محمـــد عـــادل .. بريء

محمـــد عـــادل .. بريء


11-29-2010, 03:59 PM


  » http://sudaneseonline.com/cgi-bin/sdb/2bb.cgi?seq=msg&board=310&msg=1291042785&rn=30


Post: #1
Title: محمـــد عـــادل .. بريء
Author: علاء الدين حيموره
Date: 11-29-2010, 03:59 PM
Parent: #0

براءة الذئب من دم ابن يعقوب

Post: #2
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:17 PM
Parent: #1

فلا تحملوا الموضوع اكثر من ذلك ..

Post: #3
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:29 PM
Parent: #2

نعم بدأ محمد عادل الكتابة في المنبر منذ اربع سنوات او اكثر ...
وكانت مشاركاته 12655 ..

لقد بدأ متسرعا في الكتابة .. وكانت الاخطاء الاملائية ( حدث ولا حرج ) ..
وانتقد في ذلك باضعاف عدد مداخلاته ...
ولكن اليوم وفي كل المقال لا تجد سوى غلطة او غلطتين ( بس ) ..

Post: #4
Title: Re: محمـــد عـــادل .. بريء
Author: Tragie Mustafa
Date: 11-29-2010, 04:31 PM
Parent: #3

.

Post: #5
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:35 PM
Parent: #4

نعم اخت تراجي ولغاية امس القريب كنت اجزم بان هنالك من يكتب للاخ محمد عادل ..

الاخ محمد عادل وبحضور بعض الاخوان من منبر سودانيز سالته :
من يكتب باسمك يا محمد عادل ؟؟؟
ولكنه اقسم قسما غليظا بانه هو الذي يكتب باسمه وانه ليس هنالك من يكتب باسم محمد عادل ...

Post: #6
Title: Re: محمـــد عـــادل .. بريء
Author: ALGARADABI
Date: 11-29-2010, 04:35 PM
Parent: #4

مبارك الفاضل ثقافتو انجليزية

ههههههههههههههههههههههههههههه

علاء
مشتاقين

Post: #7
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:38 PM
Parent: #6

Quote: مبارك الفاضل ثقافتو انجليزية


القرضابي حبيبنا ...

ياخ الناس قرضو محمد عادل قرض ....


عايزين نجرب محمد عادل في الكتابة باللغة الانجليزية ...



والله الشوق مطر ..

Post: #8
Title: Re: محمـــد عـــادل .. بريء
Author: احمد محمد احمد عتيق
Date: 11-29-2010, 04:42 PM
Parent: #7

الزول دة مالو ...

زول كويس ...خالص ...

Post: #10
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:46 PM
Parent: #8

اهلا بيك اخوي عتيق
Quote: الزول دة مالو ...

زول كويس ...خالص ...


نعم من ناحية كويس دي ما فيها اي شك واخو اخوان ...

لكن كلنا بنتكلم عن ان هنالك شخصا يكتب باسم محمد عادل ...

Post: #9
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:43 PM
Parent: #7

هل يمكن ان نرجع سبب تفوق محمد عادل في الاملاء الى منبر سودانيز اون لاين ؟؟

Post: #11
Title: Re: محمـــد عـــادل .. بريء
Author: علاء الدين حيموره
Date: 11-29-2010, 04:50 PM
Parent: #9

بالرغم من اختلافي الكبير جدا مع الاخ محمد عادل فيما يتبناه من افكار
وفي طريقته القاسية في الردود على بعض الاخوة والاخوات في المنبر الا انني
استشرق خيرا في ان الاخ محمد عادل حتما سوف تزيد ثقافته مع مرور الايام
ووقتها يستطيع ان يجد الاحترام حتى مع الذين اختلفو معه ...

Post: #17
Title: Re: محمـــد عـــادل .. بريء
Author: عاطف مكاوى
Date: 11-29-2010, 05:09 PM
Parent: #11

الأخ علاء
تحياتي

الحقيقة استغربت من قول الصديقة تراجى عندما قالت بأن السيد مبارك الفاضل يكتب بحساب محمد عادل
واستغرابي ناتج من أننا مهما اختلفنا مع مبارك الفاضل فلا يمكن أن نقلل من زعامته لقطاع عريض
ولامكانياته الخطابية والسياسية التي لا يمكن أن تُخطئها أُذن أو عين.....
أذكر أنني استمعت اليه في اذاعة قطر عندما كان أمينا عاما للتجمع الوطني وقد أدهشني بلباقته ولغته الرفيعة
صحيح أنه تسبب في الكثير من البلاوى ...... ولكن بلاويه لا تصل لمرحلة أن يتخفي خلف
باسوورد محمد عادل .

