Post: #1 Title: البشيــــــــــــر يصل الى مطار طرابـــلس Author: محمد عادل Date: 11-29-2010, 11:31 AM
حسه لو كان سافر عينك ماتشوف الا الامنجية والمطبلاتية والانتهازيين فاتحين ليك الف بوست الاسد النتر وفارس افريقيا والمابعرفو شنو كلام فارغ ياخى بشيركم دا مافى زول بهضمو تذكرو فى القمة العربية اللاتنية رئيس البرازيل رفض انو يتصور معاو صوره قال مابتصورا معاو انتو فاكرين بشيركم دا يعنى فى زول بقبلو ياخى المبعوثيين الدوليين الحائمين فى الخرطوم بقابلو اى زول الا هو ياخى من شدة انو الزول دا مامهضوم اى سفير لمن يسلمو اوراق اعتمادو تانى مابحبو اسلم عليهو ياخى من شدة انو الزول دا مكروه رئيس جنوب افريقيا قال ليهو اوعك تجى تحضر المونديال تجى بسلمك ياخى وزير الدوله بالداخلية اليوغندى قال بسلمو الكينيين قالو بسلمو المصريين قامو حولو القمة المصرية الفرنسية الا باريس ماناقصين ليهم حرج مع العالم الكيزان بطمنو فى نفسهم الجنائية قادمة وانا طال السفر والسفر الى لاهاى جاى
Post: #2 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 11:33 AM Parent: #1
Quote: الخرطوم – خاص ليبيا برس
علمت وكالة ليبيا برس قبل قليل بأن الرئيس البشير لن يحضر القمة الأفريقية الأوروبية المنعقدة في العاصمة الليبية طرابلس خلال يومي الاثنين والثلاثاء.
وبحسب مصادر دبلوماسية في العاصمة السودانية الخرطوم، فإن الرئاسة السوداني...ة طالبت الطيران المدني الليبي بالإذن في استقبال طائرة الرئاسة التي ستقل البشير، وعندما تأخر الرد لأسباب تقول طرابلس بأنها فنية بحته، قرر الرئيس البشير إلغاء قراره بالمشاركة في القمة.
يشار إلى قرار الرئيس البشير حضور القمة كان قد أكده وزير الدولة بوزارة الخارجية السودانية كمال حسن على في وقت سابق كما علمت ليبيا برس، وذلك خلال اجتماع أبلغ فيه سفراء ورؤساء البعثات الدبلوماسية الأوروبية في بلاده بقرار الحضور.
وتقول مصادر في العاصمة الخرطوم، بأن عدول الرئيس البشير عن حضور القمة، ربما جاء من أجل رفع الحرج الذي قد يسببه لليبيا التي تستضيف عددا كبيرا من الرؤساء والقادة الأوروبيين، الذين هددوا بالانسحاب من القمة في حال تأكد حضور البشير الذي يواجه مذكرة توقيف من المحكمة الجنائية الدولية بسبب جرائم حرب وإبادة وقعت في دارفور.
Post: #3 Title: Re: البشيــــــــــــر يصل الى مطار طرابـــلس Author: Mustafa Mahmoud Date: 11-29-2010, 11:33 AM Parent: #1
Post: #4 Title: Re: البشيــــــــــــر يصل الى مطار طرابـــلس Author: سيف النصر محي الدين محمد أحمد Date: 11-29-2010, 11:36 AM Parent: #3
ههههههه ايامك يا محمد عادل...متفسح .
Post: #5 Title: Re: البشيــــــــــــر يصل الى مطار طرابـــلس Author: Deng Date: 11-29-2010, 11:39 AM Parent: #4
محمد عادل.
غايتوا يوم بتكتل لك كوز في البورد ده.
Post: #6 Title: Re: البشيــــــــــــر يصل الى مطار طرابـــلس Author: ود الباوقة Date: 11-29-2010, 11:41 AM Parent: #5
Quote: غايتوا يوم بتكتل لك كوز في البورد ده.
