سؤال بريء

ان شاء الله لمن المشاكل السياسيه تتحل فى كل بقاع الارض
والامور الدينيه تستقر ويتم ارضاء جميع الاطراف
ويبقى فى فريق كوره واحد بتشجعه الكره الارضيه كلها
والناس تبقى مبسووووووووووووطه لمن بهناك

بهنا حتتكلموا فى شنو
؟؟؟؟؟؟؟؟؟؟؟؟؟؟؟؟؟؟؟؟؟؟؟

.

حا نتكلم عن الزهج و عدم الموضوع .........

لا لا يا ابوحسين
الناس حتكون مبسوطه يعنى مافى اى زهج مفروض
كل زول حيكون شايل له ورده وقاعد فى الشباك بتأمل فى روعة الكون وامنه
:))))))))))))

فريق كورة واحدة حيلعب ضد منو يا رانيه ...؟

يا رشويه كان جابت فيها ضد طوالى النفوس حتضايق وترجع ريمها لعادتها القديمه

هو اصلا فى مشاكل سياسيه حتتحل عشان يبقى فى فريق كوره اوحد

دى احلام زلوط الما عارفه هو منو زاتو

كتير بلقى الحاجه دى عند الناس الكبار
اللى الشيب سرح فى دواخلهم قبال شعرهم
الهدوء الغريب
والعيون المغبونه
والصمت المقهور
خصوصا قدام شاب بيكورك وحارق دمه وعايز يمشى يفجر البشريه

عارفين سر هذا السلوك شنو لهؤلاء الكبار الذى اعشق ان التقى بهم فى حياتى والتحدث اليهم؟؟؟؟؟؟؟؟؟؟؟؟؟؟؟

يا ريت لو البوستات الكلاميه توازى البوستات الفعليه
البوستات البتحكى الفعل مش البتتمناه يحصل

رانيا الشيخ

يسعد صباحك يا حبيبة

حنقعد نتجر الذكريات القديمة

و نبحر في التاريخ الماضي

و كيف كانت لنا أمجاد و صولات مع المشاكل العامة

و السياسة و الرياضة و الكلام حيتوسع و حنقعد نتشاكل

في الحاجات الفاتت و نعيد سيرتها

حتى و هي في الماضي

و نخطط للمستقبل و الأطراف اللي حتتراضى

حترجع تاااااااااااااااااني تتشاكل و فريق الكورة الواحد البنشجعو

حيحصل ليهو نكسة و ينقسم نصين و تتوالى الإنقاسامات

و تبقى المشحانات

و حيجي دور الواعظين يا جماعة عيب و حيجوا الناس


البيعتبروا الواعظين بيلعبوا على الدقون و إنهم مستفيدين من المشاكل

هههههههههههه

عدم الموضوع بعمل موضوع من مافي

و يتعكر مزاج الناس و يروح البسط

كويس إنو خيال يعني نسرح بي راحتنا


أعفي لي بس و الله إتخيلت القصة حقيقة و إتخليت الحيحصل

تحياتي و ودي

.

رنوية ازيك

حتقع وردة واحد من الجماعة ويشيلها الهواء ويقوم من النوم يلقاها مافي

يحدر لي زول والزول ما يستحمد الحدرة يقوم نايشو كف ، وده يرد الكف ليهو

ده قليل لو ما فتش في قوقل ولقى الوردة الشالها الهواء دي ذااااااااتها ما حقت الزول الراحت منو الوردة

وتجي تلقي 15 بوست سرقة قوقلية

بث

انا شخصيا ح أتشاكل مع الناس الكانو زمان هلالاب ..


..
تحياتى يا رانيا

Quote: رنوية ازيك حتقع وردة واحد من الجماعة ويشيلها الهواء ويقوم من النوم يلقاها مافي يحدر لي زول والزول ما يستحمد الحدرة يقوم نايشو كف ، وده يرد الكف ليهو ده قليل لو ما فتش في قوقل ولقى الوردة الشالها الهواء دي ذااااااااتها ما حقت الزول الراحت منو الوردة وتجي تلقي 15 بوست سرقة قوقلية بث

جائزة أجمل قصـة قصيرة,

مترعة بالخيال الخصـب


أحمد الشايقي

.

