بِنَـــطْرَبِّك مَع الإِهْزَاجْ....

إهداء ....

لي زولة كانت ...
لي ضالة الأشواق وطن ..

..
..




مرفق :
.........
بـــــادي

وفَرَك كَعَب الحَلِق مُشْوَار
صَرَخْ ينْدَه ينَادِينا
وما كَان الصَرِيخ إِزْعَاج
مُنَادَتِك
تَبِلْ عَطَش الدِروب لَهْفَة
وكَان الشُوق إِليكْ أَجَّاج
ومَا بِحْتَار
كُل الكَان بِشِيل شُوقِك
بِلاقِيك فِي عُيون النَّجْمَة تَضْاري
ومَرَّة تَطِلِّي مِنْ نَفَّاج
وجُوه أَطْفَالنا شَايلاكِ
وعُيُون النِّيل
بتَطْلَعي فِي الصَبَاح إِبْلاج
تَجِيك أَفْرَاحْنَا تِتْجَابَد
تَجَابِدْ مِنْ حِتَتْ أَفْجَاج
رَواحِل شُوق خُلوق الله
تَجِيك مَعْجُولة دُون إِهْدَاج
ولا هَمَّاها حَرّ الصَّي
إِذا ضُلِّك بِكُون لَجَّاج
تَبِيني مِنْ المَحَنَّة الفِيك
إِذا كَان الجَمِعْ هَيَّاج
ومَا بتَخَتَاك بَصِيرَةْ الشُوق
ومَطَرِك مَا بِكُون عَوَّاج
مَطَر خَدَّر رِويحَاتْنَا
وطَاعِم مَاهُ مَاهو أُجَاج
بِنَيَّة كَمَا الضِّحِك تَدْخُل
بتَسْرِي عَلي الوَرِيد وَحْشَة
وجُوَّة الرُّوح تَمِيل إِعْرَاج
فَيَا هَذِي البِنَيَّة الحِنْ
بِنَفْتَحْلِك نَواصِينا
ورَاح نَشْرَح أَمَانِينا
وبِيك تَهَزِج أَغَانِينا
ونَطْرَبِّك مَع الإِهْزَاج


25 فبراير 2010


مرفق :
حبي الكبير
بــــادي

مُنَادَتِك
تَبِلْ عَطَش الدِروب لَهْفَة



مَطَر خَدَّر رِويحَاتْنَا
وطَاعِم مَاهُ مَاهو أُجَاج
بِنَيَّة كَمَا الضِّحِك تَدْخُل
بتَسْرِي عَلي الوَرِيد وَحْشَة
وجُوَّة الرُّوح تَمِيل إِعْرَاج
فَيَا هَذِي البِنَيَّة الحِنْ
بِنَفْتَحْلِك نَواصِينا
ورَاح نَشْرَح أَمَانِينا
وبِيك تَهَزِج أَغَانِينا
ونَطْرَبِّك مَع الإِهْزَاج







الله الله


ود بادي سلام ماكن
واشتياق

Quote: وفَرَك كَعَب الحَلِق مُشْوَار صَرَخْ ينْدَه ينَادِينا وما كَان الصَرِيخ إِزْعَاج مُنَادَتِك تَبِلْ عَطَش الدِروب لَهْفَة وكَان الشُوق إِليكْ أَجَّاج ومَا بِحْتَار كُل الكَان بِشِيل شُوقِك بِلاقِيك فِي عُيون النَّجْمَة تَضْاري ومَرَّة تَطِلِّي مِنْ نَفَّاج وجُوه أَطْفَالنا شَايلاكِ وعُيُون النِّيل بتَطْلَعي فِي الصَبَاح إِبْلاج تَجِيك أَفْرَاحْنَا تِتْجَابَد تَجَابِدْ مِنْ حِتَتْ أَفْجَاج رَواحِل شُوق خُلوق الله تَجِيك مَعْجُولة دُون إِهْدَاج ولا هَمَّاها حَرّ الصَّي إِذا ضُلِّك بِكُون لَجَّاج تَبِيني مِنْ المَحَنَّة الفِيك إِذا كَان الجَمِعْ هَيَّاج ومَا بتَخَتَاك بَصِيرَةْ الشُوق ومَطَرِك مَا بِكُون عَوَّاج مَطَر خَدَّر رِويحَاتْنَا وطَاعِم مَاهُ مَاهو أُجَاج بِنَيَّة كَمَا الضِّحِك تَدْخُل بتَسْرِي عَلي الوَرِيد وَحْشَة وجُوَّة الرُّوح تَمِيل إِعْرَاج فَيَا هَذِي البِنَيَّة الحِنْ بِنَفْتَحْلِك نَواصِينا ورَاح نَشْرَح أَمَانِينا وبِيك تَهَزِج أَغَانِينا ونَطْرَبِّك مَع الإِهْزَاج 25 فبراير 2010 مرفق : حبي الكبير بــــادي

