Post: #1
Title: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-28-2010, 09:35 AM
Parent: #0
خليل راجل ظريف عند هزيمة الهلال تحس الولوله بين سطورة
ونبض حروفه لذلك اترصده دائماً عند خسارة فريقة ( الهلال )
يقابل الهزيمه بروح طيبه وبها نوع من الفكاها
مرات اتخيل سيره خلفه بقياده الصفوة (هارون دياب وعمر عثمان )
و من خلفة تقول (ياخليل ياخليل خليلك الهلال وين )
وخليل يقول : وين الشكوى ياجماعة عايزين ننوم خلاص ورونا الحصل
وفي الختام ختم خميسة باغنية هندية من اجل ابنائي (الهلالاب )
ويجري ( عمران ) مطاردا له بين البوستات ويقول له
ياخي اجمد شويه وشد حيلك .. وما تشمت الناس
.
.
بصراحة هنا في المنبر جو جميل شبيه بدار الرياضة امدرمان به
مداعبات وطرائف ومناكفات ويجملها امير الجمري بسخريته
وطارق الكوتش برجاحة عقل المدرب الماهر
------------------------------
بعد الاحداث الاخيره اجتماعات اسرية للكابتن هيثم ترجوه بأعتزال كرة القدم .. هل يوجد نجم نشاهده بعد البرنس
|
Post: #2
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: saif massad ali
Date: 11-28-2010, 09:47 AM
Parent: #1
سلام
انا قايلك قاصد خليلنا
|
Post: #3
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-28-2010, 09:49 AM
Parent: #2
ياسيف ... سلامات
يازول خليلكم بدخل المنبر بمدرعات
اتمنى له حياه طيبة ويعم البلاد الوحده والسلام
|
Post: #4
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-28-2010, 12:52 PM
Parent: #3
حالته عند الهزيمه تجدون الوصف الدقيق عن اصدقاءه طارق الكوتش وعبد الكريم ( كيكي )
|
Post: #5
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: omer osman
Date: 11-28-2010, 01:19 PM
Parent: #4
والله ياوليد ....
خليل زول جميل شديد يحببك في حب الهلال .....
وهارون دياب راجل نسمة لطيفة في هجير دافوري سودانيزاونلاين ......
................................................
إاذا صحت اخبار نية اعتزال هيثم واصلو العجب على وشك اقترح تعليق النشاط الرياضي
في السودان 3 شهور على الأقل ......... ما شايف زول يملاء الخانات دي قريب زمان ما
كنا بنحس باعتزال النجوم الكبار في تسليم وتسلم ودائماً في نجم في الطريق لكن اسه
الله اعلم !!!!
|
Post: #6
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-28-2010, 01:24 PM
Parent: #5
Quote: ما شايف زول يملاء الخانات دي قريب زمان ما
كنا بنحس باعتزال النجوم الكبار في تسليم وتسلم ودائماً في نجم في الطريق لكن اسه
الله اعلم !!!! |
انت ملاحظ
---------------------------
خليل ملح بوستات الرياضة احيانا تضحك لمداخلاته تسكن العقل وعندما تتذكرها مره اخرى تضحك تاني
|
Post: #7
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: طارق الكوتش
Date: 11-28-2010, 03:15 PM
Parent: #6
خليل مدهش حد الدهشه فى حبه للهلال و زيدان
وبعرف بفك الزنقه وين لمن يكون الهلال مزنوق واسالوا عمر بوب >> لوووووووولز
......
ياخ رجاجة المدرب الماهر ده حتتعب ميشو فى الايام القادمه > لووووووووووووووب ( ملطوشه طبعا )
|
Post: #8
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: مدثر قرجاج
Date: 11-28-2010, 07:02 PM
Parent: #7
| Quote: .. هل يوجد نجم نشاهده بعد البرنس |
والله ياوليد الا نجوم السماء
|
Post: #9
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 06:51 AM
Parent: #8
طارق الكوتش .... سلامات
اما حبه الى زيدان دي كمان حالة تانية
عايزة مساحة اكبر من دي
ولكن نقول انه يحب فن الهلال وفن ابو الزيك (زيدان ابراهيم )
|
Post: #10
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 06:53 AM
Parent: #9
ود قرجاج ... كيف يا حلو
| Quote: والله ياوليد الا نجوم السماء |
ونجوم الارض كيف
|
Post: #11
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: عبدالكريم الامين احمد
Date: 11-29-2010, 09:17 AM
Parent: #10
هلا يا ولي
والفتي المدهش ذاك الهلالابي النحيل هو قنبلة من الابداع تمشي علي كيبورد
ثم فجاة كده تلقاها ماشية علي قدمين في ارض الواقع..
