أحسن محل في الخرطوم .........

هذا البوست تقديري ( يعني للإشادة والتقدير ) بكل مجيد في عمله أولاً
وثانياً خارطة طريق للماعارفين محل الحاجات دي وين ( كان من ناس الخرطوم أو الولايات أو المغتربين الطولوا)
ثالثاً البوست تقديري برضو علي أساس أن الإعجاب ( التقريظ يعني ) تقديري وليس له قاعدة ثابتة
لذلك بابي المساهمات والإختلاف مفتوحين علي مصراعيهما

أحسن محل في الخرطوم بيعمل عصير
تويتي في العمارات بالنص غرب نادي الضباط وشرق قدورة
تشرب ( نص ضربة ) تحس بالعافية تسري في جميعأوصال بدنك

أحسن محل في الخرطوم بيعمل بوش
بالنهار : مطعم في شارع البلدية من الناحية الجنوبية قرب شركة البرجوب ومنزل مبارك الفاضل
نظام بوش عجيب
صف طويل من العمال كل واحد بيعمل حاجة واحدة بس
يسلتموا منك العيش المقطع في الصحن
ويمر الصحن علي صف العمال وتستلموا في آخر الصف بوش مظبط
علمت أن السيد / صلاح إدريس ضرب صحن بوش مدنكل في هذا الكطعم

بالليل
عمر بوش في أم دمان شارع الأربعين
زحمة رهيبة وبوش أرهب

تم جميلك يافضل وورينا احسن محل لبيع (العمارى) فى الخرطوم .

Quote: تشرب ( نص ضربة ) تحس بالعافية تسري في جميعأوصال بدنك

لايك جدا,,






واصل,,

Quote: لايك جدا,,

سو متش

يا أماني

الناس الفافى لو عايزين يتعشوا او يتغدوا

يمشوا سولتير يا الفى شارع 15 فى العمارات يا الفى شارع الجزار فى الرياض

يا مطعم فندق صحارى خلف ايسكريم 41 فى العمارا

يا الساحه اللبنانيه القبال لفة مركز الطبى الحديث شارع المطار

لكن اهم شى يكونوا مقرشين يا بيغسلوا الصحون

Quote: يمشوا سولتير يا الفى شارع 15 فى العمارات يا الفى شارع الجزار فى الرياض

سولتير ،،،،،،أممممممممم بالذات بتاع الرياض
جو شاعري جداً جداً
( لا تسمع إلا همساً )
بيكون الأكل أو الشرب فيهو من آخر الأولويات
وما تفهموها خطأ
بس الجو الشاعري يريح الجسم والروح

Quote: لكن اهم شى يكونوا مقرشين يا بيغسلوا الصحون

وعشان ما بعرف أغسل صحون كويس
بمشي أول الشهر بس يا رانية

Quote: الناس الفافى لو عايزين يتعشوا او يتغدوا يمشوا سولتير يا الفى شارع 15 فى العمارات يا الفى شارع الجزار فى الرياض يا مطعم فندق صحارى خلف ايسكريم 41 فى العمارا يا الساحه اللبنانيه القبال لفة مركز الطبى الحديث شارع المطار لكن اهم شى يكونوا مقرشين يا بيغسلوا الصحون

بالمناسبة المحلات دي وين ...في الخرطوم ..؟؟؟؟

لكن بالجد كدة لو دايرين عصير ليمون ..امشو ركن سوق الموردة قدام الخور ...رهيب شديد ..وح تجو تقولو لي شكرا ..

Quote: تم جميلك يافضل وورينا احسن محل لبيع (العمارى) فى الخرطوم

والله دا ما تبعنا يا قلقو
وبعدين ياخ
شفت ليك عمارة بزبلوها

لكن عشان ما تطلع مننا ساي
أحسن محل بيعمل عصيدة دخن بي ملاح نعيمية
وشطة كاربة جدا
محل جمب مكتب الضرائب الفي السجانة
أيوووووا وراء بنك الخرطوم طوالي

ود كرار ..

Quote: أحسن محل في الخرطوم بيعمل بوش بالنهار : مطعم في شارع البلدية من الناحية الجنوبية قرب شركة البرجوب ومنزل مبارك الفاضل

ياسلاااااام ياخ ، المحل دا ياما ضربنا فيهو بوش ... فى حاجة غريبة فى المحل دا لو لاحظت
ماعندهم بتاع كاشير .؟!!
الزول بيطلب وبياكل وبعد داك بيجى يحاسب ، ماعارف النظام دا لسع شغالين بيهو ولا لآ ..؟

أضافة :
أحسن محل بتاع شية مطعم ونسى فى بحرى شمال مسجد السيد على ... مباااااااالغة والله ..!

سلامات فضل كرار و سلامات رنيا
سوليتير فعلا مكان جميل و الاكل جميل.
الساحة برضو ظريفة القعده فيها.
اوزون برضو ظريفه شديد.

فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل) . المطعم كينى . الاكل جميل جدا. اكلت فيه لحم غزال و لحم جمل و لحم تمساح.

أحسن مكان تصطاد فيهو سمك
هو جزيرة ام شجيرات
تجى بدرى وتقابل شمال
وتكون جاهز = أكل + شراب+عدة كاملة+ صارقيل+ مظلة عن الشمس
وما تزاحمونا رجاءً

انتو بتاكلوا بره لييه ؟










ــــــــــــــــــ
لومو لى البيوت دى مالها ؟

Quote: لومو لى البيوت دى مالها ؟

أكل البيوت ما فيهو أي عوجة يا دينا
بالعكس فيهو إلفة وحميمية شديدة

Quote: انتو بتاكلوا بره لييه ؟

للتغيير ، دواعي العمل ، أو إعادة الذكريات

دا مزاج عالي جداً يا حسن مكاوي
لكن ما وصفت جزيرة أم شجيرات دي وين ؟؟

Quote: فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل) . المطعم كينى . الاكل جميل جدا. اكلت فيه لحم غزال و لحم جمل و لحم تمساح

بالضبط يا سمارت أنا ،،، وكان يسمي سابقاً بالمطعم العالمي
أهم ملاحظة حالياً هو تواجد عربة شرطة السياحة بإستمرار بالقرب منه
وكذلك لديه نافذة take away للطلبات السريعة تفتح عي شارع النيل مباشرة

Quote: ياسلاااااام ياخ ، المحل دا ياما ضربنا فيهو بوش ... فى حاجة غريبة فى المحل دا لو لاحظت ماعندهم بتاع كاشير .؟!! الزول بيطلب وبياكل وبعد داك بيجى يحاسب ، ماعارف النظام دا لسع شغالين بيهو ولا لآ ..؟

لحدي يوم الأربعاء 3 / 12 / 2010م
النظام شغال يا مزمل
أريحية مبالغ فيها
زملائ في المكتب ما كلمتهم ، وصلت لحدي المطعم وقلت ليهم : بتعملوا بوش سفري
قالوا لي جداً
ضربت للزملاء في المكتب قلت ليهم حضروا صحن كبير للبوش وصحن صغير للشطة
بعد ما ظبطنا البوش في المطعم نظام البوش في كيس والزيت في كيس والشطة في كيس
قلت ليهم أدوني أكياس ملونة عشان عيون المدير، قالوا لي ما تخاف كان شاف الكيس بجي معاك لحدي هنا بي كرعينو
المهم قفلنا باب المكتب وضرب بوش رهيب
ورغم التكيف الألف الجماعة عرقوا عرق تيبار ( زير كبير ) في عز الصيف
لكن مدير التدريب إتهمني بإني بتاع كبة ؟؟؟ شفت آخر الجزاء

Quote: أحسن محل في الخرطوم بيعمل بوش بالنهار : مطعم في شارع البلدية من الناحية الجنوبية قرب شركة البرجوب و منزل مبارك الفاضل

محمد عادل مايسمعك !!!

Quote: تشرب ( نص ضربة ) تحس بالعافية تسري في جميعأوصال بدنك

بى كلامك دة يا فاضل كرار ياسر عرمان بصورتو الفيها العافية دى مع اقوالو فى اخر الصفحة ضارب ليهو ضربة كاملة من محلك دة
يديك الف عافية

فضل كرار ياخي الواحد يقرا في بوستك دة و(يمطق)..سيلت لعابنا ياخ...

اديك نكتة علي الأكل...

واحد مزهجنو ليك ناس حلال الجزيرة البكونو شغالين في الخرطوم ويزوغو أهلهم من الأربعاء المساء..

سألوه أشهر اكلات الشعوب شنو:
قال ليهم الصينيين بياكلو الرز والهنود بيكالو البرياني..وناس شمال السودان بيكالو القراصة وناس الوسط بياكلو الرغيف
وناس الغرب بياكلو عصيدة الدخن..
أما ناس الجزيرة فبياكلو (يوم الخميس)....................

