(( ولو من المريخ السوداني )) ...........؟؟؟؟؟؟؟؟؟؟؟؟؟؟؟؟؟؟؟؟؟؟؟رأيكم شنو يا.... صفوة

Quote: كشف فهد العنزي نجم المنتخب الكويتي أنه تراجع عن قراره خوض تجربة احترافية جديدة مع فريق بارتيزان بلغراد الصربي أو التجربة مع أحد أندية الدرجة الثانية في الدوري الفرنسي بعد العروض المغرية التي تلقاها خلال خوضه مباريات منتخب بلاده في دورة كأس ''خليجي 20''، موضحا ''العروض الأوروبية جادة وحتى اليوم اتلقى اتصالات منها، كوني لعبت 180 دقيقة مع الفريق الصربي وأسهمت في تسجيل هدفين، لكن العروض المالية السعودية أفضل''. وقال لـ ''الاقتصادية'' في حديث خاص ''نعم تلقيت عرضين جادين ومغريين للانتقال إما للنصر أو الاتفاق السعوديين، وأنا لا أمانع، بل أرحب وبشدة، أبلغت مدير أعمالي في الكويت بتأجيل دراسة الأفضل والاجتماع مع مسؤولي أي ناد حتى فراغي من كأس الخليج''. وأضاف ''ليست لدي مشكلة مع لون القميص الذي سأرتدية في الدوري السعودي، شرطي هو المبلغ المالي العائد لي كون ظروفي قاسية وإلا لست مضطرا لمغادرة كاظمة الكويتي، ولو جاءني عرض أفضل من المريخ السوادني لوافقت على الفور''. وعن ميوله وماذا يشجع في الدوري السعودي، قال ''أنا مشجع متعصب ومتميز لدوري زين السعودي للمحترفين، لا تفوتني مباراة واحدة وأعرف كل شيء عنها، ومتابع كذلك للصحف السعودية'', وتابع ''أميل للهلال لأن لونه الأزرق مشابه للون المنتخب الكويتي، لكني لا أشجعه كمشجع متعصب''. واعترف العنزي أنه جلس مع زميليه بدر عجب ومساعد ندا واللذين سبقاه في خوض تجربة في الدوري السعودي، وطلبا منه الموافقة والانتقال وعدم تفويت الفرصة، وقال ''عجب وندا امتدحا الاتفاق الفريق الجيد، والنصر المتميز خاصة أن الثاني يملك شعبية جماهيرية كبيرة''. وزاد ''أنا متحمس لكنني لن أتفاوض مع أحد حتى تنتهي كأس الخليج، حتى بدر المطوع طالبني بالرحيل للدوري السعودي''. واعترف أن هناك عروضا أخرى من أندية سعودية ليست جادة، وقال ''لن أتكلم في شيء ليس رسميا أو جادا، لكن عرضيّ النصر والاتفاق جادين كثيرا''.

المصدر
http://www.aleqt.com/2010/11/30/article_473949.html

الحبيب فضل كرار
خالص التحايا

كلام عادي بس افتكر نحن السودانيين حساسين شويه
طيب لو اتقدم المريخ بعرض لهذا اللاعب ووافق إنت رايك بكون شنو
افتكر كلام عادي وهو لاعب موهوب وبفتش لعرض جيد
المريخ فريق معروف في الدول العربية بانجازاته
والله إنت يا رشاشات بتاعين محن كيف

Quote: نحن السودانيين حساسين شويه

في دي معاك حق يا سيف اليزل

لكن ،،،،
ليه المريخ السوداني بالذااااات ؟؟؟؟
كان ممكن يقول ( من أي فريق آخر )
ويكون وصل المعني بتاعو

واللا مش كده يا صفوة

Re: أها يا ناس المريخ السوداني ............رأيكم شنو ؟؟؟؟؟؟؟؟؟؟؟؟؟؟؟؟؟؟؟؟]

كرار

Quote: ليه المريخ السوداني بالذااااات ؟؟؟؟ كان ممكن يقول ( من أي فريق آخر ) ويكون وصل المعني بتاعو

أنا بالنسبة لي عادي لكن ما قادر أعرف إنت فهمك شنو
قصدك نوع من الاساءة للمريخ وتقلل من المكانة ؟
ما من اللباقة افتراض حسن/سوء نية شخص
واطلاق احكام على عواهنه

Quote: أنا بالنسبة لي عادي لكن ما قادر أعرف إنت فهمك شنو قصدك نوع من الاساءة للمريخ وتقلل من المكانة ؟ ما من اللباقة افتراض حسن/سوء نية شخص واطلاق احكام على عواهنه

سيف اليزل
كدي نخلي العواطف وحبك الجارف للمريخ شوية
ونتكلم بالمنطق
واحد بيقول ( أنا عندي عرضين من السعودية ، وأنا بحب الفريق الفلاني
لكن لأنو ظروف كعبة ، بيهمني العرض المالي بس ، حتي لو المريخ السوداني
قدم لي عرض أفضل ح اقبل بيهو)

يبقي السؤال : ليه المريخ السوداني بالذااااااات ؟؟؟؟

ممكن نضرب أمثلة كتيرة جداً ويكون داخل فيها كلمة ( لو ) أو ( حتي )
والمعني في النهاية بيودي لحاجة مستبعدة جداً في نظر القائل