الاخ بادي
اروع الكمات تستحق بي جدارة انها تكون من روائعك .. انفعالات متاخرة قد تضفي معني لللامعني

خسارة تكون الي مَن كانت .... ياخي دي لسي في تجاويفك الصدرية ... أكتب قبل أن تتحول الكتابة الي مهنة فاجمل الاشعار لم تكتب بعد

زورنا في الحتة دي


يا مدائن علمينــــي يوم أوادعــك

محمد الفاتح خالد

محمد الفاتح الحبيب،،

سلامات ومحبة..
أسعدني تواجدك المبكر هنا
ثم أني أحتفي بمن يقرأني
فلك من كل المودات والمحبات والشكر الجميل

اما عنها، فهي يا صديقي كانت ورغم الابتعاد لم تزل تلك الأنثى المحبة
فما يلج في الصدر من محبة لا يخرج سهلاً وربما لن يخرج
كذا رسمت كل التفصل الوداد لها في (تجاويفي الصدرية)
وملأتها بالمحبة
فلها المحبة رغم ابتعادها


مرفق:
حبي الكبير
بـــادي

Quote: اما عنها، فهي يا صديقي كانت ورغم الابتعاد لم تزل تلك الأنثى المحبة فما يلج في الصدر من محبة لا يخرج سهلاً وربما لن يخرج كذا رسمت كل التفصل الوداد لها في (تجاويفي الصدرية) وملأتها بالمحبة فلها المحبة رغم ابتعادها

والله صَدقت يا ايها الصدوق
يا صادق في العشق مسكوب المداد
حدث بلا حزن

محمد الفاتح خالد

الحبيب محمد الفاتح ،،

القلم مداده الروح
والقلب يافع
ولتكن ذه أولى محطات الحديث بيننا
وكنت أنت صديق حبيب


مرفق:
حبي الكبير
بــادي

العزيز بله محمد الفاضل ،،

تسلم كتير علي مرورك الدفء..

أما عن السلام الماكن والاشتياق
فأحبك يا صديقي حد الثمالة

وكن أنت (بله)..


مرفق:
حبي الكبير
بـــادي

حليلك ياود بادي وحليل الناس السحمة

Quote: بِلاقِيك فِي عُيون النَّجْمَة تَضْاري ومَرَّة تَطِلِّي مِنْ نَفَّاج وجُوه أَطْفَالنا شَايلاكِ وعُيُون النِّيل بتَطْلَعي فِي الصَبَاح إِبْلاج تَجِيك أَفْرَاحْنَا تِتْجَابَد تَجَابِدْ مِنْ حِتَتْ أَفْجَاج

الحبيب شديد
هاشم ،،

كيفك يا زول يا سمح وصافي
بالجد الواحد اشتاق للبراحات المفتوحة بيناتنا
وعقبال لمة الشمل من جديد

أفرحني تواجدك هنا جدااااااا


مرفق :
حبي الكبير
بـــادي

Quote: بِلاقِيك فِي عُيون النَّجْمَة تَضْاري

هديك ليها ..
المساهرة معاي
وشالت من فتّر حسي
وختت فيهو من ريقها
حنين دندن
قدر بحر المسافة الهمّ
كتر شوقي المدفق نم
صحيح بحتار مع الأقدار
لما الموج يشيل قيفك
سألت عليك
لاخليت فلك داير
ولا لمحة خيال عابر
ولا الوديان ولا الخاطر
بقيت المد مع الموجة
جزيرة جزيرة بي غادي
بقيت الرد وكت يرجع
غناي فاضي
وماهماك ومايهمك
اذا الاشواق أبت هجرك
بنتعلم ندسك لا وماندسك
واذا غيمك حجب وارتد
بتطلع مننا الافراح شمس منك
أرقصي معانا يا أشجان
ومطّر فينا يارويان وبي حنك
هديك ليها التريد عينيك
مساهرة معاي
تريد فنك ..

أخي الشاعر مهند تحية لهذه الرائعة
هبشت حروفنا
حقيقي أبداع

Quote: تَبِيني مِنْ المَحَنَّة الفِيك إِذا كَان الجَمِعْ هَيَّاج ومَا بتَخَتَاك بَصِيرَةْ الشُوق ومَطَرِك مَا بِكُون عَوَّاج مَطَر خَدَّر رِويحَاتْنَا وطَاعِم مَاهُ مَاهو أُجَاج بِنَيَّة كَمَا الضِّحِك تَدْخُل بتَسْرِي عَلي الوَرِيد وَحْشَة وجُوَّة الرُّوح تَمِيل إِعْرَاج فَيَا هَذِي البِنَيَّة الحِنْ بِنَفْتَحْلِك نَواصِينا ورَاح نَشْرَح أَمَانِينا وبِيك تَهَزِج أَغَانِينا ونَطْرَبِّك مَع الإِهْزَاج

أخي الشاعر / مهند ...

تحية الصباح المشرق الجميل ...

