Post: #1
Title: منتدي الحروف...سينما..شعر ..غناء (صور)
Author: امير طمبل
Date: 12-04-2010, 01:17 PM
احيا رواد الفن السوداني‘مستشار وزير الثقافة السوداني الشاعرالشفيف كامل عبدالماجدو الموسيقار أحمد شاويش
و السينمائي أنور هاشم ليلة رائعة بمركز أصدقاء البيئة حلق فيها الحضور بين الشعر و الغناء و السينما بدات الأمسية بعرض سينمائي لفلم (الزار)للأستاذ أنور هاشم بالخيمة الخضراء ..لينتقل الحضور بعد ذلك لقاعة الندوات حيث تحدث الاستاذ أنور هاشم عن تجربته في دراسة السينما و المعوقات التي صادفته أهمها معارضة والده القوية .ثم تداخل الحضور في افادتين من ذوي الاختصاص من أطباء علم النفس حول ماهية الزار و تطوره حتي اصبح هو العلاج بالموسيقي .بعد ذلك غني المبدع احمد شاويش و أعادنا للزمن الجميل بروائعه التي ابدع فيها بعده أمتع الشاعر كامل عبدالماجد الحضور بروائعه الشعرية التي تناولت هموم الوطن و الغربة و العاطفة الجياشة ابتداها بقصيدة هنأ فيها دولة قطر باستضافة كأس العالم 2022 ...الحضور كان راقيا و نوعيا ...حضور جميل لرابطة المرأة (سوا) علي راسهم الدكتورة منار ..الابداع كان طاغيا ...
غاب الاستاذ الامين كاكوم عن الامسية لوعكة صحية خفيفة المت به حسب كلام الاستاذ محمد السني دفع الله مقدم الامسية ..
|
Post: #2
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 01:30 PM
Parent: #1
الأمسية أمتدت لاكثر من 3 ساعات متواصلة عكس الجلسة السابقة
غياب تام لأغلبية رواد ملتقي الجمعة مما يجعلنا نضع اكثر من علامة أستفهام؟؟؟
لايذال الصديق المخرج العالمي اسماعيل محمد الحسن (سمعة بعيدا عن كل الامسيات يبدو انه مجامل رواد برنامج لقاء الجمعة الجميل ....
أنعدمت الضيافة في الامسية و أننحصرت فقط علي ضيوف الامسية عكس ما كان يقدم في كل لقاءات الجمعة الشهيرة
|
Post: #3
Title: Re: منتدي الحروف...سينما..شعر ..غناء (صور)
Author: haroon diyab
Date: 12-04-2010, 01:34 PM
Parent: #2
طمبلاوي ياجميل
سلامات
ومزيدا من التوثيق والتصوير
وياريت تصغر حجم الصور....!!!
رقبتنا وجعتنا ياعمك....
|
Post: #4
Title: Re: منتدي الحروف...سينما..شعر ..غناء (صور)
Author: haroon diyab
Date: 12-04-2010, 01:41 PM
Parent: #3
ليـــــك وحشـــــة ياسمــــــعة
|
Post: #5
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 01:59 PM
Parent: #4
سأعود اليكم ...ببقية الصور
|
Post: #6
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 03:41 PM
Parent: #3
Quote: وياريت تصغر حجم الصور....!!!
