يا مدائن علمينــــي يوم أوادعــك

و تفتح الباب البنيه

العيون الماقدرتا علي فراقا

تاني راجع أبقي ضيفا

تاني بي حضن اشتياقا

تغمرني بي البسمة الاليفة

كـيف اودع في مدائن

وريدي نابت في رصيفا

.....

يا مدائن علميني

يوم اوادعكـ

ما أحس أحزان فراقكـ

يوم اسافر في الصباح

علميني أفوت دروبك

أشيــل جراح فوق الجراح

مفتوح عليك باب التمني

لااشتعال حبك قصيدة

ولا ارتحال دربك هذمني

.....

ما الفرح لحظة وصولك وانتباهك

للكلام الدائر أقولو

لي مواسم بسقوا ريدكـ

ولي مطر لحظة هطولو
.....
للنجوم اللسا تحلم

في المسافات القصية

وقلبي ما آخر ضحية

لا اشتعال حبك قصيدة

ولا التهاب جرحك هَدية

لكني راجع يا مدائن

لو تفتح الباب البنيه

بالعيون الما قدرتا علي فرافا

راجع أسكن في رصيفا

تاني بي حضن اشتياقا

تحضني بالبسمة الاليفة

زي بودع في مواسم

ريدي نابت في خريفا

.....

محمد الفاتح خالد

والتعديل والشكر ليك والمحبة يا أخ محمد خليل شكراًً للفت انتباهي ولنقدك المريح

بوسطن

[email protected]

ما كنتا قايل

يا العوينات الحوائر

يا مدائن جيتها صُدفة

القَدر اختارني زاير

ما عِـنية جيتك من بلاد

سحابها برجع بالشاير

اشيلو في الوجدان حنينك النبضو في الاعماق بدافر

الوعدأكبر من عمرنا ... لو مـدي في أعمارنا باكر

تاني راجع لي رصيفــك ... والاشــتياق جوايا فاكر

محمد الفاتح خالد

*****

بتبقى ذاكرة المدن
مليانة بي لهفة خواطر
وببقى ديمة شتاها ماطر
لم تعرف كيف حنينها
بخلي كل الزارا شاطر
في وصوفها
وكيف يعايش كل ظروفها
وكيف بلون باشتياقو
جمال حروفا ..
ومهما تبعد
بتبقى تبحث في شبابيك التذاكر
تجري في كل الدروب
كان تسوقك لي دفيها
بتبقى فيك
وحتى لي حلمك تشاطر..

محمد ...

شكراً علي إنك بتصحي ذاكرة الحروف في الزول

حبابك فيني
وحبابي بيك


مرفق :
حبي الكبير
بــــادي

Quote: بتبقى ذاكرة المدن مليانة بي لهفة خواطر وببقى ديمة شتاها ماطر لم تعرف كيف حنينها بخلي كل الزارا شاطر في وصوفها وكيف يعايش كل ظروفها وكيف بلون باشتياقو جمال حروفا .. ومهما تبعد بتبقى تبحث في شبابيك التذاكر تجري في كل الدروب كان تسوقك لي دفيها بتبقى فيك وحتى لي حلمك تشاطر.. محمد ... شكراً علي إنك بتصحي ذاكرة الحروف في الزول

الاخ بادي

تشكر علي القول السمح

علي مداك المتمتع المتتد حروفا وغناء قد لا نعتلي قمة الجبل ولكن حتماَ سننعم برفقة التسلق

يا مان ... النومة واحدة بس والباقي بنتمو اشتياق .. احلي القصايد ستكتب بيد لم تقطف وردة صدقني ساستبح بستانك اينما ينمو

تشكر وفي كم زول وزولة في المنبر دا يتشحون سماحة وبريق

أكتب وخلي الكسل واللامبارزة

بكل ما يمحمل قلبي من سخط تنفست عميقاً بي كلامك يا زول

عُد فما أنت براحل ... لقد تبقي للوصول مدينتين ومقصلة !!