كم هي جميلة هذه اللغة يا مهند .. وكم هو صادق هذا البوح التلقائي يا بادي ... بصراحه كلام يطربك حد الثمالة .. ويجعلك تتمايل طرباً وتغني مع الكابلي :
وبي سكر تملكني ...
وأعجب كيف بي سكر ...
رددت الخمرعن شفتي ...
لعل جمالك الخمر ....

فلعل جمالك الخمر .. أخي مهند ... فاروينا شهداً أروينا ...

مع خالص الود والتقدير والمعزه ؛؛؛

ياود بادي

والله العظيم

حتما لي عودة وسط هذا الجمال
كل الاعزاز مرفق مودتي التي لا تنتهي
كل الاشواق اخي مهند

مهند يابادي
لك الود والشكر
كالعادة الكتابة الجميلة وصعبة
بالمناسبة اول مرة اشوف البوست دا
شكرا ليك

ولي عودة ان شاء الله
عبد الله جعفر

أستاذي وصديقي الحبيب
دوك. عبد الله جعفر ،،

لك من المودة بحجم الغيابات ..
ولي سؤال عنك مستديم..
أول حاجة ... سعيد جداً برجعتك للبورد
وفرحان جداً بي وجودك هنا أستاذي.

وهذا بعض مما نهلي منكم ..

أنتظر مرورك الجديد وتعقيبك الذي لاشك في أني أفيد منه كثيراً


شكراً مطر..



مرفق :
حبي الكبير جداً
بــــادي

صاحبة القلم السنين
والحس الرهيف
رشيدة ،،

ياخ سلامات كتار وتريانات بالحيل
ليك وحشة ولي طلة حرفك في الشريان

خليك قرييييييييييييبة ...

حضورك سمح..


مرفق :
كل المودات
بــــادي

العزيز هارون ،،

وجودك يا صاحب
أضفى إلى الروعة بهاء ونضرة
فدم بذا الجمال

شكراً صديقي على المرور الدفء


مرفق:
حبي الكبير
بـــادي

العزيز
إدريس محمد إبراهيم ،،

لكم فرحت بتلكم الحروف السامقات
وذا الإحساس الشغف..

شكراً لقراءتي هكذا
وشكراً لهكذا شعور
وشكراً لأنك زرعت فيّ إحساس جميل
وشكراً لأنك هنا
دم بخير


مرفق :
كل المحبة
بـــادي

أختي الحبيبة وصديقتي
هند ،،


سطع شوقك
كشف كل المدسدس فيّ
وحتى الغنية ما شالت
فرح روحي
ولا كفَّت دفاق الإلفة من تالاي..
اقيفي حداي
نسند فينا حيل الدندنات والنيل
ونصحى وكت عيون الكون
تغرق في وشي الضلمات
ننادي الإلفة شان تجمع
تقاسمنا الحمول والشيل
ونضحك ..
قدر ما الحزن يمد لسناتو يتطاول
علي الفرحة ..
ونكون نحن


هند ،،

ياخ كلامك سمح خلاس
شردني من البوست
(خليك قريبة)


مرفق:
محبة وإلفة وغنية
بــــــادي

Quote: اقيفي حداي نسند فينا حيل الدندنات والنيل

شوقك والقليب الحي
مطامير الحزن والسيل
وساقيتن تلف وتدور
فيا هذا الولد ، ياضي
تقيف حدك مسارب الروح
وغنواتي الحبن ضلك وفجّن طول
نخل دمدم وشي القمرة
وشال توبها عليك النور
يبارنك نجوم سعدي
وضل النيمة في الهجعة
وهديل قمرية في التبجيل
تغني معاك عرايس الطيف بنات دمّي
وترمي عليك عباية النيل
ضحكت معاك
علي الحزن البعيد لملم
وعلي كسرة جبال الهم
ولسه الدمعة تضحك ليك
بشوف عينيك قصاد عينيي
شوق الفاتو والعايدين
علي بحر الحنين دقت طنابيرهم
سلام الريد

ودبادي سلام آخوي
سلام حنين
شكرا جميل
شكرا
ندى

يا بت من غناي
بتفقدك ...
في الدمعة ساعات الخلوق نامت
بتفقدك ...
وسط الضجيج
وكت ما البال
يفك جنياتو للشطحات
تكون هامت ..
وفي طي الورق والروح
إذا ما الغنية في بحر الحنين
عامت ..
بتجْبِد في ضُرَاعا تَجُر
تقيل الشوق
تكوسك مرفا ما مكذوب
ولي تالك
وفي ريدك بكون مجذوب
بَرَقِّع جِتَّة الفرح البكوسك غيم
عشان ما تبلي لهفاتو
ووين فاتو
البغنولك .. ؟؟
بقيف بنده قصيدي عليك
وفيك بجر
غنا الغيمات
نديهة الخير


هند ،،،

كيفك ؟
وكيف كيفك؟



مرفق :
كل الأماني التشتهيك
بــــــادي