تاحسن ست شاي ولقيمات في العمارات ش 15

واحسن كبده...وعدس برضو في سوق 15
بالعمارات...


بعد ما سابا دينق طبعا

واحد طلب في المطعم وكمل الصحن لحسو جت نادى الجرسون قال ليه جيب زياده

لمن لقى الصحن فاضي قال ليه كان تفضل شويه عشان اعرف ازيدك شنو؟

احسن محل قراصه في بحري شرق سوق بحري شارع المزاد وغرب حديقه عبود

اما السمك فمختلف فيه لكن في دكان في سوق المورده علي الخور سيدو اسمو الحلو

سمكو زي اسمو

Quote: اكلت فيه لحم غزال و لحم جمل و لحم تمساح.

صعبه يا امارت.... ما كنت قابلك كده :)


بس تعرفي المحل الاصلي بتاع الكرنيفو في نيروبي


عباره عن حديقه كبيره جدا جدا قدر حدايق المقرن كده شوايه اكبر من حوض السباحه


اها وانت قاعد في تربيزتك بمرو عليك العمال بالسيخه الكبيره وبيقول لحم ضان نقوم نطلب ... بعد شويه عجالي وبقر نقوم نطلب شويه اها بهد كده غزال ...! نقوم نقول كدي حته بعد شويه تسمع تمساح .. دبيب ... قرود


وقتها تقوم جاري ... معقوله بس



:)


سولتير بتاع الرياض ... وقدوره بناع السمك في العمارات ؟ مبالغه


خاصتا ليمون بالنعناع المثلج وسط الهجير احسن ترطيبه




شكرا لصاحب البوست والفكره وضيوفه الكرام


احترامي

ياجماعه بالنسبه للسمك,,
عيبو لي (صاج سمك) الفي شارع 41 ؟!!
سمكو نضيف وطعمو خرافي والمكان معمول نظام شعبي لكن بصراحه راقي ونضيف جدا,
خصوصا لو بعد السمك طلبتو قهوه حبشيه بي بخورها :)

المحل قمه في البساطه والرقي والتميّز ,,

أحسن مطعم بيتزا في الخرطوم -حسب رايي- ,,
(ديبونيرز) في شارع المطار,
خصوصا لو طلبت بيتزا ديبونيرز ست الاسم ,

ولو دبل جييز تكون دلّعت نفسك اَخر دلع

أمّا أحسن (كافي) ممكن تشرب فيهو اسبريسو, كابتشينو, تاكل ساندوتشات خفيفه ... الخ,
وتطلب ايسكريم خرافي مع قعده بالنظام الطلياني (ولا في الأحلام),

بصراحه المحل خرافي وهادئ والسيرفس ميه الميه وكأنك بره السودان ,,


المحل في شارع مكه بس ما حأقول ليكم اسمه عشان ما تمشو تعملو فيهو زحمه

احسن زولة بتعمل شاي في كوكب الارض والكواكب المجاورة

قاعدة قدام مركز السودان للقلب ..

يقلّل الكلستورل وينشط ضربات القلب ويغنيك الدخول للمركز..

عايز تشرب ليمون...وتهديء اعصابك...وتقول ليه
احححححححححح تاني...امشي مقابل شركة التبلدي الهندسية...

أحسن طعمية في العالم في محطة شندي للقطارات...
وأحلي..شية عند عوضية...

أما الجبنة فأبحثوا عن أوهاج...بنواحي السوق المحلي...
(جينة زي الدرب...)...تجيه مغمض وفتران ومكتح...
طوالي تنزل من النقالة وتمشي بي كرعيك

احلى محله في الخرطوم .. مطعم برج الفاتح الطابق 18 والاخير مطل على كل الاتجاهات
الخرطوم من فوق قبل المغرب حاجه ما تخلص

انتو بتلقو القروش دى وين البتمشو بيها برج الفاتح
والسوليتير وكوفى شوب ده
لوووووووووووووووول...
وحاتكم الجوع اشهى الصلصات زى ما بقولو الفرنجة،،،

احسن مطعم

Quote: فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل) . المطعم كينى . الاكل جميل جدا. اكلت فيه لحم غزال و لحم جمل و لحم تمساح.

شكرا نيستا الجميل

احسن سمك

عوضية سمك

شكرا وهبه _ السيد المسلمي _ داليا الكباشي

في اول زيارة

والعوض ونيستا وعبد الصمد وبرضو وهبه في تاني مره

اجمل شاي مغرب

شاي حليوه

تقاطع البلدية مع المك نمر

شكرا ---عزان سعيد --- ياسر بيناوي

الشاذلي خيري والبقية

افخم مطعم

مطعم الساحة اللبناني

شكرا الريس العوض

اجمل لمه

في بيت الفنون

شكرا بورداب الخرطوم

شكرا...طارق الامين

الحبيب فضل كرار

جمعة مباركة

واعدت لي زكريات جميلة

بس في واحد ود حراااام

الله لاكسبه حسنة بركة

الجمعة الجامعة والكلمة السامعة......!!!!!

والله سرق الكاميرا وفيها

اكتر من 1350 صورة لكل

هذه الاماكن وهؤلاء الاحبة

يمين يرجعه اديهو الدايرو

الله غالب

Quote: تم جميلك يافضل وورينا احسن محل لبيع (العمارى) فى الخرطوم .

يا ود كرار اخونا قلقو ده يظهر خرماااااان ومتقريف قرياف شديد
وانتو كلكم مطنشنوا ليه ما عارف !!
يا قلقو

احسن عماري (بشهادة اصحابي) هم تلاته محلات:-
1- الجمري (بحري سعد قشرة).
2- ود الريح (الكلاكلة).
3- كجبر (الشهداء).

والاخير ده شايفو مشكور شكر شديد جدن
حتي بيقولوا :-
* كجبر كجبر يا يهود
العماري سوف يسود

ــــــــــــــــــــــــــــــــــ
اسم اليهود في العماري للدلالة علي انه
صاموووتي.

برج الفاتح وسوليتير...

ديل ما لي عامة الشعب...

مع ان الخرطوم لعامة الشعب

فتحسر!!

احسن محل في السوق الشعبي
في طرف السوق السمالي
محل بتاع عصير جوافة بحليب بودرة (صرة صغيرة مجهزة بعناية)
وتلج مجروش ويقدم بالكورية الالمونيوم مشقق بالطرف
واحسن حاجة لمن تحتار ما تلقى ليك مكان نقعد فيه

احسن محل لـ : (ام شعيفه) وين ؟

ربما احسن مكان تفطر فيه البربرى قصاد مقابر فاروق من الجنوب فيه واحد بتاع كمنجة يجيهك بالطير المهاجر بتفاصيلها

ومكان تانى خلف طلمبة النحلة عبيد ختم مطعم فى بيت اكل بيتى .....تمام

اجمل حديقة علي النيل

الاسكلا .....

ومن الاسكلا وحلا قام من البلد وله

ودمعي اللي الثياب بلاااااااا

احسن محل للأكل البلدي
بيت السماية


احسن كوارع
الموناليزا


احسن شوربة في العالم
امواج

احسن باسطة
العبد


احسن فته - بوش
عمر بوش




احسن فريق
المريـــــــــــــــــــــــــــــــــــــــــــــــــــــــــخ

Quote: احسن فريق المريـــــــــــــــــــــــــــــــــــــــــــــــــــــــــخ

فيصل محمد رشوان ،،،، بالغت عديل ،،،، والله انت زول عسل

احسن محل في الخرطوم مطبخ امي والدنيا شتا وعود الطلح

في المنقد الصغير وصاج اللقيمات في النار وكبابي الشاي

تتطاقش..

الباسطه عند الطيب سيد مكى ..
"متفق عليه"

..
فى كافيه جميل جدا ومميز فى الطابق الاخير لاحدى مبانى شارع البرلمان
إسمو " البرلمان كافيه "

..
محل الليمون الفى ناصية سوق المورده على الشارع,
والسمك عند سكى
" عوضيه سمك قد تأتى فى المرتبه الرابعه او اكثر"

..
سوليتير مزعج لكل من تخطى الخامسه والثلاثين .. وإياك أعنى يا جاره
الساحه مناسب وأوزون مسأله بتاعت مزاج وجو عام ..

..
الجنينه الخلفيه لفندق قصر الصداقه أجمل مكان فى الخرطوم
ولسه خدماتهم ضاربه ..

