Post: #1 Title: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-27-2010, 10:41 PM Parent: #0
بسم الله جيت داخل حوش بكرى الكبير مليان سنين وسنين ومتحكّر أتاوق من ورا البيبان أمد إيديا واتلفت " باس" لله ياحبّان أقول يمكن أخش باكر ألم فى كوم من الكيمان وأبقى مناضل أسفيرى وألعن خاش أبو الكيزان أومن الجماعة عديل اسب فى حق وناس الحركه والميدان اوكامبوعميل ولاخجوه ولاشيتين وأحلف اغلظ الأيمان أويمكن أَخت فوق الرويس كدمول وأباري فلان أعبى الموز وأقول جيناكي يا امدرمان أو شاعر كبير أجيب من اشعارى كم ديوان كمال الزين زح لاغادى لي كاتب عظيم الشان زى ناذر أسيب العود و أبارى جريوة الجيران وأحلم بفلم كارب نجيب محفوظ ؟. ده منو كمان؟ وأعاين لى عجائز البورد مكسّرة فى اهل ساره وغناويهم وصبايا أديس وفريع البان تقول سودانا فيهو قرود وعازه إنعدمت النسوان وناس الكوره حالهم شين كواريكم بسمعا الطرشان كااااااك وظوووط وواقف لط وداك سكران هناى فكو وداك باعو تقول فى اللفه كوم خرفان وأسمعوا منى بقولا عديل لا لف فيها لادوران زول حساس ومرارتى رهيفه مابقدر على الدشمان ورافع رايَتى البيضا ومستسلم لعشرة أنفار زياده شويه او نقصان ود يوسف علاء الدين وأم حازم وأساسى الكان رومانسى زمان وليد وعزام وبت خالد وملاسى وأبوكديسه سى جى مان نجاة وولد طيفور وعلاء تمبس وعبد العاطى ومن الحركة ود سلمان حاج وهبه وجنى الباكى يوماتى ينعى وطن كان إسمه السودان شايل الفاتحه مع نفسو " يرى شجراٌ " ويلعن أموم و على عثمان أخيراً الكلام ماجادى وكلو هظار لا كاتب ولا شاعر ولا فنان زول من عامة أهل بلدي و أعرّفكم أخوكم تب أبو ريان من جروف ا لقولد الخضراء وشواطئ تريعة القبه أهل الطيبة والاحسان وجبال تنسى و سهول كنساس وميزورى وقريب إن شاء الله فى السودان
السلام عليكم ورحمة الله وبركاته شكراٌُ بكري علي الاستضافة وأتمني ان تكون الاقامة بينكم علي خير ولو في واحد/ واحده مسته كلماتي المازحة بشي في النفس فلكم العتبي حتي ترضوا
Post: #2 Title: Re: "سنين وسنين ومتحكّر أتاوق من ورا البيبان" فهل من مرحّب Author: محمد النيل Date: 11-27-2010, 10:48 PM Parent: #1
اهلا اهلا اهلا نورت الحوش بالتوفيق
Post: #3 Title: Re: "سنين وسنين ومتحكّر أتاوق من ورا البيبان" فهل من مرحّب Author: الفاضل يسن عثمان Date: 11-27-2010, 10:50 PM Parent: #1
مرحب يا عمر شكلك مازول ساهل، ودي الكسب النوعي ظاطوه حللت بيننا، وتتفتق أراءك وروياك وسطنا. حظي سعيد بأن اكون أول المهنئين بطلتك. لأن بوست طلتك دي شكلو بوست الموسم مع نهاياته.
مرحب يا عمر.