محمد الفاتح خالد
ياداب ماشي الشغل بعدما احلوت الكورة في ملعبك تشكر علي التواصل

معاك من نقطة بتشَكل

أحس بي كياني ذي موجود

وأضحـك من جديد للحب

ضحكة تسيل دموعي ورود

تملي سنابلك القيزان

ضحكة تَمِـــد سكاتي ردود

ضحكة تطـل ملامح الريد

وفي لَهـفة حَـنين مٌشتاق

معــاك يا دابو كَسـر القِـيد

لقاك علي حافة النسيان

لِقـاك في الهاوية مَـدت أيد

حٌـبك ما قَدر ساقني

ولا صٌدفة الحنين حا يذيد

مكان بلقاك مكان برتاح

مكان بطلي المٌدن أفراح

مكان بستقبلك منهَك

وأهرول لي زماني الراح

عشان عمر الحزن ما يطول

عشان يفرد صباحنا جنـاح

محمد الفاتح خالد

واقول ......... ما كان

دا حٌبك ... حب

عليك مَطر الصحاري يصٌـب

وأحـسـكـ جوا نابض حي

نابت في سَواد حاجبَي

ملامحكـ في شعاع النور

وفي ومضة نَجم مقمور

راسم ضَحكتكـ في الباب

وفي ضٌـل الشِتاء المنساب

شبابيك المدن تهتَز

مواسمك تحنو باللاعناب

خريفك لللارض ساقي

أسال عنك المشتاق

وأفتش ليكا أوراقي

حٌبـك ما نبت صٌدفة

ودَفق برا أعماقي

ما غَلف مشاعرو خجل ..

ولا ضـاراهـو عراقي

ويوم لاقيتني وسط الناس

ولا اتـرددت في عِنـاقي

جريت بالهفة محتاج ليك

وجيتك أسابق أشواقي

ولما عليك تكلتا قفــاي

خَلفـتا علي الجرح ساقي


محمد الفاتح خالد

التحية لك اخي صاحب البوست

كلام جميل وراقي ..

سأنظر له بعين الناقد بعد ان استمتعت به قارئا واستميحك في إعطاء بعض الملاحظات وستكون بين قوسين داخل الاقتباس

Quote: و تفتح الباب البنيه العيون الماقدرتا علي فراقها (فراقا اخف واجمل واوقع موسيقيا وسأضع نجمة امام كل كلمة ينطبق عليها ذات الوصف) تاني راجع ابقي ضيفها* تاني بي حضن اشتياقها * تغمرني بي البسمة الاليفة كـيف اودع في مدائن شتلتو ( كسرت الايقاع مما استلزم وقفة غير مببه) ريدكـ في رصيفها ..... يا مدائن علميني يوم اوادعكـ ما أحس أحزان فراقكـ يوم اسافر في الصباح علميني أفوت دروبك أشيــل جراح فوق الجراح مفتوح عليك باب التمني مارق(اذا قرات متصلة مع البيت السابق فيها ثقل باين) براي من غير جناح لااشتعال حبك قصيدة ولا ارتحال دربك هذمني (هزمني) ولا حصل كذبتا ظَني ..... ما الفرح لحظة وصولك وانتباهك للكلام الدائر (الداير) اقولو للمواسم للفصول البسقوا ريدك ولي مطر لحظة هطولو ..... للنجوم اللسا تحلم في المسافات القصية وقلبي ما آخر ضحية لا اشتعال حبك قصيدة ولا التهاب جرحك هَدية ..... وتاني راجع أبقي ضيفها* ذي (زي) بودع في مداين ونَـفسـي اسكن في رصيفها* تاني بي حضن اشتياقها* تغمرني بي البسمة الاليفة

وواصل يا حبيب سمح الحكي

حبـــك رابطو في العِمة

دَفنت جزورو في الزمة

طالع بيو علي الهاوية

نازل بيو علي القِمة

وفي آخر مدن ضاوية

حــبك حاضنو في الخاطــر

وفي آخر المدي مخاطر

إسمك ناحتو ب ضفوري

علي غيم السماء الماطر

محمد الفاتح خالد

Quote: التحية لك اخي صاحب البوست كلام جميل وراقي .. سأنظر له بعين الناقد بعد ان استمتعت به قارئا واستميحك في إعطاء بعض الملاحظات وستكون بين قوسين داخل الاقتباس

الاخ محمد خليل

لك التحية بي قلب مفتوح

شكرا علي التكرم بالمرور

والكلام صفة المتلكم ... دا كلو من زوقك

شكراََ للملاحظات ودي أنا حا أنتبه ليها ولعلي انظر وأقراء غير مستلب العيون

محمد الفاتح خالد

*****