أعتقد أن الأخت تراجي قد أخطأت هذه المرة حينما قالت أن مبارك يكتب بحساب محمد عادل ورباح الصادق تكتب بحساب عمر عبدالله
وكلنا يعلم مقدرات عمر في الكتابة وعدم حاجة رباح للتخفي...... وحول عمر كان من الممكن أن تقول عنه بأنه يتبني أفكار الأخت رباح الصادق
أو يدافع عنها وهذا طبيعي ....... أما تجريده من المقدرات الكتابيه فهذا اجحاف يا تراجي

فلتكن هذه غلطة الشطار........ ولنفتح صفحة جديدة طالما كلنا في الهم والمعارضة شرق.

Post: #19
Title: Re: محمـــد عـــادل .. بريء
Author: علاء الدين حيموره
Date: 11-30-2010, 11:17 AM
Parent: #17

الاخ / عاطف مكاوي

تحياتي

Quote: عندما قالت بأن السيد مبارك الفاضل يكتب بحساب محمد عادل


تجربة مبارك الفاضل وخطابه السياسي لا يشبه ما يأتي به الاخ / محمد عادل
بمعنى انه لا يمكن ان يقول مبارك الفاضل ( لا نور ولا موية يا بشير يا ككوية ) !!!!!!!!!!

فاللغة التي يستعملها محمد عادل هي لغة ونسة ساي وغير مفوض من اي جهة كانت بان يكون من ضمن كادرها الخطابي ...

فلا اعتقد ان مبارك الفاضل هو من يكتب باسم محمد عادل ..


شكرا اخوي عاطف

Post: #12
Title: Re: محمـــد عـــادل .. بريء
Author: Tragie Mustafa
Date: 11-29-2010, 04:55 PM
Parent: #9

الاخ علاء
شوف يا غالي
العزيز محمد عادل مش يحلف لو دخل جوا المصحف ذاته فهو كاذب
ويغطي على شخصيه كبيره نعرفها جميعا.

Quote:
الاخ محمد عادل وبحضور بعض الاخوان من منبر سودانيز سالته :
من يكتب باسمك يا محمد عادل ؟؟؟
ولكنه اقسم قسما غليظا بانه هو الذي يكتب باسمه وانه ليس
هنالك من يكتب باسم محمد عادل
...


استخدام الباس ورد سياسيا ما عندي فيه مشكله يا علاء
ولكن المحزن ان يعتقد من يستخدم الباس ورد انه ممكن يشتم
ويشكك في المعارضين الشرفاء لمجرد انهم اختلفوا معاهو.





محمد عادل الحقيقي
نعرفه.....ونمازحه....ونقدر مواقفه
اما المنتحل....فمن الاشرف له المطالبه باسم آخر
وبكري ما بقصر معاهم وهذا من حقهم,اما الكتابه باسم
محمد عادل فهو انتهاك لآدميته.وهو لا يستحق هذا منهم.

Post: #13
Title: Re: محمـــد عـــادل .. بريء
Author: haroon diyab
Date: 11-29-2010, 05:00 PM
Parent: #12

والله ياعلاء

عملتها ظااااااااااااهرة

ياخي سلم

مشتاقيييييييييييييييييييين

Post: #15
Title: Re: محمـــد عـــادل .. بريء
Author: معتصم محمد صالح
Date: 11-29-2010, 05:04 PM
Parent: #13

Quote: لو دخل جوا المصحف ذاته فهو كاذب



Post: #18
Title: Re: محمـــد عـــادل .. بريء
Author: Tragie Mustafa
Date: 11-29-2010, 05:13 PM
Parent: #13

الفاضل علاء
اختلف معك طبعا في تقييمي لمحمد عادل
Quote:
بالرغم من اختلافي الكبير جدا مع الاخ محمد عادل فيما يتبناه من افكار
وفي طريقته القاسية في الردود على بعض الاخوة والاخوات في المنبر الا انني
استشرق خيرا في ان الاخ محمد عادل حتما سوف تزيد ثقافته مع مرور الايام
ووقتها يستطيع ان يجد الاحترام حتى مع الذين اختلفو معه ...


