Post: #1
Title: خلفاً لكروجر .. مدرب المريخ الجديد ........
Author: omer osman
Date: 11-30-2010, 02:00 PM
سامر العمرابي تستطيع الزعيم أن تؤكد أن الفرنسي هيرفي رينارد مدرب منتخب زامبيا السابق بات أقرب المرشحين لتدريب الفرقة الحمراء في الموسم الجديد وذلك على خلفية الاتصالات المكثفة التي بدأت معه في الأيام القليلة الماضية بواسطة شخصية رفيعة وقد أبدى المدرب الفرنسي البالغ من العمر 42 عاماً موافقته المبدئية على تدريب المريخ استناداً على معرفته بالكرة الأفريقية والسودانية وسمعة النادي في البطولات الأفريقية ومن المتوقع أن تكتمل المفاوضات بصفة رسمية في غضون هذا الأسبوع بعد ان يتسلم المدرب عرض النادي الرسمي، يذكر أن هيرفي رينارد كان قد تولى تدريب المنتخب الزامبي قبل عامين وانتهى عقده وذلك بمنحة من الحكومة الفرنسية لزامبيا في إطار بروتكولات رياضية بين البلدين.
http://www.alzaieem.net/dimofinf/news.php?action=show&id=1619
|
Post: #2
Title: Re: خلفاً لكروجر .. مدرب المريخ الجديد ........
Author: omer osman
Date: 11-30-2010, 02:04 PM
Parent: #1
يبدو ان الأهلي المصري على الخط ..........
قال المدرب الفرنسي هيرفي رينارد أنه يتمنى أن يتولي القيادة الفنية لفريق الأهلي خلال الفترة المقبلة ، معرباً عن أمله في أن يصبح علي رأس الجهاز الفني للفريق الأحمر . وأكد رينارد في تصريحات تليفزيونية أنه تلقي عرضاً لتدريب النادي الأهلي المصري عن طريق أحد الوكلاء ، مؤكداً أن هناك أحد المسئولين بالنادي عرض عليه إمكانية تولي قيادة الفريق خلال الفترة المقبلة . وعبر المدير الفني الفرنسي عن سعادته بالدخول ضمن ترشحيات المدريين الفنيين المتوقع قيادتهم لفريق الأهلي ، مؤكداً أن ذلك يعد شرفاً كبيراً له . ونفي مدرب زامبيا وأنجولا السابق أن يكون قد تحدث مع إدارة النادي أو أي مسئول به في الراتب الذي من المتوقع أن يحصل عليه في حال الاستقرار علي اعتلائه القيادة الفنية في القلعة الحمراء . وأوضح رينارد أن المفاوضات التي تتم من جانب الأهلي لضمه أتت عن طريق وكيله الخاص والذي يقوم بإدارة المفاوضات مع النادي القاهري ، مؤكداً أنه يعلم أن هذه المفاوضات جدية وتحدثوا في الكثير من شروط التعاقد لكن المفاوضات غير نهائية ، ولم يتم إرسال تصور العقد نفسه إليه . وختم قائلاً " أعلم أن هناك العديد من الأسماء المرشحة لتدريب النادي الأهلي لأنه فريق كبير وعريق ، الأمور لم تحسم بعد ، ولا أعلم هل ستتعاقد الإدارة معي أم لا ، لكنني أتمني أن تنجح هذه المفاوضات ، لأن كرة القدم ليست أموال فقط " . و يبرز أسم الفرنسي هيرفي رينارد ضمن قائمة تحوي العديد من المديرين الفنيين الأجانب المرشحين لقيادة الفريق الأول بالنادي الأهلي ، بعد استقالة الجهاز الفني السابق بقيادة الكابتن حسام البدري .
http://new.el-ahly.com/pages/News.aspx?aid=24662&ZID=3&...2B%D9%81%D9%82%D8%B7
|
Post: #3
Title: Re: خلفاً لكروجر .. مدرب المريخ الجديد ........
Author: omer osman
Date: 11-30-2010, 02:09 PM
Parent: #2
شف ممدوح الساعاتي وكيل اعمال هيرفي رينارد المدير الفني السابق لمنتخب زامبيا وانجولا عن تضاءل فرصه في قيادة القلعة الحمراء بداية من يناير القادم عقب الاستقالة التي تقدم بها حسام البدري المدير الفني السابق للفريق. واكد الساعاتي ان لجنة الكرة برئاسة حسن حمدي ابلغته بتوقف المفاوضات معه حتي اشعار اخر لرغبتها في مدير فني اجنبي صاحب انجازات كبيرة علي المستوي المحلي والافريقي معا فضلا عن قدرته علي السيطرة علي اللاعبين مشيرا الي ان الفرنسي رينارد حتي وقت قريب كان من اقوي المرشحين لخلافة حسام البدري
http://www.stadna.com/news3292.aspx/%D9%85%D9%85%D8%AF%...B9%D9%8A%D9%81%D8%A9
|
Post: #4
Title: Re: خلفاً لكروجر .. مدرب المريخ الجديد ........
