Post: #1
Title: بورداب الخرطوم .. من منكم مستعد للمساعدة في لم شمل هذه العائلة؟؟
Author: HOPEFUL
Date: 12-03-2010, 00:58 AM
Parent: #0
الأحباب الأفاضل
تحية ومحبة واحترام
اليوم وأنا في عملي تقدم مني شخص عرفني بنفسه بأنه من الاخوة اللليبين
سالني هذا الشخص ان كنت سوداني. فأكدت له ذلك
فقال لي بأن معه شخص يقف بالخارج يريد مساعدتي وهو من الاخوة العراقيين
جاء الأخ العراقي بكل تهذيب وشرح لي أسباب سفره للسودان
وهو .. أن له شقيق بالقاهرة مقيم بها.. ويردا أن يلتقوا بعد طول غياب.
ولكن السلطات المصرية لا تمنح اذن دخول للعراقيين
فاتفق الأخوين ان يتم لقاءهما بالخرطوم لفترة من اسبوع لاسبوعيين
وهما غير ملمين بالحياة في السودان وهذا الشخص غير متأكد ان كان المبلغ الذي سيحملة معه كافي أم لا
خصوصاً انه تصحبة زوجته في هذه الرحلة
السؤال هو بكم يمكنهم أن يسكنوا سكن مريح لفترة من اسبوع الى اسبوعين في الخرطوم؟؟
وكم تقريباً سيكفي لمنصرفاتهم لهذه الفترة؟؟
وهل سوف يجدوا شخصاُ يساعدهم في هذه الفترة؟؟
خصوصاً في ايجار سكن وغيره؟؟
وبالمناسبة تبقى على موعد السفر حوالي العشرة أيام فقط .
.. ولكم الشكر مسبقاً
|
Post: #2
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: عبد العظيم احمد
Date: 12-03-2010, 07:26 AM
سلام صاحب البوست
اصبح التعامل بالنية( ليتنى اجد التعبير السليم)
اى بمعنى ان السودانيين يتعاملون بطيبة زائدة وهذه الطيبة الزائدة قد تجر عليهم بعض الاحراج
كما نجد ان مثل الخدمات لا يتصدى لها الا السودانيون بينما لا يجدون مقابلها فى الاقطار الاخرى
وخاصة العربية
ثانيا انا ليس ضد عمل الخير
ولكن انبه للحذر والعمل المدروس بكل جوانبه
والجهل بالقانون لا يعفى صاحبه من الادانة
ثالثا قد تكون القنوات الحكومية هى الاكثر تعاملا مع هذه القضايا..
وهذه القراءة جاءت خلال تجوالى فى اكثر من 7 دول عربية واكثر من عشر اوربية
والمقارنة مطلوبة
رابع انت صاحب البوست
كان بالامكان كتابة اسمك انت بالكامل وعنوانك وتلفونك
لكى نرجع ليك
وشكرا عبد العظيم احمد
|
Post: #3
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: قاسم المهداوى
Date: 12-03-2010, 01:19 PM
Parent: #2
عبد العظيم احمد
سلااامات وعيدية كمان
نيابة عن صاحب البوست اذا سمح لى الاخ جمال (هوبقرنفل )
Quote: رابع انت صاحب البوست
كان بالامكان كتابة اسمك انت بالكامل وعنوانك وتلفونك
لكى نرجع ليك
وشكرا عبد العظيم احمد |
صاحب البوست صديق وبوردابى قديم ولكنه مقل فى
التداخل يا عبد العظيم
اقترح للاخ جمال
كل من
مطر قادم
او عمر الحاج
لتسهيل المامورية للضيف العراقى
وكمان حابب اسلم عليك يا جيمى ومقمدما
(هابى نيو كريسماس ) وراس سنة سعيد وبخيت
تحياتى للمعاك يا جيمى
قاسم المهداوى
|
Post: #5
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: HOPEFUL
Date: 12-03-2010, 01:33 PM
Parent: #3
قاسم يا قاسي
كيف ايامك يا رجل
مشكور شديد يا قاسم والله
وفعلا الاخوين مطر وعمر أهل حارة وما بقصروا ابدا
ساحاول الاتصال بهم ومعرفة ظروفهم ان كانت تسمح بذلك
كن بخير وكل عام وانتم بخير
|
Post: #4
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: HOPEFUL
Date: 12-03-2010, 01:27 PM
Parent: #2
الأخ عبدالعظيم احمد
تحياتي
هون عليك يا رجل
الأمر ابسط بكثير مما ذهبت انت اليه
كل ما في الأمر الرجل يستفسر إن كان المبلغ الذي معه يفي بمنصرفاته هو وزوجته خلال الفترة المذكورة 1500 دولار
واين يجد المكان المناسب ليستأجر فيه
لا أكثر
وانا اعلم يا عبدالعظيم ان خدمة الاخرين عمل نكاد نتميز نحن به
