Post: #1 Title: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:32 AM Parent: #0
محل الرهيف تنقد.. باكر الشمس بتمرق و تاني بنرجع للدواس.. فلتكن هي استراحة محبة لله..!!
Post: #2 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:34 AM Parent: #1
الأولاني.. ناس المنبر سوهو ظلامي لله.. و التاني مريخابي..و ايتها مريخابي ظلامي الى أن ثبت العكس..
كبر
(واحد بيشجع الأشبال من زمن العملاق ابكر باتا..و قلب بقى يشجع الثوار..عندكم مشكلة؟)..
Post: #3 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:35 AM Parent: #2
لكن الإتنين عملوا حركة لذيذة: لا يستطيع أن يأتيها ظلامي أو مريخابي..
و الحركة سوف نلحقها هنا في هذا الخيط..
و عشان الحركة منهم كانت جميلة للغاية.. فقلنا نديهم حاجة جميلة..اٍن شاء الله الكاشف بلا حدود..
و نهديها لكل معجبات و معجبي الكاشف..
كبر
Post: #4 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:39 AM Parent: #3
الى هرون دياب.. الى معتز القريش.. اسمر جميل..
و الزولة دوبك في سنة تانية معهد مزيكا في سوريا..
(اهام جدا: اي واحد/ة داير يتكسر ، اليتكسر غادي بعيدا عن هذا الخيط..و الكسرة داخل البوست على مسئولية..صاحبها /صاحبتها)..!!
كبر
Post: #5 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:40 AM Parent: #4
هنا سيد الشي ذاتا..
كبر
Post: #6 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:44 AM Parent: #5
دي الحركة العملوها الشباب ديل..
و يا معتز القريش ، بعد الحركة دي لو في زول/ة قال ليك ظلامي.. قول ليهو ايوه ظلامي و كبر بيشهد*
كبر
* اخونا الشاب معتز القريش فنان من بدري..و ليهو زوق تب ما بيجلي..!! اما اخونا هرون دياب..سويناهو ظلامي بي مزاجنا..و الرهيف تنقد..
Post: #7 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:46 AM Parent: #6
التحية للأصدقاء و الصديقات في منتديات مدينة الدويم.. و تحية خصوصية لهرون و معتز..
و عليكم الله تاني اعملوا لينا حركة زي دي.. احتمال تؤجل لينا استقلال الجنوب..ولا ان شاء الله تجيب لينا الجكس ساكت..
و الرهيف تنقد.. اٍن شاء الله تتشرط ذاتو..
و دمتم
كبر
Post: #8 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 09:52 AM Parent: #7
المؤدية هي الشابة السورية زينة افيتموس..و هي طالبة بمعهد الموسيقي السوري..
كبر
Post: #9 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 10:00 AM Parent: #8
زمان يا معتز، قام مصطفى سيد احمد غنى اغنية ( شقى الأيام)، حمد الريح برضك قاعد يغنيها ، و استخدم فيها ايقاع الريقي ، اها قاموا ناس المزيكا في السودان استهجنوا استخدام ايقاع الريقي من قبل مصطفى..و قالوا عليهو الإيقاع الأعرج..!! الزولة دي استخدمت ريقي..و برضك الفكرة شكلها كويس للغاية.. المدهش جايبين اربعة أو خمسة بتاعيين نقاقير (ايقاعات) و في السوداني اتنين من الملالييج ( ايقاع و طبلة) على بالحلال حس النقارة تسمع صوتها في الكاريبي..!!
و السؤال: ليه؟ هل لأن العازف السودان بيستخدم خاصية (روح الأغنية)؟.. في تجربة الفنانة زينة.. حسيت بان هناك عنصر غايب..و اظنه هو الروح..عشان كده الأغنية بتحس فيها الغربة..و العزاء انو الناس من بره اكتشفت الكاشف..!!
