من هم اولاد البندر في سودانيز اونلاين؟

Post: #1
Title: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:05 PM
Parent: #0

يا ريت بكري يتكرم يرفع البوست دا لانو حيكون مولع في السماء

Post: #2
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:10 PM
Parent: #1

اولا د البندر خشم بيوت

مثلا ود الكامل
شيقاااااااااااااا
هاشم خلف الله
محمد عبد الرحمن - القرير
طارق جبريل ود بندر لكن ما شال من البندر سجم خشمو

ذكروني على بال ما اكمل عنكوليبتي دي

Post: #3
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:12 PM
Parent: #2

بدر الدين الامير

Post: #4
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:14 PM
Parent: #3

لؤي

خليل

معاوية

ناذر

Post: #5
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:15 PM
Parent: #4

بكري ابو بكر - من بيت الكلاوي دا

Post: #6
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:17 PM
Parent: #5

ابو سنينة

فيسل هليل

Post: #7
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:18 PM
Parent: #6

محمد هارون

Post: #79
Title: Re: من هم اولاد البندر في سودانيز اونلاين؟
Author: لؤى
Date: 11-29-2010, 08:13 AM
Parent: #4

Quote:
لؤي

خليل

معاوية

ناذر

( يا زول هوي ) زي ما قال أب شنب الـمحرب
أفرُز

كيفك يا شيـخنا ؟

Post: #478
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-20-2010, 08:14 PM
Parent: #3

هاى اولاد البندر

Post: #8
Title: Re: من هم اولاد البندر في سودانيز اونلاين؟
Author: علاء الدين صالح
Date: 11-28-2010, 06:20 PM
Parent: #2

وانا مشيت وين يا مسنوح؟؟

أنا المولود جنب بوابة عبد القيوم السيدا ما بنوم

القريت في الأميرية المدرسة اُم ساعة اُم جَرَس

الدرس فيها درَس والما درَس فيها ما دَرَس

تحيّاتي لك بحجم ما يحيط بمسقط من جبال وأكوام عنكوليب

Post: #9
Title: Re: من هم اولاد البندر في سودانيز اونلاين؟
Author: فيصل محمد خليل
Date: 11-28-2010, 06:26 PM
Parent: #8

انا البعرفو يا المسنوح
صلاح بندر هو الوحيد
من اولاد ناس البندر
هنا في سوانيز
__
البندراني اليخومك

Post: #10
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:30 PM
Parent: #9

علاء

وانا مشيت وين يا مسنوح؟؟

أنا المولود جنب بوابة عبد القيوم السيدا ما بنوم

القريت في الأميرية المدرسة اُم ساعة اُم جَرَس

الدرس فيها درَس والما درَس فيها ما دَرَس

ات قايل البندرية بجيبوها بالاقتراب من بوابة عبد القيوم او القراية في المدارس الاميرية ؟ خم وصر كان دي حجتك

Post: #11
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:32 PM
Parent: #10

فيسل هليل سجم الرماد

ختينا بواسطة كمان داير تفاصح والله انت كان ما الواسطة نوديك دراب حلفا القديمة شرط عشان العقارب .......... اهلك

Post: #13
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:37 PM
Parent: #11

سناير البندر

ود المرتضى

احمد طراوة

كوستاوي

ديل ما بتعطروا الا بالعطور الباريسية وما بلبسوا الا الملابس الباريسية وما بعوموا الا في الجاكوزي هم زي خالي شوقي بدري ديل كان لكل منهم سواق خاص بوديهم وبرجعهم من المدرسة - تقول لي ود المحرب وهجو الاقرع بتاعين البطان

Post: #12
Title: Re: من هم اولاد البندر في سودانيز اونلاين؟
Author: سيف الدولة كامل
Date: 11-28-2010, 06:35 PM
Parent: #10

مسنوح والله

Post: #14
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 06:39 PM
Parent: #12

ود الكامل

حظك من سناير البندراب

نسينا يا اخوانا وكمان تمبس وحميدة شكيتم على الله ديل وليدات تفتيحة شدييييييييييييد

Post: #15
Title: Re: من هم اولاد البندر في سودانيز اونلاين؟
Author: عبدالفتاح أبوشيمة
Date: 11-28-2010, 06:53 PM
Parent: #14

مولانا
سرع لينا

بالتعريف الدقيق
لي ود البندر

عشان نعرف نشارك معاك

يعني المولود فيها

وللا العايش فيها

المهم سرع

Post: #16
Title: Re: من هم اولاد البندر في سودانيز اونلاين؟
Author: ود الباوقة
Date: 11-28-2010, 06:57 PM
Parent: #15

محمود الدقم

دينق

Post: #17
Title: Re: من هم اولاد البندر في سودانيز اونلاين؟
Author: Amani Al Ajab
Date: 11-28-2010, 07:00 PM
Parent: #15

Quote: ديل ما بتعطروا الا بالعطور الباريسية وما بلبسوا الا الملابس الباريسية وما بعوموا الا في الجاكوزي هم زي خالي شوقي بدري ديل كان لكل منهم سواق خاص بوديهم وبرجعهم من المدرسة - تقول لي ود المحرب وهجو الاقرع بتاعين البطان

الأخ الطيب شقوق لك التحية والتقدير ..
رأس السوط ضربنا !
ناس البطان عيبهم لي ؟

Post: #18
Title: Re: من هم اولاد البندر في سودانيز اونلاين؟
Author: خالد المحرب
Date: 11-28-2010, 07:10 PM
Parent: #17

انا عايش فى البندر من زمن الانجليز عرف لينا ايه يعنى
البندراوى عندك يا سعادتك يبندر .................... اهلك

Post: #19
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:10 PM
Parent: #17

يا ابو شيمة

مولانا
سرع لينا

بالتعريف الدقيق
لي ود البندر

هسع جاي ناطي زعلان قايل نفسك من ناس البندر؟

يا اخي ممكن تكون في نمرة 2 او الرياض او الطائف او المعمورة وبرضو لا تصنف من ناس البندر

معايير البندري القانونية هو ذلك الشاب الانيق الذي عندما يتحدث بلولو لسانو ولا يمشي بتكى تكية تكية ولا يأكل بفضل كتيييييييييييييييير وما بحب حد يزورو الا بعد يتصل فيهو ويقول ليهو اظهر لينا يا اخي
نواصل في المعايير بعد قليل
كلاكلة ؟ كلاكلة تطلع زيتك يا رطاني

Post: #20
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:13 PM
Parent: #19

ود الباوقة

ما تلخبط دقم شنو ودينق شنو ؟

كونو ابوك كان وزير او رئيس جمهورية لا تجعل منك بندراوي

البندراوية دي حاجات تانية يا اخي

Post: #23
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:16 PM
Parent: #20

اماني

الأخ الطيب شقوق لك التحية والتقدير ..
رأس السوط ضربنا !
ناس البطان عيبهم لي ؟

نحن لسنا في سياق الحديث عن العيوب وانما نحكي عن الكوالتيز الحضارية

يعني كونك لبستي جينز و تي شيرت وحاجات تانية حامياني لا تجعل منك او من الحرب وما جاوره بندراويين

Post: #21
Title: Re: من هم اولاد البندر في سودانيز اونلاين؟
Author: ود الباوقة
Date: 11-28-2010, 07:14 PM
Parent: #19

يا جماعة منعا للاحراج اي زول

من الخرطوم بعد الخرطوم 3 ما يقول انا من البندر

يعني انا هس في حي الدوحة من الخرطوم

بعتبر نفسي مش بندري ........

المهم الا ان تشملمنا مكرمة من ودعمي ود شيقوق

Post: #22
Title: Re: من هم اولاد البندر في سودانيز اونلاين؟
Author: محمد أبوالعزائم أبوالريش
Date: 11-28-2010, 07:16 PM
Parent: #17

Quote: ناس البطان عيبهم لي ؟

أمممممممممك

دا شنو دا؟

يا زولة ما تخليك في الشبّال ...... شغلتك بالبطان شنو؟

يا شيقوق يا سجم الرماد ...

بدر الدين الأمير ده هني في الدوحة إسمو العريبي. كان بقى ود بندر، ده طرفنا من البندر

Post: #24
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:25 PM
Parent: #22

ود الباوقة

يا جماعة منعا للاحراج اي زول

من الخرطوم بعد الخرطوم 3 ما يقول انا من البندر

يعني انا هس في حي الدوحة من الخرطوم

بعتبر نفسي مش بندري ........

المهم الا ان تشملمنا مكرمة من ودعمي ود شيقوق

لحظة لحظة لحظة احكي ليك بس

الفنان عصام محمد نور جانا هنا في مسقط وغنى لينا ولما جات اغنية انا امدرمان اولاد امدرمان وغيرهم كلهم طلعوا المسرح حت شديد وبعد شوية المسرح اتملا طب . طبعا انا ساكن امدرمان وباني بيت في امدرمان لكن بستحي اقول من امدرمان زي السارق لي حاجة ما حقتي - اها يا ود الباوقة كان جنبي حد زعيم اسمو كمال قرشي زول كبير في السن لما الاغنية سخنت والمسرح اتملا باولاد امدرمان الاصليين والوافدين كمال قرشي لكزنى قال لي قوم يا ود شيقوق هز مع الناس ديل انت باني ليك بيت حدادي مدادي في امدرمان والبرقصوا ديل اسياد اراضي فاضية في صالحة وام بدة .

Post: #25
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:27 PM
Parent: #24

ابو العزائم المسنووووح

أمممممممممك

دا شنو دا؟

يا زولة ما تخليك في الشبّال ...... شغلتك بالبطان شنو؟

يا شيقوق يا سجم الرماد ...

بدر الدين الأمير ده هني في الدوحة إسمو العريبي. كان بقى ود بندر، ده طرفنا من البندر

وحاة الله اتغشيت فيهو غشتني صورتو الفيها تكية اولاد البندر وتمسحو بالكريمات دا كنت فاكرو من ناس بري

يا جماعة نسيت اولاد ابو العزائم كلهم بندراب

Post: #26
Title: Re: من هم اولاد البندر في سودانيز اونلاين؟
Author: خالد المحرب
Date: 11-28-2010, 07:28 PM
Parent: #24

Quote: الاغنية سخنت والمسرح اتملا باولاد امدرمان الاصليين والوافدين كمال قرشي لكزنى قال لي قوم يا ود شيقوق هز مع الناس ديل انت باني ليك بيت حدادي مدادي في امدرمان والبرقصوا ديل اسياد اراضي فاضية في صالحة وام بدة .

هههههههههههههههههه والله الليله مزاجك رايق خلاس
الجماعه وراك ضرررررررررررررررررره

Post: #27
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:32 PM
Parent: #26

هههههههههههههههههه والله الليله مزاجك رايق خلاس
الجماعه وراك ضرررررررررررررررررره

ما داير تديني سحبة يا سجم الرماد الشوم الفقر

اختاني خليهم يبروني زي بقرتي سرية ساعة العلوق وقت المغربية

اولاد البندر ما ناقشين كلامي دا خليني اقدل بيهم سااااااااااااااااااى

Post: #28
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:40 PM
Parent: #27

بكري ابو بكر الفقر ما ترفع - انت علا ترفع بوستات اولاد البندر؟

Post: #29
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:42 PM
Parent: #28

المحرب

انا عايش فى البندر من زمن الانجليز عرف لينا ايه يعنى
البندراوى عندك يا سعادتك يبندر .................... اهلك

ات يا سجم الرماد ما عارف البندرية شنو ؟

البندرية سلوك بعد صلاة العشاء بس

Post: #30
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 07:43 PM
Parent: #27

شوف يا ود شيقوق اخوي

نكتب هنا كلمات من البادية والضهره ونطلب من اي واحد يعرفها لينا

بعد داك نحدد بندرانيتو من عدمها

Post: #31
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 07:47 PM
Parent: #30

ود مساعد

شكيتك على الله

نكتب هنا كلمات من البادية والضهره ونطلب من اي واحد يعرفها لينا

ات هسع قائل اولاد البندر ناقشين كلامك دا ؟ قال ضهرة قال - ضهرة تطلع زيتك امشي كدا بلا ضهرة بلا ويكاب

Post: #32
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 07:59 PM
Parent: #31

ود شيقوق

Quote:
ات هسع قائل اولاد البندر ناقشين كلامك دا ؟ قال ضهرة قال - ضهرة تطلع زيتك امشي كدا بلا ضهرة بلا ويكاب

هههههههههههههههههههههههههه

اسمع في السودان الجديد كتبت هجوالسافل وهجو الصعيد

واحدة ادخلت هجو السافل بين قوسين وقالت اعوذ بالله من دي بذاءة لسان

هههههههههههههههههههههههههههه

Post: #33
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 08:06 PM
Parent: #32

ود مساعد

واحدة ادخلت هجو السافل بين قوسين وقالت اعوذ بالله من دي بذاءة لسان

شوف يا اللخو ما تسيس البوست نحن نحكي عن اولاد البندر بمختلف انتماءاتهم السياسية

انت جنك سياسة حتك؟

لا لا لا للدخلاء

Post: #38
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 08:31 PM
Parent: #33

هجو السافل

الزولة ماعرفت السافل من الصعيد

يمين فيالشكلة دورت جد ضرب بالعكاز الزول صراف صرف جد الجماعةيقولو الراس تلقاهو عمل حاجز

غطاء للراس يقولو وراء الضهر الركبة مافي طريقة واحد كورك الزول سراتو ود البندر فهمو كمل

ماعرف السراه شنو لطشو جابو ليك الوا طه

Post: #34
Title: Re: من هم اولاد البندر في سودانيز اونلاين؟
Author: محمد أبوالعزائم أبوالريش
Date: 11-28-2010, 08:06 PM
Parent: #31

Quote: اختاني خليهم يبروني زي بقرتي سرية ساعة العلوق وقت المغربية

نان إت يا سجيمان .... بقرتك علوقا مغربية ..... وحمارك علوقو ساعة الشد؟
خايف عنكوليبك زاتو تكون بتكوجمو ساعة العشا.

Post: #35
Title: Re: من هم اولاد البندر في سودانيز اونلاين؟
Author: خالد المحرب
Date: 11-28-2010, 08:11 PM
Parent: #34

شوف ناس الموج ناس البندر بحتو كيف
حت بى الطريقه الصاح

Post: #36
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 08:16 PM
Parent: #34

ود ابو العزائم

خايف عنكوليبك زاتو تكون بتكوجمو ساعة العشا.سجم معاك في الخط ولا شنو وحاة الله لهجتكم وااااااااااااااحدة نفس لهجة السجم دا معاى هنا كرهني مسقط

السني النان إت يا سجيمان .... بقرتك علوقا مغربية ..... وحمارك علوقو ساعة الشد؟

وحاة الله بيكون السني اتصل بيك يا مسنوووووووووووووح

Post: #37
Title: Re: من هم اولاد البندر في سودانيز اونلاين؟
Author: Asma Abdel Halim
Date: 11-28-2010, 08:31 PM
Parent: #36

الطيب إزيك

كدي خلى البندر وأولاده العنكوليب لقيته وين؟

Post: #39
Title: Re: من هم اولاد البندر في سودانيز اونلاين؟
Author: صلاح غريبة
Date: 11-28-2010, 08:45 PM
Parent: #37

الحمد لله اسمي ما مكتوب ................

التوقيع : صلاح غريبة وبالمرة حبوبته معاهو

Post: #40
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 08:47 PM
Parent: #37

استاذة اسماء عبد الحليم

كدي خلى البندر وأولاده العنكوليب لقيته وين؟

والله والله والله يا اسماء يكفيني فخرا وشرفا انو البوست قلعك من مخابئك

الف مرحب بيك الاستاذة العالمة اسماء وكل عام وانت بالف خير

Post: #41
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 08:54 PM
Parent: #40

صلاح غريبة الوجيه

الحمد لله اسمي ما مكتوب ................

التوقيع : صلاح غريبة وبالمرة حبوبته معاهو

مالك مستعجل في مناديب بجونا بقوائم بس ربما يكون التسجيل عندكم ضعيف

Post: #42
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 09:12 PM
Parent: #41

اولاد الجمكسين فووووق

Post: #43
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 09:18 PM
Parent: #42

ودشيقوق

Quote:
شوف يا اللخو ما تسيس البوست نحن نحكي عن اولاد البندر بمختلف انتماءاتهم السياسية

انت جنك سياسة حتك؟

واحات الله انت ود بندر كان اكلت عنكوليب ولا سكيت ام حورا بورا

Post: #44
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 09:24 PM
Parent: #43

ود مساعد

واحات الله انت ود بندر كان اكلت عنكوليب ولا سكيت ام حورا بورا

هذه تهمة لا انكرها وشرف لا ادعيه

Post: #46
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 09:37 PM
Parent: #44

Quote:
هذه تهمة لا انكرها وشرف لا ادعيه

هههههههههههههههههههههههههههههههههههه

Post: #45
Title: Re: من هم اولاد البندر في سودانيز اونلاين؟
Author: بشير دفع الله
Date: 11-28-2010, 09:35 PM
Parent: #43

سلام يالطيب ..

أحسن فى الأول أفرز لينا الما ممكن يبقو أولاد بندر ..

بعدين نستفتى فى الباقيين ..

Post: #47
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-28-2010, 09:46 PM
Parent: #45

ود مساعد

كلامي كيف؟

بشير دفع الله

أحسن فى الأول أفرز لينا الما ممكن يبقو أولاد بندر ..

تابع فوووووووووووووووووووووووق يا سجم الرماد

Post: #48
Title: Re: من هم اولاد البندر في سودانيز اونلاين؟
Author: saif massad ali
Date: 11-28-2010, 09:57 PM
Parent: #47

ود مساعد

كلامي كيف؟

كلامك وحات الله شيخ عرب تب متبندر

Post: #52
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-28-2010, 10:31 PM
Parent: #27

Quote: اولاد البندر ما ناقشين كلامي دا خليني اقدل بيهم سااااااااااااااااااى

أقدل آخوي..
فوق عديلك! و؛ عنكوليبك!

Post: #51
Title: Re: من هم اولاد البندر في سودانيز اونلاين؟
Author: Amani Al Ajab
Date: 11-28-2010, 10:22 PM
Parent: #22

Post: #49
Title: Re: من هم اولاد البندر في سودانيز اونلاين؟
Author: هاشم أحمد خلف الله
Date: 11-28-2010, 10:05 PM
Parent: #2

Quote: اولا د البندر خشم بيوت

مثلا ود الكامل
شيقاااااااااااااا
هاشم خلف الله
محمد عبد الرحمن - القرير
طارق جبريل ود بندر لكن ما شال من البندر سجم خشمو

ذكروني على بال ما اكمل عنكوليبتي دي

شيقا وديني مشتاق ليك
وجيت مخصوص عشان اسالمك
والقصيدة عشانك برضو نزلتها

Post: #50
Title: Re: من هم اولاد البندر في سودانيز اونلاين؟
Author: محمد المرتضى حامد
Date: 11-28-2010, 10:21 PM
Parent: #49

Quote: سناير البندر

ود المرتضى

احمد طراوة

كوستاوي

ديل ما بتعطروا الا بالعطور الباريسية وما بلبسوا الا الملابس الباريسية وما بعوموا الا في الجاكوزي
هم زي خالي شوقي بدري ديل كان لكل منهم سواق خاص بوديهم وبرجعهم من المدرسة - تقول لي ود المحرب
وهجو الاقرع بتاعين البطان

آخر النكات العنكوليبية ،
شيقا ،
لِم لَم تذكر البلاي استيشن 3 وال WII ورحلات التزلج بجبال الألب في سويسرا يا ... ( يا ألبي) ؟
للعلم فقط ، على أيامنا لم يكن المجتمع السوداني يعرف هذه الأشياء وكانت البيوت – على اختلاف
المستويات المادية – تتساوى في المأكل والملبس وأفلام ديجانقو والدافوري وأغنية بخاف بالذات منطقة - ألملم
في خطاوي الشوق وازور بيتك - وونسة عمود الكهرباء بانتظار مرور الكهربا.. وأول العيد بيت
الجميلة مباشرة بعد الأهل ونظره يا السمحه ام عجن.. باختصار ، كانت مشاكلنا بسيطه بالريده بتُحَل
هسه رفيقا الطفولة طراوه وكوستاوي تلقاهم يضحكوا ملْ أشداقهم عن شواربها ويسهر ناس العنكوليب جرّاها وينهمدوا..
بعدين إنت القال ليك الجاكوزي بعوموا فيهو منو؟
قلت لي سواق خاص؟
شنو باريسيه؟
عسل بس يا شيقا Dior..
بسحروك..

ذكرتني صديقنا الأمين المبارك إبن القرية ، سألته زميلة له في الجامعة من اللواتي يعطشن الجيم ويجوِّعن اللام
كما قال أحدهم، سألته: إنت يا أمينو من نمره اتنين؟ فرد عليها: والله يا اللُخُت نحن نمره اتنين دي ما سمعنا
بيها إلا في تعشيقة اللوري والحلاقه.
_

أجمل مافي هذا البوست، كما تفضلت ، أن أتتنا ، بعد غياب ، أستاذتي الجليلة الرائعة د. أسماء محمد عبدالحليم فلها التحايا الزاكيات.

Post: #53
Title: Re: من هم اولاد البندر في سودانيز اونلاين؟
Author: هجو الأقرع
Date: 11-28-2010, 10:59 PM
Parent: #50

شيخ العرب اسف و الله اليوم كان معى ضيوف من السعوديه فلذلك كنت بعيدا ، لى عودة باذن الله .

Post: #54
Title: Re: من هم اولاد البندر في سودانيز اونلاين؟
Author: mona altom
Date: 11-28-2010, 11:03 PM
Parent: #50

المسنوح الله يطير شياطينك الناس لمن تكبر تعقل و انت زايد سناحه
مواصفاتك لناس البندر عاوزه شوية توضيح
الحمدلله جعلنا اهل ضهره وصهباء وكنابو اهو التوب تقول يايات والريحه ودك وروب
سلام كيفينك والجنيات وامهم اريتهم بعافيه

Post: #55
Title: Re: من هم اولاد البندر في سودانيز اونلاين؟
Author: طارق ميرغني
Date: 11-28-2010, 11:33 PM
Parent: #54

يا ود شيقوق

البندر شي والخرطوم شي اخر

بعدين البندر زاتو خشم بيوت يعني

مثلا مثلا ود مدني بندر هل نعتبر ود مساعد بندر ايضا ؟؟

اما بالنسبه للخرطوم اي واحد جاء للخرطوم بعد القرن التاسع عشر

بنعتبروا ما من الخرطوم

Post: #56
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 00:10 AM
Parent: #55

بس يا هو ده الكلام ..
كلام طارق ميرغنى ..

Quote: اما بالنسبه للخرطوم اي واحد جاء للخرطوم بعد القرن التاسع عشر

بنعتبروا ما من الخرطوم

بالله يا اخوانا اى زول اهلو جونا فى الخرطوم دى بعد 1800 ميلاديه اصلو ما يتخيل نفسو مننا ..
والكلام واضح ..

تحياتى للجميع ولصاحب البوست ..
ولبدرالدين الامير الوافد الجديد على البندراب ..

Post: #57
Title: Re: من هم اولاد البندر في سودانيز اونلاين؟
Author: حبيب نورة
Date: 11-29-2010, 00:24 AM
Parent: #56

انا غايتو بإعتباري سرورابي مأصّل ومفصّل

بعتبر نفسي بندراني كاااااااااااااااك

Post: #58
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 04:56 AM
Parent: #57

محمد ع الرحمن

Quote: أقدل آخوي..
فوق عديلك! و؛ عنكوليبك!

كيف ما بقدل طالما رقعتك بوسام البندرية من الدرجة الاولى رغم انك من قرية القرير الباعوضتا قدر النحلة

Post: #59
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:12 AM
Parent: #58

المرتضى

Quote: على أيامنا لم يكن المجتمع السوداني يعرف هذه الأشياء وكانت البيوت – على اختلاف
المستويات المادية – تتساوى في المأكل والملبس وأفلام ديجانقو والدافوري وأغنية بخاف بالذات منطقة - ألملم
في خطاوي الشوق وازور بيتك - وونسة عمود الكهرباء بانتظار مرور الكهربا.. وأول العيد بيت
الجميلة مباشرة بعد الأهل ونظره يا السمحه ام عجن.. باختصار ، كانت مشاكلنا بسيطه بالريده بتُحَل
هسه رفيقا الطفولة طراوه وكوستاوي تلقاهم يضحكوا ملْ أشداقهم عن شواربها ويسهر ناس العنكوليب جرّاها وينهمدوا..

نسيت نسيت شكرا ذكرتني وحاة الله البشوف مصابين السكري عندكم لابسين عراريق الساكوبيس والفنيلة ام شيالات ظاهرة جوة الصدر المافيهو دقداق وجالسين في الكراسي برة البيوت والكدوس مختوت فوق علبة الانفورا عيييييييييك يشتهي السكري عندكم .

بالله نحن ديل مش افسدنا الحياة البشرية الواحد فينا منتظر بتين يفضوا ليهو علبة الانفورا عشان يمشي يعبيها تمباك من الصاموتي .

Quote: بعدين إنت القال ليك الجاكوزي بعوموا فيهو منو؟

والله بعوموا فيهو او ما بعوموا انا يوم داك مشيت جلبغت فيهو زييييييييييين في فندق بيت الفلج وجيت مقبل بيتنا

Quote: ذكرتني صديقنا الأمين المبارك إبن القرية ، سألته زميلة له في الجامعة من اللواتي يعطشن الجيم ويجوِّعن اللام
كما قال أحدهم، سألته: إنت يا أمينو من نمره اتنين؟ فرد عليها: والله يا اللُخُت نحن نمره اتنين دي ما سمعنا
بيها إلا في تعشيقة اللوري والحلاقه.
_

ههههههههههههههههههههههها مباااااالغة دا بكون من عينة ناس طارق جبريل والطيب قريمان وفاروق ابو حوة

Quote: أجمل مافي هذا البوست، كما تفضلت ، أن أتتنا ، بعد غياب ، أستاذتي الجليلة الرائعة د. أسماء محمد عبدالحليم فلها التحايا الزاكيات.

نحييها ومنا لها أطيب الاماني

Post: #60
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:18 AM
Parent: #59

ود الاقرع

Quote: شيخ العرب اسف و الله اليوم كان معى ضيوف من السعوديه فلذلك كنت بعيدا ، لى عودة باذن الله .

دا بوست مخصص لناس البنادر مش الضهاري اوع تجي تحكي بالبطان هنا . كلف نفس اخمش ليك نوارة من التبر او حتى زهرية ضريسا وتعال لناس البندر قول ليهم دى هديتي ليكم باقي لي ما بفرزوا نوار البندر من نوار الضهاري كدا بحبوك جدا يا العشاء.

Post: #61
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:23 AM
Parent: #60

منى بت التوم

Quote: المسنوح الله يطير شياطينك الناس لمن تكبر تعقل و انت زايد سناحه
مواصفاتك لناس البندر عاوزه شوية توضيح
الحمدلله جعلنا اهل ضهره وصهباء وكنابو اهو التوب تقول يايات والريحه ودك وروب
سلام كيفينك والجنيات وامهم اريتهم بعافيه

هههههههههههههههها وحاة الله انت مشكنبة عديل او بلغة ناس البندر فاطة سطر عديل

عليك اتهنئ بضهاريك و ودكك دا اصلو كل زول عاجبو الصارو

Post: #62
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:35 AM
Parent: #61

طارق

لا حول اللوم بجي بالغفلات اوع اكون ما كتبت مع البنادرة ناس الدرجة الاولى ؟

Quote: البندر شي والخرطوم شي اخر

بعدين البندر زاتو خشم بيوت يعني

مثلا مثلا ود مدني بندر هل نعتبر ود مساعد بندر ايضا ؟؟

اما بالنسبه للخرطوم اي واحد جاء للخرطوم بعد القرن التاسع عشر

بنعتبروا ما من الخرطوم

لا يا طارق حد ما ربى ال###### اب بريش ما محسوب
وحد ما بسمع لهيام يونس ما محسوب
وحد ما لوّن صحن السلطة في الغداء بالبنجر ما محسوب
وحد ما لبس البجامة بعد تجاوز عمر الخمسين ما محسوب
وحد ما بسرّح شعرو تمويجة ما محسوب
وحد بفرز فرق زهور ضهرتنا من زهور حديقة القرشي ما محسوب
وحد بقدل وما بدي رقبتو تكية مع المنعطفات ما محسوب

Post: #64
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:44 AM
Parent: #62

ود المشرف

Quote: بالله يا اخوانا اى زول اهلو جونا فى الخرطوم دى بعد 1800 ميلاديه اصلو ما يتخيل نفسو مننا ..
والكلام واضح ..

تحياتى للجميع ولصاحب البوست ..
ولبدرالدين الامير الوافد الجديد على البندراب ..

حبابك حبابك ظاهر من اسم جدك دا من سناير البندراب

يا اخي ادينا من بندريتك حتيتة خلينا نتونس بيها مع ناس امبدة حتى

Post: #67
Title: Re: من هم اولاد البندر في سودانيز اونلاين؟
Author: Yousif A Abusinina
Date: 11-29-2010, 05:51 AM
Parent: #61

Quote: هههههههههههههههههه والله الليله مزاجك رايق خلاس
الجماعه وراك ضرررررررررررررررررره

والله على قول المثل

العريبى كان فتح بجيب لاهلة بليييييية
وعلى قول اهلنا بسوليلووووا جيب فى الطاقية

واحد عيشتوووووا زى السخلان والعتان عيشتو كلها وسط العدار والعنكويب وكان نام بنوب مرتبتو بتااااب خاتى نفسة من اولاد البندر

بسسس عليك على قول حبوبتى

والله البندرية بجييييية وانت غادى بجيييية تانية

Post: #63
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 05:43 AM
Parent: #58

Quote: رغم انك من قرية القرير الباعوضتا قدر النحلة

يا شيقا؛
غيّر بدِّل..
إني لك ناصح!!
والله يلم فيك [مامان] هسع العنكوليبايي
الفي ايدك تجضعا!!

Post: #65
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:47 AM
Parent: #63

حبيب نووووورة

Quote: انا غايتو بإعتباري سرورابي مأصّل ومفصّل

بعتبر نفسي بندراني كاااااااااااااااك

شوف انت مما جبت القبلية والجهوية تاني عودك في البندرية عود مرة .

مسنوح نامن غلط

Post: #66
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:50 AM
Parent: #65

م ع ر

Quote: غيّر بدِّل..
إني لك ناصح!!
والله يلم فيك [مامان] هسع العنكوليبايي
الفي ايدك تجضعا!!

قميصك اللابسو دا زمان ناس البندر بسموهو تحرمنى منك

انت بتكون صغير الزمن داك

لكن برضو كتر خيرك رجعتنا للستينات زمن الراديو الشخشاخ

Post: #68
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:55 AM
Parent: #66

سنينة

جيت ناطي من وين يا سجم الرماد ؟

أقوم اقبل عليك بالعنكوليبة دي هسع

Quote: العريبى كان فتح بجيب لاهلة بليييييية
وعلى قول اهلنا بسوليلووووا جيب فى الطاقية

واحد عيشتوووووا زى السخلان والعتان عيشتو كلها وسط العدار والعنكويب وكان نام بنوب مرتبتو بتااااب خاتى نفسة من اولاد البندر

بسسس عليك على قول حبوبتى

والله البندرية بجييييية وانت غادى بجيييية تانية

حاسد وعايزني اكتبك في القائمة معاهم لكن تشمها قدحة يا منعول .

Post: #69
Title: Re: من هم اولاد البندر في سودانيز اونلاين؟
Author: Kamal Karrar
Date: 11-29-2010, 06:00 AM
Parent: #68

ود شيقوق مستشار الحقوق...

طارق قصدو يقول إي زول أسمه ما هنا

بحري طراوة... ويا ناس بحري .. قالوا بتحبوا يلا حبونا..

يكون خارج البندرية...

طارق الخرطوم ذاتها خشم بيوت...

Post: #70
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 06:03 AM
Parent: #66

طا شين

Quote: لكن برضو كتر خيرك رجعتنا للستينات زمن الراديو الشخشاخ

Post: #71
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 06:08 AM
Parent: #70

ود كرار

Quote: طارق الخرطوم ذاتها خشم بيوت...

كلام في الصميم

ايوة اديلو المسنوح عايز يتلصق في ناس البنادر ساى

يا جماعة نسيييييييييييييييت عادل سمير الرقم البندري الاول

كان معانا طالب في الجامعة مافي زول بتونس معاهو زمان الا ود المرتضى

Post: #72
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 06:09 AM
Parent: #71

م ع ر

اخخخخخخخخخ الفيديو ما بفتح في المكتب وريني فيهو شنو ؟ اوع عنكوليب بس؟

Post: #73
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 06:18 AM
Parent: #72

والله يا اخوانا اولاد البندر حت عناوين بوستاتهم حلوة

تخيل واحد عامل بوست بعنوان : ود شيقوق اسمح لى اقول خوتك خوة بقر وردن الحفير
وواحد عامل بوست بعنوان : الزول الوسيم

Post: #76
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 07:38 AM
Parent: #73

Quote: والله يا اخوانا اولاد البندر حت عناوين بوستاتهم حلوة
تخيل واحد عامل بوست بعنوان : ود شيقوق اسمح لى اقول خوتك خوة بقر وردن الحفير
وواحد عامل بوست بعنوان : الزول الوسيم

شيقا؛
خالد ومحمد المرتضى ديل..
ولاد [بيدر] الجمال والمحبه!!
عليك الله ما تلخبتن بينا نحنا [المطرطشين]!

Post: #74
Title: Re: من هم اولاد البندر في سودانيز اونلاين؟
Author: Amany Elamin
Date: 11-29-2010, 06:58 AM
Parent: #72

طبعا القول ما قاله طارق ميرغني وثنّي علي ود المشرف,

ثم جاء بالخبر اليقين والقول الفصل كمال كرار :)

بندرنا ده* لو ما بيت جدك وجد جدك فيهو,
يعني لو ما ناس حلتك جدودهم و جدودك عشرة عمر من زمان,
يعني لو ما قريت مراحلك الدراسيه في مدارس البندر,(الأميريه, القديمه, الجديده, ...االخ)

لو ده كلو ما حاصل** موضوع الجاكوزي (البيستحمو فيهو ده) مابحلك أصلو :)

--
* التعريف ده بندراوي بحت ويعني حسب منظور أولاد البندر شخصيا
وواضح انه لا يمت بصله لتعريف ود شيقوق اللذي فنّده مولانا المرتضي مشكورا ..

** الحاله ده مع التخفيف, يعني ما قلت لو ماعندك جد عنده قبه في البندر

Post: #75
Title: Re: من هم اولاد البندر في سودانيز اونلاين؟
Author: محمد الكامل عبد الحليم
Date: 11-29-2010, 07:09 AM
Parent: #2

استاذنا شيقوق.... تحية وارفة الظلال ....

في مشوار(انكتب)....كنا في منتاول انغام تمط سوالف الليل المهاب....كانت الجوقة الموسيقية تتكون من ...عبد الله عربي..خليل احمد ..عبد الفتاح الله حابو...علاء الدين حمزة..بدوي كابو...يتوسطهم العملاق...عثمان حسين. في منزله العامر بالسجانة.....لياتيك بالالحان ما لا تزود....غرد الفجر فهيا يا حبيبي....اي صمت ران علي الوجود يومذاك....واي حسن تقاطعت دونه خطوط الحب والتواصل....

كنا هناك ........فهل انت معي؟

لك الاحترام

Post: #77
Title: Re: من هم اولاد البندر في سودانيز اونلاين؟
Author: Yousif A Abusinina
Date: 11-29-2010, 08:09 AM
Parent: #75

Quote: المسنوح الله يطير شياطينك الناس لمن تكبر تعقل و انت زايد سناحه
مواصفاتك لناس البندر عاوزه شوية توضيح
الحمدلله جعلنا اهل ضهره وصهباء وكنابو اهو التوب تقول يايات والريحه ودك وروب
سلام كيفينك والجنيات وامهم اريتهم بعافيه

هههههههههههههه براه بدور لجنس الكلام داااابوشوا جايب لينا المشاكل والهوى

ديل اهلىىىى اهل الروب واكل الفرصة ديل اهلى هههههههههه

والله يالمسنوحة وفيتى وكفيتى وخليك من الضهرابى المتنكر فى توب بندرابى والله ساقينوا الكرو وراء الكرو من تشبعط الكواروا واللوارى

زولا عراقية مثل مساحة الدوكة ومكفرس من مضغ العجول ويقولك انا من البندر

بندر فى راسك ..........آآآآآ المسنوح

Post: #78
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 08:10 AM
Parent: #75

اماني بت اللمين

Quote: بندرنا ده* لو ما بيت جدك وجد جدك فيهو,
يعني لو ما ناس حلتك جدودهم و جدودك عشرة عمر من زمان,
يعني لو ما قريت مراحلك الدراسيه في مدارس البندر,(الأميريه, القديمه, الجديده, ...االخ)

لو ده كلو ما حاصل** موضوع الجاكوزي (البيستحمو فيهو ده) مابحلك أصلو :)

يا سلام !! منو يا مسنوحة القال ليك دي عناصر بتكسبك صفة البندرية منو ؟

البندرية عند الرجل هي :-

الاشتراك في الصحف اليومية . يجيبوها ليهو في غرفتو الخاصة يشغل المروحة وينتكي على ضهرو خالف كراع في كراع وبقرأ بدون يجيهو حد من عولو عشان يمشي معاهو الاسبتالية او عشان يطلع ليهو باظبورت .

واثناء القراية تقوم ام عيالو البندرية تبخر ليهو الغرفة وتجي تنقي ليهو في العنكوليب ويقرمش ساااااااى .

البندرية ان يكون لدى الرجل جدول زمنى يحدد مواعيد افلام السينما ويمشي زول لوج بس

البندرية عند الرجل ان يكون كلامو زى الهمس بس وعند الحرمة فيهو لواكة للحروف مع استبعاد مفردات مثل ( أجي - وشكيتك على الله وكدا)

يعني زى كلام وضاحة المسنوحة .

Post: #80
Title: Re: من هم اولاد البندر في سودانيز اونلاين؟
Author: nazar hussien
Date: 11-29-2010, 08:38 AM
Parent: #78

Quote: والله يا اللُخُت نحن نمره اتنين دي ما سمعنا
بيها إلا في تعشيقة اللوري والحلاقه.
_

ههههههههههههههههههه...دي شديدة...

تحياتي ود شيقوق وضيوفه...

يا ود شيقوق...بعد ما تنتهي من ناس البندر...
شوف لينا معاك ناس الهامش....وتبسمل قبل ان تشرع في البوست...

تصدق نحن هامشنا لاهسي قوقل ايرث ما قدر يجيبو؟؟؟
قدر ما افتش في قوقل ايرث...واقرب اصل المنطقة
الخريطة تقول اششششششششششششششششششششششششششششششش
والصورة تنمل...

Post: #82
Title: Re: من هم اولاد البندر في سودانيز اونلاين؟
Author: سيف اليزل الماحي
Date: 11-29-2010, 09:03 AM
Parent: #80

.

يا الطيب شيقوق
سلامات

عندنا ولد خالتنا لئيم .. قبل كم سنة أيام الهجمة على الخرطوم
قال : ياخي الجماعة ديل كرهونا الخرطوم، الواحد تدقشوا في السوق تقول ليهو: سوري (بلهجة خرطومية أنجليزية)
يقول ليك: السلام والرحمة والبركة ..
ياخي يبركوا فيكم خنق .. أو كما كان يقول.

بالله أي زول كرعينو مشققات
أو ياقة قميصو بتكون مغلوبة
أو بفط مسطرة من حمالات حزام البنطلون
وعيونو فيهم خلعة
يطلع لينا برة الخرطوم
بعدين للمعلومية السودان مافيهو بندر غير الخرطوم
يعني ناس مدني وضواحيها وأريافها ما يجونا بالقصص الميتة دي!
بعدين لو كترتوها فـ 1800 بتاعة المشرف دي ممكن نختها "أسطوبة" لمن أرتدوا بناطلين الجينز في زمن الغفلة
بلا لمة ..

سيف اليزل

Post: #81
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 08:42 AM
Parent: #78

استاذ محمد عبد الحليم

Quote: في مشوار(انكتب)....كنا في منتاول انغام تمط سوالف الليل المهاب....كانت الجوقة الموسيقية تتكون من ...عبد الله عربي..خليل احمد ..عبد الفتاح الله حابو...علاء الدين حمزة..بدوي كابو...يتوسطهم العملاق...عثمان حسين. في منزله العامر بالسجانة.....لياتيك بالالحان ما لا تزود....غرد الفجر فهيا يا حبيبي....اي صمت ران علي الوجود يومذاك....واي حسن تقاطعت دونه خطوط الحب والتواصل....

كنا هناك ........فهل انت معي؟

يا سلام عليك وان تعود بنا الى الفنان الباذخ عثمان حسين - الله يرحمه - فقد تميزت أغانيه بالإلهام العاطفي الحساس , وبخفة التناسق المقطعي و بالذوق الرائع و الخيال المبتكر و تناغم الوتيرة الموسيقية و جمال اللحن المتسق المواكب لمعاني الأغنية و الأجمل من ذلك كله الآداء المتألق الذي أحاطه من كل جانب و الهدوء اللافت للنظر الذي يعبر عن جمال الشخصية و بساطة التركيب و إتزان حماسه من غير إفراط يفسد المدلول الحسي .

لكن يا أمحمد اخوى دا كلو للاسف لا يؤهلك للبندرية طالما كنت من الاركي عمودية جلاس وريفي مروى كمان

اتخيل بالمعايير دي حيطلعوا عثمان حسين مولود جزيرة مقاشي والطيب صالح ود ام بكول كمان

Post: #83
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:03 AM
Parent: #81

ابو سنينة المشكنب

Quote:
والله يالمسنوحة وفيتى وكفيتى وخليك من الضهرابى المتنكر فى توب بندرابى والله ساقينوا الكرو وراء الكرو من تشبعط الكواروا واللوارى

زولا عراقية مثل مساحة الدوكة ومكفرس من مضغ العجول ويقولك انا من البندر

بندر فى راسك ..........آآآآآ المسنوح

هههههههههههههههههههههههههها مسنوووووووووووح

Post: #84
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:14 AM
Parent: #83

نزار ود حسين

Quote: يا ود شيقوق...بعد ما تنتهي من ناس البندر...
شوف لينا معاك ناس الهامش....وتبسمل قبل ان تشرع في البوست...

تصدق نحن هامشنا لاهسي قوقل ايرث ما قدر يجيبو؟؟؟
قدر ما افتش في قوقل ايرث...واقرب اصل المنطقة
الخريطة تقول اششششششششششششششششششششششششششششششش
والصورة تنمل...