فمحمد عادل الحقيقي لا تعيبه عندي اخطائه فهو شاب معدنه فاضل
رغم طولة لسانه احيانا....وقلبه قلب اسد وشجاع جدا وهذه كلها
من صفات القياده....اذكر هنأته كثيرا ايام الانتخابات
انه ترشح....رغم صغر سنه....ووفي جدا لحزبه ولاصدقائه .

ولكن ما يحدث من انتهاك لاسمه سلوك سخيف
ونعلم انه بوفائه لن يصرح ولو شنق.


ولكن اتوجه لمن يستخدم اسمه بان يكف
ويكمنه طلب عضويه باي اسم من حزبه هو حر
ولكن اسم محمد عادل حرام عليك فهو شخص حقيقي ونعرفه
In & Out




اما يا علاء
خير من يقدم شهادته هنا عن محمد عادل
فهم بعد تراجي مصطفى
دينق
الازهري 2
والشايقي بالانجليزي





نحن اكثر زوار لبوستات محمد عادل سابقا
نمازحه
نشجعه
بعضهم يشتمه لاخطائه
لكن اعتقد اكثرنا خبرة باسلوبه هم هذه الكوكبه.



دينق اعرف بانه لن يتقدم بالشهاده
لحسابات يعرفها واعرفها.....
وانا اتقدم بالشهاده
رغم كل حساباتي مع حزب محمد عادل
لاني قرفت من مثل هذه التصرفات.

ولاني اثق انه لا شيئ مثل الشفافيه ستصلح السودان.
ولاني اثق ان اسم محمد عادل فقط محمد عادل من له حق استخدامه.
رغم انه نسخه مكرره من رئيس حزبه مبارك الفاضل!



جهود
يا مبارك الفاضل مقدره رفضك للكيزان
لكن هذا لن يمنعنا من موجهتك باخطائك.
والحرص على تصويبك....لانك ستظل رقم في خريطة السياسه السودانيه.
اما حرصك على المطبلين.....لن يفيدك وسامع كلام الببكيك ما البضحك.





رفضكم لجبهة علي محمود حنسنين قرار خاطيء.
مراهنتك انك وعرمان لوحدكم قادرين على مبطاحة الانقاذ قرار خاطيء.
ابناء جبال النوبه و النيل الازرق لن يتبعوا اي جلابي مرة آخرى.


الجبهه العريضه كيان ناضج وصنعت باراداة ابناء الهامش
مرحبا بكم....ضمنها وليس سادة لها.

انتهى عهد الساده
والسودان القديم لن يظل السودان القديم ابدا ولن يعود.

Post: #21
Title: Re: محمـــد عـــادل .. بريء
Author: علاء الدين حيموره
Date: 11-30-2010, 12:02 PM
Parent: #18

الاخت / تراجي

Quote: نحن اكثر زوار لبوستات محمد عادل سابقا
نمازحه
نشجعه


وعايزنكم تكون الان ومستقبلا وتمازحوه وتشجعوه اكثر ..

Post: #22
Title: Re: محمـــد عـــادل .. بريء
Author: علاء الدين حيموره
Date: 11-30-2010, 12:12 PM
Parent: #13

الحبيب / هارون دياب

ياخ البدخلك بوست الهلالاب شنو ..
احوي محمد عادل عندو مشكلة عايزين نحلها حل ودي ...
يعني دا شأن هلالابي صرف ..
بعد ما تبطلوا رشوة الحكام تعالو اتكلمو ...

Post: #14
Title: Re: محمـــد عـــادل .. بريء
Author: علاء الدين حيموره
Date: 11-29-2010, 05:02 PM
Parent: #12

الاخت / ام حازم

تحية طيبة

Quote: استخدام الباس ورد سياسيا ما عندي فيه مشكله يا علاء
ولكن المحزن ان يعتقد من يستخدم الباس ورد انه ممكن يشتم
ويشكك في المعارضين الشرفاء لمجرد انهم اختلفوا معاهو.


هو اصلا ليس من حق اي شخص سوى سياسيا او اجتماعيا التعامل بكلمة مرور احد الاعضاء ...
محمد عادل شاب يافع وصغير سن ضعيف التجربة في الحياة ...
تحدثت معاه طويلا عن الطريقة التي يخاطب بها الاخوة والاخوات في المنبر ولكن ربما انه كان يتعامل برد الفعل ايضا ....