..
حوض السباحه والمطعم التحت بتاع السلام روتانا حاجاتم ممتازه وخدمه مميزه

..
الاكل فى نادى الضباط لسه محافظ على الجوده بتاعتو واسعارو الزماااان

..
رافقتكم السلامه, انجزوا اجراءات العوده باكرا, وتفادوا قدر الامكان الاكل خارج منازلكم الا للضرورات الاجتماعيه وعودوا لمنافيكم سالمين

..
تحسرت كثيرا على الهيلتون "سابقا"

Quote: الباسطه عند الطيب سيد مكى .. "متفق عليه" حيييييييييياك والله أخوك من المطار بكون في كيلو منتظره فتحة خشم بس!

---

Post: #42 Title: Re: أحسن محل في الخرطوم ......... Author: السيد المسلمي Date: 12-03-2010, 12:10 PM Parent: #40 أحسن فول في السودان والشرق الأوسط هو .. فول فريد ببحري ( شارع الإنقاذ جنوب حديقة عبود ) وبالقرب منو محل لبيع كبدة الإبل ( طازجة ) برضو مبالغة .. ــ تحياتنا ياجميل ..

---

Post: #43 Title: Re: أحسن محل في الخرطوم ......... Author: nazar hussien Date: 12-03-2010, 01:45 PM Parent: #42 Quote: احسن محل لـ : (ام شعيفه) وين ؟ تحت ضل اي نخلة ماري عليها جدول من النيل

---

Post: #44 Title: Re: أحسن محل في الخرطوم ......... Author: Amany Elamin Date: 12-03-2010, 02:41 PM Parent: #43 عمدة التحرير :) Quote: الجنينه الخلفيه لفندق قصر الصداقه أجمل مكان فى الخرطوم ولسه خدماتهم ضاربه .. لايك جدا السيد المسلمي,, Quote: أحسن فول في السودان والشرق الأوسط هو .. فول فريد ببحري ( شارع الإنقاذ جنوب حديقة عبود ) لايك بشده :)

---

Post: #45 Title: Re: أحسن محل في الخرطوم ......... Author: khaleel Date: 12-03-2010, 03:44 PM Parent: #44 احسن زبادي في الكون عند صلاح كافي في الموردة واحسن مطعم في سوق امدرمان زول اسمو منقويا ما عارف قفل ام شغال لسع

---

Post: #46 Title: Re: أحسن محل في الخرطوم ......... Author: بشير حسـن بشـير Date: 12-03-2010, 04:37 PM Parent: #45 . . شكرا كتير يا جماعه بوست عباره عن خارطة طريق لمحلات الأكل فى الخرطوم ، ومفيد لأى واحد غائب عن الوطن . .

---

Post: #47 Title: Re: أحسن محل في الخرطوم ......... Author: سفيان بشير نابرى Date: 12-03-2010, 05:59 PM Parent: #46 Quote: زول اسمو منقويا خلي ياخلي يا حرف k لايك اشده من لايك اماني الامين داك. ـــــــــــــــــــــــــــــــــــــــــ قالو كمان في رمضان مباااالغه

---

Post: #48 Title: Re: أحسن محل في الخرطوم ......... Author: يسرى معتصم Date: 12-03-2010, 06:13 PM Parent: #47 كل مواضيعكم أكـل --------------------------- أحـســن مـحــل بـتــاع كـريـمــات وتفـتـيـح اللون للبنات والأولاد كمان شــريـف فى شــارع الأربعين مـحـطــة الأداره المركزية صـفـوف x صـفـوف

---

Post: #49 Title: Re: أحسن محل في الخرطوم ......... Author: عبدالمجيد المقابل Date: 12-03-2010, 06:54 PM Parent: #46 أحسن محل سمك ... هاشم في ميدان الربيع

---

Post: #50 Title: Re: أحسن محل في الخرطوم ......... Author: خالد درق Date: 12-04-2010, 06:54 AM Parent: #49 احسن فتة فول عند جوبى شارع المداس الشعبية بحرى خطيررررررررررررر صاحب اليوست سلام ...

---

Post: #51 Title: Re: أحسن محل في الخرطوم ......... Author: smart_ana2001 Date: 12-04-2010, 10:40 AM Parent: #50 Quote: احسن باسطة العبد like .... like

---

Post: #52 Title: Re: أحسن محل في الخرطوم ......... Author: عبدالكريم أحمد الامين Date: 12-04-2010, 11:46 AM Parent: #33 Quote: Quote: تم جميلك يافضل وورينا احسن محل لبيع (العمارى)فى الخرطوم . Quote: يا ود كرار اخونا قلقو ده يظهر خرماااااان ومتقريف قرياف شديد وانتو كلكم مطنشنوا ليه ما عارف !! يا قلقو احسن عماري (بشهادة اصحابي) هم تلاته محلات:- 1- الجمري (بحري سعد قشرة). 2- ود الريح (الكلاكلة). 3- كجبر (الشهداء). والاخير ده شايفو مشكور شكر شديد جدن حتي بيقولوا :- * كجبر كجبر يا يهود العماري سوف يسود ــــــــــــــــــــــــــــــــــ اسم اليهود في العماري للدلالة علي انه صاموووتي. ** سُفيان نابرى.. ** فضل كرار .. ** مساءكما خير.. ## أضيف للفوق ديل :- الــوطــنــيـــه بـــحـــرى.. (ودام الود بين الجميع) (ابو محمد فؤاد)

---

Post: #54 Title: Re: أحسن محل في الخرطوم ......... Author: قلقو Date: 12-05-2010, 09:02 AM Parent: #52 Quote: Quote: Quote: تم جميلك يافضل وورينا احسن محل لبيع (العمارى)فى الخرطوم . Quote: يا ود كرار اخونا قلقو ده يظهر خرماااااان ومتقريف قرياف شديد وانتو كلكم مطنشنوا ليه ما عارف !! يا قلقو احسن عماري (بشهادة اصحابي) هم تلاته محلات:- 1- الجمري (بحري سعد قشرة). 2- ود الريح (الكلاكلة). 3- كجبر (الشهداء). والاخير ده شايفو مشكور شكر شديد جدن حتي بيقولوا :- * كجبر كجبر يا يهود العماري سوف يسود ــــــــــــــــــــــــــــــــــ اسم اليهود في العماري للدلالة علي انه صاموووتي. ** سُفيان نابرى.. ** فضل كرار .. ** مساءكما خير.. ## أضيف للفوق ديل :- الــوطــنــيـــه بـــحـــرى.. (ودام الود بين الجميع) (ابو محمد فؤاد) الأخوان سفيان وعبدالكريم.. والله انتو الناس الفيكم فايدة .. لكن ماقلتو لى مرسى الفاشر الجنب ملاعب كمبونى كيف ؟ اما ناس فضل كرار وناس كابتشينو وايتالى بيتزا وماعارف شنو داك فاقول ان شاء الله ينفعم ومحل مايسرى يمرى . يافضل كرار بالمناسبة تويتى الأنت قاصدو فى الخرطوم 2 ومش فى العمارات . فهمت ؟

---

Post: #55 Title: Re: أحسن محل في الخرطوم ......... Author: خالد العطا Date: 12-05-2010, 09:34 AM Parent: #54 احسن محل للكوارع الصحافة محل بتاع في نص البيوت تديره امراءة بعرفوه ناس الخرطوم كويس .................................. طبعا نحنا ناس اقاليم ساكت وشايف هارون متجدع مع اولاد العاصمة

---

Post: #56 Title: Re: أحسن محل في الخرطوم ......... Author: رشا سالم Date: 12-05-2010, 09:55 AM Parent: #55 Quote: محل بتاع في نص البيوت تديره امراءة ..دي كوارع سكينة.. ما عارفة لكن ما عجبتني شديد!

---

Post: #57 Title: Re: أحسن محل في الخرطوم ......... Author: أحمد ابن عوف Date: 12-05-2010, 10:24 AM Parent: #56 احسن محل في الخرطوم هو الخرطوم نفسها الخرطوم تفوز على امدرمان وبحري (حسب الاحصائية الى الآن) احسن مكان للخلِط وين؟؟ ما تفهمونا غلط متزوج واب لاربعة لوووول ، يعني قصدي لو نزلنا اجازة اسوق المدام وين للفسحة وش بريء

---

Post: #59 Title: Re: أحسن محل في الخرطوم ......... Author: Abd-Elrhman sorkati Date: 12-05-2010, 11:05 AM Parent: #57 أحسن مشتل ،،،،، مشتل الاحباب بالمهندسين

---

Post: #61 Title: Re: أحسن محل في الخرطوم ......... Author: Fadl Karrar Date: 12-05-2010, 12:09 PM Parent: #54 Quote: يافضل كرار بالمناسبة تويتى الأنت قاصدو فى الخرطوم 2 ومش فى العمارات . فهمت ؟ إنت يا دكتور زعلت واللا شنو ؟؟؟ قر قر قر قر تعرف يا قلقو آخر حاجة كان ممكن أتوقعها إنو سفيان نابري وعبد الكريم الما كيكي بتاعين سفة وبمناسبة السفة والمصطلحات الجديدة قالوا ليك طالب ثانوي قال لي زميلو : لو سمحت الموبايل بتاعك ( قصدو كيس التمباك ) زميلو رد : والله أنا مسكول ما عندي ( يعني كيس تمباك فاضي يشمو )،،، لكن استاذ فلان داك عندو تحويل رصيد عدييييل ( يعني كيس تمباك معتبر )