يا نزار ات فاطي سطر ولا شنو انا العرفني بالهامش شنو - تعال انت اتشمر واحكي لينا عنهم

قال قوقل ايرث !! ات قايل قوقل دا ما بتشمشم ؟ فاكرو بتلهدم ساي في الناس؟

Post: #86
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:20 AM
Parent: #84

سيف ود الماحي

Quote: بالله أي زول كرعينو مشققات
أو ياقة قميصو بتكون مغلوبة
أو بفط مسطرة من حمالات حزام البنطلون
وعيونو فيهم خلعة
يطلع لينا برة الخرطوم
بعدين للمعلومية السودان مافيهو بندر غير الخرطوم
يعني ناس مدني وضواحيها وأريافها ما يجونا بالقصص الميتة دي!
بعدين لو كترتوها فـ 1800 بتاعة المشرف دي ممكن نختها "أسطوبة" لمن أرتدوا بناطلين الجينز في زمن الغفلة
بلا لمة ..

هههههههههههها يعني ما عايزين تسمعوا الدوبيت ؟ ناس حت سااااااااكت؟ ناس إسلو دانسنغ ساااااااااااى؟ ناس ايسكريمات براكم ؟

يعني ناس العنكوليب ما يحوموا عليكم؟

مسنووح

Post: #85
Title: Re: من هم اولاد البندر في سودانيز اونلاين؟
Author: طارق ميرغني
Date: 11-29-2010, 09:18 AM
Parent: #83

Quote: يكون خارج البندرية...

طارق الخرطوم ذاتها خشم بيوت...

ود شيقوق اخوي

الكلام ليك يا المنطط عينيك

خشم البيوت دي معناتا الخرطوم من الحلفايا لحدت الصحافه وبعديها وداعا محافظة الخرطوم

Post: #87
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-29-2010, 09:20 AM
Parent: #83

احم احم
تحياتي لود شيقوق
نعم من جلاس ذات نفسها، لكن سمعنا بيها سمع ليس تنصلا وتلزقا في اولاد البندر لكن هي الحقيقة

معايير جديدة لاولاد البندر:
او كما قال لي احد اعمامي، زمان لمن تركب الطيارة الماشه لندن بتسلم على الناس الفي
الطياره كلهم، قال لي هسع اركب الطياره كان عرفت ليك فيها زول لوووووووول

المغزى من القصة: when every one knows every one
هؤلاء هم البندريين

احكي ليك القصة دي حصلت مع واحد من خيلاني
قال لي يا زول قاعد في مطار الخرطوم راجين نركب وقاعد جمبي واحد بعد شوية فتح معاي موضوع
موضوعه قال "شفت الخرطوم دي بقت زحمة كيف؟؟ يعني الناس الجات بدري شوية زينا كده بتتعب
شديد خلاس" خالي قال لي يا زول عاينت فيهو كده، وشكله مااااا راكب لي من ناس الخرطوم القدام
(تذكروا القصة اعلاه) بالشكل كده بننقر الزول، المهم، قال يماشيه في الكلام، وداك اداهو فرصه
قال يعني الناس الجات سنة 1992 (عيون منططه وخشم مفتوح للآخر) سنة 92 وقال قديم، خالي
قال دا موش احنا نزعل ياخي ........ زاتو بزعلوا من الزول دا

النقاط تتفهم زي ما تتفهم، اولاد البندر لا يحتاجون احيانا لمليء النقاط الفارغة، بنفهم بعض وكده

سمعتو بالدادا؟؟

Post: #88
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:31 AM
Parent: #87

طارق

Quote: خشم البيوت دي معناتا الخرطوم من الحلفايا لحدت الصحافه وبعديها وداعا محافظة الخرطوم

حلفاية شنو ؟ مش بتاعة بكري ابو بكر وحياة الله لا بندر ولا حاجة ؟

والله ما اسويها بندر الا يرفع لي البوست دا في السماء فوق مع بوستات اولاد البندر

يعني طلعت ناس جبرة والمعمورة وكدا صاح؟

يا اخي طلع معاهم جهاز شؤون المغتربين ذاتو عشان تاني نتجدع بين السودان والخليج بلا حدود

Post: #89
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:37 AM
Parent: #88

ود ابن عوف

ما تفسر اخوك فهم النقاط كويس هههههههههههههههه - لقيتني كيف؟

Quote: او كما قال لي احد اعمامي، زمان لمن تركب الطيارة الماشه لندن بتسلم على الناس الفي
الطياره كلهم، قال لي هسع اركب الطياره كان عرفت ليك فيها زول لوووووووول

يا اخي التعارف الفيزكال دا خلو زماااااااااان هسع صارت اى حاجة ريموت حتى اكل العنكوليب ذاتو

Post: #91
Title: Re: من هم اولاد البندر في سودانيز اونلاين؟
Author: رانيه محمد الشيخ
Date: 11-29-2010, 09:38 AM
Parent: #88

وحسى الناس الما من البندر ولا من الجوا يمشوا وين
؟؟؟؟؟؟؟؟

Post: #90
Title: Re: من هم اولاد البندر في سودانيز اونلاين؟
Author: معاوية المدير
Date: 11-29-2010, 09:37 AM
Parent: #87

Quote: وما بعوموا الا في الجاكوزي

يا ود اعمي، لا تفضحنا مع ناس البندر
الله يرضى عليك. الدآهية دا ما بيعوموا
فيهو...

Post: #93
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:46 AM
Parent: #90

رانية بت الشيخ

Quote: وحسى الناس الما من البندر ولا من الجوا يمشوا وين
؟؟؟؟؟؟؟؟

ما تنزعجي يا رانية بتي في لجنة شغال في اعداد معايير البندرية وانا حسيت هم بصدد تعديل المعايير البندرية

يغلب يكون اهم عناصر البندرية السلوك الحضاري فإن انتفت هذه في البندري الاصيل فحتما ستسلب منه بندريته وإن كان مقيما في البندر من زمن السلطنة الزرقاء . بمعنى ادق - ربما لا تقاس البندرية بالانتماء الجغرافي لهذه البقعة او تلك وانما بمقدار مواكبة الفرد لعصر العولمة تقنيا وفنيا ورومانسيا حتى . يعني المقدرة في التواصل مع الاخرين عبر الاسافير .

Post: #92
Title: Re: من هم اولاد البندر في سودانيز اونلاين؟
Author: محمد الكامل عبد الحليم
Date: 11-29-2010, 09:39 AM
Parent: #81

تحية.... شكرا علي الاضاءة عن العملاق عثمان حسين...حاضرا فينا بما لم تستطعه الاوائل...يتكئ الان في سدر مخضود...بمعانية المموسقة الزاهية..

اما عن التحاقنا بالبندرية كما تقول فلم نسعي الي ذلك..(.دا شيتن اصلي ما فكرت فيهو وحاتك ضمه ما كان في حسابي)

خبيري مع البنات والليل يهود..اهز ضرعاتي وارفع في حجابي ..بقيت غناي ..اي غناي ..بلعلع في البنادر ..متل ناس 0ود صليليح) طنبرابي....او كما قال اسماعين.

Post: #94
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-29-2010, 09:48 AM
Parent: #92

يعني مافي زول عرف الدادا؟

Post: #97
Title: Re: من هم اولاد البندر في سودانيز اونلاين؟
Author: امير عوض الجمري
Date: 11-29-2010, 09:57 AM
Parent: #94

فندي انا فندي انا فندي انا

Post: #95
Title: Re: من هم اولاد البندر في سودانيز اونلاين؟
Author: هجو الأقرع
Date: 11-29-2010, 09:50 AM
Parent: #92

يا عشاء البايتات ، الحق قالوا سفارتكم فى عمان فيها توزيع اراضى ، اها قصرت معاك ، ممكن انزلك ليك اغنية اولاد الضهارى ويلا ما فى داعى .

Post: #96
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 09:50 AM
Parent: #92

Quote: يا اخي التعارف الفيزكال دا خلو زماااااااااان هسع صارت اى حاجة ريموت حتى اكل العنكوليب ذاتو

ههههههههههههههههه
شيقوق .... سلامات ... مالك علينا كتلتنا من الضحك
طيب صاحبك ود البوب ( المستشار حسن طه ) يطلع ود شنو
.
.
غايتو نحن بحراويه وبنطالب بالانفصال نكون بندر نكون ريف المهم الانفصال وليس لنا خيار اخر

Post: #98
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 10:03 AM
Parent: #96

الطيب شيقوق ..
Quote: من هم اولاد البندر في سودانيز اونلاين؟

من اقول دكتور عوض دكام ( الولدوهم في الدايات وحبو في البلاط وقروهم في الراهبات )
( لحمتهم ضان وعصيرهم برتكان )

Post: #99
Title: Re: من هم اولاد البندر في سودانيز اونلاين؟
Author: فيصل محمد خليل
Date: 11-29-2010, 10:11 AM
Parent: #98

زمان زمن التروماي
شيقا جاء من الصعيد
كاري معاهو غنمايتو
بحبل. توش من قولت
تيت شاف ليك التروماي
واقف في المحطة.طوالي
راح رابط الغنماية في التروماي
ودخل الدكان يجيبلو حاجة يعضيها
جاء مارق لقى غنمايتو مافي و الا
الداهية الكانت مربوطة فيهو الغنماية.
اها بقى يصوط في الخرطوم يسال عن
غنمايتو و عن الداهية.ما ساب واحد
ما سالو. في النهاية لما تعب من الحوامة
ليقالو شجرة ضلها بارد, طلع نعلاتو و ختاهن
تحت راسو و رقد. في ضل الشجرة التانية كان في
واحد طابق ليهو وحدة و بيقول ليها انا شايف
الخرطوم دي كلها في عيونك.
شيقا نطة بردلوب و قال ليهو
عليك الله شوف لي غنمايتي وين

___
يا شيقا بتعرف تقلب هوبا
في راس دبوس !!!!

Post: #102
Title: Re: من هم اولاد البندر في سودانيز اونلاين؟
Author: Amany Elamin
Date: 11-29-2010, 10:39 AM
Parent: #99

ود شيقوق والله معاييرك البندريه زي ما ناس الضهاري فاهمينها تماما,
مما يوضح انك زول ضهاري ميه الميه :)
Quote: البندرية عند الرجل ان يكون كلامو زى الهمس بس وعند الحرمة فيهو لواكة للحروف مع استبعاد مفردات مثل ( أجي - وشكيتك على الله وكدا)

ما هو ده فهم ناس الضهاري, وعشان كده السودان كلو قلب كلامو وبقي (يلوك) في الحروف قايلين دي هي البندريه !
أسمع كلام احمد ابن عوف ده كويس,,
Quote: when every one knows every one
هؤلاء هم البندريين

وده بالضبط كلامي القلتو ليك فوق,
البندريه يعني لما تلاقي ليك راجل عمو (بندري) كبييييير يقول ليك انت ود ناس منو ياولدي,
تقول ليهو أنا جدي فلان ود فلان طوالي يسكت ويعرفك,
وزي ما قال ابن عوف مرّات من الشكل ساكت يشبّهك ويعرفك :)

بعدين بالنسبه لتعريفك لرانيا ده,
السلوك الحضاري اسمه السلوك الحضاري,
يعني في ناس كتيره ما بندريين وسلوكهم حضاري جدا,
البندريه لا تعرّف هكذا :)

وليد عبد اللطيف,,
Quote: من اقول دكتور عوض دكام ( الولدوهم في الدايات وحبو في البلاط وقروهم في الراهبات )

لووووووووول
ولدوهو في الدايات أو الراهبات دي سمه أساسيه في التعريف البندري الحديث علي فكره ههههههههههه

Post: #105
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 11:09 AM
Parent: #102

ود الكامل عبد الرحيم

خبيري مع البنات والليل يهود..اهز ضرعاتي وارفع في حجابي ..بقيت غناي ..اي غناي ..بلعلع في البنادر ..متل ناس 0ود صليليح) طنبرابي....او كما قال اسماعين.

هييييييييييييع عافي منك

سيبك من البندر ابشر ابشر

لقيتني كيف؟

اصلي قاصد اغربل ليك البندراب واقبل عليهم

Post: #106
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 11:20 AM
Parent: #102

ابن عوف

والله نقشناها طائرة يا مسنوح

امير ود الجمري

انت مالك جالس في الكنب الوراء؟

الاقرع

ابشر اخوك ملا صدرو طب في اراضي البندر

يا نزل ليهم غناء البطان خلى اللمة تتفرتك

ود البوب صديقي دا متلكك في اللا بندرية لاضنيهو والله الدوحة ما طلع منها ببندرية تملا طاقيتو

وليد عبد اللطيف

والله انت مسنووووووووح نامن غلط

فيسل هليل

الغنماية التقطع اضنيك رطاني مسخوط وسجم رماد

اماني بت اللمين

كدي احكي لي انت بتلوكي الكلام ولا بتجدعي الحروف سليقة ساااااااااااااى؟

Post: #125
Title: Re: من هم اولاد البندر في سودانيز اونلاين؟
Author: طارق ميرغني
Date: 11-29-2010, 12:53 PM
Parent: #102

Post: #168
Title: Re: من هم اولاد البندر في سودانيز اونلاين؟
Author: محمد النيل
Date: 11-29-2010, 04:52 PM
Parent: #102

البندرية محل ميلادها برى

Post: #215
Title: Re: من هم اولاد البندر في سودانيز اونلاين؟
Author: عبدالرحمن الحلاوي
Date: 11-30-2010, 08:24 AM
Parent: #102

مرت نشأة مدينة الخرطوم بأربعة مراحل...
ففي المرحلة الأولى كانت أحراشاً وغابات، أما الأراضي السفلي فكانت جروفاً يزرعها أهالي جزيرة "توتي"..
وتذكر المصادر أن جزءاً من قبيلة (المحس) وفقهائهم قد استوطنوا بـ "جزيرة توتي" و"الحلفاية" و"الخوجلاب" منذ القرن السادس عشر.
والمرحلة الثانية من مراحل نشأة مدينة الخرطوم قد بدأت عندما اتخذها أحد فقهاء المحس المقيمين بجزيرة توتي وهو (الشيخ/ أرباب العقائد) مركزاً لخلوته، وبدأ بها العمار من نار القرآن والعلم.
أما المرحلة الثالثة فقد جاءت عند غزو الجيش (التركي-المصري) للسودان ودحره لسلطنة سنار فى عام 1821م، فقد أتخذ الحكم التركى المصري الخرطوم في بادئ الأمر معسكراً للجنود وذلك عندما بنى (عثمان بك جركس) نقطة عسكرية مع الاستمرار فى استخدام "ود مدني" عاصمة للبلاد بدلاً عن "سنَار" التى لم يطب المقام فيها للأترك بسبب مناخها.
وفى المرحلة الرابعة من مراحل نشأة الخرطوم صارت عاصمة للبلاد عوضاً عن ود مدني التى اتخذها الأتراك عاصمة لهم فى بادي الأمر وكان (الأميرالاي/ عثمان بك) قد عين حاكم على السودان (1823م- 1825م) وعند وصوله الى ملتقى النيلين فى طريقه الى العاصمة ود مدني لم يواصل سيره، بل فضل أن يبني الثكنات والقلاع فى المكان الجديد. ولعله من غرائب الصدف أن أصبح عثمان بك عند وفاته فى عام 1825م أول دفين من حكام العصر التركي في الخرطوم.
كانت مدينة الخرطوم القديمة تبعد نحو ميل جنوب النيل، وكانت الدواوين ومساكن الموظفين وثكنات الجيش فى المكان الذى كانت تحتله "محطة السكة الحديدية"، وكان السكن للأهالى الى الشمال منها وكان يسمى بحي (سلامة الباشا)..
وفى عهد (خورشيد) 1826 – 183 دخلت المدينة طوراً جديداً وذلك بإتساعها شمالاً، وشهدت تلك الفترة إنشاء حي المسجد.. وقد شهد عهد خورشيد استخدام الطوب الأحمر فى تشييد المباني بعد أن كانت المواد المستخدمة فى باديء الأمر هى الطوب الأخضر والقش، وأنشأ الأتراك كمائن للطوب الاحمر فى "برى" و"الجريف"..
وقد شهد عهد الخديوي (عباس) 1849 – 1854 تراجعاً وتدهورا فى كل من مصر والسودان بسبب السياسة المالية المتقشفة، ورغم هذا فقد شيدت في عهده بعض المباني الحكومية فى الخرطوم.. وهو صاحب فكرة إدخال التعليم المدني فى السودان، اذ أصدر أوامر بإنشاء مدرسة الخرطوم فى عام 1850م وفي عهد الحاكم التركى المصري (عبداللطيف) 1849- 1851م اتسعت المدينة نحو الشمال الشرقى ونشأ حي جديد هو حي "الحكمدارية"..
وفى عام 1866م فى عهد الحكمدار (جعفر صادق) حلت كارثة كبري بالمدينة من جراء الأمطار والسيول وانهيار عدد كبير من المنازل مما دفع والى مصر الى التفكير فى تحويل العاصمة من الخرطوم الى توتى..
وقد فضل الحكمدار (جعفر مظهر) المضي فى عمران الخرطوم..
وشهد عهد (إسماعيل أيوب) 1873-1877م ازدياداً وتوسعاً فى المبانى الحكومية وشيد كذلك معملاً للورق وآخر للبارود..
وقد بلغ أقصى إمتداد الخرطوم فى أواخر العهد التركى المصري المنطقة الواقعة بين حديقة الحيوان بالخرطوم سابقاً ومباني وزارة الصحة.
وصف احياء الخرطوم القديمة:-
يذكر (البروفسير/ محمد إبراهيم أبوسليم) فى سفره القيم "تاريخ الخرطوم" أن المدينة كانت مقسمة إلي أحياء، من أهمها: حي الحكمدارية، وحي المسجد، والأحياء الشعبية التي كان يسكنها عامة الناس وقد احتلت اطراف المدينة.. ومن الأحياء الشعبية الشهيرة حى سلامة الباشا، وكان يقطنه الوافدون من جبال النوبة..
ومن أفقر الأحياء الشعبية بالمدينة حي (هبوب ضربانى)، ومن الأحياء الشعبية ايضاً (حى الكارة) و(حى الطوبجية)..
وقد احتل (حى الترس) -المنطقة الواقعة غربي شارع الحرية الحالى-، وقد أخذ اسمه من الجسر الذى اقيم جنوبه لحماية المدينة من فيضان النيل الأبيض.
وفى أقصى الشرق كان (حي بري المحس) وقد ظل هذا الحي فى مكانه طوال فترة الحكم التركي المصري واستمر كذلك طوال فترة المهدية (1885-1899)، الى أن أنتقل الى موضعه الحالى بالبراري فى سنة 1900.. وأقيمت فى مكانه ثكنات الجيش البريطاني فى الموضع الذى تشغله داخليات جامعة الخرطوم جوار مستشفى العيون.
فترة المهدية:-

كان من المعالم البارزة فى الخرطوم فى أواخر العهد التركي المصري بوابتي "المسلمية" و"الكلاكلة" -اللتان شيدهما (غردون باشا) الإنجليزي فى استحكامته التى أقامها للدفاع عن المدينة عندما حاصرتها قوات الإمام المهدي-.. وتقع بوابة المسلمية فى الموقع الذي يحتله "كبري المسلمية -الآن-"، جنوب مستشفى الخرطوم فوق خط السكة الحديدية، أما بوابة الكلاكلة فكان موقعها "كبري الحرية -الحالى-"، والذى شيده (الفريق/ إبراهيم عبود) فى مطلع الستينات..

عندما إنتصر المهدي على (هكس باشا) الإنجليزي فى نوفمبر 1883م تأكدت سيطرته على الأقاليم الغربية بصفة نهائية، وفتح بذلك الطريق أمامه ليعود إلى النيل، فأرسل خطاباً الى أحد انصاره (الشيخ/ محمد الطيب البصير) ليقوم وجماعته بمحاصرة "الخرطوم".. وأحكم الحصار بوصول قوات (الأمير/ أبو قرجة) ثم قوات (الأمير/ عبدالله ود النجومي)، وأولاد (العبيد ود بدر) بقيادة (المهدى -نفسه-) الذى عسكر بـ (أبو سعد) بأمدرمان سنة 1884م.. وفى 26يناير 1885م دخل المهدى الخرطوم.. ويذكر أن الثورة المهدية (من بين ثورات المنطقة العربية والافريقية والمستعمرات، كانت الثورة الوحيدة التي طردت مستعمر بلدها بالقوة، وأسست سيادة وطنية مستقلة مدة 11 عاما).

وأشار المهدى الى انه لا يعتزم اتخاذ عاصمة الترك مقراً له، فعانت الخرطوم ضموراً في هذا العهد بسبب اتخاذ المهدى "أم درمان" عاصمة له، فأخذت في النمو والإزدهار.
وعقب تحرير الخرطوم نزل كبار الأنصار فى قصور الدولة وقصور الأعيان في حي المسجد، أما أهالي الخرطوم فقد جمعوا فى الطرف الجنوبي من المدينة، وقد خصص "قصر الجاركوك" للمهدي لقربه من المسجد واتساعه..
أما (الخليفة/ عبد الله التعايشي) فقد اتخذ السراي مسكناً له..
ونزل (الخليفة/ شريف) فى مبنى الكنيسة الكاثوليكية.. بينما احتل (أبو قرجة) ديوان المديرية.. وقد عين المهدى قريبه (أحمد محمد حاج شرفي) ليباشر إدارة الحدائق، كما عين خاله (محمد طه محمد) ليباشر إدارة الترسانة.
وفي مايو من عام 1885م أمر الخليفة عبدالله كل القاطنين فى الخرطوم بإخلاء المدينة والإنتقال الى العاصمة الوطنية "أم درمان"، ويبدو أن الخليفة عبدالله كان حريصاً على الأقل فى أول الأمر على الإبقاء على مدينة الخرطوم وعدم تخريبها..
وقد وقف (البروفسير/ محمد إبراهيم أبو سليم) على خطاب منه إلى (أحمد سليمان) صادر فى اغسطس عام 1885م يؤكد ما ذهبنا اليه.. وأشار الخليفة فى خطابه إلى انه قد نبه مراراً بعدم هدم أى منزل من منازل الخرطوم، وذكر انه عند زيارته للخرطوم وجدها خراباً.. فقد أخذ الأنصار طوب وأحجار وأخشاب مباني الخرطوم وقصورها واستخدموها فى تشييد مدينة امدرمان العاصمة الجديدة..
وبعد وفاة المهدي استمر الخليفة عبدالله فى توسيع عاصمته بتشييد منازل من الطين والطوب الأحمر والحجر بدلاً عن القش والجلود. وقد بنى الخليفة "بيت المال" وسجن الساير سنة 1885م ثم شيد الدور الأرضي من منزله -وهو المتحف الحالي-، ثم "بيت الأمانة" -وهى مخزن للسلاح-، و"قبة المهدي"، والجامع.. ثم شيد "السور" -الذى أحاط بالمدينة في عامي 1888 و1889م
المصدر : تاريخ الخرطوم - الدكتور محمد أبوسليم

Post: #100
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-29-2010, 10:16 AM
Parent: #96

الجمري
Quote: فندي انا فندي انا فندي انا

بي كده ممكن ود شيقوق يشوف ليك خانة مع البندراب

ونديكم معيار تاني:
البندراب لم بعرفوا اكل الفول الا بعد هجمة التتار
مطعم واحد بس فيب الخرطوم كان بقدم وجبة الفول، والجماعة بمشوا من باب التغيير
من الاسكلوب وما شاكله من مأكولات قد يستصعى على الهامش فهمها ان اتينا بسيرتها الاولى

Post: #101
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 10:27 AM
Parent: #100

Quote: واحد طابق ليهو وحدة و بيقول ليها انا شايف
الخرطوم دي كلها في عيونك.
شيقا نطة بردلوب و قال ليهو
عليك الله شوف لي غنمايتي وين

دي بالغت فيها ياخليلا أأقطع دراعي لو انت واعي

Post: #104
Title: Re: من هم اولاد البندر في سودانيز اونلاين؟
Author: nazar hussien
Date: 11-29-2010, 10:49 AM
Parent: #101

Quote: ونديكم معيار تاني:
البندراب لم بعرفوا اكل الفول الا بعد هجمة التتار
مطعم واحد بس في الخرطوم كان بقدم وجبة الفول، والجماعة
بمشوا من باب التغيير
من الاسكلوب وما شاكله من مأكولات قد يستصعى على الهامش فهمها
ان اتينا بسيرتها الاولى

دا كان سنة كم يا احمد؟

Post: #103
Title: Re: من هم اولاد البندر في سودانيز اونلاين؟
Author: حسن طه محمد
Date: 11-29-2010, 10:45 AM
Parent: #100

شوف يا شيقا

هلا هلا علي الجد

وباختصار كدا

الما اتولد في جزيرة مقاصر الخضراء ما بندراوي

بصراحة يا شيقا

اول مرة لبست بنطلون كان عمرك كم ؟؟

بعد الاجابة حنجيك راجعين

Post: #107
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 11:26 AM
Parent: #103

الخال ود البوب

شوف يا شيقا

هلا هلا علي الجد

وباختصار كدا

الما اتولد في جزيرة مقاصر الخضراء ما بندراوي

بصراحة يا شيقا

اول مرة لبست بنطلون كان عمرك كم ؟؟

بعد الاجابة حنجيك راجعين

مقاصر شنو اكالين القراصة ديل يا خال ات ما نصيح قال مقاصر !!

بصراحة زمان في المدرسة الوسطى عضاني دبيب وخالتي وعماتي واهلي كلهم جونى زيارة في المستشفى وكان اى واحد فيهم يرفع المخدة ويرقعني بريال او شلن - الشغلانية بقت كتيرة - اول ما بقيت كويس اتلهمت ليك دكان الاقمشة لقيت ليك احسن ترلين وقطعت منو بنطلون . لكن بيني وبينك ما لبستو نامن اتهيرت طب

Post: #108
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 11:49 AM
Parent: #107

Quote: اتلهمت ليك دكان الاقمشة لقيت ليك احسن ترلين

كدي يا شيقا؛
قبل التريلين والساكوبيس..
Quote: اتخيل بالمعايير دي حيطلعوا عثمان حسين مولود جزيرة مقاشي

ورينا [جزيرة مقاشي] دي وين؟

هاك العنكوليب هذا!!

Post: #109
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 11:54 AM
Parent: #108

م ع الرحمن

كدي يا شيقا؛
قبل التريلين والساكوبيس..

هههههههههههههههها

ورينا [جزيرة مقاشي] دي وين؟

جنب قبة الشيخ مدنى ود حامد جهة الحاج عبد الله والشكابات

ما بقولوا هذا - بقولوا دا

Post: #113
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 12:03 PM
Parent: #109

Quote: ما بقولوا هذا - بقولوا دا

وانت يا [هذا]، قايلني غلتا في [هذا]؟

_
الشكابات حافضن [شكاباي شكاباي]!!

Post: #111
Title: Re: من هم اولاد البندر في سودانيز اونلاين؟
Author: عبدالرحيم أبراهيم العبيد
Date: 11-29-2010, 11:59 AM
Parent: #108

الاخ العزيز الطيب
تحياتي
كل عام وأنتم بخير
يا شيخنا نحن أكلنا
أمتكشو والويكاب والربيت
والموليته (واللبا)
ولعبنا شدت وشليل وصقلنا التيوه
بس في الاخر سكنت الخرطوم(ملك)
ما أيجار
أها أنفع أكون من أهل البندر
ولا أهل العوض
ودمتم بالف خير وعافيه

Post: #110
Title: Re: من هم اولاد البندر في سودانيز اونلاين؟
Author: سيف اليزل الماحي
Date: 11-29-2010, 11:55 AM
Parent: #107

.

لمن كنا في الاميرية ،
جانا أستاذ عربي جديد، جا داخل الفصل الصباح بدري شايل ليهو كيس
تاكا الباب شوية .. وفي الركن تسمع رووو
قلنا ليهو يا أستاذ عيب .. السندوتشات .. السندوتشات
قال: ده شبش جديد يا علل إنتو
قلنا ليهو: طيب ألبسو .. (كان تقع)
قال: من يوم السبت جاكم بلا!

واهو زي ما شايفين البلاوي الدخلت الخرطوم، لا أذن سمعت ولا خطر بقلب المدن المجنونة

حدنا معاكم 1800 .. الحاضر يكلم الغافل
يعجبني نزار حسين في صدقه .. نخب آيسكريم بيمبو في صحة كل قروي نبيل مثله

سيف اليزل

.

Post: #112
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:00 PM
Parent: #110

ود الماحي

واهو زي ما شايفين البلاوي الدخلت الخرطوم، لا أذن سمعت ولا خطر بقلب المدن المجنونة

يا اخي ناس البندر السمحين كلهم ماتو وخلفوا اكالين العنكوليب بس

Post: #114
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:09 PM
Parent: #112

ود العبيد

اكلنا أمتكشو والويكاب والربيت
والموليته (واللبا)
ولعبنا شدت وشليل وصقلنا التيوه
بس في الاخر سكنت الخرطوم(ملك)
ما أيجار
أها أنفع أكون من أهل البندر
ولا أهل العوض

انت من الشقيلاب؟

وحاة الله كان سكنت السوق الافرجي وكان عرست نانسي عجرم او خديجة بنت قنة التعويض لابسك لابسك

م ع ارحمن

فاطي سطر انت؟

Post: #123
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 11-29-2010, 12:29 PM
Parent: #114

Quote: م ع ارحمن
فاطي سطر انت؟

يمين بوستك دا يخلي الزول يفطلو مقال بي حالو؛ مو سطر بس

الله يديم المفرحين متلك ياخ..

Post: #115
Title: Re: من هم اولاد البندر في سودانيز اونلاين؟
Author: ismeil abbas
Date: 11-29-2010, 12:10 PM
Parent: #112

الطيب شيقوق.......السمح.
Quote: طبعا انا ساكن امدرمان وباني بيت في امدرمان لكن بستحي اقول من امدرمان زي السارق لي حاجة ما حقتي

إنت ما شبه السرقة والجنية....إنت ود سيد البنية..

كارم صحابك نهار وعشية...إنت بيتك مثل التكية.

أم درمان ترحب بيك والخرطوم تشيلك فى حباب عينيها

تقديرى واحترامى.

Post: #117
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:17 PM
Parent: #115

إنت ما شبه السرقة والجنية....إنت ود سيد البنية..

كارم صحابك نهار وعشية...إنت بيتك مثل التكية.

أم درمان ترحب بيك والخرطوم تشيلك فى حباب عينيها

حباب ود عباس ان شاء الله شايل الكاس

بس ناس مرتضى اولاد المسالمة قلت ليهم اانا بنيت وسكنت معاكم في امدرمان ممكن اكون بندري ؟ قالوا لي اكان جيتنا معرس ايمان بنورة برضو الشينة لابساك

Post: #116
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 12:13 PM
Parent: #112

يا شيقا
Quote: مقاصر شنو اكالين القراصة ديل يا خال ات ما نصيح قال مقاصر !!

ارفع ايدك عن القراصة خمسه بوصه والملوحه
والله حاجة نفيسه ام المستشار يديها العافية
تعمل فسيخ تلقاني شايل الجركن وواقف جنبها
اقول ليها اديني زادي انا مسافر

Post: #119
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:20 PM
Parent: #116

وليد

ارفع ايدك عن القراصة خمسه بوصه والملوحه
والله حاجة نفيسه ام المستشار يديها العافية
تعمل فسيخ تلقاني شايل الجركن وواقف جنبها
اقول ليها اديني زادي انا مسافر

الله يحفظ حاجة نفيسة ويديها العافية يكفيها انا ولدت الخال المستشار

والله يا وليد انا بموت في الفسيخ

Post: #118
Title: Re: من هم اولاد البندر في سودانيز اونلاين؟
Author: امير عوض الجمري
Date: 11-29-2010, 12:19 PM
Parent: #112

Quote: اصلي قاصد اغربل ليك البندراب واقبل عليهم

والله جنس حسادة غايتو ..
والله اسي احرش ليك بندريتين حنكوشتين بس يجن يقيفن
جنبك وينضمن لامن يعملن ليك وجع شنب ..... يا حاسد

Post: #120
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:22 PM
Parent: #118

والله اسي احرش ليك بندريتين حنكوشتين بس يجن يقيفن
جنبك وينضمن لامن يعملن ليك وجع شنب ..... يا حاسد

هههههههههههههههههههههههههههههههههههها مسنووووووووووووح وبتعرف اختيار الاسلحة الفتاكة بالحيل

Post: #121
Title: Re: من هم اولاد البندر في سودانيز اونلاين؟
Author: رانيه محمد الشيخ
Date: 11-29-2010, 12:22 PM
Parent: #118

حاسه بروحى طاشه شبكه هنا

:))))

ممكن ملخص عشان نواكب
وملخص مفهوم
انا بقيت حاسه بمخى ما بيستوعب لان مصطلحاتكم صعبه

Post: #122
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:25 PM
Parent: #121

بت الشيخ

ممكن ملخص عشان نواكب
وملخص مفهوم
انا بقيت حاسه بمخى ما بيستوعب لان مصطلحاتكم صعبه

خلى يجيك امير الجمري يشرح ليك ويفسر ليك

دى واحدة منهن يا الجمري الحقني ما بعرف نضم بنيات البندر ديل

Post: #124
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 12:33 PM
Parent: #122

م ع ر

يمين بوستك دا يخلي الزول يفطلو مقال بي حالو؛ مو سطر بس

الله يديم المفرحين متلك ياخ..

تسلم يا الحبيب ويطول عمرك ويدوم فرحك

Post: #126
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-29-2010, 01:07 PM
Parent: #124

نزار
Quote: دا كان سنة كم يا احمد؟

قالوا في الخمسينات كده

كدي عن اذنكم، عندي دكشمان في بوست بتاع هامش كده واجيكم

(دكشمان دي بتاعت بندراب) بتسمو شمو يا ناس العنكوليب

Post: #127
Title: Re: من هم اولاد البندر في سودانيز اونلاين؟
Author: عبدالرحيم أبراهيم العبيد
Date: 11-29-2010, 01:11 PM
Parent: #124

بت الشيخ
تحياتي
ده أمتحان قدرات
الله يجازي محنك يالطيب
لازم تكون هنالك ترجمه
ولم تحياتنا

Post: #128
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 01:30 PM
Parent: #127

والله يا جماعه شايفكم بتكتبو اسامى اكلات ومناطق صعبه جدا ..
وقلنا نشارككم ..

زمااان جدى بابكر المشرف الله يرحمو كان ما بياكل بسطرمه الا من محلات الخواجه بنايوتى فى المحطه الوسطى .. وكذلك الجبنه المضفره والمارتيدلا .. بالعدم بجيبوها ليهو من محلات الاغريقى ارونت , اما علب الروثمان الكبييره فمن جورج مشرقى ..

ربنا يرحمو ..

Post: #129
Title: Re: من هم اولاد البندر في سودانيز اونلاين؟
Author: جعفر محي الدين
Date: 11-29-2010, 01:32 PM
Parent: #127

شيقا كبير المسانيح
مالك علينا داير تفرز الكيمان
زمان كنا ناس البندر ديل ندخل معاهم في أحاديثم عن أم درمان
لأننا حضرنا زمن عباس رشوان ومطعم سمير أميس وسينما أم درمان
وقهوة يوسف الفكي ولبسنا بناطلين من حياكة مهدي شريف
والتحرمني منك من المهداوي ولقينا باتا منورة المحطة الوسطى
وبصات أبو رجيلة كانت تنقل الناس بين أنحاء العاصمة المثلثة
هسع حرشتهم علينا جوا حددوا لينا شخيط بتاع 1800 نقبل وين
ونستكم يا ناس الضهاري ما حبابها طب

Post: #130
Title: Re: من هم اولاد البندر في سودانيز اونلاين؟
Author: طارق ميرغني
Date: 11-29-2010, 01:42 PM
Parent: #129

شافو يتلفت في المحطه الوسطي بغباشه تبدو للعيان

قبل وسال البندراوي:

بالله المحطه الوسطي بي وين؟؟؟

صاحبنا زعل منو شديد

قام سالو:

انت من وين:

اجاب انا من ام خجوجه..!!

قال ليهو: انحنا قعد نجيكم في امخجوجه ؟؟؟؟

Post: #131
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 01:43 PM
Parent: #129

Quote: والتحرمني منك من المهداوي

تحرمنى منك ده ماركه قديمه زى فان هاوسن ولا شنو ؟!

Post: #135
Title: Re: من هم اولاد البندر في سودانيز اونلاين؟
Author: حسن طه محمد
Date: 11-29-2010, 02:07 PM
Parent: #131

Quote: بصراحة زمان في المدرسة الوسطى عضاني دبيب وخالتي وعماتي واهلي كلهم جونى زيارة في المستشفى وكان اى واحد فيهم يرفع المخدة ويرقعني بريال او شلن - الشغلانية بقت كتيرة - اول ما بقيت كويس اتلهمت ليك دكان الاقمشة لقيت ليك احسن ترلين وقطعت منو بنطلون . لكن بيني وبينك ما لبستو نامن اتهيرت طب

قال بندراوي قال

في الوسطي آل

دا اخوك من تانية ابتدائي

قريبنا حسن الزبير ( الله يديه العافية) جاب لي هدية قماش بنطلون مستورد من مصر.

كان لونه بيج

الوالد يطول عمره وداني لترزي تحت البرندات كان يعتبر فلته في التفصيل.

في الاجازة لمقاصر اخوك شك البنطلون ... قلت امشي اقبض الجو هناك شوية

القي ليك اولاد مقاصر نصهم بناطلين وشارلستون كمان

دي عينة عشان نوريك مقاصر

وقراصة علي الجرف وسط الزرع مع بصل اخضر تقلعو قلع من الارض .. والله احسن من الاسكلوب باني ذاتو.

آآآآآخ وينك يا فيصل ود خليل

آآآآآخ وينك يا حاجة ووين فسيخك

برضو تقل لي بندر ... وبرضو تقول اغتراب

شيقا

بعد يومين اخوك مسافر للسودان

ما تجي نقول للحاجة كربي لينا قراصة 10 بوصة

كلمو بالله يا قريبي وليد

بندر قال

شيقا مبروك هذا البوست الذي اتوقع له منافسة بوست الشعبية ومعاها بحري طراوة

Post: #133
Title: Re: من هم اولاد البندر في سودانيز اونلاين؟
Author: سيف اليزل الماحي
Date: 11-29-2010, 01:59 PM
Parent: #129

.

عارف يا شيقوق

خالنا الله يطراهو بالخير ، مريخابي موت كنا لمن نتشبك فيهم وهم ماشين الكورة،
كان بسوقنا بعربيتو الاوبل ركورد الجاتو رسالة من المانيا وكان فيها تلفون " موظف وكالة أنباء"
يسوقنا يشتري لينا حاجات حلوة من علي السيد نجار الكوباني،
وبتذكر بمشي محل في شارع البرلمان يتكلم معاهم إنجليزي ويطلع منهم بكم صندوق فاخر
يضعهم في "ضهرية" الاوبل ، وبعديها يرجعنا البيت في تلاته دقائق بس!
أنا بعد كم سنة عرفت الصناديق الفاخرة ديك كان بختو فيها شنو!

.

Post: #132
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 01:48 PM
Parent: #124

Quote: حاسه بروحى طاشه شبكه هنا

:))))

كان كدي الله بريدك يارانيا
لاعرفتو جن لاعرفتو ريد
خليك كده بس يافرده اسلم ليك
شيقا قصصة عايزة ليها دكشنري لفك طلاسم بعض اللكمات
بالمناسبه يارانيا الشعراء السابقين كانوا حافظين ومجودين للقران الكريم
ودا ساعدهم كثير في تعبراتهم ووزن كتاباتهم حتى خرجت جميله
( لو في النساء رُسل كنت النبيه )

ياسلام الزان جمالك الكساك اسباب كمالك
خدك البنريدو مالك خاتو في كفك شمالك

اها انتي لازم تعرفي عامية كلام اخونا الاستاذ الطيب شيوق
لازم تمشي خلفة وتبحثي وتعرفي وين بمشي يكتب وتسرقي ليك كلمة كلمتين
بما انه لكي محاولات كتابه لازم يكون عندك زخيرة من الكلمات والمفردات
وبالمناسبة يا ابو الطيب الاخت رانية بت خطيرة
.
.
لقيتني كيف ياشيقا
دا جن تاني غير كرة القدم

Post: #134
Title: Re: من هم اولاد البندر في سودانيز اونلاين؟
Author: Mohammed Haroun
Date: 11-29-2010, 02:03 PM
Parent: #132

محمد هارون
________

دي غايتو قلبت فيها الهوبا يا شيخ العرب .... يعني في الصف الأولاني كمان!!!

تحيات أخوك ودهارون

Post: #136
Title: Re: من هم اولاد البندر في سودانيز اونلاين؟
Author: رانيه محمد الشيخ
Date: 11-29-2010, 02:10 PM
Parent: #132

فكرتنى يا وليد باول مصطلح عجبنى لمن جيت السودان اول مره
ارح كاكى
طبعا بعد فتره بقيت ماسكه قلم ودفتر وبسجل المصطلحات مع تعريفها
هههههههههههه
الجكس دا عشان افهموا كنت محتاجه بيان عملى
:))))))))))))
والفرق بينه وبين الفرده

دى حالتها مصطلحات من طرف الباب
وكنت بفشل نهائى افهم كلمات الاغانى وهى بتتغنى
حسى اطورت
بقيت اسمع لانصاف مدنى
ههههههههههههههههههههه
دا ما ساهل ما شويه

Post: #137
Title: Re: من هم اولاد البندر في سودانيز اونلاين؟
Author: عبدالمجيد المقابل
Date: 11-29-2010, 02:23 PM
Parent: #136

Quote: زمااان جدى بابكر المشرف الله يرحمو كان ما بياكل بسطرمه الا من محلات الخواجه بنايوتى فى المحطه الوسطى .. وكذلك الجبنه المضفره والمارتيدلا .. بالعدم بجيبوها ليهو من محلات الاغريقى ارونت , اما علب الروثمان الكبييره فمن جورج مشرقى ..

ربنا يرحمو ..

=
حبيبنا شيقا , شوف د.محمد المشرف دا كيف ! ود بندر أبا" عن جد, دي البندرة ولا بلاش !!

سلام ليك ولي د. المشرف وللضيوف الكرام

Post: #138
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:31 PM
Parent: #137

عبد الرحيم العبيد

ده أمتحان قدرات
الله يجازي محنك يالطيب
لازم تكون هنالك ترجمه

رانية دي باقي من ناس كمبوني او الشهادة العربية وديل كلهم ما بياكلوا الامباز ولا شافوهو اسوى ليهم شنو نان

Post: #140
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:37 PM
Parent: #138

استاذ المشرف

والله يا جماعه شايفكم بتكتبو اسامى اكلات ومناطق صعبه جدا ..
وقلنا نشارككم ..

