Post: #1 Title: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 11:21 AM Parent: #0
موجة طاغية من الاعجاب و الفرح بالبنت السورية التي غنت اغنية الكاشف ما هي اسبابها ؟ هل لأننا اكتشفنا أنهم يسمعون موسيقانا ؟ هل لأنهم -فيهم الخير- تذكرونا؟ هل لجمال البنت علاقة بالموضوع؟ هل.......؟
Post: #2 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Yassir Tayfour Date: 11-30-2010, 11:29 AM Parent: #1
For sure NO... ___ Salamat Dr Saif!
Post: #5 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: عبدالعزيز حسين عبدالرحيم Date: 11-30-2010, 11:39 AM
مرحب يا دكتور سيف
قبل ما أجيب ليك أحييك على العنوان عندي حساسية من الناس البمرقوا نفسهم مننا ويفكوها فينا هسع لو واحد غيرك منهم فتح البوست كان قال
يا ترى لو غنت ليكم اسم جميل تشادية اوصومالية كنتم ستفرحون هكذا ؟ ويطلع نفسه ممنا ... وشكرا على العنوان وأحييك تاني
بالنسبة للأغنية أجيبك بنعم لكن بشرط أن يجود الأداء والموسيقي مثل هذه الغنية مع إضافة مثال النكهة اللذيذة المميزة الأضافتها البت دي للغنية والدليل هسع في أغاني سودانية كتيرة بغنوها الاثيوبيين والارتريين وبسعدنا سمعاها رغم سوء أداءها
Post: #3 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: tmbis Date: 11-30-2010, 11:33 AM Parent: #1
Quote: هل لأننا اكتشفنا أنهم يسمعون موسيقانا ؟ هل لأنهم - فيهم الخير - تذكرونا؟ هل لجمال البنت علاقة بالموضوع؟ هل.......؟
هل لما سمعتها ما اتكيفته ..؟ هل سمعت قبل كدا فرقة سورية غنت للكابلي عقبال بيك نفرح يا زينـة بإحساس ناس متكيفه من النوعية دي من الغناء ..؟ هل سمعت قبل كدا نشيد اطفال بدري صحيت من نومي قدمتو فرقة أردنية ونال جائزة في مهرجان متخصص للونية دي ..؟ هل سمعت قبل كدا المغنية الاثيوبية (همال مال ابت) غنت اغنية سودانية اسمه حبيبي السافر ..؟ هل سمعت قبل كدا المغنية الصينية مع كورال سوداني .. بتغني وطن الجدود ..؟
هل لديك اهتمامات موسيقية .. بجانب اهتماماتك الأخرى ؟
Post: #4 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: وليد عبد اللطيف Date: 11-30-2010, 11:36 AM Parent: #1
سيف النصر ... سلامات وكل سنه وانت طيب
Quote: هل لأننا اكتشفنا أنهم يسمعون موسيقانا ؟
نعم
Quote: هل لأنهم -فيهم الخير- تذكرونا؟
نعم
Quote: هل لجمال البنت علاقة بالموضوع؟
نعم
Quote: هل.......؟
نعم تخيل النعمات دي كلها ولكن عندما وصلت في الحته البتقول من العيون يالله السلامه ولوحت سلام بيدها . طوالي قفلت التلفزيون وقلت كفاية خرمجت فنانينا لي اغاني الاسطورة الكاشف الكاشف بصوته وطريقته يعبر عن معنى الكلمه اخخخخخخخخ انا مغصه بس بس الناس ديل منظمين وحلوين ونضاف ويحترموا الفن الذي نحن لانحترمه لذلك غفرت لهم وعشانك ياجميل برجع عشان اتفرج على النظام فقط والترتب فقط للموسيقى وبغطي عيني عشان ما اسمع غناء البنت . هه هه هه
Post: #6 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 11:43 AM Parent: #4
Quote: For sure NO
This is a direct hit to the target ya Yassir
Post: #8 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 11:50 AM Parent: #6
Quote: هل لما سمعتها ما اتكيفته ..؟
بصراحة: اتكيفته
Quote: هل سمعت قبل كدا فرقة سورية غنت للكابلي عقبال بيك نفرح يا زينـة بإحساس ناس متكيفه من النوعية دي من الغناء ..؟ هل سمعت قبل كدا نشيد اطفال بدري صحيت من نومي قدمتو فرقة أردنية ونال جائزة في مهرجان متخصص للونية دي ..؟ هل سمعت قبل كدا المغنية الاثيوبية (همال مال ابت) غنت اغنية سودانية اسمه حبيبي السافر ..؟ هل سمعت قبل كدا المغنية الصينية مع كورال سوداني .. بتغني وطن الجدود ..؟
سمعت بس بدري صحيت من نومي بتاع الاردنيين.
Quote: هل لديك اهتمامات موسيقية .. بجانب اهتماماتك الأخرى ؟
ليس لدي اهتمامات موسيقية، انا مجرد مستمع عادي.
Post: #7 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Haytham Mansour Date: 11-30-2010, 11:49 AM Parent: #4
أخي الفاضل سيف
انه بعض من استلاب لكل ما هو عربي فلو تغنت بها صومالية يمكن ان تجد بعض الاهتمام بحسان القرب الجغرافي للصومال من اليمن و بالتالي للجزيرة العربية اما الاخوة التشاديين فانهم يتغنون و منذ امد بعيد بالاغاني السودانية ولا احد يحفل بذلك انه الاستلاب العروبي
تحياتي
Post: #9 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 12:07 PM Parent: #7
سلامات يا وليد
Quote: بس الناس ديل منظمين وحلوين ونضاف ويحترموا الفن الذي نحن لانحترمه لذلك غفرت لهم وعشانك ياجميل برجع عشان اتفرج على النظام فقط والترتب فقط للموسيقى وبغطي عيني عشان ما اسمع غناء البنت .
اكيد هم متقدمين علينا في مسائل الانتاج الاعلامي و الاخراج المسرحي ..الخ المهم معادلتك انت صعبة اذا قفلت اضنينك ما حتسمع الموسيقى و لا الغنا، و لو غمضت عينيك ما حتشوف النظام و الترتيب. LOL
Post: #10 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: abubakr salih Date: 11-30-2010, 12:14 PM Parent: #9
يا سيف يا فردة ... انتا شفتا باقى فيدوهات البت دى فى اليوتيوب؟. يا سلام حكاية ياخى دا نحنا ح نخلى الكاشف زاتو و نمسك فى زينة افتيموس ...يعيش عمى افتيموس زاتو و لا نامت أعين اى زول!
Post: #38 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 04:31 PM Parent: #10
ابوبكر صالح يا عريس..ده كلام شنو؟ بكا علني يا زميل؟ بس برضك ما جاوبت على سؤال البوست الاساسي.
Post: #11 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Kamal Karrar Date: 11-30-2010, 12:17 PM Parent: #9
د. سيف سلامات...
يعني أنا أقول يمكن المسألة مسألة إعجاب وطرب لا يرقى للفرح...
فعلا طربنا لها وبرضو طربنا وأعجبنا بغناء حليمة الصومالية
وأحمد ربشة(بدري من عمرك)وأحمد ناجي
ومنليك الأثيوبي في أغنية(سبعة يوم واليوم سنة)..
ويعني اي زول يغني غنانا بنعجب ونطرب ليهو...
وفي رايي المتواضع المسألة ليست لها أبعاد غير
الطرب والإعجاب.. والتواصل الإنساني..
شكرا لبوستك ولإتاحة الفرصة في أن نقول ما نرى
تحياتي
Post: #12 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: hassan bashir Date: 11-30-2010, 12:18 PM Parent: #9
هل سمعتم (وشاهدتم) حليمة الصومالية تغني سايق العظمة؟ هل سمعتم (وشاهدتم) أحمد ناجي يغني حان الزفاف أثناء عزفه على آلتين في آن واحد؟
Post: #13 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 12:30 PM Parent: #12
سلامات يا عبد العزيز
Quote: بالنسبة للأغنية أجيبك بنعم لكن بشرط أن يجود الأداء والموسيقي مثل هذه الغنية مع إضافة مثال النكهة اللذيذة المميزة الأضافتها البت دي للغنية والدليل هسع في أغاني سودانية كتيرة بغنوها الاثيوبيين والارتريين وبسعدنا سمعاها رغم سوء أداءها
اذن تجويد الآداء هو الحكم بالنسبة لك .