Author: عبدالمجيد المقابل
Date: 11-30-2010, 03:57 PM
Parent: #3
جنابو سلامات
سوف يغادر كروجر المريخ وسوف يظل عاطلا" عن التدريب إلي حين إستدعائه لتدريب المريخ في الدورة الثانية و هكذا دواليك !!!
=
بصراحة كورة أمس مسخت لينا الكرة السودانية.... إبداع بلا حدود !!!
|
Post: #5
Title: Re: خلفاً لكروجر .. مدرب المريخ الجديد ........
Author: khaleel
Date: 11-30-2010, 04:04 PM
Parent: #4
والله يا سعادتك
حيرتونا انتو عندكم خزائن الارض ونحن ما عارفين
كروجر وقع عقد تلاتة سنوات
فيه شرط جزائي
والدافي قبض مليون واربعمائة الف دولار ولم يلعب
والنفطي لو شطب برضو عندو شرط جزائي
انتو بتجيبو القروش دي من وين
مشتاقين ياخ وافتح تلفونك
|
Post: #6
Title: Re: خلفاً لكروجر .. مدرب المريخ الجديد ........
Author: احمد محمد احمد عتيق
Date: 11-30-2010, 06:02 PM
Parent: #5
يا اخوي نحن دايرين بتاع البرشا الامس دة ....يا بلاش..
|
Post: #7
Title: Re: خلفاً لكروجر .. مدرب المريخ الجديد ........
Author: عمران حسن صالح
Date: 11-30-2010, 06:55 PM
Parent: #6
يا سعادتكـ الزول ده قلبو حاااااااار
أولادنــا ما بحبو الهرشة ( أولادنا دي تعني البلد كلها ) 
|
Post: #9
Title: Re: خلفاً لكروجر .. مدرب المريخ الجديد ........
Author: عمران حسن صالح
Date: 11-30-2010, 07:07 PM
Parent: #7
أولاد بمبا الأباليس فتشوهو في الفيس بوكـ وشبكو ليكـ حا تكون سعيد لو جيت الأهلي
أعفص هنــــا
|
Post: #17
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 09:03 AM
Parent: #7
Quote: يا سعادتكـ الزول ده قلبو حاااااااار
أولادنــا ما بحبو الهرشة ( أولادنا دي تعني البلد كلها ) |
هلا عمران ...........
اتخيل ممكن اللعيبة يتقبلوا الهرشة اذا كانت بتوازن .... يعني يكون بره الميدان قادر على خلق صلات طيبة مع اللعيبة
واقناعهم بأنه يملك الكثير ليقدمه لهم .......... لكن هرش ساكت كده مابنفع
|
Post: #8
Title: Re: خلفاً لكروجر .. مدرب المريخ الجديد ........
Author: امير عوض الجمري
Date: 11-30-2010, 07:04 PM
Parent: #6
Quote: حيرتونا انتو عندكم خزائن الارض ونحن ما عارفين
كروجر وقع عقد تلاتة سنوات
فيه شرط جزائي
والدافي قبض مليون واربعمائة الف دولار ولم يلعب
والنفطي لو شطب برضو عندو شرط جزائي
انتو بتجيبو القروش دي من وين |
عين الحسود فيها عود
عين الصبي شراً غبي
عين الفتاة فيها واطة (عشان صورة بنيتك الامورة دي ممكن تكون داخلة في الحسادة)
عين العجوز العنطروس
اخرجي يا عين يا عنية قهرتك باللدية والرسول دخرية
اخرجي .. اخرجي .. اخرجي ..
يا مفلسين .. يا مفلسين .. يا مفلسييين ... يا مفلسييييييييييييييين
( الفوق دي على وزن مشكرين ومقدرين يا مدرسات يا مدرسين ) .
يا جنابو شوفوا لينا مورينو بعد زعمطة امبارح دي امكن يودع الريال خليهو يجي لـ (الدولار).. هههههها.
يا جماعة مافي مدربين طليان في السوق ... ياخي نحنا دفاعاتنا داااايماً خاذلانا شوفو واحد طلياني خلي يكرّب لينا الدفاع دا .... وحبة حبتين دي في كل كورة بنجيبا ما عندنا مشكلة (مش ابو ميشو حا يشطب سادومبا !!!) وتيّب .
|
Post: #10
Title: Re: خلفاً لكروجر .. مدرب المريخ الجديد ........