عليك الله امسك ليك ورقة وقلم واى مفردة قالت معاك سيك ميك سجلها وارسلها نشرحها وارجع تاني اقرا السياق الذى وردت فيه عشان تستوعب حكي ناس الضهاري ( الضهاري تعني البلدات البعاد من القرية) انا
خايف بلدات ذاتها تكون ما ناقشها .

زمااان جدى بابكر المشرف الله يرحمو كان ما بياكل بسطرمه الا من محلات الخواجه بنايوتى فى المحطه الوسطى .. وكذلك الجبنه المضفره والمارتيدلا .. بالعدم بجيبوها ليهو من محلات الاغريقى ارونت , اما علب الروثمان الكبييره فمن جورج مشرقى ..

يا اخي من هسع انا نصبتك عمدة البندراب بلا منازع طالما انت هكذا حسبا ونسبا

Post: #145
Title: Re: من هم اولاد البندر في سودانيز اونلاين؟
Author: ولياب
Date: 11-29-2010, 02:46 PM
Parent: #138

يا شيقا

سلام

من المعروف أن كلمة (البندر) يستخدمها المصريون وتعني أهل الحضر

وعرفت اليوم من العم قوقل أن البندر في اللغة الفارسية يعني ( مرسى) السفن أي ميناء ، بندر عباس الإيراني مثالاً .

طبعاً نحن وناس فيصل هليل بالرغم من أننا ما من البندر ولكن متحضرين من بدري .

وبعدين لعملك حسع أهل الريف والبندر بقوا متساويين ، الفرق الوحيد إنهم بيشتروا الخضار من السوبر ماركتات ونحن بنطلع نجيبها من الحواشات .

وبرضو تقول لي نحن من البندر !!!!

Post: #160
Title: Re: من هم اولاد البندر في سودانيز اونلاين؟
Author: عفاف أبو حريرة
Date: 11-29-2010, 04:11 PM
Parent: #137

Post: #139
Title: Re: من هم اولاد البندر في سودانيز اونلاين؟
Author: عبدالفتاح أبوشيمة
Date: 11-29-2010, 02:33 PM
Parent: #136

بندراني يا بندراني
قعد يلوك لي في اللباني
ولما اتكلم قال مشتّت ياني ياني
والله غنجك يا اسمراني
حتى مافي في المباني
شوفوا غيرنا إسكندراني
اللي مولودين ثواني
ما بي مشقة وحبل داني
ياخي ياني ياخي ياني
الأولاد بس
وللا معاهم الجنس اللطيف؟
غايتو كان مسموح إقحام البنات

عندك رانية محمد الشيخ
ما شافت أريافك دي خالص
لي درجة بتقول نشتت للرياضة
برجزة مش زيك يا مسنوح

ومقطوع طاري الاتنين
لسان طويل ممدود على مصراعيه

أنا كمان أنا كمان أنا كمان

طبعاً يا عررروب أهي جنبي

أنا أبوها بالتجنس

جنسية أصلية كمان

كمان عندي بيتين في العاصمة

ومرتين

بيت ملك ورافع سلك

تقدر تقول بغم

والبنية لسع جنبي أهي

كدي قول أي حاجة ما عن كَ َلْ ب تَ ليك بوستيك دا

عليك أمان الله كان قلت شي

أجيب ليك طوب الجريف كله بي طوابينه

Post: #142
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:40 PM
Parent: #139

جعفر ود محي الدين

مالك علينا داير تفرز الكيمان
زمان كنا ناس البندر ديل ندخل معاهم في أحاديثم عن أم درمان
لأننا حضرنا زمن عباس رشوان ومطعم سمير أميس وسينما أم درمان
وقهوة يوسف الفكي ولبسنا بناطلين من حياكة مهدي شريف
والتحرمني منك من المهداوي ولقينا باتا منورة المحطة الوسطى
وبصات أبو رجيلة كانت تنقل الناس بين أنحاء العاصمة المثلثة
هسع حرشتهم علينا جوا حددوا لينا شخيط بتاع 1800 نقبل وين
ونستكم يا ناس الضهاري ما حبابها طب

انت كدا لا لام فيهم ولا لام فينا يعني ( بدون) عدييييييييييل كدا

Post: #150
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 03:02 PM
Parent: #139

عبدالمجيد سلامات وكيفك وكيف كيفك ..
الخرطوم اصبحت بلا ملامح يا عبدالمجيد ..
تصور ان تفتقد المكان وانت فيه ..
تجى ماري ب ( سستر اسكول ) وتلقى ليك كوبري قبيح جدا ..
تدخل شارع الجمهوريه ولا تجد ذاك السمت البرجوازى العريق حول بيت السفير الامريكى وناس قريش وبقية سكان الشارع الذى كان مهيبا ..
تمشى شارع العرضه ولا عرضه هناك ولا يحزنون ..
بنات الاحفاد اصبحن من الشراسه بمكان فقدن فيه ذاك الالق القديم ..
ميدان البوسطه الا تعمل ليك ساتر ..
ده شنو ده يا مجيد ؟!..
ركشات وامجاد وعربات صغيره صغيره حايمه بيناتم فى ازعاج مبالغ فيهو ..
الناس دى جات من وين ؟!
او .. فى زول فضل بهناك ولا جو كلهم ..
او .. حيرجعو بتين؟!
قطعا هى اسئله ليست للاجابه

Post: #141
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-29-2010, 02:39 PM
Parent: #136

Quote: وكنت بفشل نهائى افهم كلمات الاغانى وهى بتتغنى
حسى اطورت
بقيت اسمع لانصاف مدنى
ههههههههههههههههههههه
دا ما ساهل ما شويه

سمعتي ليها
لبست ليهو اللبني قايلهو من مدني
.
.
اهم شيء تسمعي حوا الطقطاقة
وتسمعي قصة تكسير اسنانها من الخواجة
ولما تغني
الله لكوريا ياشباب كوريا
عروسنا جات تتنى زي فريع الحنه
دي اهم شي يرقصوا بيها البنات زمان في البندر

Quote: الجكس دا عشان افهموا كنت محتاجه بيان عملى
:))))))))))))
والفرق بينه وبين الفرده

كل زمن بزمنه يارانية

عمنا في الحله قال زمان لو جات بت حلوه ماره نشاغلها ونقول ليها (الرالي ) جات
ناس البندر البندر ياشيقا

-----------------------------------
يارانية اطلعي من البوست دا بعد دا شيقا بفلقنا بالعونكليب ويتهمنا بالمسانيح

Post: #143
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:42 PM
Parent: #141

طارق

اجاب انا من ام خجوجه..!!

قال ليهو: انحنا قعد نجيكم في امخجوجه ؟؟؟؟

الله يجازيك حرم زولك دا بيكون جاي من فندق كوباني

Post: #144
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:45 PM
Parent: #143

دا اخوك من تانية ابتدائي

خالي ود البوب

قريبنا حسن الزبير ( الله يديه العافية) جاب لي هدية قماش بنطلون مستورد من مصر.

كان لونه بيج

الوالد يطول عمره وداني لترزي تحت البرندات كان يعتبر فلته في التفصيل.

في الاجازة لمقاصر اخوك شك البنطلون ... قلت امشي اقبض الجو هناك شوية

القي ليك اولاد مقاصر نصهم بناطلين وشارلستون كمان

دي عينة عشان نوريك مقاصر

وقراصة علي الجرف وسط الزرع مع بصل اخضر تقلعو قلع من الارض .. والله احسن من الاسكلوب باني ذاتو.

آآآآآخ وينك يا فيصل ود خليل

عيييييييييييييييييك يمكن ديل انتو الغنوا فيكم ( بحب اب قجيجة ان شاء اب صلعة طائر)

كنت بتسرح ابراهيم عوض ؟

Post: #146
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:49 PM
Parent: #144

سيف ود الماحي

أنا بعد كم سنة عرفت الصناديق الفاخرة ديك كان بختو فيها شنو!

ههههههههههههههههها كانت كلها ام جمل

تعرف ام جمل ..........

نحن زمان كان برسلونا نجيب فيها الزيت من الدكان - يبدو الفارغ الوارد منكم بجينا في الارياف

Post: #147
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:54 PM
Parent: #146

وليد

اها انتي لازم تعرفي عامية كلام اخونا الاستاذ الطيب شيوق
لازم تمشي خلفة وتبحثي وتعرفي وين بمشي يكتب وتسرقي ليك كلمة كلمتين
بما انه لكي محاولات كتابه لازم يكون عندك زخيرة من الكلمات والمفردات
وبالمناسبة يا ابو الطيب الاخت رانية بت خطيرة

نان دحين انت ما جيهتني قلت لي هي شهادة عربية ولا من مستخرجات كمبوني - وريني بطل الغتاتة والحسادة
.
.
لقيتني كيف ياشيقا

لقيتكم سالكلوبيدي في مفردات الكون ذلك المجهول

عليك النبي تشرح لرانية دي حننتني شديييييييييييد

Post: #148
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 02:56 PM
Parent: #147

محمد هارون

دي غايتو قلبت فيها الهوبا يا شيخ العرب .... يعني في الصف الأولاني كمان!!!

نان ات ساهل هسع صورة بروفايلك دي منو العندو - متحكر كدا زى تحكرة بابا جونز

Post: #149
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:01 PM
Parent: #148

البروف عبد المجيد

حبيبنا شيقا , شوف د.محمد المشرف دا كيف ! ود بندر أبا" عن جد, دي البندرة ولا بلاش !!

سلام ليك ولي د. المشرف وللضيوف الكرام

حبابك حبابك - يا اخي دا انا سميتو عمدة البندراب عديل كدا

صاحبك الفاتح ما جاء مار بجاى اظنو زعلان عشان ما كتبناهو مع ناس البندر - المسنوح هو قائل صورو مع ناس كوندا بتأهلو للبندرية

يا اخي البندرية دي حقت الفناجرة الاهلهم في الخرطوم من 1800 م

Post: #151
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:17 PM
Parent: #149

ولياب

من المعروف أن كلمة (البندر) يستخدمها المصريون وتعني أهل الحضر

وعرفت اليوم من العم قوقل أن البندر في اللغة الفارسية يعني ( مرسى) السفن أي ميناء ، بندر عباس الإيراني مثالاً .

طبعاً نحن وناس فيصل هليل بالرغم من أننا ما من البندر ولكن متحضرين من بدري .

وبعدين لعملك حسع أهل الريف والبندر بقوا متساويين ، الفرق الوحيد إنهم بيشتروا الخضار من السوبر ماركتات ونحن بنطلع نجيبها من الحواشات .

وبرضو تقول لي نحن من البندر !!

يا زول هوى السودان منذ الاستقلال حكامو ما من البندر واى حاكم جاء اهلو جو بارينو الا الصادق المهدي والغريبة وزراء الانقاذ ديل كووووووووووووولهم اهل عوض

اتخيل بمعايير ناس المشرف ديل التجاني الماحي ذاتو ما بندراوي

والله اكان كدة الناس دي كووووووووولهم طلعوا ما بندريين علا النقادة بس

يعني هسع النقادي كان ولدوهو في الدندر يصنف بندراوي

Post: #152
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:22 PM
Parent: #151

ابو شيمة

كدي قول أي حاجة ما عن كَ َلْ ب تَ ليك بوستيك دا

ههههههههههههههههههههها مسنوووووووووووووح

Post: #153
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:51 PM
Parent: #152

المشرف

ميدان البوسطه الا تعمل ليك ساتر

هههههههههههههههههههههههههها يا اخي خليني اتطاول عليك واقول ليك انت مسنوووووووووووووح

هسع مرتضى بتصل فيني بقول لي المشرف دا ما بقولوا ليهو مسنوح

وهذه تعيد الذاكرة لموقف لا انساه في ميز القضائية بمدينة سنجة

كان القضاة والمحامون يلعبون الكوتشينة وكان مع اللعيبة مولانا ابراهيم حسن كان وقتها القاضي المقيم - كان مولانا ابراهيم لا يقبل الهظار من منطلق مبدئي متعلق بواجب اضفاء القداسة لشخص القاضي

الحصل مولانا ابراهيم هذا واثناء لعبة الوست ( فنس ) اى نام بالكرت بلغة ناس الوست - واحد من الجماعة قال بصورة لا ارادية (ووووب مولانا فنس) - الحصل مولانا زعل من الكلمة ووضع الورق ورفض المواصلة في اللعب . في تلك اللحظة تدخل الاستاذ عرفات الفاضل الجلابي المحامي وقال للشخص القال مولانا فنس انت غلطان غلطان القاضي ما بقولوا فنس القاضي لما ينوم بالكرت بيقولوا تقاعس عن رمي الكرت - الجماعة انفجروا بالضحك حتى مولانا الزعلات طيّب خاطره وعاد لمواصلة اللعب

اها يا المرتضى حتجيني جاري هسع وتقول لي ود المشرف ما بقولوا ليهو مسنوح طيب شن بقولوا ليهو يا العشاء ؟

Post: #155
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:55 PM
Parent: #153

الوليد

عمنا في الحله قال زمان لو جات بت حلوه ماره نشاغلها ونقول ليها (الرالي ) جات
ناس البندر البندر ياشيقا

ههههههههههههههها ونحن زمان بنقول يا تتي حمامكم .................... بياكل عنكوليب

Post: #154
Title: Re: من هم اولاد البندر في سودانيز اونلاين؟
Author: Amani Al Ajab
Date: 11-29-2010, 03:53 PM
Parent: #152

Quote: عليك الله امسك ليك ورقة وقلم واى مفردة قالت معاك سيك ميك سجلها وارسلها نشرحها وارجع تاني اقرا السياق الذى وردت فيه عشان تستوعب حكي ناس الضهاري ( الضهاري تعني البلدات البعاد من القرية) انا
خايف بلدات ذاتها تكون ما ناقشها .

جيت تكحلها عميتها ..

Post: #156
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 03:58 PM
Parent: #154

جيت تكحلها عميتها ..

اماني المسنوحة اتاريك لابدة جوة البوست نحن ما عارفين

خليني اجدع مع اولاد البندر حتك

Post: #158
Title: Re: من هم اولاد البندر في سودانيز اونلاين؟
Author: عماد الشبلي
Date: 11-29-2010, 04:07 PM
Parent: #154

انا من الدندر !!!!

انفع اكون من البندر ؟؟؟

الله يدندرك ويبندرك ويدردرك ..

Post: #157
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 04:01 PM
Parent: #152

Quote: بندراني يا بندراني
قعد يلوك لي في اللباني
ولما اتكلم قال مشتّت ياني ياني
والله غنجك يا اسمراني
حتى مافي في المباني

شكرا على التعميد يا ودشيقوق ..
وده شرف يستحق ان أخرج له شيفرلية جد والدى المشرف مختار الشكيري من المخزن لاقودها بسعاده بالغه وسط الركشات فى الخرطوم ..
واحتمال كبير ارتدى برنيطه وتكسيدو تليق بكبير البندراب ..
ولن يفوتنى قطعا مضغ اللبان
ولا بأس من ممارسة القليل من الغنج ..

..
سعدت بالمشاركه فى هذا البوست وفى البال لطافة المجال والموضوع ..
شكرا للجميع

Post: #159
Title: Re: من هم اولاد البندر في سودانيز اونلاين؟
Author: Amani Al Ajab
Date: 11-29-2010, 04:11 PM
Parent: #157

Quote: اماني المسنوحة اتاريك لابدة جوة البوست نحن ما عارفين

خليني اجدع مع اولاد البندر حتك

الله أفتح عليك ..
بوست الموسم ..

Post: #161
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 04:13 PM
Parent: #157

العمدة المشرف

شكرا على التعميد يا ودشيقوق ..
وده شرف يستحق ان أخرج له شيفرلية جد والدى المشرف مختار الشكيري من المخزن لاقودها بسعاده بالغه وسط الركشات فى الخرطوم ..
واحتمال كبير ارتدى برنيطه وتكسيدو تليق بكبير البندراب ..
ولن يفوتنى قطعا مضغ اللبان
ولا بأس من ممارسة القليل من الغنج ..

بالله شيفرلية جدك لسه موجودة رغم السياسات التى استهدفت اباطرة الراسمالية الوطنية ؟

لالالالالالالالا انت ما محتاج تجتهد العناصر دي كوووووووووولها موروثة عندك جينيا
..

سعدت بالمشاركه فى هذا البوست وفى البال لطافة المجال والموضوع ..
شكرا للجميع

والله نحن سعيدون بمشاركتكم التي اذابت الكثيرين من اهل العوض رقة ولطافة

Post: #162
Title: Re: من هم اولاد البندر في سودانيز اونلاين؟
Author: ولياب
Date: 11-29-2010, 04:14 PM
Parent: #157

Quote: يعني هسع النقادي كان ولدوهو في الدندر يصنف بندراوي

طبعاً(لا) لأنكم حتأكلوه العنكوليب ، لكن كان أتولد في حلفا هو بندراوي لأننا حنأكلو ( قصب السكر) .

Post: #163
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 04:17 PM
Parent: #162

الله أفتح عليك ..
بوست الموسم .

تسلمي يا الاماني والله بيكم كلووووووووووو دا - امتعتونا واسعدتونا وبددتم هموم وزمهرير الغربة

ولياب

قلت شنو ؟ قصب السكر ؟

النقادة ديل عليكم ما بجوا لانهم سامعين طقت عقربكم منها والترب

Post: #164
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 04:21 PM
Parent: #162

Quote: بالله شيفرلية جدك لسه موجودة

جد ابوي يا ودشيقوق .. جد ابوى ما جدى ..
ولا تفوتنى الاشاره من موقعى ككبير بندراب لانحيازى التام للهامش الكبير ..
وارحب بكم جميعا على متن هذه المدينه اللحم راس

Post: #165
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 04:30 PM
Parent: #164

العمدة

جد ابوي يا ودشيقوق .. جد ابوى ما جدى ..

دي اكان عندنا كان هسع اسكراب يربطوا فيها الغنم

ولا تفوتنى الاشاره من موقعى ككبير بندراب لانحيازى التام للهامش الكبير ..
وارحب بكم جميعا على متن هذه المدينه اللحم راس

يا اخي نحن بندودر فيك بندودر يعني stimulating you عشان ننتزع من معدنك الاصيل هذه المعاني النبيلة

انا من وافدي الريف الى العاصمة الوطنية امدرمان

سالتقيك ان كانت في العمر بقية يا عمدة

Post: #166
Title: Re: من هم اولاد البندر في سودانيز اونلاين؟
Author: عبدالعزيز الفاضلابى
Date: 11-29-2010, 04:39 PM
Parent: #165

Quote: نكتب هنا كلمات من البادية والضهره ونطلب من اي واحد يعرفها لينا

جرحتنى ساسوية فوق الكدمبس
جاتنى صدمة(ضم الصاد) وقليت لى قرض فوق قلشوب.
ترجم.

Post: #167
Title: Re: من هم اولاد البندر في سودانيز اونلاين؟
Author: Amany Elamin
Date: 11-29-2010, 04:48 PM
Parent: #164

Quote: كدي احكي لي انت بتلوكي الكلام ولا بتجدعي الحروف سليقة ساااااااااااااى؟

أول حاجه أحيطكم علما انه بيت جدي عليه رحمة الله (ماعايزه أقول إسمه) من السنتر جامعة الخرطوم 10 دقايق بالعربيه,
ومن القصر الجمهوري مسافة 2 كيلو بما فيهم النيل الأزرق
وعلي طريقة ود المشرّف جدي (من مواليد 1901) كان يملك عربيه بسوّاق وكان موظف حكومي أد الدنيا متعلم اَخر تعليم وكمان كان عنده في البيت تلفون وبيتكلم انجليزي زي الرصاص وعربي زي سيبويه واسمه مكتوب في بوست بحري طراوه لوووووووول

ومع ذلك لا بنلوك الكلام لا بنتعولق بس جرجرة كلام زي أهل العوض ما عندنا

Post: #169
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:01 PM
Parent: #167

فاضلابي

جرحتنى ساسوية فوق الكدمبس
جاتنى صدمة(ضم الصاد) وقليت لى قرض فوق قلشوب.
ترجم.

يا اخي جاي ناطي من وين نحن بنشرك وانت بتحاحي يا سجم الرماد

امشي كدا بلا ترجمة بلا لمة معاك

مسنووح

Post: #170
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:12 PM
Parent: #169

بت اللمين

أول حاجه أحيطكم علما انه بيت جدي عليه رحمة الله (ماعايزه أقول إسمه) من السنتر جامعة الخرطوم 10 دقايق بالعربيه,
ومن القصر الجمهوري مسافة 2 كيلو بما فيهم النيل الأزرق
وعلي طريقة ود المشرّف جدي (من مواليد 1901) كان يملك عربيه بسوّاق وكان موظف حكومي أد الدنيا متعلم اَخر تعليم وكمان كان عنده في البيت تلفون وبيتكلم انجليزي زي الرصاص وعربي زي سيبويه واسمه مكتوب في بوست بحري طراوه لوووووووول

الاوصاف دي كووووووووولها في الرئيس السابق ابراهيم عبود - بيكون ياهو جدك بس انت ما جايبة خبر

كدي اتاكدي لينا لو كان عندو خدام في البيت بسووا الاكل للضيوف ولابسين مرايل

ومع ذلك لا بنلوك الكلام لا بنتعولق بس جرجرة كلام زي أهل العوض ما عندنا

طيب عطوركم شنو ؟

وقدلتكم في الواطة دى كيف ؟

عندكم جاكوزي في البيت ؟

Post: #171
Title: Re: من هم اولاد البندر في سودانيز اونلاين؟
Author: Kostawi
Date: 11-29-2010, 05:13 PM
Parent: #170

عشان كدا قلنا لبكري بدل منبر واحد يقسمو لمنبرين

1- بندرأونلاين دوت كام
2- بلدي أونلاين دوت كام

عشان نفرز الجكوزي من الفولة
و ود الباوقة من لؤي

Post: #172
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:20 PM
Parent: #171

كوستاوي

ازيك يا اخي - انت صنفناك فوق مع المرتضى وطراوة بنادرة متميزين وكدا عطوركم باريسية وساعاتكم سويسرية وعرباتكم المانية وكدا

عشان كدا قلنا لبكري بدل منبر واحد يقسمو لمنبرين

1- بندرأونلاين دوت كام
2- بلدي أونلاين دوت كام

عشان نفرز الجكوزي من الفولة
و ود الباوقة من لؤي

بس التصنيف بيطلع واحدين بدون يا اخي

يا اخي وانا عائد من السودان تصادف ان كان مقعدي بجوار واحد وجيه بيعرفك جدا - لاحظنى وانا في الطائرة جوة اتلفت للمقعد وعلى طول قال لي الف مرحب بيك يا شيقوق ولم يسبق ان التقينا وقال لي عرفتك من صورتك الفي البروفائل

اسمه خالد وشغال قنصل للسودان في الامم المتحدة حكى لي عن علاقتو بيك وود الكامل .

الف مرحب بيك

مع عميق امتناني

Post: #179
Title: Re: من هم اولاد البندر في سودانيز اونلاين؟
Author: يوسف محمد يوسف
Date: 11-29-2010, 06:12 PM
Parent: #171

ود شيقوق

بوستيك دا فرز كيمان عديييييييل..

انا عارفك عايز تجهز لمطلب تقرير مصير لمركز الاشعاع الحضارى.. الخرطوم !! طبعا ما ح اقول البندر لانو دا تعريف اطلقه " العونكولاب " على الخرطوم .

برضو كويس .. اصلو القصة ماشه " لتقارير مصير " و ليس تقرير مصير واحد ..

وبعدين يا شيقا .. لو اصلوا مناطق العونكوليب حلوة كدا الناس دى ما تمشى تجدع هناك .. و تقشر و تمص .. الزحمه لزوما شنو ؟؟

بلا عونكوليب بلا قصب سكر بلا عواره ؟؟

و بعديم قصب السكر ذاتو مش كان بقيفوا بيه " العونكولاب " بره استاد الخرطوم بعد يبيعوا العونكوليب فى سوق الح......... ؟

يا حبيب .. السكريات و الحلويات و عصير الفاكهة الطازج .. كانت من " بابا كوستا " .. " اتنى " .. " زكى " .. قال شنو .. عونكوليب !!

قوموا فرتقوا .. مسختو علينا الخرطوم .. الله يمسخ ليكم العونكوليب وقصب السكر ذاتوا .. جبتوا لينا سكرى !

بدون زعل .. مودتى للجميع .

Post: #173
Title: Re: من هم اولاد البندر في سودانيز اونلاين؟
Author: محمد النيل
Date: 11-29-2010, 05:24 PM
Parent: #167

قول لى زول: شكرا
لو رد وقال:
يديك العافية
دا بيكون بطانة
ولو قال: العفو
دا نص نص
لو قال: عفوا
دا يمكن يكون بندرجى

بالمناسبة كلمة بندر زاتها ما بندراوية
هو لفظ يطلقه اللا بندراويين على اهل الخرطوم
لما كانت صحى خرطوم

Post: #174
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:32 PM
Parent: #173

محمد النيل

بالمناسبة كلمة بندر زاتها ما بندراوية
هو لفظ يطلقه اللا بندراويين على اهل الخرطوم
لما كانت صحى خرطوم

صحيح لما كانت الخرطوم صحي صحي - يعني الخرطوم مما جينا سكنا فيها نحن صارت تقليد يا أمحمد اخوي؟

Post: #175
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 05:35 PM
Parent: #174

افتحوا الشروق هسع شوفوا بنات البندر شاطرات وبتكلمن كيف عن اسبوع المرأة

Post: #176
Title: Re: من هم اولاد البندر في سودانيز اونلاين؟
Author: الفاتح ميرغني
Date: 11-29-2010, 05:44 PM
Parent: #174

Quote: البروف عبد المجيد

حبيبنا شيقا , شوف د.محمد المشرف دا كيف ! ود بندر أبا" عن جد, دي البندرة ولا بلاش !!

سلام ليك ولي د. المشرف وللضيوف الكرام

حبابك حبابك - يا اخي دا انا سميتو عمدة البندراب عديل كدا

صاحبك الفاتح ما جاء مار بجاى اظنو زعلان عشان ما كتبناهو مع ناس البندر - المسنوح هو قائل صورو مع ناس كوندا بتأهلو للبندرية

يا اخي البندرية دي حقت الفناجرة الاهلهم في الخرطوم من 1800 م

يا زول تكتبني شنو مع ناس البندر.إنحنا البندر ده جيناهو ناس قراية( 4 سنين عاشم الحب) وإتخارجنا.وتاني جيناهو للمعادلة ومن ديك وفراق " الطريفي للمرسيدس بتاعو"
وحاتك يا صفوي اليابان دي زاتها جيناها تهريب بدرب الاربعين. تقول لي بندرة دايما جايب لينا الكلام والنظام العام

محبتي لك ولضيوفك

Post: #177
Title: Re: من هم اولاد البندر في سودانيز اونلاين؟
Author: willeim andrea
Date: 11-29-2010, 06:01 PM
Parent: #176

استاذنا الرائع ود شيقوق

علشان نشارك معاكم اولا حاجه كلمة بندر دي ذاته شنو

عندي احساس كده زي السمعتها زمان في برنامج حقيبة الفن .... ... :)

واحساس تاني شكله جايه من بعيد خلاص ( بعد زمن ومكان )

اضحك الله سنك يالحبيب

احترامي وتقديري

Post: #178
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 06:10 PM
Parent: #176

فتوح

يا زول تكتبني شنو مع ناس البندر.إنحنا البندر ده جيناهو ناس قراية( 4 سنين عاشم الحب) وإتخارجنا.وتاني جيناهو للمعادلة ومن ديك وفراق " الطريفي للمرسيدس بتاعو"
وحاتك يا صفوي اليابان دي زاتها جيناها تهريب بدرب الاربعين. تقول لي بندرة دايما جايب لينا الكلام والنظام العام

ناوي افطك عشان جيت متاخر لكن حنيت حليك ساى

المهم اتصبر بى دي الى العودة للنظر في مقدار بندريتك ولانو نحن ذاتنا عندنا راي في معايير البندرية لان المعايير القديمة ما عادت عادلة في تصنيف من هو بندري

يعني مثلا ما ممكن حد بيتكلم اربعة لغات عربية وانجليزية ويابانية وفرنسية يقولوا دا عنقالي

وما ممكن حد اتصور مع جميع وزراء خارجية الدول الاوربية واميركا وامين عام الجامعة العربية يقولوا دا عنقالي
وما ممكن حد كلف من قبل دولة الامارات كوووووووووولها لتسليم كاس لاحد ابطال العالم في لعبة رياضية ما بتذكر اسمها

وما ممكن حد بيكتب عن مريم ماكبا يقولوا ما بندري

وما ممكن حد رئيس تحرير مجلة يابانية تصدر بالانجليزي يقولوا دا عنقالي

يا اخي دا سيد البنادر كلهم سيبك بلا معايير بلا لمة

Post: #180
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 06:14 PM
Parent: #178

صديقي وليم اندرية

يا اخي الف مرحب بيك وكل عام وانت بالف خير

لشان نشارك معاكم اولا حاجه كلمة بندر دي ذاته شنو

عندي احساس كده زي السمعتها زمان في برنامج حقيبة الفن .... ... :)

واحساس تاني شكله جايه من بعيد خلاص ( بعد زمن ومكان )

طيب تابع تعريفاتها ومعايير الانتماء اليها

Post: #181
Title: Re: من هم اولاد البندر في سودانيز اونلاين؟
Author: خالد المحرب
Date: 11-29-2010, 06:39 PM
Parent: #180

واو يالطيب بوستك دردوقى
كلام بندرانى

========================

تخريمه يا زول انا الليله مكروف كرفه شينه
دى من قومة البياح البدرى

Post: #182
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 07:08 PM
Parent: #181

المحرب

واو يالطيب بوستك دردوقى
كلام بندرانى

هههههههههههههههههههههههههها والله بقيت تفتيحة وتاني ماك زول بطان طاب

تخريمه يا زول انا الليله مكروف كرفه شينه
دى من قومة البياح البدرى

بكون ادوك عين ساااااااااااى اولاد الحرم

Post: #183
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 07:44 PM
Parent: #182

استاذ يوسف محمد يوسف

بوستيك دا فرز كيمان عديييييييل..

انا عارفك عايز تجهز لمطلب تقرير مصير لمركز الاشعاع الحضارى.. الخرطوم !! طبعا ما ح اقول البندر لانو دا تعريف اطلقه " العونكولاب " على الخرطوم .

برضو كويس .. اصلو القصة ماشه " لتقارير مصير " و ليس تقرير مصير واحد ..

وبعدين يا شيقا .. لو اصلوا مناطق العونكوليب حلوة كدا الناس دى ما تمشى تجدع هناك .. و تقشر و تمص .. الزحمه لزوما شنو ؟؟

بلا عونكوليب بلا قصب سكر بلا عواره ؟؟

و بعديم قصب السكر ذاتو مش كان بقيفوا بيه " العونكولاب " بره استاد الخرطوم بعد يبيعوا العونكوليب فى سوق الح......... ؟

يا حبيب .. السكريات و الحلويات و عصير الفاكهة الطازج .. كانت من " بابا كوستا " .. " اتنى " .. " زكى " .. قال شنو .. عونكوليب !!

قوموا فرتقوا .. مسختو علينا الخرطوم .. الله يمسخ ليكم العونكوليب وقصب السكر ذاتوا .. جبتوا لينا سكرى !

هوي احسن تلم كلامك دا عندك بقبل عليك عنكوليباوي بشهيك العافية

يلفوا ؟ يلفوا وين؟ ديل وحاة الله بقوا زى الشريعة كان شالوا ما بنشال وكان خلو خرب الدار

يعني خاذوق عديييييييييييييييييييل كدا

Post: #184
Title: Re: من هم اولاد البندر في سودانيز اونلاين؟
Author: saif massad ali
Date: 11-29-2010, 07:54 PM
Parent: #183

الطيب شيقوق

انت فاكيها في رقبتك كدي قايل نفسك من البندر ولا شنو

في زول اسمو شيقوق من البندر

اها ياها دي اسامي الضهره ذاتها

شيقوق ابوقجة . ابقنطوز . المنشتح . البدع. الجار عودو .اب كية .بركية

لقيت الاولاد ديل ما ناقشين وانترحت فيهم

Post: #185
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 08:01 PM
Parent: #184

سيف مساعد الفقر

انت فاكيها في رقبتك كدي قايل نفسك من البندر ولا شنو

في زول اسمو شيقوق من البندر

اها ياها دي اسامي الضهره ذاتها

شيقوق ابوقجة . ابقنطوز . المنشتح . البدع. الجار عودو .اب كية .بركية

لقيت الاولاد ديل ما ناقشين وانترحت فيه

شكيتك على الله هسع شنو الفرق بين اسم شايقوق وبيرناتشو وشكسبير وشانق ينج جنق بتاع كوريا الشمالية

ههههههههههههههههههههههههههههههها مسنووووووووووووووووووح ما تجي تباري بجاي تاني

Post: #186
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-29-2010, 08:03 PM
Parent: #183

معيار جديد للبندراب

تلاضمت واحدة مع حبوبتي وقالت ليها انتو عرفتو السفر بتين؟

حبوبتي قالت ليها احنا لمن كنا بنسافر ما كان في مطار في الخرطوم زاتو لوووووووول

Post: #187
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 08:15 PM
Parent: #186

احمد السنجك

تلاضمت واحدة مع حبوبتي وقالت ليها انتو عرفتو السفر بتين؟

حبوبتي قالت ليها احنا لمن كنا بنسافر ما كان في مطار في الخرطوم زاتو لوووووووول

عافيييييييييييييييييييييييي منها الجاسرة دا الحكي ولا بلاش

Post: #188
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:06 PM
Parent: #187

وينك يا الفاتح ميرغني؟

Post: #189
Title: Re: من هم اولاد البندر في سودانيز اونلاين؟
Author: رانيه محمد الشيخ
Date: 11-29-2010, 09:15 PM
Parent: #188

انا لو سئلت من كلمه كلمه ما فهمتها من بداية البوست بتمرقوا كلكم تخلونى مصنقره براى فيه

فشنو اخير اختار عشوائيا
مسنوح دى شنو... من مسخوط يعنى
:))))))))))))))))))))

Post: #190
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:23 PM
Parent: #189

رانية

مسنوح دى شنو.

مسنوح كلمة تعني حد مشوطن يعني شواطينو كتاااااااااااار

هي كلمة طيبة وبرئية ما تخافي منها وصارت شائعة في سودانيز للرجال والبنات

Post: #191
Title: Re: من هم اولاد البندر في سودانيز اونلاين؟
Author: عبدالمجيد المقابل
Date: 11-29-2010, 09:36 PM
Parent: #190

Quote: وينك يا الفاتح ميرغني؟

صاحبك دا بعد ما طلعتو بندراوي تاني ما بجيك !!!
يا شيقا زول يقول ليك أنا جيت البندر للجامعة, تقوم تعمل ليك تعريف جديد للبندراوية و تطلعو بندراوي تاني بجيك !!!
=
أنا غايتو غير د. المشرف ( بندراوي أبا" عن جد عن جد أب ) ما شايف لي بندراوي بتحاوم في البوست دا !!

Post: #192
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-29-2010, 09:48 PM
Parent: #191

ود المقابل

أنا غايتو غير د. المشرف ( بندراوي أبا" عن جد عن جد أب ) ما شايف لي بندراوي بتحاوم في البوست دا !!

بالحيل ما فيهو كلام انا نصبتو عميد البندرية

Post: #193
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-29-2010, 10:47 PM
Parent: #192

Quote: بندراوي أبا" عن جد عن جد أب

الموضوع ابعد من كده يا ودشيقوق ..
يا جماعه راجعو تاريخ الخرطوم لابوسليم عن مؤسسي الخرطوم .. وبعدين بنتفاهم معاكم
هو قاليكم انا الزحمه دى مضايقانى فى شنو ؟!

Post: #194
Title: Re: من هم اولاد البندر في سودانيز اونلاين؟
Author: mona altom
Date: 11-29-2010, 11:16 PM
Parent: #193

شيقا علي قدر فهمي عرفت انك عاوز تتبندر فوالله ان رضو بيك نحن بنقول الحمد لله تقلا خفا و عرقا جفا
وفهمي جاء من ردك علي البنيه البندريه الحنكوشه بهذا

مسنوح كلمة تعني حد مشوطن يعني شواطينو كتاااااااااااار
هي كلمة طيبة وبرئية ما تخافي منها وصارت شائعة في سودانيز للرجال والبنات

ها هاااااا شيفاك اتنكرت واتنصلت الا خليك متذكر انه ناكر اصلو للنار ابقى عافيه

Post: #195
Title: Re: من هم اولاد البندر في سودانيز اونلاين؟
Author: احمد حامد صالح
Date: 11-29-2010, 11:33 PM
Parent: #193

شيقوق

سلامات ... كل سنة و انت طيب

ناس البندر ديل ما بتقدر عليهم احسن تضرب كجيكك ... بالجنبة كده سلطة دردقوا < تبش > ... و قزقز بعنكوليبك

فى البندر شرابهم بيبسى .. تساليهم لوز .. الموليتا فى البندر لبست كعب عالى بقت هندباء تمشى الهوينا

سؤال صريح < زرزرة > يا مولانا اول صحن فول مصرى ليك كان متين ؟ اكيد بعد دخولك الثانوى
ياخ و الله الشعيرية الهوينا دى ما تشوفها الا يوم يجى ضيف ... قال انا امدرمان

ياخ غنماية البندر تفتح الحنفية براها ... و نحنا لحدى بعد بكرة الكرفتة غالبانا

-----------------------------------------

واحد من اولاد البندر زارنا فى شرق الله البارد شاف التور رجع البندر يحكى بمزاج عن تيس البقر

Post: #196
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 05:36 AM
Parent: #195

Mona Altom

Quote: شيقا علي قدر فهمي عرفت انك عاوز تتبندر فوالله ان رضو بيك نحن بنقول الحمد لله تقلا خفا و عرقا جفا
وفهمي جاء من ردك علي البنيه البندريه الحنكوشه بهذا

ليش يا منى اختى اكان رضوا دي الجنة ذااااااتا وكان ما رضوا العرجاء ليكم كمان - ولا ما بتقبلوا العرجاء يا بت التوم؟

Post: #197
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 05:50 AM
Parent: #196

احمد ود صالح

سلام

Quote: فى البندر شرابهم بيبسى .. تساليهم لوز .. الموليتا فى البندر لبست كعب عالى بقت هندباء تمشى الهوينا

يا اخي ديل الضنباية والظبرتاية ونوارة التبر والحنتوت حتى زهرية البودا لما يشوفوا نوارة الحاجات دي بيشهقوا والواحد ممكن يكون ماشي بين شارع سنجة وسنار ولما يشوف البودا منورة يوقف العربية عشان يخمش منها زهريات يتنسم عبيرها ويشيل كمية منها في حفاظة التلج لاولادو في الخرطوم .

Quote: سؤال صريح < زرزرة > يا مولانا اول صحن فول مصرى ليك كان متين ؟ اكيد بعد دخولك الثانوى
ياخ و الله الشعيرية الهوينا دى ما تشوفها الا يوم يجى ضيف ... قال انا امدرمان

يا اخي انا زمان لما ابوي يمشى السوق بكون منتظرو برة الحلة عشان اشيل منو كيس الرغيف والفجل والموز - على بال ما اصل البيت بكون قرضت لي ربع رغيفة طبعا الربع من الرغيف اب لب داك ، يا حليلو ، بشبع عديل ، مش زى رغيف الزمن دا الواحدة زى جلد الورل الضارباهو الشمس -----------------------------------------

Post: #198
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 06:05 AM
Parent: #197

يا عمدتنا

Quote: يا جماعه راجعو تاريخ الخرطوم لابوسليم عن مؤسسي الخرطوم

يا عمدة محمد إبراهيم أبو سليم من مواليد قرية سركمتو في الولاية الشمالية يعني بمعاييركم دي هو برة صاح؟

Post: #199
Title: Re: من هم اولاد البندر في سودانيز اونلاين؟
Author: هويدا شرف الدين
Date: 11-30-2010, 06:39 AM
Parent: #198

سلامات يا مان
وينك يا فرده وكدا
اولا قبل كتابة اي ردود او مداخلة ، ارجو وصف الحالة التي كنت عليها عندما قمت بكتابة هذا البوست

Post: #202
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-30-2010, 07:01 AM
Parent: #199

Quote: ومع ذلك لا بنلوك الكلام لا بنتعولق بس جرجرة كلام زي أهل العوض ما عندنا

ايييييييييي
اقيف بعيد واعمل شخيت
ديل ريحتهم سابرينا
والعربه كــــــــــارينا
.
.
وحبوباتهم من شدة ما حلوات قالوا كان بحمموهم بموية وضوء الشيوخ حمد وخوجلي
اكان عجبك ..

-------------------------
اماني بت اللامين ... بت العز الباص دا كيف

Post: #207
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 07:40 AM
Parent: #202

هدهد المسنوحة

Quote: اولا قبل كتابة اي ردود او مداخلة ، ارجو وصف الحالة التي كنت عليها عندما قمت بكتابة هذا البوست

كنت فاكر ألقى عندك الحنان تغمرني بيه
قلبي يرثى ألقى جنبك
الأماني تدوم عليه
بحنانك تحتويني
وبي ودادك تصطفيني
ليه تسيبني يا ضنيني لدلاك اشتكيك

تاني تعالي اسعلي يا مسنوحة

Post: #200
Title: Re: من هم اولاد البندر في سودانيز اونلاين؟
Author: Kabar
Date: 11-30-2010, 06:54 AM
Parent: #198

ود شيقوق..حبابك يا صديقي..

كــلـــــوه..يا دار امــاه..!!

شنو يا اخوي شغل الطابور الخامس البتسوي فيهو ده؟

يازول انت حاري ولا شنو العبارة يعني؟..

غايتو نحن مع (رمال حلتنا)..اخير من ظلط المطبات..!!

نخليك مع بت ابا ختمة مروى..يمكن تحن و ترجع عن غيك هذا يا هذا..!!

كبـر

Post: #201
Title: Re: من هم اولاد البندر في سودانيز اونلاين؟
Author: Kabar
Date: 11-30-2010, 06:57 AM
Parent: #200

اها كن داير تكمل السناحة.. بنكملها معاك تب..

و تاني النشوفك شانق ليك طاقية حميرة..ولا متقاطع عارض هنا.. اوعك تعرض ، و لو كان براك في ديوانك مع النضمي الليلنا..ثـمح..؟!!

قال بندر قال..