Post: #14 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: حافظ كنجال Date: 11-30-2010, 12:44 PM Parent: #13
بالتاكيد اذا في تشتش او صومالو بحلاوة زينة افتموس وغنت اسمر جميل بالتاكيد سوف نفرح هو الفرح مش دايما بيكون في الحاجات الحلوة
Post: #15 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: محمد الامين محمد Date: 11-30-2010, 01:16 PM Parent: #14
اذا كانت تشادية الموضوع عادي لانة توجد قواسم مشتركة بين الشعبين مذ الازل وروبط قوية جدا يعشقون الاغاني السودانية اما سوريا لبعد المسافة اختلاف اللهجات فمستغرب بعض الشي
Post: #16 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: معتصم محمد صالح Date: 11-30-2010, 01:30 PM Parent: #15
Post: #17 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Rawia Date: 11-30-2010, 01:38 PM Parent: #15
حصل في فنان أو مجموعة فنانيين سودانيين او كورال ومعاهم اوركسترا بضخامة اوركسترا زينة غنوا أغنية سورية؟ أو مصرية أو صومالية أو اثيوبية أو كويتة او تشادية او نوبية (وهم مانوبيين)؟
Post: #18 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Marouf Sanad Date: 11-30-2010, 01:54 PM Parent: #17
Post: #21 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Marouf Sanad Date: 11-30-2010, 02:04 PM Parent: #18
Quote: ولكن عندما وصلت في الحته البتقول من العيون يالله السلامه ولوحت سلام بيدها .
وليد
ألم تر كيف لوّح وردي جيبوتي بيده ثم هتف: إسماعيييل
Post: #24 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: saadeldin abdelrahman Date: 11-30-2010, 02:15 PM Parent: #18
Post: #19 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: محمد الامين محمد Date: 11-30-2010, 01:58 PM Parent: #17
Post: #20 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Tragie Mustafa Date: 11-30-2010, 02:04 PM Parent: #19
يا د.سيف يا نقي انت يعني متوقع تحصل على اجابات صحيحه من ناس مستلبة الوعي هم لو مدركين لمدى استلابهم كان ده حالهم؟؟!!
سيأتيك الف مبرراتي ولكن الحقيقه هي التقديس لاسيادهم العرب.
Post: #22 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Marouf Sanad Date: 11-30-2010, 02:08 PM Parent: #20
أجدني متفق مع سيف الى حد بعيد
Post: #23 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Marouf Sanad Date: 11-30-2010, 02:15 PM Parent: #22
أفهم أن تحظى المسألة ببعض الاهتمام, ولكن, ليس كل هذا الاهتمام
Post: #25 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: نور الدين عثمان Date: 11-30-2010, 02:33 PM Parent: #22
يا سادة ليه التعصب والفن هى اللغة العالمية الوحيدة الممكن تكون مفهومة لكل من على البسيظة كل على طريقته وسواء كانت اسمر جميل السودانية او اى اغنية من اى جهة وباى لغة وكانت موسيقاها جميلة وتؤدى بسوط حلو تلاقى الكل فى حالة طرب وشجون .. وانا اجابتى بالنسبة لاسمر جميل نعم لو غنت هذه الاغنية تشادية او صومالية وبسوط طروب اكيد حا اكون مبسوط على الاخر ومتفاعل معاها .
Post: #26 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: saadeldin abdelrahman Date: 11-30-2010, 02:46 PM Parent: #25
تراجي سلامات
Quote: سيأتيك الف مبرراتي ولكن الحقيقه هي التقديس لاسيادهم العرب.
أمسكي عندك مبرراتي نمرة واحد لا تقديس و لا قداسة و سيدنا الله فننا و بنريدو كان غناه إثيوبي/صومالي/سوري/ جن أزرق أو أحمر لأني مريحابي و كدا بالإضافة لي لذة إكتشاف الصوت الجديد بالنسبة لأي زول عندو إهتمامات فنية و البنية دي لو شدت بجدادي يلقط الحب لأطربتنا و الفن حالة خاصة لكنه معدي و البوست ده زاتو جزء من العدوى العامة و ساهم في رفع الأسهم السودانية للبنية. شكرا د.سيف
Post: #27 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: segtaweel Date: 11-30-2010, 03:09 PM Parent: #26
الى كل الموهمين بعقدة العربى والافريقى عليكم الله كفااية سخف - البت غنت باللغة البتكتبوا بيها هسى والماعااجبااهو اللغة العربية تاانى ما يكتب بيهاا اصلا وقصة اصلها شنو اثيوبية صينية سورية او جن احمر دى ما القصة
رجااءا احترموا عقولنا نحن لسنا عرب ونعتز باصولنا نوبية او زنجية ولكن العربية هى لغتنا شاء بعض الموهومين ام لم يشاءوا اعجبهم ذلك ام اغضبهم البت تغنت بدراجتنا وهى ما نعتز به بغض النظر عن لونها وعرقها رجااءا ارحموناا فليس للابداع وطن او جنس وللجميع حرية اختياار ما يعجبهم دون ان يكون من حق الاخرين تأويل ذللك الاعجاب او الاختياار بعقدهم الداخلية
Post: #28 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Zomrawi Alweli Date: 11-30-2010, 03:28 PM Parent: #27
بما انني اول شخص نزلت بوست عن زينة افتيموس وقلت ان السوريين هم اول من عارض انضمام السودان لجامعة الدول العربية الا ان هذه الزينة زينت اغنيتنا السودانية فاجادت السلم الخماسي اجمل من سودانيين تغنوا للكاشف
Quote: هل لأننا اكتشفنا أنهم يسمعون موسيقانا ؟
نعم
Quote: هل لجمال البنت علاقة بالموضوع؟
نعم
واضيف ::: انها اصرت على المغامرة بالاشتراك بالسلم الخماسي رغم رفض الموسيفيين لان السلم الخماسي غير مستحب وربما لا يجيدونها فتغنت هذه الزينة دون موسيقيين في بادي الامر
تخيل النعمات دي كلها ولكن عندما وصلت في الحته البتقول من العيون يالله السلامه ولوحت سلام بيدها .
فوضعت (اعادة) وطفقت استمع لمرات ومرات حتى نسيت الكاشف كان بيغني كيف!!!!!
اخخخخخخخخ انا من زينة بس الناس ديل منظمين وحلوين ونضاف ويحترموا الفن الذي نحن لانحترمه لذلك غفرت لهم وعشانك ياجميل برجع عشان اتفرج على النظام فقط والترتب فقط للموسيقى وبغطي عيني عشان ما اسمع غناء البنت .
Post: #29 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 03:38 PM Parent: #28
الأخوة حافظ كنجال محمد الأمين معتصم راوية معروف سعد جعفر تراجي نور الدين segtaweel زمراوي شكرا على يا شباب على اثراء البوست بالآراء النيرة اتفقنا او اختلفنا معها فهي محل احترام و تقدير.