اي تشكيك وشتيمة من محمد عادل مرفوضة تماما ولا احد يمكن ان يقبلها ...


نرجو من الاخ محمد عادل مراعاة ذلك وسوف يجد كل احترام ..

Post: #16
Title: Re: محمـــد عـــادل .. بريء
Author: الوليد الرشيد وراق
Date: 11-29-2010, 05:06 PM
Parent: #12

Quote: هل يمكن ان نرجع سبب تفوق محمد عادل في الاملاء الى منبر سودانيز اون لاين ؟؟


Quote: الا انني
استشرق خيرا في ان الاخ محمد عادل حتما سوف تزيد ثقافته مع مرور الايام


باااااالغت يا علاء
الزول ده مااااعوقتو عديييل كده

Post: #20
Title: Re: محمـــد عـــادل .. بريء
Author: رغيم عثمان رغيم الحسن
Date: 11-30-2010, 11:38 AM
Parent: #16


عندما اقرأ لمحمد عادل هنا فى سودانيس اون لاين لا يساورنى اى شك ان صاحب هذه الحروف هو نفسه محمد عادل
الانسان الذى اعرفه فى الواقع الممتلئ انمتاء ويفيض وفاء لهذا الانتماء محمد عادل محب الهلال هو محمد عادل حزب الامة والاصلاح والتجديد هو محمد عادل العضو بالبورد
وفى كل منتمى حد التشنج
محمد عادل يكتب هنا بالطريقة التى يناقش بها على ارض الواقع
وانا احترم فيه جدا انه لا يتوانى عن الدفاع عن افكاره مهما بدت طريقته مستغربة من الغير هنا لانه لا يخدع نفسه ولا الاخرين صريح فى قول ما يعتقد انه الصواب ومباشر فى صراحته لايميل للف والدوارن

ما يكتبه هنا هو نفسه ما يقوله على ارض الواقع لا يرتدى الاقنعة ولا يتخفى خلف منمق الكلم ورغم قساوة حرفه وميله الشديد لشخصنة الخلافات إالا انه نموذج جميل للسياسى النزيه وهذا هم المهم

Post: #23
Title: Re: محمـــد عـــادل .. بريء
Author: علاء الدين حيموره
Date: 11-30-2010, 12:32 PM
Parent: #20

Quote: محمد عادل يكتب هنا بالطريقة التى يناقش بها على ارض الواقع


نعم اخوي رغيم ..

محمد عادل فعلا بكتب باريحية ولا يتكلف في صياغة تعابيره وانما يتحدث وكأنه يتونس مع الناس ونسة عامة ..

كل الود

Post: #25
Title: Re: محمـــد عـــادل .. بريء
Author: حذيفه ابراهيم الكباشي
Date: 11-30-2010, 12:37 PM
Parent: #23

كُن بخير اخي وصدقي محمد عادل













..

Post: #26
Title: Re: محمـــد عـــادل .. بريء
Author: علاء الدين حيموره
Date: 11-30-2010, 01:02 PM
Parent: #25

Quote: كُن بخير اخي وصدقي محمد عادل


شكرا اخ حذيفة على المرور

Post: #24
Title: Re: محمـــد عـــادل .. بريء
Author: علاء الدين حيموره
Date: 11-30-2010, 12:37 PM
Parent: #16

Quote: باااااالغت يا علاء
الزول ده مااااعوقتو عديييل كده


بالعكس يا اخ الوليد

نحن ما عوقناه ولا عيب ان تنمي تجربتك الاسفيرية وطريقة مخاطبتك للناس ...

بنتمنى ليه كل التوفيق

Post: #27
Title: Re: محمـــد عـــادل .. بريء
Author: محمد أبوالعزائم أبوالريش
Date: 11-30-2010, 01:20 PM
Parent: #24


سلام يا علاء ...

سلام أم حازم ...

سلام محمد عادل

وكل من يمر من هنا.