هههههههههههههههههههههه
Post: #7 Title: Re: البشيــــــــــــر يصل الى مطار طرابـــلس Author: Mustafa Mahmoud Date: 11-29-2010, 11:43 AM Parent: #6
Post: #9 Title: Re: البشيــــــــــــر يصل الى مطار طرابـــلس Author: عبدالكريم الامين احمد Date: 11-29-2010, 11:46 AM Parent: #7
هلا يا محمد عادل والعنوان الرسمي للبوست مفروض يكون الدود النتر البشير يقدل في سماء طرابلس...وتلصق ليها واحد هيييييييييع كده بالجنبة
والبوست اكيد بكون عاملو اخونا ود الباوقة
Post: #8 Title: Re: البشيــــــــــــر يصل الى مطار طرابـــلس Author: ود الباوقة Date: 11-29-2010, 11:44 AM Parent: #6
Post: #10 Title: Re: البشيــــــــــــر يصل الى مطار طرابـــلس Author: سيف النصر محي الدين محمد أحمد Date: 11-29-2010, 11:48 AM Parent: #8
اعلنوا الوحدة مع مصر و للا الحكاية شنو يا ود الباوقة؟؟
Post: #11 Title: Re: البشيــــــــــــر يصل الى مطار طرابـــلس Author: ود الباوقة Date: 11-29-2010, 11:54 AM Parent: #10
هذا الفديو رسالة لكل العالم تعبير طبيعي من الشعب السوداني بعد نصف ساعة من قرار المحكمة الجنائية بتوقيف الرئيس السوداني اسد العرب البشير وهو في طريق عودته من تخريج لدفعة من ضباط الكلية الحربية من منطقة كرري شمال امدرمان ليجد الشعب الذي يحبه يخرج في الشوارع بطريقة عفوية ليعبرو له عن الحب ورفضهم للقرار بل والذود عنه بالدم فكيف لاكامبو ان ينفذ مذكرته والبشير محمي بشعبه وبحبهم اليه بهذه الصورة الواضحة الله اكبر والعزة للسودان
هيييييييييييييييييع
Post: #12 Title: Re: البشيــــــــــــر يصل الى مطار طرابـــلس Author: Ahmed musa Date: 11-29-2010, 12:10 PM Parent: #11
هييييييييييييع
ــــــــ دينق نحن اولاد بلد واحدنتفق نختلف غنت مالك يازول ؟؟! هييييييييييييع2
Post: #13 Title: Re: البشيــــــــــــر يصل الى مطار طرابـــلس Author: انور التكينة Date: 11-29-2010, 12:24 PM Parent: #12
ســؤال جاد : من يكتب باسم محمد عادل ؟؟؟؟؟؟
Post: #14 Title: Re: البشيــــــــــــر يصل الى مطار طرابـــلس Author: saif massad ali Date: 11-29-2010, 12:54 PM Parent: #13
رشهم رشاهم بلا
Post: #15 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:17 PM Parent: #13
Quote: ســؤال جاد : من يكتب باسم محمد عادل ؟؟؟؟؟؟
انور التكينة
Post: #17 Title: Re: البشيــــــــــــر يصل الى مطار طرابـــلس Author: Tragie Mustafa Date: 11-29-2010, 03:24 PM Parent: #15
يا انور التكينه انت جادي؟؟بالله ما سالنا زمان؟؟!!
ينوبك ثواب يا انور التكينه ولا ود الباوقه جيبوا لينا تصريحات مبارك الفاضل حول الجنائيه.....عشان نشوف حلاوة الفسحه بالباس ورد المعار!
الرجاله الجد ان نناصر الجنائيه علنا وليس من خلال باس ورد معار ولم يفعلها بالداخل سحب علمي الا الشيخ حسن الترابي واستاذنا علي محمود حسنين!!
اعلمت يا سيد مبارك لماذا نحترم علي محمود حسنين الذي برايك هو رجل مسكين لا عشيرة له ولا طائفه تسنده؟؟!!
نحترمه لانه شجاع ويعرف يقول كلمة الحق ولو كانت تهديدات صلاح قوش بتقطيع الاوصال لكل من يعترف بالمحكمه الجنائيه!!