ابو خليل هلالابي مدنكل ورياضي مطبوع
|
Post: #12
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 09:39 AM
Parent: #11
اووووووووو الحبيب كيكي
يازول انت غاطس وين ووين طلعاتك الجوية والماكوكية
خليل خليلوف
مدهش تجده زعلان فرحان في وقت واحد
ويستمتع بي الالم اللذيذ
يبكي ويضحك ودي فلسفة عجيبة تجدها من خلال مداخلاته عبر شتات البوستات
في بكان يعبر فرح وبكان يعبر عن حسره
قابل الخرسانة المسلحه لدى انتصار المريخ ببهجة وداخله يقول غير ذلك
عامل لبشة في قلبه الحنين للهلال ..
خليل ممتع ممتع
و بين شفايفه ابتسامه (وجع )
|
Post: #13
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: امير عوض الجمري
Date: 11-29-2010, 10:33 AM
Parent: #12
الحبيييييييييب جدا الحبييييييييب خالث الوليد
تحيات ومودة
ياخي خليل دا تقرا بوستاتو وخاصة الفيها جرساتو يتخيل ليك خليل دا قاعد جنبك
زول جميل خلاث ووالله الهلالاب والمريخاب كلللهم الفي المنبر حلوين وطاعمين وهم صراحة مجمّلين المنبر دا (الكلام دا اظنو بجيب لي الهواء صاح !!) ..
لكن طبعا خليل زول مختلف ... مش بيقول ليك مش عارف شنو كدا بطعم الفاكهة !؟
اها ابو الخل دا هلالابي بطعم المريخ ... هههههاي.
| Quote: بعد الاحداث الاخيره اجتماعات اسرية للكابتن هيثم ترجوه بأعتزال كرة القدم .. هل يوجد نجم نشاهده بعد البرنس |
ما اظن قريب حا نشوف سوبرستار بحجم العجب وهيثم .. وزي ما قال جنابو بقى مافي تسليم وتسلم للنجومية عشان كدا المسألة عايزة وقت لغاية ما نشوف لينا فلتة كروية جديدة ..
عشان كدا اعتقد انه من الاصلح ان يعيد اهل هيثم النظر في امر اعتزاله فهيثم لازال قادر على العطاء وممكن يجي خليفة ليهم هو العجب في فترة عطائه المقبلة ... (وجود هيثم مهم جداً للهلال والمريخ الاتنين) ومن قبلهما السودان .
دمت يا حبيب ...
- كان عندك اتصال بي هيثم قول ليهو يا زول احسن ليك بعد كدا تبعد من الوسط الرياضي دا كفاية الجاك منّو .. (خليهو يفرتك ياااخي دا يمسك الكورة قلبنا يقع في الواطة لامن يفكها ويا وقعنا نحنا مع قلوبنا يا نزلنا نلقّطن .. ههههههههههههههها .
|
Post: #14
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 10:47 AM
Parent: #13
المريخي الجميل امير الجمري
| Quote: كان عندك اتصال بي هيثم قول ليهو يا زول احسن ليك بعد كدا تبعد من الوسط الرياضي دا كفاية الجاك منّو .. (خليهو يفرتك ياااخي دا يمسك الكورة قلبنا يقع في الواطة لامن يفكها ويا وقعنا نحنا مع قلوبنا يا نزلنا نلقّطن .. ههههههههههههههها . |
بشيشكن ياعيوني لاتفضحني
| Quote: عشان كدا اعتقد انه من الاصلح ان يعيد اهل هيثم النظر في امر اعتزاله فهيثم لازال قادر على العطاء وممكن يجي خليفة ليهم هو العجب في فترة عطائه |
صاحبنا دا مرضان ما بقدر يخليها
احكي ليك شوية
أم اسيل شبكتني كورة وما ادراك ما الكورة
قلت ليها انتي ح تريديني اكتر من أمي
امي ماقدرت تقنعني زمان اسيب الكورة
هههههههه
الان الوالده يعطيها العافية تسالني في اي اتصال انت بتلعب كورة وللا بطلتها
تنصحني بممارسة الرياضة لانها اذا عرفت اني توقفت معناها انا مرضان او ماطبيعي
شفت كيف قلب الام .
