الاسماء والمسمى واحد
ــــــــــــــ
الغريبة انو اقرب كبري بعد كبري الحلفايا هو كبري شندي على بعد قرابة الميتين كيلومتر
|
Post: #6
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 07:04 PM
Parent: #5
ومن ناحية جنوب الخرطوم ... آخر كبرى هو كبرى الانقاذ (الاسم الرسمي) او الكبري الجديد شعبيا... وتاني إلا تقطع النيل الابيض بخزان جبل اوليا
ـــــــــــــ
وبعدين لماذا هذا الاهتمام الكبير ببناء الكبارى على مسافات قريبة داخل العاصمة المثلثة القديمة
ولماذا كل هذا السؤ في ترتيب الأوليات
ام لإنشاء الكباري فوائد أخرى
|
Post: #7
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-07-2010, 07:24 PM
Parent: #6
بلد وصل فيها سعر رطل السكر (140) قرش .. وصابونة الغسيل الكبيرة جنيه كامل ورطل الزيت سبعة جنيهات ... وولاية تعاني من تدهور في كل الخدمات من صحة الى تعليم الى طرق ومواصلات
لكن حكومة الولاية تصر على إنشاء كبرى في موقع غير مهم
|
Post: #8
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: بكري عباس علي
Date: 12-07-2010, 08:53 PM
Parent: #7
شان بعدين يجو يكوركو فينا
الرد الرد كباري وسد
الرد الرد كباري وسد
شفتا كيف
ياخي ديل ما شغالين باي اولوية
هل تصدق انه عشان شركاتهم تشتغل بدو يعملوا الارصفة بالانترلوك رغم رداءة الشارع نفسه واحيانا عدم وجود اسفلت ذاته
|
Post: #9
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: Frankly
Date: 12-07-2010, 09:22 PM
Parent: #1
أولاً بعد التحية سؤال
هل أنت من مواطني العاصمة المثلثة؟
ثانياً الجدوى الإقتصادية للقناطر وفك أزمة المرور الخانقة يكاد لا ينتطح حولها نعزان هذا بجانب الأثار البيئية المصاحبة لأزمة المرور
ما علينا
ثالثاً وهذا هو الأهم ولاية الخرطوم معنية فقط وفقط بالبنية التحيتية لولاية الخرطوم ولا يهمها البنية التحتية لولاية سودانية أخرى
كل والي مسؤول عن ولايته وكل من يرى قصور في ولاية ما أن يوجه لومه لوالي الولاية المعنية وليس لولاية الخطوم التي يقطنها ثلث سكّان السودان
رابعاً الحمد لله القائمون على ولاية الخرطوم لا يسمعون لمن لا يعجبه العجب ولا الصيام في رجب
خامساً تصدّق في الهند في فقر مدقع وبطالة شديدة وجهل كبير وكثافة سكانية عالية لكنهم صنعوا القنبلة النووية
يعني الأولويات دي ما حكاية لبن تمر هندي لو الواحد منكم شال النظارة بتاعة التبخيس دي من وشو ح يشوف في تسهيل المواصلات مساهمة في تخفيض مدخلات الإنتاج على المدى البعيد وبدل ما المواطن العادي يصرف العشرات من جوالين البنزين عشان يصل الجيلي من وادي سيدنا ح يصرف خمس الكمية بفتح كبري الحتانة وما وفرّه من عائد ممكن يشتري به سكر أبو مية وأربعين قرش دا
سادساً فتكم بعافية
Frankly
|
Post: #10
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-08-2010, 10:57 AM
Parent: #9
فرانكلي لك منا كل التحايا
عداك لبس نظارة التبخيس ... والله يفتح عليك تشرح لينا كلنا اهمية هذا الكبري في تسهييل حركة المواصلات وفك الاختناقات المرورية ... يعني بالعربي البسيط كدا اضرب لينا مثل بمواطن ساكن اي حتة في العاصمة المثلثة دي يمكن يستفيد من الكبري دا لو عندو عربية خاصة او بركب المواصلات....
لحدي ما تشرح لينا فتناك بعافية
ـــــــــــــــــ
انا من سكان ولاية الخرطوم بس ما العاصمة المثلثة ... وامر على الحتة دي في اليوم اكثر من ثلاثة مرات..... وبعدين ولاية الخرطوم دي مش حدها منطقة قري ... اها مواطن الجيلي لو عايز يواصل اهلوا بمنطقة النوبة البفصلو منها النيل بس عليهو يمشي لحدي كبري الحلفايا .... طيب مش افضل انشاء الكبري دا في منطقة ما شمال الحلفايا ... قول الخوجلاب مثلاً او الكباشي
|
Post: #11
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: مدثر صديق
Date: 12-08-2010, 12:07 PM
Parent: #10
الاخ على ميرغني سلام
| Quote: وبعدين ولاية الخرطوم دي مش حدها منطقة قري ... اها مواطن الجيلي لو عايز يواصل اهلوا بمنطقة النوبة البفصلو منها النيل بس عليهو يمشي لحدي كبري الحلفايا .... طيب مش افضل انشاء الكبري دا في منطقة ما شمال الحلفايا ... قول الخوجلاب مثلاً او الكباشي |
اعتقد انو الافضل بين شمبات و انهاية ابوروف ...لانو في المنطقة دي بخدم عدد من السكان اكبر ...لانو الكثافة السكانية في منطقة الثورات و ام درمان القديمة اكبر بكثير من مناطق الخوجلاب و الكباشي و شمال ام درمان ....و في حاجة تانية اتوقع انو دراسة الجدوي بالنسبة لهذا الكبري الجدي راعت الطاقة التصميمة لكبري شمبات القديم ......
|
Post: #12
Title: Re: ماشاء الله ... الخرطوم ثلاثة جسور في اقل من خمسة كيلومترات
Author: على ميرغني
Date: 12-08-2010, 03:55 PM
Parent: #11
| Quote: لانو الكثافة السكانية في منطقة الثورات و ام درمان القديمة اكبر بكثير من مناطق الخوجلاب و الكباشي و شمال ام درمان |
كلامك صاح لكن ما تنسى انو كبرى الحلفاي بخدم القطاع الانت اتكلمت عنو .ز ولتاكيد دور كبرى الحلفايا في تسهيل وصول ناس الثورات وشمال امدرمان الى الخرطوم والخرطوم بحري يمكن الرجوع للبوست الكتبو صلاح ابو دية عن انو ناس امدرمان عملوا زحمة لناس بحري بعد افتتاح كبرى الحلفايا ...
|
|