Post: #30 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: نيازي مصطفى Date: 11-30-2010, 03:46 PM Parent: #28
الصوماليين والتشاديين والاثيوبيين شئ عادي جدا ان يغنوا الاغاني السودانية فبالاضافة لتداخلهم مع السودانيين في كثير من العادات والتقاليد سلمهم خماسي .. اما هذه الفنانة فقد كسرت حاجز بين السباعي والخماسي لذلك هلل لها الناس و اعتقد ان كثيرات غنن من دول الجوار الافريقي يعتبرن اجمل منها ..انت زول متلقي حجج بس
تحياتي ؛
Post: #31 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النذير حجازي Date: 11-30-2010, 04:07 PM Parent: #30
سلام يا د. سيف وضيوفه الكرام يا سيف أنا ح أردم ليك البوست دا بالأغاني السودانية بأداء الأجانب
قول واحد: أودع أودع كيف لسيد خليفة - أداء فرقة ميامي الكويتية
Post: #32 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النذير حجازي Date: 11-30-2010, 04:11 PM Parent: #31
أنا بدري صحيت من نومي - أداء أردني
Post: #33 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النذير حجازي Date: 11-30-2010, 04:15 PM Parent: #32
صوتي أنا - أداء صيني لوول
Post: #34 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Zomrawi Alweli Date: 11-30-2010, 04:16 PM Parent: #31
اخي النزير
انت ختيت الشريط كويس؟؟
قول واحد: أودع أودع كيف لسيد خليفة - أداء فرقة ميامي الكويتية
Post: #35 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النذير حجازي Date: 11-30-2010, 04:20 PM Parent: #34
Quote: اخي النزير
انت ختيت الشريط كويس؟؟
قول واحد: أودع أودع كيف لسيد خليفة - أداء فرقة ميامي الكويتية
العزيز زمراوي والله ما فهمتك قاصد شنو
تحياتي
Post: #36 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: ناصر الاحيمر Date: 11-30-2010, 04:20 PM Parent: #28
Quote: موجة طاغية من الاعجاب و الفرح بالبنت السورية التي غنت اغنية الكاشف ما هي اسبابها ؟ هل لأننا اكتشفنا أنهم يسمعون موسيقانا ؟ هل لأنهم -فيهم الخير- تذكرونا؟ هل لجمال البنت علاقة بالموضوع؟ هل.......؟
اخي سيف اسئلة بناة ..لشخص يدرك حقائق بناة اليوم صدقني انا ساضحكك كتير وسافرحك واؤكد ليك انك ستتعجب تعرف ياخي انا مع العرب ديل عندي قصص كتيرة شديد وطريفة جدا طبعا عشت في بلاد الشام وخاصة في سوريا تعرف فترة اقامتي في سوريا سنتين كان لهم قناتين فقط الاولي والثانية تعرف ياخي لم اري فترة سنتين فنان سوداني ولااديب سوداني صدقوني تلك الفترة لم يعرفونة اين يقع السودان طبعا من الطريف اغلب السوريين يحلمون بدولة السويد في يوم من الايام ساءلني احد في مكان عملي من اي دولة انت قلت لة من السودان .. قال لي هل السودان جوار السويد .. قلت لة لا السودان هو السويد نفسة قال لي طيب لماذا انت تعمل في سوريا لانكم اغنياء كلنا نحلم ان نذهب الي بلدكم قلت لة انا احب سوريا .وقال لي طيب السويدين ما بيوض قلت لة نعم السويدين بيوض يسكنون في الشمال اما نحن السود نسكنون في الجنوب تعجب كثيرا .. واردف سؤالة كيف جئت الي سوريا هل حقا ركبت الطيارة قلت لة ركبت الحمار اولا الي الشمال ومن الشمال ركبت طيارة الي الاردن ومن الاردن ركبت السيارة الي دمشق طبعا صدق وبعد سوريا سافرت لبنان .وعشت في لبنان سنة ام لبنانين خليك من السودانين السود حتي العرب هم لم يحترموهم طبعا البنانين يقولون لانفسهم انهم خواجات اذا انت داير تزعل لبناني يكرهك قول لة انت عربي واذا داير تصادق لبناني قول لة انت خواجي لانهم يدركون تماما ان العربي ليس لة مايقدم لانسان غير الكذب ونفاق والقتل وتعالي والتامر انا كلامي هذا في كتير من السودانين مابصدقوا اقسم باللة اذا عاشوا في تلك البلدان سيدركون ذالك عندم عشت في سوريا كان اصدقائي من ارقي العائلات السورية وحتي الدبلماسين عاشرتهم لماذا وكيف بالصدق تكسب اي انسان في يوم من الايام ساءلني صديقي هو صاحب الشركة الذي كنت اعمل فية اسمة دكتور طة قال لي ياناصر انت عربي ولا افريقي قلت لة ياطة اليك اللة شكلي دة شكل عربي .. صدقني دكتور طة ضحك كثيرا .. واللة يا ناصر حقيقة وقام قال لية طيب السودانين ديل لي بقولوا هم عرب .. قلت ليهم السودانين المجانين هم البقولوا هم عرب ايضا ضحك وقل لية .. نفهم من كلامك يا ناصر ان كل السودانين مجانين .. قلت لة لا .. قال لي كيف قلت لة الربع مجانين ولكن ثلاثة اربعاع نصاح وقال لي الربع هم فقط مجانين وبقولوا هم عرب قلت لهم نعم .. قال لي لماذا قلت لهم لانهم ماسكين السلطة وبقولوا في الاعلام هم عرب اذا انت عندك سلطة قلت لة انا عربي بقولوا ليك نعم انت عربي لكن هم يدركون انت ليس عربي اذا رضيت او ابيت طبعا سوريا بلد الحضارات الاشورية والرومانية قلت يادكتور طة اذا انت استلمت السلطة وقلت انا روماني مابصدقوك قال لي بصدقوني لانني ابيض وولكن لايصدقوا سوداني اذا قال هو عربي لانة اسود لم يخلق لة العربي اسود نرجع الي اسئلة تعرف ياخي عندما يفقد الانسان حضارتة يخلق عقلة اشياء لايستوعبة الواقع ولا يقبلة الحقيقة يتخبط لكي يقنع المستحيل الي واقع هذا حال السودانين الذين يدعون العروبة في السودان اذا لم يفيق تلك العقلية انة لايدرك يترك الفرص تذهب من عيونة تعرف ان الجنوب انفصل لماذا ان الاجوبة علي اسئلتك هو اسباب انفصال الجنوب تعرف ياخي صدقني بالرغم ان اغلب السودانين لايريدون الحقيقة ولكن انا اكون صادق معاك اذا لم يرجعوا السودانين انفسهم ان جبال النوبة ايضا سينفصل لماذا لانهم ليسوا عرب ولم يبقوا عربا ابدا وايضا ناس انقسنا واقسم ليك ما هو سبب انتصار الجنوب ليس السلاح انة.. الحق ولذالك ان جبال النةبة ايضا سينفصل لانة تسير الي الطريق الصحيح ..دائما ياخي الحق هو المنتصر في الاخر .. لان اللة القوي يقف مع الحق ..0 هو الذي خلق الافريقي والعربي لم يفضل يوما العربي علي الافريقي انا صدقني ياخي استغرب لماذا السوداني لايدرك قدرتة اقسم باللة العظيم انت اعظم من العربي انت صاحب اعظم حضارة في الارض ان العرب يدركون قوتك ولكن استكبارهم هو الذي جعلهم يستخفون بك لانك افريقي لماذا لم تفيق من نومك
Post: #37 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النذير حجازي Date: 11-30-2010, 04:22 PM Parent: #36
إزيكم - أداء صيني
Post: #39 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Amani Al Ajab Date: 11-30-2010, 04:50 PM Parent: #37
الأخ سيف النصر لك التحية والتقدير .. لقد أطربتنى تلك الفتاة بغض النظر عن هويتها ! الطرب والإبدع لا يوقفه حدود!
Post: #41 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: النصرى أمين Date: 11-30-2010, 05:04 PM Parent: #39
سلام يا سيف بما اننى اول من اكتشف الاغنية فى يوتوب بعد 5 ايام فقط من نزولها ودردقت صاحب الفيديو حتى يعرفنا بالمغنية حيث كنت المعلقين فيه ...
اقول لو التشادية او الصومالية سكرة وعسل ومعاها فرقة ضخمة واداءها بنفس روعة اداء السورية اكيد حافرح وحاجى جارى عامل بوست ...
لو كانت شينة ومعاها 3 عازفين فقط الله اعلم افرح بالغنية ....
دى الحقيقة بدون اى مجاملة ...
Post: #40 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: عمران حسن صالح Date: 11-30-2010, 05:02 PM Parent: #37
يا سيف كأنكـ فتحت (نفاخ( بفتش ليهو بعض الناس ) !! يعني المسألة من باب ده عربي وده أفريقي ما ليها وجود هنا ولا أعتقد أنها من المفترض أنها جزء من النقاش في شيء الزميلة الأخت تراجي جات من باب :
Quote: (يا د.سيف يا نقي انت يعني متوقع تحصل على اجابات صحيحه من ناس مستلبة الوعي هم لو مدركين لمدى استلابهم كان ده حالهم؟؟!! سيأتيك الف مبرراتي ولكن الحقيقه هي التقديس لاسيادهم العرب.
معقول يكون الإبداع فيهو دونية وسيادة ؟؟ كان أبي لا يسمع شيء بعد العاشرة مساء إلا أم كلثوم في حفلها الشهري الشهير والذي كان يستمر حتى الثانية صباحاً . كنت أسمعه كالمصريين يقول الله عند أماكن معينة !! هل كان يا ترى يتخيل لونها أو خلفيتها الأخلاقية ؟؟ في ذاكـ الزمان لم يكن تفكير عرب وأسياد وتقسيمات العُقد النفسية المتوفرة بين الناس الآن الفكرة أعتقد موسيقية بحتة والاحتفال بزينة ينبع من صعوبة أن تغتي السلم الخماسي بكل هذا الجمال الأوركسترا الضخمة لو غنينا بها جدادي يلقط الحبة لأحتفل أصحاب السلم السباعي بموسيقانا
وما الجمال ببعيد عن بعض اختياراتنا وطريقة سمعنا وليس في ذلكـ عيب يا ريت يجي متخصص زي الحبيب الفنان الموصلي يوصل فكرة الاحتفاء بمن يغني غنانا الصعب كسلم موسيقي وكلام دارجي تشاد والصومال ليسوا ببعيدين عن سلمنا ورغم ذلكـ نحتفي بهم . أعطوا المسألة الحجم الطبيعي للتعاطي مع الفن فقط لا غير وشكراً د. سيف
________________________________________ التوقيع : عمران حسن صالح شايقي ممزوج بي دم الزنوج الحارة وبيسمع أم كلثوم وعبد الحليم ووردة وشيرين بمتعة شديدة .
