وأخيراً .. بحمد الله .. إرتحنا من مهند الطاهر

منقول من صحيفة قون عدد اليوم

Quote: تفيد متابعات قوون القريبة بان نجم وسط الهلال الغزال مهند الطاهر ابدي رغبة اكيدة في مغادرة كشوفات الهلال بالاعارة لاي ناد خارجي وبرر مهند هذه الرغبة لعدم توافقه مع المدرب الصربي ميشو مؤكدا ان مواصلته في وجود هذا المدرب ستكون عديمة الجدوي وليست في مصلحة الفريق ورفض اللاعب الجلوس مع المدرب عندما طلب منه ذلك بسبب عدم التوافق والثقة المفقودة بين الطرفين مشيرا الي ان المدرب قد خذله في العديد من المواقف.

قلناها كتير

وفتحنا كم بوست عن مهند

واجندته الخفية التي لا يعلمها إنسان غيره

وهنا آخر بوست كتبناه عن مهند وحركاته المريبة

يا مـهـــند الطـاهـر ... لـحـدي هـنـا وســعـيـك مـشــكــور !!!

Quote: وأخيراً .. بحمد الله .. إرتحنا من مهند الطاهر

معقول بعد اللي قدمه للهلال ... تقولو الحمد لله إرتحنا منو ..؟؟؟؟؟؟؟؟؟

أحفظو ليه الجميل على الأقل


لا حول و لا قوة إلا بالله

و الله فعلاً اللاعب السوداني مظلوووووووووووووووووووم



.

مهند لاعب كبير يمتلك مهارة فائقة بالإضافة لحلوله الفردية في حسم المباريات

ولي قناعة تامة أن استبدال مهند في مباراة الصفاقسي اضر كثيراً بالهلال

وكان من الممكن أن يحسم مهند المباراة في زمنها الرسمي بتسديده من تسديداته المعروفة ...

وحتى أن وصلت إلي ركلات الترجيح فمهند معروف بإجادتها ...
وكذلك لا ننسى أن مهند ثاني أفضل هداف في الهلال والدوري الممتاز كلك خلف
كاريكا الذي يماك 13 هدف ولمهند 12 هدف بجانب صنعه لأكثر من عشرة أهداف
بما فيها أهداف كاريكا نفسه ..
على إي حال لابد لمجلس الهلال العمل على حل المشكلة بين ميشو ومهند لمصلحة الهلال

فنحن من أنصار بقاء مهند بكشوفات الهلال وان كلف ذلك رحيل ميشو

Quote: مهند لاعب كبير يمتلك مهارة فائقة بالإضافة لحلوله الفردية في حسم المباريات ولي قناعة تامة أن استبدال مهند في مباراة الصفاقسي اضر كثيراً بالهلال وكان من الممكن أن يحسم مهند المباراة في زمنها الرسمي بتسديده من تسديداته المعروفة ... وحتى أن وصلت إلي ركلات الترجيح فمهند معروف بإجادتها ... وكذلك لا ننسى أن مهند ثاني أفضل هداف في الهلال والدوري الممتاز كلك خلف كاريكا الذي يماك 13 هدف ولمهند 12 هدف بجانب صنعه لأكثر من عشرة أهداف بما فيها أهداف كاريكا نفسه .. على إي حال لابد لمجلس الهلال العمل على حل المشكلة بين ميشو ومهند لمصلحة الهلال فنحن من أنصار بقاء مهند بكشوفات الهلال وان كلف ذلك رحيل ميشو

عبد الله السفاح يتكلم من عقله وجمال السنوسي يتكلم من قلبه ( وللا انا غلطاااااااااااااااااان )











----------------
تحياتي ياجمال لك ولضيوفك

Quote: على إي حال لابد لمجلس الهلال العمل على حل المشكلة بين ميشو ومهند لمصلحة الهلال

وبالمرة لو مجلس المريخ عمل على حل المشكلة بين كروجر وعبدالحميد السعودي لمصلحة المريخ والسودان