رقبتنا وجعتنا ياعمك....[/B
|
جدا يا جميل الحجم العائلي ده ما كويس ولا شنو سأحاول تسلم يا مااان
|
Post: #7
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 04:05 PM
Parent: #6
أعود الي الأمسية
حضور جميل
center>
ومشاركات من المبدع
الاستاذ أحمد شاويش
وعمنا المخرج السينمائي الأستاذ أنور هاشم
وتجربته مع السينما
ومداخلات مع أطباء النفس
center>
ومداخلة مع طبيب اخر
كما ابدع الشاعر كامل عبدالماجد
متابعة من بلدياتنا الاستاذ عمر بوب و بعض الاصدقاء
ولي عودة بالبقية
|
Post: #8
Title: Re: منتدي الحروف...سينما..شعر ..غناء (صور)
Author: عادل التجانى
Date: 12-04-2010, 04:06 PM
Parent: #6
كتب طمبل:
| Quote: غياب تام لأغلبية رواد ملتقي الجمعة مما يجعلنا نضع اكثر من علامة أستفهام؟؟؟ |
شكراً طمبل
بس عايزين نقرأ (علامات الإستفهام) عشان نقدر نرد عليها
أنا شخصياً شفت عدد لا يستهان به من أعضاء ملتقى الجمعة
أما صديقك سمعه فقد كان متابعاً ويعرف تماماً أن هنالك فعالية
ولكن عدم حضوره قد يكون لظروف خاصة، ولكنه لا يزال نجم ملتقى الجمعة له كل المحبة
ألفت نظرك إلى أن الموضوع:
خاص بمنتدى الحروف / وليس ملتقى الجمعة
ولكن الدعوة ذهبت للجميع
|
Post: #9
Title: Re: منتدي الحروف...سينما..شعر ..غناء (صور)
Author: عادل التجانى
Date: 12-04-2010, 04:18 PM
Parent: #8
كتب طمبل :
| Quote: أنعدمت الضيافة في الامسية و أننحصرت فقط علي ضيوف الامسية عكس ما كان يقدم في كل لقاءات الجمعة الشهيرة |
صحيح .. للاسباب التالية:
1- هذه الأمسية الأولى لمنتدى الحروف في هذا الموسم وهو منتدى لا يساهم أعضاءه مساهمات مالية تجعل من
السهل تحضير الضيافة اللازمة، معليش نحاول في الأمسيات القادمة.
2- تعود أخونا طمبل على كرم ضيافة ملتقى الجمعة ومساهماته المالية التي كانت توفر كل شيء وهو عضو اصيل في الملتقى وكان يمكنه الذهاب لأقرب بقالة لعمل اللازم سيما وقد أصبح من أهل المركز (فاتت عليك يا طمبلة)
3- بدأ طمبل في إنزال صور الحاضرين فوجدت الكثير من أعضاء ملتقى الجمعة بما فيهم عراب الملتقى الجميل (خليل) والصف الأول من السيدات وليه الصف الثاني من الرجال ومن بينهم د . هاشم السنجك ود . عبد الله عابدين الذين تفضلا بإلقاء مداخلتين ثرتين هما (أعضاء ملتقى الجمعه) ولا زلت في انتظار التساؤل؟
4- حضر طمبل جزء من الفعالية وشال كامرته وذهب قبل أن تنتهي وهنا يأتي التساؤل وقد فات عليه تصوير لحظة تكريم المشاركين.
|
Post: #10
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 04:23 PM
Parent: #8
كتب عادل التجاني
| Quote: ولكن الدعوة ذهبت للجميع |
حبيبنا الاستاذ عادل بن التجاني
تحية و تقدير
وبالرغم من ارسال بعض الدعوات لا ذال عدد كبير من رواد لقاء الجمعة
يسجلون غيابا مستمر وعلي راسهم (سمعة) الذي ربما و الله اعلم ان يكون
مجامل عدد من رواد لقاء الجمعة المختفين...