Post: #42 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Zomrawi Alweli Date: 11-30-2010, 05:10 PM Parent: #40
Quote: اخي النزير
انت ختيت الشريط كويس؟؟
قول واحد: أودع أودع كيف لسيد خليفة - أداء فرقة ميامي الكويتية
Quote: العزيز زمراوي والله ما فهمتك قاصد شنو
والله ما قدرت افهم الكويتي دا كان بيغني شنو زاتو
يا خي العربان دول لا يمكن يعرفوا شغلنا
لااااااااااااكين افتيموس دي زينة شديد
Post: #43 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Omer Mustafa Date: 11-30-2010, 05:26 PM Parent: #42
المامبو السوداني - سيد خليفة
Post: #45 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 05:43 PM Parent: #42
سلام يا عمران الحقيقة ممكن تكون مكونة من عدة اجزاء و لها عدة وجوه منها أننا دائما نسعى لأن ننال اعترافا بعروبتنا من العرب الآخرين و خصوصا في مسألة الغناء هذه، لذا كثيرا ما يردد الاعلام عندنا أن اغنيتنا لم تنتشر "عربيا" لأن اعلامنا ضعيف أو لأننا لا نحسن تسويق اغانينا و موسيقانا أو لغير ذلك من الاسباب و هذا الأمر تجده هاجسا يشغل اذهان الكثيرين و لا تمر مناسبة الا و تحدثوا فيها عن هذا الأمر. الشئ التاني هو أننا نهمل محيطنا الافريقي الذي نحن منه و في قلبه و تجدنا دوما متطلعين صوب المراكز العربية، قد يكون هذا الأمر سببه اشتراكنا معهم في اللغة او سببه نظرتنا لأنفسنا كعرب و لكن يبقى من هو الذي حدد لغتنا و فرضها لغة وحيدة على الاذاعة و التلفزيون و الصحف الخ و من هو الذي حسم أمر انتمائنا و هويتنا و حدده هذا التحديد القاطع و طبع به مجمل حياتنا الثقافية و السياسية؟ لو كانت تربيتنا مختلفة يا عمران ربما لم يستمع والدك لأم كلثوم و ربما لم نعرف اساسا أن هنالك سيدة في مصر اسمها ام كلثوم. الشي التالت هو أنو الموضوع زاد عن حده من مجرد الاحتفاء بصوت و طريقة آداء الاخت السورية لأغنية سودانية و تحول لمظاهرة عديل، و انا هنا لا اتكلم عن س.اونلاين فقط . ادخل كل المنتديات السودانية على الانترنت و شوف.
Post: #44 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: المعز ادريس Date: 11-30-2010, 05:33 PM Parent: #40
شكرا يا سيف, الموضوع متعلق بمسألة 'الإعتبار" و "البحث عن الإعتبار" و دا أهلنا عروبيو السودان وجدوه عند الصوماليين و الأحباش و التشاديين "فنيا و رياضيا" من بدري لكن الأمر إستعصى مع العربان أصحاب "السلم السباعي"! صحيح مشكلة "الدونية" داخلة طرف بسبب مشكلة (تدرج الألوان) الله يلعنها, لكن للحقيقة ما كان لصومالية أو تشادية أو أي إفريقية أن تؤدي الأغنية بالنجاح "اللغوي" و المخارج اللغوية و الصوتية بالإضافة لتحديات السلم الخماسي بمثل ما فعلت زينة و هنا بيجي العامل الثقافي/اللغوي .. و طبعا"الجمال" داخل طرف و "التطريب" عموما بدرجة ممتاز بس خربت الخاتمة "الله السلامة" لأنه ما فهموا معناها! نحن شماليو السودان نسعد أكتر لما ننتصر على مصر و السعودية و الزمالك و الترجي أكتر مما نفرح بالإنتصار على يوغندا و أثيوبيا و كانون الكاميروني , يبقى عامل "جغرافيا الثقافة" و "الميول الثقافية" جزء من "المحاسبة"! و لا ننسى إتجاه سهم "التنافس" فنحن معبئين بنزعة التنافس مع العرب أكتر من, نحو معظم الأفارقة..
يا زول القصة طويلة!
Post: #47 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: محمد أبوالعزائم أبوالريش Date: 11-30-2010, 06:10 PM Parent: #44
حقيقة لا معرفة لي بالفن التشادي ...
لكن ما أعرفه، أن أكثر من فنان وفنانة صومالية، تغنوا بأغاني سودانية إحتفى بها السودانيين كثيراً، إضافة للأثيوبيين والكويتيين وغيرهم.
ألا ترى أنه شئ طبيعي أن نفرح عندما يجد فننا تقدير من غيرنا؟
لنبعد عن الموضوع العرقي ونقول: هل لو كانت زينة أفتيموس صاحبة الصوت والأداء الجميلين، هل لو كانت هي (في خلقتها) تفتقر للجمال، هل كنا سنحتفي بها؟
لا أرى أن احتفاء المستمع السوداني بأداء زينة أفتيموس لأغنية أسمر جميل سببه جمال زينة أو جنسيتها.
Post: #46 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 05:54 PM Parent: #12
الأخوان كامل كرار حسن بشير شكرا . يا كامل فعلا كلامك قد يكون صحيح و انو المسألة لا ترقى لدرجة الفرح لكن برضو الاحتفاء كان زايد حبتين.
Post: #48 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: هشام كمال Date: 11-30-2010, 07:19 PM Parent: #46
.
Post: #49 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: معاوية عبيد الصائم Date: 11-30-2010, 07:22 PM Parent: #48
اسمر جميل
فى اى وقت
اى صوت اسمر جميل
Post: #50 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: عبد الحميد حسين Date: 11-30-2010, 07:48 PM Parent: #46
Quote: و انا هنا لا اتكلم عن س.اونلاين فقط . ادخل كل المنتديات السودانية على الانترنت و شوف.
منتديات شنو يادكتور !!! فتلفزيوننا السوداني القومي ( زعما) رمي بسهمه أيضا فى هذه الأحتفائية المهرجانية ..ولم يجتهد أكثر مما أجتهد أهل المنتديات فقد قام ببساطة بلفح الشريط من اليوتيوب زي المافى حاجة .. كنت أظن ظنا خافتا بأن التلفزيون او ذاك المعد او المخرج او المقدم سيجتهد ولو قليلا ليعرف مشاهدي تلفزيونة الأعزاء بالمناسبة وتاريخها وهل تم تقديم اغنيات اخري او حتي يعرف بالمطربة لكنه لم يورد أكثر مما ورد فى المنتديات حيث تم أكتشاف الفيديو فجأة من السودانيين الأسفيريين .كنا ايضا نظن ان التلفزيون سيطلب من التلفزيون السوري او الجهه التي نظمت المهرجان نسخة تلفزيونية أصلية وأوضح غيرالمتداولة بالنت ..لكنه اكتفي بشريط اسود حول الفيديو حتي لا تظهر الجهه صاحبة االشريط .. وأذا أباح التلفزيون (القومي) لنفسة مثل هذا اللفحي دون اجتهاد أضافي او استئذان فلن يحتاج الى كل تلك الجحافل التي تعمل به ..
عفوا صاحب البوست .. المداخلة بره الزون المحدد لكن ما بعيد من العراضة كما أعتقد..
Post: #51 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Nasr Date: 11-30-2010, 08:09 PM Parent: #46
ناس كثيرين شافوا حاجات مختلفة في تغني هذه البنت برائعة الكاشف أسمر جميل جميل ومنسق وقديما قالت الحكمة يغني المغني وكل علي هواه
ما شفت سماحة البت القالوها الناس ديل ربما لانني أسكن في بلد تغني فيها بيونسيه وأليشيا كييز وجينفر لوبز وبسمع منار الصديق وريماز وأفراح عصام
لا أسمع غناء الكاشف إلا من الكاشف شخصيا وأعتقد أن مافي ود مقنعة ولا بت مقنعة تستطيع أن تغني غناء الكاشف كما الكاشف ما عدا حالات قليلة ونادرة
أن يسمع الافارقة الغناء السوداني حاجة طبيعية ... لحمنا ودمنا ، مزاجنا وثقافتنا أن يسمع السوريون غنانا فدي حاجة جديدة وكويسة جميل أن يكون بعض من صادراتنا للمجتمع الإنساني عموما بعض فن فعلي الأقل يغيروا نظرتهم لنا كشعوب متخلفة ويعلموا أننا نستطيع ان نرفد البشرية ببعض منتجات ثقافية تهندس الروح وتنسق الوجدان وما فيش حد أحسن من حد (كانت فرقة الفنون الشعبية قد قدمت جهدا مقدرا في تقديم الفن السوداني للعالم بس كثروا من الفلكرة Folkerization) وما تستهينوا بالدخل البي من منتجات الفن والثقافة فثالت صادر لامريكا هو الافلام واسطوانات الموسيقي
قبلنا بعشرات بل ومئات السنين أوصل الأفارقة الامريكان والكاربيين الفن الافريقي والايقاعات الافريقية لكل العالم وكان مايكل جاكسون وقبله بوب مارلي قد أسمعا صوت الطبول الافريقية والريزم الافريقي لكل الناس وقد أضطر الرجل الابيض في أمريكا أن يتمايل مع موسيقي السود (وهو كاره لهم)، حتي صارت جزءا مكونا من وجدانه فطريق أول رئيس أسود إلي البيت الابيض كان قد عبد بموسيقي الافارقة الامريكان وفنهم
ليه السوريين بقوا يسمعوا غناء سوداني ؟؟؟ لأنه غناء كويس وسمعت أن أحد مؤسسي تعليم الموسيقي في السودان كان قد قال "ما في غناء محلي وآخر عالمي، الغناء والكويس والموسيقي المجودة بيسمعها أي زول" يعني بتبقي عالمية بتبقي عالمية لا يداخلني أي شك أن الكاشف أحسن من غني في السودان بل وأحسن ما سمعت من غناء في حياتي لذلك سوف لن أندهش إذا سمعه سوريين أو فرنسيين أو أرمن
لو في رجال أعمال شطار في السودان (زي رجال الاعمال الامريكان السوقوا غنا الافارقة الامريكان) طوالي يقولوا للجماعة ديل: عجبكم ؟؟؟؟ عندنا زيو كثير وبعد كم سنة نشوف منار صديق ولا ريماز ولا عصام بيغنوا في حمص عادي
Post: #52 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 11-30-2010, 08:19 PM Parent: #7
Quote: اما الاخوة التشاديين فانهم يتغنون و منذ امد بعيد بالاغاني السودانية ولا احد يحفل بذلك انه الاستلاب العروبي
التشاديين ذاتهم عندهم استلاب سوداني يا هيثم، اصحابنا هنا في السعودية من التشاديين بيسمعوا بس اغاني سودانية و هم قوة شرائية رئيسية في سوق الكاسيت و السي دي السوداني و شوف نحن بنتجاهلهم كيف في المقابل. شكرا لك.