Quote: جائزة أجمل قصـة قصيرة, مترعة بالخيال الخصـب

أحمد الشايقي ازيك

يعني بنفع؟ غايتو كان قلت بنفع ناس بشرى الفاضل الا يتضايرو :D

Quote: ان شاء الله لمن المشاكل السياسيه تتحل فى كل بقاع الارض والامور الدينيه تستقر ويتم ارضاء جميع الاطراف ويبقى فى فريق كوره واحد بتشجعه الكره الارضيه كلها والناس تبقى مبسووووووووووووطه لمن بهناك بهنا حتتكلموا فى شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب بدل كووووووووووووووول الكلام الفوق ده
ما تقولي لما تقوم القيامة ح تتكلموا في شنو؟؟؟
هو ح يكون في زول فاضل عشان يتكلم؟؟؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

انا شخصيا حاقعد ....
افكر ...
وافكر....
وافكر...
ممممممممممممممممممممم
في
البراءه
ممممممممممممممممم
واقول
البنية .. الهديه ورضيه دي ..................

دي قاصدنا إحنا ناس المعاشات
الزمانا ...... فات
مممممممممممممممممم
شليل وين راح...........

احبكم وانتو فاهمينى
وكل زول فيكم تخيييييييييييييل قصه اجمل من الاخرى عن الواقع المستحيل
لكن بالجد امس حسيت مخى داير يطرشق
وحاولت افتش على موضوع بوست اقدر اندمج فيه مالقيت
كله سياسه وتحاور عن شخصيات للاسف جاهله بيها
وبديت اسئل فى روحى
الفايده شنو من كلللللللللللللللللل البيتقال دا
شنو الاتغير
شنو الاتصلح
من زمان والكلام بيتقال بكل اللغات والطرق والمصطلحات
وليسه الشعب بيعانى اكتر واكتر
نحنا ما ماشيين لفوق
نحنا بنغرق تحت اكتر واكتر

اليوم وانا جايه قولت ليه الحكومه ما توفر الكهرباء والمويه مجانا
تشيل عبئها من الناس التعبانه والمحتاجه
ليه التعليم ما يبقى مجانى لمراحل الابتدائيه والثانويه لناس المحتاجه

ليه بقوا مصعبين الحياه لمن بقى صعب نحلم ببكره
الزول بقى ياكل واللقمه وما بتنزل فى حلقه كرمان ان فى ناس جعانه ونفسها فى رغيف حاااااااااااااااااااااف
كتير بقى اخير الزول يغمض عيونه من الحاصل عشان ما يشوف الناس الغالبها حتى قولت الووووووووووووووووووووووب

وليسه ونحنا مصريين نتمنى المستحيل

ونشوف كل يوم فى المحطات وجوه باسمه
ونحس بالنفوس مرتاحه

مع انعدام مشاهدة النساء المكافحات بالحفاظات والمناقد
انا بالجد اقسى رؤيا بتصادف عيونى
لمن القى ست الكل وام فلان او علان جاريه قاطعه الزلط ونفسها قايم وهى ماسكه ليها حفاظه ولا شيله تقيله
بتمنى لو اقدر احصلها واشيل منها


ليه يا زمن عملت فيهم كده
ليه يا بلد عاملين فيكى كده

عارفين غلطكم وين
لمن بتجوا ماريين
وبيقفلوا الشوارع عشان تجوا مفحطين
هل خايفين تعاينوا فى عيون الرايحين والجايين
ولا ما قادرين تواجهوا البتطحنوا فيهم من سنين