---

Post: #65 Title: Re: أحسن محل في الخرطوم ......... Author: BAKTASH Date: 12-05-2010, 01:46 PM Parent: #61 احسن موية زير نص النهار في محطة الدومة(اسماعيل الطهار) ازيار نضييييييييفة وموية بااااردة ومبالغة نسيت اقول انو المكان دا في امدرمان

---

Post: #66 Title: Re: أحسن محل في الخرطوم ......... Author: Fadl Karrar Date: 12-06-2010, 06:49 AM Parent: #65 Quote: احسن موية زير نص النهار في محطة الدومة(اسماعيل الطهار) ازيار نضييييييييفة وموية بااااردة ومبالغة نسيت اقول انو المكان دا في امدرمان سلام يا بكتاش تعرف المحطة دي لو فيها محل فولة كاربة يكون مية مية تضرب الفولة / البوش وتديها كوزين من الأزيار دي وتحمد الله وتثني عليه وتتوكل

---

Post: #67 Title: Re: أحسن محل في الخرطوم ......... Author: علي الكرار هاشم Date: 12-06-2010, 07:12 AM Parent: #66 أحسن مطعم سوداني في الرياض مطلوب البحث عنه البحث عن المطعم السوداني دعوة للاستثمار برغم هذا الزخم والعدد المتزايد من الأسواق الكبيرة والجميلة في عاصمة المملكة العربية السعودية الرياض من مجمعات تجارية أصبحت من روعتها تشكل أماكن للترفيه وتزجية الوقت إضافة للتسوق ورغم العدد الكبير من السودانيين وحركتهم الظاهرة وتدافعهم في حراك المجتمع وحركة الحياة من مناسبات واحتفالات واستقبالات تضم مختلف طوائف المجتمع باختلاف درجاتهم ومقاماتهم .برغم ذلك إلا أن الرياض العاصمة ظلت خالية تماما من مطعم سوداني واحد يقدم خدمات راقية لكل هذا العدد ولكل تلك المناسبات ويليق باسم السودان والسودانيين. إنه لأمر جد محزن أن نكون ضيوفا علي مطاعم الشعوب الأخرى نصرف فيها كل تلك المبالغ الطائلة من المال وهي بلا شك مبالغ كبيرة لو رصدت بصورة اقتصادية لجذبت المستثمرين وأصحاب المال ويكفي نظرة سريعة لمناسبات الزواج خلال شهر واحد أو مناسبات اجتماعية أخري لنعلم حجم الموضوع ومدي جاذبيته للعمل والاستثمار بصورة سريعة جدا لا تقبل التأخير. إن الحديث هنا يتجاوز تلك المجموعة الكبيرة من سلسلة المطاعم والبوفيهات المتوفرة في شوارع الرياض والتي ترفع لوحات بأسماء سودانية وهي تقدم خدمات متردية جدا وخالية تماما من النظافة والرقي والنظام بل ولا يستطيع الإنسان أن يجلس فيها ناهيك عن دعوة شخص آخر. وقد ظلت سجينة لوجبات بائسة لا تتعدي ( الفول المصلح) و( والكسرة بالمفروكة) ورغم ما تلاقيه من إقبال إلا أن العقلية ظلت حبيسة لسقف اقتصادي لا يرتفع عن الأرض ولا يحلم بالانعتاق في سماوات الاستثمار والمنافسة وقد رضي أصحابها بالقليل والفتات من الدخل مثلما رضوا بعدم الدخول في المنافسة وجذب الزبون غير السوداني إذا سلمنا بأن الطعام سلعة يقتنيها الجميع. لقد ناقشت العديد من الإخوة ووجدتهم يتفقون معي تماما في أهمية وجود مطاعم سودانية راقية تستطيع أن تدخلها لوحدك أم مع أسرتك وتدعو إليها أصدقائك ومن تشاء دون شعور بالخوف والدونية وتستطيع دعوة الآخرين لتناول وجبة سودانية في مكان محترم وعبر خدمات ممتازة خاصة وقد أصبحت الاستعانة بالمطاعم وتناول الوجبات فيها بصورة فردية أو عائلية نوعا من الترفيه وتغيير الروتين اليومي بل ومظهرا من مظاهر الحفاوة بالآخر وتقديرا له. فهل نجد من المستثمرين وأصحاب المال السودانيين وهم كثر من يأخذ هذا الموضوع مأخذ الجد ويحول الفكرة للعمل بصورة سريعة علما بأن دراسة الجدوى متوفرة ولا تحتاج لكثير عناء وقد يجدها لو تبصر ونظر عبر مناسباتنا الكثيرة جدا من زيجات وأفراح وفي احتفالاتنا المتعددة وأعدادنا المتزايدة وفي التساؤل المرسوم علي كل الوجوه السودانية الباحثة عن مكان جميل وموقع متميز ينتمي لنا وننتمي له. علي الكرار هاشم محمد الرياض

---

Post: #68 Title: Re: أحسن محل في الخرطوم ......... Author: Fadl Karrar Date: 12-06-2010, 07:59 AM Parent: #67 Quote: إن الحديث هنا يتجاوز تلك المجموعة الكبيرة من سلسلة المطاعم والبوفيهات المتوفرة في شوارع الرياض والتي ترفع لوحات بأسماء سودانية وهي تقدم خدمات متردية جدا وخالية تماما من النظافة والرقي والنظام بل ولا يستطيع الإنسان أن يجلس فيها ناهيك عن دعوة شخص آخر. وقد ظلت سجينة لوجبات بائسة لا تتعدي ( الفول المصلح) و( والكسرة بالمفروكة) ورغم ما تلاقيه من إقبال إلا أن العقلية ظلت حبيسة لسقف اقتصادي لا يرتفع عن الأرض ولا يحلم بالانعتاق في سماوات الاستثمار والمنافسة وقد رضي أصحابها بالقليل والفتات من الدخل مثلما رضوا بعدم الدخول في المنافسة وجذب الزبون غير السوداني إذا سلمنا بأن الطعام سلعة يقتنيها الجميع. سلام يا علي الكرار وكلامك بالضبط ما حكاه صديق لي يعمل بالرياض قضي إجازة عيد الاضحي معنا بالسودان Quote: فهل نجد من المستثمرين وأصحاب المال السودانيين وهم كثر من يأخذ هذا الموضوع مأخذ الجد ويحول الفكرة للعمل بصورة سريعة علما بأن دراسة الجدوى متوفرة ولا تحتاج لكثير عناء وقد يجدها لو تبصر ونظر عبر مناسباتنا الكثيرة جدا من زيجات وأفراح وفي احتفالاتنا المتعددة وأعدادنا المتزايدة وفي التساؤل المرسوم علي كل الوجوه السودانية الباحثة عن مكان جميل وموقع متميز ينتمي لنا وننتمي له. لو كان هناك واحد فقط يمكن أن يبيض وجهكم ويشرفكم ، فأعتقد أنه صلاح المنا صاحب مطعم أمواج بالخرطوم ،، وهو علي دراية تامة بالسعودية

---

Post: #108 Title: Re: أحسن محل في الخرطوم ......... Author: Fadl Karrar Date: 12-21-2010, 06:40 AM Parent: #29 Quote: اجمل شاي مغرب شاي حليوه تقاطع البلدية مع المك نمر شكرا ---عزان سعيد --- ياسر بيناوي الشاذلي خيري والبقية يا هارون مبروك عليكم الحضري محلاتك الإخترتها كلها حلوة ومجربة إلا شاي حليوة دا محلها وين بالضبط في تقامع البلدية مع المك نمر؟؟ يعني جمب بنك بيبلوس ، واللا سودانير ، واللا البنشر واللا أبو الفاضل للأثاث عشان نمشي رأسنا عديل بدل السؤال من ست الشاي ( عشان ما يفهمونا غلط وكدا )

---

Post: #114 Title: Re: أحسن محل في الخرطوم ......... Author: haroon diyab Date: 12-21-2010, 10:42 PM Parent: #108 يافضل سلامات Quote: إلا شاي حليوة دا محلها وين بالضبط في تقامع البلدية مع المك نمر؟؟ مقاااااابل جريدة قون امسك في ياسر بيناوي زبون دائم .....!!!!!!