كبر
Post: #10 Title: Re: الظلاميان: معتز القريش و هارون دياب: هاكم الكاشــف بلا حدود Author: عثمان دغيس Date: 12-06-2010, 10:06 AM Parent: #8
كبر يا دفعة مشتاقين ياخ أخبارك ؟؟ قلت لي سويت ناس هرون دياب ظلامين ؟؟؟ ياخي هرون دياب ده زول كورة ساكت ....مالك عليهو .. وبعدين لو جينا لحكاية ظلامي وما ظلامي إنت بي عملتك دي ما بقيت ظلامي عديل وإرهابي كمان .. أسي ده ما إرهاب عديل كده ...!
Post: #11 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-06-2010, 10:18 AM Parent: #10
دغيس..حبابك يا صديقي كل سنة و انت طيب,, و تحيات من عبرك للشباب هناك..
Quote: إنت بي عملتك دي ما بقيت ظلامي عديل وإرهابي كمان .. أسي ده ما إرهاب عديل كده ...!
الإرهاب ، يا صديقي ، قسمة و نصيب..اها نسوى شنو القمسة اختارت..!!
و دمت كبر
Post: #12 Title: Re: الظلاميان: معتز القريش و هارون دياب: هاكم الكاشــف بلا حدود Author: رهف Date: 12-06-2010, 07:55 PM Parent: #11
كبر يا ارهابى ازيك يا شيخ الظلاميين كل سنة وانت طيب يا صديقى القديم ومشتاقين بلا حدود وانا عارفة ليه عاجباك اغنية اسمر جميل دى ههههههههههههه
Post: #13 Title: Re: الظلاميان: معتز القريش و هارون دياب: هاكم الكاشــف بلا حدود Author: هجو الأقرع Date: 12-06-2010, 08:10 PM Parent: #12
الاخ الكريم كبر سلام من الله ورحمة كيفك و الاسرة ، الشباب ديل بعاد اسع اقوم ارشهم ليك بواحد الووووووووووووووووووووو ، وباذن الله يجيوك بسرعة، تحياتى اخى الكريم .
Post: #14 Title: Re: الظلاميان: معتز القريش و هارون دياب: هاكم الكاشــف بلا حدود Author: Zomrawi Alweli Date: 12-06-2010, 08:15 PM Parent: #12
كلما مرت زينة افتيموس في اي بوست حتى ولو كان البوست نزلو نافع علي تافع برضو بقيف استمع لهذه الزينة
Post: #15 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-07-2010, 02:02 AM Parent: #14
Quote: كبر يا ارهابى ازيك يا شيخ الظلاميين كل سنة وانت طيب يا صديقى القديم ومشتاقين بلا حدود وانا عارفة ليه عاجباك اغنية اسمر جميل دى ههههههههههههه
وكت عارفة ، اوع تقولي لي حد..!!
صديقتي رهف..حبابك و كل سنة و انت بخير يا رهف.. الشــوق حاصل..لم هو زاتو بقى مشــتاق..
نشوفك طولي يا صديقة كبر
Post: #16 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-07-2010, 02:05 AM
Quote: الاخ الكريم كبر سلام من الله ورحمة كيفك و الاسرة ، الشباب ديل بعاد اسع اقوم ارشهم ليك بواحد الووووووووووووووووووووو ، وباذن الله يجيوك بسرعة، تحياتى اخى الكريم .
هجو..حبابك يا صديقي.. و عليكم الســلام..عساك و الأسرة الكريمة بخير..
يا اخوى الناس ديل شكلهم دفنوا دقــن..!!
تحياتنا ليهم لغاية ما نشوفة..
كتر خيرك على المرور..
كبر
Post: #17 Title: Re: الظلاميان: معتز القريش و هارون دياب: هاكم الكاشــف بلا حدود Author: Kabar Date: 12-07-2010, 02:08 AM Parent: #16
Quote: كلما مرت زينة افتيموس في اي بوست حتى ولو كان البوست نزلو نافع علي تافع برضو بقيف استمع لهذه الزينة
زمراوي..حبابك يا صديق
كتر خيرك على المرور من هنا..
ياخي نافع ده فاضي من دق الناس..؟ مرة مرضان باكي فاقد.. و مرة ضارب.. و مرة مضروب..
لو كان بطل شغلة الضرب دي و قعد يسمع زينة دي هسع كان نزل المعاش..و قضى باقي ايامو في هدوء..عسى ربنا يغفر ليهو..!!