قصدت فقط يا استاذنا الجميل عادل ان نسأل عن حبايبنا
رواد ملتقي الجمعة الذي توقف من شهر رمضان الكريم
ولم نسمع عنه اي أخبار تفيد بتواصله ام تم استبعاده من
فعالياتكم المميزة
تحياتي
|
Post: #11
Title: Re: منتدي الحروف...سينما..شعر ..غناء (صور)
Author: امير طمبل
Date: 12-04-2010, 04:39 PM
Parent: #10
أعود الي الأمسية مرة اخري
نجم العنابي للسلة الكابتن همام يتوسط الصديق عمر سعد و الحبيب كمال علي الزين
الأستاذ عادل التجاني امس أكتفي بتجهيز الخيمة أولا علي اكمل وجه
ثم أنتقل الي مكان الندوة مكتفيا بتصوير الامسية و مشرفا علي الاضاءة و اجهزة الصوت
مثل ما فعل من قبل في احدي لقاءات الجمعة
في الصورة التالية
كما ظهر أبوساندرا و هو يعاني من عينيه شديد و وواضح من الصورة
وجلس الاستاذ محمد عثمان في نفس المقعد الذي اعتاد عليه الجلوس دائما
|
Post: #12
Title: Re: منتدي الحروف...سينما..شعر ..غناء (صور)
Author: عادل التجانى
Date: 12-04-2010, 04:47 PM
Parent: #10
أخي طمبل
أولاً : ليس هنالك أية أسباب خلافية تتسبب في غياب أعضاء الملتقى ونحن حريصون على ذلك.
ثانياً : نحن كل سنة بنعمل مسمى جديد تحت مظلة منتدى الحروف فمثلاً قبل سنتين كان المسمى (ليالي سمر صيفية) والسنة الماضية كان المسمى (ملتقى الجمعة) وكان يقدمه الصديق إسماعيل وانتهت السنة الثانية وانتهت فعاليات ملتقى الجمعة.
ثالثاً : سنأتي هذه السنة بمسمى جديد وتقديم جديد وكل شيء سيكون جديد × جديد عدا روادنا الكرام لأن التغيير يفيد الإثراء وسنكون دائماً في الموعد.
بدأ الآن منتدى الحروف
وغداً تبدأ فعاليات أبنه الجديد وبمسماه الجديد والذي لن أفصح عنه الآن حتى تتفق اللجنة على المسمى ولكن مبدأ التغيير قائم.
شكراً لك
|
Post: #13
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 08:04 AM
Parent: #12
الحبيب عادل التجاني
صباح الخيرات
| Quote: نحن كل سنة بنعمل مسمى جديد تحت مظلة منتدى الحروف |
أول مرة اسمع القصة دي يا حبيبنا
وقلت
| Quote: وانتهت فعاليات ملتقى الجمعة |
يعني نفهم انو لقاء الجمعة خلاص في خبر كان
Quote: وغداً تبدأ فعاليات أبنه الجديد وبمسماه الجديد والذي لن أفصح عنه الآن حتى تتفق اللجنة على المسمى ولكن مبدأ التغيير قائم.
|
ههههههههه
السؤال من هم اعضاء لجنتكم الموقرة ؟؟
|
Post: #14
Title: Re: منتدي الحروف...سينما..شعر ..غناء (صور)
Author: أبو ساندرا
Date: 12-05-2010, 08:20 AM
Parent: #13
كتب الحاج أمير طمبل
و المصور البارع :
| Quote: كما ظهر أبوساندرا و هو يعاني من عينيه شديد و وواضح من الصورة |
في داعي لي ده يا حجي أمير ؟
فعلآ ، العين كانت ذلك المساء في اسوأ حالتها
نزف داخلي وخارجي ، ولذلك لم استطع استكمال متعتي بالجلسة فائقة الدهشة
ومن المركز قطعت الشارع إلى الطواريء حيث تلقيت العناية والمعالجة المناسبة
والست الجميلة التي تجلس بجانبي توكأت عليها وإعتمدت عليها في ( النقطير ) كل نصف ساعة
على أمل ان تطور موهبتها في ( التقطير ) لمواجهة ماقد يستجد
|
Post: #15
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 08:36 AM
Parent: #14
Quote: والست الجميلة التي تجلس بجانبي توكأت عليها وإعتمدت عليها في ( النقطير ) كل نصف ساعة
على أمل ان تطور موهبتها في ( التقطير ) لمواجهة ماقد يستجد |
أبو ساندره اجلى النظر ياصاحى
تسلم لينا عيونك يا غالي .. و الست الجميلة ريحانة فهم من نسكن اليهم و نتوكأ عليهم ...