السلام عليكم يا اهل الفردوس

Quote: ان شاء الله لمن المشاكل السياسيه تتحل فى كل بقاع الارض والامور الدينيه تستقر ويتم ارضاء جميع الاطراف ويبقى فى فريق كوره واحد بتشجعه الكره الارضيه كلها والناس تبقى مبسووووووووووووطه لمن بهناك بهنا حتتكلموا فى شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟

كورة شنو يا ستو ...
دي ما الجنة زاااااااااااااااته

فى الدنيا فى جنه لو قدرا الناس تعرف منافذها
فى راحه وسعاده وهنا لو حاولنا بس تفتش صح يا عبده

هو نتكلّم

ليه ذاتو

مش قالوا

السكوت

هدى

ورضى

ومش برضو قالوا

سيفي سليتو

نوبي وعربي

ما بدخّلنو بيته


هازولة تكفي خيالات

وتخيلات

عشان ما تبقى أوهام

ابى الغالى

لماذا اصبحت التخيالات للواقع المفروض مستحيل

لماذا اصبحنا نندهش حين يسترد ذى حق حقه

وحين يصدق مسئول بوعده

وحين يعين مؤمن اخيه

هل اصبحت حياتنا بهذا السوء
لدرجة ان الصواب اصبح ضباب

تحية الي الصديق الجميل ....ليه تقول ايامنا راحت وانتهينا....نحن يا دوبك بدينا...ايجاد حاسة الامساك باللحظة وتلوينها والغوص في قزحيتها والتامل البهيج فيها واستنشاق عطرها الفواح...البحث عن منافذ الضوء ومتابعة اندياحه المثير وصولا الي اماكن العتمة لينداح البهاء المنير... الاصغاء الي صوت الطبيعة وكلام الناس و ضحكات وشدو المغنين في كل دار....التواصل مع الكون بالعطاء والسماحة والصبر واليقين...

يلا نغني....نصنع من الكون لحنا... معا الي العالم السحري...خذو دنياكمو هذي.... يلا يا ناس عبد الفتاح....

أصبحنا نعشق الاحلام لسهولة الحياه بيها
ليتنا نصر على تحقيقها حتى لا نموت فيها

تحية....الاحلام يا رانية واقع افتراضي متاح لخلق حالة التوازن المطلوب في مواجهة الواقع....الدخول الي الاحلام لا ياتي مجانيا انما بحاسة التامل الخلاق....ينشا من سماحة النفس عندما تهفو الي مراقي الصفاء...الصفاء يجي عندما نقدم الحب....الحب ياتي عند الغوص في اعماق النفس عند اشتعال اللحظة بلحن او ضحكة طفل او وفاء حبيب او سماحة صديق...

بي ايدك القوية تصنعين عالمك الافتراضي ..يتحول رويدا رويدا الي افكار بناءة ...الي واقع جميل واعد بالخير ..بالخير يحيا الانسان ايضا...

كتر خيركم

الأستاذة/رانية
تحياتي
تخيلت منو القادر يحل المشاكل دي كلها
سياسة و كورة و دين
حسد و خيانة و غدر
ظلم و قتل وسرقة
كذب و فجور وغرور
عنصرية و سادية
أنانية و إتكالية