---

Post: #69 Title: Re: أحسن محل في الخرطوم ......... Author: Fadl Karrar Date: 12-08-2010, 05:21 AM Parent: #14 Quote: بى كلامك دة يا فاضل كرار ياسر عرمان بصورتو الفيها العافية دى مع اقوالو فى اخر الصفحة ضارب ليهو ضربة كاملة من محلك دة يا ناصر ،،، ليس من سمع كمن شبع خليني من ياسر عرمان ،،، أدعوك بنفسك لتعايش هذه التجربة Quote: يديك الف عافية ويديك ألف عافية

---

Post: #70 Title: Re: أحسن محل في الخرطوم ......... Author: عزان سعيد Date: 12-19-2010, 00:54 AM Parent: #69 أحسن و(ألذ) بوست في الدنيا بوست فضل ده . . قعدت افتش فيهو أكتر من ساعة لأني كنت ناسي إسمو لحدي ما (نكتو) من الصفحة التاسعة . . تخيلو، فتشت تسعة صفحات بوست ورا بوست لازم يكون فوق . ويمشي الربع الجاي ________________________________ مشتهي لي عصير قنقليز أجمل عصير قنقليز شربتو في كافتريا جامعة نيالا سنة 99 ورونا نلقي أحسن قنقليز (عصير وخام) في الخرطوم وين بالمناسبة العرديب هنا (أمريكا) راقد بيجي من تايلند والمكسيك مرة لقيت (تانق) عرديب مكسيكي . . عجيييييب

---

Post: #71 Title: Re: أحسن محل في الخرطوم ......... Author: Waeil Elsayid Awad Date: 12-19-2010, 06:06 AM Parent: #70 احسن محل عصير اسمو رشقة فى المنشية شارع الكبرى تطلب نص ضربة (ما ضربة كاملة ) و تقرض على كدة

---

Post: #72 Title: Re: أحسن محل في الخرطوم ......... Author: sari_alail Date: 12-19-2010, 06:53 AM Parent: #71 Quote: احسن موية زير نص النهار في محطة الدومة(اسماعيل الطهار) ازيار نضييييييييفة وموية بااااردة ومبالغة نسيت اقول انو المكان دا في امدرمان صحيح يا بكتاش ... انا الزير دا قدر ما حكو لي عنو ..حامشي اشرب منو في اجازتي الجاية ..... طبعا على حسب ما عرفتا الطهار دا ما عندو زير واحد ..قالو قريب العشرين زير .... لأنو زباينو كتار ...... يعني الزول لمن يجي عشان يعمل العملية ديك بيجو معاهو زي جيش جرار ..... أما بخصوص نادي الضباط ..اتفق مع ود المشرف ... خدمات مية المية اما أحسن عصير ... في واحد عمك كدا قريب من العمارة الكويتية و نادي الكشافة .. محل بتاع عصائر بس و شغلو نضيف .... الزول ما تمشي ليهو و انت خالط .. لأنو عمكم زهجي شوية ...سامع يا أحمد ابنعوف ؟

---

Post: #73 Title: Re: أحسن محل في الخرطوم ......... Author: Gamal Abayazid Date: 12-19-2010, 07:00 AM Parent: #71 فضل كرار والاخوة غايتو احسن فول في السودان ما عارف قفل ولا لسع شغال كان فول عبدالسلام في سوق بحري ورا لوكاندة هافانا كنا بنقرا في بحري الحكومية وداك كان محل الفطور وكان عندو طعمية رهيبة طلب الفول كان بخمسين قرش مصلح والسمك كان عند عمك بلة في ابوروف. ابوي كان بقول لو عاوز محل الاكل المظبوط اسال بتاعين التاكسي

---

Post: #75 Title: Re: أحسن محل في الخرطوم ......... Author: Fadl Karrar Date: 12-19-2010, 07:24 AM Parent: #73 جمال Quote: غايتو احسن فول في السودان ما عارف قفل ولا لسع شغال كان فول عبدالسلام في سوق بحري ورا لوكاندة هافانا كنا بنقرا في بحري الحكومية وداك كان محل الفطور وكان عندو طعمية رهيبة طلب الفول كان بخمسين قرش مصلح عيييييييك يا جمال ،،، من الأمس وكدا Quote: والسمك كان عند عمك بلة في ابوروف عمك بلة له الرحمة والآن أولادده يواصلون علي نهج المرحوم بلة سمك صاح بهارو الاساسي شمار رهيب (شمار طبيعي ) Quote: ابوي كان بقول لو عاوز محل الاكل المظبوط اسال بتاعين التاكسي أظن الكلام دا كان زماااااااان

---

Post: #76 Title: Re: أحسن محل في الخرطوم ......... Author: Fadl Karrar Date: 12-19-2010, 07:34 AM Parent: #71 Quote: احسن محل عصير اسمو رشقة فى المنشية شارع الكبرى تطلب نص ضربة (ما ضربة كاملة ) و تقرض على كدة زايد إنو إسم المحل فنان ومبدع يا وائل ( رشفة ) مكتوبة بي خط جميل جداً اللافتة البرة بتديك إنطباع جيد عن المحل تسلم يا عزيزي

---

Post: #74 Title: Re: أحسن محل في الخرطوم ......... Author: Fadl Karrar Date: 12-19-2010, 07:07 AM Parent: #70 Quote: قعدت افتش فيهو أكتر من ساعة لأني كنت ناسي إسمو لحدي ما (نكتو) من الصفحة التاسعة . . تخيلو، فتشت تسعة صفحات بوست ورا بوست لازم يكون فوق . ويمشي الربع الجاي والله يا عزان أنا آسف جداً جداً مفروض البوست يكون برعاية سيدو لكن ظروف المنبر الإسبوع الفات كانت حالة إستثنائية فلك العتبي والشكر علي جعل البوست يطفو للسطح من جديد Quote: ورونا نلقي أحسن قنقليز (عصير وخام) في الخرطوم وين اقترح ( سيدي السلاوي ) شارع الجامعة بالخرطوم يفتح في مقابلة الأمم المتحدة Quote: مرة لقيت (تانق) عرديب مكسيكي . . عجيييييب عجيب جداً وأعجب من عدم قدرتنا علي الإستفادة من حاجاتنا العندنا بالمناسبة : شركة النصر للتعبئة تنتج كركدي ، تبلدي ودخن في عبوات جيدة

---

Post: #77 Title: Re: أحسن محل في الخرطوم ......... Author: tmbis Date: 12-19-2010, 08:11 AM Parent: #74 Quote: أحسن مكان تصطاد فيهو سمكهو جزيرة ام شجيرات تجى بدرى وتقابل شمال وتكون جاهز = أكل + شراب+عدة كاملة+ صارقيل+ مظلة عن الشمس وما تزاحمونا رجاءً .. الجزيرة دي وووين يا حسن ..؟ تعرف في مشيتي السنة الفاتت مشيت الدويم .. جمب المعدية بتاعت الدويم كان في شباب كتار جدا قاعدين يشركة .. تخيل فووت ليك البنطون دا زي تلاتة مرات كدا .. بعدما استمتعته من سبعة سنوات بي صيد البلطي على طريقة الحرفاء جدا .. .. أحسن مكان ممكن تصطاد فيهو سمك .. تحت القيفة بتاعت مسجد النيلين .. بس على شرط تخلي البحر ينزل شوية كدا .. والشرط التاني .. تشرك للسمك بدون فلة وتكتر الصارقيل .. لانو السمك في الحتة دي بيبلع ما بيقزقز .. سلامات يا فضل كرار .. أحسن سمك في أمدرمان في الموردة .. عند شعيب جوه الحلة جنوب ميدان أبوعنجة بيفتح في خور أبوعنجة.

---

Post: #78 Title: Re: أحسن محل في الخرطوم ......... Author: Fadl Karrar Date: 12-19-2010, 08:41 AM Parent: #77 Quote: تعرف في مشيتي السنة الفاتت مشيت الدويم .. جمب المعدية بتاعت الدويم كان في شباب كتار جدا قاعدين يشركة .. تخيل فووت ليك البنطون دا زي تلاتة مرات كدا .. بعدما استمتعته من سبعة سنوات بي صيد البلطي على طريقة الحرفاء جدا .. مزاج رائق جداً يا رائق وللفائدة نقتبس : Quote: صيد السمك: هي أجمل هواية تجمع بين متعة التأمل ومتعة الصبر, هي من ابلغ الهوايات الانسانية اتساما بالحكمة وطول البال وتُحدثنا الذاكرة بان امهر صيادي السمك هم العناوين البارزة في تمضية وقت خاص جدا وطويل لا يحتمله الاخرون، نحن اذن امام مدرسة تعليمية واذا اردنا شيئا من المبالغة نقول نحن امام مدرسة فلسفية تحسن لوحدها معنى التأني ومعنى عدم الياس، انها نظرة امل متيقنة من النتائج الايجابية مع ان تلك النتائج من علم الغيب او هي في بطن البحر Quote: أحسن سمك في أمدرمان في الموردة .. عند شعيب جوه الحلة جنوب ميدان أبوعنجة بيفتح في خور أبوعنجة نجرب إنشاء الله يا علاء وأكيد بيكون يستحق

---

Post: #80 Title: Re: أحسن محل في الخرطوم ......... Author: tmbis Date: 12-19-2010, 09:50 AM Parent: #78 Quote: لكن بالجد كدة لو دايرين عصير ليمون ..امشو ركن سوق الموردة قدام الخور ...رهيب شديد ..وح تجو تقولو لي شكرا .. دا عمك الدنقلاوي يا عتيق .. اسمو الدنقلاوي .. دا اختر ليمون في الدنيا .. تعرف زمان لما الدافوري يكون خطير .. بعد الدافوري بنجي جاريين جري ليهو .. تضرب ليك (كــوز) بتاع ليمون بسرعة كدا وتكون كاتم نفسك .. بعداك .. بتحس بي صداع كدا شوووية .. يللا بعديهو الليمون بشتغل .. لانو بكون طلع الراس مباشرة تمشي ليك كم خطوة كدا وتقعد في الواااطـة .. عشان الدم يتوزع كويس في عروقك ..