موضوع (النقطير) ذي التنظير داير وجهة نظر اما موهبة التقطير فنتمني ان تطورها سريعا و ترانا حارسين.
|
Post: #17
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 08:44 AM
Parent: #15
وصلتني عدة مكالمات تلفونية تفيد بأن المخرج العالمي اسماعيل محمد الحسن (سمعه) قد تعرض الي حادث حركة
وهو في طريقه لحضور الفعالية نتمني ان يكون بخير و صحة جيدة و الجاتك في مالك سامحتك يا سمعه و سوف نفيدكم
بالخبر اليقين حال الاتصال به . عين والله يا حبيبنا
|
Post: #16
Title: Re: منتدي الحروف...سينما..شعر ..غناء (صور)
Author: محمد أبوالعزائم أبوالريش
Date: 12-05-2010, 08:38 AM
Parent: #14
يا حاج أمير ...
النبي فينا ....
العجوز ده كفاهو الصورة دي ..... الصورة التانية (الشفتها في كاميرتك) لو جبتها هنا بتطفش الحاجات الحلوة كلها من جميع فعاليات مركز أصدقاء البيئة.
|
Post: #18
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 08:56 AM
Parent: #16
| Quote: العجوز ده كفاهو الصورة دي |
أبوالعزائم يا صديقنا
بالعكس( بروكتا) ده صديق قديم ما بنقبل ولا بنقدر نقول
عليهو عجوز بأذن الله بعد شفاء العين راح يرجع كتير الي
ايام الزمن زين و الشعر مغطي الاضنين
تحياتي
|
Post: #19
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 09:08 AM
Parent: #18
وصلني الأيميل أدناه من الاخ و الصديق سمعة مما يؤكد انه بخير نترككم مع حروف الايميل فلربما تعبر
عن كاتبها اكثر مما اقول انا..
Reply |Ismail Saidahmad to ameer
الاخ العزيز أمير
فى طريقى الى منتدى الحروف
للقاء اصدقائى احبائى وزملائى
الزميل المخرج السينمائى انور هاشم
الفنان الطروب احمد شاويش
والشاعر كامل عبد الماجد
والذى تدوى كلماته فى طبلة اذنى
تانى قاموا على الشوارع زينوها
وبيه شجر ضواى ملون حفلوها
ومرقوا المزيقة بره ودوروها
صداحة وشجيه
وكل زول ليه زول بريدو ربط هديه
وانت ياجبل الاسية
بس تأمل
كم كريسماس مرو بيك وعيد ضحية
والذى تمتد صحبته الشعرية لى طوال هذا الشهر
وانا اترنم بالمقطع عالية
تركلنى المنافى
وانا اتسكع ليل الكريسماس فى مدينتى الحبيبة
مدينة الجن والملائكة
لوس انجلوس وبس تأمل
وتلك العشرة الممتده منذ منتصف السبعينيات
يقودها المبدع م السنى دفع اللة ولكن ..
كان القدر لى بالمرصاد فمنعنى من شوفتكم الغالية
لكم العذر ..
وانا ادندن مع المغنى
الجانى منك ومن تصاريف القدر
امره بصعب ياجميل
الى أن يقول ...وبقى لى اشوفك مستحيل
فهل صارت شوفتكم مستحيلة..
--
مع خالص التقدير
المخرج
اسماعيل
|
Post: #20
Title: Re: منتدي الحروف...سينما..شعر ..غناء (صور)
Author: امير طمبل
Date: 12-05-2010, 06:36 PM
Parent: #19
ذهبت الي الاخ سمعة للاطمئنان علي صحته ...