عبد الكريم ( الما كيكي )
صباحاتك نواضر
أولاً أسفي الشديد علي الخطأ الفني من كمبيوتري أو من الموقع ما عارف
عشان البوست الأولما ظهر لي نهائي ،،،، وأسمح لي بنقل مداخلتك في البوست الأول هنا ،،، سمحت لي ؟ شكراً
ثانياً أتفق معاك تماما في الدلالات والإحتمالات الفسرت بيها تصرح العنزي بالذات الإحتمال الرابع

Quote: الاُستاذ فاضل كرار.. ** صباحك خير.. ## مع أنك معنون البوست بــ :- أها يا ناس المريخ السوداني .......رأيكم شنو ؟؟؟؟؟؟؟؟ ## وللعلم أنا عاشق للون الازرق بكل درجاته اللامتناهيه.. (ولكن إستفزنى تصريحه) ## ولكن العباره التى ذكرها اللاعب الكويتى يُمكن أن تتحمل أكثر من معنى (علماً بأنه من فئة البدون ومادراك ماالبدون):- ** 1/ يكون سمع بموضوع وارغو والمبلغ الخُرافى الذى دُفع له من قِبل المريخ.. ** 2/ يكون مكنة كلمة صــفـــوه عاجباهو.. ** 3/ بيكون سامع أنو المريخ مُحتاج لمُهاجم سوبر.. ** 4/ إستهتار وإستهانه ليس بالمريخ بل بكل ماهو سودانى .. ## لا أحترم إى شخص "مهما كان" يُقلل أو يستهزئ بالشخصيه السودانيه سواء كانت إعتباريه أو شخصيه.. ## وإذا وجد فرصه إنو يلعب فى السودان فهذا شرف له فسوف يحصل على جنسيه وجواز سفر على أقل تقدير.. (ودام الود والإحترام بين الجميع) (ابو محمد فؤاد) - الماكيكى..

Quote: ولو جاءني عرض أفضل من المريخ السوادني لوافقت على الفور''.

يا فضل هوووي كلام الزول دا ما فيهو اي حاجة .. وواحد من اتنين :
يا اما قُدم ليهو عرض عن طريق وكيل لاعبين بالانضمام للمريخ .
او بيقدم نفسه للمريخ لعلمه بمكانة الفريق وامكاناته المادية ...


والموضوع ما فيه اهانة ولا سخرية ولا تقليل من قيمة المريخ !!! ومن هو ليفعل ذلك !!

Quote: والموضوع ما فيه اهانة ولا سخرية ولا تقليل من قيمة المريخ !!! ومن هو ليفعل ذلك !!

بتمني كدا يا عوض
ولكن بالعقل كدا
الموضوع فيهو إهانة
لأنو معني كلامو ( بيهمني القرش بس حتي لو من المريخ السوداني )

Quote: ولو جاءني عرض أفضل من المريخ السوادني لوافقت على الفور''.

** الاُستاذ فاضل كرار..
** صباحك خير..
## مع أنك معنون البوست بــ :- أها يا ناس المريخ السوداني .......رأيكم شنو ؟؟؟؟

## وللعلم أنا عاشق للون الازرق بكل درجاته اللامتناهيه.. (ولكن إستفزنى تصريحه)
## ولكن العباره التى ذكرها اللاعب الكويتى يُمكن أن تتحمل أكثر من معنى (علماً بأنه من فئة البدون ومادراك ماالبدون):-
** 1/ يكون سمع بموضوع وارغو والمبلغ الخُرافى الذى دُفع له من قِبل المريخ..
** 2/ يكون مكنة كلمة صــفـــوه عاجباهو..
** 3/ بيكون سامع أنو المريخ مُحتاج لمُهاجم سوبر..
** 4/ إستهتار وإستهانه ليس بالمريخ بل بكل ماهو سودانى ..

## لا أحترم إى شخص "مهما كان" يُقلل أو يستهزئ بالشخصيه السودانيه سواء كانت إعتباريه أو شخصيه..
## وإذا وجد فرصه إنو يلعب فى السودان فهذا شرف له فسوف يحصل على جنسيه وجواز سفر على أقل تقدير..

(ودام الود والإحترام بين الجميع)
(ابو محمد فؤاد) - الماكيكى..

Quote: ولكن العباره التى ذكرها اللاعب الكويتى يُمكن أن تتحمل أكثر من معنى

عبد الكريم / فاضل
عبارة اللاعب الكويتي بتحمل معنى واحد لا ثاني له وهي الإساءة والتقليل من شأن المريخ
أنا إستغرب من الذي يريدونا أن نتحمل مثل تلك الإساءات بصدر رحب
ويصفون رفض هذه التفاهات بأنها حساسية أكثر من اللازم

Quote: عبارة اللاعب الكويتي بتحمل معنى واحد لا ثاني له وهي الإساءة والتقليل من شأن المريخ أنا إستغرب من الذي يريدونا أن نتحمل مثل تلك الإساءات بصدر رحب ويصفون رفض هذه التفاهات بأنها حساسية أكثر من اللازم

أوفيت وكفيت يا عبد الرازق