مش محمد عادل براهو .... لكن أي واحد بيكتب هنا ليهو أسلوبو وطريقتو ومفرداتو (حتى طريقة الأخطاء) يتفرّد بها كل شخص عن آخر. يعني لو أحرف حريف (إنتحل باسوورد) محمد عادل، حيكون ظاهر، حتى إنتي يا أم حازم ليك أسلوبك البتتفردي بيهو، حتى لو قصدتي تغيريهو .. حتلقي نفسك رجعتي للأصل الإتعودتي عليهو. يعني يا علاء، مهما بقيت حريف، تقدر تكتب بأسلوب ود الصايم؟ الحقيقة مش مسألة الأسلوب وبس ... لكن كل زول عندو (نكهة) مختلفة.

يا أم حازم .... محمد عادل ده عسل والله (بالمناسبة .. ما بعرفو معرفة غير البورد).

Post: #28
Title: Re: محمـــد عـــادل .. بريء
Author: علاء الدين حيموره
Date: 11-30-2010, 01:33 PM
Parent: #27

Quote: محمد عادل ده عسل والله


حبابك ابو الريش

فعلا زي ما قلت الاخ محمد عادل زول ظريف جدا وشخصية محبوبة بس بقوم سداري ..

Post: #29
Title: Re: محمـــد عـــادل .. بريء
Author: علاء الدين حيموره
Date: 11-30-2010, 08:10 PM
Parent: #28

Quote: لكن كل زول عندو (نكهة) مختلفة

Post: #30
Title: Re: محمـــد عـــادل .. بريء
Author: Nasr
Date: 11-30-2010, 08:24 PM
Parent: #29

من زمان جدا شجعت محمد عادل أن يكون شخصية مستقلة
ومستقلة بالتحديد عن مبارك الفاضل
ولو مبارك الفاضل يريد به خيرا لشجعه علي ذلك
عارف صعوبة الحاجة دي (شئ تجربة شخصية وشئ شايفه في التانين)
لكن بتتعمل

Post: #31
Title: Re: محمـــد عـــادل .. بريء
Author: علاء الدين حيموره
Date: 11-30-2010, 08:37 PM

Quote: من زمان جدا شجعت محمد عادل أن يكون شخصية مستقلة
ومستقلة بالتحديد عن مبارك الفاضل


مرحب بيك اخ / نصر

مؤكد ان الاخ محمد عادل متأثر جدا بالسيد مبارك الفاضل وقد يكون ضمن ما يكتبه ما خرج به من حوار او ونسة مع السيد مبارك الفاضل ...
ولكن مع الايام حتما سيستقل محمد عادل حالما نضج سياسيا ..

Post: #32
Title: Re: محمـــد عـــادل .. بريء
Author: محمد عادل
Date: 11-30-2010, 10:55 PM
Parent: #31

الاخ علاء
والله ماشفت البوست دا الا حسه وجزاك الله الف خير واشكرك جزيل الشكر على هذه الكلمات التى تزيدنى حماسه وقوه
واشكر جميع الاخوان والاحباب ومهما اختلفنا او اتفقنا تبقى القضية هى قضية وطن واحد حدادى مدادى لافيهو شق لا طق
واحب اقول للاخت تراجى عميلة جهاز الامن صاحبة امنه ضرار انو انا محمد عادل وليس اى شخص اخر
واذا سيادته عندها خلاف حول بعض من القياده السياسية عليها بان تعرف جيدا بان هذه القياده هى اشجع من مشى على ظهر الارض ولا يخشى فى الحق لؤمة لائم
وهو لايحتاج لاسم محمد عادل حتى يستخبء وراه هو بقول الكلام فى عين اى زول
ونحنا الشجاعه دا هو العلمنا لينا وبنخاف حتى لو ختونا فى النار مابنخاف
واشكرك ياعلاء جزيل الشكر ودا من اصلك الطيب ومن معدنك الاصيل يا اصيل
لك تحياتى ولجميع الاسره الكريمة

Post: #33
Title: Re: محمـــد عـــادل .. بريء
Author: علاء الدين حيموره
Date: 12-01-2010, 09:49 AM
Parent: #32

الاخ / محمد عادل

اشكرك على كلماتك الطيبة وهذا البوست بمثابة دعوى لتذويب الخلافات مع الاخت تراجي وكل الذين تحتد معهم في الخلاف ..

كلامك طيب ولكن ارجو ان تعدل هذه الفقرة ليؤدي البوست غرضه ..

Quote: واحب اقول للاخت تراجى عميلة جهاز الامن


فالاخت تراجي بعيدة عن العمالة والارتزاق ..

شكرا اخي محمد عادل وللتصافى النفوس ..