للمتزوجين وأصحاب الخبرات .... ماذا تريد المراة بعد الزواج من الرجل ؟

اخ لي لم تلده أمي ، استشارني في كثير من أمور حياته ، آخر ما أشرت له فيه كان موضوع خطوبته قبل شهرين ، حيث مر بمرحلة عسيرة من التنقل بالهوى ، وقطع عدة مشاوير للحب ، وكان في كل مرة يسألني الرأي والمشورة ، أذكر في آخر لحظات مرحلته الانتقالية وهو مقبل على الخطوبة ، سألني النصيحة حيال خطيبته ، وقال لي ماذا تريد البنت من خطيبها حتى تكون سعيدة ولا تفارقه ،فقلت له عليك بالآتي :
إظهار الحب العنيف المتواصل ، واغداق المحبوبة بالهدايا ، والتواصل الحميم الدائم .. يعني يوم بالتلفون ويوم في الجامعة ويوم في البيت ، وإظهار الاهتمام والاحترام للنسابة خاصة ام القدح وزرجها والاهتمام بالمظهر والوسامة الزائدة لأنها ذخيرة البنت لدى صاحباتها ، وتعمد أخذ رأي الخطيبة في كل خطة نحو الزواج ثم مخالفتها ... الخ.

قبل قليل ... اتصل بي هذا الصديق ودعاني لزواجه الاسبوع القادم ، لم تكن دعوته مفاجأة لي ، ولكني تفاجأت بعدم رغبته في طلب النصيحة هذه المرة .

عندما سألته عن السبب ، قال أن الروشتة السابقة معه ، وسبق أن حققت نجاحا باهرا في اسعاد فترة خطوبته ...
ثم سألني هل من تغيير ؟
فقلت بعد تردد : تغيير في ماذا ؟
قال : في خطة متطلبات خطيبتي بعد الزواج ... ،
هل أتبع نفس روشتة الخطوبة حتى أسعدها فتستقر معي في هناء ؟
فقلت نعم ...
ثم فكرت فقلت لا ...
ثم أسقط في يدي ..

فرايت أن أشارككم الأمر أعزائي ... ، فهل إلى النصح من سبيل ؟
خاصة أهل الخبراااات .

يا راجل
كويس إنو صاحبك قرر عدم استشارتك
كان ضيعتو تماماً


لذلك فسؤالك هذا عما تريده المرأة بعد الزواج
لا داعي له
حتى لا تأخذه إلى الرجل
وهو -أظنه- قد قرر عدم استشارتك


على كل
المرأة قبل الزواج أو بعده
تريد من الرجل
أن يكون خالصاً مخلصاً لها



مع محبتي

موده ورحمة واحترام

برغم اننا لا ننتمى لفئة المتزوجين ولا اصحاب الخبرات لكن عقليا كده ممكن الزول يجاوب على حسب فهمه للامور من الحياه
يعنى وصاياتك له فى الخطوبه بعتبرها مسح جوخ (ما عارفه لو حتفهم معناها)
لكن التعامل والتواصل اساسه مفروض يكون اقوى من المذكور
لا كلام تليفون مفروض يدل على انه فاكرنى
لا هديه حتعكس انه بيحبنى
لا ارضاء امى حثبت انه شارينى
الانسان بيحب بدون قيود وبدون معطيات وبدون متطلبات
لمن تحب انسان حبه زى ماهو
ومفروض يحبك زى ما انت
و بعد دا كل من الطرفين محتاج يبدا يفهم الطرف التانى ويحاول يعرف شنو البيريحه وشنو البيضايقه وشنو بيسعده وشنو البيحزنه
ودا ما مقياس ثابت لان لكل انسان طبع
الحب اخد وعطاء عشان يستمر ويقوى
ما طرف واحد ملزم ينجحه
واساسه الاحترام
تحترم البتحبه فى غيابه وظهوره
تحترم تصرفك وتراعى مشاعره فيه
المثل بيقول
كتر الوفاق نفاق
وكثر الخلاف شقاق
الحب فايدته انه بيخليك تستحمل عيوب حبيبك
لان طبيعى بيحصل خلاف وشد وجذب والناس العاقله البتتقدر تتجاوزها بنجاح وتستمر
ولو بالتحديد عايز تعرف المراه تريد شنو من زوجها بعد الزواج يبقى لازم تعرف هى عرسته من الاصل لشنو
لو عشان قروشه يبقى يوم ما يقوليها مافى حتشتت
لو عشان حبه يوم ما يتوقف عنه حتشتت
لو عشان الستره لو فناها من الشباك حتصبر وتتحمل
:)))))))