Author: امير عوض الجمري
Date: 11-30-2010, 07:08 PM
Parent: #8
يا| Quote: سعادتكـ الزول ده قلبو حاااااااار |
لا حولاااااااااااااااااا .... بالله يا عمران هو يهندا بتاع زامبيا ...
ياخي والله كوريكا زي دي لي عبد الحميد السعودي .. في نجران ما نلم فيهو تاني !!! ههههههها .
|
Post: #11
Title: Re: خلفاً لكروجر .. مدرب المريخ الجديد ........
Author: ahmed khidir
Date: 12-01-2010, 04:37 AM
Parent: #10
جنابو
سلامات
مبروك عليكم كاس السودان
وعلينا الدوري
مشكلتكم ما سواق
مشكلتكم تغير جلد
ادارة ولاعبين
تخريمه
عودة الوالي ليها دور في ابعاد كروجر
يقال الود معدوم بينهم
|
Post: #12
Title: Re: خلفاً لكروجر .. مدرب المريخ الجديد ........
Author: عبدالله كع
Date: 12-01-2010, 07:19 AM
Parent: #11
ما عندي تعليق علي مدربكم
الكان حيكون في خبر كااااااااااااااان ومعهو بقية 28 رلاعب يا عمر وايا امير الجمري
قال ليك ...
!مسطول واقف جنب البحر في الجريف
و بعد ما سطل سطلة صاح الصاح
شاف البحر ماشي عكس
قاليهم: لو اتكلمنا تقولو مساطيل و لو سكتنا مدني بتغرق
-
يعني الفرنسي ده حا يعمل من العجب - هيثم سيدا !!
|
Post: #13
Title: Re: خلفاً لكروجر .. مدرب المريخ الجديد ........
Author: امير عوض الجمري
Date: 12-01-2010, 08:15 AM
Parent: #12
Quote: تخريمه
عودة الوالي ليها دور في ابعاد كروجر
يقال الود معدوم بينهم |
احمد خضر كل سنة وانت طيب .. يا اخوي كروجر ودعناهو الله والرسول
الوالي بجيب لينا مليون كروجر .... لكن كروجر محافظ ما يجيب !!! ههههههههها
ولو الوالي مختلف مع مورينو برضو ما دايرين مورينو ... الله يحفظ لينا والينا ....
كعاكيعو يا عسل .. نهارك قشطة
| Quote: يعني الفرنسي ده حا يعمل من العجب - هيثم سيدا !! |
لا يعمل من الباقر التاج عصيدا ... (دي بنعرفها انا وكع ) طبعا مع الاحتفاظ بنفس المواقع يا كع ...
وبطريقتك حلها .
|
Post: #20
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 09:13 AM
Parent: #12
| Quote: يعني الفرنسي ده حا يعمل من العجب - هيثم سيدا !! |
اى مدرب يتمني وجود لاعب مثل العجب ضمن فريقه .......
هيثم لعاب مافي شك لكن العجب مبدع ........
|
Post: #19
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 09:07 AM
Parent: #11
Quote: مشكلتكم ما سواق
مشكلتكم تغير جلد
ادارة ولاعبين |
والله يا احمد بتفق معاك في حتة الادارة لكن بختلف معاك في حتة اللعيبة .......
ما شايف تميز كبير كده للعيبة الهلال على المريخ .... وياهو الموجود عندنا في السودان ....
|
Post: #18
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 09:05 AM
Parent: #8
Quote: يا جنابو شوفوا لينا مورينو بعد زعمطة امبارح دي امكن يودع الريال خليهو يجي لـ (الدولار).. هههههها.
|
مورينو عديل كده ياالجمري ............. طيب ماتشوفوا لينا الساحر الفرنسي (برنو ميتسو) شكلو ما حيطول مع القطريين ديل .....
|
Post: #16
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 09:00 AM
Parent: #6
| Quote: يا اخوي نحن دايرين بتاع البرشا الامس دة ....يا بلاش.. |
احمد عتيق يااخوي .........
النمد رجلينا قدر لحافنا .......... البرشا ده فريق ممكن يلعب في دوري المجرات الأخري
|
Post: #15
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 08:57 AM
Parent: #5
| Quote: لأن كرة القدم ليست أموال فقط " |
خليل ياهندسة ........
هذا ماقاله المدرب الفرنسي كرة القدم ليست اموال فقط ..........
لذلك لم تشفع لنا كل خزائن الارض التى اشرت لها .....
المريخ يحتاج الى ادارة متطورة ومدرب مبدع ذو خيال ..............
|
Post: #14
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 08:55 AM
Parent: #4
| Quote: سوف يغادر كروجر المريخ وسوف يظل عاطلا" عن التدريب إلي حين إستدعائه لتدريب المريخ في الدورة الثانية و هكذا دواليك !!! |
تعرف يادكتور معلومة انو كروجر كان عاطل عن التدريب دي ماصحيحة ولو فتشت كويس في النت بجيب ليك الفريق الكان بدربوا ...