Post: #53 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: كمال الشادي Date: 11-30-2010, 08:53 PM Parent: #52
العزيز د سيف
لا تستغرب موجه تيارات الرأي المتباينة هنا فعنوانك بوستك نفسو يحمل كل الاستلاب ، وكل الدونية ، لنا وعلينا لذا فعنوانك يستفذ هذه الحتة فينا والحوار جميل في هذا الاتجاه إنطلاقا من موضوع البت السورية الجميلة التي تغنت بأحدى اغنيات الكاشف -----------------
في إحدى السنوات في السعوية كانت هناك كمية كبيرة من البنات ( لاجئات ) من البوسنة والهرسك في عهدة هيئة الامر بالمعروف والنهي عن المنكر وكانت الهيئة تقوم بتزويجهم وحفظهم ( ستر بنات المسملمين ) في نفس تلك الفترة كانت مشاكل الصومال في اوجها وكان اللاجئون الصوماليون يملئون جده في كل زواياها
طلعت نكتة الايام ديك واحد اتصل على الهيئة يسألهم هل عندهم بنات للزواج من البوسنة نستر عليهم وعلى ولايا المسلمين قالو لا لكن في من الصومال شكرا ما أبغي ----------
عجبني ردك الاخير لاول مداخلة للذي سألك ( هل عندك إهتمامات موسيقية ؟ ) وكان ردك د سيف لا
انا عندي إهتمامات موسيقية بشكل عام أي محاولة لغناء اغنية سودوانية من شخص غير سوداني سوف تسعدني وسوف اجد في مجرد المحاولة ( فنا ) يطربني
لذا أستمتع جدا بأغنيات ام كلثوم واستمتع اكثر لكل من يحاول أن يؤدي أغاني ام كلثوم ( خصوصا من الرجال ) لانه يضيف اليها بعدا آخر وفنا جديدا
هل هناك إحساس بالدونية تجاه العرب نعم وبقوة
هل يرضينا أن يتناولو حاجاتنا اغانينا ، اكلنا ، كلامنا ، عاداتنا ، ملابسنا نعم يرضينا جدا
انا شخصيا ( وانا آسف على ذلك ) ( جانب ما ) فيني فرح لان التي تؤدي الاغنية سورية وأحترم كل من تداخل ومن سوف يتداخل هنا وأعجبته البت ( في ذاتها ) البت جميلة والسوريون جميلين جدا حتى بواقي السوريون ( في السودان ) الجالية يعني سمحين وأسمح مننا
السورية لمن تغني للكاشف بتديني إحساس انها قربت خطوة من إنها تكون في حاجة مشتركة بيني وبينها يعني ممكن نكون اصحاب إهتمام مشترك ( على الاقل الكاشف ) وممكن الاهتمام يتطور ( لحاجة اكبر )
نشكو وبقوة من عقدة العرب ومن إننا عرب ( درجة عاشرة ) حسب تصنيف العرب نفسهم هم يروننا ( في الخليج ) عبيد ونناضل بشدة أن نقول غير ذلك
إحترمت بشدة كلام الاخ الفوق الذي كان مغتربا في سوريا واوضح حقيقة عدم عروبته اما السوري
احب الغناء الحبشي إلى ابعد درجة أعشقه واعشق ان اسمع الاغاني السودانية بصوت الحبوش رجال ونساء
اما تشاد فلم اسمع لهم يوما غناء واذا تغنوا بغنائنا ( من منظور العقدة ) ف عااااااااااادي ومن المنظور العام انا يسعدني ان تغني كل شعوب الدنيا غنائنا
بعد الخروج من عقدة ( الانا السودانية ) وبأننا الافضل والاحسن والارجل وووو
غنائنا عادي زي غنا كل الناس فيهو وفيهو ويمكن يكون أقل من عادي في كثير من تشكيلاتو
كنت قبل يومين اشاهد حفل لفيروز إستمتعت بالشوف قبل السمع منظر الاوركسترا أكتر من 100 عازف واقفين خلف إمرأة تغني الغرض هو إمتاع المستمع وكان للحظ هذا المستمع هو انا
لايمكن أن اقارن هذا الرقي في إحترام تقديم الفن بالكثير من اللغط والعبط والهبل الذي أسمعه واشاهده في قنواتنا هذه الايام
كل ما تفتح قناة تلاقي اربعة أو خمسة واقفين بيتلولحو وعاملين فرقة ....
البت السورية الغنت اغنية الكاشف سمحة لمن سمحة ولو الكاشف شخصيا سمعها كان خلا ليها الغنية
لي عودة
Post: #54 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: أسامة البلال Date: 11-30-2010, 09:43 PM Parent: #53
ياسيف لا يمكن تحميل الأمور أكتر مما تحتمل في زمن الإنفصال (=:
حقيقة البت أدت الأغنية بإحترام وتجويد يحسدها عليه كثير من بني جلدة الكاشف. نطق سليم وصوت روعة وفرقة موسيقية مكتملة وأنيقة ومن حقها علينا أن نحتفي بها زي ما إحتفينا قبلها بالفناين الأثيوبيين رغم كعوجتهم للأغاني السودانية بسبب مشكلة النطق السليم
Post: #55 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Adam Omer Date: 11-30-2010, 09:45 PM Parent: #53
Post: #58 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: saadeldin abdelrahman Date: 12-01-2010, 00:20 AM Parent: #57
Quote: التشاديين ذاتهم عندهم استلاب سوداني يا هيثم،
يعني هم عشان بسمعونا يبقوا مستلبين؟
Quote: و شوف نحن بنتجاهلهم كيف في المقابل.
و نحن عشان ما محتفين بيهم متجاهلينهم
كورتك فكت يا دوك ذكرتني نكتة جون : ( إنتو ما عندكم كـلب؟ أيوااا.. معناتا إنت جنا حرام)
Post: #59 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: حمور زيادة Date: 12-01-2010, 00:50 AM Parent: #58
سلام يا دكتور سيف .. اولا لعلي ما محتاج اني اقدم ليك سيرة ذاتية اني شايف انو السودان دولة عربية و انو بقية العرب ما احسن مننا في حاجة و ما عندي معاهم مشكلة. بهذه السيرة التي هي معلومة عندك اظنها فمفروض انا افرح انو العرب غنو لينا. لكن تصدق لأ ما بفرح ؟ لا حين يغنينا العرب الذين نحن منهم و لا الافارقة الذين نحن ايضا منهم و لا الصينيين الما عارف بيحبونا كده ليه ( لو أحب حكامنا السودان نصف حب الصين له لكان حالنا غير الحال ) انا اظن و اعتقد جازما و دوما ان الغناء السوداني حلو عند السودانيين. حقنا و ما بينفع عند زول. كأنو خايل في خشومنا نحن بس.
لكن رغم موقفي هذا اعجبتني الاغنية و رفعتها على صفحتي على الفيس بوك. و اسبابي التي ذكرتها عن قناعة هي : 1- البت دمها خفيف و غنت الاغنية باحساس حلو. فلم تصلني على انها اغنية الكاشف بل وصلني اداء الفتاة. 2- انا احب الغناء الكورالي والجماعي ( لعل فيّ شئ من كنسية ) و لهذا يمتعني اغاني و اغاني لانه اداء جماعي للاغاني.
