Post: #1
Title: التحية للفتح الرباطي المغربي والف مبروك ...
Author: امير عوض الجمري
Date: 12-04-2010, 08:05 PM
Parent: #0
لعبوا بروح عالية جدا فاستحفوا لقب الكونفدرالية
|
Post: #2
Title: Re: التحية للفتح الرباطي المغربي والف مبروك ...
Author: فتحي الصديق
Date: 12-04-2010, 08:22 PM
Parent: #1
بالله شالوا الكاس يا أمير ؟
ياخي ديل ناس جري وشوت بس ...
ما عندهم ولا شيء تاني ..
المريخ أفضل منهم في حاجات كتييرة ..
|
Post: #3
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-04-2010, 08:32 PM
Parent: #2
ايوة والله يا فتحي شالوه
هزموا الصفاقسي في ارضه
بثلاثية مقابل هدفين بعد
ان تقدموا في الشوط الاول
وعادل الصفاقسي في الجزء
الاخير من نفس الشوط وتقدم
الصفاقسي بالهدف الثاني من
ركلة جزاء ثم تعادل الفتح في
ربع الساعة الاخير ويتقدم بالهدف
الثالث في الدقيقة 87 ..
وزي نا قلت هم بقتقروا للمهارات
لكن اليوك لعبزا بروح عالية واصرار
على الفوز فكان لهم ما ارادوا .. التحية
مجددا لهم ..
| Quote: المريخ أفضل منهم في حاجات كتييرة .. |
المريخ افضل من الاربعة اتيام اللعبوا دور الاربعة في الكونفدرالية يا ابو الافتاح .
ولولا ظروفه لفاز على مازيمبي في النهائي ... لانو الترجي اخرجنا من المنافسة لتفس
الظروف ......
|
Post: #4
Title: Re: التحية للفتح الرباطي المغربي والف مبروك ...
Author: فتحي الصديق
Date: 12-04-2010, 08:40 PM
| Quote: المريخ افضل من الاربعة اتيام اللعبوا دور الاربعة في الكونفدرالية يا ابو الافتاح |
لا
لا
لا
الهلال طبعا أفضل من المريخ كتير جدا بالفترة الحالية ..
لكن بصراحة الفتح الرباطي فريق دراويش بس ..
والله لسة مستغرب فوزم بالكأس ..
سبحان الله ..!!!!!!
|
Post: #5
Title: Re: التحية للفتح الرباطي المغربي والف مبروك ...
Author: خالد درق
Date: 12-04-2010, 10:55 PM
Parent: #4
Quote: لكن بصراحة الفتح الرباطي فريق دراويش بس ..
والله لسة مستغرب فوزم بالكأس ..
سبحان الله ..!!!!!! |
فتحى سلام فريق لعب بروح مش ذى الهلال الميت فريق صعد من الدرجة الثانية وكان كل طموح للفوز بالكاس وقد نال المراد مش هلالك الماعند ثقافة بطولات ولا طموح . نبارك لفتح الرباطى هذا الكاس الذى كان حلم الرشاشات
سلام اخونا امير ..
|
Post: #6
Title: Re: التحية للفتح الرباطي المغربي والف مبروك ...
Author: khaleel
Date: 12-04-2010, 11:02 PM
Parent: #5
الله ياذي الاذانا
الاذي مالو ما جانا
الذمة بانت
والصفاقسي انبرش احلي برشا
مشتاقين يا برنس
|
Post: #9
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 06:08 AM
Parent: #6
خلي يا حبيب
Quote: الاذي مالو ما جانا
الذمة بانت
والصفاقسي انبرش احلي برشا |
برااااكم اذيتو رقبتكم .
تعرف دي اكتر بطولة كانت في متناول الهلال وفرصة زي دي ماااا ظنيتكم تلقوها ..
طبعا الفتح لعب بالروح دي وبالحماس للندية والحساسية الحاصلة بين الفرق المغاربية
واكيد لو كان قابل الهلال في النهائي كان الوضع اختلف لأنهم زي ما بقولوا اظهروا الطاقة الكامنة
وتغلبوا على الصفاقسي المغرور ....
مبروك ليهم وهاردلك الهلال ...
|
Post: #7
Title: Re: التحية للفتح الرباطي المغربي والف مبروك ...