Quote: ماذا تريد المراة بعد الزواج من الرجل ؟

المصاريف


لسه ما دخلت دنيا

Quote: برغم اننا لا ننتمى لفئة المتزوجين ولا اصحاب الخبرات لكن عقليا كده ممكن الزول يجاوب على حسب فهمه للامور من الحياه يعنى وصاياتك له فى الخطوبه بعتبرها مسح جوخ (ما عارفه لو حتفهم معناها) لكن التعامل والتواصل اساسه مفروض يكون اقوى من المذكور لا كلام تليفون مفروض يدل على انه فاكرنى لا هديه حتعكس انه بيحبنى لا ارضاء امى حثبت انه شارينى الانسان بيحب بدون قيود وبدون معطيات وبدون متطلبات لمن تحب انسان حبه زى ماهو ومفروض يحبك زى ما انت و بعد دا كل من الطرفين محتاج يبدا يفهم الطرف التانى ويحاول يعرف شنو البيريحه وشنو البيضايقه وشنو بيسعده وشنو البيحزنه ودا ما مقياس ثابت لان لكل انسان طبع الحب اخد وعطاء عشان يستمر ويقوى ما طرف واحد ملزم ينجحه واساسه الاحترام تحترم البتحبه فى غيابه وظهوره تحترم تصرفك وتراعى مشاعره فيه المثل بيقول كتر الوفاق نفاق وكثر الخلاف شقاق الحب فايدته انه بيخليك تستحمل عيوب حبيبك لان طبيعى بيحصل خلاف وشد وجذب والناس العاقله البتتقدر تتجاوزها بنجاح وتستمر ولو بالتحديد عايز تعرف المراه تريد شنو من زوجها بعد الزواج يبقى لازم تعرف هى عرسته من الاصل لشنو لو عشان قروشه يبقى يوم ما يقوليها مافى حتشتت لو عشان حبه يوم ما يتوقف عنه حتشتت لو عشان الستره لو فناها من الشباك حتصبر وتتحمل

صحي الما مات بكون شق المقابر ..
وأصحاب الدراية ماشرط يكونوا مجربين
وأهل مكة أدرى بشعابها...
كلامك في الصميم اخت رانية احمد الشيخ
وروشتتك منطقية .. ممكن يصرفها الخطيب والزوج والمفكر
كل العايز أقولو ليك بعد التحايا النواضر
شكرا ، و ...

..
..
سعيد ورب الكعبة .

الاخ عمر التاج

لك التحيه

في البدايه اتمنى لي صاحبك دا التوفيق في زواجو

وربنا يتم ليهو على خير


انا ماخبير في امور الزواج ومستحيل اكون ناصح لي زول في الحته دي

Quote: إظهار الحب العنيف المتواصل ، واغداق المحبوبة بالهدايا ، والتواصل الحميم الدائم .. يعني يوم بالتلفون ويوم في الجامعة ويوم في البيت ، وإظهار الاهتمام والاحترام للنسابة خاصة ام القدح وزرجها والاهتمام بالمظهر والوسامة الزائدة لأنها ذخيرة البنت لدى صاحباتها ، وتعمد أخذ رأي الخطيبة في كل خطة نحو الزواج ثم مخالفتها ... الخ.