طيب لو تسمح لي نجي لحته ان يغني لنا الاخرون .. خصوصا العرب. اظن طالما نحن نسمع اغانيهم حتى الان ( على الاقل بسبب اللغة المشتركة ) فمن حقنا ان نطمح ان يسمعونا. لكن حين يحدث ذلك لا معنى للفرح الهستيري. فالطبيعي ان نسمعهم و يسمعوننا ما دمنا نتشارك ذات الثقافة و ذات اللغة. و وضع ان نكون المستهلك لثمينهم و غثهم وضع خاطئ. تصويبه ليس انجازا بقدر ماهو طبيعي. الانجاز بقى الذي يستحق الفرح ان يسمعنا الناطقين بغير العربية. و هذا حاصل. فالمنطقي ان نفرح بهذا الغير متوقع و ان نتعامل بطبيعيه مع العادي الذي وصلنا اليه. بمناسبة وصلنا فهل يعتبر اختيار اغنية سودانية في برنامج وصولا ؟ نحن مشكلتنا كبيرة. اذا غنانا شخص غضبنا و اذا تجاهلنا غضبنا. و لا ابرئ نفسي. سمعت منير باذني يقول ان وسط الدايرة اغنية سودانية و برضو فضلت زعلان و متهمو بالسرقة. ثم حين يسألني مصري عن اغاني سودانية اتضايق انه لا يعرف اغانينا.
طبعا بالنسبة للذين اعجبتهم الفتاة لأنها جميلة فهذه ذائقتهم الجمالية لا يستطع احد ان يتدخل فيها. عن نفسي لم احس ان ملامحها جميلة كأنثى بل شقية كطفلة صغيرة. و ازعجني الجحوظ الذي يظهر عليها. لكن كمان حب الناس مذاهب. ( لي صديق نوبي مصري لا يطيق النظر الى امراة بيضاء و يتعجب كيف يرى البعض ان البيضاء يمكن ان تكون جميلة من اساسه ).
الخلاصة .. سؤالك ده متعسف و متعب اريتني ما جاوبتو ياخ.
Post: #60 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Nasr Date: 12-01-2010, 05:09 AM Parent: #59
يا حمور
Quote: اظن طالما نحن نسمع اغانيهم حتى الان ( على الاقل بسبب اللغة المشتركة ) فمن حقنا ان نطمح ان يسمعونا. لكن حين يحدث ذلك لا معنى للفرح الهستيري. فالطبيعي ان نسمعهم و يسمعوننا ما دمنا نتشارك ذات الثقافة و ذات اللغة. و وضع ان نكون المستهلك لثمينهم و غثهم وضع خاطئ. تصويبه ليس انجازا بقدر ماهو طبيعي.
حكاية الفرح الهستيري هي بيت القصيد ودي الكوة التي دخل منها ضوء التفسيرات المتعددة والمتباينة الرجفة دي سببها شنو؟؟؟؟؟؟؟؟؟؟ أعتقد أن سببها أنه رغم الافتراض (الرسمي) أننا ننتمي للغة واحدة وثقافة واحدة دا ما الحاصل فعلا في ناس فرحانين أنو خلاص أخيرا حصل القبول خلاص العرب رضوا أن يدخلوا السودانين في (جنة) قوميتهم دي ودي الحتة البجي منها هواء الإستلاب أن تبحث عن رضي من يظنك آخرا مختلفا وأنت مصر علي قرابته بك مشكلة حقيقية
بالنسبة لي فكرة أننا غزونا شعوبا أخري (ما هم أحسن مننا ولا نحن أحسن منهم) بفننا عاجبا ني شديد آخر حاجة فكرت فيها لون المغنية وسماحتها المهم أنه في الجانب الآخر جمهور يسمع آآي لحدي هسع ما عارفين درجة تجاوبهم كيف لكن لنفترض طالما أن هناك عرض فبالضرورة يمكن يكون في طلب ونقرض علي كدا لعشرات السنين نصدر لكل العالم صمغ وكركدي وسمسم وجلود فما المانع أن نصدر أغاني كمان ونحن عندنا الكاشف والفلاتية ووووووو ما تعدش
Post: #61 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: tmbis Date: 12-01-2010, 08:04 AM Parent: #60
Quote: بالنسبة لي فكرة أننا غزونا شعوبا أخري (ما هم أحسن مننا ولا نحن أحسن منهم) بفننا عاجبا ني شديد آخر حاجة فكرت فيها لون المغنية وسماحتها المهم أنه في الجانب الآخر جمهور يسمع آآي لحدي هسع ما عارفين درجة تجاوبهم كيف لكن لنفترض طالما أن هناك عرض فبالضرورة يمكن يكون في طلب ونقرض علي كدا لعشرات السنين نصدر لكل العالم صمغ وكركدي وسمسم وجلود فما المانع أن نصدر أغاني كمان ونحن عندنا الكاشف والفلاتية ووووووو ما تعدش
..
Quote: عجبني ردك الاخير لاول مداخلة للذي سألك ( هل عندك إهتمامات موسيقية ؟ ) وكان ردك د سيف لا انا عندي إهتمامات موسيقية بشكل عام أي محاولة لغناء اغنية سودوانية من شخص غير سوداني سوف تسعدني وسوف اجد في مجرد المحاولة ( فنا ) يطربني
..
Quote: بصراحة: اتكيفته
..
Quote: ليس لدي اهتمامات موسيقية، انا مجرد مستمع عادي.
.. سلامات يا دكتور سيف وكل المتداخلين .. حاولت اقتبس العديد من المداخلات وجدت إني ممكن اقتبس لي بكرة .. لذلك اكتفيت بالاقتباسات اعلاه .. وبتفق معاها لحد بعيد خاصة مداخلة نصر والشدادي .. بالجانب الآخر تحميل العمل الموسيقي المرفق اسقاطات البعض هنا عن الاستلاب .. والخرمجة القاعدين نقراها هنا دا .. الموسيقى هي سبعة حروف بتغنى بيها كل العالم .. بمختلف لغاته ولهجاته .. وبمختلف لونياته .. حزن .. فرح .. تطريب .. علاج حالات نفسية ..إلخ. يقول علماء الموسيقى .. أن السلم الخماسي غني جدا وصعب جدا في نفس الوقت .. من حيث التنفيذ على النوتة الموسيقية .. دارجتنا السودانية فيها ما فيها من المتعة في الغناء .. الحديث والشعبي .. من جانبنا قدرنا ونقدر على اقتحام كل أنواع الغناء في العالم ولنا نماذج جيدة عندما نتغنى بي حق الغير .. نجيده .. النماذج عديدة لكن اقف في تجربة الاستاذ محمد الأمين عندنا تغنى بناعم العود لطلال مداح .. وعندما تغنت حنان صلاح الدين (حنان النيل) بمصاحبة أوركسترا السمندل في نهاية الثمانينات بشويخ من أرض مكناس وهي تراث خليجي .. العاقب محمد الحسن في الكثير من المقامات الشرقية .. وغيرهم من الاساتذة الاجلاء ..؟ إذا ما العيب عندما يغني لنا بعضهم وما هو الاستلاب يا علماء ومنظراتية الكلام الساي كدا دا ..؟؟ وما الغريب عندما يتغنى لنا من الناطقين بغير عاميتنا السودانية .. والتي لها طعمها الخاص جدا وتكشف مدى حلاوتها في صعوبتها وبساطتها ومدى جمال موسيقتنا بإحساس الغير ..؟ دا العمل البقصدو ليك يا دكتور سيف بالرغم من إنو مقطع صغير لكن تأمل في بساطة الاوركسترا والمزج بين الآلات الشرقية والغربية .. وهجين (الاكسنت).. أما الجمال فبالنسبة لي .. لحدت الآن ما قابلني أجمل من بنات بلادي .
Post: #62 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: عبد الرازق سعيد Date: 12-01-2010, 10:15 AM Parent: #61
Quote: يا ترى لو غنت "اسمر جميل" تشادية او صومالية هل كنا سنفرح هكذا؟
سؤالك نفسه يشتم منه رائحة إستعلاء لماذا إخترت هاتين الجنسيتين تحديداً هل بالنسبة لك يحتلان موقعاً في آخر القائمة أما كان بالإمكان طرح سؤالك هذا دون تحديد أي جنسية تجنباً للإساءة والتقليل من شان شعوب نحترمها ونقدرها تستمتع لأغانينا وترددها منذ عشرات السنين إذا لماذا نفرح لأمر عادي يتكرر بصورة يومية ؟ ولا نطرب لأداء متفرد وتوزيع موسيقي بديع لأغنية تعتبر من أجمل وأعزب الألحان السودانية سواء كان هذا الأداء من فنانة سورية أو من أي جنسية أخرى ...