|
Post: #15
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: khaleel
Date: 11-29-2010, 10:55 AM
Parent: #14
شكرا يا وليد يا فردة
شكرا يا شباب
بعض الرحيق انا والبرتقالة انتم
يا وليد
هل تصدق ميشو عايز يشطب سادومبا
|
Post: #16
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: امير عوض الجمري
Date: 11-29-2010, 11:09 AM
Parent: #14
| Quote: بشيشكن ياعيوني لاتفضحني |
يا وليد والله فاضحني فضيحة اسكت ساكت ... ياخي هيثم دا حريف جدا وبعدين كاريزمتو جوا الميدان بطمّن الاعبين معاهو عشان كدا لو تلاحظ المباريات البكون لاعب فيها ويتغير او الما بلعب من الاول تلقى اللاعبين تايهين كدا وملخبتين في الميدان .. لكن يكون لاعب تلقاهو مدوزن حركة اللاعبين وحركة الكورة (ما شاء الله عليهو) وللا اقول ليك (ما ما شاء الله ) عشان يخليها ونلم ليك في الجماعة مجهجهين ونتفسح فيهم ... هههههههههها
Quote: صاحبنا دا مرضان ما بقدر يخليها
احكي ليك شوية
أم اسيل شبكتني كورة وما ادراك ما الكورة
قلت ليها انتي ح تريديني اكتر من أمي
امي ماقدرت تقنعني زمان اسيب الكورة
هههههههه |
ياخي الكورة ما بتتخلى الا بالما بدّاوا ..
بس الكويسة هن بيقتنعن في الاخير وببقن كورنجيات ..
بس انا زولتي بقت تشج ضد المريخ ... عشان تغيظني ... والله الموسم دا غاظتني كترت غيظ..
لكن الكوره الاخيرة دي رقصت ليها كل انواع الرقصات شايقي وعرضة وتويستي وريقي وكمبلا ..
Quote: الان الوالده يعطيها العافية تسالني في اي اتصال انت بتلعب كورة وللا بطلتها
تنصحني بممارسة الرياضة لانها اذا عرفت اني توقفت معناها انا مرضان او ماطبيعي
شفت كيف قلب الام . |
الله يدي حبوبة اسيل الصحة وطول العمر .. والله هن طعم الدنيا فعلا ..
|
Post: #17
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: عبد اللطيف بكري أحمد
Date: 11-29-2010, 11:31 AM
Parent: #16
إن شاء الله بس يكون بيشجع الريـــال ، أكيد بيشجعه!!!
وليد والحاضرين بإسمكم أحي كل متوازن في مشاركاته تماماً زي خليل،،
وياخليل مبروك عليك إجماع الناس وحبهم،، نفخر بيك!!
|
Post: #19
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 11:40 AM
Parent: #17
Quote:
يا وليد
هل تصدق ميشو عايز يشطب سادومبا |
الخواجه كفر
.
.
خليل خلي البوست دا في مساحات عقلك وعواطفك
عشان تعمل لينا طابق بقروش وطابق مجاني
.
.
ياخي لو تعرف الحكايه
برضي بهواك للنهايه
وخلي قلبك يكون معايا
----------------------------
خليل قراءات ميشو الكره الاخيرة كانت خطأ وهو من تسبب في خسارة الهلال امام الصفاقسي
|
Post: #20
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 11:59 AM
Parent: #16
امير الناس
| Quote: ياخي هيثم دا حريف جدا وبعدين كاريزمتو جوا الميدان بطمّن الاعبين معاهو عشان كدا لو تلاحظ المباريات البكون لاعب فيها ويتغير او الما بلعب من الاول تلقى اللاعبين تايهين كدا وملخبتين في الميدان .. لكن يكون لاعب تلقاهو مدوزن حركة اللاعبين وحركة الكورة (ما شاء الله عليهو) وللا اقول ليك (ما ما شاء الله ) عشان يخليها ونلم ليك في الجماعة مجهجهين ونتفسح فيهم ... هههههههههها |
هيثم مصطفى على قول المصاريه ( حدوته ) ولم تنتهي
| Quote: بس انا زولتي بقت تشج ضد المريخ ... عشان تغيظني ... والله الموسم دا غاظتني كترت غيظ.. |
عافي منها
ايام صغيرتنا المرحومه دكتورة رحاب كنت اجبرها على تسجيل مباريات كاس العالم ايام الامتحانات زمان
وبقت متابعه درجة اولى تشرح ليك قصة اللاعب وسعره تقول الشوالي قسمت نصفى وراحت الله يرحمها
| Quote: لكن الكوره الاخيرة دي رقصت ليها كل انواع الرقصات شايقي وعرضة وتويستي وريقي وكمبلا .. |
اهم شيء تكون رقصت ليها توستي مدني ( ودي قصة حكاها لينا الجمري زمان )
Quote: ياخي خليل دا تقرا بوستاتو وخاصة الفيها جرساتو يتخيل ليك خليل دا قاعد جنبك
زول جميل خلاث ووالله الهلالاب والمريخاب كلللهم الفي المنبر حلوين وطاعمين وهم صراحة مجمّلين المنبر دا (الكلام دا اظنو بجيب لي الهواء صاح !!) ..