كبر

Post: #203
Title: Re: من هم اولاد البندر في سودانيز اونلاين؟
Author: Amany Elamin
Date: 11-30-2010, 07:05 AM
Parent: #198

صباحكم خير جميعا,,

يا عبد المجيد المقابل, شايفاك قلت البندراب ود المشرّف وكفي هههه
طيب خليني أورّيك تاريخ أُسرتنا في الخرطوم عشان نثبّت بندريتنا الغير متنازع عليها,, :)

نحن ياسيدي أحفاد الشيخ خوجلي أبو الجاز,
Quote: ولد الشيخ خوجلى بجزيرة توتى سنه 1065هـ الموافق 1654م

ممكن تقرأ عنه أكتر في الويكيبيديا: http://ar.wikipedia.org/wiki/%D8%AE%D9%88%D8%AC%D9%84%D...84%D8%AC%D8%A7%D8%B2
والرجل جده الشيخ إدريس ود الأرباب المحسي الما كضّاب :)
أسس أولاد الشيخ خوجلي بوفاته مدينة بحري ابتداءا في حلة خوجلي في الضفه المقابله لتوتي حيث تم دفنه وحيث توجد قبته شاهده علي التاريخ,,
Quote: خلوة الشيخ خوجلي أبو الجاز أسست عام 1156هجرية- 1743م عقب وفاة الشيخ خوجلي حسب وصيته لإبنائه بإنشاء الخلوة والمسجد والمسيد مكان دفنه وكان ذلك في عهد الخليفه احمد بن الشيخ خوجلي خليفة الشيخ الخوجلي وكانت في عهد الشيخ خوجلي بمسجد توتي العتيق ثم إنتقلت عام 1156هجرية الي مسجدالشيخ خوجلي ببحري

ودي صفحتهم في الفيس بوك: http://www.facebook.com/group.php?gid=41139678433

المعني نحن أهلنا في (البندر) ده من 1700م وقبليها كانوا في جزيرة توتي,,
ومعلوم انه المحس هم أوّل سكان العاصمه,,
Quote: و في الوقت الذي كانت فيه توتي مأهولة بالسكان لم يكن هناك أي وجود للمدن الثلاثة الحالية ( الخرطوم و بحري و أمدرمان ) بل كانت غابات و فيافي و لهذا السبب نسبت الخرطوم لتوتي و عرفت بها فكان يقال لها ( خرطوم توتي ).

والكلام ده من حكاوي عن المحس في توتي وعن الشيخ ود الأرباب: http://nobian.4ulike.com/montada-f29/topic-t464.htm

أها البندراني أكتر مننا منو؟

Post: #204
Title: Re: من هم اولاد البندر في سودانيز اونلاين؟
Author: Amany Elamin
Date: 11-30-2010, 07:22 AM
Parent: #203

وليد عبد اللطيف,,
Quote: ايييييييييي
اقيف بعيد واعمل شخيت
ديل ريحتهم سابرينا
والعربه كــــــــــارينا.
وحبوباتهم من شدة ما حلوات قالوا كان بحمموهم بموية وضوء الشيوخ حمد وخوجلي
اكان عجبك ..

هههههههههههه
الباص خطير والله لوووووول

عارف بالجد أنا عايزه أؤكد علي كلام مولانا ود المرتضي البتقّل بالدهب ده:
Quote: للعلم فقط ، على أيامنا لم يكن المجتمع السوداني يعرف هذه الأشياء وكانت البيوت – على اختلاف
المستويات المادية – تتساوى في المأكل والملبس وأفلام ديجانقو والدافوري وأغنية بخاف بالذات منطقة - ألملم
في خطاوي الشوق وازور بيتك - وونسة عمود الكهرباء بانتظار مرور الكهربا.. وأول العيد بيت
الجميلة مباشرة بعد الأهل ونظره يا السمحه ام عجن.. باختصار ، كانت مشاكلنا بسيطه بالريده بتُحَل

حقيقي جدودنا خرطوميي الأصل والنشأه واللسان وكل حاجه,
لكن في زمنهم المجتمع السوداني ما كان بيعرف مظاهر التفاخر المادّي الموجوده الان,
كان كل مظاهر الثراء انه يكون عندك أملاك وتكون مقتدر علي معيشة أهل بيتك وتعليمهم,
غير كده كان الجميع بيتشاركو في الخير والشر وبيتسامرو في الأمسيات ومع بعض في الحزن والفرح,
كل المناسبات, ودافوري أولاد الحله, وألعاب البنات وصباحات العيد ببساطتها وروعتها ... الخ

باختصار كانت الحياه - حسب افاداتهم- من البساطه والمتعه بمكان,, وعلي ذلك نشأنا,,

وللا شنو يا وليد؟ ,,

Post: #205
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-30-2010, 07:23 AM
Parent: #203

اماني الامين

كلامك على العين والراس، لكن تاريخك البتحكيهو دا، حينها الخرطوم او توتي او حلة خوجلي لم تكن بندر
لانو بالمقاس ممكن كانت سنار او الابيض او الفاشر اكبر من الخرطوم وتوتي وبحري مجتمعة ،البندر تأسس بعد دخول الاتراك، يعني البنايات بالطوب، والشوارع المستقيمة والتخطيط و المدارس
ونظام الدولة الحديثة من دواويين حكومية وشرطة و و و و

واكثر المدن تحضرا وتبندرا حينها كانت حلفا، او كما قال تشرشل، مدينة حلفا هي الحد الفاصل بين التحضر والهمجية

معيار جديد لاولاد البندر

الخرطوم بالليل وما ادرام ما الخرطوم بالليل، كانوا بلفوا الصينية عكس لووووول (طبعا بالعربية)

Post: #206
Title: Re: من هم اولاد البندر في سودانيز اونلاين؟
Author: حسن طه محمد
Date: 11-30-2010, 07:32 AM
Parent: #205

Quote: كنت بتسرح ابراهيم عوض ؟

شيقا

سمعت بحاجة اسمها " شـــاكــــيرا "

وسمعت ب واكا واكا

اتحداك!

قال بندرواي قال

الصفحة التالتة في 3 ساعات ما شاء الله

ما قلت ليك حتنافس الشعبية والطراوة

Post: #208
Title: Re: من هم اولاد البندر في سودانيز اونلاين؟
Author: Amany Elamin
Date: 11-30-2010, 07:45 AM
Parent: #206

يا ابن عوف سلامات,,
صحيح .. أنا عرفت انه المدنيه أو مظاهر العاصمه بدأت بذرتها في 1840,

لكن نظل أوّل سكان للخرطوم بل ومؤسسيها,
وجدودنا زي ما بيقول صديقي Early civilized وعلي أكتــــــافهـــــم قامت مدينه وعاصمه,

هم كانو ومازالو بذره للنهضه الحضاريه اللي شهدتها الخرطوم كمدينه وكعاصمه لاحقا,

عارف انّو أوّل ملعب جولف في السودان قام الانجليز بانشاؤه ليقضوا فيه أوقات فراغهم ويلعبوا جولف كان علي جروف حلة خوجلي المطلّه علي النيل؟

Post: #209
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 07:47 AM
Parent: #206

صديقي الرايق كبر

Quote: ود شيقوق..حبابك يا صديقي..

كــلـــــوه..يا دار امــاه..!!

شنو يا اخوي شغل الطابور الخامس البتسوي فيهو ده؟

يازول انت حاري ولا شنو العبارة يعني؟..

غايتو نحن مع (رمال حلتنا)..اخير من ظلط المطبات..!!

نخليك مع بت ابا ختمة مروى..يمكن تحن و ترجع عن غيك هذا يا هذا..!!

حبابك حبابك

ما تنزعج اخوك عمل البوست دا عشان اغربل ليك اولاد البندر . عيشان كان جات هجمة يكونوا مقنطرين للرصعة

شكرا شكرا على الفيديوهات بس انا في المكتب ما بتشتغل الا في البيت بمزاج

لقيتني كيف؟

Post: #210
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 11-30-2010, 07:47 AM
Parent: #206

Quote: باختصار كانت الحياه - حسب افاداتهم- من البساطه والمتعه بمكان,, وعلي ذلك نشأنا,,

وللا شنو يا وليد؟ ,,

عداك العيب بت اللامين
.
.
لالا لالا ياقروية
قالو في الخرطوم البت تسوق عربيه
البت تنقي عريسا
والدبله تمشي تقيسا
ياربي متين نشوف الخرتوم

Post: #212
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 07:52 AM
Parent: #210

خالي حسن طه - ود البوب

سلام وسلامي لخالتو مفيسة بعد تمشي السودان

قلت لي شاكيرا ؟؟

مش شاكيرا إيزابيل مبارك ريبول المولودة في 2 فبراير 1977 في برنكويلا برنكويلا، كولومبياهي مطربة بوب (Pop) وروك (Rock) كولومبية من أصل لبناني. ... كمان انها فنانتي المفضلة التي نستمع اليها انا وام عبد الله دائما اثناء تنقي العنكوليب والجغم .

لقيتني كيف؟

Post: #211
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-30-2010, 07:50 AM
Parent: #206

أمانى صباح الخير ..
المقرن كمنطقه ليها دلالات عميقه جدا, التقاء الابيض بالازرق وميلاد اعظم نهر فى العالم ..
مثل هذه المنطقه لا يكون ساكنيها ومنذ قديم الازل الا على قدر جماليات المكان ودلالاته العظيمه ..
والمحس المشيرفاب عندهم تاريخ غامض جدا .. يحتاج للتتبع
ولماذا لا يتحدثون الا العربيه وقبل مجئ الشيخ خوجلى ( الجعلى بحسب عون الشريف )
للمنطقه وزواجه منهم.. ومن ثم تسمت سلالته بالمحس الخوجلاب ؟!

Post: #213
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-30-2010, 08:11 AM
Parent: #211

سلام يا اماني
تحياتي

شكرا على الافادة، والكلام القلتيهو كله سليم.

انا انتمي الى اسرتين، واحدة جاءت الخرطوم في حوالي 1900 والاخرى لا ادري ان كانت
قبلها او بعدها بقليل.

يا ود شيقوق، ياخي احنا والله واقفين مع قضايا الهامش دي بس عشان لمن تخلصوا مشاكلكم
مع المركز تتخارجوا لينا من الخرطوم

ياخي اناكنت ساكن في السوق العربي و قريت الابتدائي في مدرسة الخرطوم شرق (مكان برج البركة الآن) والثانوي في الجديدة والجامعة في جامعة الخرطوم. يعني يا عمك لمن نعدي السكة حديد جهة نمرة 2 والحتات البعيدة دي بنكون شايلين هم الرجعة ههههههه اها اغتربت والاسرة مشت سكنت الرياض وبعد كم سنة قالوا لي لو داير تمشي الخرطوم الا الجمعة وقت الصلاة او بالليل شديد؟؟؟؟ دا كلام دا يا ود شيقوق
حلتنا ما اقدر اصلا!!

Post: #214
Title: Re: من هم اولاد البندر في سودانيز اونلاين؟
Author: Amany Elamin
Date: 11-30-2010, 08:18 AM
Parent: #211

ياود المشرّف عميد البندراب ازيّك,, :)

Quote: ولماذا لا يتحدثون الا العربيه وقبل ان يأتى ( جدى وجدك ) الشيخ خوجلى ( الجعلى بحسب عون الشريف )
لهم .. وتسمت سلالته بالمحس الخوجلاب ؟!

جعلي عديل كده ههههههه
أنا سمعت ببديري دهمشي لكن جعلي دي أوّل مره !

الغريبه انه الشيخ خوجلي جده محمد محسن أو محمد ماحس وهو جد المحس العرب:
Quote: الشيخ خوجلي بن عبد الرحمن بن إبراهيم بن محمد بن حسب النبي بن فضل الله بن كرم الله بن شكر بن سمرة بن عصفور بن سليمان بن محمد كبان بن عجم بن زايد بن محمد محسن بن الملك سعد بن الملك جامع بن الملك حسن بن الملك أحمد بن الملك عامر بن عبد الكريم بن عبد الله بن يعقوب بن جابر بن سعد بن موسى بن أويس بن جامع (شكر) بن سالم بن عبد الرحمن بن على بن سليمان بن محمد بن زايد بن عمار بن حارثة بن عبادة بن أبي بن كعب الخزرجي الأنصاري.

والبعرفو انهم خليط عرب مع نوبيين هاجروا جنوبا مع دخول العرب للسودان واستقروا عند ملتقي النيلين ولا يتحدثون الّا العربيه,

Post: #216
Title: Re: من هم اولاد البندر في سودانيز اونلاين؟
Author: Amany Elamin
Date: 11-30-2010, 08:25 AM
Parent: #214

Quote: يا ود شيقوق، ياخي احنا والله واقفين مع قضايا الهامش دي بس عشان لمن تخلصوا مشاكلكم
مع المركز تتخارجوا لينا من الخرطوم

صدقت ورب الكعبه
نحن عايزين مدن متكامله في كل الولايات, عشان الناس دي ترجع ونحن نتنفس الصعداء لووووووول
وللا يشوفو لينا بلد عندهم نقضّي فيها اجازه ونريّح أعصابنا من زحمة واستريس الخرطوم, أيّهما أسرع لووووول

Post: #217
Title: Re: من هم اولاد البندر في سودانيز اونلاين؟
Author: فيصل محمد خليل
Date: 11-30-2010, 08:27 AM
Parent: #216

سمعت دي يا شيقا عن المتبندرين

عاملة القجة ما حبشية
و عاملة الشامة ما هندية
و في السودان كمان شايقية
ما دام طنبجناها مع الشايقية
ان نتمها .
قالوا شايقي مدرس انجليزي
سال الطالب و هو بيشر للكرسي
is this chair?
الطالب No its
الشايقي is this table?
الطالب No its
الشايقي نان What is this

Post: #218
Title: Re: من هم اولاد البندر في سودانيز اونلاين؟
Author: Sidig Rahama Elnour
Date: 11-30-2010, 08:31 AM
Parent: #216

يا ود شيقوق ، كل عام وأنت بخير

فيما يخص البندرة ... نحن أولاد ضهاري ساكت

كان جينا الخرطوم إلا لغرض ، وكان قضينا غرصنا العصر المغرب بنتخارج منها ، ما بنقدر نقعد فيها لانو (ضهرنا دائماً أعوج)

Post: #219
Title: Re: من هم اولاد البندر في سودانيز اونلاين؟
Author: أحمد ابن عوف
Date: 11-30-2010, 08:34 AM
Parent: #216

تصدقي وتآمني يا اماني
Quote: وللا يشوفو لينا بلد عندهم نقضّي فيها اجازه ونريّح أعصابنا من زحمة واستريس الخرطوم, أيّهما أسرع لووووول

من الاجازة الفاتت قلت لاهلي تاني بقعد معاكم تلاتة يوم في الخرطوم والباقي من الاجازة بقضيهو في جلاس،
جدي ذات نفسه ما عاش فيها كتير.

ونصيحة ما تمشي سلفرمون، قلت كده مرة امر واشرب لي كوباية "فلوت" ونتذكر الايام الخوالي
الله لا وراك

Post: #220
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 11-30-2010, 08:40 AM
Parent: #214

امانى كيفنك يا قريبتى ..

المحس المشيرفاب هم اصحاب الاصل الخزرجى ( كما يدعون )
فكيف حازوا على هذا المكان الاجمل على الاطلاق فى مسيرة النهر العظيم !؟
ومتى جاؤوا اليه ؟!
ولماذا سموا بالمحس ..

الشيخ خوجلى بحسب عون الشريف ( جعلى ) فى كتابه الانساب فى السودان .. وهو ذات المروى لنا تواترا ..
وقد ذكر عون الشريف ان هناك روايه ضعيفه تصله بالبديريه الدهمشيه
واذكر انه اضاف البديريه الدهمشيه للجعليين فى نهاية المطاف ..

فان كان الشيخ خوجلى من ايهما.. فكيف ينتهى بالخزرج ؟!

اقول بان هناك تأريخ غايب ..
وفى فتره غامضه تدور احداثها حول ما حدث عقب انهيار الممالك المسيحيه المتأخره والتى قامت حول الخرطوم لنتفاجأ بقبيله تسمى بالمحس المشيرفاب لا تتحدث الا العربيه وتحتل هذا المكان العامر بالدلالات الروحانيه العظيمه والاجمل على مجري النيل ؟!

تحياتى ..
وهذه خواطر غير ملحه يا عزيزتى ..

Post: #221
Title: Re: من هم اولاد البندر في سودانيز اونلاين؟
Author: حسن طه محمد
Date: 11-30-2010, 09:24 AM
Parent: #220

Quote: لقيتني كيف؟

شيقا

تراني لقيتك زكي زكاوة

والبركة في الانترنت قوقل وهلم جرا

طيب ايه رايك في الرقصة بتاعت ( Hits )

Post: #222
Title: Re: من هم اولاد البندر في سودانيز اونلاين؟
Author: فيصل محمد خليل
Date: 11-30-2010, 09:41 AM
Parent: #221

انتو قايلين الخرطوم كلها عايل بندر
لا كضباً كاضب
اولاد البندر في الخرطوم بيبدوا
من عيادة كمال يني مقار في محطةالغالي
وانت ماشي لي جوا الخرطوم

و كانو بيسمعوا جنس الكلام دا

Post: #224
Title: Re: من هم اولاد البندر في سودانيز اونلاين؟
Author: عبدالرحيم أبراهيم العبيد
Date: 11-30-2010, 09:51 AM
Parent: #221

العمده الطيب
تحياتي
غايتو يا شيخ الطيب
عملت لينا مشكله كبيره
الاولاد وأمهم قالوا أبونا
كبر وخرف لانه بقول في كلام
غير مفهوم ليهم
الله يستر علي من دار العجزه والمسنين
طبعا الدار ده في البندر
لكن يا شيخنا مجرد سؤال
أنت ياك الطيب الشركت لود أبرق وأم قردون
وأكلت العطينه
وشربت اللبن بالجبين
لكن يا شيخنا أماني بنت الامين
ما دام جدها أبونا الشيخ ادريس ود الارباب
تبقي بندريه مافيها أي كلام
ودمتم بالف خير وعافيه

Post: #223
Title: Re: من هم اولاد البندر في سودانيز اونلاين؟
Author: صلاح أبودية
Date: 11-30-2010, 09:44 AM
Parent: #220

كان ما ركبت الـ Canada
وقريت فى الـ CCK
وخشيت الـ BNC
وسمعت David Group
وساهرت فى الـ GMH
وتميت الباقى مع فاسيلى فى الـ Happy Land
لا بتكون من البندر ولا شفت البندر !!

Post: #225
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:03 AM
Parent: #223

يا جماعة معذرة كنت خارج الشبكة وجيتكم الان شايف البوست جاب ضيوف بندراب كتار اوعاكم تكتحوهم بالتراب ديل ناس حساسة جدا ومرهفة خالص ورومانسية حتى النخاع

ابن عوف

Quote: ياخي اناكنت ساكن في السوق العربي و قريت الابتدائي في مدرسة الخرطوم شرق (مكان برج البركة الآن) والثانوي في الجديدة والجامعة في جامعة الخرطوم. يعني يا عمك لمن نعدي السكة حديد جهة نمرة 2 والحتات البعيدة دي بنكون شايلين هم الرجعة ههههههه اها اغتربت والاسرة مشت سكنت الرياض وبعد كم سنة قالوا لي لو داير تمشي الخرطوم الا الجمعة وقت الصلاة او بالليل شديد؟؟؟؟ دا كلام دا يا ود شيقوق
حلتنا ما اقدر اصلا!!

نترك العمدة المشرف يجي يشوف هل انت مؤهل للبندرية ولا بتتلصق فيهم ساكت

Post: #226
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:06 AM
Parent: #225

ود الهليل

Quote: is this chair?
الطالب No its
الشايقي is this table?
الطالب No its
الشايقي نان What is this

ههههههههههههههههههها الليلة كامع نص النهار؟

Post: #227
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:10 AM
Parent: #226

صديق رحمة

حبابك حبابك

Quote: كان جينا الخرطوم إلا لغرض ، وكان قضينا غرصنا العصر المغرب بنتخارج منها ، ما بنقدر نقعد فيها لانو (ضهرنا دائماً أعوج)

عافي منك كدا العمدة المشرف بحفزك هو جنو وجن البجوا ناس اقامة وتسكع في الشوارع

حرم الخرطوم البتعجب ناس العمدة المشرف دي بيتي واولادي فيها ولما اجي اجازة بخمهم كلهم بتكامل بيهم الضهاري

Post: #228
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:14 AM
Parent: #227

خالي حسن طه ود البوب

Hits

شوفو هنا - ديل ناس البندر الجدجد مش زى ناس قريعتي راحت

هاك

http://www.melodyhits.tv/

Post: #229
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:20 AM
Parent: #228

عبد الرحيم ود العبيد

لا حول انت بتعرف الجبين ؟ والله دي المنبر دا كلو ما بعرفها غيرك

Quote: أنت ياك الطيب الشركت لود أبرق وأم قردون
وأكلت العطينه
وشربت اللبن بالجبين
لكن يا شيخنا أماني بنت الامين
ما دام جدها أبونا الشيخ ادريس ود الارباب
تبقي بندريه مافيها أي كلام
ودمتم بالف خير وعافيه

قول لاولاد البندر ديل وقت الشغلانية جابت ليها ممالك واصول نحن اصحاب مملكة العبدلاب وانا الان ساكن في سنار التاريخ والحضارة والعاصمة زمان عندما كانت الخرطوم طندب وهجليج وقضيم وطلح .

Post: #230
Title: Re: من هم اولاد البندر في سودانيز اونلاين؟
Author: الطيب شيقوق
Date: 11-30-2010, 11:22 AM
Parent: #229

ود اب دية

حبابك

Quote: كان ما ركبت الـ Canada
وقريت فى الـ CCK
وخشيت الـ BNC
وسمعت David Group
وساهرت فى الـ GMH
وتميت الباقى مع فاسيلى فى الـ Happy Land
لا بتكون من البندر ولا شفت البندر !!

بالمعايير دي بتفردك اللمة كووووووولها بى عمدتها
ههههههههههها

Post: #231
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: Abdlaziz Eisa
Date: 11-30-2010, 11:28 AM
Parent: #229

المسنوبندر

سلامات يا شيخنا المستشار..

لو سمحت ممكن تسلم شنطة الحديد الكرشت بيها حيط البراكس للمتحف القومي!!

بعد داك نجي نشوق باقي القصة دي..

Post: #232
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 11:31 AM
Parent: #231

Quote: المسنوبندر

مسنوح وينك انت مشتاقون يا اخي

Quote: لو سمحت ممكن تسلم شنطة الحديد الكرشت بيها حيط البراكس للمتحف القومي!!

بعد داك نجي نشوق باقي القصة دي..

تتذكر زمن الخرطوم بالليل

داك هو البندر الاصلي يا مسنوح

Post: #233
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: أحمد ابن عوف
Date: 11-30-2010, 12:05 PM
Parent: #232

Quote: ونصيحة ما تمشي سلفرمون، قلت كده مرة امر واشرب لي كوباية "فلوت" ونتذكر الايام الخوالي
الله لا وراك

نسيت اشرح، الفلوت دا بيبسي بالاسكريم

تكب البيبسي في الكباية وتكب عليها سكووب كبيرة بتاعت ايسكريم بتعمل رغوه ظريفة كده
وطعم مختاف ومنعشه خالص
ناس الهامش: dont try this at home ههههههه

Post: #234
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: Hassan Makkawi
Date: 11-30-2010, 12:50 PM
Parent: #233

Quote: البندرية سلوك بعد صلاة العشاء بس

Hapa Hapa
تعالوا يا ناس البندر
بعد العشاء مافى إختشا.......

Post: #235
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: أحمد ابن عوف
Date: 11-30-2010, 12:58 PM
Parent: #234

Quote: تعالوا يا ناس البندر
بعد العشاء مافى إختشا.......

دائما بتجو متأخرين

قلنا ليكم بنلف الصينية عكس (بالليل)

Post: #236
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: khaleel
Date: 11-30-2010, 12:59 PM
Parent: #234

شيقوق

اولاد البندر ظاهرين

شوف لون الشراب مع لون القميص

هم بقولو انحن والجماعة ديلك بقول نحن

هم بقول شجر والجماعة بقولو شدر

هم بقولو نمشي والجماعة بقولو نمش

وماشين حلة الرتينة بقت نطلع في شجرة العيش

اااحي متين اشوف الخرتوم

وقالو لي في الخرتوم البت يسوقا عريسا

وقالو لي في الخرتوم الدبلة تمشي تقيسا

Post: #237
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: Abdlaziz Eisa
Date: 11-30-2010, 01:02 PM
Parent: #233

Quote:

تتذكر زمن الخرطوم بالليل

داك هو البندر الاصلي يا مسنوح

المسنوح

ات بتقصد الفستان البيرقش داك!!!!

كان بيرقصوا بيهو العروس..

دنيا..

Post: #238
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: khaleel
Date: 11-30-2010, 01:05 PM
Parent: #237

كلمات المرحوم عمر الضو من ابناء جزيرة توتي

لا لا الليلة ياقروية
انت ياقروية يا السمنتك بلدية
طوريتك الملوية ..زراعتك المطرية
وبين بنات الناس انت بس حوريّيّة

يا الله متين اشوف الخرطوم
وقالوا لي في الخرطوم البت
بتمشي للكوفير

يا الله متين اشوف الكوفير
لا لا الليلة ياقروية

انت ياقروية ما تغرك المدنية
إنت ما منسية والله انت غنية
بزراعتك المطرية وبهايمك المسقية

Post: #239
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: أحمد ابن عوف
Date: 11-30-2010, 01:25 PM
Parent: #238

Quote: وقالوا لي في الخرطوم البت
بتمشي للكوفير

ويا خليل
في المريديان في صالة القولدن قيت الـ ladies free
يوم الثلاثاء

دا لمن ما يكون في موضوع والميزانية شوية مخستكة

Post: #240
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: عفاف أبو حريرة
Date: 11-30-2010, 02:34 PM
Parent: #239

شيقوق صافيه لبن

Post: #241
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: saif massad ali
Date: 11-30-2010, 02:44 PM
Parent: #240

حبيبنا الطيب شيقوق

الحيمور والضانقيل والدحلوب ما البندر

افهمها يا اخي وريح الجمهور

Post: #242
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 02:58 PM
Parent: #241

عفاف ام احمد

حبابك حبابك حباب ست البندر والضهاري

ابقى مارقة يا الابابة

Post: #244
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 03:01 PM
Parent: #242

خلييييييييييييل

اولاد البندر ظاهرين

شوف لون الشراب مع لون القميص

هم بقولو انحن والجماعة ديلك بقول نحن

هم بقول شجر والجماعة بقولو شدر

هم بقولو نمشي والجماعة بقولو نمش

وماشين حلة الرتينة بقت نطلع في شجرة العيش

اااحي متين اشوف الخرتوم

وقالو لي في الخرتوم البت يسوقا عريسا

هههههههههههههها والله انت مسنووووووووووح

نزل لينا اغنية الكحلاوي - البقول فيها كانت الخرطوم زمان كان كرومة وكان سرور وعييييييييييك تلقائية

Post: #243
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: هجو الأقرع
Date: 11-30-2010, 03:00 PM
Parent: #240

شوف يا شيخ العرب البوست كلو كلو توقيتو مش مناسب معاى ، إلا اقوم اخد ليك اجازة بس خلينى اقول اولاد البندر فيهم حاجات ظاهره

إن شافك من بعيد وانت داخل على بيتهم يقول اسع ده داير شنو

اكتر ناس بحبو السلف من اهل الضهارى

بناتم بحبونا اكثر منهم

اول الواحد ما يقوم ليه شنب يخليهو نص كم

إذا شافك فى الحافله يعمل مش شايف عشان ما يدفع

غالبيتهم غواصات للمدرسين فى المدارس

برجع ليك تانى

Post: #245
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 03:03 PM
Parent: #243

عزو

ات بتقصد الفستان البيرقش داك!!!!

كان بيرقصوا بيهو العروس..

اههههههههههههههههها جينا لل..................

Post: #246
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 03:05 PM
Parent: #245

ود مساعد

حبيبنا الطيب شيقوق

الحيمور والضانقيل والدحلوب ما البندر

افهمها يا اخي وريح الجمهور

ههههههههههههههههها والله انت عجوووووووز اتاريك زول ضهاري ساااااااااااى

Post: #247
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 03:46 PM
Parent: #246

ود الاقرع

الليلة نفسك حار مالك يا زول

الناس ديل بقينا معاهم لحمة ودم ورحلنا وبنينا معاهم

Post: #248
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 05:10 PM
Parent: #247

لا لا الليلة ياقروية
انت ياقروية يا السمنتك بلدية
طوريتك الملوية ..زراعتك المطرية
وبين بنات الناس انت بس حوريّيّة

يا الله متين اشوف الخرطوم
وقالوا لي في الخرطوم البت
بتمشي للكوفير

يا الله متين اشوف الكوفير
لا لا الليلة ياقروية

انت ياقروية ما تغرك المدنية
إنت ما منسية والله انت غنية
بزراعتك المطرية وبهايمك المسقية

Post: #249
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: saif massad ali
Date: 11-30-2010, 05:39 PM
Parent: #248

ود شيقوق

قلبوتها شعر

يا أخوي ودشيقوق ات سيد وشريف
لاشك كلامك إت لذيــــــــذ وظــريف
بس ماف داعي للتجريح وللتخريف
الناس أهل كان في المدن والريف.

عدلت الابيات هذه

Post: #250
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ابوبكر قسومة
Date: 11-30-2010, 05:57 PM
Parent: #249

والله يا ود شيقوق أنا لي يومين متابع بوستينك العجيب ده,,لكن مافي شيتا صعب علي,, علا كلمة (الحبشتور) دي ,اللعوت والتبش والعنكوليب عرفناهم لكن الحبشتور ده غلبني تب,,عليك الله وخسمتك بالرسول أكان تشرحوا لي.. وما عافي ليك طب لو ما شرحتوا.

Post: #251
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 05:59 PM
Parent: #250

ود المساعد

يا أخوي ودشيقوق ات سيد وشريف
لاشك كلامك إت لذيــــــــذ وظــريف
بس ماف داعي للتجريح وللتخريف
الناس أهل كان في المدن والريف.

يا اخي يطول عمرك وكلامك عين الصواب والله

Post: #252
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 06:01 PM
Parent: #251

قسومة الحنكوش

والله يا ود شيقوق أنا لي يومين متابع بوستينك العجيب ده,,لكن مافي شيتا صعب علي,, علا كلمة (الحبشتور) دي ,اللعوت والتبش والعنكوليب عرفناهم لكن الحبشتور ده غلبني تب,,عليك الله وخسمتك بالرسول أكان تشرحوا لي.. وما عافي ليك طب لو ما شرحتوا.

يا اخي الحبشتور دي انا فاكرها مفردة بندرية كمان - ابدا ما سمعت بيها قبل كدا

Post: #253
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ابوبكر قسومة
Date: 11-30-2010, 06:19 PM
Parent: #252

حاشا وكلا...يطرشني...

Post: #254
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 06:26 PM
Parent: #253

حاشا وكلا...يطرشني...

طنش يا اخي

Post: #255
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: saif massad ali
Date: 11-30-2010, 06:35 PM
Parent: #254

عوووووووووووووووك ياناس الريف والضهره

ودقسومة طلع حنكوش

قال ما بعرف

الحبشتور

Post: #256
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ابوبكر قسومة
Date: 11-30-2010, 06:46 PM
Parent: #254

قلتا كدا,,,, أها ..اليمين فيها طينه ..والشمال فيها عجينه...قصرتا معاك؟

Post: #257
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: اميرة السيد
Date: 11-30-2010, 07:04 PM
Parent: #256

Quote: معايير البندري القانونية هو ذلك الشاب الانيق الذي عندما يتحدث بلولو لسانو ولا يمشي بتكى تكية تكية ولا يأكل بفضل كتيييييييييييييييير وما بحب حد يزورو الا بعد يتصل فيهو ويقول ليهو اظهر لينا يا اخي
نواصل في المعايير بعد قليل
كلاكلة ؟ كلاكلة تطلع زيتك يا رطاني

<<<<<<<<<<<<<<<<<<<<<<<<<<<<<<<<<<<<<<<<<
يا الطيب شيقوق
عبد الفتاح سألك عن تعريف محدد للبندر وود البندر وانت جاوبت بالمعيار المحدد أعلاه.
لكن يا الطيب اذا كان ود البندر يا هي دي صفاته .. هسه انت بتشكر فيه ولا بتشتمه..لأنه الزول البلولو لسانه
وما عاوز واحد يزوره إلا بعدما يتصل بيه ده ما بكون سوداني... يعني انت عاوز ودبندر يكون مولود في امدرمان واتربي في هوليود ولا شنو؟؟
وبرجع ليك تاني لموضوع بنت البندر العايشة في الخرطوم وبتمشي الكوافير
والله يديك العافية

Post: #258
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ابوبكر قسومة
Date: 11-30-2010, 07:39 PM
Parent: #257

تعرفي يا بت السيد ...ده فهم أولاد الصعيد عن ولاد البندر,, والمشكلة بتلقيهم بيوافقوهم علي كدة ومبسوطين ,,,مفتكرين انو ده شكر ليهم,,, وهم ما عارفين انهم بنبذوا فيهم وبيضحكو عليهم,,,,

Post: #259
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: محمد حيدر المشرف
Date: 11-30-2010, 07:59 PM
Parent: #258

الاخ العزيز هجو ..

مجمل مداخلتك ولكن تحديدا ..

Quote: بناتم بحبونا اكثر منهم

وقبلك الاخ ابوشيمه عن مضغ اللبان والغنج وأشياء أخري وآخرون ..
كلها تدخل فى باب ما يليق, وفى باب الاستهزاء والتحقير ..
وأدهشنى أن يأتى هذا منك تحديدا ..

..
قاومت رغبة المشاكسه باستدعاء المثل السودانى بتاع ( الماعارف بقول عدس )
وأثبتها تماشيا مع الروح اللطيفه للبوست وصاحبه

Post: #267
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: هجو الأقرع
Date: 11-30-2010, 10:25 PM
Parent: #259

الاخ ا لكريم دكتور محمد حيدر المشرف ، يا شيخنا البوست ده كلو من باب المزاح و الهظار فقط ، بعدين نحن من خلقنا بره البلد ، حاشا لله ان نتمسخر من اخوتنا البنادره . وبرضو لك الشكر على النصيحة ، اذا الجماعة زعلو صدقنى اسحبها و اعتذر.

Post: #260
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 08:04 PM
Parent: #257

اميرة السيد الف مرحب بيك وزارتنا البركة

عبد الفتاح سألك عن تعريف محدد للبندر وود البندر وانت جاوبت بالمعيار المحدد أعلاه.
لكن يا الطيب اذا كان ود البندر يا هي دي صفاته .. هسه انت بتشكر فيه ولا بتشتمه..لأنه الزول البلولو لسانه
وما عاوز واحد يزوره إلا بعدما يتصل بيه ده ما بكون سوداني... يعني انت عاوز ودبندر يكون مولود في امدرمان واتربي في هوليود ولا شنو؟؟
وبرجع ليك تاني لموضوع بنت البندر العايشة في الخرطوم وبتمشي الكوافير
والله يديك العافية

يا ستي نحن بنتونس ونضحك في الدنيا الزايلة دي شنو المواصفات في هذا او ذاك والله السودانيون ديل تمسك من طرف معادنهم واحدة يا اميرة اختي ونحن نعتز جدا في بلاد الغربة لا سيما سلطنة عمان اكرم الاجناس هنا سواء من البندر او الضهاري

Post: #261
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 08:08 PM
Parent: #260

العمدة

وقبلك الاخ ابوشيمه عن مضغ اللبان والغنج وأشياء أخري وآخرون ..
كلها تدخل فى باب ما يليق, وفى باب الاستهزاء والتحقير ..
وأدهشنى أن يأتى هذا منك تحديدا ..

لا يا اخي هجو بهظر بس ما تفتكر -جادي - شنو الفرق بين السوداني في الخرطوم او جوبا ؟

كووووووووووووووووووولهم معدن واحد نفاخر بهم الامم

Post: #262
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 08:15 PM
Parent: #261

العمدة المشرف

حرم ودي ضهارية مش بندرية - انا هنا في مسقط سلطنة عمان ساكن عزابي تصدق او ما تصدق لما اجي من الدوام واوقف عربيتي الاخوان العمانيون الجيران بقيفوا كوووووووووووووولهم لحدي ادخل شقتي

شوف نحن كيف بغض النظر عن الى اي جهة ننتمي يا عمدة

Post: #263
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: محمد حيدر المشرف
Date: 11-30-2010, 08:15 PM
Parent: #261

الكلام ده انا عارفو يا ودشيقوق ..
بس الواحد لازم كمان يمارس سلطاتو ما دام تنزلت عليهو من اجواء الونس المعافى ( هيلك ) او ( الليلك ) ايهما أصح ..
طولنا كاولاد بندر من السلطه يا حبيب ..

Post: #264
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 08:18 PM
Parent: #263

العمدة

بس الواحد لازم كمان يمارس سلطاتو

ههههههههههههههههههها

ما تتعسف في استعمال السلطة خليك هين ولين

يا عمدة تلفونك كم ؟

Post: #265
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: صلاح الفكي
Date: 11-30-2010, 09:15 PM
Parent: #264

ود شيقوق المحترم .. بوست جميل جدا..وادارة حكيمة ومتابعة دقيقة .. واهتمام بالمتداخلين .. وكل ياخذ حقه من العطاء .. وبارك الله فيك ..
طيب ناس الحلة الجديد والقوز ..كيف ..؟

Post: #266
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 11-30-2010, 09:59 PM
Parent: #265

صلاح

ود شيقوق المحترم .. بوست جميل جدا..وادارة حكيمة ومتابعة دقيقة .. واهتمام بالمتداخلين .. وكل ياخذ حقه من العطاء .. وبارك الله فيك ..
طيب ناس الحلة الجديد والقوز ..كيف ..؟

تسلم يا حبيب

الراي عند العمدة المشرف

Post: #269
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: mona altom
Date: 11-30-2010, 10:55 PM
Parent: #266

المسنوح انت وقت عارف النضمي مالك بتهضرب مورود ولا خبارك اقرع لحد هنا ان كترتو الا كن تمشي ود ابوك
دى مثل عندنا في الضهاري بنقول كن اهلك ابوك امشي ود ابوك وكن ناس وداابوك ابوك اهل المقابر نادوك

اماني الامين ياداب فهمت مالك مارديتي

Post: #268
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: احمد التجانى احمد
Date: 11-30-2010, 10:49 PM
Parent: #265

ود شيقوق
طيب الجماعة الجوا نتيجة مزاوجة البندراويات من اهل العوض الملمعين
ايام الحريات والحب وابو رجيلة واللبس فوق الركبة والبلابل
كتير من اهل العوض الدخلوا جامعة الخرطوم تزوجوا من بعض البندراويات
اها الاولاد يكون تصنيفهم شنو اذا اعتبرنا النشأة ليست مؤهلة للبندرة
الجماعة ديل بكونوا راحو فى الرجلين
فى زواج خالى بيت ناس العروس فى قلب الخرطوم شارع القصر
الجماعة من بص السيرة دخلوا بيت العرس وعديل على النافورة
الاتوضا فيها والاتشطف اتشطف
لكن اقول ليك حاجة ناس البندر ديل كانوا عايشين على خيرات الريف
الناس تذرع فى القطن والفول والسمسم والصمغ وتصدر والعملة
الصعبة ناس البندر يستوردوا بيها البسطرمة والويسكى والدانتيل
ويسفلتوا بيها الشوارع عشان يسوقوا فيها الكاديلاك
قلتو لى الفول للتغيير بس !!!
يعلم الله اى حلة فى الخرطوم اهم زول فيها سيد الدكان البيشد قدرة الفول
اما ناس الاسكلوب ورحلات لندن تحسيهم فى الاصابع وهسة زاتو بعد
هجمة التتار بتكون المستويات حقتهم اتراجعت كتير

Post: #270
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: mona altom
Date: 11-30-2010, 11:27 PM
Parent: #268

لعناية الاخ الفاضل العمده ودالمشرف
نحنا عندنا البسافر البندر يجي راجع بنتبرك فيه ونعتبر سنة سفر فلان او علان الى البندر تاريخ يعني ممكن تقول ولدي ده اتولد يوم فلان جاء من البندر
لكن هذه الظاهرهااتلاشت بسب النزوح الى البندر عليه
1- اوصيك باقصا هولاء واعادتهم لينا
2- وحظر العريبي المدعو ود شيقوق من السفرالي البندر او التحلق جوا لانو عندنا في الضهاري مثل بيقول

يحموها من الليل تفجر و من الطلوع تشتر علمابانه مراوق

ونحن قوما علي قدر حالنا كما تعلم ولنا قولا معروف وهو

العربي لوةفتح بجيب لي اهله بليه

واخيرا الرجاءاالتصديق لي بحتة وطا في البندر

Post: #271
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: Asma Abdel Halim
Date: 12-01-2010, 00:33 AM
Parent: #270

الطيب
سوقك حار وده دلالة على حاجة واحدة هي إحساس الناس بالامان في حضرتك وهذه من المزايا النادرة في البشر. في غمضة عين بوستك وصل صفحة ثلاثة
مرتضي
بركة بالشوفة السايبيرية وين أراضيك
البوست ده ذكرني أشياء منها واحدة من خالاتي العمرابيات عندها البندر ده شيتاً سووته الحكومة ولابد لكل سوداني من الرجوع لمكان عنكوليبته. جلست مرة بجوار سيدة في القطر وبدأت الونسة والسؤال عن الاهل
أجابت السيدة أنها من الخرطوم وفي الحال هجمتها الخالة يا بتي الخرتوم أهل زول؟ قولي لي أنا من المحل الفلاني علاً ساكنة في الخرتوم.

اما ابن اختي الذي أتانا من بلد عربي وعمره ثلاث سنوات قال قولة ما زالت تتابعه وهو رجل في الثلاثين
طلبت منه حبوبة أن يناولها الشرغرغ فما كان منه إلا أن التفت سائلا: بعضيني؟

أما استاذي واستاذ مرتضى الجليل المرحوم أبو الريش فقد كان يضحكني بان يطلب مني مراجعة ما يكتب واجيبه في استغراب: معقول يا استاذ أراجع ليك أنا ويقول ضاحكا شوفي لي التأنيث والتذكير إنت قايلة الحكاية دي بتروح في الخرطوم (استاذي الذي لم تر المحاكم مثله ولا اظنها سترى، من عند ناس فيصل خليل) بالمناسبة دي دحين ابوبكر دخل البوست ده؟
تحياتي

Post: #272
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: محمد المرتضى حامد
Date: 12-01-2010, 04:57 AM
Parent: #271

Quote: سوقك حار وده دلالة على حاجة واحدة هي إحساس الناس بالامان في حضرتك وهذه من المزايا النادرة في البشر

شايف يا الطيب كلام المتحضرين الأصائل؟
If I were you, I would've added The Right Honourable Dr. Asma's comment to my resume

لك الشكر أستاذتي الجليلة د. أسماء وبالفعل كان أستاذنا أبوالريش ، عليه الرحمة ، محاميا لن ترى المحاكم
من يدانيه، ولكنه حظ السودان أن يرحل عنه مبكرا أولئك الأفذاذ.
شوفي التواضع ، يقر بأن العربية لم تكن لسانه الأم وهو الذي لايجارى في لغته وكان - رحمه الله يكتب مذكراته ومرافعاته
بلغة يعتقد من يطالعها أنه سليل جُرهُم وله في بكر بن وائل أو ثقيف نسب ، ولعل كتاباته الصحفية المعروفة أيام الديمقراطية
خير دليل على علو كعبه في تلك اللغة.