Post: #63 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: وليد عبد اللطيف Date: 12-01-2010, 10:47 AM Parent: #62
دكتور سيف وضيوفة من طبع الشعب السوداني الطيب لما يسمع اي شيء يخص السودان بكون سعيد جدا بغض النظر من الذي يغني ومن اي بلد ودا شعور متفق عليه كل سوداني ينتمي الى السودان الجميل شوف قبل كم يوم في قناة تشادية افتحها اشوف فنان سوداني بغني والموسيقى سودانية والتسجيل قديم جدا ووجدته فنان سوداني يغني في منطقة جدة بالسعودية اسمه ( محمد ) فكنت سعيد جدا جدا . وكثيرا ما نسمع بأن الجالية التشادية في مناسباتهم الخاصة والعامه يأتون بفنانين سودانيين ومعظم الناس التي تغني للسودان رغم صعوبه مخارج كلماتنا لهم نحبهم ونطرب لهم والامثال كثيرة وتم ذكرها من بعض الاخوان هنا ....
Post: #65 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: طارق ميرغني Date: 12-01-2010, 11:03 AM Parent: #63
اخي سيف النصر
علي ما اعتقد ان القصه وما فيها ليست اعجاب بجمال البنت السوريه لانها عادية الملامح
بل لب القضيه في انو غنت لنا فتاة عربيه لاننا تعودنا من حب الافارقة لنا كالاثيوبيين والارتريين والصوماليين وغيرهم تعودنا علي سماع اغانينا علي افواههم لاننا الاقرب لهم من ناحية سلالم موسيقية وحتي الايقاعات اما العرب فلا سلالمنا ،لا ذوقنا ولا حتي ايقاعاتنا تشبههم ولا يشبهونا فقط البلمنا معاهم اللغه.
لذا كانت مثار دهشة الجميع رغم تاميني علي ان تلك الفتاة قد قدمتالاغنية بصورة جيده وصوتها ملان تطريب
Post: #66 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: حمد عبد الغفار عمر Date: 12-01-2010, 11:04 AM Parent: #62
د سيف
سلام
من ناحية استماع فقط
البت دي ادت الاغنية بصورة قريبة جدا من اداء الكاشف واعتقدانو افضل من ادى الاغنية دي بعد الكاشف هي زينة وما تنسى انها لسه بت صغيرة
ودا كان ظاهر اكتر في الاصرار الذكي لابراز نفس اصوات الآلات الموسيقية التي تظهر في اوركسترا الكاشف
وبنفس التوزيع الموسيقي
وانا في رأي انو الفرح داراجع لانو البت دي اختارت قمة غنائية سودانية يتهيب كثير من ناشئة الغناء الاقتراب منهاأو بالواضح كدا الاقتربوا قاعدين يخربوا في اغانيه بالدنب والصولات والجيتارات بدون رؤية
في الوقت الفيهو هي كانت عارفة دايرة تعمل شنوا ونجحت
Post: #86 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Omer Mustafa Date: 12-04-2010, 02:57 PM Parent: #57
Post: #64 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: رانيه محمد الشيخ Date: 12-01-2010, 10:58 AM Parent: #1
احتمال بند اكتشاف انهم بيسمعونا حسى فى مسابقه حقت اطفال الاغنيه السودانيه كان فازت وبرضو غنيتها طفله ما متذكره جنسيتها اكيد من حقنا نفخر لمن نحرز تفوق على نطاق العالمى زى ما بنزعل لمن يعكسوا صورة السودان بشكل مهين فى الافلام والبرامج برضو فى برنامج المسابقات حق الفريق بتاع شمال افريقيا كنا سعيدين لمن اصبح لوطنا لوحه زى باقى البلدان لان الواقع بلدنا اسمها ينطق عادتا فقط فى المجاعات والازمات والحروب وقبال كده فى التمانيات الكويت نزلت لوحه السودان بشكل اروع ما يكون
Post: #67 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: tmbis Date: 12-01-2010, 11:06 AM Parent: #64
وبالمناسبة: لوحة السودان هي اللوحة الفازت في الأوبريت دا من مدرسة حراء ..
والمناسبة التانية: الوكت داك دعاة العنصرية والاستلاب .. والخ .. كانو بيمضغوا في خيرات الكويت .. وتراجي عثمان ما كانت بتعرف كندا دي وين في الخريطـة ..
Post: #68 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Saifelyazal Elmaki Date: 12-01-2010, 11:11 AM Parent: #64
دكتور سيف وضوفه تحية عطرة الفن والموسيقى ليس لها حدود وإثنية قد تطربني اغنية سودانية بلسان صيني أو تشادي على حسب الآداء أذواق الناس بتختلف يا دكتور لكن بصراحة البنت أدت الأغنية بصورة رائعة
Post: #69 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 12-01-2010, 11:19 AM Parent: #68
شكرا يا شباب كل الآراء هي محل تقدير و احترام عندي .
Post: #70 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: كمال الشادي Date: 12-01-2010, 02:13 PM Parent: #69
انيس منصور في تناوله لظاهرة نانسي عجرم قال كلام جميل جدا
قال من المفترض ان نبتدع معيار جديد للجمال نسميه العجرم فنقول هذه جميلة ثلاثة عجرم وتلك عشرة وهكذا
قال ما العيب أن نستمع لفنانة لمجرد انها جميلة ( ما طول عمرنا بنسمع ام كلثوم وهي مش حلوة )
الاخ دمبس اسعدني مرورك على مداخلتي السابقة واسعدني ما قطعته منها شكرا
بمناسبة حديثك عن الموسيقى الخماسية وغناها وثرءها
يا أخي الكلام ده لمن تسمع موسيقى من الشرق الادني اقصد الحتة تباعة كوريا - الصين - ماليزيا - اندونسيا
يا أخي تحس إنو الموسيقى فعلا غنية
عيب موسيقانا ( او عيب اللي بيمارسوها ) انها خط لحني واحد كل العازفين واحد اتنين تلاتة يعزفوا حاجة واحدة
مستحيل أين البعد الثالث البعد الثالث إنو يكون في واحد بيقول حاجة والتاني يقول حاجة مختلفة حسب نوع الالة وهكذا
للذين يدمنون سماع الموسيقى الراقية ( وافتخر إني منهم ) يصعب عليهم سماع الخطوط اللحنية الواحدة في الغنا السوداني حتى لو غنتو واحدة سورية جميلة
يا أخي شوف المسرح لمن بتغني فيروز تشك عديييييييييييل كده
كل الناس دي عشاني انا عشان يوصلو ليك الموسيقى بشكل راقي يطربك ويكيفك
تحياتي
Post: #71 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: وليد عبد اللطيف Date: 12-01-2010, 02:38 PM Parent: #70
يامعروف سنادة ... سلامات
Quote: وليد
ألم تر كيف لوّح وردي جيبوتي بيده ثم هتف: إسماعيييل
مبااااااااااااااااااااالغة
Post: #72 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Kamal Karrar Date: 12-01-2010, 04:37 PM Parent: #71
هناك جانب آخر من الصورة....
هل أسم افتيموس عربي؟؟؟
أم سوري؟؟
أعتقد أن الأسم ربما كان كردي أو شركسي أو أشوري..
المهم أنه ليس عربي.. ربما أغريقي....
طيب هل المسألة "إستلاب" كما يقول البعض أم "تلاقح"
شعوبا وقبائل لتعارفوا....
هذه كوة أخرى يمكن أن ينفذ منها ضوء يضيء مساحات أخرى للنقاش
اللغة يا سادتي ماعون لتوصيل فكرة ..إبداع.. معنى...
تحياتي
Post: #73 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 12-01-2010, 05:53 PM Parent: #72
Quote: السورية لمن تغني للكاشف بتديني إحساس انها قربت خطوة من إنها تكون في حاجة مشتركة بيني وبينها يعني ممكن نكون اصحاب إهتمام مشترك ( على الاقل الكاشف ) وممكن الاهتمام يتطور ( لحاجة اكبر )
نشكو وبقوة من عقدة العرب ومن إننا عرب ( درجة عاشرة ) حسب تصنيف العرب نفسهم هم يروننا ( في الخليج ) عبيد ونناضل بشدة أن نقول غير ذلك
العزيز الشادي أنت بكلامك هذا عبرت عن قطاع كبير من الجمهور و نجحت في تصوير الفكرة الاساسية في اذهانهم ببراعة تحسد عليها . شكرا على مجمل المداخلات يا كيمو.