Quote: وبالمرة لو مجلس المريخ عمل على حل المشكلة بين كروجر وعبدالحميد السعودي لمصلحة المريخ والسودان

عمر عثمان

وبالمرة كلموا لينا امريكا تكلم الحركة وتلغي الاستفتاء والانفصال عشان مصلحة السودان

Quote: جمال السنوسي يتكلم من قلبه ( وللا انا غلطاااااااااااااااااان )

وليد حبيبنا

وانت الصادق

أنا بتكلم من بطني الطامة

كل سنة طمام وقرف

كورتنا دي اخير منها سيجة العصريات




تسلل :

كل سنة وانت طيب يا وليد

Quote: فنحن من أنصار بقاء مهند بكشوفات الهلال وان كلف ذلك رحيل ميشو

ود السفاح

ياخي ما كفاية علينا الزول ده سفحنا سفح وخلانا لا عيش لا قمح


الله معاهو

ومحل ما يسري يمري

Quote: و الله فعلاً اللاعب السوداني مظلوووووووووووووووووووم

يا ابو حسين

كان ده قولك

معناها

المشجع السوداني مااااااااااااااااااااااااااات من الظلم

جمال السنوسي
تحياتي
والله دقستو دقسة السوداني بتاع الإمارات الإتلحست قروشو يا أخي دي أحسن واحد بشوت وبقلب هوبه كمان يعني ملتي آكشن وريآكشن كمان.

تخبط الهلال سيبدأ من الاستغناء عن مهند الحريف

Quote: تخبط الهلال سيبدأ من الاستغناء عن مهند الحريف

مدثر

انصلاح الهلال وانصلاح كورة البلد

يتطلب وجودج لاعبين جنود يدافعون عن الوطن في الميادين الخضراء

ويبذلون الغالي والرخيص

مرحبا به في المريخ

هو اصلا ما بشبهكم

ونحنا عاوزين صانع العاب محل العجب

Quote: مرحبا به في المريخ هو اصلا ما بشبهكم ونحنا عاوزين صانع العاب محل العجب

خالد العطا

انتو عايزين كتير

جوة الميدان

وبرة الميدان


بدري عليكم

تاني منو البيقلب ليكم هوبا ؟ ....












التعديل للتعديل

Quote: تاني منو البيقلب ليكم هوبا ؟ ....

البرقاوي

زميل ذو القعدة

يا منتصر

Quote: ود السفاح ياخي ما كفاية علينا الزول ده سفحنا سفح وخلانا لا عيش لا قمح الله معاهو ومحل ما يسري يمري

الحبيب جمال

بالمناسبة السفاح دي لقبي والوالد اسمه محمد عثمان

على العموم يا حبيب ... أنا ما عارف مهند سفحنا

كيف .. وهو يقدم كل يوم والتاني الروائع

مهند يا حبيب لاعب يتمناه إي مدرب ضمن فريقه

ما ينقص مهند فقط شوية شدة في لعبه ...