رافقتني حبيبة عمري فالتقطت الصورة
والفارهة قد تشوهت من الامام تماما
سلامات يا سمعه
|
Post: #21
Title: Re: منتدي الحروف...سينما..شعر ..غناء (صور)
Author: أبو ساندرا
Date: 12-06-2010, 06:09 AM
Parent: #20
الأعزاء محمد ابوالعزائم و الحاج طمبلاوي
ماتهتموا للعين ،، ظروف وبتعدي
وطبيعة الدنيا زي الموج ، مرة تجوط ومرة تهدي
فشيلوا الصبر
وحتى موسم العودة والإستعادة
أي صورة لحضرتنا يجب ان تعرض علينا أولآ لإجازتها
وأي صورة لحضرة بعلتنا يجب ان تعرض عليها
حتى تعمل فيها إجراءات التحصين كاملة غير منقوصة
|
Post: #22
Title: Re: منتدي الحروف...سينما..شعر ..غناء (صور)
Author: عادل التجانى
Date: 12-06-2010, 07:15 AM
Parent: #21
سلامات سمعه
بس بيني وبينك صاحبك أمير طمبل كاميرتو حاره أقصد (عينو)
كسّر ليك سيارتك الحلوه واستلم السيارة الجديدة
غايتو جنس غايتو
سلامات ليك و (كفاره ليك يا زول)
ومبروووووك عليهو على الأقل (تكف لينا عينو)
وكت بقت في الحديدة الحمد لله والجاتك في مالك سامحتك
والبركة الما خته عينو في (.........) الجايي من دارفور كان وقف حالك
مش قالوا يا مغترب يا ود غرب
|
Post: #23
Title: Re: منتدي الحروف...سينما..شعر ..غناء (صور)
Author: Omar Bob
Date: 12-06-2010, 11:03 AM
Parent: #22
سلام يا طمبلاوي:
الحوار كان ممتع ومدهش. من اجمل الاشياء في ملتقيات اصدقاء البيئه الونسات التي تتم خلال فترات الراحه. يوم الجمعه استمعت بثلاث قصص:
1/ قصه خليل مع شاعر الليله الكبير اللهو خال احمد التجاني وكيف كان السبب في Repeat خليل
2/ قصة جد امير طمبل وذهابه للحج
3/ قصة والد نادوس مع تركيا*
اي واحد عايز تفاصييل القصص دي يقول عووك الا قصه تركيا فدي مافي طريق نحكيها في اسافيير الله الواسعه دي
|
Post: #26
Title: Re: منتدي الحروف...سينما..شعر ..غناء (صور)
Author: امير طمبل
Date: 12-06-2010, 01:40 PM
Parent: #23
الحوار كان ممتع ومدهش. من اجمل الاشياء في ملتقيات اصدقاء البيئه الونسات
العزيز ..عمر بوب
ياسلاااام علي الونسات الجانبية الواحد بيذكر فيها قصص و حكاوي عجيبة جدا ...أنتا عارف ده قليل
من كثير أخوك عندو قصص تحتاج الي ساعات عديدة ...بس قصة خليل دي انا ما حضرتها عشان احكي ليك قصة
فراق الطريفي لي جملو ناس كتار بيضربو المثل ده و ما عارفيت قصتو ..تحياتي
|
Post: #24
Title: Re: منتدي الحروف...سينما..شعر ..غناء (صور)
Author: امير طمبل
Date: 12-06-2010, 01:08 PM
Parent: #21
Quote: أي صورة لحضرتنا يجب ان تعرض علينا أولآ لإجازتها
وأي صورة لحضرة بعلتنا يجب ان تعرض عليها
حتى تعمل فيها إجراءات التحصين كاملة غير منقوصة |
عمنا أبوساندرا ...هو أنتا عاوز تشوف شنو تاني ...