Author: محمد البشرى الخضر
Date: 12-04-2010, 11:04 PM
Parent: #5
سلامات يا جمري
خالد درق قلت لي تباركوا للفتح الفوز على الصفاقسي و نيل الكاس الكان حلم الرشاشات ههههههههههه
أها وانتو حلمكم كان شنو ان شاء الله
التعادل مع الجيش النيجري مش كدا
|
Post: #8
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 06:03 AM
Parent: #5
خالد درق تحياتي
| Quote: فتحى سلام فريق لعب بروح مش ذى الهلال الميت فريق صعد من الدرجة الثانية وكان كل طموح للفوز بالكاس وقد نال المراد مش هلالك الماعند ثقافة بطولات ولا طموح . نبارك لفتح الرباطى هذا الكاس الذى كان حلم الرشاشات |
فعلا الفتح لعب بروح عالية وبحماس شديد وكان له ما اراد عكس الصفاقسي الدخل الملعب وهو ضامن النتيجة بنسبة كبيرة ومستهينا بالخصم ..
نبارك للفتح تاني وتالت .
|
Post: #10
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 06:12 AM
Parent: #8
ود البشرى سلامات
Quote: خالد درق قلت لي تباركوا للفتح الفوز على الصفاقسي و نيل الكاس الكان حلم الرشاشات ههههههههههه
أها وانتو حلمكم كان شنو ان شاء الله
التعادل مع الجيش النيجري مش كدا |
يا هندسة ياخي نحن حلمنا اصبح حقيقة قبل عشرين سنة الدور والباقي عليكم انتو ...
اها والسنة الجاية دي جهز اعلامك الحمراء وجيب معاها زرقاء عشان تظهر تضامن لتشجيع الزعيم في ابو ظبي
في كاس اندية العالم ..... وجهز لينا الشقق لاننا حا نجيكم زاحفين ....
|
Post: #11
Title: Re: التحية للفتح الرباطي المغربي والف مبروك ...
Author: Fadl Karrar
Date: 12-05-2010, 06:29 AM
Parent: #10
اللهم لا شماتة
لكن
عجبني للمرقوت ( اقصد النفطي )
كفارة يا أمير
|
Post: #12
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 06:40 AM
Parent: #11
تحياتي يا فضل
Quote: لكن
عجبني للمرقوت ( اقصد النفطي ) |
النفطي عمل العليهو واخرجكم من البطولة
بس التوانسة الفي المغرب ما شافوا شغلم كويس .... هههههههههها
|
Post: #13
Title: Re: التحية للفتح الرباطي المغربي والف مبروك ...
Author: عبدالله السفاح
Date: 12-05-2010, 09:02 AM
Parent: #12
الحبيب امير
بالله شفته الناس دي كيف
فريق مغمور من الدرجة الثانية الي الأولى
ثم بطل للكونفدرالية ...
وناسنا يقولوا ليك ما عندنا ثقافة نهائيات !!!!!!!!!!
|
Post: #14
Title: Re: التحية للفتح الرباطي المغربي والف مبروك ...
Author: محمد البشرى الخضر
Date: 12-05-2010, 09:34 AM
Parent: #13
يا جمري يا خوي اها و بعد حققتو حلمكم بيضة الديك عملتوا شنو
ربعتوا يدينكم و قعدتوا لسماحة الوصف و مبروك الصفاقسي و مبروك الفتح مش كدا
ياربي هل ح نسمع مبروك المريخ قريب
الله اعلم
|
Post: #15
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 09:57 AM
Parent: #14
| Quote: يا جمري يا خوي اها و بعد حققتو حلمكم بيضة الديك عملتوا شنو |
ما عملنا اي حاجة يا ود البشرى بس راجين ديكم دا يبيض ليهو بيضة زي بيضة ديكنا دي !! عشان الفرقة ما تبقى كبيرة
Quote: ربعتوا يدينكم و قعدتوا لسماحة الوصف و مبروك الصفاقسي و مبروك الفتح مش كدا
ياربي هل ح نسمع مبروك المريخ قريب
الله اعلم |
كدي في الاول النسمع ميروك للهلال وبعدين نسمع (مبروك تاني) للمريخ لاننا مبروك دي سمعناها بدري .
|
Post: #17
Title: Re: التحية للفتح الرباطي المغربي والف مبروك ...
Author: محمد البشرى الخضر
Date: 12-05-2010, 10:01 AM
Parent: #15
سمعتوها بدري قبل كم جيل كدا ؟
|
Post: #16
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 10:01 AM
Parent: #13
حبيبنا عبد الله السفاح
سلامات
ياخي ديل امبارح لعبوا بي روح مبالغ فيها
ذكروني اليونان في بطولة امم اوروبا 2004
وتعرف كمان في الحساسية الشديدة بين المغاربيين
عموما طغت على جو المباراة وحماس الفتح وتعالي الصفاقسي رجّح كفة الأول ...
|
Post: #18
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 10:05 AM
Parent: #16
| Quote: سمعتوها بدري قبل كم جيل كدا ؟ |
هي آخر مبروك اتقالت للسودان وكانت سنة 89 يعني قبل 21 سنة وفي قبليها اتقالت سنة 70 يعني قبل 40 سنة وبس خلاث ياهن مافي غيرن ....