وحقيقة أخاف أن يترك مهند للاحتراف الخارجي ويعود للمريخ


كما حدث لهيثم طمبل ... فلحظتها سيعرف جميع الهلالاب أنهم فرطوا في نجم كبير

Quote: يا أخي دي أحسن واحد بشوت وبقلب هوبه

الملا عمر


ما قلنا حاجة

بس هو ما بيعرف يلعب إلأ قدام الاندية السودانية غير المريخ

أما المباريات الساخنة الافريقية

فهو اول من يحافظ على رجليه بعيدا عن الإحتكاكات والضرب

Quote: تسلل : كل سنة وانت طيب يا وليد

ياخي انت الاطيب ياطيب
حرمنا من زياراتك ليه

















-------------------------
تعال بونسك عن مهند حتى تغير رايك

Quote: تعال بونسك عن مهند حتى تغير رايك

يا وليد

مهند حريف

ولعاب

وزول بيحاور زيه مافي

بس ما في الهلال

ولا للهلال

ان شاء الله كمان ترتاحو من راجي
نخلي المريخ يعيروا لنادي خارجي

Quote: تخط الهلال سيبدأ من الاستغناء عن مهند الحريف

دا كلام سلييييم يا مدثر ..
جمال يا حبيب مهند لاعب مهاري يمتلك ما يفتقر اليه كثير من لاعبينا
بعدين ياخ انا في التلفون ما قلت ليك الكورة فيها مهندسين وفيها طُلب
ومهند دا مهندس فئة اولى ياخي وامثلته كتيرة قديما وحديثا ... في السودان كمال عبد الوهاب زمان
ورودندو الارجنتيني احرف لاعب وسط يساري في التاريخ وحالياً مسعود اوزيل الالماني التركي الاصل لاعب ريال مدريد ومهند زيهم .. ياخي الود لعاب خلي الطلب يجيبو ليهو ويخلوا الباقي عليهو ..



غايتو كان فكيتوهو تكونوا باااااااااااااااااالغتوا ... وعليك الله خلي ميشو الليمشي ميشو شن نفرو
الاحسن منو مشوا ما يمشي هو كان ماش !!!! هي عليك الله كمان عاين ميشو !!!
ريكاردو حقق ما لم يحققه ميشو ومشى خلي ميشو يمشي وقشة ما تعتر ليهو عليك الله الخواجات ديل يجوا يحطموا لينا وليداتنا ويمشوا !!!!!

تحياتي عزيزنا جمال السنوسي
مهند لاعب موهوب ولايختلف إثنان على ذلك
ولكن مستواه غير ثابت
مرة يلعب زي ميسي
ومرة تانية زي موسى الزومة
مرات يحيرك بفنه الراقي ومرات يجننك بسلبيته الغريبة
وكما قلت ياجمال خاصة ضد المريخ والأندية غير السودانية بيلعب كأنه خايف
عموماً هو موهوب وحريف ولكن أعتقد أنه يحتاج لتجربة الإحتراف الخارجي حتى يكسب الإحتكاك ويكسر هيبة الفرق الأجنبية
حتى لو رجع الهلال يكون أحسن ،، مثال لذلك لاعب المريخ الخلوق المرحوم " أيداهور "" والذي أضاف كثيراً لمواهبه بعد
تجربة الخليج وأصبح مهاجماً لايشق له غبار ولكن شاءت الأقدار أن يفارق الحياة وهو في قمة العطاء .
نتمنى أن يتوفق الهلال في الشطب والتسجيل والإعارة ويسد الثغرات ويعود مارداً قوياً ..

Quote: يا وليد مهند حريف ولعاب وزول بيحاور زيه مافي بس ما في الهلال ولا للهلال

التحسين التحسييييييييييييييييييين ياعمك

** ود السوسى..
** مساءك خير..
## إذا أراد تجربة الإحتراف الخارجى ,, أين هى العروض المُقدمه له؟؟

** فليحضرها ولكل حادث حديث .. ومن شروط الهلال التى يجب أن يضعها :-
** إعاره وليس بيع بطاقة إنتقاله..
** لايحق له اللعب لإى نادى آخر إلا بموافقة الهلال وفى حالة إنتقاله لنادى خارجى "لاحظ خارجى دى مُهمه جداً" يتقاضى الهلال 40% من قيمة العقد..

## العايز الشطب والمُخارجه هو الحارس المُنبرش ,, للآن لايعرف متى يخرج من مرماه أو يشوت كوره ثابته أو مُتحركه وكل مُباراه رافع ضغطنا فى السما..

** مُشكلة اللاعب السودانى يُطالب بحقوقه ولايعرف واجباته بالإضافه الى دلع الإداريين الى اللاعب النجم ..
(ودام الود بيننا فى حب سيد البلد)

Quote: الملا عمر ما قلنا حاجة بس هو ما بيعرف يلعب إلأ قدام الاندية السودانية غير المريخ أما المباريات الساخنة الافريقية فهو اول من يحافظ على رجليه بعيدا عن الإحتكاكات والضرب