لكن طبعا خليل زول مختلف ... مش بيقول ليك مش عارف شنو كدا بطعم الفاكهة !؟
اها ابو الخل دا هلالابي بطعم المريخ ... هههههاي. |
مهما اقول في كيت وكيت
ارجع صغير زي ما ابتديت
الوصف موجز مختصر
في شاطي النيل الخصيب == انا وانت جالسين ياحبيب
|
Post: #21
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: أبوعبيدة محمد الأمين
Date: 11-29-2010, 12:04 PM
Parent: #20
تشكر أخي وليد عبداللطيف
فقد تحدثت بلسان جميع أهل الرياضة السمحة:
فن ومتعة وسمو أخلاق ولا شيئ غير ذلك
وذاك هو أنت وذاك هو خليل
تحية حب وإجلال للأخ خليل صفوة بني زرقان
|
Post: #22
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 12:05 PM
Parent: #20
عبد اللطيف ... ابوي يا يابا ماتقول ليهو لا
Quote: إن شاء الله بس يكون بيشجع الريـــال ، أكيد بيشجعه!!!
وليد والحاضرين بإسمكم أحي كل متوازن في مشاركاته تماماً زي خليل،،
وياخليل مبروك عليك إجماع الناس وحبهم،، نفخر بيك!! |
بقى الريال دا حقي انا
خليل متوازن ورمانة المنبر
|
Post: #23
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-29-2010, 12:17 PM
ابوعبيدة
Quote: تشكر أخي وليد عبداللطيف
فقد تحدثت بلسان جميع أهل الرياضة السمحة:
فن ومتعة وسمو أخلاق ولا شيئ غير ذلك
وذاك هو أنت وذاك هو خليل
تحية حب وإجلال للأخ خليل صفوة بني زرقان |
بالرغم من تلاقينا في الخرتوم
حاسي نفسي لسه ماشبعت من الونسه معاك
.
.
خليل قلبه ابيض ودمه احمر صافي صفوه
|
Post: #24
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: أبوعبيدة محمد الأمين
Date: 11-29-2010, 02:04 PM
Parent: #23
ياكوتش وليد
Quote: بالرغم من تلاقينا في الخرتوم
حاسي نفسي لسه ماشبعت من الونسه معاك |
يالجمال وصفاء روحك ياخي
وياحبيبي نحن إتلاقينا مرة وفي خيالي وفي شعوري ألف مرة
إن شاء الله نتلاقى مرات ومرات في ربوع الوطن الحبيب
وكل الناس تامين ولامين
| Quote: خليل قلبه ابيض ودمه احمر صافي صفوه |
والدم هو اكسير وسر الحياة
ومايحببنا في خليل دمه الأحمر الصافي ده
تسلم ياوليد ويسلم خليل ولتدم هذه الروح بيننا
|
Post: #25
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: عبدالعزيز الفاضلابى
Date: 11-29-2010, 09:12 PM
Parent: #24
| Quote: بعض الرحيق انا والبرتقالة انتم |
شفت ياودعمى الحمد لله الجات منك
بعض الرحيق انت .. يعنى الرحيق
بشموه بس زى الكاس البرانى
تشموه زى الرحيق اللى هو انت.
فعلا خليل زول سمح ,, وكل اهل
الرياضة فى هذا البورد.
|
Post: #26
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-30-2010, 07:08 AM
Parent: #25
Quote: شفت ياودعمى الحمد لله الجات منك
بعض الرحيق انت .. يعنى الرحيق
بشموه بس زى الكاس البرانى
تشموه زى الرحيق اللى هو انت.
فعلا خليل زول سمح ,, وكل اهل
الرياضة فى هذا البورد. |
كلو من فضلك ياود الفاضلابي
نشكر مرورك الانيق
|
Post: #27
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: امير عوض الجمري
Date: 11-30-2010, 07:26 AM
Parent: #26
| Quote: بقى الريال دا حقي انا |
ولي ... لكن ماااا زعمطناكم زعمطة حسن كلونيا الحلاق العميان لي
عز الدين اب كرنك ..
|
Post: #28
Title: Re: خليل أحلى هلالابي في المنبر .. ياخليل ياخليل خليلك الهلال وين ..
Author: وليد عبد اللطيف
Date: 11-30-2010, 08:01 AM
Parent: #27
امير الناس
Quote: ولي ... لكن ماااا زعمطناكم زعمطة حسن كلونيا الحلاق العميان لي
عز الدين اب كرنك .. |
لكن هي كان زعمطت نصاح
دا اسمو ادب المدايح
بالرغم من اني اشجع الفريق الملكي الريال
وتوقفت عنه عندما ذهب رونالدو من الريال لاني دائما في حالة بحث عنه
بل يسحرني اداء البارسا الذي لا يوجد به نشاذ
ناس تلعب بالنوته .
عزالدين اب كرنك لو في الميدان كان شعروا قام من سحر لاعبي البارسا
.
.
الريال دايما يعتمد على اللعب الفردي وهذا غلط
|
|