امكن في واحدة اتقالت سنة 30 يعني قبل 80 سنة بس كانت للتأسيس ما للانجاز ..... ههههههههههههاي
|
Post: #19
Title: Re: التحية للفتح الرباطي المغربي والف مبروك ...
Author: فايزودالقاضي
Date: 12-05-2010, 10:18 AM
Parent: #18
ياالجمرى نحن الكاس بالنسبة لينا انتهى بانتهاء الهلال ...بعد خروج الهلال لو لغوا الدورة ماهامينا ...رسالتنا انتهت مع التونسية ..
|
Post: #20
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 11:12 AM
Parent: #19
ياالجمر| Quote: ى نحن الكاس بالنسبة لينا انتهى بانتهاء الهلال ...بعد خروج الهلال لو لغوا الدورة ماهامينا ...رسالتنا انتهت مع التونسية .. |
ود القاضي علاقتكم انتهت كسودانيين لانو الهلال بيمثل السودان وللا كشمّات ..
غايتو يا فائز لو كورة هيثم ولا ديمبا فيهم واحدة دخلت الليلة كان محل ما نقبل ما عرفنا
لانو بيني بينك لو الهلال كان وصل مع الفتح كان زعمطوا لان الفتحاويين ديل لعبوا ضد الصفاقسي بروح
مختلفة لوجود الحساسية الكبيرة بين المغاربيين .
|
Post: #21
Title: Re: التحية للفتح الرباطي المغربي والف مبروك ...
Author: فايزودالقاضي
Date: 12-05-2010, 11:23 AM
Parent: #20
| Quote: ود القاضي علاقتكم انتهت كسودانيين لانو الهلال بيمثل السودان وللا كشمّات .. |
اصلوا ماجاني احساس بيمثلوا السودان ولا حايجيني ...انا بتكلم كمريخاب شمات ...وتحديداً ود القاضي كشامت ...
ــــــــــــــ
ثم اخبارك بعد التحايا ؟
|
Post: #22
Title: Re: التحية للفتح الرباطي المغربي والف مبروك ...
Author: omer abdelsalam
Date: 12-05-2010, 11:26 AM
Parent: #20
الأمير الجمري
كنا نمني النفس نحن ابناء الجالية السودانية في المغرب ان يكون اللقاء النهائي بين الفتح والهلال ,وتهيئنا لهذه الواقعة في الرباط ولكن الهلال احبطنا
اخي الجمري
من خلال متابعتى لسنوات طويلة للكرة المغربية
الفرق المغربية وعلى عكس السودانية مهما كانت تمر بفترات ضعف وتراجع
الا انهم يمتلكون حس عال في التعامل مع مجريات المباريات
والتعامل باحترافية وثبات مع التسعين دقيقة
وهذا مازلنا نفتقده في الكرة السودانية رغم ان قطبيها { الهلال والمريخ } لهما خبرة طويلة تجاوزت العديد من فرق القارة
ولهذا لم نستغرب في المغرب ان ياتي فريق صاعد من الدرجة الثانية { هذا الموسم } ويفوز بكاس الكنفدرالية
اليس كذلك ؟
|
Post: #23
Title: Re: التحية للفتح الرباطي المغربي والف مبروك ...
Author: امير عوض الجمري
Date: 12-05-2010, 07:52 PM
Parent: #22
اوووووووووووووووووووو الحبيب عمر عبد السلام والله ليك وحشة
| Quote: كنا نمني النفس نحن ابناء الجالية السودانية في المغرب ان يكون اللقاء النهائي بين الفتح والهلال ,وتهيئنا لهذه الواقعة في الرباط ولكن الهلال احبطنا |
النصيحة يا عمر الهلال اخرجه سوء الحظ وظلم الحكم في ام درمان ..
Quote: من خلال متابعتى لسنوات طويلة للكرة المغربية
الفرق المغربية وعلى عكس السودانية مهما كانت تمر بفترات ضعف وتراجع
الا انهم يمتلكون حس عال في التعامل مع مجريات المباريات
والتعامل باحترافية وثبات مع التسعين دقيقة |
يا عمر ياخي المغاربة ديل بيتعاملوا باحترافية من السبعينات ..
ياخي الوداد لما شال الكاس من الهلال سنة 92 رشيد الداوودي كان بيمسك الكورة ويلعبها لمدافعين الهلال
الكورة تاخد ليها دقيقتين هناك لغاية ما ترجع ليهو تاني وهو بدوره يعيد المسلس لغاية ما انتهت ...
المشكلة نحن بنفور فورة صابون كدا وتاني نبدا من مربع 1 ...
|
|