Post: #4 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-27-2010, 11:12 PM Parent: #3
الاخ محمد النيل
شكراُ كتيير وربنا يحفظ ليك الفي الصورة و يجعلو من الصالحين
Post: #5 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر صديق Date: 11-28-2010, 00:21 AM Parent: #4
الف مرحب بيك حبابك وحباب هذه الطلة والاستهلالة الشاعرية
Post: #6 Title: Re: "سنين وسنين ومتحكّر أتاوق من ورا البيبان" فهل من مرحّب Author: يسرى معتصم Date: 11-28-2010, 00:34 AM Parent: #5
الأخ عمر حبابك مليون
منجى ولا حذفت الألف ( أمنجى )
حبابك ومرحب فى الحوش
Post: #7 Title: Re: "سنين وسنين ومتحكّر أتاوق من ورا البيبان" فهل من مرحّب Author: Abobakr Shadad Date: 11-28-2010, 00:54 AM Parent: #6
مرحبا بك يا عمر موسى
اضافه لهذا البورد ودفقة ابداع من نواحى القولد العزيزه
نرجو لك طيب المقام وفى انتظار الجديد
Post: #8 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 02:58 AM Parent: #7
الاخوان عمر ويسري ود. شداد تشكروا علي الترحيب وان شاْء الله يرحبوا بيكم في الفردوس ودمتم بعافية
يا يسري مالك داير تجيب لينا الهوا و تلحقنا م.ح.ج موية لسع ما شربناها في الحوش ده علي كل منجي بضم الميم و اهلنا الدناقلة بكسرها واهلنا الكلاكلاب بفتحهاولك الخيار بس اوعاك من الالف ok
Post: #9 Title: Re: "سنين وسنين ومتحكّر أتاوق من ورا البيبان" فهل من مرحّب Author: د.نجاة محمود Date: 11-28-2010, 03:05 AM Parent: #8
يا سلام يا سلام
يا مرحب اكيد حتكون اضافة حقيقية في هذا البورد من المناظر فقط
ليك تحية
ورينا ظلامي ولا مستنير ولا مستلامي؟
Post: #10 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 03:38 AM Parent: #9
د. نجاة شرفتينا والله وشكرا ليكي كتيير
ورينا ظلامي ولا مستنير ولا مستلامي؟
بمناسبة سؤالك - غايتو اهلنامما قمت بقولوا لينا دناقلة وقبايلك دي الا عندكم في ماليزيا ولا جزر القمر(وش ضاحك) دمتي بخير
Post: #11 Title: Re: "سنين وسنين ومتحكّر أتاوق من ورا البيبان" فهل من مرحّب Author: Sabri Elshareef Date: 11-28-2010, 04:10 AM Parent: #10
اهلا وسهلا بك
الحوش سعد بطلتك
عقبال الحوش الكبير اللي هو الوطن يسع جميع الناس
بلا تميييز لا دين لا نوع لا عرق ولا جهة
القبول بالسودانواية فقط
اهلا بيك
يا ريت تكتب عن فترة متاوقتك ورؤيتك للمنبر انت متاوق
ورؤيتك للمنبر وانت مشارك
Post: #17 Title: Re: "سنين وسنين ومتحكّر أتاوق من ورا البيبان" فهل من مرحّب Author: نجلاء سيد أحمد Date: 11-28-2010, 06:49 AM Parent: #11
نرجو لك طيب المقام وفى انتظار الجديد
Quote: اهلا وسهلا بك
الحوش سعد بطلتك
عقبال الحوش الكبير اللي هو الوطن يسع جميع الناس
بلا تميييز لا دين لا نوع لا عرق ولا جهة
القبول بالسودانواية فقط
اهلا بيك
يا ريت تكتب عن فترة متاوقتك ورؤيتك للمنبر انت متاوق
ورؤيتك للمنبر وانت مشارك
Post: #19 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 08:21 AM Parent: #11
Post: #12 Title: Re: "سنين وسنين ومتحكّر أتاوق من ورا البيبان" فهل من مرحّب Author: محمد المرتضى حامد Date: 11-28-2010, 04:12 AM Parent: #10
Quote: وأعاين لى عجائز البورد مكسّرة فى اهل ساره وغناويهم وصبايا أديس وفريع البان
مرحب بيك كتير يا منجي،
تنبيه : ما تنسى الجبص.