جمال يا أخوي أكتر من كده تقول شنو
يا أخي إذا كانت هذه هي المعايير فأنت بحاجة إلى تنحية كابتن الفرقة إبتداء ناهيك عن المحترف ديمبا باري والمهاجم أحمد عادل والغير مفيد يوسف محمد وناس معز محجوب وآخرين بلغوا من الكبر عتيا.
لازم في البداية يكون في هدف ويتم التخطيط له لكين حكاية سجل بشه وسجل قودوين وشوف لينا باك شمال دي ما بتودي لي قدام كتير ، وحتى لو كان مهند سئياً من وجهة نظرك كلاعب لا يخدم الهلال فهو في تقديري المتواضع من أفضل السيئين في الهلال بل في الساحة الرياضية السودانية في الوقت الحالي.

يعني معقول بس يا جمال نشيل منكم
سادومبا

ومهند
الاتنين مرة واحدة كدة


نكتفي بسادومبا حاليا

أكبر خطأ سيرتكبه الهلال لو استغني عن مهند الطاهر
مهند دة أحرف لاعب سوداني ... لكن في بعض المدربين
لا يعرفون كيفية استغلال موهبة اللاعب ..ومهند المدرب
يريد أن يكلفه بمهام في الملعب وهذا أكبر خطأ لو داير
تستفيد من مهند خلي يلعب حر (فري) تأكد تماماً أنه سيقدم
أحسن ما عنده ....

Quote: وحقيقة أخاف أن يترك مهند للاحتراف الخارجي ويعود للمريخ

سلامات ياسنوسى
هو الجنا ده عمرو كم ?

حبينا معتصم دفع الله قال الما لعب كورة مع أمير الجمري ما لعب
بهذا أعلن موافقتي لي رؤية الجمري
زول بيعرف كورة ياخي
رغم إنو مريخي لكنه عفيف اليد واللسان ورؤيتو الفنية واااااضحة

السنوسى وضيوفه الكرام سلامات

مهند لعاب حاجه ويخدم الفريق فى المباريات الكبير ويقدم مجهود مقدر حاجه تانيه

مهند الطاهر بيفشل بدرجة الامتياز عندما يكون مطلوب منه تحضير الهجمه بشكل جيد او كسب الكور المشتركه
او التمرير السليم او التهديف السليم او اختيار المواقع الجيده فى المباريات التى طابعها عدم اتاحة
عاملى المساحه و الزمن > المباريات ذات العيار الثقيل وممكن ترجعوا بالتاريخ منذ تسجيله للهلال وحتى آخر مباراه له

ولكن ممكن ان تستفيد منه فى المباريات الاخرى ( تمهيدى افريقيا وادوارها الاوليه + الممتاز ) بشكل جيد
ولكن كشف الفرق هو 25 لاعبا
و طمحونا هو تحقيق كاس افريقيا ولا شئ سواه >>
عليه يجب التخلص من اى لاعب لا يخدم هذا الخط ، والاعتماد على لاعبين اقوياء وقلوبهم حاره
واصحاب مجهود لتطبيق كل الخطط الصعبه امام الانديه الصعبه لتحقيق الطموح >
وياجمرى الحرفنه والهندسه وحدهما لا تكفان ويشكلان خصما على فريقا فى بعض المواقف ..
فلو كنت صاحب بنيه ضعيفه فيجب ان يكون لك قلب ناااار > مثل والى الدين الله يرحمه

فتحقيق البطولات لا ياتى بانصاف الحلول > انظر كيف كان هلال 87
تنقا حريف وضعيف البنيه ولكن قلبه نااار
وكذلك جمال الثعلب وكندوره >>>>>>>>>>>
وفى الوسط كان هنالك صاحب المجهود الجبااار > عبد العزيز زكريا منقستو
وبرغم انه كان اقلهم حرفنه ولكن مجهوده مع بنيته الجيده كان دائما بيعطيه
نجم خط الوسط فى المباريات الكبيره > واختارته كل الجان نجما لمباراة
الهلال و الاهلى القاهرى وكذلك فى مباراة كانون الكاميرونى



فهمتونى دائر اقول شنو ولا اجيكم راجع