محبتي يا عزيزة.

Post: #273
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 06:52 AM
Parent: #272

منى بت التوم

Quote: المسنوح انت وقت عارف النضمي مالك بتهضرب مورود ولا خبارك اقرع لحد هنا ان كترتو الا كن تمشي ود ابوك
دى مثل عندنا في الضهاري بنقول كن اهلك ابوك امشي ود ابوك وكن ناس وداابوك ابوك اهل المقابر نادوك

مالك يا مسنوحة مودياني المقابر ؟
امشي كان عندك غنيماية احلبيها وسوي ليك شاي بقنانة حلووووووو وادي ود اعمك كمعة منو

Post: #274
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ود الباوقة
Date: 12-01-2010, 07:02 AM
Parent: #273

البندر المقصود هو

قلب الخرطوم

قلب ام درمان

قلب الخرطوم بحري

Post: #275
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: ود الباوقة
Date: 12-01-2010, 07:03 AM
Parent: #274

في الخرطوم

الخرطوم شرق

المقرن

الخرطوم2

الخرطوم 3

ارض الحيوان بالديوم الشرقية

وبث ..

Post: #276
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: محمد المرتضى حامد
Date: 12-01-2010, 07:17 AM
Parent: #273

Post: #277
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: محمد الجيلى
Date: 12-01-2010, 07:27 AM
Parent: #276

شيقا البنداربي

Post: #278
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 07:37 AM
Parent: #273

ود التجاني

Quote: طيب الجماعة الجوا نتيجة مزاوجة البندراويات من اهل العوض الملمعين
ايام الحريات والحب وابو رجيلة واللبس فوق الركبة والبلابل
كتير من اهل العوض الدخلوا جامعة الخرطوم تزوجوا من بعض البندراويات
اها الاولاد يكون تصنيفهم شنو اذا اعتبرنا النشأة ليست مؤهلة للبندرة
الجماعة ديل بكونوا راحو فى الرجلين
فى زواج خالى بيت ناس العروس فى قلب الخرطوم شارع القصر
الجماعة من بص السيرة دخلوا بيت العرس وعديل على النافورة
الاتوضا فيها والاتشطف اتشطف
لكن اقول ليك حاجة ناس البندر ديل كانوا عايشين على خيرات الريف
الناس تذرع فى القطن والفول والسمسم والصمغ وتصدر والعملة
الصعبة ناس البندر يستوردوا بيها البسطرمة والويسكى والدانتيل
ويسفلتوا بيها الشوارع عشان يسوقوا فيها الكاديلاك
قلتو لى الفول للتغيير بس !!!
يعلم الله اى حلة فى الخرطوم اهم زول فيها سيد الدكان البيشد قدرة الفول
اما ناس الاسكلوب ورحلات لندن تحسيهم فى الاصابع وهسة زاتو بعد
هجمة التتار بتكون المستويات حقتهم اتراجعت كتير

شوف يا احمد اخوي بت البندر عندها مقاييس للزوج الفي بالها بتبحث عنها اول في اولاد البنادر اكان ما وجدت حد من اولاد البندر يفي بتلك المعايير فستتجه على طول على اولاد الضهاري عسى ولعل تجد واحد فيهم يفي بعانصرها المطلوبة . وناس البندر يا ود التجاني ما بيكون عندهم اى اعتراض على اختيار بنتهم لانهم يدركون ان بنتهم الراشدة ومتعلمة وناضجة فكريا لا يمكن ان تختار غير الزوج الراشد ومسنتور الحال. واقول ليك كمان ود الضهاري حتى وان لم يف بكل العنصار الطلوبة فثمة اعتقاد بن اولاد الضهاري مخلصون واوفياء وصادقون وشيالون للتقيلة فهذه العناصر الضهارية so to speak بتكون رصيد كاف لسد اى اسقاطات حضارية يمكن ترميمها بالانترآكشن اليومي .

Post: #279
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 07:38 AM
Parent: #273

ود التجاني

Quote: طيب الجماعة الجوا نتيجة مزاوجة البندراويات من اهل العوض الملمعين
ايام الحريات والحب وابو رجيلة واللبس فوق الركبة والبلابل
كتير من اهل العوض الدخلوا جامعة الخرطوم تزوجوا من بعض البندراويات
اها الاولاد يكون تصنيفهم شنو اذا اعتبرنا النشأة ليست مؤهلة للبندرة
الجماعة ديل بكونوا راحو فى الرجلين
فى زواج خالى بيت ناس العروس فى قلب الخرطوم شارع القصر
الجماعة من بص السيرة دخلوا بيت العرس وعديل على النافورة
الاتوضا فيها والاتشطف اتشطف
لكن اقول ليك حاجة ناس البندر ديل كانوا عايشين على خيرات الريف
الناس تذرع فى القطن والفول والسمسم والصمغ وتصدر والعملة
الصعبة ناس البندر يستوردوا بيها البسطرمة والويسكى والدانتيل
ويسفلتوا بيها الشوارع عشان يسوقوا فيها الكاديلاك
قلتو لى الفول للتغيير بس !!!
يعلم الله اى حلة فى الخرطوم اهم زول فيها سيد الدكان البيشد قدرة الفول
اما ناس الاسكلوب ورحلات لندن تحسيهم فى الاصابع وهسة زاتو بعد
هجمة التتار بتكون المستويات حقتهم اتراجعت كتير

شوف يا احمد اخوي بت البندر عندها مقاييس للزوج الفي بالها بتبحث عنها اول في اولاد البنادر . اكان ما وجدت حد من اولاد البندر يفي بتلك المعايير فستتجه على طول على اولاد الضهاري عسى ولعل تجد فيهم واحد يفي بعناصرها المطلوبة . وناس البندر ، يا ود التجاني ، ما بيكون عندهم اى اعتراض على اختيار بنتهم لانهم يدركون تماماان بنتهم الراشدة ومتعلمة وناضجة فكريا لا يمكن ان تختار غير الزوج الراشد ومستور الحال. واقول ليك كمان ود الضهاري حتى وان لم يف بكل العناصر المطلوبة فثمة اعتقاد بن اولاد الضهاري مخلصون واوفياء وصادقون وشيالون للتقيلة فهذه العناصر الضهارية so to speak بتكون رصيد كاف لسد اى اسقاطات حضارية يمكن تلافيها بالانترآكشن اليومي .

Post: #280
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 08:22 AM
Parent: #279

أستاذة اسماء عبد الحليم

Quote: سوقك حار وده دلالة على حاجة واحدة هي إحساس الناس بالامان في حضرتك وهذه من المزايا النادرة في البشر. في غمضة عين بوستك وصل صفحة ثلاثة

الله يخليك ويطول عمرك أستاذتي . السودانيون جميعهم ، يا اسماء اختي ، طيبون جدا ومن اراد مخاطبتهم عليه ان يعمل to explore ماذا يريدون . علينا ان نمنحهم ما يريدون ، ما استطعنا الى ذلك سبيلا ، وننأى بهم عما ينفّرهم منا.

والله اصدق اخي المرتضى قوله If I were you, I would've added The Right Honourable Dr. Asma's comment to my resume

ولعمري انه لشرف لى ان اسمع هذا الحكي من استاذة في قامة الاخت اسماء عبد الحليم

Quote: ولابد لكل سوداني من الرجوع لمكان عنكوليبته.

هههههههها

Quote: أما استاذي واستاذ مرتضى الجليل المرحوم أبو الريش فقد كان يضحكني بان يطلب مني مراجعة ما يكتب واجيبه في استغراب: معقول يا استاذ أراجع ليك أنا ويقول ضاحكا شوفي لي التأنيث والتذكير إنت قايلة الحكاية دي بتروح في الخرطوم (استاذي الذي لم تر المحاكم مثله ولا اظنها سترى، من عند ناس فيصل خليل) بالمناسبة دي دحين ابوبكر دخل البوست ده؟

رحم الله الاستاذ ابو الريش فقد كان قامة تتمثل فيها كل القيم النبيلة على المستويين المهني والشخصي .

Post: #281
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 08:44 AM
Parent: #280

اخي محمد المرتضى

Quote: شايف يا الطيب كلام المتحضرين الأصائل؟

If I were you, I would've added The Right Honourable Dr. Asma's comment to my resume

البيت والمدرسة والمناهج يا محمد اخوي هي التي تصنع العقول التي توزن الامور بميزان من دهب

تخريمة بسيطة لوسمحت :

دحين بتلقى لي نسخة من كتاب الجونير Junior لقواعد اللغة الانجليزية ؟

والله If 2 دي جضمتها تجضمة نامن قالت بس .

Post: #283
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 08:57 AM
Parent: #281

ود الباوقة - ابن عمي

Quote: البندر المقصود هو

قلب الخرطوم

قلب ام درمان

قلب الخرطوم بحري

يا اخي والله البندرية هي السلوك ال reasonable حسب التعريف القانوني لهذه المفردة السمحة.

Post: #282
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الفاتح ميرغني
Date: 12-01-2010, 08:53 AM
Parent: #280

Quote: هسع شنو الفرق بين اسم شايقوق وبيرناتشو وشكسبير وشانق ينج جنق بتاع كوريا الشمالية

مافي فرق بين الأسماء الثلاثة الأوائل كلها جمعت حب الناس غير مدفوع الأجر، لكن ما عرفت الأخير ده دخلتوا معاكم ليه؟
يوم بتكتل ليك زول في المنبر ده.

محبتي المعروفة

Post: #284
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 09:03 AM
Parent: #282

المرتضى

يا اخي شكرا على هذه الساعة التي تمثل معلما حضاريا مميزا لمدينة ام در .

بس تمشي منها امتار في اتجاه الخرطوم وتنتكي طوالي على مطعم الاستاذة عوضية للاسماك الطيبة .

Post: #285
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 09:16 AM
Parent: #284

محمد الجيلي

ازييييييك

Quote: شيقا البنداربي

اها عندك فيها رأي يا مسنوح؟

Post: #287
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 09:23 AM
Parent: #285

الفاتح ميرغني

Quote: مافي فرق بين الأسماء الثلاثة الأوائل كلها جمعت حب الناس غير مدفوع الأجر، لكن ما عرفت الأخير ده دخلتوا معاكم ليه؟

يا اخي الاخير دا بيكون برضو عندو ناس بحبوهو - انتو ما بتحبوهو عشان كاتلكم بخلعة بس
يا ريت يقبل عليكم ..............كم

انا حبيتو اكتر لما هرش ليك امريكا وخلاها تنسى موضوع المناورات وقالت الاحوال الجوية غير مناسبة .

غير مناسبة ولا قلتو الروب عدييييييييييييل يا ناس .

Post: #286
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: عبدالرحيم أبراهيم العبيد
Date: 12-01-2010, 09:18 AM
Parent: #284

شكرا أخوي الطيب
علي هذا البوست الجميل
غايتو البندر طلع خشم بيوت
لكن بيني وبينكم ناس
أتولدت في الدايات
وحبت في البلاط
وقرأت في الراهبات أو كمبوني
لابتعرف
كر ولا تك ولا حر
ده كيف يتم تصنيفها
ودمتم بالف خير وعافيه

Post: #288
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 09:30 AM
Parent: #286

اخي عبد الرحيم ود العبيد

Quote: شكرا أخوي الطيب
علي هذا البوست الجميل
غايتو البندر طلع خشم بيوت
لكن بيني وبينكم ناس
أتولدت في الدايات
وحبت في البلاط
وقرأت في الراهبات أو كمبوني
لابتعرف
كر ولا تك ولا حر
ده كيف يتم تصنيفها
ودمتم بالف خير وعافيه

تسلم يا وجيه

ما وريتنا انت من وين ؟عشان نشوف هل بتستحق نوشحك بوسام البندرية ولا نغطيك بي شملة من السقط دا .

Post: #289
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: عبدالرحمن الحلاوي
Date: 12-01-2010, 09:40 AM
Parent: #288

مرت نشأة مدينة الخرطوم بأربعة مراحل...
ففي المرحلة الأولى كانت أحراشاً وغابات، أما الأراضي السفلي فكانت جروفاً يزرعها أهالي جزيرة "توتي"..
وتذكر المصادر أن جزءاً من قبيلة (المحس) وفقهائهم قد استوطنوا بـ "جزيرة توتي" و"الحلفاية" و"الخوجلاب" منذ القرن السادس عشر.
والمرحلة الثانية من مراحل نشأة مدينة الخرطوم قد بدأت عندما اتخذها أحد فقهاء المحس المقيمين بجزيرة توتي وهو (الشيخ/ أرباب العقائد) مركزاً لخلوته، وبدأ بها العمار من نار القرآن والعلم.
أما المرحلة الثالثة فقد جاءت عند غزو الجيش (التركي-المصري) للسودان ودحره لسلطنة سنار فى عام 1821م، فقد أتخذ الحكم التركى المصري الخرطوم في بادئ الأمر معسكراً للجنود وذلك عندما بنى (عثمان بك جركس) نقطة عسكرية مع الاستمرار فى استخدام "ود مدني" عاصمة للبلاد بدلاً عن "سنَار" التى لم يطب المقام فيها للأترك بسبب مناخها.
وفى المرحلة الرابعة من مراحل نشأة الخرطوم صارت عاصمة للبلاد عوضاً عن ود مدني التى اتخذها الأتراك عاصمة لهم فى بادي الأمر وكان (الأميرالاي/ عثمان بك) قد عين حاكم على السودان (1823م- 1825م) وعند وصوله الى ملتقى النيلين فى طريقه الى العاصمة ود مدني لم يواصل سيره، بل فضل أن يبني الثكنات والقلاع فى المكان الجديد. ولعله من غرائب الصدف أن أصبح عثمان بك عند وفاته فى عام 1825م أول دفين من حكام العصر التركي في الخرطوم.
كانت مدينة الخرطوم القديمة تبعد نحو ميل جنوب النيل، وكانت الدواوين ومساكن الموظفين وثكنات الجيش فى المكان الذى كانت تحتله "محطة السكة الحديدية"، وكان السكن للأهالى الى الشمال منها وكان يسمى بحي (سلامة الباشا)..
وفى عهد (خورشيد) 1826 – 183 دخلت المدينة طوراً جديداً وذلك بإتساعها شمالاً، وشهدت تلك الفترة إنشاء حي المسجد.. وقد شهد عهد خورشيد استخدام الطوب الأحمر فى تشييد المباني بعد أن كانت المواد المستخدمة فى باديء الأمر هى الطوب الأخضر والقش، وأنشأ الأتراك كمائن للطوب الاحمر فى "برى" و"الجريف"..
وقد شهد عهد الخديوي (عباس) 1849 – 1854 تراجعاً وتدهورا فى كل من مصر والسودان بسبب السياسة المالية المتقشفة، ورغم هذا فقد شيدت في عهده بعض المباني الحكومية فى الخرطوم.. وهو صاحب فكرة إدخال التعليم المدني فى السودان، اذ أصدر أوامر بإنشاء مدرسة الخرطوم فى عام 1850م وفي عهد الحاكم التركى المصري (عبداللطيف) 1849- 1851م اتسعت المدينة نحو الشمال الشرقى ونشأ حي جديد هو حي "الحكمدارية"..
وفى عام 1866م فى عهد الحكمدار (جعفر صادق) حلت كارثة كبري بالمدينة من جراء الأمطار والسيول وانهيار عدد كبير من المنازل مما دفع والى مصر الى التفكير فى تحويل العاصمة من الخرطوم الى توتى..
وقد فضل الحكمدار (جعفر مظهر) المضي فى عمران الخرطوم..
وشهد عهد (إسماعيل أيوب) 1873-1877م ازدياداً وتوسعاً فى المبانى الحكومية وشيد كذلك معملاً للورق وآخر للبارود..
وقد بلغ أقصى إمتداد الخرطوم فى أواخر العهد التركى المصري المنطقة الواقعة بين حديقة الحيوان بالخرطوم سابقاً ومباني وزارة الصحة.
وصف احياء الخرطوم القديمة:-
يذكر (البروفسير/ محمد إبراهيم أبوسليم) فى سفره القيم "تاريخ الخرطوم" أن المدينة كانت مقسمة إلي أحياء، من أهمها: حي الحكمدارية، وحي المسجد، والأحياء الشعبية التي كان يسكنها عامة الناس وقد احتلت اطراف المدينة.. ومن الأحياء الشعبية الشهيرة حى سلامة الباشا، وكان يقطنه الوافدون من جبال النوبة..
ومن أفقر الأحياء الشعبية بالمدينة حي (هبوب ضربانى)، ومن الأحياء الشعبية ايضاً (حى الكارة) و(حى الطوبجية)..
وقد احتل (حى الترس) -المنطقة الواقعة غربي شارع الحرية الحالى-، وقد أخذ اسمه من الجسر الذى اقيم جنوبه لحماية المدينة من فيضان النيل الأبيض.
وفى أقصى الشرق كان (حي بري المحس) وقد ظل هذا الحي فى مكانه طوال فترة الحكم التركي المصري واستمر كذلك طوال فترة المهدية (1885-1899)، الى أن أنتقل الى موضعه الحالى بالبراري فى سنة 1900.. وأقيمت فى مكانه ثكنات الجيش البريطاني فى الموضع الذى تشغله داخليات جامعة الخرطوم جوار مستشفى العيون.
فترة المهدية:-

كان من المعالم البارزة فى الخرطوم فى أواخر العهد التركي المصري بوابتي "المسلمية" و"الكلاكلة" -اللتان شيدهما (غردون باشا) الإنجليزي فى استحكامته التى أقامها للدفاع عن المدينة عندما حاصرتها قوات الإمام المهدي-.. وتقع بوابة المسلمية فى الموقع الذي يحتله "كبري المسلمية -الآن-"، جنوب مستشفى الخرطوم فوق خط السكة الحديدية، أما بوابة الكلاكلة فكان موقعها "كبري الحرية -الحالى-"، والذى شيده (الفريق/ إبراهيم عبود) فى مطلع الستينات..

عندما إنتصر المهدي على (هكس باشا) الإنجليزي فى نوفمبر 1883م تأكدت سيطرته على الأقاليم الغربية بصفة نهائية، وفتح بذلك الطريق أمامه ليعود إلى النيل، فأرسل خطاباً الى أحد انصاره (الشيخ/ محمد الطيب البصير) ليقوم وجماعته بمحاصرة "الخرطوم".. وأحكم الحصار بوصول قوات (الأمير/ أبو قرجة) ثم قوات (الأمير/ عبدالله ود النجومي)، وأولاد (العبيد ود بدر) بقيادة (المهدى -نفسه-) الذى عسكر بـ (أبو سعد) بأمدرمان سنة 1884م.. وفى 26يناير 1885م دخل المهدى الخرطوم.. ويذكر أن الثورة المهدية (من بين ثورات المنطقة العربية والافريقية والمستعمرات، كانت الثورة الوحيدة التي طردت مستعمر بلدها بالقوة، وأسست سيادة وطنية مستقلة مدة 11 عاما).

وأشار المهدى الى انه لا يعتزم اتخاذ عاصمة الترك مقراً له، فعانت الخرطوم ضموراً في هذا العهد بسبب اتخاذ المهدى "أم درمان" عاصمة له، فأخذت في النمو والإزدهار.
وعقب تحرير الخرطوم نزل كبار الأنصار فى قصور الدولة وقصور الأعيان في حي المسجد، أما أهالي الخرطوم فقد جمعوا فى الطرف الجنوبي من المدينة، وقد خصص "قصر الجاركوك" للمهدي لقربه من المسجد واتساعه..
أما (الخليفة/ عبد الله التعايشي) فقد اتخذ السراي مسكناً له..
ونزل (الخليفة/ شريف) فى مبنى الكنيسة الكاثوليكية.. بينما احتل (أبو قرجة) ديوان المديرية.. وقد عين المهدى قريبه (أحمد محمد حاج شرفي) ليباشر إدارة الحدائق، كما عين خاله (محمد طه محمد) ليباشر إدارة الترسانة.
وفي مايو من عام 1885م أمر الخليفة عبدالله كل القاطنين فى الخرطوم بإخلاء المدينة والإنتقال الى العاصمة الوطنية "أم درمان"، ويبدو أن الخليفة عبدالله كان حريصاً على الأقل فى أول الأمر على الإبقاء على مدينة الخرطوم وعدم تخريبها..
وقد وقف (البروفسير/ محمد إبراهيم أبو سليم) على خطاب منه إلى (أحمد سليمان) صادر فى اغسطس عام 1885م يؤكد ما ذهبنا اليه.. وأشار الخليفة فى خطابه إلى انه قد نبه مراراً بعدم هدم أى منزل من منازل الخرطوم، وذكر انه عند زيارته للخرطوم وجدها خراباً.. فقد أخذ الأنصار طوب وأحجار وأخشاب مباني الخرطوم وقصورها واستخدموها فى تشييد مدينة امدرمان العاصمة الجديدة..
وبعد وفاة المهدي استمر الخليفة عبدالله فى توسيع عاصمته بتشييد منازل من الطين والطوب الأحمر والحجر بدلاً عن القش والجلود. وقد بنى الخليفة "بيت المال" وسجن الساير سنة 1885م ثم شيد الدور الأرضي من منزله -وهو المتحف الحالي-، ثم "بيت الأمانة" -وهى مخزن للسلاح-، و"قبة المهدي"، والجامع.. ثم شيد "السور" -الذى أحاط بالمدينة في عامي 1888 و1889م
المصدر : تاريخ الخرطوم - الدكتور محمد أبوسليم

Post: #290
Title: Re: من هم اولاد اللعوت, التبش, الحبشتور والعنكوليب في سودانيز اونلاين؟
Author: الطيب شيقوق
Date: 12-01-2010, 09:52 AM
Parent: #289

شكرا يا الحلاوي على المعلومات القيمة تلك

يعني بالطريقة دي مرقت البندراب كووووووووووولهم عيال ضهاري

أها يا العمدة المشرف تعال شوف كلام الزول دا الما ترك ليك واحد من رعاياك نعمّدك عليهو.

يعني طلع المحس بس بندرية - والمحس اناعارف ما برضو نقادي يصير ليهم عمدة .

Post: #291
Title: Re: من هم اولاد البندر في سودانيز اونلاين؟
Author: Amany Elamin
Date: 12-01-2010, 09:56 AM
Parent: #280

صباحكم خير يا ناس البندر,, والناس البيحبو ناس البندر :)

Quote: من هم اولاد اللعوت, التبش, الحبشتور والعنكوليب في سودانيز اونلاين؟

رجّعت ليكم العنوان القديم عشان الحاجات المكتوبه بالأحمر دي بتخوّف

مني التوم كيفنك,,
Quote: اماني الامين ياداب فهمت مالك مارديتي

مارديت علي منو؟

Post: #292
Title: Re: من هم اولاد البندر في سودانيز اونلاين؟
Author: Amany Elamin
Date: 12-01-2010, 09:58 AM
Parent: #291

وجبت ليكم أغنيه هديه كمان,,

يا جمال النيل والخرطوم باليل
ياراضعة من نيلين حضنوك من أزمان
يا قبلة الزائرين يادرة السودان
ضمخ شذى الياسمين والورد والريحان
عشاق سمر باليل سحرم جمال النيل
أجمل ليالي هنا لما القمر يظهر
والونسة تبقي غنا والغنوة تتنقل
وتفوت علي امدرمان وهناك تكون اجمل
لو بس تطول ياليل وتزيد جمال النيل

وحقيقي أجمل ليالي هنا لما القمر يظهر ...

Post: #293
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 10:04 AM
Parent: #292

اماني

Quote: رجّعت ليكم العنوان القديم عشان الحاجات المكتوبه بالأحمر دي بتخوّف

الله يجازيك وحاة الله انت مسنوحة نامن غلط - ضحكتيني ضحكة بندرية جد جد

Post: #294
Title: Re: من هم اولاد البندر في سودانيز اونلاين؟
Author: الطيب رحمه قريمان
Date: 12-01-2010, 10:19 AM
Parent: #293

حكايتك غريبة يا سمى

اصلو ما تجيب طارى اسمى

ليه يا الطيب شيقوق ؟ هو انا بقيت من أهل النفاق و الشقاق و لا شنو ... ؟

Post: #295
Title: Re: من هم اولاد البندر في سودانيز اونلاين؟
Author: Amany Elamin
Date: 12-01-2010, 10:35 AM
Parent: #293

شكرا عبد الرحمن الحلاوي علي السرد التاريخي,,
Quote: ففي المرحلة الأولى كانت أحراشاً وغابات، أما الأراضي السفلي فكانت جروفاً يزرعها أهالي جزيرة "توتي"..
وتذكر المصادر أن جزءاً من قبيلة (المحس) وفقهائهم قد استوطنوا بـ "جزيرة توتي" و"الحلفاية" و"الخوجلاب" منذ القرن السادس عشر.
والمرحلة الثانية من مراحل نشأة مدينة الخرطوم قد بدأت عندما اتخذها أحد فقهاء المحس المقيمين بجزيرة توتي وهو (الشيخ/ أرباب العقائد) مركزاً لخلوته، وبدأ بها العمار من نار القرآن والعلم.

وياود شيقوق كلامك ده كيف؟
Quote: يعني بالطريقة دي مرقت البندراب كووووووووووولهم عيال ضهاري
أها يا العمدة المشرف تعال شوف كلام الزول دا الما ترك ليك واحد من رعاياك نعمّدك عليهو.
يعني طلع المحس بس بندرية - والمحس اناعارف ما برضو نقادي يصير ليهم عمدة .

من قبيل نحكي ونقول جدنا الشيخ ود الأرباب والشيخ خوجلي, ومحس توتي ... الخ
ويجي الحلاوي يؤكد علي كلامنا وبرضك الكلام ما واقع ليك؟

ياعمده ود شيقوق ده ما أتي لحوار الظاهر

Post: #296
Title: Re: من هم اولاد البندر في سودانيز اونلاين؟
Author: فيصل محمد خليل
Date: 12-01-2010, 10:39 AM
Parent: #295

لبس اهل البندر زمان
رموش شادية
سكر سكر
نايلون
توب بوليس النجدة
توب المطافي
بعد مسافة كدا
جاء الشارلستون
الترلين
سلكا
كرمبلين
كوردروي
تترون
الخرطوم بالليل
قمصان سلوى بوتيك
ماكس
جكسا في خط ستة
الميني جوب
---
تسريحات
دردقني في النجيلة
و الاولاد بيحلقوا كري
وكت cut
و عاملين قجة
و بعدين جاتهم الخنفسة
بعد ظهور فرقة الخنافس
موجة الهيبز الذين كانوا
ينادون بالعيش في العراء
و ترك المدن

و ناس شيقا كانوا ينومون في سبات عميق
من هذا كله

Post: #305
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 02:42 PM
Parent: #296

و ناس شيقا كانوا ينومون في سبات عميق
من هذا كله

فيسل

خليت دراب حلفا وجيت قابلت شيقا؟

كان قبلت عليك بالعنكوليبة دي هسع بجيب خبرك

Post: #297
Title: Re: من هم اولاد البندر في سودانيز اونلاين؟
Author: عبدالرحمن الحلاوي
Date: 12-01-2010, 10:43 AM
Parent: #293

Quote: ومن أفقر الأحياء الشعبية بالمدينة حي (هبوب ضربانى)، ومن الأحياء الشعبية ايضاً (حى الكارة) و(حى الطوبجية)..

ديل ناس البندر يا الطيب ...خرتوم الترك زي ما كان بسموها أهلنا ...أها الخواجات جو وكملوا الناقصة ...بس ساكنين براهم وبكلابهم في الحي الأوروبي ...هسع وين الحي الأوربي يا ناس البندر الجدد ؟؟

Post: #298
Title: Re: من هم اولاد البندر في سودانيز اونلاين؟
Author: عبدالرحيم أبراهيم العبيد
Date: 12-01-2010, 11:42 AM
Parent: #297

الاخ العزيز الطيب
تحياتي
أخوكم من ناس الجزيره
لكن شاءت الظروف أن أسكن وأستقر بالخرطوم
غايتو منتظرين تشملنا بعفوكم وتضمنا لاهل البندر
وأن تجمع شملنا
أتذكر كنت في زياره للاهل بمدينة العليفون
وأصروا علي أن أذهب وأسلم علي الخليفه بركات عليه رحمة الله
خليفة جدنا الشيخ ادريس ود الارباب عليه رحمة الله
قلت أسلم عليه وأرجع دون أن أعرفه بنفسي
وقد حدث ولكن يشهد الله أن للرجل فراسه فشدني بقوه
وقال هذا الدم لناوذكر لي أسم أعمامي وأبي
فقلت له أن والدي أبراهيم
فضحك ونظر الي الشيخ ود المجذوب الذي كان يجلس بجواره عليه رحمة الله
فقال كلمه ما زالت عالقه ديل أولادنا لكن أتبندروا
لكم التحايا والتقدير
وربي يديم المحبه والاخوه بيننا جمعيا
وأتمني أن يجمع شملنا
ودمتم بالف خير وعافيه

Post: #299
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 01:20 PM
Parent: #298

اماني

من قبيل نحكي ونقول جدنا الشيخ ود الأرباب والشيخ خوجلي, ومحس توتي ... الخ
ويجي الحلاوي يؤكد علي كلامنا وبرضك الكلام ما واقع ليك؟

هوي انت تعبك دا مش ساى لازم تكون عندك اجندة خفية ما بتفوت علينا

انت عايزة تخرتي العمودية من ود المشرف عديل كدة

Post: #300
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 01:23 PM
Parent: #299

قريماااااااااااان

اصلو ما تجيب طارى اسمى

ليه يا الطيب شيقوق ؟ هو انا بقيت من أهل النفاق و الشقاق و لا شنو ... ؟

ههههههههههههههها عجب!!! حت ناس القيقر الصارو لا لامين على الشمال ولا الجنوب عايزين يدعوا البندرية

ات فاكر البندرية دي ساهلة ساى ؟

Post: #301
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 01:27 PM
Parent: #300

Post: #302
Title: Re: من هم اولاد البندر في سودانيز اونلاين؟
Author: حسن طه محمد
Date: 12-01-2010, 01:32 PM
Parent: #301

اخي شيقا

اولا شكرا علي التلفون

وابارك ليك الصفحة عشرين وعقبال المية

ياخي ما تجي الدوحة عشان اهديك سي دي شاكيرا

Post: #303
Title: Re: من هم اولاد البندر في سودانيز اونلاين؟
Author: حسن طه محمد
Date: 12-01-2010, 01:39 PM
Parent: #302

شيقا

شكرا ليك علي الهيتس

بس عايزة تفرغ وانا زي ما انت عارف مسافر

بعد الرجعة ان شاء الله

Post: #304
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 01:46 PM
Parent: #303

ساعود للرد على بقية المداخلات بعد النومة

خالي حسن احسن ليك تلم هديتك عندك

راجع ليك

Post: #375
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 10:58 AM
Parent: #300

اولاد الضهاري فوق

Post: #308
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 02:46 PM
Parent: #298

عبد الرحيم

اول حاجة جدك العبيد ومن اليلفون خلاني اشك بوجود علاقة بينك والاخ مامون الطيب العبيد المحامي والمقيم معنا في مسقط

فضحك ونظر الي الشيخ ود المجذوب الذي كان يجلس بجواره عليه رحمة الله
فقال كلمه ما زالت عالقه ديل أولادنا لكن أتبندروا

يا سلام على هولاء الرجال العظاء

ربي يديم المحبه والاخوه بيننا جمعيا
وأتمني أن يجمع شملنا

امييين

Post: #306
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 02:43 PM
Parent: #297

ود مضوي

ديل ناس البندر يا الطيب ...خرتوم الترك زي ما كان بسموها أهلنا ...أها الخواجات جو وكملوا الناقصة ...بس ساكنين براهم وبكلابهم في الحي الأوروبي ...هسع وين الحي الأوربي يا ناس البندر الجدد ؟؟

عجبتني لاماني بت اللمين

Post: #307
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-01-2010, 02:45 PM
Parent: #306

يا ود شيقوق ياخي بوستيك جاب لينا الكلام ياخي!!!

انني مساءٌ مستاءٌ مستاءٌ

Post: #309
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 02:48 PM
Parent: #307

ابن عوف

يا ود شيقوق ياخي بوستيك جاب لينا الكلام ياخي!!!

انني مساءٌ مستاءٌ مستاءٌ

مالك يا ساتر ؟ - ازعجتنا يا اخي

اوع يكون في حد هبشك بكلام ما سمح

Post: #310
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-01-2010, 02:58 PM
Parent: #309

الطيب اخوي

في بوست كارب بتاع قضايا هامش جاء زميل ونيته والله صافيه، بس عنده تساؤل
كيف يكون زول دي اقتباساته من (الاقتباسات من البوست دا) وعامل فيها زول
واقف مع الجنوبيين والمهمشين وقضاياهم الثورية؟؟؟!! ووهو زول ترعرع بين
صالات المريديان وبرندة القراند هوتيل؟؟

الراجل والله منطقي، لكن نسوى شنو، الشقاوة بس

مافي شيء يا حبيبن لا تنزعج ولا حاجة، بس قلنا نشاغلك ساي

لكن عليك الله في زمتك، الغلطان منو هسع، انا وللا ناس الهامش العملوا ثورات ديل؟؟ ههههههههد

Post: #311
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-01-2010, 03:11 PM
Parent: #310

ود شيقوق ..
لحين النظر فى طلبات الاحاله قيد بحثى, ساورد تلك الخاطره القديمه ونحو الخرطوم, مدينة من حنان داكن

"النيل بعض هباتك – سيدتى - بعض هداياك الانيقات .. فأى سخاء سخاؤك هذا المبذول على الدنيا , وأى عطاء فينا ترتكبين ؟.. منذوره انت للبهاء ..لاقداس الشموس الاستوائيه العظيمه .. لاعراس المياه السماويه الوعد .. لاحلام الصبايا السمراوات سمره وجهك الموسوم بالطيبه .. للاناشيد تحمل بشراك .. الله الله يا خلاسيه المكى ابراهيم

يا حانه مفروشه بالرمل ..
يا مكحوله العينين ..
يا مجدوله من شعر اغنيه ..
يا ورده باللون مسقيه ..
بعض الرحيق انا .. والبرتقاله انت
يا مملوؤة الساقين اطفالا خلاسيين
يا بعض زنجيه ..
وبعض عربيه ..
وبعض اقوالى امام الله ..

يأتى اليك العاشقون .. فى شارع النيل , تورد لون الصباح .. بصوت وردى ينطلق فى المذياع , نديا فى حافلات الركاب الذين انتظموا وجدا بالنشيد ..

بتطلعى انت من غابات ..
ومن وديان ..
ومني انا ..
ومن صحوة جروف النيل .. مع الموجه الصباحيه
بتطلعى انت .. من صوت طفله .. وسط الزحمه منسيه ..

يأتى اليك المرهفون .. منك , من عقاله ينفلت الشعر .. يرتكب جريمه التفرد عامدا .. اسمر لوحته نار المجاذيب .. تقيا عمدته خلاوى القرآن .. ساحر ينطلق من طفوله إفريقيه معربده .. حييا يتخفى تحت عمامه بيضاء .. هو موسم للهجره الى الشمال .. موسمين للعوده .. ومواسم اخرى تخص الالتقاء .. فعند هذا المقرن العظيم .. النيل ازرقٌ .. النيل ابيضٌ .. وفى ذات الهنا نيل ثالثُ هو بعض هباتك سيدتى .. بعض هداياك الانيقات .. فأرجع البصر هل ترى من فطور .. سبحانه

كانت لحظه اللقيا تجلجل فى فناء الروح ..
كان الحب يرقص عاريا .. متجاهلا كل الخرافة ,
والمعانى السافله ..
كالنيل حين يضج بالايقاع ينفذ وحدة ..
عبر الصحارى القاحله ..
طوبى ..
اذا احتملت شرايينى هدير القلب حين اراك ..
( اى مشارق تغازل فى شموسها الان ايها التاج .. السر .. جعفر .. الخليفه .. طه .. الريفى , يا لصوفيه هذا الاسم)

يأتى اليك المادحون .. الخرطوم تقيه المدائن .. عذراء فى الليل تصلى فى محراب الهجرة الاولى .. تمدح الرسول .. تهفو للمدينة والبقيع .. مشجونة بالفراق وهى تودع الحجيج ..

يا راحلين الى منى بغيابي ..
هيجتموا ..
يوم الرحيل فؤادى ..

طارات البرعى تدوى فى لياليك الطاهرات .. أولاد الماحى يترنحون وجدا وانجذابا .. والسمانى احمد عالم – فى القبه – يسامر الحلاج , ينشده .. وأبن عربى يستأذن فى الدخول على شيوخ العركيين .. أين محمود محمد طه ؟؟ .. مدد .. يا الله , مدد

يأتى اليك المتعبون .. للزقاقات الاليفه الغباش .. لغبار شوارعك الحميم .. لاشجار اللبخ تظلل عشاقك .. لمداخل الحزن الرحيم .. يا بوابات العشق والطين والسنط .. ويا شبابيك الحبيبه .. هدهدينى بأحاديث العميرى وعلى المك .. خبرينى عن امجاد بعانخى وحرفنه كمال عبد الوهاب ومشروع الجزيره وآبار البترول .. ثم

خبئينى بين جدران المسام ..
قبلينى ... مرة فى كل عام ..
فأنا .. اشتاق ان اولد فى عينيك طفلا من جديد ..
ارتدى اللون البنفسج .. اعتلى شكل الهويه ..
ضيعتنى مريم الاخرى سنينا .. فى انتظار المجدليه ..
اه لو تأتين .. آه
من عميق الموج .. من صلب المياه
كالرحيل ..
كالترقب .. وانتظار المستحيل

رحم الله مصطفى سيد أحمد .. أى غناء نازف كان يغنيه هذا الرجل الحليق الكف .. الداكن الحنان ؟؟ , وللحنان طعمك الداكن يا خرطوم .. وشكرا حزينا عاطف خيرى اذا انبهمت علينا مسالك الحنان"

( محمد المشرف, الدوحه, 2001 )

Post: #312
Title: Re: من هم اولاد البندر في سودانيز اونلاين؟
Author: Abdlaziz Eisa
Date: 12-01-2010, 03:13 PM
Parent: #310

اههههههههههههههههها جينا لل..................

بس انتو الواحد ما يجيبوا ليهو طاري العرس!!

على طول تعضي العراقي!!

ولي ناس البندر بنقول ليهم: تفكوا البجامة...
ومفردات عروبية:

شلّح..
فسخ..
وهلمجرا....

Post: #314
Title: Re: من هم اولاد البندر في سودانيز اونلاين؟
Author: Amany Elamin
Date: 12-01-2010, 04:03 PM
Parent: #312

Quote: خرتوم الترك زي ما كان بسموها أهلنا ...أها الخواجات جو وكملوا الناقصة ...بس ساكنين براهم وبكلابهم في الحي الأوروبي ...هسع وين الحي الأوربي يا ناس البندر الجدد ؟؟
عجبتني لاماني بت اللمين

أقول ليك كانو بيجو يلعبو جولف عندنا تقول لي:
Quote: ومن أفقر الأحياء الشعبية بالمدينة حي (هبوب ضربانى)، ومن الأحياء الشعبية ايضاً (حى الكارة) و(حى الطوبجية)..

Post: #315
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 04:03 PM
Parent: #312

يا سلام عليك يا عمدة ناس البندر

رحم الله مصطفى سيد أحمد .. أى غناء نازف كان يغنيه هذا الرجل الحليق الكف .. الداكن الحنان ؟؟ , وللحنان طعمك الداكن يا خرطوم .. وشكرا حزينا عاطف خيرى اذا انبهمت علينا مسالك الحنان"

تسلم تسلم يا حبيب

Post: #313
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 03:57 PM
Parent: #310

ابن عوف

بس قلنا نشاغلك ساي

لكن عليك الله في زمتك، الغلطان منو هسع، انا وللا ناس الهامش العملوا ثورات ديل؟؟

انت الغلطان شنو الوداك ناس الهامش انت عارف ديل الواحد تلقاهو بارم سكينو وخامش عكازو المضبب داير ليهو زول بندر يقول ليهو سيك ميك عشان يسجمو دقيقة مافي

Post: #316
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 04:05 PM
Parent: #313

ود عيسى

بس انتو الواحد ما يجيبوا ليهو طاري العرس!!

على طول تعضي العراقي!!

ولي ناس البندر بنقول ليهم: تفكوا البجامة...
ومفردات عروبية:

شلّح..
فسخ..
وهلمجرا....