زمانك فات و غنايك مات ...بعلتكم الكريمة غايتو
ممكن ان نعرض لها قبل النشر بس انتا خلاص شاي و انكشح
.....تحيااااتي
|
Post: #25
Title: Re: منتدي الحروف...سينما..شعر ..غناء (صور)
Author: امير طمبل
Date: 12-06-2010, 01:17 PM
Parent: #24
Quote: سلامات ليك و (كفاره ليك يا زول)
ومبروووووك عليهو على الأقل (تكف لينا عينو) |
أستاذنا عادل التجاني
غايتو نحن نحن الله عينا بااااردة ...الكلام الناس المشي معاهم الخور
ذكرتني ...أنتي مشيتو بالباجيرو ولا بالقاشقاي غايتو التانية دي
أن شاء الله تكون صاح ما يجي ناطي علينا أستاذ اللغة العربية في البورد
يقوم يعمل لينا دروس في الغة العربية ...غايتو الله يستر
كفارة ليك يا سمعة الجاتك في لقاءاتك (سوري اقصد في مالك سامحتك)
|
Post: #27
Title: Re: منتدي الحروف...سينما..شعر ..غناء (صور)
Author: Yasir Aloob
Date: 12-06-2010, 02:23 PM
Parent: #25
الاخ طمبل سلامات
عبرك و عبر هذا البوست اقول لى سمعة كفارة و سلامات
وذى ما بيقولو الجاتك فى مالك سامحتك.
|
Post: #29
Title: Re: منتدي الحروف...سينما..شعر ..غناء (صور)
Author: امير طمبل
Date: 12-06-2010, 08:10 PM
Parent: #27
Quote: عبرك و عبر هذا البوست اقول لى سمعة كفارة و سلامات
وذى ما بيقولو الجاتك فى مالك سامحتك. |
الأخ ياسر علوب
تسلم يا جميل ...وسمعه حاليا بخير
دي صورة من احدي لقاءات الجمعة الذي انتهت دورته
|
Post: #28
Title: Re: منتدي الحروف...سينما..شعر ..غناء (صور)
Author: كمبورة
Date: 12-06-2010, 03:48 PM
Parent: #24
حاج امير التحيات من عندنا لي عندكم
ياخي كانت بحق ليلة جميلة
اطربنا الفنان احمد شاويش ورجعنا لايام الصبا الاول
وسمعنا شاعرنا عبد الماجد وحكاويه الجميلة عن مناسبات القصائد
والجميع كان ( منطرب )
وليك وللجميع التحية
Quote: عمنا أبوساندرا ...هو أنتا عاوز تشوف شنو تاني ...
زمانك فات و غنايك مات
|
عاوز يشوف نهائي كاس العالم بالدوحة 2022م
-------------
اخونا سمعة الف الف حمدا لله علي سلامتك
والجاتك في مالك سامحتك
بالجد افتقدناك في لقاء الجمعة
|
Post: #30
Title: Re: منتدي الحروف...سينما..شعر ..غناء (صور)
Author: امير طمبل
Date: 12-06-2010, 08:37 PM
Parent: #28
...أستاذنا كمبورة
قلت لي عاوز | Quote: عاوز يشوف نهائي كاس العالم بالدوحة 2022م |
الله يطول عمرو بس خايف عليهو من العيون
وكتبت
Quote:
ياخي كانت بحق ليلة جميلة |
الدليل التركيز الشديد ده من الحضور الجميل
وذكرت
Quote:
والجميع كان ( منطرب )
|
تحديدا الديامي اب شنب ده الوجيه صلاح عبدالله
|
Post: #31
Title: Re: منتدي الحروف...سينما..شعر ..غناء (صور)
Author: محمد سنى دفع الله
Date: 12-07-2010, 05:57 AM
Parent: #30
دي ما عين \ دي غين عديييل
غتاتت عيون حارة
سمعه الف سلامة والجات في حديدتك سامحتك يا اخوي
وكفارة
ونشوفك في السلامة والعافية
وليك السلام لمن نزورك
|
Post: #32
Title: Re: منتدي الحروف...سينما..شعر ..غناء (صور)
Author: امير طمبل
Date: 12-07-2010, 12:13 PM
Parent: #31
Quote: دي ما عين \ دي غين عديييل
غتاتت عيون حارة
سمعه الف سلامة والجات في حديدتك سامحتك يا اخوي
وكفارة
ونشوفك في السلامة والعافية
وليك السلام لمن نزورك |
صديقي الجميل ..محمد بن السني ال دفع الله
زولنا سمعه ...الظاهر أدهو غين علي قولتك
شديدة غايتو البركة في سلامتو الحديد هين
تحياتي
الله يديم بينكم الالفة
|
|