تعرف ياعمر الروشته بتاعتك بتاعة الخطوبه دي

القشه البتقصم ظهر اي زواج لاحق في حالة كونو

صاحبك دا مايلتزم بالحاجات الفي الروشته دي

الاخلال باي واحده من الحاجات الفوق دي بتودي التوج

لما تعود واحده على الحاجات دي في فترة الخطوبه

وتجليها في فترة الزواج بتكون حفرت حفره عميقه جدا

لدفن الزواج, والانسان ممكن يكون ملتزم بالحب والاحترام

والتقدير للزوجه دي الحته القالا ليك وليد فوق

لكن المبالغه الفوق الفي الروشته دي , مابلتزم بيها

الا ملك كريم ودا ما موجود في الدنيا ,

كدي راجع معاي الكلمات دي شوفا قويه كيف:



الحب العنييييف ( العنف مافي ليهو داعي في الحاله دي )

اغداق ( دي حقيقه ماقدرت ادخلا في جمله مفيده لاني ماشايف في فايده من وراها مجرد كلمه فضفاضه مالامها داعي .لوول)

حمييييم ودائم( حميم دي بالكسر طبعاعلى حسب مافهمتها يكون بحب الحمام في البرد؟ عموما دائم دي مافي شي دايم وانت سيد العارفين )


التلفون , الجامعه , البيت ( دا حصار شديييد يازول حصار غزه ما كان كده على الاقل كانو الغزاويين بتنفسو)

الوسامه الزايده ( دي ام الكوارث على وزن ام المعارك , لانو بتجي فيها نقه لي قدام من شاكله انت الليله لابسه ومتقيف كده ماشي وين , وعيييييك)

لوحصلت الاخيره دي الحل بكون واحد تتبهدل في لبسك لما تكون طالع ,لما تستحما دا لو استحميت من اصلو على حسب كلمة حميييم اقراها ذي ما انا قريتا بالكسر

خلى الحمام يكون مره واحده في الشهر مافي داعي لكثرة الحمام , لما تكون قاعد معاها في الصاله تكون لابس عراقي باهت كده واثر كيس السعوط طالع بي بره

وحالق صلعه وخاتي ليك سفه , السفه دي بالذات مهمة كتر منها ولو بزغتا السفه في الصاله دي بتكون قمة الاناقه , وياحبذا لو نمت بالسفه كده بتكون كملت !!!!

الحبيب خضر الطيب
التحايا مع الأشواق ..

Quote: تعرف ياعمر الروشته بتاعتك بتاعة الخطوبه دي القشه البتقصم ظهر اي زواج لاحق في حالة كونو صاحبك دا مايلتزم بالحاجات الفي الروشته دي الاخلال باي واحده من الحاجات الفوق دي بتودي التوج لما تعود واحده على الحاجات دي في فترة الخطوبه وتجليها في فترة الزواج بتكون حفرت حفره عميقه جدا لدفن الزواج

تعرف يا خضر
الزوج مرات بكون عارف انو الطريق ده بودي التوج
لكن ما بقدر يفارقو ... نظام ادمان وكدة ..
لكن حاجات الخطوبة دي ممكن تتنسخ بعد الزواج عادي
لانو قبل الزواج الراجل بكون هو الجاري وراء المرأة ويقدم في التنازلات
بعد الزواج المراة بتكون ماسكة بايدينا وكرعينا في الراجل وهاك يا تنازلات ...
تنازلات عن ما عودها اياها...
ولما تخلص الحاجات ديك تبدأ تتنازل عن حقوقها الشخصية والشرعية والاخلاقية
لحدي ما تصل لي مرحلة الزواج بالاسم .. يعن كفاية اني مرة فلان ..
وياللعبط .
.

Quote: الحب العنييييف ( العنف مافي ليهو داعي في الحاله دي ) اغداق ( دي حقيقه ماقدرت ادخلا في جمله مفيده لاني ماشايف في فايده من وراها مجرد كلمه فضفاضه مالامها داعي .لوول) حمييييم ودائم( حميم دي بالكسر طبعاعلى حسب مافهمتها يكون بحب الحمام في البرد؟ عموما دائم دي مافي شي دايم وانت سيد العارفين ) التلفون , الجامعه , البيت ( دا حصار شديييد يازول حصار غزه ما كان كده على الاقل كانو الغزاويين بتنفسو) الوسامه الزايده ( دي ام الكوارث على وزن ام المعارك , لانو بتجي فيها نقه لي قدام من شاكله انت الليله لابسه ومتقيف كده ماشي وين , وعيييييك) لوحصلت الاخيره دي الحل بكون واحد تتبهدل في لبسك لما تكون طالع ,لما تستحما دا لو استحميت من اصلو على حسب كلمة حميييم اقراها ذي ما انا قريتا بالكسر خلى الحمام يكون مره واحده في الشهر مافي داعي لكثرة الحمام , لما تكون قاعد معاها في الصاله تكون لابس عراقي باهت كده واثر كيس السعوط طالع بي بره وحالق صلعه وخاتي ليك سفه , السفه دي بالذات مهمة كتر منها ولو بزغتا السفه في الصاله دي بتكون قمة الاناقه , وياحبذا لو نمت بالسفه كده بتكون كملت !!!!