Post: #20 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:45 PM Parent: #17
والله ياتراجى حالتك تحنن قومى لفى وشوف ليك شعله اقضيها انتى زول امنجية وزوله شغاله لصالح الامن وكشفت لينا مصادرنا الكثير قومى لفى انا سيد مبارك وعمر رباح اها سيد صادق منو بس مايكون سيف مساعد خليل ابراهيم والترابى ياربى يكون منو وعلى محمود تكون تراجى مصطفى لكن انتى ما امنجية احتمال تكونى اديتى الباسويرد بتاعك لصلاح غوش قومى شوفى ليك شغله اقضيها كلمتك الف مره سيد مبارك مافاضى للهطرقه بتاعتك دا لو فاكره سيد مبارك بقرا الاشياء دا تبقى غلطانه والله ولا بديها اى اهتمام لكن انا وراك تصريحات سيد مبارك حول الجنائية واضحا ومابدسها وبقوله علنى الكلام التانين يا امنجية
Post: #21 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:49 PM Parent: #11
الشعب بهتف استيم تفاح اوكامبو كلامو صاح طير طير يابشير الى لاهاى يابشير دا هتافات الشعب السودانى ياود الباوقه دا هتافات الغلابه المساكين مش الارزقية والمطبلاتية والامنجية والمنفعجية
Post: #19 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:30 PM Parent: #5
الحبيب دينق سياتى اليوم الذى نحاكمه فيه على اى جرم ارتكبوه فى حق الوطن والمواطن
Post: #18 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:26 PM Parent: #4
الحبيب سيف عقبال مانتفسح فى محاكمتهم
Post: #16 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 03:21 PM Parent: #3
المناضل مصطفى محمود اشاءالله نشوفو كدا عما قريب
Post: #22 Title: Re: البشيــــــــــــر يصل الى مطار طرابـــلس Author: امير مصطفى احمد Date: 11-29-2010, 03:58 PM Parent: #16
Quote: ســؤال جاد : من يكتب باسم محمد عادل ؟؟؟؟؟؟
ولا زالت الاشباح تحوم في المنبر
Post: #23 Title: Re: البشيــــــــــــر يصل الى مطار طرابـــلس Author: الصادق الزين Date: 11-29-2010, 04:25 PM Parent: #22
الشعب دا يا ود الباوقه ما خرج بعفويه و لا حاجه دا شقل كيزان ومنظم كمان هو الشعب اصلا العرفوا منو بان البشير فى وادى سيدنا؟ و لا اصلا متيين البشير قاعد يقول للشعب ما شى ويين و لا جاى من ويين؟ بس كل ما يتزنق زولكم دا تجو تقولو لينا الشعب قال .. وطير طير, الشعب الانا شايفوا فى الفيديو دا لو لبسوا ود الباوقه البرنيطه الخاتيها البشير فوق راسو دا و ركبوك العربيه السمحه دى حيجرى وراك!! و يهتف ليك طير طير, انتم خليتوا فيها شعب!! ما اصلا مدخلنوا فى غيبوبه من زمان وهو ذاتو ما عارف شنو الحاصل , المقياس الحقيقى للشعب يا ود الباوقه يا هو داخل حوش بكرى دا تعال اتفنجض بجاى علشان تعرف حجمكم كم .
Post: #24 Title: Re: البشيــــــــــــر يصل الى مطار طرابـــلس Author: Tragie Mustafa Date: 11-29-2010, 04:45 PM Parent: #23
يا من يكتب باسم محمد عادل طبيعي ان نسأل من تصريحات رئيس حزبكم ولا شنو؟؟؟
Quote: ينوبك ثواب يا انور التكينه ولا ود الباوقه جيبوا لينا تصريحات مبارك الفاضل حول الجنائيه.....عشان نشوف حلاوة الفسحه بالباس ورد المعار!
ما عيب يا حبيب نسالك ولا نسال اي من عضوية حزبكم وين الاساءه هنا البتخليك تتهيج وتزبد وترغي؟؟!!
تصريحاتكم المثبته حول الجنائيه اعيدوا نشرها لنا هنا.
اما حكاية عملت لي ملف يا مبارك الفاضل ولا علمت لي جن كان غيرك اشطر وقدامك آمن الدوله الانقاذيه لو كان لنا ما يسيء في تاريخنا لما انتظروا امثالكم من الهواة!!
Post: #26 Title: Re: البشيــــــــــــر يصل الى مطار طرابـــلس Author: محمد عادل Date: 11-29-2010, 05:43 PM Parent: #24
الامنجية تراجى مصطفى صحبت الوزيره امنه ضرار
Post: #25 Title: Re: البشيــــــــــــر يصل الى مطار طرابـــلس Author: ود الباوقة Date: 11-29-2010, 05:01 PM Parent: #23
Quote: الشعب دا يا ود الباوقه ما خرج بعفويه و لا حاجه دا شقل كيزان ومنظم كمان هو الشعب اصلا العرفوا منو بان البشير فى وادى سيدنا؟
اخي الصادق
يعني الناس ديل دخلوا ليهم جوة بيوتهم
وطلعوهم بالقوة
الفيديو هذا استفتاء حقيقي لحب الشعب السوداني
والتفافه حول قائده الشجاع الرئيس عمر البشير
Quote: المقياس الحقيقى للشعب يا ود الباوقه يا هو داخل حوش بكرى دا تعال اتفنجض بجاى علشان تعرف حجمكم كم .
