الضربات اللازبة* في جعل الإنفصال جاذبا

الضربات اللازبة* في جعل الإنفصال جاذبا


ناس الحكومة:

بمناسبة وبدونها يصرحوا:
=يوجد نفط في كل الشمال، بل إن الشمال يعوم في بحيرة من النفط
= وهو ذاتو الإنفصال أحسن إقتصاديا للشمال
= سوف تقل الجريمة في الشمال وتقل نسبة الأطفال اللقطاء بأكثر من سبعين في المئة وكذلك الدعارة
= سوف يحرم الجنوبيين من الجنسية السودانية (سبب أكثر من كافي للانفصال)
= سوف نغرق الاسواق بالعمالة المصرية والبنغالية (وهو ذاتو حكاية قدح المونة إنتهت زمان)
= السودان سيكون متجانس ثقافيا ودينيا وعرقيا
=وأهو فرصة نغير الإسم القبيح دا (بيضان بتضحك خلق الله، سمران قمحان ...ممممم نفكر ونشوف)
=وفرصة نعمل كونفدرالية مع مصر (شايفين، الوحدة مع مصر ما كانت برنامج الاتحاديين، وكما الجنوبيين كنا زمان إتوحدنا)
=ولا نقول ليكم نعمل وحدة عربية عديل كدا، العقبة شنو تاني؟؟؟؟
=أنه زوجات زعماء الجنوبيين من اليهود (أها دايريننا نتوحد مع اليهود؟)

وغير التصريحات ولجعل الانفصال أكثر جاذبية
=إعتقال الشماليين المباريين الجنوبيين وتعذيبهم حتي الموت
=تسليح أكثر وأكثر لقبائل التماس (عشان الجنوبيين مش ينسوا حكاية الوحدة نهائي، بل وما يهوبوا ناحية الشمال)
=التسلح التسلح التسلح (ما التسلح الخلقي بتاع طيب الذكر عبد الله رجب، دبابات وصواريخ ومدافع وتحت تحت قنبلة نووية)
=مزيد من القمع في دارفور (تنفصلوا يا الجنوبيين ولا نعمل فيك ما نعمله في الغرابة؟؟؟)

ناس المعارض:
=يضربوا طناش شوية كدا وبعدين يعملوا مؤتمر أو تحالف أو جبهة أو حتي إعلان
=وتاني يضربوا طناش
=وعشان يجعلوا الإنفصال أكثر جاذبية يقوموا يباروا ناس الحكومة بالطوالات كدا

ناس المنبر
=شوية كورة
=وتاني كورة
=ولو جاء جنوبي يشتكي من واحد من ناس الحكومة ضربه في عينه يحققوا معاه أكثر من زول الحكومة
=ويكتروا منو بوستات النفط في الشمال والبت السورية البتغني للكاشف



*أنا ذاتي كنت بفتش في طريقة إستعمل عبارة ضربة لازب حتي جاء ملاسي فصار العلقم في حلوقنا عسلا

Up

احي يا ناصر
بالله اقرا وتامل لهذه الكفآت الجنوبيه
وبعد ده يقنعونا كيف بانه الانفصال جاذب؟؟؟
المواطن الجنوبي بين سندان نيفاشا ومطرقة الانفصال/كور داو منوير دينق
شوف الزول ده بيكتب كتابه مليانه كيف؟؟؟
وكلهم مثله...يعلم الله الصحفين الجنوبين اروع ما يكون.....
الذهب الاسود الحقيقي(الذي نخسره بالانفصال) هو (انسان ال...ليس (النفط) يا تولس!
لذا قلت انه خسارتنا في انسان الجنوب لا تعوض.


وشوف محن محمد فرح القال جاي يبشر بالوحده؟؟؟
مواطنو رمبيك يرفضون التسجيل للإستفتاء ويطالبون بمن يعلمهم الإسلام
اها بالله يا ناصر....
نفارق ناس كور ديل عشان نقرأ لناس محمد فرح؟؟؟تخيل مدى تعاستنا!!





ناصر رسل لي مسانجر بالله
بقدر ارد ولكن ما بقدر ارسل لك
هنالك الكثير ليقال..حنفضل متفرجين كده لمتين!!
وتلفوني في البروفايل لو عندك زمن,مودتي.

ود عباس
كل الناس دي شايفة وبتطعن في ضُلّو..
بس سيظل أهل السودان الشرفاء والحادبين على مصلحته ومصلحة مواطنيه ، سيظلون قابضين على الجمر ..
وما زلت أحلم بالوحدة ..

يا تراجي قريت موضوع كور داو منوير دينق وأصابني بحزن شديد
الانفصال والوحدة الاثنين خيارات احلاها مر
الله يجيب العواقب سليمة

يا ود قاسم يا زهر المواسم
برضو نقول الله يجيب العواقب سليمة