الأمر هنا مرفوع للعريس ...
لكي ينظر ثم يجرب ثم يفاد ...

شوف يا عمر التاج ..
قول لي صاحبك ده حاول خفّض سقف التوقعات بتاعتك
ها تلقى نفسك أسعد زول !!!

الصديق محمد جبريل
كيفنك ولعلك طيب ..

Quote: قول لي صاحبك ده حاول خفّض سقف التوقعات بتاعتك ها تلقى نفسك أسعد زول !!!

المعنى انو ينشن في راس العروس ويخلي الباقي على الله ..
على كل حال بعد الشافوهو عرسان الزمن ده
اصبح سقفهم واطي جدا .. ومستعدين يدنقروا راسهم عشان يدخل
مع المعذرة للتعابير ..

وليد المبارك
سلامات يا صديق.

Quote: موده ورحمة واحترام

أسهل الحلول دائما أصعبها ...

فالمحبةوالاحترام أمور سهلة على المخطوبين ... صعبة على الازواج

وقديما قيل
البنت قبل الزواج بتفضل أصحاب القلوب
وبعد الزواج تقول ياريتني لو اخترت اصحاب القروش
..
..
بالمناسبة صاحبنا ده شغال معاكم في التعليم العالي
وبتاع شبكات كمان ...
بس شبكتو لسة ما شبكت ولا اتحلت من الشبكة
المهم قبلنا بالنصيحة الصغيرة ولكن بعدين كلم الزملاء عشان..
يكبروا الكشف .

حبيبنا بلة محم الفاضل
صباحاتك بيض وجمعتك سعيدة.

Quote: كويس إنو صاحبك قرر عدم استشارتك كان ضيعتو تماماً

كلامك ده معناتو إنو روشتة الخطوبة مابتنفع للزواج
يعني الخطيبة بتكون فتاة ... والزوجة فتاة من كوكب آخر

Quote: المرأة قبل الزواج أو بعده تريد من الرجل أن يكون خالصاً مخلصاً لها

خالصا دي أنا وديتا لمذهب الوحدانية ..
بتاع االجماعة الهراشين ..

ولكن مخلصا دي ما عرفتها .. لانو الاخلاص خشم بيوت
يعني يخلص في شنو ويخلي شنو

..
..
على كل حال تسلم على النصائح الخالصة

الكاش.. الكاش..الكاش

...

قول ليه

(( لا تطلب المرأة من الحياة إلا زوجا .. فإذا أتى الزوج طلبت منه كل شيء ))..