بس العرس مالو عيب لي ؟

مسنوح عايز تفتنا مع البندراب

Post: #317
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 04:06 PM
Parent: #313

أقول ليك كانو بيجو يلعبو جولف عندنا تقول لي:

في الوحل يا بت اللمين؟

Post: #318
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-01-2010, 04:11 PM
Parent: #313

Quote: انت الغلطان

انا قلت كده برضو ههههههههه

Post: #319
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 04:52 PM
Parent: #318

انا قلت كده برضو ههههههههه

ايوووووووووووووووون

تعرف ايووون ؟

Post: #320
Title: Re: من هم اولاد البندر في سودانيز اونلاين؟
Author: Abdlaziz Eisa
Date: 12-01-2010, 04:57 PM
Parent: #318

Quote:

بس العرس مالو عيب لي ؟

مسنوح عايز تفتنا مع البندراب

طريت القدال فوصاني ليك بهدية...عشان البنية الفنجرية

************
سمحة وسمرية
محبوبتى ولفتاتة غزالة
خضرة ومسقية
وجنب النيل مشتولة النالة
بهواك يا بنيـّة كتبتو قصيد
وبقولو مقالة
بتفتحى فيـّـا معانى غناى
تديلة مجالا
************
زهرة وبرية
بشوق الأرض عيونا كُحالة
تريانة ندية
بعرق الناس والناس فى بالة
يا خوفة علىّ عقل وثبات
ماهـا الولوالة
************
من فرحى البيـّا
قلعت الخوف وكستنى بسالة
قت ليها النية متين نتلم
والحال بطالة
قالت لى غنية وإنت معاى
مستورة حالة
بت سودانية محبوبتى
ولفتاتة غزالة

Post: #321
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 05:03 PM
Parent: #320

من فرحى البيـّا
قلعت الخوف وكستنى بسالة
قت ليها النية متين نتلم
والحال بطالة
قالت لى غنية وإنت معاى
مستورة حالة
بت سودانية محبوبتى
ولفتاتة غزالة

هييييييييييييييييع كع - دي حقتكم يا ناس الضهاري الاسفيريين

Post: #322
Title: Re: من هم اولاد البندر في سودانيز اونلاين؟
Author: Amany Elamin
Date: 12-01-2010, 05:29 PM
Parent: #321

Quote: في الوحل يا بت اللمين؟

ما أتيت لحوار أبدن :)
نقول ليك جولف تقول في الوحل؟
صحي ضهاري * لوووووووول

بالمناسبه البوست ده عارفينك عاملو حباً في زملاء الدراسه حبايب قلبك مولانا المرتضي وصحبه,
لكن قلنا نعمل ليك شوية فوضي اسفيريه هههههههه

أسمع الغنا الما جادّي ده عن البندراب فرع الخرطوم بحري : (الغنيه اسمها: حبّينا في بحري) :)

----
* يا سعادتك بنضحّك معاك ما تقوم تزعل مننا :)

Post: #323
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-01-2010, 09:54 PM
Parent: #322

أسمع الغنا الما جادّي ده عن البندراب فرع الخرطوم بحري : (الغنيه اسمها: حبّينا في بحري)

هازوله ، والله الغنيه سمحه طب ، كان الغنا الماجادي كلو متلها زيدينا،
بس ما تنسينا من إمكانيات الحفظ..
غنيه نضيفه ومسنوحه بالحيل يا بت اللمين ،
الله يديك العافيه.

Post: #324
Title: Re: من هم اولاد البندر في سودانيز اونلاين؟
Author: mona altom
Date: 12-01-2010, 10:40 PM
Parent: #323

اماني الامين والله ريده في الله والرسول من زمن كنت بتاوق من فوق االحوش وعشان تعرفي انه متابعاكي اول بوست ليك كان عن الهيمنه الذكوريه

ولقد تردت كثير بخصوص طلباالاقامه بهذا الحوش لكن انتي واخريات شجعتنني بالدوخول وكنت اول من ارسلت ليه رساله احتمال اكون ماعرفت استخدم الماسنجر

يله فهمتي ليه لمتك

المسنوح عزرا مكان عندي حل وانت عارف البتجي من السماء بتتلقاها الوطا

Post: #325
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-02-2010, 05:48 AM
Parent: #324

الاماني المسنو.............حة

Quote: نقول ليك جولف تقول في الوحل؟
صحي ضهاري * لوووووووول

القال ليك منو انا من الضهاري انا ود عمك لزم - ما شايفة كلامك الفوق دا انا بقرا فيهو ومشنق طاقيتي فووق في الهامة؟

Quote: بالمناسبه البوست ده عارفينك عاملو حباً في زملاء الدراسه حبايب قلبك مولانا المرتضي وصحبه,
لكن قلنا نعمل ليك شوية فوضي اسفيريه هههههههه

ديل يا اماني جبناهم كرموز بندرية صافية ونقية

Quote: أسمع الغنا الما جادّي ده عن البندراب فرع الخرطوم بحري : (الغنيه اسمها: حبّينا في بحري) :)

وحاة الله فاطة سطر عديييييييييييل

----

Post: #326
Title: Re: من هم اولاد البندر في سودانيز اونلاين؟
Author: محمد الجيلى
Date: 12-02-2010, 05:56 AM
Parent: #325

سلامات يا مولانا شيقوق {المسنوح}

غايتو بعد إقتنعتّ إنو الدندراوي بقى بندرابي

معناها العبد الفقير لله بندرابي بالفطرة والسُلالة

ولّ شنو

Post: #327
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-02-2010, 05:57 AM
Parent: #325

بت التوم

Quote: اماني الامين والله ريده في الله والرسول من زمن كنت بتاوق من فوق االحوش وعشان تعرفي انه متابعاكي اول بوست ليك كان عن الهيمنه الذكوريه

احسن ليك تفكي دربا دى ما عندها شغلة غير النت - باقي لي بت بندر مرتااااااااحة يسوا ليها في الاكل ويجيبوهو ليها في طاولة اللابتوب يد في الكي بورد والتانية مع الساندوتش . وانتي بت الضهاري وحاة الله تتابعي المسنوحة دي تلقي كل يوم بصلتك حرقت .

Post: #328
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 12-02-2010, 07:11 AM
Parent: #327

دكتور المشرف
Quote: ود شيقوق ..
لحين النظر فى طلبات الاحاله قيد بحثى, ساورد تلك الخاطره القديمه ونحو الخرطوم, مدينة من حنان داكن

اكتب بالعربي على وزن العب بالعربي (ماشايفين خطك )
ياخي ود شيقوق ممتع حد المقصورة
متابعة مان تومان
ماتقول لي ياشيقوق جنك تيوه

------------------------------
ياود يشقوق بالله لما تستلم سيدهات شاكيرا من قريبي (ود البوب ) ورينا رايك شنو

Post: #329
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-02-2010, 09:45 AM
Parent: #328

ود الجيلي

Quote: سلامات يا مولانا شيقوق {المسنوح}

غايتو بعد إقتنعتّ إنو الدندراوي بقى بندرابي

معناها العبد الفقير لله بندرابي بالفطرة والسُلالة

كويس احسن ليك البندرية دي عشان نجيكم هناك نشتري منكم حلاوة لا لوب !! ونبيع ليكم حلاوة عنكوليب!!

لا لوبكم مقشّر؟ !!

Post: #330
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-02-2010, 09:51 AM
Parent: #329

ولدو

Quote: ياخي ود شيقوق ممتع حد المقصورة
متابعة مان تمان
ماتقول لي ياشيقوق جنك تيوه

مرسييييي مرسييييييي - حكي بندري من النوع المنغنغ

Quote: ياود يشقوق بالله لما تستلم سيدهات شاكيرا من قريبي (ود البوب ) ورينا رايك شنو

لا قول لقريبك كتر خيرك - انت من زمن الفلوبيات والسيديهيات نحن شغالون بالامبي ثري MB3 عديل كدا

Post: #331
Title: Re: من هم اولاد البندر في سودانيز اونلاين؟
Author: محمد الشيخ أرباب
Date: 12-02-2010, 09:55 AM
Parent: #329

يا شيقوق

اولاد البندر نحن ومن منحناه لقب البندراوي يعتبر بندراوي بالتجنس

تحياتي

Post: #332
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-02-2010, 10:03 AM
Parent: #331

ود الارباب

سلام

Quote: اولاد البندر نحن ومن منحناه لقب البندراوي يعتبر بندراوي بالتجنس

تتلصقوا ساااااااى في البندراب

انتو قايلين البدرية دي جنى كلاب فاكنها في الصقية ساااااى

Post: #333
Title: Re: من هم اولاد البندر في سودانيز اونلاين؟
Author: Amany Elamin
Date: 12-02-2010, 02:20 PM
Parent: #332

أهلا مني التوم,,
وألف مرحب بيك في البورد,,
Quote: اماني الامين والله ريده في الله والرسول من زمن كنت بتاوق من فوق االحوش وعشان تعرفي انه متابعاكي اول بوست ليك كان عن الهيمنه الذكوريه
ولقد تردت كثير بخصوص طلباالاقامه بهذا الحوش لكن انتي واخريات شجعتنني بالدوخول وكنت اول من ارسلت ليه رساله احتمال اكون ماعرفت استخدم الماسنجر
يله فهمتي ليه لمتك

يا ستّي أحبك اللذي أحببتني فيه, وكتر خيرك علي الإطراء,
ونتمني نعرف عنك أكتر ونقرأ ليكي ونتداخل في مواضيعك والبورد نوّر بحضورك,
معليش ردّي الأول ما انتبهت لتاريخ التحاقك بالبورد, وافتكرتك من الناس المختفيه عشان كده ما عرفت اسمك,,

بعدين يا حبيبه ما حصل والله استلمت منك ماسنجر اطلاقا, والّا أكيد كنت رديت ليك دون شك,,

شكرا علي حسن ظنك, وسعيده بقراية كلماتك جدا :)

---
مولانا ود شيقوق,,
Quote: احسن ليك تفكي دربا دى ما عندها شغلة غير النت - باقي لي بت بندر مرتااااااااحة يسوا ليها في الاكل ويجيبوهو ليها في طاولة اللابتوب يد في الكي بورد والتانية مع الساندوتش . وانتي بت الضهاري وحاة الله تتابعي المسنوحة دي تلقي كل يوم بصلتك حرقت .

هههههه ياريت والله,,
أنا لو فايقه ورايقه كده ما بقعد قدّام اللاب توب من أساسه,
بمشي للريال لايف تو انجوي ماي تايم,
أنا حابسني قدّام اللاب توب شغل, ويومي الأخلص منه ببيع اللاب توب زاتو ههههههه

Post: #334
Title: Re: من هم اولاد البندر في سودانيز اونلاين؟
Author: محمد عمر جبريل
Date: 12-02-2010, 03:19 PM
Parent: #333

هاااااي (شأ شأ)

.
.
.
.
.

بندر شاه عديل كده .. وللا شنو

Post: #335
Title: Re: من هم اولاد البندر في سودانيز اونلاين؟
Author: Mannan
Date: 12-02-2010, 03:33 PM
Parent: #333

والله يا ود شيقوق الدندراوى
أجمل بوست عن اولاد البندر والبنبر والعنبر وبالذات لما يجى الكلام من واحد من خارج دائرة البندر (موش دائرة الدندر بتاعة ناس ود العجب!)...
البندر كان لحم راس (نيفة) لحدى ما جوهو ناس الخليل ونضفوهو
بين جناين الشاطى وبين قصور الروم
حى زهرة روما وابكى يا مغروم

وفى الضواحى وطرف المداين

وعازة فى هواك
الخ الخ يا ود المرتضى...
جينا من ضهارى الشمال وغزونا قلعة ام در ومرينا بسوق الشجرة وحسين ابومرين ونقلتنا عربات الجيش الى وادى سيدنا الثانوية ومنها واصلنا الغزو الى جامعة الخرطوم ثم التحقنا بالخارجية ومازال اولاد البندر يصفوننا باولاد الأقاليم فتركنا لهم الجمل بما حمل ورمينا عصا التسفار (حلوة تسفار دى!) فى البر الأمريكى منذ عشرين عاما ومازال فى نفسى شيئ من الأقلمة... أموت وفى نفسى شيئ حلفا..

نورالدين منان

Post: #336
Title: Re: من هم اولاد البندر في سودانيز اونلاين؟
Author: Abdlaziz Eisa
Date: 12-02-2010, 03:50 PM
Parent: #335

ياخي الغنى الأشتر ده كرهني فتح البوست ده..

أرحمونــا ياخ!!!!!

Post: #337
Title: Re: من هم اولاد البندر في سودانيز اونلاين؟
Author: اميرة السيد
Date: 12-02-2010, 05:33 PM
Parent: #336

بوست ظريف ودمه خفيف.. كتر منه يا ود شيقوق.. نفرج بيه هم وغم الغربة

Post: #338
Title: Re: من هم اولاد البندر في سودانيز اونلاين؟
Author: ابوبكر قسومة
Date: 12-02-2010, 06:23 PM
Parent: #337

عوووووك يا ناس البندر والضهاري,,ود شيقوق بيعتذر ليكم وبيقول ليكم هو بيصادف مشاكل في الدخول للانترنت حاليا,,وسيسعي جاهدا لحل هذه المعضلة سريعا والعودة اليكم....

Post: #339
Title: Re: من هم اولاد البندر في سودانيز اونلاين؟
Author: mona altom
Date: 12-02-2010, 10:44 PM
Parent: #338

المسنوح معليش.الجاتك في نتك سامحتك

اماني الامين شكرا كتير فوالله هسي قبل ماكتب ليك هنا ارسلت ليك اميل

Post: #340
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-03-2010, 01:00 AM
Parent: #339

وليد يا صاحب ..
مسكتنى هوشة العموديه التى خلعها علينا العمده ودشيقوق ..
فقلتا اتفنن فى الخط وأتماهى فى التداعيات كعمده خطير جدا ..
استرعى انتباهى -كعمده - حديث سعادة السفير منان عن أثر الريف السودانى فى تليين قساوة الخرطوم بالاشعار النديه ..
"من جناين الشاطى ولى زهور الروض
حيي زهره روما"
الى آخر ذلك الكلام الفاره الخمجان ..
وتساءلت
ترى لماذا لم يكتبوا مثل ذاك هناك قبلم ( قبلهم )
اقصى شمال خط البندر؟!.
او ..
الجابم شنو ؟!.
كان كل زول يلزم عموديته ويكتب ما شاء من أشعار فى حدود بناتها..
وليبكوا مغرومون بالذى هو فيهم واليهم.. هذا إن كان ليستدر أدنى قليل الدموع و .. هناك قبلم ( قبلهم )

محمد المشرف
عمدة تحرير الخرطوم ..

Post: #341
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:11 AM
Parent: #340

بت اللمين

Quote: بمشي للريال لايف تو انجوي ماي تايم,

دا الحكي البفطس بوبي ذاتو

Post: #342
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:37 AM
Parent: #341

سعادة السفير منان

شكرا شكرا يا سعادتك على هذه الطلة البهية

Quote: أجمل بوست عن اولاد البندر والبنبر والعنبر وبالذات لما يجى الكلام من واحد من خارج دائرة البندر (موش دائرة الدندر بتاعة ناس ود العجب!)...
البندر كان لحم راس (نيفة) لحدى ما جوهو ناس الخليل ونضفوهو
بين جناين الشاطى وبين قصور الروم
حى زهرة روما وابكى يا مغروم

وفى الضواحى وطرف المداين

وعازة فى هواك

ظني يا سعادتك ما كان للخليل ان يتغنى (ببين جناين الشاطي وبين قصور الروم) ان لم يأتوا به الى البنادر ويطوفون به على البراري ليتنسم عبيرها ويرى عيون المها والحدائق المعلقة حتى يذوب رقة ولطافة .

Quote: حمل ورمينا عصا التسفار (حلوة تسفار دى!) فى البر الأمريكى منذ عشرين عاما ومازال فى نفسى شيئ من الأقلمة... أموت وفى نفسى شيئ حلفا..

التسفار لقطة بس - لكن اوع البر الاميركي تكون ضهاري امريكا كمان؟

Post: #343
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:42 AM
Parent: #342

ود جبريل

حبابك وشكرا على المرور

عزو

Quote: ياخي الغنى الأشتر ده كرهني فتح البوست ده..

أرحمونــا ياخ!!!!!

انت مسنوح ولا شنو ؟ دا احلى غناء بيكون بقيت ما بتسمع الا شاكيرا ونانسي عجرم - المدنية ملت خشمك طين خلاص

Post: #344
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:46 AM
Parent: #343

اميرة السيد

الف مرحب بيك والف شكر

Quote: ستامفورد .. ولاية كونتيكات.. الاقامة الدائمة
ومكان العمل والاقامة المؤقتة في مدينة نيويورك

بس اوع تكوني من ضهاري السودان لنيو يورك دي سي ؟

Post: #345
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:48 AM
Parent: #344

ابو بكر قسومة

Quote: عوووووك يا ناس البندر والضهاري,,ود شيقوق بيعتذر ليكم وبيقول ليكم هو بيصادف مشاكل في الدخول للانترنت حاليا,,وسيسعي جاهدا لحل هذه المعضلة سريعا والعودة اليكم....

كتر خيرك ما قصرت طب لكن شربوتك مش مشمم وبس ، شربوتك لقيتو الشي ذااااااااااااتو .

قال شربوت قال !!

Post: #346
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 05:54 AM
Parent: #345

منى التوم

Quote: المسنوح معليش.الجاتك في نتك سامحتك

كتر خيرك وكتر خير بوستي دا اللماك في بت اللمين - خصمتك بالله شيلي ليها معاك في مخلاية نبق ولالوب وغضيم وهي فالحة ما بترجع ليك المخلاية فاضية بتترسها ليك ساردين ومارتدلا .

Post: #347
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 06:06 AM
Parent: #346

عمدتنا ود المشرف

Quote: مسكتنى هوشة العموديه التى خلعها علينا العمده ودشيقوق ..
فقلتا اتفنن فى الخط وأتماهى فى التداعيات كعمده خطير جدا ..

هههههههههها نصبناك لدورتين اخريتين اقدل واتماهى زى ما يعجبك

Quote: استرعى انتباهى -كعمده - حديث سعادة السفير منان عن أثر الريف السودانى فى تليين قساوة الخرطوم بالاشعار النديه ..
"من جناين الشاطى ولى زهور الروض
حيي زهره روما"
الى آخر ذلك الكلام الفاره الخمجان ..
وتساءلت
ترى لماذا لم يكتبوا مثل ذاك هناك قبلم ( قبلهم )
اقصى شمال خط البندر؟!.

لا لا لا يا عمدة سعادة السفير صدق بالحيل - ناس الخرطوم كانوا كلهم نقادة اتراك وارمن وهنود وكدا وانشغالهم بلم المال وحاجات تانية حامياني صرفتهم عن التفكر في جنائن الشاطى الثمحة دي .

Post: #348
Title: Re: من هم اولاد البندر في سودانيز اونلاين؟
Author: Asma Abdel Halim
Date: 12-03-2010, 07:22 AM
Parent: #347

سؤال يا الطيب
ما هو الفرق بين ود البندر والحنكوش

Post: #349
Title: Re: من هم اولاد البندر في سودانيز اونلاين؟
Author: Amany Elamin
Date: 12-03-2010, 07:27 AM
Parent: #347

جمعه مباركه لناس الخرطوم (البندراب) والبيحبو البندراب :)

مني التوم تسلمي, وبرضو ما وصلتني رساله منك !!
عايني, في محل الاسم أكتبي النك نيم بتاعي كتابه ما تعملي كوبي بيست, واتأكدي انه مافي اسبييس قبل الاسم,,

جمعتك مباركه,..

Post: #350
Title: Re: من هم اولاد البندر في سودانيز اونلاين؟
Author: Amany Elamin
Date: 12-03-2010, 07:30 AM
Parent: #349

لحن الجمعه: يللا نقوم نتوجه الخرطوم عاصمتنا ,,

أغنية أهل العوض وسكان الضهاري المفضّله

Post: #351
Title: Re: من هم اولاد البندر في سودانيز اونلاين؟
Author: Mannan
Date: 12-03-2010, 07:59 AM
Parent: #347

ناس البندر سرقوناوسرقوا لغتنا وخلونا نبرطم بلغة قريش يا شقاشق (على وزن نقانق) وليس (شباشب) على قول الحلمنتيشى بروفيسور جاغوم بن بلاع رحمه الله عن سيد بشبش: (بس خازوق الناس تتلخبط * مرة تقول لسيادتك شبشب) وطبعاالإقليمى لمان يجى البندر لازم يصاب بصدمة حضارية ويرجع لأهلو فى الإجازة ويحكى لأصحابو عن عجايب البندر(ومما جينا للخرتوم *** أكلنا المنقة والأنناس *** وخليناهو كد الدوم)...ويتأفف من القمشة ويخرج من جيب جلابية التترون المكوية علبة بنسون ويقدم السجائر لأصحابه قائلا: شمو نكهة التبغ الفيرجينى اول !!! لا ينافسه إلا الروثمان!!! ويحكى لهم عن الكاوبويات والمارلبورو ومارلين مونرو و هولى وود (وينطقها هولى يود) وبعد ايام تراه تحول لشامبيون ثم البرنجى وأخيرا يتحول الى القمشة ثم يتحول الى بالتمباك قريب نهاية الإجازة ويوم السف للبندر يودع اصحابو ويقول ليهم: والله اشتقناللخرتوم و للبنسون... مصائب البندر بارتنا حتى بعد تضخمها وازدياد حواريها من امبدات وكلاكلات وصحافات وثورات واختلط حابل ناس الأقاليم بنابل ناس البندر وانتقل الإقليم للبندر وصاروا جيرانا مثل الديم والعمارات:
بين الديوم والإمتداد
شارع زلط للعين يبين
لكنو وناس المطافى ما حصلوهمفى الحق موهو شارع
ديا آلاف السنين

عندما يعبر ود الديم الأغبش شارع الزلط ويختف الإيسكريم من حنكوشة العمارات الذى يقول لأمه ان الغنماية ختفت الإيسكريم ... ويعرف الراعى بأنه الزول البفسح الغنم وان المك نمر عمل بارتى لاسماعيل باشا وأثناء ما الديسكو شغال ولع فيهم النار وتخيل ناس المطافى ما حصلوهم فانقرضوا كلهم...
شقى يا ود شيقوق... فتحت باب اكبر من بوابة عبدالقيوم وبالمناسبة عبدالقيوم دة منو الخاوتننا بيهو ناس امدر... ناس كوستاوى وود المرتضى ومن لف لفهم...

نورالدين منان

Post: #352
Title: Re: من هم اولاد البندر في سودانيز اونلاين؟
Author: ابوبكر قسومة
Date: 12-03-2010, 08:32 AM
Parent: #345

Quote:
لكن شربوتك مش مشمم وبس ، شربوتك لقيتو الشي ذااااااااااااتو .

بيقولوا عليهو معتق معتق موش مشمم,,فضحتنا مع البندراب ديل ياخ.

Post: #353
Title: Re: من هم اولاد البندر في سودانيز اونلاين؟
Author: حيدر امين
Date: 12-03-2010, 12:13 PM
Parent: #352

حسع انا اسمى ما لقيتو

من باكر بنلغى ليك تصريح الاقامه فى الخرطوم والعاصمة المثلثه

شوف ليك درب تانى للضهارى بتاعتك ديك

Post: #354
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-03-2010, 02:47 PM
Parent: #353

أولاد البندر وأولاد الضهاري

وقوفا من اليمين إلى اليسار:

1- محمد الطيب محمد السعيد المحامي
2- محمد المرتضى حامد المحامي
3- نادر سعد أبو العلا المحامي
4- الطيب شيقوق المستشارالقانوني
5- دالي رحمة الله الحبوب المحامي

أسفل الصورة ملك الضهاري

حيدر عبدالله أبوشنقره المحامي

هييييع، يمين تاني الكلام معاكم إلا عن طريق سكرتيرتي،

Post: #355
Title: Re: من هم اولاد البندر في سودانيز اونلاين؟
Author: عبدالفتاح أبوشيمة
Date: 12-03-2010, 03:15 PM
Parent: #354

سعادة المستشار

كفارة للنتــــنتـــــة الجاتك

اكتب عندك من دون بغم

ودالصايم دة شايلو بي إيدي في بندر الجن

دا

وعلى الرغم من كدا طالع شين خلاص

ما شاء الله بوستيك

حيشتغل طواب

بختك

Post: #356
Title: Re: من هم اولاد البندر في سودانيز اونلاين؟
Author: Abdlaziz Eisa
Date: 12-03-2010, 03:21 PM
Parent: #355

Post: #357
Title: Re: من هم اولاد البندر في سودانيز اونلاين؟
Author: Asma Abdel Halim
Date: 12-03-2010, 03:57 PM
Parent: #356

سجمي سجمي! مرتضى الصلعة شنو؟
عيني باردة نادر سعد يمشي صغير ما بمشي كبير ياهو ده ود البندر اللى يوم الليلة ما شاف جدادة حية.
وده دالي ولدنا؟

Post: #358
Title: Re: من هم اولاد البندر في سودانيز اونلاين؟
Author: محمد المرتضى حامد
Date: 12-03-2010, 07:13 PM
Parent: #357

Quote: سجمي سجمي! مرتضى الصلعة شنو؟
عيني باردة نادر سعد يمشي صغير ما بمشي كبير ياهو ده ود البندر اللى يوم الليلة ما شاف جدادة حية.
وده دالي ولدنا؟

أستاذتي العزيزة د. أسماء،
تتذكري في موضه حلاقه طلعت زمان إسمها كارل لويس بيحلقوا فيها الشعر بالجوانب ؟
أها هسه هنا في موضه مدوّره ليها زمن بيحلقوا فيها الشعر من فوق ويرسلوه بالجوانب
الموضه إسمها قلف ستايل متخصص فيها حلاق إسمو الزمن ، وانا طبعا مع الموضه

طبعا نادر لازم يكون ماشي أسغر ، عيني عليهو بارده ،
جانا من لندن إجازه وهذه المرة بدعوة من الحكومة العمانية بمناسبة إحتفالات السلطنة
بالعيد الوطني الأربعين.

سبحان الله الطيب شيقوق زاتو ماشي أسغر بس ( بالَقلَبَه)،
أما حيدر فكما ترين ، سغير وجاهل ، أصلو ما بيكبر ، تقول قاعد في تيرمِس.
نعم ، ياهو دالي ، أجارك الله الأيام دي متبني تسريحه إسمها إنشتاين زي ما شايفه،
إنشتاين .. وماسك في أنا ما بقطف زهورك بعاين..
قبل فتره كان دايمن بيغني رائعة إبراهيم عوض (المصير) تلاقيهو في المحكمة يدندن:
تاني ما تقول انتهينا،

الصوره اللي فوق دي في بيت حيدر أبو شنقره في غداء جمع أيضا عزيزنا يوسف أبكر وأحمد هاشم،
والله بس كان ناقصا قاضي ومتحري.

طبعا المتهم شيقوق.

Post: #359
Title: Re: من هم اولاد البندر في سودانيز اونلاين؟
Author: mona altom
Date: 12-03-2010, 10:26 PM
Parent: #358

اماني سلام سوف اعمل بالوصيه بعد شويه

المسنوح الموسم بتاع ام كمبش وستيب عليك امان الله املي ليها المخلايا تب
اه انت لزوم البندره داير اي نوع من العطور البارسيه علشان تستوفى الشروط اصلي ناويه انزل البلد قريب لكن ليك امان تسليم الهديه علا في الضهره مافي مرسال بوسته او بندر

Post: #360
Title: Re: من هم اولاد البندر في سودانيز اونلاين؟
Author: اميرة السيد
Date: 12-03-2010, 11:11 PM
Parent: #359

Quote: ود البندر اللى يوم الليلة ما شاف جدادة حية.

<<<<<<<<<<<<<<<<<<<<<<
أظن ده أحسن وصف لاولاد البندر.. عشان اولاد البندر ما بشوفو إلا الجدادة المشوية والجاهزة.. وما عندهم حيشان بيربو ا فيها الجداد الحي

Post: #361
Title: Re: من هم اولاد البندر في سودانيز اونلاين؟
Author: محمد المرتضى حامد
Date: 12-03-2010, 11:17 PM
Parent: #359

سعادة السفير نورالدين منان،
السلام يا روح البدن،
زولك العريبي دا جاب لي الكلام في صمّة خشمي،
رغم أني من مواليد المسالمه لكنني أكثر المتداخلين هنا (ضهاري) ساي،
والله يا سعادتك عشت سنين عددا في مواقع لا يعرفها ودشيقوق المسنوح ولا قوقل إيرث،
هسه قول ليهو التبون وكجوريا والضعين وتنقلاني وابيي المجلد بابنوسه ودعشانا تندلتي النهود ودالسيد الشرق
القضارف صقع الجمل ودبنده الخوي مركب غبيش وغيرهم ديل شافهم؟
لم أذكر له المدن الكبيرة لأنها أقام بها كثير من الأعضاء وهي معروفة لكن ، والحمد لله ، لم أترك مدينة لم
أزرها من حدودنا الشرقية إلى الغربية ومن الشمالية حتى الرنك..
زولك دا شاف الدندر وسنار ويكيل في الإتهامات من عيار بندر و السعودي وما تجود به قريحته من موليتا،
لكن ، والحق يقال ، أهلكم ناس حضاره ، عشنا معهم وكانوا قمة في الرقي رغم مقاطع الرطانة،
قال لي أستاذي الراحل أبوبكر أبو الريش الذي تدربت على يده ويد أستاذتي د. أسماء،
قال لي إنه لم يقع حادث قتل واد في وادي حلفا، أها في تحضر أكتر من كدا؟
تعال شوف ناس هييييع ديل ،
يسلِّموا عليك والسكين في الضراع،
دي حاله دي !!

Post: #362
Title: Re: من هم اولاد البندر في سودانيز اونلاين؟
Author: Asma Abdel Halim
Date: 12-03-2010, 11:49 PM
Parent: #361

Quote: تتذكري في موضه حلاقه طلعت زمان إسمها كارل لويس بيحلقوا فيها الشعر بالجوانب ؟

مرتضى!
يطرشني نوع الحلاقة دي عندنا اسمها دودار الشيخ حامد أب عصا:(

هي انا ما نسيت الطيب يعلم الله صغير وجاهل انامن ال vocabulary حقته كنت قايلاه من زمن Tannenbaum

Post: #363
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-04-2010, 06:00 AM
Parent: #362

عفوا يا اخوانا لدى مشكلة فنية ولم استطع الدخول الى النت - محاولاتي جارية لاصلاح العطب

كتر خير واحد هندي جيت فيه بالصدفة قلت ليهو (كان آي شك ماى ايميل؟) لولح راسو قال بليس بليس - المسكين صدق واخوكم طوالي اتلهم سودانيز عشان يبل شوقو وكتبت ليكم هذا الاعتذار .

ساعود اليكم فردا فردا وشكرا اخي المرتضى (ابو أكرم) على تغيير صورة البروفايل واخراجها بصورة تلامس اطراف وجاهة ناس البندر .

Post: #364
Title: Re: من هم اولاد البندر في سودانيز اونلاين؟
Author: mona altom
Date: 12-04-2010, 08:29 PM
Parent: #363

لعلك طيب

ساعود اليكم فردا فردا وشكرا اخي المرتضى (ابو أكرم) على تغيير صورة البروفايل واخراجها بصورة تلامس اطراف وجاهة ناس البندر .

ياداب فهمت سر صحبتك مع مولانا ود المرتضى قلت لي دى كلو عشان تتحصل علي لقب البندر

ليك كلمه من ناس الضهاري اسمعها واعيها ان العيش لفه وجا الطاحونه مانا مدينو وش

افهما ذي ماعايز

Post: #365
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:03 AM
Parent: #364

يا الله بسم الله نبدأ

الاستاذة اسماء

Quote: ما هو الفرق بين ود البندر والحنكوش

السؤال مهم ومنتج جدا لا سيما لناس الضهاري الذين غالبا ما يخلطون بين المفردتين

قبل ان يفكر السودانيون في الاغتراب وعندما كان اولاد البندر منغنغين ومبسوطين كانوا يسمون بالحناكيش - بمعني ادق المفردة كانت تستعمل Interchangeably ولكن بعد تفشي ظاهرة اولاد وبنات الشهادة العربية صار لقب حنكوش يطلق على هولاء فقط .

Post: #366
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:16 AM
Parent: #365

سيدي منان

Quote: (ومما جينا للخرتوم *** أكلنا المنقة والأنناس *** وخليناهو كد الدوم)

ههههههههها بالله انتو عندكم كد الدوم ؟ بالله يا اخوانا اتفرجوا الضهاري ذاتها خشم بيوت هم عندهم كد الدوم ونحن عندنا كعكول الطلح وعود الطلح يا سيدي . نملك من الموارد الضهارية ما تسيل اليه لعابات ( جمع لعاب - كدا صاح ؟ ) سكان الابراج العالية الذي طوروا اداوت الاستعمال لمواردنا الطلحية . فما عادوا في حاجة الى المحافير والكواريق والتربات وانما عندهم مجرد لمسة على زر كهربائي تخلي الدخاخين تعكل في السماء ونامن صفارة ناس البندر تكورك من غملة الدخاخين .

Post: #367
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:20 AM
Parent: #366

قسومة

Quote: بيقولوا عليهو معتق معتق موش مشمم,,فضحتنا مع البندراب ديل ياخ.

يا سجم ناس البندر طوروا المصطلحات تاني معتق ومشمم دي ما بحبوها - كان عايز يحبوك قول ليهم.... This is none-alcoholic

Post: #368
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:23 AM
Parent: #367

حيدر ود اللمين

Quote: حسع انا اسمى ما لقيتو

من باكر بنلغى ليك تصريح الاقامه فى الخرطوم والعاصمة المثلثه

شوف ليك درب تانى للضهارى بتاعتك ديك

يا اخي انت ما قريت اماني بت اللمين كاتبة شنو ؟

قالت المحس ناس بري وتوتي هم اساس البندرية

هسع جاى ناطي تشاكل بدون تقرأ يا مسنوح

Post: #377
Title: Re: من هم اولاد البندر في سودانيز اونلاين؟
Author: Mannan
Date: 12-05-2010, 07:44 PM
Parent: #361

سعادة المستشار ود المرتضى مستشار الزمن الجميل
وقبل ان ينقلب المستشار الى منشار ينجر فى جسد الوطن وفى زمن السقوط المدوى لحضارة ام در فى أيدى التتار... وقضوا على الحضر والمدر والبندر وحط جراد الإنقاذ على سنابل البندر .. فتساقطت اوراقه كأوراق الخريف ... وبدأت هجرة عصافير الخريف... بل هروب العصافير... فقد هجم الرخم وبغاث الطير على جثة البندر... قد نقرأ نعيه فى العاشر من يناير القادم على صفحات وجوهنا... اليوم يخرج يودع البندر ابناءه ويرحل الى اودية الغربة ليرعى مع غنم ابليس... فلا خليل ولا جليس ... وابكى يا مغروم... فلن تجد مكانا تقدل فيه يا مولاى حافى حالق ... فقد اختفى الترام والإحترام من أزقة البندر ... لا حول و لا قوة إلا بالله وبالبندر...
اين شبابك يا بندر؟؟؟
شبابك تشابك كثير الزحام
أراهم وراهم غبار الحياة

وصديقنا ود شيقوق يسعى الى خلق بندر اسفيرى لا لون ولا طعم ولا رائحة للوطن فيه... بندر خال من الريفيرا ولسان طلعت والسبكى ومحطة مكى وقهوة الزيبق وابوالعباس والعشرة الكرام... رحل البندر مع وصول الأمويين الجدد ورعاة الشاة الى بندر الخرطوم ... جاؤوا من بيوت الجالوص وانتهى بهم الأمر الى قصور الروم فى كافورى والمنشية وجزيرة النخيل ...
اتذكر إذ لحافك جلد شاة *** وإذ نعلاك من جلد البعير
فسبحان الذى أعطاك ملكا *** وعلمك الجلوس على السرير

وتقول لى بندر يا شيقو؟؟

نورالدين منان

Post: #369
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:25 AM
Parent: #355

Quote: كفارة للنتــــنتـــــة الجاتك

ابو شيمة

انتو في الكلاكلة بتسموها هيك؟

Post: #370
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:32 AM
Parent: #369

عزو

شكرا على الفيديو بس ما شغال عندي

المرتضى

Quote: سبحان الله الطيب شيقوق زاتو ماشي أسغر بس ( بالَقلَبَه)،
أما حيدر فكما ترين ، سغير وجاهل ، أصلو ما بيكبر ، تقول قاعد في تيرمِس.
نعم ، ياهو دالي ، أجارك الله الأيام دي متبني تسريحه إسمها إنشتاين زي ما شايفه،
إنشتاين .. وماسك في أنا ما بقطف زهورك بعاين..
قبل فتره كان دايمن بيغني رائعة إبراهيم عوض (المصير) تلاقيهو في المحكمة يدندن:
تاني ما تقول انتهينا،

الله يجازي محنك قلت حيدر تقول قاعد وين؟ هههههههههههههههها

صحيح يا اسماء المرتضى مش مصلع وانما هي الحلاقة العصرية التي يطلق عليها اصطلاحا القلف استايل

Post: #371
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:36 AM
Parent: #370

منى بت خالي التوم

Quote: المسنوح الموسم بتاع ام كمبش وستيب عليك امان الله املي ليها المخلايا تب

هههههههههههها بالغتي عديل - والله انت استحقيتي عمودية الضهراب كوووولهم

فعلا موسم الستيب يا منى الميع متروس موية الستيب ورتابو مطبطب ثممممممح في الموية

بس بت اللمين ما بتعرف تشدو ليك في النار علا تجيبيهو ليها منجض ومستوى .

Post: #372
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:40 AM
Parent: #371

اميرة السيد

بيتنا نور وكلو زينة

Quote: أظن ده أحسن وصف لاولاد البندر.. عشان اولاد البندر ما بشوفو إلا الجدادة المشوية والجاهزة.. وما عندهم حيشان بيربو ا فيها الجداد الحي

صحيح - والله اسماء بت عبد الحليم ما سبقها زول على الوصف دا - دي اتوبيا البندرية مش حناكيش مضغ كصب السكر والتسالي في بوابات الكلوزيوم

Post: #373
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:43 AM
Parent: #372

Quote: تعال شوف ناس هييييع ديل ،
يسلِّموا عليك والسكين في الضراع،
دي حاله دي !!

هههههههههههههههههههههها والله انت مسنوح نامن غلط

يا اخي ناس منان ديل جابوهم لينا في حلفا الجديدة - تلقى الواحد الليل كلو بترصد من الرعد والبروق

Post: #374
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-05-2010, 04:48 AM
Parent: #373

Quote: هي انا ما نسيت الطيب يعلم الله صغير وجاهل انامن ال vocabulary حقته كنت قايلاه من زمن Tannenbaum

اتصلت فيني ام عبد الله قالت لي البنية الكتبت الكلام دى منى بنهرة كمان ؟

قلت ليها لا لا يا ام عبد الله ما تخافي دى اخت فولي كومتيد وفلي استابلشد.

لقيتيني كيف؟

Post: #376
Title: Re: من هم اولاد البندر في سودانيز اونلاين؟
Author: mona altom
Date: 12-05-2010, 07:01 PM
Parent: #374

salam

ود شيقوق عمودية غيرك ما ليها طعم وان في زول عشمان فيها نحن نسوان الضهاري والله علا يسبقنا جري ناس عكاكيز ساي

اه انرجع لموضوع بت المين قلت لي مابتعرف شغاليتنا دي خلاص ان نجيب ليها عجور اصفر (ام ليبينه) ولا رايك شنو يا ود الخال

Post: #378
Title: Re: من هم اولاد البندر في سودانيز اونلاين؟
Author: معاوية المدير
Date: 12-06-2010, 00:14 AM
Parent: #376

Quote: زمااان جدى بابكر المشرف الله يرحمو كان ما بياكل بسطرمه الا من محلات الخواجه بنايوتى فى المحطه الوسطى

كدي النوقع لك الكلآم يا ود المشرّف،
اولاً بالتبادي، الصرمة دي بيلبسوها، ما بياكلوها،
وبعدين بيشتروها من دكان باتا، ما من بُكانك القلتو
ده، وعندنا في البلد بتمشي توقي كراعك لابكدوك،
بيواسي عليها وينجرلك قدرا بالضبط. بعدين هي
زاتا شِدة ما قوية، عندنا في البلد هناك البقرة
ما بتقدر تمدُغا...

Post: #379
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-06-2010, 03:13 AM
Parent: #378

اولا الف سلامه للعمده ودشيقوق ..
وثالثا يا معاويه المدير ..
الباسطرمه بتاعت جدى خلها آ زول .. رايك شنو فى ( الشيفروليت ) بتاعت جد ابوى ؟!
من باتا برضو ؟!
ود شيقوق ده عندو نظره ثاقبه جدا خلتو يخلع علينا العموديه ..
والكلام ده ما ساى ..
وهو شرف لن يحوزه غيري فى هذا المكان رغم محاولات أمانى الامين المستميته ..
ورغم تكأكأك المريب على آثاري منقبا عن فطور .. فارجع - يا هداك الله - البصر فينا كرتين
ينقلب اليك باذخا وهو جميل

تحياتى يا معاويه
ولو ما تشابهت على البوستات الف مبروك الزواج .. وبالرفاء والبنين

Post: #380
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-06-2010, 05:41 AM
Parent: #379

احد اهم واجباتنا الوظيفيه تصحيح المفاهيم الخاطئه والمتصوره عن المدنيين فى خيالات اولاد الريف حينما تداعبهم الامانى المرهقه قبل نومهم والى حين قيامهم المرهق من نوم لا نوم فيه من اثر البعوض والحشرات والضبان الصباحى الكبير واحلام البنات الفارهات ..

وليسمح لى اخى ودشيقوق ان اجزم أن الحناكيش طبقيا هم أعلى بكثير من مجرد شهاده عربيه, فى الواقع كونك شهاده عربيه يقدح كثيرا فى انتماءك لطبقة الحناكيش ..

والجدير بالذكر ان الحناكيش ليسوا بطبقه تتراتب بالمقدره الماليه.. فاغنى اغنياء السودان من اولاد الريف لن يستطيع ادخال اولاده فى زمرة الحناكيش يا هداكم الله .. فالحنكشه سلوك وتربيه وآداب وثقافه, وهذه اشياء لا تشتري ..

واحد ابوه سفير وامو سفيره وجدو سفير كما واحد الاصدقاء بالتأكيد حيطلع حنكوش بما لا يقارن ب ود ود فلان ولا ود ود الحته الفلانيه مما امتلأت بهم المدينه كراهة .. واحده بسيطه جدا جدها كان باشا ولا سير ولا موظف كبير فى الخدمه المدنيه وبيتو فى العمارات وابوها كان فى هندسه لمن امها كانت فى طب الخرطوم .. دى حنكوشه عن جداره واقتدار ولن تستطيع بت الملياردير الضهرابي فلان رئيس النادى الفلانى ان تبزها فى الحنكشه ابدا ..

ده براهو وده براهو يا ود شيقوق .. وبينهما برزخ لا يلتقيان .. ولا نتحدث عن ادعاءات الحضاره وانما عن الحضاره نفسها ان جاز التعبير ..

كان الناس فى المين روود فى التسعينات يميزون بسهوله بالغه بين الحناكيش والمتطفلين عليهم من ابناء الشهادات العربيه واغنياء الزمن الغلط ..