وقفته عشان حيرني ابن آدم

مع كامل تقديري

بعد الشوفته ما الجدوى من الاحلام

بتى امى الجلدوها دىىىىىىىىىىىىىىىىىىىىىى وسط الشنبات البتضاحك

احلااااااااااااااام شنو البنحلمها وحب شنو البنفتش عليييييييييييييييييييييييييييه


دا غضب الله نزل علينا ونحنا ما جايبين خبر

كر علينا فى زمن لا بيعرف حرمه من رجل

تحية الي الصديق الجميل
صديق جميل؟
آي غنّوا لي بعض
وطمّنوا روحكم
واحلموا كتير واشربوا دنّكم
بعد ما فقدتو لفنّكم
وما بفوّقكم غير عجيز زيّكم
ودا كله فوق كم وكم ؟
كم ليه وليه بنطرحم
من دون شبيه
كان حتى قلنا ليه بيه
حتردّ علي وتقول أبيه
ود عبد الحليم
إنت قاعد وين؟
عشان نحلم معاك ومعاها
إنت ود عبدالحليم ما زول الحلم
الحلم مهما كان جميل
وإن كان زي ندى منقرش فوق نخيل
لما يجيك نازل يميل
وتمد لسانك شان يتلقّفه
تلقاه زاغ منك عديل
لكن كمان برضو بتحس لما يجيك لون البرد
شايل عطر لسنون جميلة
بي بسمتا بتستطيل
تحس كأنك بس رويت
زال العطش
والدوح جميل
شايل نسيم ونسيم عليل
مع نشافه تلقاه كيف بليل؟
-
مرارة الواقع وآلامه
كدّروا لينا كل الصورة
بقت زي ليل
وليل طويل
قدر ما نعاين في نفقه
ما شايفين غير ضو ضئيل



--
يا بتّي
إنت خلاص ودرت
شي في الحب
وشي في الخيال
أقول ليك
كدي قومي ليْ قبل الصبح
بس ساعتين
بي خشوع صل كم ركعة
أو ركعتين
وفي سجودم تخشعي
وتتذللين
زيدي الدعاء شديد
كمان تُلحّين
وتكون الثقة زايدة شديد
ولي ظنك تحسّنين
تلقيه جنبك في كل
شي تحاولين
بل يمكن كمان في كل
شي تفكّرين
وتزيدي إلحاح في الدعا
كما كان
الصادق الأمين
وأهم شي تطلبي يعينك الله
في اللي هو
طالبه منك
في كل حين
واللي طالبك
تتركين
وقولي إيّاك نعبد
ونستعين
ونستعين
آمين آمين
كمان جميع المسلمين
بي جاهو سيد
المرسلين
الصادق الوعد الأمين
وتصلي عليه النبي الأمين
عليه صلاة الأولين
والآخرين

سياسة نهي نهي نهي

كورة نهي نهي نهي

كل هاجة أُأُوووووووووووأ

تموت مرتاح

وتطير صدّاح

حا نتكلم فى انو نقفل البورد دا ولا نخلى فاتح

تحية الي الجميل عبد الفتاح.....نحاول مواجهة فداحة الواقع بايجاد المعادلة النفسية اللازمةفي مواجهة القبح بمختلف اشكاله...ياتي ذلك بالتامل واليقين والصبر ...هذه تمارين شاقة وقد تسعفنا الاهتمامات الايجابية الي حد ما لكننا نخشي دوما ظلم الانسان لاخيه الانسان....لذلك نغني.. ونصنع اللحظة الجميلة ونسعي للمحافظة عليها قدر الامكان ...شن قولك....

مع الاحترام

ح نتفرّغ للولادة!!

ودالصايم
حنتفرّغ للولادة


لا بالله أدينا كباية شاي سادة
عشان نقعد نعدّد في العيادة
أو كمان نقول الولادة عبادة
مالك علينا يا زول يا سنادة
هو نحن ناقصين
داير تجيب لينا زيادة
خللي اللي جابوا السؤال
يتوكعوا بي هادي العادة
سمح يا حمادة سكر زيادة
ودالصايم حنتفرّغ للولادة

لا بالله أدينا كباية شاي سادة

عشان نقعد نعدّد في العيادة

أو كمان نقول الولادة عبادة

مالك علينا يا زول يا سنادة

هو نحن ناقصين داير تجيب لينا زيادة

خللي اللي جابوا السؤال يتوكعوا بي هادي العادة

سمح يا حمادة سكر زيادة

تحية يا ود الصائم....جميل انطلاق عصافير ملونة جديدة في فضاءات غير فلواتنا وفضاءاتنا...وفي شموس جديدة غير التي نعانقها واقعا اسيفا..

تتلون بهم الحياة ...ليبداؤا رحلة التغتي ...يا ما ما شوفي....يا بابا شوف الدنيا حلوة....

(بي ابتسامك دي...قاعد فوق راي)


لك الاحترام