في تقديري الشخص كروجر مدرب عادي جداً ولايكفي ان يكون الماني ليكون مدرباً متميزاً ...
|
Post: #21
Title: Re: خلفاً لكروجر .. مدرب المريخ الجديد ........
Author: امير عوض الجمري
Date: 12-01-2010, 09:40 AM
Parent: #14
| Quote: طيب ماتشوفوا لينا الساحر الفرنسي (برنو ميتسو) |
يا عمر قايلني ما فكرت فيهو .. والله الرجل دا فعلا ساحر
لكن اظنه سعره عالي وهو اغلى مدرب في منطقة الخليج الآن...
طيب ما نخلي هارون دياب يشوف لينا الموضوع دا
|
Post: #22
Title: Re: خلفاً لكروجر .. مدرب المريخ الجديد ........
Author: omer osman
Date: 12-01-2010, 10:00 AM
Parent: #21
Quote: يا عمر قايلني ما فكرت فيهو .. والله الرجل دا فعلا ساحر
لكن اظنه سعره عالي وهو اغلى مدرب في منطقة الخليج الآن...
طيب ما نخلي هارون دياب يشوف لينا الموضوع دا |
الزول ده يا امير ....... مسك العين الاماراتي طق .. طق ... شال بيهو كأس اسيا بنفس اللعيبة الموجودين
|
Post: #23
Title: Re: خلفاً لكروجر .. مدرب المريخ الجديد ........
Author: وليد عبد اللطيف
Date: 12-01-2010, 11:32 AM
Parent: #22
عمرد عثمان جابوا ( يدرب المريخ )
وطارق الكوتش ( يدرب الهلال )
ياعمر المريخ ما محتاج لمدرب كبير لان عقلية اللاعب السوداني لاتسمح بذلك
حتى في الدول الاوربية الناس بتعاين لمرحلة سن اللاعبين عند احضار المدربين
إلا في السودان والدول العربية لاينتبهون الى ذلك لان لكل مرحله مدرب متخصص
يادوب المريخ محتاج لمدرب محلي وممكن يكون جمال ابوعنجه لاعب يفهم اللاعبين ويفهموه
اكيد جمال عندما كان لاعب ومدرب استفاد من الخبرة الاجنبية واضافة للاشياء التي يملكها تكفي لقيادة المريخ
ودا ياعمر لان لو ملاحط عندما يأتي المدرب الاجنبي بدل ما يصعد بنا الى اعلى ننزل به الى اسفل .
| Quote: يعني الفرنسي ده حا يعمل من العجب - هيثم سيدا !! |
ياكع دا كلام زعل بس
شوف هيثم (جميل ) والعجب ( نادر )
|
Post: #24
Title: Re: خلفاً لكروجر .. مدرب المريخ الجديد ........
Author: قلقو
Date: 12-01-2010, 02:49 PM
Parent: #23
الأخ عمر عثمان,
قصة تغيير المدربين هذى تذكرنى بقصة الأشقاء الخمسة الصعايدة الذين ورثوا عن والدهم تاكسى يعمل بين الأرياف . وزيادة فى الحيطة منهم والحذر ولكى لايسرق منهم السائق من ايراد التاكسى اخذ الخمسة الأشقاء يركبون التاكسى مع السائق طالعين نازلين . وطبعا فى النهاية لن يكون هناك اى ايراد . ثم اخذوا يفكرون عن حل لهذه المشكلة فقال لهم اكبرهم سنا احسن نحكى المشكلة دى لعمنا الكبير عسى ولعل يلقى لينا حل . وبالفعل ذهبوا لعمهم وحكوا له الحكاية.
اخذ عمهم يحك رأسه ويفكر ويفكر وفى النهاية قال لهم وجدتها , احسن حاجة يااولاد انو نغير السواق .
الا ينطبق هذا الكلام ياعمر على فريقى الهلال والمريخ على حد سواء فهم يغيرون المدرب وراء المدرب والحال ياهو ذات الحال. .
|
Post: #25
Title: Re: خلفاً لكروجر .. مدرب المريخ الجديد ........
Author: Abdlaziz Eisa
Date: 12-01-2010, 03:36 PM
Parent: #24
سلامات جنابو
المريخ بيستاهل قارديولا ذاتو لكن..
الساحة المحلية بها العديد من المدربين المتميزين
وديل ممكن يعملوا شئ أفضل من الأجانب لو لقوا راحتهم في التدريب..
ونتخلص من اللاعبين الأجانب كمان..
تحياتي
|
|