ولا أعتقد أننا ننتظر مقابل أو اجر لذلك
بل هو عمل نسعد من أعماقنا حين نقوم به
عموما انا جمال الزاكي
وهذا رقم هاتفي
لاي اسفسار
0046739281114
|
Post: #6
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: وليد محمد المبارك
Date: 12-03-2010, 01:40 PM
Parent: #4
بكفيه للفترةة القلتها براحة لو خاتي في باله انه جاي لدولة متخلفة
ايجار الشقق المفروشة في منطقة الرياض والمعمورة واركويت بحري وما اليه حوالي 50 جنيه في اليوم بتكون ون بد روم معاها ملحقاتها كاملة ( طبعا حسب حالة السودانيين )
يعني تقريبا 15 دولار
قول اجر حاجة كويسة بـ 20 دولار
اضرب في 15 يوم يعني 300 دولار للفترة المحددة بالنسبة للسكة
بالنسبة لمعيشة
هو قال معاه زوجتو والشقة بكون فيها مطبخ فيه معداته
يعني اكلهم يسوه براهم
لكن حتى لو بياكل جاهز في حدود المعقول بحتاجو ليهم لي 300 تانية ده مع التجدع
ممكن ياجر عربية لو بعرف يسوق وبقترح عليه ما ياجرها من بتاعين اللموزين لانهم بضربوه ياجرها بواسطة سوداني
بلقاها في حدود 50 -60 جنيه في اليوم
يعني 300 دولار تانية للخمستاشر يوم
وانا في رائي احسن ليه يتفق مع بتاع امجاد يتعهده في الفترة دي بقابل لانه بكون عارف المنطقة والحركة فيها
ما يتفق معاه بالمشوار يتفق معاه بالجملة
انا قاعد 15 يوم في اليوم بكون عندي كم مشوار في اخر الخمستاشر يوم بديك 200 دولار
المهم حتى الان مصاريفوا ما كملت ليها 1000 دولار
باقي ال 600 دولار يخليها للظروف وللمعاملات الحكومية لو موجوده لاني ما عارف عنها شي
|
Post: #7
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: معتصم محمد صالح
Date: 12-03-2010, 07:50 PM
Parent: #6
اخي المكرم ..
تحياتي ..
عل استعداد لتقديم كل مساعدة ممكنة
مكتبي بعمارة الذهب بوسط الخرطوم جنوب الجامع الكبير ..
ت : 00249912209259 - 00249111055596
email : [email protected]
|
Post: #8
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: عبد العظيم احمد
Date: 12-04-2010, 05:55 AM
Parent: #7
سلام جمال ومهداوى
وشكرا ليكم..
انا قلت الكلام ( لانو السودان تغير .. حوادث النصب والسرقات والقتل منتشرة)
ممكن تقرأ جريدة الدار
معاك اللنك
http://aldar-sd.net/
وانا من بورداب الخرطوم
عشان كده
اهتميت بالموضوع
وعربيتى جاهزة للمطار
اتصل بجماعتك
تلفونى عند علاء حيمورة
هل تقصد مطر
خريج العراق؟
وشكرا عبد العظيم
|
Post: #9
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: HOPEFUL
Date: 12-04-2010, 01:23 PM
Parent: #8
الله الله يا شباب
شكرا كثير يا سناتور وليد
معلومات وافية وكافية ومفيدة جدا
طبعتها في ورقة وقدمتها له
ووالله لو رأيت مقدار الفرح الاكتساه لحظتها
لتمنيت أن تجد مثله الآف لخدمتهم
شكرا كثير يا مرشحي في الخجة الجاية
معتصم يا حبوب
شكرا يا زول ياراقي
ايضا قدمت له تلفوناتك
وان شاء الله سيتواصل الرجل معك
وسلمت
عبدالعظيم تحياتي
شكرا على التوضيح وايضا اوصلت له خدمتك
وسوف اعلمك بمواعيد وصولهم ان تيسر ذلك
كونوا بخير
--
الكتابة بالماوس امر مرهق فالعذر على الردود المغتضبة
|
Post: #10
Title: Re: بورداب الخرطوم .. من منكم مستعد للمساعدة في لم شمل هذه العائلة؟؟
Author: معتصم محمد صالح
Date: 12-04-2010, 05:14 PM
Parent: #9
1500 دولار × 3100 = 4650 جنيه
ايجار شقة لمدة 15 يوم × 70 جنيه = 1050 جنيه
ايجار سيارة لمدة 15 يوم × 70 جنيه = 1050 جنيه
اكل وشراب ومصاريف اخرى لمدة 15 يوم × 150 جنيه = 2250 جنيه
يتبقى معه مبلغ 300 جنيه ولو نقصت ليه حاجة بنتمها ليه ..
تحياتي
|
|