هذا ما لزمنا التنويه اليه

محمد المشرف
" عمدة المناطق المحرره ثقافيا فى البندر .. والمناطق غير المحرره ايضا |

Post: #381
Title: Re: من هم اولاد البندر في سودانيز اونلاين؟
Author: وليد عبد اللطيف
Date: 12-06-2010, 06:45 AM
Parent: #380

Quote: محمد المشرف
" عمدة المناطق المحرره ثقافيا فى البندر .. والمناطق غير المحرره ايضا |

ياعمدة
حتى في امدرمان يعتبرون اولاد امدرمان القديمة وتقسيمتها هم اولاد البندر
واما التوسعة التي حصلت بسبب السيول والمجاعات ديل مابحسبوهم مع اولاد البندر
رايك شنو ياعمدة ومثلها في الخرطوم وبحري

Post: #382
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-06-2010, 06:57 AM
Parent: #380

سلام يا ود شيقوق

ما زلنا متابعين

ود المشرف

عمدتنا ورئيس حركة تحرير الخرطوم - دا الكلام، جاهزين

Post: #383
Title: Re: من هم اولاد البندر في سودانيز اونلاين؟
Author: الطيب رحمه قريمان
Date: 12-06-2010, 06:59 AM
Parent: #382

Re: من هم اولاد الهامش في سودانيز اونلاين؟

Post: #386
Title: Re: من هم اولاد البندر في سودانيز اونلاين؟
Author: Mannan
Date: 12-06-2010, 07:32 AM
Parent: #383

موضة الحنكشة (ناس حنكوشة ناس حنتوشة فاكين الشعور منفوشة) أظهرها جهابذة حلمنتيش فى مطلع سبعينات القرن الماضى (بالله بقينا فجأة من القرن الماضى) يا شيقوق وصارت الحنكشة موضة قديمة بعد ان غزا اوباش الأقاليم والضهارى البندر وضاقوا الآيسكريم واللكوم والكتوف اتلاحقت واستطاع حنكوش الضهارى ان يقلد الحنكوش الأصلى ويتفوق عليه خاصة وأن بعض حناكيش الضهارى استطاعوا ان يغزو البندر وينافسوا اهل مكة... وفى هذا يقول جاغوم:
وأحبها وتحبنى * ويحب شنطتها كتابى
وأطرحها وتجمعنى * وعشانها أترك صحابى
ونخلط بعضنا خلطا شديدا * فأنسى جوة جزمتها شرابى
حنكوش الضهارى يمكن ان ينسى بنطلونه وليس شرابه فقط...
حتى الراحل متوكل (إسكافى الجامعة) كان لا يرضى ان يناديه الطلبة بالنقلتى ويقول للبلومات انه إسكافى وليس نقلتى... ود البندر إسكافى وود الضهارى نقلتى وفى رواية اخرى صرماتى...
يا ربى نحن بقينا اولاد بندر بعد عشرين سنة مرمطة فى امريكا ام ان لعنة الضهارى مازالت تطاردنا...
كان صديقنا المتغوبش الخلوى يفتخر بأنه من اولاد الضهارى:
أنا المتغوبش القمصانو شاش
أنا الدرش العلم درشا دراش
انا الفلسان تملى وخالى كاش
انا الطالب الدخل للجامعة داش
والبلومات بحبن النوع الحمش دة لأنو كبكابة وجرسة...
خليناكم بعافية يا بنادرة..

نورالدين منان

Post: #384
Title: Re: من هم اولاد البندر في سودانيز اونلاين؟
Author: Amany Elamin
Date: 12-06-2010, 07:18 AM
Parent: #380

ود شيقوق حمد الله علي السلامه وماتشوف شر إنشاء الله ,,

العزيزه مني التوم,,
والله كلامك لذيذ بشكل, اتخيلت ليك منظر العكاكيز هههههه

Quote: اه انرجع لموضوع بت المين قلت لي مابتعرف شغاليتنا دي خلاص ان نجيب ليها عجور اصفر (ام ليبينه) ولا رايك شنو يا ود الخال

عايني, انتو الحاجات العايزين تجيبوها لي دي الزول بيعمل بيها شنو مثلا؟
يعني ديكور في البيت وللا بيستحمو بيها ولا بيستخدموها في شنو بالضبط؟

Post: #385
Title: Re: من هم اولاد البندر في سودانيز اونلاين؟
Author: Amany Elamin
Date: 12-06-2010, 07:26 AM
Parent: #384

عمدة التحرير,,
Quote: ود شيقوق ده عندو نظره ثاقبه جدا خلتو يخلع علينا العموديه ..
والكلام ده ما ساى ..
وهو شرف لن يحوزه غيري فى هذا المكان رغم محاولات أمانى الامين المستميته ..

ده كلام؟
عايز تشمّت فينا ناس الضهاري اَاَاَ ود المشرّف, (دايرهم) يقولو متشاكلين (فوق) العموديه؟
(حرّم) العموديه (هيلتك) (قطع شك),
Quote: احد اهم واجباتنا الوظيفيه تصحيح المفاهيم الخاطئه والمتصوره عن المدنيين فى خيالات اولاد الريف

حقيت اللسم يا العمده الأرباب,,
مداخلتك التانيه دي عجبتني (بالحيل)
أنا الزمن ده كلو قايله روحي (بت بندر) ساي,
(إلّا) بعد تصنيفتك الأخير ده طلعت كمان حنكوشه أبا عن جد لووووووووول
انت قايلنا العموديه دي أديناك ليها من هين؟
ما عشان تصنيفاتك الدقيقه دي,
Quote: والجدير بالذكر ان الحناكيش ليسوا بطبقه تتراتب بالمقدره الماليه.. فاغنى اغنياء السودان من اولاد الريف لن يستطيع ادخال اولاده فى زمرة الحناكيش يا هداكم الله .. فالحنكشه سلوك وتربيه وآداب وثقافه, وهذه اشياء لا تشتري ..

من أوّل البوست (فترت) أقول (لي) ود شيقوق, القصه ما قروش وراحات,
المعيار بنعرفو نحن ناس الخرطوم ديل برانا,
جيت يا عمده وقعتها ليهو (تب)*

* تعبت لووووول كلام ناس الضهاري ده عنيف بشكل

Post: #387
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 07:40 AM
Parent: #379

بت التوم

Quote: ود شيقوق عمودية غيرك ما ليها طعم وان في زول عشمان فيها نحن نسوان الضهاري والله علا يسبقنا جري ناس عكاكيز ساي

هلا هلا هلا ود المشرف البنية عارفاكم ما ناس فزع طب - لكن ليك على بحاول اوريها انو ناس البندر ديل يدهم لاحقة تكنولوجيا مش سكاكينيا ولا عكازيا - الواحد بالرموت كنترول ساى بلحق العدو امات طه .

Post: #388
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 08:05 AM
Parent: #387

Quote: احد اهم واجباتنا الوظيفيه تصحيح المفاهيم الخاطئه والمتصوره عن المدنيين فى خيالات اولاد الريف حينما تداعبهم الامانى المرهقه قبل نومهم والى حين قيامهم المرهق من نوم لا نوم فيه من اثر البعوض والحشرات والضبان الصباحى الكبير واحلام البنات الفارهات ..

وليسمح لى اخى ودشيقوق ان اجزم أن الحناكيش طبقيا هم أعلى بكثير من مجرد شهاده عربيه, فى الواقع كونك شهاده عربيه يقدح كثيرا فى انتماءك لطبقة الحناكيش ..

والجدير بالذكر ان الحناكيش ليسوا بطبقه تتراتب بالمقدره الماليه.. فاغنى اغنياء السودان من اولاد الريف لن يستطيع ادخال اولاده فى زمرة الحناكيش يا هداكم الله .. فالحنكشه سلوك وتربيه وآداب وثقافه, وهذه اشياء لا تشتري ..

واحد ابوه سفير وامو سفيره وجدو سفير كما واحد الاصدقاء بالتأكيد حيطلع حنكوش بما لا يقارن ب ود ود فلان ولا ود ود الحته الفلانيه مما امتلأت بهم المدينه كراهة .. واحده بسيطه جدا جدها كان باشا ولا سير ولا موظف كبير فى الخدمه المدنيه وبيتو فى العمارات وابوها كان فى هندسه لمن امها كانت فى طب الخرطوم .. دى حنكوشه عن جداره واقتدار ولن تستطيع بت الملياردير الضهرابي فلان رئيس النادى الفلانى ان تبزها فى الحنكشه ابدا ..

ده براهو وده براهو يا ود شيقوق .. وبينهما برزخ لا يلتقيان .. ولا نتحدث عن ادعاءات الحضاره وانما عن الحضاره نفسها ان جاز التعبير ..

كان الناس فى المين روود فى التسعينات يميزون بسهوله بالغه بين الحناكيش والمتطفلين عليهم من ابناء الشهادات العربيه واغنياء الزمن الغلط ..

هذا ما لزمنا التنويه اليه

محمد المشرف
" عمدة المناطق المحرره ثقافيا فى البندر .. والمناطق غير المحرره ايضا |

عاش العمدة عاش العمدة عاش العمدة

Quote: فى الواقع كونك شهاده عربيه يقدح كثيرا فى انتماءك لطبقة الحناكيش ..

دعني اضيف يا عمدة - في تقديري تصنيف فلان او علان من حيث كونه حنكوش او خلافه is a question of facts and circumstances بمعنى ان الظروف والبيئة التي ترعرعت فيها هي التي تجعل منك حنكوشا او زولا تلب ( بكسر التاء واللام ) او عشاء بايتات . فالولد الذكر وسط عشرة شقيقات ربما يكون حنكوشا فيما اذا انصب اهتمام شقيقاته العشرة لتدليله وتدليعه ولا يقدح في ذلك كونه من الضهاري او سهول البطانة او من البطاحين او الشكرية .

نواصل

نواصل

Post: #389
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-06-2010, 08:19 AM
Parent: #388

Quote: . فالولد الذكر وسط عشرة شقيقات ربما يكون حنكوشا فيما اذا انصب اهتمام شقيقاته العشرة لتدليله وتدليعه ولا يقدح في ذلك كونه من الضهاري او سهول البطانة او من البطاحين او الشكرية

No يا ود شيقوق

فالحنكشة ما عندها علاقة بالدلع

الحنكوش هو ذلك الشاب الذي يفضل ان لا يركب المواصلات للمسافات القصيرة نسبيا ويفضل السير
وان كانت في حر السودان الفظيع داك، تحسبا لالتقاط احد الامراض المستعصية في زحمة الدفار او الباص

الحنكوش لا يشرب في السوق الا ما علته غطاء بقول (طق) عند فتحهيعني بيبسي او كولا

Post: #393
Title: Re: من هم اولاد البندر في سودانيز اونلاين؟
Author: معاوية المدير
Date: 12-06-2010, 08:38 AM
Parent: #389

Quote:
اولا الف سلامه للعمده ودشيقوق ..
وثالثا يا معاويه المدير ..
الباسطرمه بتاعت جدى خلها آ زول .. رايك شنو فى ( الشيفروليت ) بتاعت جد ابوى ؟!
من باتا برضو ؟!
ود شيقوق ده عندو نظره ثاقبه جدا خلتو يخلع علينا العموديه ..
والكلام ده ما ساى ..
وهو شرف لن يحوزه غيري فى هذا المكان رغم محاولات أمانى الامين المستميته ..
ورغم تكأكأك المريب على آثاري منقبا عن فطور .. فارجع - يا هداك الله - البصر فينا كرتين
ينقلب اليك باذخا وهو جميل
تحياتى يا معاويه
ولو ما تشابهت على البوستات الف مبروك الزواج .. وبالرفاء والبنين

العمدة ود العُمد ود المشرّف، سلآم.
ليك ولي زمآنك، ود شيقوق ده ما عمدة، الزول ده ود ملوك، وفي الحِسبة
ود اعماً لي.
البين قوسين دي قدُر ما وديت وجبتَ فيها ماعرفلها صايب!!! أفصح يا هداك الله.
لم تتشابه عليك البوستات، إنما تشابه عليك البقر. رفاء شنو، وبنين شنو؟؟؟
وطي ضوتك ما تسمعك أُم الوِليدات تجي خافسة فوقنا. العريس وكيل، وانا
مدير.
الحنكوش ربما تجرحه الورقة، والأغبش يلزمك تحفر ضهر إيدو عشان
تصل الجِلِد. ده برضو مِعيار...

Post: #390
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 08:25 AM
Parent: #388

منان

Quote: أنا المتغوبش القمصانو شاش
أنا الدرش العلم درشا دراش
انا الفلسان تملى وخالى كاش
انا الطالب الدخل للجامعة داش

هههههههههها والله بالغت فيها - يا اخي كتلني بضحكة

تعرف دكتور منصور يوسف العجب ممثلة دائرة الدندر في البرمان ايام ديموقراطية ابريل

والله يا سعادتك اصلو ما فارك للجرادة نار - كان بتحكّر وسط اولاد البندر في البرمان وبيحلف ليهم مليون طلاق ويروح يتغنى بالدندر قائلا :-
الدندر صعيد كعب البزمو ..لالوبا كثير نبقا تخمو ..كاعكولا كبير ينسى الجاهل امو..

Post: #391
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 08:28 AM
Parent: #390

اماني

Quote: عايني, انتو الحاجات العايزين تجيبوها لي دي الزول بيعمل بيها شنو مثلا؟
يعني ديكور في البيت وللا بيستحمو بيها ولا بيستخدموها في شنو بالضبط؟

قولي ليها جيبي لي كعكول وعنكوليب ديل الحاجات السمحات عندنا وبيعملن نظافة للكلي

Post: #392
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 08:34 AM
Parent: #391

ابن عوف

والله انت مسنوح مالك عايز تجرد الناس ديل من الكلام السمح

اماني

Quote: المعيار بنعرفو نحن ناس الخرطوم ديل برانا,
جيت يا عمده وقعتها ليهو (تب)*

قوليهو لينا - نحن فتحنا البوست عشان نعرف المعايير دي يا مسنوحة

Quote: * تعبت لووووول كلام ناس الضهاري ده عنيف بشكل

ههههههههههها ضحكتيني يا بت البنادر واله مسنوووووحة نامن غلط

Post: #394
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-06-2010, 09:25 AM
Parent: #392

ود المدير

Quote: الحنكوش ربما تجرحه الورقة، والأغبش يلزمك تحفر ضهر إيدو عشان
تصل الجِلِد. ده برضو مِعيار...

الحنكوش يا ود المدير اخوى بقدر يورق الخدرة؟

Post: #395
Title: Re: من هم اولاد البندر في سودانيز اونلاين؟
Author: محمد يوسف الزين
Date: 12-06-2010, 02:05 PM
Parent: #394

ياخ الغنية الفي الصفحة الرابعة دي شديدة شدة!

------------------

أي واحد كان بحشو ليهو جبنة مضفرة وزيتون في الابتدائي يرفع يدو
وأي زول جدو كان بوصلو المدرسة بالمرسدس يرفع يدو

قال خليفة بتاع الدكان كتب في الضلفة "علب تونة"! لووووووووول

شيقوق رجل حاقد، بوستيك لوري بيدفورد

Post: #396
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-06-2010, 02:24 PM
Parent: #394

أمانى الامين ..

يا عزيزتى الفهم المغلوط للحنكشه يتنزل من ذاكره خياليه مضغوطه بالهزيمه المسبقه أمام هذه الطبقه .. أصحاب هذه الذاكره المهزومه يلجأون الى الخيال كمتسع يتنفسون فيه قليلا بحريه قبل اشتغال خيالاتهم ببناء خطوط دفاع وهميه ومصدات ذاتيه من ضغيان حضور وتفوق الآخر المختلف ثقافيا والخالى من البداوه وغلظة الطبع الانسانى ..

محمد المشرف
عمدة الخرطوم المحرره بإذن الله ..

Post: #397
Title: Re: من هم اولاد البندر في سودانيز اونلاين؟
Author: عبدالمجيد المقابل
Date: 12-06-2010, 02:47 PM
Parent: #396

العمدة ود المشرف حبابك
بعض التصنيفات البندرية
1- شهادة ميلاد ( يا حبذا لو كانت مستخرجة من الدايات)
2- التعليم القبل المدرسي روضة ( ما خلوة)
3-الإحتفاء سنويا" بعيد الميلاد

أنا و صاحبي الكاشف(شيقا) قرينا في الخلوة ومن مواليد 1 يناير , و عيد ميلادنا بحتفل بيهو كل السودان( عيد الإستقلال)
يا عمدة لكم بندركم ولنا دندرنا.

Post: #398
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-06-2010, 03:16 PM
Parent: #397

وليد يا صديقى ..

Quote: ياعمدة
حتى في امدرمان يعتبرون اولاد امدرمان القديمة وتقسيمتها هم اولاد البندر
واما التوسعة التي حصلت بسبب السيول والمجاعات ديل مابحسبوهم مع اولاد البندر
رايك شنو ياعمدة ومثلها في الخرطوم وبحري

امدرمان وضعها مميز جدا يا وليد ..
فهى كانت ولا تزال القريه الكبيره المجاوره للبندر, وهى مما اختصت امدرمان به ويفسر الكثير عن حضورها الضاغى كواسطة عقد للمدن السودانيه جميعها..
سياتيك الكثيرون هنا يتحدثون عن مزايا انسان الريف السودانى
وسياتى الكثيرون ليحدثوك عن السلوك المتمدن لاهل البندر
ميزة الامدرمانى سهولة تموضعو بسهوله فى الاثنين ..

امدرمان اصلا حدها مقابر احمد شرفى شمالا والاحفاد غربا .. ابعد من كده ما عندى فكره

محمد المشرف
عمدة الخرطوم المحرره باذن الله ..

* التعديل لاضافة التوقيع

Post: #399
Title: Re: من هم اولاد البندر في سودانيز اونلاين؟
Author: حيدر امين
Date: 12-06-2010, 09:48 PM
Parent: #398

وطيب أكان قالوا ليك البندر لمن قسموه ادوه لناس برى وتوتى بالاول

مالك على ود الارباب و ود قسومه ,,, ما ديل البندر زاتو بزاتو

بينى وبينك البوست مشى سريع وما قادر الحق,,,

Post: #400
Title: Re: من هم اولاد البندر في سودانيز اونلاين؟
Author: معاوية المدير
Date: 12-06-2010, 10:40 PM
Parent: #399

Quote: الحنكوش يا ود المدير اخوى بقدر يورق الخدرة؟

ههههههههههههه،
والله بيقدر يورّك فوق الخباب؟
علي اليمين يا ود شيقوق، زولك العمدة ده امسّكو
حوضين اللآت بامية يلقطن، إلآ يمرق جسمو
كُلوا بٌقاق من الشرا، ويقعد ينكرش لآمن يتعورن...

Post: #401
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:01 AM
Parent: #400

محمد يوسف الزين

Quote:
عدد البوستات: 1068
تاريخ التسجيل: 08-02-2008
محل الاقامة: الخرطوم
: Not shown
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى: محمد يوسف الزين
التلفون: 0122030833
الجامعة/المعهد:
الحالة الاجتماعية: Married
العنوان الدائم: الخرطوم
الفنان المفضل:
اللون السياسى:
النوع: Male
الهوايات المفضلة:

الواحد تلقاهو ساكن في جبرة الباعوضتا تعضي نص النهار ويقوم يكتب في بروفايلو انا من الحرتوم هههههههههههههههها

يا اخي امسح الخرطوم دي من بروفايلك وخليك ود ضهاري زينا كدا - انت ذاتك ما محتاج لشهادة ومؤهلات تضمك لناس الضهاري - يكفيك اسمك ود الزين دا لانو دا اسم ناس البطانة وضهاري الدويم

Post: #402
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:07 AM
Parent: #400

Quote: يا عزيزتى الفهم المغلوط للحنكشه يتنزل من ذاكره خياليه مضغوطه بالهزيمه المسبقه أمام هذه الطبقه .. أصحاب هذه الذاكره المهزومه يلجأون الى الخيال كمتسع يتنفسون فيه قليلا بحريه قبل اشتغال خيالاتهم ببناء خطوط دفاع وهميه ومصدات ذاتيه من ضغيان حضور وتفوق الآخر المختلف ثقافيا والخالى من البداوه وغلظة الطبع الانسانى ..

والله مش عمدة انت حقو تكون صائب عريقات ذاتو

عمدة كتّاب وبرص الحكي رص

غلطة الله تكون ود بندر - اكان بقيت من ناس الضهاري اكان سجل اسمك بحروف من ذهب مع الحاردلو والشيخ محمد عوض الكريم القرشي وود الرضي - واكان هسه نظمت لينا قصيدة من شاكلة ( الطابق البوخة قام نداهو يهتف)

بتعرف الطابق البوخة يا عمدة ولا انتو ناس فلير دمور ساى ؟

Post: #477
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-18-2010, 11:01 AM
Parent: #402

يحكى أنه وطيء إعرابي رجل ود بندر في حافلة السجانة بالنص..
فقال ود البندر للإعرابي:
شيل كراعك من رجلي..
فقال الإعرابي: عليّ الطلاق ما أشيلها إلا أعرف شنو السوّا دي كراع ودي رجل!

المصدر

زيكو

Post: #403
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:14 AM
Parent: #400

بروف مجدي

Quote: أنا و صاحبي الكاشف(شيقا) قرينا في الخلوة ومن مواليد 1 يناير , و عيد ميلادنا بحتفل بيهو كل السودان( عيد الإستقلال)
يا عمدة لكم بندركم ولنا دندرنا.

هههههههههها ازيدك كمان يا بروف - وانا كل سنة امي بتشد ليها حلة بليلة عيش فتريتة و في شهر قصّير احتفاءا بعيد ميلادي

هسع يا المقابل لما قريت مع العمدة دا في البندر اداكم من البنادر نظرة ولا خمشلو حاجة من ضهارينا ؟

(خمشلو) يا عمدة تعني (خمش له)

Post: #404
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:18 AM
Parent: #400

ود اللمين

Quote: وطيب أكان قالوا ليك البندر لمن قسموه ادوه لناس برى وتوتى بالاول

مالك على ود الارباب و ود قسومه ,,, ما ديل البندر زاتو بزاتو

بينى وبينك البوست مشى سريع وما قادر الحق,,,

بس ناس بري وتوتي وقسومة والارباب بندراب قدام هم الان محتاجون لتصنفرة تعيد اليهم بريقهم ولمعانهم البندري

Post: #405
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:21 AM
Parent: #400

المدير

Quote: والله بيقدر يورّك فوق الخباب؟
علي اليمين يا ود شيقوق، زولك العمدة ده امسّكو
حوضين اللآت بامية يلقطن، إلآ يمرق جسمو
كُلوا بٌقاق من الشرا، ويقعد ينكرش لآمن يتعورن...

عليك النبي جرب اديهو سحبة في حمارك بدون لبدة

Post: #406
Title: Re: من هم اولاد البندر في سودانيز اونلاين؟
Author: عبدالعزيز حسين عبدالرحيم
Date: 12-07-2010, 05:24 AM
Parent: #405

المحترم الطيب شيقوق

غايتو كان قلت ليك أنا مولود وساكن في حلة عندنا عمود بتاع كهرباء مكتوب فيه 1912 بتصدق

Post: #407
Title: Re: من هم اولاد البندر في سودانيز اونلاين؟
Author: محمد حيدر المشرف
Date: 12-07-2010, 05:40 AM
Parent: #406

ود شيقوق ..

اعتقد ان " يا السايق الفيات " ممعنه أكثر فى واقعيتها المعاصره ..
وقريبه منى او أدنى قليلا من حبل الوريد ..
ليه ؟!
لانها ممكن تكون هبشت ذاكرة جد ابوي وهو يمتطى الفارهه بسواقها ونحو مزرعة ابيه مختار الشكيرى
والكائنه فى ذات موقع الهلتون الحالى ..
وتلك غير المزارع التى تمتد من معرض الخرطوم الحالى وحتى بري .. و ..
وموجودات أخرى تنتمى اليه ..
لعله استحضر آنذاك فرحة قيادته لتلك الشيفرلية الفارهه وغاية ما يحلمن البنات به مجرد فيات !!
فتبسم فى رضاء تام ..

" ربنا يرحمو "

Post: #408
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:42 AM
Parent: #406

المحترم ود الحسين

Quote: غايتو كان قلت ليك أنا مولود وساكن في حلة عندنا عمود بتاع كهرباء مكتوب فيه 1912 بتصدق

دا بكون سرقوهو اولاد ضهرتكم من خلاء البندر ساي - ات بتكون ما جائب خبر .

رجعوا العمود دا محلو بجيب ليكم الهواء

Post: #409
Title: Re: من هم اولاد البندر في سودانيز اونلاين؟
Author: عبدالعزيز حسين عبدالرحيم
Date: 12-07-2010, 06:00 AM
Parent: #408

Quote: دا بكون سرقوهو اولاد ضهرتكم من خلاء البندر ساي - ات بتكون ما جائب خبر .

أها لو قلت ليك الطيارة لمن تقوم بشوف قميص أخوي الأبيض وفنيلته الحمراء معلقين في الحبل لحظة الأقلاع
ولو طلعت في راس بيتنا بتشوف جامعة الخرطوم
ولو ركزت شوية باليل بتسمع أذان جامع السيد علي
اها لقيتني كيف

Post: #410
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 06:17 AM
Parent: #409

Quote: أها لو قلت ليك الطيارة لمن تقوم بشوف قميص أخوي الأبيض وفنيلته الحمراء معلقين في الحبل لحظة الأقلاع
ولو طلعت في راس بيتنا بتشوف جامعة الخرطوم
ولو ركزت شوية باليل بتسمع أذان جامع السيد علي

لا لا لا لحظة لحظة - بيتكم ملك ولا ايجار؟

حوشكم فيهو عربية قديمة شوفرليت مجدووووووعة ساى ؟

البيت فيهو فسحة زارعين فيها زهور وورود وكدا؟

انت بتقوم الصباح بالبجامة تمسك الخرطوش وترش الحديقة؟

قريت في كمبوني ولا مدارس كشا مشا ساى؟

الضيف البجيكم بدون مواعيد بتفتحوا ليهو؟

خدامتكم بتفرز صوت صفارة بتاع اللبن من صوت صفافير حكام الكورة؟

بتعرفوا اسم جاركم ؟

Quote: اها لقيتني كيف

ما تفاصح ساي - جاوب على الكلام الفوق دا عشان اوريك لقيتك كيف

Post: #412
Title: Re: من هم اولاد البندر في سودانيز اونلاين؟
Author: عبدالعزيز حسين عبدالرحيم
Date: 12-07-2010, 06:48 AM
Parent: #410

Quote: لا لا لا لحظة لحظة - بيتكم ملك ولا ايجار؟

حوشكم فيهو عربية قديمة شوفرليت مجدووووووعة ساى ؟

البيت فيهو فسحة زارعين فيها زهور وورود وكدا؟

انت بتقوم الصباح بالبجامة تمسك الخرطوش وترش الحديقة؟

قريت في كمبوني ولا مدارس كشا مشا ساى؟

الضيف البجيكم بدون مواعيد بتفتحوا ليهو؟

خدامتكم بتفرز صوت صفارة بتاع اللبن من صوت صفافير حكام الكورة؟

بتعرفوا اسم جاركم ؟

يازول كان كدي نمشي نقدم ورقنا بي هناك في بوست المهمشين كان نلقى لينا فرقة ، معاييرك قاسية زول ساكن نص الخرطوم وتطلعو ما ود بندر

Post: #418
Title: Re: من هم اولاد البندر في سودانيز اونلاين؟
Author: محمد الكامل عبد الحليم
Date: 12-07-2010, 08:08 AM
Parent: #410

تحية ...يا استاذ شيقوق اجدادنا كانوا يقيمون في الخرطوم عموم ونمرة اتنين...ولكم اسوة حسنة في اقربائي عمر عثمان واحمد بن عوف...رويدا رويدا انتقل الاجداد الي السجانة لتوطيد اركان الشايقية هناك...زمن كانت السجانة تسمي بسجانة دهب قبل الغزو الشايقي اليها وقبل اندياح الاهل الي الصحافات لزوم( الاهولية) بمعني التقارب...فلسفناهو مؤخرا بافكار الطبقة العاملة قبل اطلالة الفكر الجهوي البغيض...

ننوه الي عمارة عمنا ابنعوف سليمان في الخرطوم عموم حيث كانت احدي الملاذات الامنة لبني شايق...منها وعلي القرب المحطة الوسطي وافكار الطبقة الوسطي...ارتقاءا الي غوردون ميوزيك هول..وثقافة المجلس البريطاني..زوالحركة الكشفية..البلو نايل وفيلم لف استوري وسيدني بواتيه وما ادراك ما هو...وفي الليل الهادي يصدح الجيلاني الواثق وفرقة جاز النسر وجاز الديوم....والجمعة في الغابة حتي الليل اللمه جناح الطير...

وجئنا بنادي العلمين وجلاس والنسر وصاحبه جدنا ود الفضل مؤسس اتحاد الخرطوم مع عبد الرحيم شداد وعبد الحليم محمد وبقية العقد الفريد

لك الحب

Post: #411
Title: Re: من هم اولاد البندر في سودانيز اونلاين؟
Author: محمد المرتضى حامد
Date: 12-07-2010, 06:34 AM
Parent: #409

صورة تذكارية لعمدة الضهاري البي حالو ماهو داري الشيخ شيقا الخُداري
وبمعيته الدالي رحمة الله (حرس خاص من النيل الأبيض ) وبيمينه السيد نادر سعد أبو العلا ( مندوبا عن
عمدة عموم الخرطوم المحررة د. محمد المشرف) ، نعم نادر مندوبا للمشرف، فيها شنو يعني.
وأحمد هاشم مسئول المنطقة الإدارية بمدني السني ممثلا لمشروع الجزيرة ويا السني طمني.
هذه هي الصورة التي (تسببت) في نظم إحدى عيون الشعر الغنائي ( الجلابيه بيضا مكويه)
والتي تم تحويرها في حفلات البندر وحذف منها الشطر القائل (شيقا بسحروك ليا)
ننشر الصورة بعدالتصديق عليها من عمدة عموم الخرطوم المحررة ودالمشرف،
الصوره أُخذت بعد مفاوضات شاقة بين أهل البندر ووفد الضهاري والتي انتهت
بالتوقيع على بروتكول أهم بنوده سحب الغنم الهامله من الحدائق ومنع
تجول الضهارياب والضهبانين والسكاكين في ضرعاتم وتحديد ساعات دخول اللواري
إلى المناطق الراقية، مما يجدر ذكره أن النقطة الخلافية الأساسية تم تخطيها
بعد أن وافق الضهارياب على مقترح وسيط بأن يتم تعبئة التمباك لدى شركة يونيليفر
كشاي لبتون ليصبح تمباك باقز.

Post: #413
Title: Re: من هم اولاد البندر في سودانيز اونلاين؟
Author: omer osman
Date: 12-07-2010, 07:00 AM
Parent: #411

بوست ممتع حد المتعة ........

العمدة ودالمشرف ........

طلب عضوية :

مقدم الطلب مولود في نمرة 2 وقرأ في الروضة الحديثة والاتحاد الابتدائية

والخرطوم جنوب 1 والخرطوم الجديدة ..... كلية الشرطة بري

جدي من عمره 19 سنة عاش في الديم لمن الديم كان محل حديقة القرشي .......

اهاااا بتقبولنا معاكم انتو وولد ناس ابنعوف واماني الامين والا نكوس عقابنا لي وراء

نشوف جلاس بي وين ......

Post: #414
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-07-2010, 07:03 AM
Parent: #411

ود شيقوق صباحاتك
Quote: لا لا لا لحظة لحظة - بيتكم ملك ولا ايجار؟

ملك، وواحد من بيوتنا اسمه القصور، لانه كان الطابق التاني الوحيد بعد القصر الجمهوري
وحاصل على رخصة بناء رقم 2 في السودان

Quote: حوشكم فيهو عربية قديمة شوفرليت مجدووووووعة ساى ؟

انديد، جد امي ابراهيم سليمان نمره اتنين، وزوجته كانت بتتكلم فرنسي (اها دي خلى العمدة يقدر عليها)

Quote: البيت فيهو فسحة زارعين فيها زهور وورود وكدا؟

ايه الاسئلة البديهية دي
Quote: انت بتقوم الصباح بالبجامة تمسك الخرطوش وترش الحديقة؟

تقوم شنو وتمسك شنو، يا ود شيقوق
Quote: قريت في كمبوني ولا مدارس كشا مشا ساى؟

لمن رجعنا من لندن، وكنا ما بنعرف عربي اهلنا خافوا ودخلونا الكشة مشة مع اولاد النفيدي ومالك
Quote: الضيف البجيكم بدون مواعيد بتفتحوا ليهو؟

يا زول ضيوفنا ما بعملوا العملية دي زاتو
Quote: خدامتكم بتفرز صوت صفارة بتاع اللبن من صوت صفافير حكام الكورة؟

بتاع اللبن دا ما عرفناهو الا بعد تدهور الاوضاع في السبعبنات، العربية كانت بتوزعه في قزاز
مبستر وجاهز، تمسك تقرطع طوالي (تم استعمال كلمة تقرطع لزوم زوار البوست من الكواكب الاخرى)
Quote: بتعرفوا اسم جاركم ؟

every one knows every one

ابو جنزير، اتخارج، نحن الآن بصدد تحرير الخرطوم

Post: #415
Title: Re: من هم اولاد البندر في سودانيز اونلاين؟
Author: الطيب رحمه قريمان
Date: 12-07-2010, 07:18 AM
Parent: #414

ود المشرف و شيقا و جماعتهما

انتو خليكم مع سائق الفيات

و نحن بنركب الكركابة و بتدلى فى ام روابة ... ههههههههه

Quote:
ود شيقوق ..

اعتقد ان " يا السايق الفيات " ممعنه أكثر فى واقعيتها المعاصره ..
وقريبه منى او أدنى قليلا من حبل الوريد ..
ليه ؟!
لانها ممكن تكون هبشت ذاكرة جد ابوي وهو يمتطى الفارهه بسواقها ونحو مزرعة ابيه مختار الشكيرى
والكائنه فى ذات موقع الهلتون الحالى ..
وتلك غير المزارع التى تمتد من معرض الخرطوم الحالى وحتى بري .. و ..
وموجودات أخرى تنتمى اليه ..
لعله استحضر آنذاك فرحة قيادته لتلك الشيفرلية الفارهه وغاية ما يحلمن البنات به مجرد فيات !!
فتبسم فى رضاء تام ..

" ربنا يرحمو "

Post: #416
Title: Re: من هم اولاد البندر في سودانيز اونلاين؟
Author: omer osman
Date: 12-07-2010, 07:25 AM
Parent: #414

Quote: بتاع اللبن دا ما عرفناهو الا بعد تدهور الاوضاع في السبعبنات، العربية كانت بتوزعه في قزاز
مبستر وجاهز، تمسك تقرطع طوالي (تم استعمال كلمة تقرطع لزوم زوار البوست من الكواكب الاخرى)

لبن كافوري ..... كان عندهم عربات زي دي تقريباً .....

والركشة زمااان ما كانت مواصلات للناس كان بوزعوا بيها انابيب الغاز (شل) من طلمبة عمك حسن القاضي

في سوق نمرة 2 تضرب ليهم تلفون يجيبوا ليك الانبوبة لحدي البيت ويركبوها ويعملو ليها تيست كمان

Post: #417
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-07-2010, 07:38 AM
Parent: #416

اووووه قريبي عمر عثمان البندرابي المؤصل

احكي ليهم ياخي

Post: #419
Title: Re: من هم اولاد البندر في سودانيز اونلاين؟
Author: omer osman
Date: 12-07-2010, 08:22 AM
Parent: #417

Quote: اووووه قريبي عمر عثمان البندرابي المؤصل

احكي ليهم ياخي

سنة 97 مشيت ابوظبي .....

طلعنا من المطار غشينا طرمبة بنزين في السكة ...

الفلبيني جاء ينضف في القزاز بالفوطة الصفراء ديك .......

صاحبي قال لي في السودان في حاجة زي دي ؟

قلت ليهو ياخ انا أول مرة شفت حاجة زي دي كان في طرمبة نمرة وأنا في الابتدائي ...

قوم لف .... فوطة صفراء بتاعة فنيلتك ..

Post: #420
Title: Re: من هم اولاد البندر في سودانيز اونلاين؟
Author: فيصل محمد خليل
Date: 12-07-2010, 08:25 AM
Parent: #419

يا شيقا بتعرف على زرق كتال الكٍلاَب
دا كان بينيش الكلاب و الكومر ماشي والكَلِب جاري
كان معروف في المنطقة الما بين ترب
فاروق و محطة جحازي ويمكن في الخرطوم كلها

___
وبعدين تعال خطك مالو شين
في البوست دا

Post: #421
Title: Re: من هم اولاد البندر في سودانيز اونلاين؟
Author: معاوية المدير
Date: 12-07-2010, 08:33 AM
Parent: #420

Quote: عليك النبي جرب اديهو سحبة في حمارك بدون لبدة

جِنس حسآدةً عليك!!!
بتدور تسويلوا سلكة؟؟؟

Post: #423
Title: Re: من هم اولاد البندر في سودانيز اونلاين؟
Author: حسن طه محمد
Date: 12-07-2010, 08:40 AM
Parent: #420

ود شيقوق

وان تالب سغير

سنة 1969 ركبت تيارة ومشيت بيها مسر

اها ود بندر ولا لأ؟؟

ود الخليل

انا كنت معاك لكن لقيت اخوك شيقا صفحاته وصلت 5 في 5 ايام

انا معاه حتي ولو خطه شين

بس مع كدا انا معاك برضو في حلفا القديمة

اللي شفتها مرة واحدة قبل ما ابقي ود بندر واركب الطيارات

Post: #422
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 08:34 AM
Parent: #417

ياعمدتنا,,
كلامك ميه الميه, وياهو القلناهو لود شيقوق من أوّل صفحه في البوست:لما قال:
Quote: البندرية عند الرجل ان يكون كلامو زى الهمس بس وعند الحرمة فيهو لواكة للحروف مع استبعاد مفردات مثل ( أجي - وشكيتك على الله وكدا)

قلنا ليهو:
Quote: ما هو ده فهم ناس الضهاري, وعشان كده السودان كلو قلب كلامو وبقي (يلوك) في الحروف قايلين دي هي البندريه !

الناس دي ما قادره تفهم انه القصه ربّاني, :)

حكمة اليوم: قلبنت الكلام والحروف لا تجعل منك بندريا ولا حنكوشا,
انما هي الفطره يا رعاك الله

Post: #424
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 08:47 AM
Parent: #422

ود شيقوق مبسوطه منك خالص,

الصفحه الخامسه اَتت أوكُلها, ومعاييرك البندريه إبتدت تظبط

Post: #426
Title: Re: من هم اولاد البندر في سودانيز اونلاين؟
Author: عبدالعزيز حسين عبدالرحيم
Date: 12-07-2010, 09:13 AM
Parent: #424

برضو يا ود شيقوق معاك

Quote: لا لا لا لحظة لحظة - بيتكم ملك ولا ايجار؟

بيتنا ملك حر ودا بيتنا الجديد من سنة 60 والقديم عيييييييييك عييييييييييك

Quote: حوشكم فيهو عربية قديمة شوفرليت مجدووووووعة ساى ؟

والله جدنا كان عندو موسكوفيتش قديمة قبل سنوات احتاجو المساحة الكانت واقفه فيها اتخلصوا منها

Quote: البيت فيهو فسحة زارعين فيها زهور وورود وكدا؟

والله الروز كان بيورد ويزهر الريحان في البيت وكانت في شجرة جوافة ضخمة مثمرة وشجرة ليمونه كبيرة برضه مثمرة ونخلة من نخل المدينة وواحدة جابها لينا جارنا الشايقي وفي مساحة برضه مزروعة صباح الخير سياج جميل من شجر الحنه بس لظروف التعديل في البيت أضطرينا نلغي الحديقة دي

بس مازالت المهوقنية شامخة ودقن الباشا والنيمة والليمونة وشجرة قريب فروت

Quote: انت بتقوم الصباح بالبجامة تمسك الخرطوش وترش الحديقة؟

هو نحنا كنا بننوم عشان نقوم الصباح الصباح دا بننوم فيه يادوب

Quote: قريت في كمبوني ولا مدارس كشا مشا ساى؟

قريت سنة في الوسطى في الخرطوم الانجلية الجنب استاد الخرطوم
والثانوي قريت جمال عبدالناصر وبرضه قريت المقرن الثانوية وبعد دا فرعت دخلت الفرع ما لقيت اولاد الخرطوم مشيت جامعة اولاد البندر جامعة السودان ودي معروفة محجوزة لاولاد البندر

Quote: الضيف البجيكم بدون مواعيد بتفتحوا ليهو؟

رغم أنو نحنا ناس بندر بس الوالد عليه الرحمه كان شيخ بلد وفاتح بيته اليوم كله لكن بعد عنده مواعيد بقفل فيها البيبان

Quote: خدامتكم بتفرز صوت صفارة بتاع اللبن من صوت صفافير حكام الكورة؟

دي جليها وأنساها

Quote: بتعرفوا اسم جاركم ؟

جارنا قريبنا ؟

أها باصيت ولا الوضع كيف ؟

Post: #425
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-07-2010, 09:07 AM
Parent: #422

من العلامات الفارقة للبنرداب من الضهراب

الـ dress code ، اماني الامين بالله تولي قسم النساء القصة بقت صعبة خلاس

الرجال: ونبدأ بالبلدي العمة والجلابية (العمة عندك يا ود شيقوق ماشاء الله تبارك الله)

البندرابي لو ماشي مشوار ابعد من الدكان في الناصية (دا لو كان بمشي الدكان من اساساو)
لا يمكن ان يلبس جلابية من غير عمه، نوهاااائي
القفطان اختفى نوعا ما، لكن كان اساسي للكبار في السن قديما

الافرنجي: وما ادراك ما السوق الافرنجي، حلاقي كان هناك بالمناسبة والناس بتجي بالمواعيد التلفونية
وكده

البندرابي اذا لبس قميص كم طويل الا يشكه، المنظر بتاع قميص طويل ومزرر في الاكمام ولكن طالع
بي بره دا بعمل لينا وجع عيون ويتم التصنيف على اساسه، وان كان ولابد ان يخلي القميص
بي بره، بقوم يكفكف القميص طوالي.

البندرابي لا يستلف قميص او بنطلون حتى ولو من اخوه

الشبب ما مكن يكون هو والبنطلون في رجل واحدة، الشبط في احيان ممكن اعتمادا على المكان
الماشيه وفي اي ساعة.

الوان البنطالين غالبا ما بتكون plain ، اما الوان القمصان فعلى حسب الساعة في اليوم
في قمصان للصباح واخرى للعصريات وبتاعت الليل وما ادراك ما الخرطوم في الليل.