---

Post: #81 Title: Re: أحسن محل في الخرطوم ......... Author: Fadl Karrar Date: 12-19-2010, 10:25 AM Parent: #80 لو تم توزيع خارطة الخرطوم للمأكولات والمشروبات أكيد منطقة أم درمان ح تكون من نصيب تمبس ونقطة الإرتكاز ( خور أبو عنجة ) ــــــــــــــــــ أصلو كل حريف عندو خور ويا حليل اب عاج وخور عمر

---

Post: #82 Title: Re: أحسن محل في الخرطوم ......... Author: عفاف الصادق بابكر Date: 12-19-2010, 10:37 AM Parent: #80 سيد البوست ازيك .. غايتو احلى فته بتاعت فول اكلتها السنة الفاتت .. قالوا أسمها فتة الحرامي .. اظنها فى السجانة ولا الحلة الجديده ماعارفه . تعرف الفته دي فيها مايونيز وزيتون .. وحاجات كتيييييرة ... تأكل لمن الله يغفر ليك ....... والغريبة الصحن لسه بكون مليان ... ما عارفة ليييه سموها فتة الحرامي ..

---

Post: #83 Title: Re: أحسن محل في الخرطوم ......... Author: Fadl Karrar Date: 12-19-2010, 11:08 AM Parent: #82 Quote: غايتو احلى فته بتاعت فول اكلتها السنة الفاتت .. قالوا أسمها فتة الحرامي .. عليك الله يا عفاف المحل دا وين ؟؟؟؟ إسم المحل شنو ؟؟ جمب شنو ؟ أي معلم بارز : جامع ، مزيرة ، طلمبة بنزين أي حاجة توصل Quote: والغريبة الصحن لسه بكون مليان بسم الله الرحمن الرحيم يا زولة قولي كلام تاني