عمر تاج
تحية وتقدير ,,,

أطلاقا ما حتقدر تحدد عوزه منك شنو ؟؟؟ أى يوم بجيب حاجاتو والزواج زي الدنيا كل يوم بيجيب حاجاتو
ما قبل الزواج بتكون فترة خيالية الاتنين بكون ليهم املاهم وتصوراتهم للزواج والحياة الزوجية السعيدة
بعد الزواج كل الحاجات دي بتتنسي وبتبقي المعايشة اليومية ... ما في زواج بكون فيهوا بلانت مسبق
الناس ممكن تخت اساسيات بس بعداك كل التفاصيل بتجي بظروفه وكل يوم بجيب حاجاتو ...... أيام احلى من العسل وإيام أمره من الحنضل , المهم في ده ولا داك الناس بتكون عارفة أنهم أقدار بعض والاتنين الحبو يمشوا مسيرة حياتهم مع بعض ولو زين ولو شين البينهم بينهم , للناس حتى القراب العناوين الرئيسية وبس التفاصيل حقتهم هم وبس ...
يختلفوا قد ما يختلفوا نقاشهم لازم يكون بمنطقية واحترام كبير
مافي واحد منهم تكون الحاجات بحد شوفوا هو وبس لازم تكون شوفهم الاتنين اللو أختلف لازم كل واحد يتنازل شوية لحدي ما يبقي في منطقة وسط يتفقوا عليها .... أى واحد فيهم برضوا لازم يقدر خصوصية التاني باعتبار الحياة لكل واحد فيها دائرة خاصة بيهوا _ الأهل قرارات تمس أسرتوا /رته الكبيرة أصدقاء زملاء دراسة زملاء عمل _ الطرف التاني لازم يحترم الحته دي ولو أتدخل فيها بيكون تدخلوا بالرأي الاستشاري غير الملزم _ وفي حال الطلب وبس _ في الدائرة البتمثل حياتهم مع بعض _ علاقتهم حياتهم الزوجية البيت الاولاد وووو _ دي لازم إدارته تكون الاتنين مع بعض مقفولة تماما من تدخل أي أطراف غيرهم حتى أقرب الاقربين باعتباره حياتهم الما بتخص زول غيرهم ... مع ملاحظة حتى الاشياء الفي دائرة الخصوصية للطرف التاني حق الاطلاع عليها من قبيل العلم بالشي فقط لا غير ....
وفي الأساسيات الحب ورومانسياتوا المفرطة ما حتستمر معاهم كتير _ ما عدم رغبة فيها لكين الحياة ومشاغله بتحول كتير في نظرتهم للامور _ لكين المالازم يتحول احترام الناس العميق والحقيقي لبعض وتقديرهم لظروف بعض ومشاركتهم لبعض لو ما في كل اهتماماتهم لازم في جزء منها ... وفي الاخر لازم الاتنين يقدروا يعملوا الحياة الخاصة بيهم البعيشوها بشروطهم وحسب رؤاهم وإمكانياتهم يتداخلوا مع محيطهم الاجتماعي لكين إطلاقا ما يحكم عرفوا حياتهم يعملوا الشي البقدروا عليهوا بغض النظر أرضي المجتمع ولا شائفهم مقصرين ....
وفي الأخر الاتنين بعرفوا انو الله ما خلق إنسان كامل في كل حاجة أى انسان لى مميزاتوا وليهوا عيوبوا فبتقبلوا بعض بكلياتهم ويحاولوا يمشوا مشوار حياتهم في سعادة ورضا .... لأنو اليوم البمشي ما بيجي تاني فيجتهدوا ينجحوا في حياتهم الزوجية بقدر الإمكان .... وفي الأخر التوفيق من الله




ولك التحية

Quote: ماذا تريد المراة بعد الزواج من الرجل ؟ ]

الدهب


الدهب


الدهب

تحياتي لكل من
ساهم أو نصح أو وأفتى
فالعريس راجل طيب وحبوب
اسع بكون ماصدق .. يشيل يكتب ويحفظ ..
..
..
لكن الناس البتحدثوا عن القروش والكنجالات ديل ..
نسيت اقول ليكم أنو صاحبي ده ..
مشكلتوا الوحيدة إنو مفلس شوية الايام ديل
لأن روشتة الخطوبة صرفت معاهو وكلفتو كتير
قلت ليهو اسع حا تصرف علي بت الناس دي من وين
قال لي من متل كلامكم ده.

..
..
شكراً أصدقائي ..
لما كتبتوه للعريس من روشتات غنيه
سنعود لها بالتحليل بعد التجريب
بس إن شا الله تنفعو .....
وماتظهر عليه آثارها الجانبية البتودي التوج .



**
التجربة مهداة لكل شليق مقبل على الزواج والكلام في البوست على مسئولية مجربه .

.