طلب خاص للضهراب العرفو سبيلا للبدلة الفو سووت، رجاءا رجاءا وجراءا ان تفكوا ال Tag
الفيهو الماركة بتاعت البدلة دي في الكم الشمال unbelieveable ياخي

Post: #427
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 09:24 AM
Parent: #425

ابن عوف كل سنه وانت طيب -السنه الهجريه- وكده :)

Quote:
من العلامات الفارقة للبنرداب من الضهراب

الـ dress code ، اماني الامين بالله تولي قسم النساء القصة بقت صعبة خلاس

لمست الوتر الحساس,
الموضوع ده أنا عندي فيهو صولات وجولات وبنظّر ليك في الجانب النسّائي والجانب الرجالي برضو :)

جاياك برواقه,,

Post: #428
Title: Re: من هم اولاد البندر في سودانيز اونلاين؟
Author: حيدر امين
Date: 12-07-2010, 09:57 AM
Parent: #427

Quote: طلب خاص للضهراب العرفو سبيلا للبدلة الفو سووت، رجاءا رجاءا وجراءا ان تفكوا ال Tag
الفيهو الماركة بتاعت البدلة دي في الكم الشمال unbelieveable ياخي

دى قويه ,,ود ابعوف الله يديك العافية
بالله شفت المنظر كيف والعجب فيها مذيعين وفنانين
بالله ديل كلهم من ناس يا (الله متين نشوف الخرطوم)؟؟؟

Post: #430
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 10:24 AM
Parent: #428

ع / العزيز ود حسين

Quote: يازول كان كدي نمشي نقدم ورقنا بي هناك في بوست المهمشين كان نلقى لينا فرقة ، معاييرك قاسية زول ساكن نص الخرطوم وتطلعو ما ود بندر

عيييييييك مالك جيت تتشوبر ؟ ات قايل البندرية دي باهلنا ساااااااي .

الواحد تلقاهو لابس سروال بتكة طويييييييلة وفيها كمان فراشات خضراء ويجي يقول ليك سجلني بندراوي !!

Post: #431
Title: Re: من هم اولاد البندر في سودانيز اونلاين؟
Author: محمد عبدالرحمن محمد
Date: 12-07-2010, 10:26 AM
Parent: #428

سلام شيخ البندراب شيقا؛
وسلام لكل المتبندرين..
نهدي لكم من [أرض المحنه]، [البندر الصحي صحي]!
ومهداة [ثرو] المرضى عنه [المرتضى] الى:
Quote: أحمد هاشم مسئول المنطقة الإدارية بمدني السني ممثلا لمشروع الجزيرة ويا السني طمني

ويا اخوانا شوفو [حِدَاكا] دي:

قولي يا حبيبي: شن بعمل وراكا
هل أحلم وامني في سرعة لقاكا
ولّا اسببا [مدني] واجي أسكن حِدَاكا
قولي يا حبيبي: أنا حيران معاكا!
؛
ياخ دا بندر أصيل ومتصالح حتى مع [ناس قريمان البيغادي ديك]!
.
.
[المطرطش]؛
(المرقوع بوسام البندر من الطبقه الممتازه -رغم إنو من قرية القرير- من قبل شيقا)!
____
ملحوظه: لا نامت أعين [فلان بتاع الشيفورليت] و[فلانه بتاعت الجولف]!!

Post: #429
Title: Re: من هم اولاد البندر في سودانيز اونلاين؟
Author: صديق الموج
Date: 12-07-2010, 10:05 AM
Parent: #427

Quote: شوف ناس الموج ناس البندر بحتو كيف
حت بى الطريقه الصاح

المسنوح سلام..
هاك النجيضة، كان ما قراية مجانى وحوش بكرى ده انت وناس هجو الاقلاع والمحرب ماكان بتلاقونا..
لاننا نحن قرينا بشنطة جلد وصندوق للسندوتش وزمزميتك براك
وانتو شنطتكم دلاقين وشربتو على طريقة حلوقك وكراع ابوك فى الجنه..
نحن قرينا روضة ولابسين يونفورم والقصد الشهرى جنيه كامل..
وانتو قريتو الخلوة ام قصدا بليله دى..
وكان مغالطنى اسالو العنبه او امانى الامين..
عمو الضهارى دى وين؟؟؟

Post: #432
Title: Re: من هم اولاد البندر في سودانيز اونلاين؟
Author: حسن طه محمد
Date: 12-07-2010, 10:26 AM
Parent: #429

Quote: هاك النجيضة، كان ما قراية مجانى وحوش بكرى ده انت وناس هجو الاقلاع والمحرب ماكان بتلاقونا

شيقا

اها جاك ود البندر الاصلي .... ود الموج

ود الموج بتفضل ياتو نوع من "الجبس"

Post: #433
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 10:36 AM
Parent: #429

محمد الكامل

Quote: اجدادنا كانوا يقيمون في الخرطوم عموم ونمرة اتنين...ولكم اسوة حسنة في اقربائي عمر عثمان واحمد بن عوف...رويدا رويدا انتقل الاجداد الي السجانة لتوطيد اركان الشايقية هناك...زمن كانت السجانة تسمي بسجانة دهب قبل الغزو الشايقي اليها وقبل اندياح الاهل الي الصحافات لزوم( الاهولية) بمعني التقارب...فلسفناهو مؤخرا بافكار الطبقة العاملة قبل اطلالة الفكر الجهوي البغيض...

بعد دراسة المعطيات التي تفضلتم بها تبين الى الاتي :-

واضح ان خط انتقال اهلك مباري لخط سكك حديد السودان من الخرطوم عموم الى السجانة يعني اهلك ديل رحالة فاما ان يكونوا سناجك بعض منهم يعمل في رفع وتنزيل التابلت للقطار او كمسنجية لتحصيل الفلوس من الركاب وفي تقديري اهلك ديل فارقوا البندرية فراق الطريفي لجملو . بتعرف الجمل ولا اشرح ليك ؟

Post: #435
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 11:04 AM
Parent: #433

المرتضى

Quote: الصوره أُخذت بعد مفاوضات شاقة بين أهل البندر ووفد الضهاري والتي انتهت
بالتوقيع على بروتكول أهم بنوده سحب الغنم الهامله من الحدائق ومنع
تجول الضهارياب والضهبانين والسكاكين في ضرعاتم وتحديد ساعات دخول اللواري
إلى المناطق الراقية، مما يجدر ذكره أن النقطة الخلافية الأساسية تم تخطيها
بعد أن وافق الضهارياب على مقترح وسيط بأن يتم تعبئة التمباك لدى شركة يونيليفر
كشاي لبتون ليصبح تمباك باقز.

شكيتكم على الله يا ناس البندر

الواحد تمشي معاهو محلات التسوق بعرف ليك اسماء الحاجات المعلقات في الرفوف جاااااات اتقول الواحد شارك في صناعتها .

الواحد يعزمك لوجبة في بيتو يجيب ليك حاجات ما تعرف منها الا الكسرة وسلطة الاسود.

وحاة الله يا ابن عوف اخوي انا هسع بكتب ليكم من مكتب مرتضى في مكتب خاص وفاره وكنت منهمك في الرد على المتداخلين فجأة المرتضى جاني من مكتبو قال لي تتغدى معاى اليوم قلت ليهو وين قال لا بعمل order من البيتزا . قلت ليهو كتر خيرك . المسنوح جاني راجع تاني قال لي دائر شنو من انواع البيتزا ؟ قلت ليهو افو هي البيتزا خشم بيوت ؟ قال لي ايون خشم بيوت وقام ذكر لي اسماء لانواع البيتزا حرم ما فهمت منها الحبة في النهاية قلت ليهو اخمش لي البيعجبك انت بس .

تقول لي ود حسين عايز يقول ود بندر ؟

اها يا اماني البندرية بقت أكل سمح ومشكل تعرف مفرداتو بالعربي والانجليزى مش بالنسب لجدك ادريس ود الارباب او جدك اب نعوف .

Post: #442
Title: Re: من هم اولاد البندر في سودانيز اونلاين؟
Author: محمد الكامل عبد الحليم
Date: 12-07-2010, 11:54 AM
Parent: #433

تحية....الرحلة بدأت يا ود شيقوق بعيد معركة كورتي عندما قالت جدتنا مهيرة ...يا الباشا الغشيم قول لي جدادك كر...تابطنا السيف والعكاز المسمي بالنبوت ولم ننسي المنجل(ليصبح بعد ذاك شعار الطبقة العاملة)..وقفنا بعد ذلك مع المك نمر وقفة رجل واحد لننداح مرؤة في بقية الاصقاع...وحين جئنا الي الخرتوم عموم كانت الخرطوم تتنفس هواء كرري...

ساهمنا في النضال الي حد...مالو اعياه النضال بدني..نزامل الخليل...ونتلفع معه الشرف الباذخ...

من صلب العمال الكادحين جئنا لنحضر بعد ذاك المؤتمر العام ونقرا الطليعة ونصبح طليعيون....ونحب الناس...

ننادي بالمحاورة وليس المدافرة....ونغني مع عثمان انا والنجم والمساء.....وحين نلوذ الي قصة الحبكانا...نستمع جهرا الي عركي...بخاف اسال عليك الناس...ومع مبارك بشير..يا نسمة يا جاية...

يستمر طلبنا لديك قيد التداول ....ولك الحب خاليا من ظنون السؤال...

Post: #434
Title: Re: من هم اولاد البندر في سودانيز اونلاين؟
Author: ندى عثمان حسن
Date: 12-07-2010, 10:40 AM
Parent: #429

سلامو لأستاذ شيقوق وكل المتداخلين

اولاد البندر (بقيادة العُمدة , أمانى وأحمد إبن عوف) , ومطايبة شديدة لعموم ناس الضهارى

ياأخوانا التصنيف بسكنة "الخرتوم" ولابـ attitude ناس البندر؟

لانو فى كتير من سكان المدن المترامية فى أطراف السودان , ممكن يقعدو ناس أمانى وأحمد والعمدة ويدرسوهم بدون أى كلام*, مثلاً سكان مدن زى الأبيض, مدنى, رفاعة , بورتسودان ودة على سبيل المثال لا الحصر

يعنى جيب ليك أى حاجاة كبيرة أو حاج كبيير من رفاعة " سيبك من الشباب" وأقعد معاهو , بتكونو جمبهم ياناس "الخرتوم" زى النزلكم القطر بتاع كبوشية .

___________________________
* أولاد البندر just kidding , أوكى؟
غايتو نحن Not classified, ناس مولودة فى الضهارى , لفينا السودان دة من أقصى الشمال لأخر نقطة فى جنوبو , بنرطن مع الهدندوة وبنعرف المِرس وأم جنقر, وبعد دة يجو يقولو ليك ياشهادة عربية؟

غايتو الا عربية اللبن.

Post: #436
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 11:15 AM
Parent: #434

الاخ عمر عثمان

Quote: مقدم الطلب مولود في نمرة 2 وقرأ في الروضة الحديثة والاتحاد الابتدائية

والخرطوم جنوب 1 والخرطوم الجديدة ..... كلية الشرطة

وين كمبوني يا سعادتك ؟ ات قايل العمدة بنظر في الطلب ساى؟

بعدين حقو تشطب الاتحاد الابتدائية دي لانها حتوديك لريرة والصفية وربما القدنبلية ذاتها .

Post: #437
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 11:22 AM
Parent: #436

ابن عوف المسنووووووووووح

Quote: مبستر وجاهز، تمسك تقرطع طوالي (تم استعمال كلمة تقرطع لزوم زوار البوست من الكواكب الاخرى)

ههههههههههههههها الله يغطسك كتلتني بضحكة يا مسنووح

قلت لزوم شنوووووووووو؟

حرم ناس الضهاري يسمعوا كلامك دا علا تمرقك الجابرة من هنا

Post: #438
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 11:23 AM
Parent: #434

ابن عوف نبدأ من حيث انتهيت,,
Quote: الرجال: ونبدأ بالبلدي العمة والجلابية (العمة عندك يا ود شيقوق ماشاء الله تبارك الله)
البندرابي لو ماشي مشوار ابعد من الدكان في الناصية (دا لو كان بمشي الدكان من اساساو)
لا يمكن ان يلبس جلابية من غير عمه، نوهاااائي
القفطان اختفى نوعا ما، لكن كان اساسي للكبار في السن قديما

نضيف انو البندرابي الأصلي حتي لو ماشي الدكان ما بمشي بدون طاقيه مع الجلابيه (نوهائي),
مما تلقي ليك واحد ماشي الدكان راسو كاشف أعرفو ضهاري ولا متبندر حديثا :)
البندراوي الأصيل برضو ما بيمرق من البيت بالعرّاقي إطلاقا,
لأنه العراقي يلبس داخل المنزل فقط و معاهو سروال طويل,

القفطان يا ابن عوف جدّي عليه رحمة الله ما كان بيمرق بدونه مطلقا, هسّي للأسف إندثر من ثقافتنا :(

موضوع السفنجه يا أهلنا, أول شئ البندراوي ما بيحوم حفيان داخل المنزل مطلقا,
لأنه وهو صغيّر* بيكون أهلو علمّوهو (بطرق سلميه أو غير سلميه) انه لبس الشبشب في البيت زي شراب المويه بديهيات ولاتستقيم بدونها الحياه

أها السفنجه دي حدّها باب الشارع, لو لقيت ليك بت لافحه توبها ومعاهو سفنجه وماشّه الدكّان,
طوالي أعرفها ضهاري باقتدار ودون منازع, (بنات البندر الحقيقيات ما بيمرقن بالسنفنجه وبيني وبينكم, ولابيمشوا الدكّان)..

حنواصل,,

*موضوع أطفال البندر ده بنجيهو برواقه لقدام ,,

Post: #439
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 11:33 AM
Parent: #438

قريمان

Quote: و نحن بنركب الكركابة و بتدلى فى ام روابة ... ههههههههه

امشي يا بتاع اللعوت والنبق والقضيم والكعكول

Post: #440
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 11:37 AM
Parent: #439

فاصل ونواصل

Post: #443
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 12:04 PM
Parent: #438

Quote: الافرنجي: وما ادراك ما السوق الافرنجي، حلاقي كان هناك بالمناسبة والناس بتجي بالمواعيد التلفونية
وكده

البندرابي اذا لبس قميص كم طويل الا يشكه، المنظر بتاع قميص طويل ومزرر في الاكمام ولكن طالع
بي بره دا بعمل لينا وجع عيون ويتم التصنيف على اساسه، وان كان ولابد ان يخلي القميص
بي بره، بقوم يكفكف القميص طوالي.
البندرابي لا يستلف قميص او بنطلون حتى ولو من اخوه
الشبب ما مكن يكون هو والبنطلون في رجل واحدة، الشبط في احيان ممكن اعتمادا على المكان
الماشيه وفي اي ساعة.
الوان البنطالين غالبا ما بتكون plain ، اما الوان القمصان فعلى حسب الساعة في اليوم
في قمصان للصباح واخرى للعصريات وبتاعت الليل وما ادراك ما الخرطوم في الليل.

أوافقك في مجمل ما ذكرت أعلاه,

وأضيف في زمننا ده الكاجوال يكسب,
المتشنه الأوفر (من Matching) ما حبابها أصلو*
الجينز وما أدراك ما الجينز, يكسب .. يكسب .. يكسب .. :)

عليه البندرابي الأصلي -في زمننا ده- يميل الي الكاجوال بالفطره .)
أقول الكاجوال وليس البشتنه,

البندرابي لا يلبس جزمه بدون شُراب مطلقا, إلّا لو استايلها كده,
والإهتمام بالجزمه أو الشبط أو الشبشب سمه أساسيه من سمات أهل البندر,

المناديل .. المناديل .. المناديل ..
البندرابي الأصلي جيبه لا يخلو من صندوق مناديل ورق** بتاتا ..
حتّي لو ما شّي الدكان ولّا قاعد جوّه بيتهم, أو في طبلون العربيه لو سايق ..

النسوّن* ديل بجيهم بمهله :)

---
* (تماشيا مع لغة الهامش)
** المنديل الزي البشكير داك ما تبعنا

Post: #441
Title: Re: من هم اولاد البندر في سودانيز اونلاين؟
Author: dalihabboub
Date: 12-07-2010, 11:48 AM
Parent: #411

والله آخر الزمن يا طيوبة نحن بقينا حرس ليك
والله نادر كان عارفك بتقول كدي كان خلا ملكة بريطانيا جات براها مسقط آزول إنت ماك نصيح أنا ود الحبوب حرس ليك انت شفت ليك جعلى اشتغل غفير قبال دا؟

أسه أنا هين الكلام أحمد هاشم البشيل حقو بإيدو أوعك تلاقيهو اليومين دى أنا خلاص مليتو من تالاك.

ويوسف أبكر الفي ضهر الصورة دا مالك نسيتو والله كان أحرشو عليك يقطع منك المصروف وحيدر العامل اللمة وجاب الشية والمرارة مالك كمان ناسيه أها تاني شوفو كان يعزمك يا عزابي وخليك مصاقر ود الضو لما تموتو بالجوع. أما مرتضى ومحمد الطيب فإنت عارفهم كويس ديل واحد فيهم بطردك من مسقط والتاني من البورد دا. شوف ليك غايتو.

كانت زيارة مولانا نادر فرصة غالية للتلاقي واستدعاء الماضي الجميل شكرا لمن جعل كل ذلك ممكنا
وشكرا ليك يا طيوبة يا حبيب الكل.

دالـــي

Post: #444
Title: Re: من هم اولاد البندر في سودانيز اونلاين؟
Author: dalihabboub
Date: 12-07-2010, 12:07 PM
Parent: #441

طيوبة قال الكلام دا كتبو مرتضى وكان كدي الواحد بسحب كلامو القبيل داك قبيل ما يقوم علينا الزول دا يطردنا من البورد والله بقت ليك عظمة يا طيوبة حتى مرتضى بقا يدوبي ليك يازول كان كدي اضرع ساكت وخلينا نحن بقميصنا البره دا وسفنجتنا والزارعنا غير الله اللي يجي يقلعنا. الكلام الأخير دا للبنية القطعت فوقي وأصلي ماني نشيط على البورد ووكت جابت لها كلامات برجع لي شغلي وأكل عيشي والبوردبخلي تب.

تحياتي لك وللعزيز مرتضى فأنت وهو وثلة من الآخرين هم من جعلوا من الاستمرار في محرقة الغربة محتملا.
لكما السلام والقيام ولجميع من شارك في البوست خالص الود والتقدير والإحترام.

دالـــــي

Post: #445
Title: Re: من هم اولاد البندر في سودانيز اونلاين؟
Author: Amany Elamin
Date: 12-07-2010, 12:28 PM
Parent: #444

يامولانا دالي,,
Quote: خلينا نحن بقميصنا البره دا وسفنجتنا والزارعنا غير الله اللي يجي يقلعنا. الكلام الأخير دا للبنية القطعت فوقي وأصلي ماني نشيط على البورد ووكت جابت لها كلامات برجع لي شغلي وأكل عيشي والبوردبخلي تب.

الزعل مرفوع يامولانا,,
نحن هنا أعلننا شعار "من غير زعل" شعار لحملة تحرير الخرطوم البيتولّي قيادتها عمدتنا ود المشرّف,
أيي كلمه ما تعجبك ردّها لينا طوالي, وأمسحها في وشّنا, :)

مالها السفنجه؟ نطلّعها موضه جديده طوالي, ونعمل حمله للذهاب الي العمل بالسفنجه ونعدد مزاياها لو جابت ليها زعل :)

تحياتي,,

Post: #446
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-07-2010, 12:53 PM
Parent: #445

سلام يا حيدر امين
Quote: دى قويه ,,ود ابعوف الله يديك العافية
بالله شفت المنظر كيف والعجب فيها مذيعين وفنانين
بالله ديل كلهم من ناس يا (الله متين نشوف الخرطوم)؟؟؟

انا حقيقة ما عارف، لكن الا يوجد مدير استديو في تلفزيوناتنا ومسارحنا؟؟
واحد بس تكون مهمته:
اول حاجة يفك المصيبة دي
بعدين يشوف ناس حذاء (الله يكرمكم) ما ملمع، قميص مكرفس، شعر منكوش ... الخ من بقية المناظر المؤذية

او كما قالت زوجتنا العزيزة*، على اي صاحب محل بدل في السودان ان يخلغ البتاعة
دي قبل ما يسلمها البلدة للزبون

* زوجتنا العزيزة - هكذا يستعلمها البندراب للاشارة لووووووول

Post: #447
Title: Re: من هم اولاد البندر في سودانيز اونلاين؟
Author: الطيب رحمه قريمان
Date: 12-07-2010, 01:39 PM
Parent: #446

Quote: الافرنجي: وما ادراك ما السوق الافرنجي، حلاقي كان هناك بالمناسبة والناس بتجي بالمواعيد التلفونية
وكده

بختكم يا جماعة الطيب شيقا

السوق الافرنجى و ما ادراك ما عارف شنو كده ....

قومو لفو.... بلا افرنجى معاكم

من هم اولاد الهامش في سودانيز اونلاين؟

Post: #448
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-07-2010, 05:28 PM
Parent: #447

يا اخوانا واخواتنا الضهراب عامة والبندراب خاصة

سلامي سلامي للمؤسسين والمؤسسات والاخوة والاخوات الضيوف/ات الكرام / كريمات

معذرة معذرة مواجه بمشكلة فنية متعلقة بالكونكشن في البيت وجاري العمل لاصلاحها .

واصلوا وقلبي معاكم

Post: #449
Title: Re: من هم اولاد البندر في سودانيز اونلاين؟
Author: معاوية المدير
Date: 12-07-2010, 05:37 PM
Parent: #448

Quote: هاك النجيضة، كان ما قراية مجانى وحوش بكرى ده انت وناس هجو الاقلاع والمحرب ماكان بتلاقونا..
لاننا نحن قرينا بشنطة جلد وصندوق للسندوتش وزمزميتك براك
وانتو شنطتكم دلاقين وشربتو على طريقة حلوقك وكراع ابوك فى الجنه..
نحن قرينا روضة ولابسين يونفورم والقصد الشهرى جنيه كامل..
وانتو قريتو الخلوة ام قصدا بليله دى..
وكان مغالطنى اسالو العنبه او امانى الامين..
عمو الضهارى دى وين؟؟؟

ههههههههههه، صديق الموج.
يا صديق الموج، وحات جدي عبد المعروف إنت إسمك ده ورد سهواً،
وزاااااااتا حكاية البندرية دي ما خايلة فوقك. دحين اخيرلك تبقى في
صفنا بنديك تشرب قبل جرس الفُسحة يضرب...
الضهاري جنب كافوري...

Post: #450
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-07-2010, 05:43 PM
Parent: #449

Quote: ههههههههههههههها الله يغطسك كتلتني بضحكة يا مسنووح

هههههههههه ربنا يجعل كل ايامك سعيدة يا ود شيقوق اخوي

Quote: قلت لزوم شنوووووووووو؟

حرم ناس الضهاري يسمعوا كلامك دا علا تمرقك الجابرة من هنا

انت ما كلموك يا ود شيقوق

البندراب اعمامنا واخوالنا قالوا لينا زمان في الخرطوم لو بُنيتك ما بترمي ما تدخل في شكلة

Post: #451
Title: Re: من هم اولاد البندر في سودانيز اونلاين؟
Author: mona altom
Date: 12-08-2010, 00:09 AM
Parent: #450

سلام ها ناس انشاء الله عافيه

بت اللمين الحا جات دي بطول العمر و بتفرج الهم اه شن قلتي

المسنوح ود الخال شيقوق انت هسع بجدك ولا بتدور تتونس ساي كدي

بالله ادينا الاكيده

Post: #452
Title: Re: من هم اولاد البندر في سودانيز اونلاين؟
Author: Osman Musa
Date: 12-08-2010, 02:22 AM
Parent: #451

ود شيقوق سلامات
عاين جاي يا الطيب .
سألوا خرطومي وأمدرماني وزول ضهاري .
عن أسرع شيء فى الدنيا .
زول الخرطوم قال أسرع شيء الضوء .
زول أمدرمان قال أسرع شيء التفكير .
زول الضهاري قال أسرع شيء الاسهال . لأنه لو جاك الاسهال لا تلحق تفتح الضوء
ولا تقدر تفكر ولا تطلق السروال زاتو .. هههههههها

Post: #453
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:11 AM
Parent: #452

محمد عبد الرحمن

Quote: سلام شيخ البندراب شيقا؛
وسلام لكل المتبندرين..
نهدي لكم من [أرض المحنه]، [البندر الصحي صحي]!
ومهداة [ثرو] المرضى عنه [المرتضى] الى:

شكرا شكرا شكرا من هنا لحدي الشكابة شاع الدين

Post: #454
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:15 AM
Parent: #453

ود الموج

Quote: هاك النجيضة، كان ما قراية مجانى وحوش بكرى ده انت وناس هجو الاقلاع والمحرب ماكان بتلاقونا..
لاننا نحن قرينا بشنطة جلد وصندوق للسندوتش وزمزميتك براك
وانتو شنطتكم دلاقين وشربتو على طريقة حلوقك وكراع ابوك فى الجنه..
نحن قرينا روضة ولابسين يونفورم والقصد الشهرى جنيه كامل..
وانتو قريتو الخلوة ام قصدا بليله دى..
وكان مغالطنى اسالو العنبه او امانى الامين..
عمو الضهارى دى وين؟؟؟

آآآآآآآي والله نحن ذاتنا كنا بنكون مبسوطين لما نشوفكم تمشوا الهوينا كما يمشي الوجي الوحل

تعال باري بجاى تاني يا مسنوووووووح عشان افطسك طب

ههههههههههههههههههههها

Post: #455
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:21 AM
Parent: #454

خالي حسن طه ود البوب

Quote: اها جاك ود البندر الاصلي .... ود الموج

ود الموج بتفضل ياتو نوع من "الجبس"

يا خال انا زمان ما كان بكيفني في السينما علا لما تجى لقطة هندية فيها ... ويقوموا الشفاتة يصفروا صووووووووووت

اها ود الموج دا بيكون مع الشفاتة البصفروا صووت ديل - يعني بيكون ود بندر تفتيحة

ولا كيف يا موجي؟

Post: #456
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:29 AM
Parent: #455

المستشار ود الكامل

Quote: تحية....الرحلة بدأت يا ود شيقوق بعيد معركة كورتي عندما قالت جدتنا مهيرة ...يا الباشا الغشيم قول لي جدادك كر...تابطنا السيف والعكاز المسمي بالنبوت ولم ننسي المنجل(ليصبح بعد ذاك شعار الطبقة العاملة)..وقفنا بعد ذلك مع المك نمر وقفة رجل واحد لننداح مرؤة في بقية الاصقاع...وحين جئنا الي الخرتوم عموم كانت الخرطوم تتنفس هواء كرري...

ساهمنا في النضال الي حد...مالو اعياه النضال بدني..نزامل الخليل...ونتلفع معه الشرف الباذخ...

من صلب العمال الكادحين جئنا لنحضر بعد ذاك المؤتمر العام ونقرا الطليعة ونصبح طليعيون....ونحب الناس...

ننادي بالمحاورة وليس المدافرة....ونغني مع عثمان انا والنجم والمساء.....وحين نلوذ الي قصة الحبكانا...نستمع جهرا الي عركي...بخاف اسال عليك الناس...ومع مبارك بشير..يا نسمة يا جاية...

وين العمدة المشرف ؟

تعال اقرأ النضم السلس وسمح دا شوف سيدو بيستحق التأهل الى البندرية .

أقرأ كلامو بس اوعاك تمشي تفتح بروفايلو عشان تعرف هو جاى من وين

اجعل المعايير على اساس الذوق الذوق الذوق ولا تأبه الى الانتماءات الجغرافية يا عمدتنا .

Post: #457
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:36 AM
Parent: #456

فيسل هليل

Quote: يا شيقا بتعرف على زرق كتال الكٍلاَب
دا كان بينيش الكلاب و الكومر ماشي والكَلِب جاري
كان معروف في المنطقة الما بين ترب
فاروق و محطة جحازي ويمكن في الخرطوم كلها

اوع تقول لي هو بندري؟
___
Quote: وبعدين تعال خطك مالو شين
في البوست دا

مسنوح ومتابع وتفتيحة - بالجد كلامك صاح والله انت مصيييييييبة - الكلام الثمح بلون الفريق الرياضي السعودي كتبو مرتضى عندما اوكلته للرد باسمي لحظة انقطاعي من النت فنيا .

Post: #458
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:50 AM
Parent: #457

ندى عثماااااان

كيفك يا اميرة ؟

Quote: ياأخوانا التصنيف بسكنة "الخرتوم" ولابـ attitude ناس البندر؟

لا يا ندى نحن بنحكي عن المعايير الموضوعية لتصنيف ما اذا كان زيد او زينب بندرابي/ية ام ضهارابي /ية

في تقديري البندرابية سلوك وليست انتماءا لهذه الجهة او تلك

Quote: لانو فى كتير من سكان المدن المترامية فى أطراف السودان , ممكن يقعدو ناس أمانى وأحمد والعمدة ويدرسوهم بدون أى كلام*, مثلاً سكان مدن زى الأبيض, مدنى, رفاعة , بورتسودان ودة على سبيل المثال لا الحصر

مسكتى الدرب كويس لكن فكيتيهو تاني يا ندى - يا ريت اكان قلت لينا في واحدين في تلك المدن . يعني اجعلي لينا المعيار Subjective وبس لانو زول الخرطوم قد يكون سجم رماد سلوكيا وزول الضهاري راقي وذواق زى اخونا محمد الكامل البيستمع لعثمان حسين وابو عركي وهيك .

Quote: يعنى جيب ليك أى حاجاة كبيرة أو حاج كبيير من رفاعة " سيبك من الشباب" وأقعد معاهو , بتكونو جمبهم ياناس "الخرتوم" زى النزلكم القطر بتاع كبوشية .

هههههههههههههههها احسن تلمي حكيك دا - والله تقبل عليك بندرية هسع تشهيك العافية

Quote: غايتو نحن Not classified, ناس مولودة فى الضهارى , لفينا السودان دة من أقصى الشمال لأخر نقطة فى جنوبو , بنرطن مع الهدندوة وبنعرف المِرس وأم جنقر, وبعد دة يجو يقولو ليك ياشهادة عربية؟

اى زول ما ضاق كوى ملابسو بالبراد او الكفتيرة ملانة موية حارة اصلا ما يقوم يتلصق ساى ويقول انا ضهارابي

Post: #459
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:55 AM
Parent: #458

معاوية

Quote: جِنس حسآدةً عليك!!!
بتدور تسويلوا سلكة؟؟؟

وكمان ما بيكون عارف فوائد مخلفات الحمير _ بقول علا يودوهو التمرجي يا مسنووووح

Post: #460
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 06:59 AM
Parent: #459

خالي ود البوب

Quote: وان تالب سغير

سنة 1969 ركبت تيارة ومشيت بيها مسر

اها ود بندر ولا لأ؟؟

والله انت مسكين بتكون رشوة عشان ينسوكم مرارات التهجير بس

ود الخليل

Quote: انا كنت معاك لكن لقيت اخوك شيقا صفحاته وصلت 5 في 5 ايام

انا معاه حتي ولو خطه شين

ههههههههههههههها عافي منك يا خال . لقيتك ضهرابي من النوع الضاق مكوة الملابس بالبراد والكفتيرة

Post: #461
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 07:13 AM
Parent: #460

دالي ود الحبوب

Quote: والله نادر كان عارفك بتقول كدي كان خلا ملكة بريطانيا جات براها مسقط آزول إنت ماك نصيح أنا ود الحبوب حرس ليك انت شفت ليك جعلى اشتغل غفير قبال دا؟

ووووووووووب الليلة كان سمعوك الجماعة بلحقوك امات طه - باقي لي انت طولت من المنبر دا ما عارف حاجة عن الجماعات المناهضة للعنصرية والقبلية في هذا المنتدى . اسرع اسرع اسحب جعوليتك دي من هنا .

بعدين انت علا حاقر بناس الضهاري ؟ الكلام البتقول فيهو دا كتبو ود المرتضى اها عندك راي في فنجرتو وبندريتو ؟

Quote: أسه أنا هين الكلام أحمد هاشم البشيل حقو بإيدو أوعك تلاقيهو اليومين دى أنا خلاص مليتو من تالاك.

انت بقيت شايل عطر منشمك وحايم بيهو يا مسنوح ؟

Quote: كانت زيارة مولانا نادر فرصة غالية للتلاقي واستدعاء الماضي الجميل شكرا لمن جعل كل ذلك ممكنا
وشكرا ليك يا طيوبة يا حبيب الكل.

والله حقيقة كانت فرصة نادرة تستحق ان يفرد لها بوست خاص نحكي فيه عن ايام الزمن الجميل يا دالي الجمهوري !!!!!

شكرا دولي شكرا دولي لقد سعدنا بمرورك ويا ريت لو تتني لينا عينك يا ضو القبيلة

Post: #462
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 07:23 AM
Parent: #461

منى بت خالي التوم

Quote: المسنوح ود الخال شيقوق انت هسع بجدك ولا بتدور تتونس ساي كدي

بالله ادينا الاكيده

انا سكنت في الضهاري وترعرعت في الضهاري وكويت ملابسي بالكفتيرة والبراد في الضهاري علا علا علا في النهاية اقتنعت تماما ان الضهاري دي شقاوة وعذاب ساى ، وسبتها اتكاملت البنادر وخلعت قميص الضهاري ودرعت الجينز والقميص التي شيرت والسجائر البنسون والقعدة امام ضل بيتي بالكرسي في العصريات وهاك يا ام عبد الله مرة ثيرمس شاى ومرة ثيرمس موية حارة جنبها علبة النسكافي والسكرية وبعد داك نومة هادئة ولطيفة لا ###### ينبح في راسى ولا عتود يجى ينطط في هبابي ولا حمير يتساككن جنبي .

Post: #463
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 07:26 AM
Parent: #462

عثمان ود موسى ود الضهاري

يا اخي وينك وشنو الحرب يا اخي ؟

Quote: عاين جاي يا الطيب .
سألوا خرطومي وأمدرماني وزول ضهاري .
عن أسرع شيء فى الدنيا .
زول الخرطوم قال أسرع شيء الضوء .
زول أمدرمان قال أسرع شيء التفكير .
زول الضهاري قال أسرع شيء الاسهال . لأنه لو جاك الاسهال لا تلحق تفتح الضوء
ولا تقدر تفكر ولا تطلق السروال زاتو
..

الله يجازي محنك بقيت زى ود المنسي وفتو في السناحة

Post: #464
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 07:37 AM
Parent: #463

اماني - امينة سر مكتب العمدة المشرف

Quote: نحن هنا أعلننا شعار "من غير زعل" شعار لحملة تحرير الخرطوم البيتولّي قيادتها عمدتنا ود المشرّف,
أيي كلمه ما تعجبك ردّها لينا طوالي, وأمسحها في وشّنا, :)

وحاة النبي انت بندرية وسفيرة النوايا الحسنة والصلاة الطيبة كوووووولها - بالحيل كلامك عجبني

الدالي دا كان ربنا قسم ليك معاهو قعدة بكتلك بالضحك - نحن هنا مسمنو ريحانة الضهراب

Quote: مالها السفنجه؟ نطلّعها موضه جديده طوالي, ونعمل حمله للذهاب الي العمل بالسفنجه ونعدد مزاياها لو جابت ليها زعل :)

شكيتك على الله انت البتشركي وتحاحي

تعالي يا بت التوم اشرحي للبندرية دى شنو تشرك وتحاحي .

Post: #465
Title: Re: من هم اولاد البندر في سودانيز اونلاين؟
Author: عبدالفتاح أبوشيمة
Date: 12-08-2010, 08:55 AM
Parent: #464

سلام أهل الضهاري

العاملين زي أهل البراري

يا ما يا دنيا جاري فيك اللي جاري

آخر الزمن بقيت من أهل المدن يا ضهاري

واحسارنا الليلة وا حساري

طبعاً أنا ما بعترف إلا بالبراري

وحلة حمد والرميلة والقوز

أما الباقي كله جديد في جديد

وين يا سعادة المستشار؟

بالله عندك مظهر زي دا داسيه

مننا بعد لقب العمدة أوعك تقلع العمّة دي تاني

ثمح؟

وما بنمشي لي ناس ما تجونا

في القلعة...

Post: #466
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-08-2010, 03:10 PM
Parent: #465

Quote: طبعاً أنا ما بعترف إلا بالبراري

وحلة حمد والرميلة والقوز

أما الباقي كله جديد في جديد

وناس الشقيلاب الساكنين بوراء الكشكة رايك فيهم شنو يا شيمة ؟

Post: #467
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-09-2010, 05:42 AM
Parent: #466

وين عمدتنا؟

Post: #468
Title: Re: من هم اولاد البندر في سودانيز اونلاين؟
Author: حيدر امين
Date: 12-09-2010, 09:24 PM
Parent: #467

Quote: نا سكنت في الضهاري وترعرعت في الضهاري وكويت ملابسي بالكفتيرة والبراد في الضهاري علا علا علا في النهاية اقتنعت تماما ان الضهاري دي شقاوة وعذاب ساى ، وسبتها اتكاملت البنادر وخلعت قميص الضهاري ودرعت الجينز والقميص التي شيرت والسجائر البنسون والقعدة امام ضل بيتي بالكرسي في العصريات وهاك يا ام عبد الله مرة ثيرمس شاى ومرة ثيرمس موية حارة جنبها علبة النسكافي والسكرية وبعد داك نومة هادئة ولطيفة لا ###### ينبح في راسى ولا عتود يجى ينطط في هبابي ولا حمير يتساككن جنبي .

بالله يا شيقا ورينا بتكوى بالكفتيره والبراد كيف ,, تقصد بالبخار مش كده وا بعدين لكفتيره دى شكلها كيف ,,

شايف قالوا ليك ما بعترفوا الا بناس برى اولاد ارباب العقائد

Post: #469
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-10-2010, 10:50 AM
Parent: #468

ود اللمين

Quote: بالله يا شيقا ورينا بتكوى بالكفتيره والبراد كيف ,, تقصد بالبخار مش كده وا بعدين لكفتيره دى شكلها كيف ,,

شايف قالوا ليك ما بعترفوا الا بناس برى اولاد ارباب العقائد

يا اخي هسع يشرحوا ليك كيف - شوف ليك مترجم من ناس الضهاري ( الضهاري دي مزارع التين والزيتون عندنا هناك)

Post: #474
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-18-2010, 03:59 AM
Parent: #2

فووووووووووق

Post: #470
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-14-2010, 07:20 AM
Parent: #1

فوق

Post: #471
Title: Re: من هم اولاد البندر في سودانيز اونلاين؟
Author: Amany Elamin
Date: 12-14-2010, 07:50 AM
Parent: #470

إزيكم يا ناس الضهاري والبندراب عموم,
ليكم وحشه,,
معليش حال البلد الما بيسُر وقفنا من مكاواة الضهاري وعلي رأسهم المتبندر ود شيقوق,,
شكرا ود شيقوق لرفع البوست,,

Quote: النسوّن* ديل بجيهم بمهله :)

تماشيا مع الحاصل في البلد اليومين ديل,
فأنا عدلت عن فكرة توعية النسوّن بأصول البندريه,
وأناشد النساء بالعوده إلي زمن الحريم ومرقه من البيت مافي !
وفي حال الخروج للشديد القوي فأرجو (التِلِفِّح) بالتوب قوي,
وسد المنافذ علي ناس الحكومه السمهم فاير وبيفشّو خلقهم في بنات الناس اليومين ديل !
البتمشي الجامعه وبيلاقوها ناس الحكومه يدوها سوطين لاتلومن إلا نفسها,
ألا هل بلّغت؟ اللهم فأشهد ..!

Post: #472
Title: Re: من هم اولاد البندر في سودانيز اونلاين؟
Author: Amany Elamin
Date: 12-14-2010, 07:53 AM
Parent: #471

مني التوم إزيك,,

Quote: بت اللمين الحا جات دي بطول العمر و بتفرج الهم اه شن قلتي

انتو ما بتدونا من الحاجات السمحه ليه؟
ما ممكن توعدونا بعسل نحل أصلي مثلا ! زيت سمسم من العصاره,
لازم عنكوليب يعني؟

ندي يا ندي ,,
Quote: لانو فى كتير من سكان المدن المترامية فى أطراف السودان , ممكن يقعدو ناس أمانى وأحمد والعمدة ويدرسوهم بدون أى كلام*, مثلاً سكان مدن زى الأبيض, مدنى, رفاعة , بورتسودان ودة على سبيل المثال لا الحصر

هو بالله السودان ده فيهو مدينه غير الخرطوم؟
يطرشني
هي الخرطوم ذاتها ما تامه مدينه لووووووول

Post: #473
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-14-2010, 09:05 AM
Parent: #472

اماني سليلة الارباب الما كضاب

Quote: انتو ما بتدونا من الحاجات السمحه ليه؟
ما ممكن توعدونا بعسل نحل أصلي مثلا ! زيت سمسم من العصاره,
لازم عنكوليب يعني؟

خلاص نعدل الاوفر offer ليكون بدل العنكوليب ودك تبش وحطب سدر وكتر وطلح كمان

كدا كيف معاكم ؟

اصلكم ناس البندر جنكم المطّيق والتشّهي دا البخليني اديكم عرض اكتافي هسه وارجع لعولي

Post: #475
Title: Re: من هم اولاد البندر في سودانيز اونلاين؟
Author: أحمد ابن عوف
Date: 12-18-2010, 07:13 AM
Parent: #473

الطيب اخوي كيف حالك

ياخي البندراب شكلهم كلهم قافله معاهم من البلوه السواها قدوقدو ومعاه القاضي بتاعو

ما قدرنا ندخل لاي نوع من الونسة الخفيفة ويعلم الله بوستيك دا رد فينا الروح
من غم المنبر التقول بيت بكاء بس، واي زول بكاه براهو، الما جدده ليهو جوازو،
الشالو منو ضريبة جزافية، الداير يرفع قضية، ياخي رؤوساء الاحزاب مرات بجو يدقو
صيوانهم هنا.

ما علينا، او علينا غصبا علينا ما عارف

وبعد الفيديو دا، ومع العمدة ود المشرف، احنا جادين في مشروع تحرير الخرطوم دي
ياخي دي همجية وتدنيس للخرطوم التي ما تغنى شعراء البلد الا بنسائها، وفي ادب
جم، من الغزال في الفي المسالمة لزهرة روما في السوق الافرنجي (جنب الحلاق بتاعي)

ياخي السودان نغنية كل يوم يا عازة في هواك ويا عازة الفراق بي طال

اخخخخخخخخخخخ

Post: #476
Title: Re: من هم اولاد البندر في سودانيز اونلاين؟
Author: الطيب شيقوق
Date: 12-18-2010, 09:14 AM
Parent: #475

ابن عوف

ما قدرنا ندخل لاي نوع من الونسة الخفيفة ويعلم الله بوستيك دا رد فينا الروح
من غم المنبر التقول بيت بكاء بس، واي زول بكاه براهو، الما جدده ليهو جوازو،
الشالو منو ضريبة جزافية، الداير يرفع قضية، ياخي رؤوساء الاحزاب مرات بجو يدقو
صيوانهم هنا.

مسنوووووح كتلتني بضحكة يا اخي ضحكة طولت منها