---

Post: #84 Title: Re: أحسن محل في الخرطوم ......... Author: عفاف الصادق بابكر Date: 12-19-2010, 01:08 PM Parent: #83 Quote: عليك الله يا عفاف المحل دا وين ؟؟؟؟ إسم المحل شنو ؟؟ جمب شنو ؟ أي معلم بارز : جامع ، مزيرة ، طلمبة بنزين أي حاجة توصل/QUOTE] والله ما عارفه المحل وين ؟؟ لكن ذي ما قلت ليك فى السجانة ولا الحلة الجديد ما عارفه .. وتحديدا اسمها فتة الحرامى واي زول بعرفها .. انا بأكل وبس وما بسأل ..ههههههههه.. Quote: يا زولة قولي كلام تاني بسم الله قبل وبعد .. والله تأكل لمن تشبع .. لانه دسمها شديد .. Post: #85 Title: Re: أحسن محل في الخرطوم ......... Author: gamal elsadig Date: 12-19-2010, 01:13 PM Parent: #83 . Quote: محطة الدومة(اسماعيل الطهار) ده برضو أحسن محل للعملية دي .. . Post: #86 Title: Re: أحسن محل في الخرطوم ......... Author: الحارث سرالختم عبد الله Date: 12-19-2010, 01:27 PM Parent: #85 والله ياشباب انتوا احلى ناس انا غايتوا بتذكر زمان كان احلى محل سمك صاحبوا واحد اسموا احمد وبنقول لية احمد دارمالى توفى رحمة الله وكان فى شارع المعونة قرب محل استيلا الأن وبعد دا مابعرف تى حاجه غير ابو روف جنب البحر يوم الجمعه ودمتم بعافية Post: #87 Title: Re: أحسن محل في الخرطوم ......... Author: sari_alail Date: 12-19-2010, 01:45 PM Parent: #86 Quote: قالوا أسمها فتة الحرامي .. اظنها فى السجانة ولا الحلة الجديده ماعارفه الحرامي دا في الحلة الجديدة .. حلتنا و محمد الحرامي سيد الاسم .. الزول دا داير ليهو بوست براهو Post: #88 Title: Re: أحسن محل في الخرطوم ......... Author: Fadl Karrar Date: 12-19-2010, 02:02 PM Parent: #87 Quote: الحرامي دا في الحلة الجديدة .. حلتنا إذن يا ساري الليل تقبل عزومتي ليك في حلتكم عشان نشوف ( الحرامي ) دا ،،،، كفاية إنك وريتينا ( ح تورينا ) مكانو وين بالضبط Post: #97 Title: Re: أحسن محل في الخرطوم ......... Author: عفاف الصادق بابكر Date: 12-20-2010, 07:13 AM Parent: #87 sari_alail .. كيفنك يا زميل الفتة .. Quote: الحرامي دا في الحلة الجديدة .. حلتنا غايتو هى قالو موية فول ومعاها شوية فول .. فتة مبااااالغة .. تتكون من: سلطة روب .. مايونيز .. زيتون ... سلطة طماطم .. وزيت سمسم .. وحاجات كتييييييرة حاجات مباااالغة .. امى رحمة الله عليها اول ما اوصل السودان بتقول حضروا لى عفاف فتة الحرامى .. وطبعا انا كنت مستغربه شديد للاسم ده .. لكن منتظرين الــ : Quote: و محمد الحرامي سيد الاسم .. الزول دا داير ليهو بوست براهو بوست ومعاهو صحن كاااارب بالله .. وأسألوا لييييه الفتة بتاعته ما بتكمل من الصحن ... انا جاااده والله .. Post: #89 Title: Re: أحسن محل في الخرطوم ......... Author: Fadl Karrar Date: 12-19-2010, 02:10 PM Parent: #86 لك موفور الصحة والعافية ياحارث Quote: وبعد دا مابعرف أى حاجه غير ابو روف جنب البحر يوم الجمعه أظن دا محل المرحوم ( عم بلة ) الآن أولاده مشغلين المحل تمام التمام Post: #90 Title: Re: أحسن محل في الخرطوم ......... Author: الحارث سرالختم عبد الله Date: 12-19-2010, 08:05 PM Parent: #89 الله يعافيك اخى فضل فعلا اظنة اولادالمرحوم عمك بله عندهم قراقير خطيرة بس غالى شويه لكن يستاهل ودمت بالف عافيه ابوختم Post: #92 Title: Re: أحسن محل في الخرطوم ......... Author: عادل عبدالعزيز عبد الرحيم Date: 12-19-2010, 09:12 PM Parent: #90 احسن محل للشية فى ام درمان راكوبة زينب فى قندهار همبريب واكل طازه وخاصة السلطة والشطة بالدكوه اخخخخخخ يا ابوى Post: #93 Title: Re: أحسن محل في الخرطوم ......... Author: Fadl Karrar Date: 12-20-2010, 06:37 AM Parent: #92 Quote: وخاصة السلطة والشطة بالدكوه اخخخخخخ يا ابوى بعد الوحوحة دي يا عادل تقطع ليك جردل خلطة باااااااارد ( زبادي + شامبيون + 7 أب ) وتنتظر الجبنة مالك علينا ياخ من الصباح ؟؟ Post: #94 Title: Re: أحسن محل في الخرطوم ......... Author: ALZOLZATOO Date: 12-20-2010, 06:53 AM Parent: #93 Quote: احسن زولة بتعمل شاي في كوكب الارض والكواكب المجاورة قاعدة قدام مركز السودان للقلب .. يقلّل الكلستورل وينشط ضربات القلب ويغنيك الدخول للمركز.. لوووووووولز يعني الجماعة لو كان بيزوروها بره ماكان دخلو جوه احسن قدو قدو وين تحياتي زاتوووو Post: #95 Title: Re: أحسن محل في الخرطوم ......... Author: Fadl Karrar Date: 12-20-2010, 07:01 AM Parent: #94 Quote: احسن قدو قدو وين سؤال شرك ( بفتح الشين والراء ) عدييييل يا الزول تحياتي Post: #96 Title: Re: أحسن محل في الخرطوم ......... Author: ALZOLZATOO Date: 12-20-2010, 07:05 AM Parent: #94 Quote: ابوي كان بقول لو عاوز محل الاكل المظبوط اسال بتاعين التاكسي ياحبيبي الكلام ده في زمن ابوك اسع لو سالت بتاعي تاكسي ممكن يضاربك عديل كده ياود كرار ياخي انا جيت من السودان قريب جربت الباسطة بتاعة احسن مكان في امدرمان ماعجبتني ارجو الافادة مطعم سلوتير وامواج 100% تحياتي زاتووووو Post: #98 Title: Re: أحسن محل في الخرطوم ......... Author: Fadl Karrar Date: 12-20-2010, 07:41 AM Parent: #96 Quote: ياود كرار ياخي انا جيت من السودان قريب جربت الباسطة بتاعة احسن مكان في امدرمان ماعجبتني يا الزول لما تجي المرة الجاية خلاف العبد جرب باسطة سيريان فرش فوو د في المنشية شارع الستين جمب مسجد سيدة سنهوري عن تجربة باسطة ممتازة وتشكيلات متنوعة من المسكر شديد للسكر الخفيف دسم كامل وخالي دسم وأسعاره معقولة يظل أمواج ملك المطاعم السودانية ( الشعبية/ سياحية ) ويظل سولتير عالي التميز ( بالذات الخدمة ) Post: #99 Title: Re: أحسن محل في الخرطوم ......... Author: عثمان دغيس Date: 12-20-2010, 09:43 AM Parent: #98 البوست ده بي ضبانتو نقل إلى منتدى آخر وأخونا علي سند سأل سؤال لطيف لطف سائله ... يا أخوانا وين أحسن ( جهاز سودانيين عاملين بالخارج ) في الخرطوم ....! Post: #100 Title: Re: أحسن محل في الخرطوم ......... Author: احمد الأمين على إدريس Date: 12-20-2010, 10:10 AM Parent: #99 بوست ولا احسن كاتالوج بس. اها هسا لقينا الاحسن فى المحلات نلاقى المود والجيب والحال الاحسن وين ....! وكيف ولمتين ..!! Post: #104 Title: Re: أحسن محل في الخرطوم ......... Author: Fadl Karrar Date: 12-20-2010, 12:47 PM Parent: #100 Quote: نلاقى المود والجيب والحال الاحسن وين ....! مجهودات فردية يا أحمد الأمين ،،،، وبصراحة المود دا أصعب حاجة،،، الله يعين و لسه عندك عنصر مهم جداً مفقود وهو الصحبة الجميلة ــــــــ لو عرفت تصلح المود ،،، وريني كيف ( وش مدبرس جداً ) Post: #107 Title: Re: أحسن محل في الخرطوم ......... Author: sari_alail Date: 12-20-2010, 04:11 PM Parent: #100 في بتاع فول كويس اسمو زيكو صن ..قريب من مستشفى مكة للعيون .... الزول دا بكون فاتح لغايت قريب الصباح .... اما بخصوص التكاسة ف دا كان في الزمن الغابر .. هسع بيقولو باري المحامين لو داير تعرف محل العضة النضيفة .. بالمناسبة في المحل بتاع الفطائر اليونانية داك في شارع الجمهورية قريب من القنصلية المصرية .. زول عضتو كويسة برضو .. و محل فاتح ليهو فترة طويلة Post: #110 Title: Re: أحسن محل في الخرطوم ......... Author: Fadl Karrar Date: 12-21-2010, 06:53 AM Parent: #107 Quote: في بتاع فول كويس اسمو زيكو صن ..قريب من مستشفى مكة للعيون .... الزول دا بكون فاتح لغايت قريب الصباح صدق من سماك ساري الليل يا ساري الليل تحياتي Post: #102 Title: Re: أحسن محل في الخرطوم ......... Author: Fadl Karrar Date: 12-20-2010, 11:35 AM Parent: #99 Quote: البوست ده بي ضبانتو نقل إلى منتدى آخر ؟؟؟؟ Quote: وأخونا علي سند سأل سؤال لطيف لطف سائله ... يا أخوانا وين أحسن ( جهاز سودانيين عاملين بالخارج ) في الخرطوم ....! أوسكاااار يا عثمان تحياتي لسند Post: #101 Title: Re: أحسن محل في الخرطوم ......... Author: عاطف رميتي Date: 12-20-2010, 10:46 AM Parent: #98 دكان جوبي 00 بحري الشعبية جنوب .. فول على كيفك Post: #103 Title: Re: أحسن محل في الخرطوم ......... Author: Fadl Karrar Date: 12-20-2010, 12:17 PM Parent: #101 Quote: فول على كيفك قصدك self-service يا عاطف ؟؟؟ لو كان كدا يكون صاحب المحل حريف وبفهم الناس دايرة شنو وبيضمن رضاهم Post: #105 Title: Re: أحسن محل في الخرطوم ......... Author: راشد يحى مدلل Date: 12-20-2010, 01:45 PM Parent: #103 بوست جميل وشيق نحن مجموعة من الاصدقاء نفت لى بعض ضمن شماراتنا اليومية اماكن العضة السمحة والقهوة الشاى المزبوط وكدة .. لكين اسى الكلام بقى دوكيمنتيد ( Document ) فى واحد زميلى من دولة افريقية سالنى ذات ونسة وهو مغادر الى الخرطوم .. سالنى عن محلات يمكن ان يزورها وتحديداً مطاعم فقلتة ليهو امواج وشنو ماعارف .. قالى لا محلات شعبية ممكن تمشوها انتة واصحابك حينها اسقط فى يدى ولكن ربنا الهمنى بى سمك الموردة فيا صحاب لمزيد من التوثيق احسن محل بتاع اسكريم وانتة نازل من كبرى شمبات على يدك اليمين .. لاعندو لافتة ولا يحزنون بس كمية من العربات والناس واقفة والباب متاكى Post: #106 Title: Re: أحسن محل في الخرطوم ......... Author: Fadl Karrar Date: 12-20-2010, 02:17 PM Parent: #105 Quote: نحن مجموعة من الاصدقاء نفت لى بعض ضمن شماراتنا اليومية اماكن العضة السمحة والقهوة الشاى المزبوط وكدة ياخي تعال فت لينا شوية هنا،،، تكسب فينا ثواب يا راشد Quote: احسن محل بتاع اسكريم وانتة نازل من كبرى شمبات على يدك اليمين .. لاعندو لافتة ولا يحزنون بس كمية من العربات والناس واقفة والباب متاكى لو المحل دا يا هو ذاتو الشغال من سنة 2000 ،،، بقول ليك like لو ما هو يكون داك كان في نفس المحل االه يطراها بالخير أيام زمان Post: #109 Title: Re: أحسن محل في الخرطوم ......... Author: عفاف الصادق بابكر Date: 12-21-2010, 06:50 AM Parent: #106 محل شنداوي .. فى شارع الصحافة زلط كان فى الديم والان فى الامتداد ولا النزهه ما عارفه .. عنده دجاج مشوي مباااالغة .. ريحته بس تشبع .. Post: #111 Title: Re: أحسن محل في الخرطوم ......... Author: Fadl Karrar Date: 12-21-2010, 07:05 AM Parent: #109 Quote: دجاج مشوي أنحاز إنحياز كامل للمذكور أعلاه وأقف في صفه أينما كان Quote: ريحته بس تشبع من التتبيل وهو فن يجيده القلة ومنهم عمك كنتاكي Quote: محل شنداوي علم ( بضم العين ) ضمة حنين Quote: الامتداد ولا النزهه كان هنا أو هنا ،،، الإتنين قراب تشكري وتسلمي كتير كتير يا عفاف Post: #112 Title: Re: أحسن محل في الخرطوم ......... Author: فادية اليمني Date: 12-21-2010, 11:44 AM Parent: #111 احلى الشوربات والاكل التيستى و المثلجات وأفضل الخدمات ...بيتزا كورنر (الخرطوم 2) Post: #113 Title: Re: أحسن محل في الخرطوم ......... Author: Fadl Karrar Date: 12-21-2010, 12:37 PM Parent: #112 Quote: احلى الشوربات والاكل التيستى و المثلجات وأفضل الخدمات ...بيتزا كورنر (الخرطوم 2) مشكووووووورة يا فادية وأهدأ مطعم بيتزا وخدمات راقية ونضيف إسمو ( بيتزا كونكشن ) في الرياض فاتح علي سعودي Post: #115 Title: Re: أحسن محل في الخرطوم ......... Author: خـالد سـوميت Date: 12-22-2010, 01:17 AM Parent: #98 الاخ صاحب البوست تحياتي احسن كوارع ممكن تاكلها عند حاجة سكينة في الصحافة احسن سمك(صير) في المقرن عند قدورة مقرشه ساااااي احسن ليمون ممكن تشربو في كازبلانكا شارع البرلمان احسن سندوتشااات بتاعت كفته اولحمة في دكان صغيرون في شارع الجمهورية بين القنصلية المصرية وقهوة الصنايعيه سابقا فاتح لى بنك الخرطوم والبوسته الدكان ده صاحبتو على ما اعتقد يونانية عندها فرن جوه الدكان للعيش سندوتشاتها مبالغة المحل ما معروف لى ناس كتار الا الناس الذواقة والبعرفو العضة والخرطوم كويس احسن شاي في سوق العزبات جوار جامعة افريقيا احسن فول في بوفيه اتحاد عمال ولاية الخرطوم ش عبدالمنعم محمد احسن فراخ مشوي سوق نمرة 2 واحسن ايسكريم اسكريم وحيد الخرطوم 3 جوار نادي الاسرة الكلام ده كان قبل 10 سنوات والخرطوم كل يوم فيها جديد من ناحية الطيبات Post: #116 Title: Re: أحسن محل في الخرطوم ......... Author: sari_alail Date: 12-22-2010, 05:06 AM Parent: #115 Quote: احسن سندوتشااات بتاعت كفته اولحمة في دكان صغيرون في شارع الجمهورية بين القنصلية المصرية وقهوة الصنايعيه سابقا فاتح لى بنك الخرطوم والبوسته الدكان ده صاحبتو على ما اعتقد يونانية عندها فرن جوه الدكان للعيش سندوتشاتها مبالغة المحل ما معروف لى ناس كتار الا الناس الذواقة والبعرفو العضة والخرطوم كويس قصدك محل الفطائر اليونانية ... :) Post: #117 Title: Re: أحسن محل في الخرطوم ......... Author: Fadl Karrar Date: 12-22-2010, 06:44 AM Parent: #115 Quote: احسن كوارع ممكن تاكلها عند حاجة سكينة في الصحافة احسن سمك(صير) في المقرن عند قدورة مقرشه ساااااي احسن ليمون ممكن تشربو في كازبلانكا شارع البرلمان احسن سندوتشااات بتاعت كفته اولحمة في دكان صغيرون في شارع الجمهورية احسن شاي في سوق العزبات جوار جامعة افريقيا احسن فول في بوفيه اتحاد عمال ولاية الخرطوم ش عبدالمنعم محمد احسن فراخ مشوي سوق نمرة 2 واحسن ايسكريم اسكريم وحيد الخرطوم 3 جوار نادي الاسرة والله يا خالد سوميت ما خليت شئ وصفة متكاملة للتلات وجبات ووجبات النص والأيسكريم والشاي تسلم يا حبيب ما قصرتا تب تحية خاصة لـ Quote: احسن شاي في سوق العزبات جوار جامعة افريقيا Post: #118 Title: Re: أحسن محل في الخرطوم ......... Author: Fadl Karrar Date: 12-23-2010, 06:35 AM Parent: #117 تسجيل إشادة عن تجربة صاج السمك العمارات سوق 41 إمتزاج الطبيعة والتقنية قطاطي من القش ،،، أرضية مفروشة بالرمل ،،،، المقاعد بنابر مريحة جداً البيع بالكيلو والكاشير يحاسب علي أساس قراءة الميزان الإلكتروني يعني ممكن يكون وزن السمك 2,179 كيلو أو 1,643 كيلو وهكذا وتدفع علي اساس أن سعر الكيلو 20 جنيه معظم العمال لو ما كان كلهم من اثيوبيا المكان علي صغر حجم إلا أن المساحة المتاحة مستغلة جيداً ( الغسالات علي الأعمدة الخرصانية ) ،،،،، أهم حاجة إنو الزيت يستخدم مرة أو مرتين فقط ويستبدل يعني صحي جداً ويجيك السمك يرقش زي الدهب ( ما شاء الله ) Post: #119 Title: Re: أحسن محل في الخرطوم ......... Author: Fadl Karrar Date: 12-23-2010, 08:54 PM Parent: #78 عشان مناسبة خاصة جداً Post: #120 Title: Re: أحسن محل في الخرطوم ......... Author: Fadl Karrar Date: 12-26-2010, 06:29 AM Parent: #119 أحسن شارع في الخرطوم شارع بشير النفيدي ( شارع الستين ) طول X عرض إنارة ممتازة قلة شارات المرور ( الاستوب ) تنواع المحلات علي جانبيه مساجد ، مطاعم ، سوبر ماركتز ، أثاثات ، مكتبات ،،، ألخ ألخ يعيبه فقط عدم وجود إشارات للمنعطفات الداخلية ( u - turn ) يعني لو ما بتعرف الشارع كويس ممكن تمشي مشوار طويل جداً عشان تلقي مكان ما داير خاصة لو كان بالناحيةالتانية ودي مشكلة حلها سهل جداً ولكنها غاية في الأهمية Post: #121 Title: Re: أحسن محل في الخرطوم ......... Author: خـالد سـوميت Date: 12-26-2010, 10:45 PM Parent: #120 Quote: قصدك محل الفطائر اليونانية ... :) انته معلم والله ياهو زاتو Quote: والله يا خالد سوميت ما خليت شئ وصفة متكاملة للتلات وجبات ووجبات النص والأيسكريم والشاي تسلم يا حبيب ما قصرتا تب تحية خاصة لـ Quote: احسن شاي في سوق العزبات جوار جامعة افريقيا سوق العزبات ده مشهور يامان لازم تجرب شراب الشاي بهناك معظم الشباب بيجومجموعات عطلة جد خالص التحايا ياحبيب Post: #122 Title: Re: أحسن محل في الخرطوم ......... Author: Fadl Karrar Date: 12-27-2010, 06:25 AM Parent: #121 Quote: سوق العزبات ده مشهور يامان لازم تجرب شراب الشاي بهناك الإسم غريب شوية يا جمال غريب وطريف أكيد الإسم ح يكون داير في رأسي لو جيت ماري بي هناك ونجرب إنشاء الله Post: #123 Title: Re: أحسن محل في الخرطوم ......... Author: بكري عباس علي Date: 12-27-2010, 08:26 AM Parent: #122 بما اني بحراوي وكدة فانا بثني علي فول عم عبد السلام الوراء هافانا والمحل طبعا كان زحمة رهيبة بحكم قربه من السوق وبرضه طلاب بحري الحكومية ( لدرجة كنا بندس الصحن بتاعنا في محل مجاور للمطعم عشان ما نتاخر ) الكلام دا طبعا بدري لكن ما تسالوني بتين اما بالنسبة لبتاع الايسكريم الجنب صينية المظلات فدا مبالغة اتذكر مرة مشيت اشتريت لبت اختي وقلت اجرب ياخي بقيت مدمن عديل كدة وطبعا البيع بالكيلو والربع زي الباسطة ولما تبدا تلهط فيهو خلاص بتفقد المنطق خالص لغاية ما تكملو امابالنسبة للباسطة وكدة طبعا حلواني بحري الفي شارع البلدية مقابل عمارة ابراهيم طلب لا يعلي عليه ولا تقول سيد مكي ولا غيره Post: #124 Title: Re: أحسن محل في الخرطوم ......... Author: Fadl Karrar Date: 12-27-2010, 09:50 AM Parent: #123 Quote: بما اني بحراوي وكدة فانا بثني علي فول عم عبد السلام الوراء هافانا والمحل طبعا كان زحمة رهيبة بحكم قربه من السوق وبرضه طلاب بحري الحكومية ( لدرجة كنا بندس الصحن بتاعنا في محل مجاور للمطعم عشان ما نتاخر ) الكلام دا طبعا بدري لكن ما تسالوني بتين اما بالنسبة لبتاع الايسكريم الجنب صينية المظلات فدا مبالغة اتذكر مرة مشيت اشتريت لبت اختي وقلت اجرب ياخي بقيت مدمن عديل كدة وطبعا البيع بالكيلو والربع زي الباسطة ولما تبدا تلهط فيهو خلاص بتفقد المنطق خالص لغاية ما تكملو امابالنسبة للباسطة وكدة طبعا حلواني بحري الفي شارع البلدية مقابل عمارة ابراهيم طلب لا يعلي عليه ولا تقول سيد مكي ولا غيره يا بكري كلامك يشهي والله لكن العنصرية لي بحري عملتها ظاهرة وذكرتني أيامكم ديك أيم يا شباب بحري قالوا بتحبوا تسلم يا حبيب

---