فى العادة لاتتوقف النساء عن الطلبات ابدا

لكن يمكنك ان تلبيها جميعا اذا استخدمت الشفافية الزائدة

والواقعية القحة

قل لصديقك ياصديقى

قف عاريا من كل الاغطية امام زوجتك
ستحترم فيك صفة الصدق
ولن تزايد ابدا فى طلب غير صادق

Quote: ماذا تريد المراة بعد الزواج من الرجل ؟

الطلاق

صاحبك ده حظو
قطع مشوار..
الكلام احنا..غايتو انا بعد العرس مستعد اعمل ليها كل حاجة
بشطفا ذاتو..!!

عمر التاج
سلام

قول لصحبك مبروك اولا
والبعض هنا اخلص النصح و البعض حاقد شكله عايز يوديهو التوج
بالذات بتاع (الصغوط داك)(ههههههه)!


الكنجالات....ما كل حاجه
بس عدمها لازم يتمه ذكاء صحبك.

وبرجع لك لاحقا.

Quote: التجربة مهداة لكل شليق مقبل على الزواج والكلام في البوست على مسئولية مجربه

مباااااالغه

قول لي صاحبك


الكلام بتغير للشكل التالي


1- بيتنا

2- عربيتنا

3- اكلنا

4- اي شيء حقنا















5- دهبي


وانت المشتريه ليها

شوف يا سيدي

الحب من اركان الزواج الرئيسية قبل الزواج

ولكن بعد الزواج يجب ان تطبق مقوماته كل علي

حده وحسب الكتالوج

1. الاحترام و اهم ملامحه عدم الكذب و الوعود التي تعرف انها حتي في الاحلام مستحيلة

2. تأكد انها تحس بالامن والامان معك

3. حدد لها ما تجب و ما لا تحب بكل وضوح

4. واذا اردت ان تطاع فامر بما يستطاع

5. و كل ما سبق يجب ان يكون ايضا من جانبها

6. كن علي مسافة واحدة من اهلك و اهلها أذا كنت تريدها ان تحترم أمك ثم بذلك تجاه امها






يوتيرن :-
لم تفصح إمرأة عن ماذا تريد
غير تلك التي قالت

الرسول يا ود عمتي
ان درتا راحتي و جمتي
رسلي التسريح اللجي



فهمتا ... يعني كل شئ في بيت ابوها في

لما الزوجة تتصل وتسأل انت وين يا راجل
تقوم ترد عليها وتقول
انا يا حبيبتي واقف في الصيدلية
بشتري فياقرا

الاخ العزيز
صلاح شكوكو
تحياتي الوافرة
وشكرا على الحكمة ..

Quote: لا تطلب المرأة من الحياة إلا زوجا .. فإذا أتى الزوج طلبت منه كل شيء

أخشى ان تكون تمامة المقولة هي ..
فاذا لم يعطها كل شئ ذهبت لغيره
وان جاءها بكل شئ طلبت زوجا افصل منه

الاخوة الكرام
ود الخليفة
حسن بكري

شكرا للتعلق
القروش عدمها كعب ..
لكن سقف المرأة أحيانا بكون أكبر منها

Quote: للمتزوجين وأصحاب الخبرات .... ماذا تريد المراة بعد الزواج من الرجل ؟

عزيزي عمر،
كلمة خبرات هنا لاتفيد كثيرا لأن كل زيجة لها ظروفها الخاصة بها،

Each case depends on its own merits

رغم أن موضوع البوست مخصص لما تريده المرأة من الزواج لكن
ضعه أمام مرآة وانظر إلى ما يريده الرجال من الزواج لتكتمل الصورة.

ألفين سلام.

Quote: ماذا تريد المراة بعد الزواج من الرجل ؟

الحماية والامان والسترة ....

تسلم سا عمر وكل سنة وانت طيب .

شكرا لكل من قدم نصحا او تجربة
وبحمد الله فصديقي يقبع الآن في منتجع قصي خارج البلاد
حيث يقضي شهر العسل مع حرمه المصون
وهو يزجي بتحياه لكل المتداخلين
ويؤكد على أن الزواج يمدده بتجارب مثيرة افتقدها طوال حياته
كما أنه تأكد من نظرية أحد المتداخلين أن خطيبته قبل الزواج لم تكن تطلب منه شئ
ولكن بمجرد أن تزوجها ظلت تطلب منه كل شئ
ومازلات بقية النصائح طور التجريب ..