Post: #74 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: كمال الشادي Date: 12-02-2010, 10:34 PM Parent: #73
*
Post: #75 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: كمال الشادي Date: 12-02-2010, 10:34 PM Parent: #73
*
Post: #76 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: محمد الامين احمد Date: 12-02-2010, 10:39 PM Parent: #75
يا عزيزى كلمة (لو) دى ما مفيدة ، خليهم يغنوها و الميدان يحكم
اما الافتراض ، فهو اكيد غير مفيد هنا ابدا ، و يفتح الباب لكثير من التأويلات
Post: #77 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: إسماعيل حميم Date: 12-02-2010, 11:47 PM Parent: #76
د. سيف سلامات
Quote: يعني يا اسماعيل انت اسي ماشي ناكت البوست ده من جحره عشان ترد على حيدر ؟؟؟؟ يا ترى لو غنت "اسمر جميل" تشادية او صومالية هل كنا سنفرح هكذا؟ انت موضوع البنية السورية ده ما طرحو د. سيف هنا
مالك ماقلت رايك ؟؟؟
تحيات كتيرات
جمال الباقر
أخوي جمال الباقر سلامات
صدقاً لم أره !!
ولعلمك أنا فتحت البوست بتاريخ 15 نوفمبر وبوست د. سيف بتاريخ 30 نوفمبر
لكن دحين د. سيف بحب البوستات العنقودية ولا كييييف ؟؟ ما كان يعلق لينا في البوست عشان نشوف رأيه فالمسألة وجهة نظر والجمال نسبي ويقاس حسب كل إنسان ومكنون دواخله
وفي إعتقادي الطرح هو ربط بين الفن وسياسة الجهوية والعنصرية وعندما فتحت البوست القصد كان تقيّم للعمل الذي أعجبني فيه روعة الأداء من منظور فني "على قدر معرفتي" دون النظر للجهة والسحنة وجمال الملامح
ولكل منا وجهة نظر نحترمها وإن لم نتفق
كل الود إسماعيل حميم
.
Post: #78 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: خدر Date: 12-03-2010, 09:56 AM Parent: #77
Quote: سلام يا عمران الحقيقة ممكن تكون مكونة من عدة اجزاء و لها عدة وجوه منها أننا دائما نسعى لأن ننال اعترافا بعروبتنا من العرب الآخرين و خصوصا في مسألة الغناء هذه، لذا كثيرا ما يردد الاعلام عندنا أن اغنيتنا لم تنتشر "عربيا" لأن اعلامنا ضعيف أو لأننا لا نحسن تسويق اغانينا و موسيقانا أو لغير ذلك من الاسباب و هذا الأمر تجده هاجسا يشغل اذهان الكثيرين و لا تمر مناسبة الا و تحدثوا فيها عن هذا الأمر. الشئ التاني هو أننا نهمل محيطنا الافريقي الذي نحن منه و في قلبه و تجدنا دوما متطلعين صوب المراكز العربية، قد يكون هذا الأمر سببه اشتراكنا معهم في اللغة او سببه نظرتنا لأنفسنا كعرب و لكن يبقى من هو الذي حدد لغتنا و فرضها لغة وحيدة على الاذاعة و التلفزيون و الصحف الخ و من هو الذي حسم أمر انتمائنا و هويتنا و حدده هذا التحديد القاطع و طبع به مجمل حياتنا الثقافية و السياسية؟ لو كانت تربيتنا مختلفة يا عمران ربما لم يستمع والدك لأم كلثوم و ربما لم نعرف اساسا أن هنالك سيدة في مصر اسمها ام كلثوم. الشي التالت هو أنو الموضوع زاد عن حده من مجرد الاحتفاء بصوت و طريقة آداء الاخت السورية لأغنية سودانية و تحول لمظاهرة عديل، و انا هنا لا اتكلم عن س.اونلاين فقط . ادخل كل المنتديات السودانية على الانترنت و شوف.
سلامات يا معلم كلامك (بالاحمر) ده هو اساس النقاش الصحي الجزء الاخير (بالاسود) ده حسادة منك ساي
Post: #79 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: خدر Date: 12-03-2010, 10:14 AM Parent: #78
الصوت الجميل يا سيف ما عندو علاقة بالسماحة او الشناة دي القاعدة لكن امزجة المواطنين بتختلف , في ناس ما بدوروا الزول الشين نقول عليهم عنصريين و نديهم 10 جلدات ؟
بعدين زينة دي غنت حلو + هي ذاتها شديدة انت عاوز المستمع يحلل و يفكر في اسباب إعجابو بالبت و الاغنية ولا يستمتع و يفرح ؟
لمن تبتسم ليك بت جميلة في الشارع لا البت مطالبة بتوضيح هويتها او اسباب إبتسامتها ولا انت مطالب توضح انك فرحت ليه الفرح ده يا اخوانا من حقنا ساي كده بس
Post: #80 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: خدر Date: 12-03-2010, 10:19 AM Parent: #79
ثم انو تشاديات و صوماليات اوربا يا معلم غير تشاديات و صوماليات السعودية ده إذا كان الفاكتر الاساسي بتاعكم هنا الجسد و جمالو اما إذا كان اللون فبرضو دي حالة مزاجية البعض يحبها بيضاء و الاخر يحبها سمراء حا نحاكم امزجة الناس في الجمال برضو و نفرض عليهم الالوان التي نريد ؟
____ عندي تعليق علي كلامك حول تاريخ السماع السوداني العربي و كيفية فك الاشتباك ده + شرح لاسباب إحتفائنا بزينة موسيقيا لكن ما اظن بوستك عن الحاجتين المهمات ديل .. البوست ده انت سيق فيهو إتهام ضد السودانيين و تجريمهم بتهمة حب اللون الابيض
Post: #81 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: لؤى Date: 12-03-2010, 10:39 AM Parent: #1
Quote: موجة طاغية من الاعجاب و الفرح بالبنت السورية التي غنت اغنية الكاشف
Post: #82 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: saadeldin abdelrahman Date: 12-03-2010, 12:21 PM Parent: #81
مبسوط ولا حاسد يا صاحبي
Post: #83 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: سيف النصر محي الدين محمد أحمد Date: 12-03-2010, 12:51 PM Parent: #82
Quote: عندي تعليق علي كلامك حول تاريخ السماع السوداني العربي و كيفية فك الاشتباك ده + شرح لاسباب إحتفائنا بزينة موسيقيا لكن ما اظن بوستك عن الحاجتين المهمات ديل .. البوست ده انت سيق فيهو إتهام ضد السودانيين و تجريمهم بتهمة حب اللون الابيض
الاتنين+التالتة يا خدر و الله العظيم
___________________________________ سعد الدين عليك الله اديني سبب واحد مقنع يخلي الزول كورتو ما تفك.
_______________________________________ اسماعيل حميم : الرابط بالله يا حبيب.
_________________________________ يا لؤي شكرا جزيلا ياخ .
Post: #84 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: إسماعيل حميم Date: 12-03-2010, 02:33 PM Parent: #83
Quote: اسماعيل حميم : الرابط بالله يا حبيب.
بالرغم من حصر الحبيب لؤي لبوستات لُب الموضوع لكـــــن لتسهيل الوصول أخل في الرابط أدناه
Post: #85 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: الوليد محمد الامين Date: 12-03-2010, 03:12 PM Parent: #84
الاخ الكريم سيف
ظني ان كثيرا من السودانيين فرحوا لان البت سورية ، أي ان العرب المشككين فيب عروبتنا بدؤوا بالانتباه الينا ،
لو كانت المغنية من دولة افريقية لما فرحوا مثل ذلك ،
الأمر عندي لا يخلو من استلاب ودونية تجاه الاخر ، تصادف هنا ان هذا الاخر هو العربي وخاصة السوري الذي رفض انضمام السودان لجامعة الدول العربية !
لا أقول بأن الفرحين حللوا كل ذلك ولكن ظني ان عقل الاستلاب له الياته الخاصة في التحليل .
عن المغنية فالاكيد انها لم تتغن بالاغنية وفي بالها كل هذه الاسقاطات ، الامر هناك ابسط من ذلك ،
مودتي للجميع فرحين وغير فرحين !
Post: #87 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: Omer Mustafa Date: 12-04-2010, 03:03 PM Parent: #85
Post: #88 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: الزبير صالح الزبير Date: 12-04-2010, 11:45 PM Parent: #87
الجمال لة أثر في الاستمتاع يعني لو غنت البنية دجاجي يلقط الحبة برضوا بنطرب
Post: #89 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: khaleel Date: 12-05-2010, 00:03 AM Parent: #88
سلامات يا دكتور
في الكاميرون يعرفون حسن عطية ولا يعرفون ام كلثوم
Post: #90 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: يحي ابن عوف Date: 12-05-2010, 00:04 AM Parent: #88
سلام ياعزيزى لأنهم فيهم الخير تذكرونا؟ لأنهم فيهم الخير دعاة التعريب هيمنة على مقدرات السودان إقتصاديا وسياسيا و ثقافيا عبر إمتلاك وسائل الاعلام وتوجيهها نحو هذا الهدف متعمدين طمس الثقافات المحلية
Post: #91 Title: Re: يا ترى لو غنت "اسمر جميل" تشادية او صومالية هل كنا سنفرح هكذا؟ Author: khaleel Date: 12-05-2010, 00:09 AM Parent: #90