Post: #13 Title: Re: "سنين وسنين ومتحكّر أتاوق من ورا البيبان" فهل من مرحّب Author: haroon diyab Date: 11-28-2010, 05:42 AM Parent: #12
سلامات يامنجي
واهلا (باندادي )
واهلين (يا تيمبس)
Post: #15 Title: Re: "سنين وسنين ومتحكّر أتاوق من ورا البيبان" فهل من مرحّب Author: بهاء الدين سليمان Date: 11-28-2010, 06:10 AM Parent: #12
اهلاً وسهلاً بالخلوق الباشمهندس عمر منجي نورت المنبر واكيد أكيد إضافة حقيقية شاعر وأديب وحاجات تانية حامياني تفضل مشاركاً وليس قارئا
Post: #16 Title: Re: "سنين وسنين ومتحكّر أتاوق من ورا البيبان" فهل من مرحّب Author: خالد عبد الله محمود Date: 11-28-2010, 06:32 AM Parent: #15
عمر موسي منجي عديل كده ؟؟ مرحب بيكـ يا قريبي أخبارك و أخبار ناس القولد ؟و أخبار السجانة ؟ تصدق والله من سمعت منجي دي سمعت صوت اللواري طوالي ؟؟ههههههههه
بالله صاحبي إبراهيم منجي أخبارو شنو ؟؟ آخر مرة كنت في السودان لقيتهم رحلوا من السجانة و مشو أبو آدم أو حاجة زي دي
مرحب بيك إضافة للمنبر و إضافة لناس القولد بالمنبر
خالد عبد الله محمود أو من يعرف في السجانة بخالد المحجوب
Post: #18 Title: Re: "سنين وسنين ومتحكّر أتاوق من ورا البيبان" فهل من مرحّب Author: علاء الدين يوسف علي محمد Date: 11-28-2010, 07:54 AM Parent: #16
مرحب بيك يا حبيب حاسس إنُّو إسمك دة وقع مِنُّو حرِف قُلتا أتِمُّو ليك
Quote: عمر موسي أمنجي
و كلٌ يبكي على ليلاه
ــــــــــــــــ مُزاح ليس إلاّ ، باقي مُزاحنا ذاتو أشتر
Post: #20 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 08:32 AM Parent: #18
الاخ صبري والاخت نجلاء لكم جزيل الشكر علي الترحيب وطبعا فترة المتاوقة عاوزة ليها بوست يراهو وقريب ان شاء الله
الاخ هارون امبانسينتود شكرا ليك كتيير وان شاء الله نكون ليكم "تيمبس" بحق و حقيقة
الاخ محمد المرتضي
تسلم يا عزيز بس ما كنت عارفك واحد من المكسرين, تتكسروا في الامهريات ونحن نجيب الجبص"نو واي" اقول ليك حاجة اشحد تراجي رطل رطلين من الجبص الكندي الفاخر و اعمل حسابك الزولة دي غتييييتة ودافناهو ليكم, بتخت ليكم فيهو مسامير وحاجات كده بتعرفا براها غايتو كلمتك....
Post: #22 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 09:18 AM Parent: #20
الاخت ام حازم
تسلمي ويسلم حازم وسند وربنا يجعلم ليكي قرة عين شكرا ليكي رفعت معنوياتي شديد لامن قربت اصدق اما عن دكين اتمني لو كان قريبي ياخ الزول ده كتّاب شديد تقول بكتبوا ليهو الجن
الاخ بهاء الدين
تسلم يا غالي واخو الغالي وسلامي للجميع
الاخ خالد
تشكر يا قريبي ود المحجوب ابراهيم منجي علي ما اظن انتقلوا لابو ادم وما اظنهم مبسوطين هناك
الاخ علاء الدين
شكرا ليك علي الترحيب لكن عشان اللولوه حقتك دي ختيتك اول واحد في اللستة لكن الظاهر ما في فايدة اصلها بايظة بايظة شوف لينا معاك فرقة نخفف عنك المسؤليات شوية لقيتني كيف؟ ما اشتر منك, برضو مزاح وربنايوفقك حيثما حللت
Post: #21 Title: Re: "سنين وسنين ومتحكّر أتاوق من ورا البيبان" فهل من مرحّب Author: Tabaldina Date: 11-28-2010, 08:40 AM Parent: #18
.. . من ضربة البداية جبت لينا الكلام المغتتغت وخمج
-------
غايتو الهواء هنا مطلوق كالشخصيات تماما
Post: #23 Title: Re: "سنين وسنين ومتحكّر أتاوق من ورا البيبان" فهل من مرحّب Author: عبدالله ابوشوارب Date: 11-28-2010, 09:37 AM Parent: #21
عمر منجي
اجمل طلة واحلي مدخل
يازول ولا ترفع الراية البيضا ولا حاجة
للانا شايفو دا ولا اي واحد منهم بقدر عليك مافي
حبابك والدار دارك
Post: #25 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 09:51 AM Parent: #23
الاخ عبدالله ابو شوارب
تسلم وتسلم شواربك زاتو و ربنا يديك العافية وتشكر علي حسن الظن
Post: #26 Title: Re: "سنين وسنين ومتحكّر أتاوق من ورا البيبان" فهل من مرحّب Author: أيوب خليل Date: 11-28-2010, 09:55 AM Parent: #23
العزيز عمر موسى منجي المُلقب بأبو ............... ك نورت المنتدى يا حبيب " سنين وسنين بالله بتاوق كان تكلمنا ياخ " عموماً الدار دارك ابقي داخل وحبابك الفيييين
تقبل سلام خالد عبد اللطيف ، الطاهر أحمد الطاهر ، الفاتح خليل ، احمد فقيري ، زكريا كنه ،عابدين محمد أحمد وجميع شُلة " العذابة" سابقاً بمدائن الفهد
تحياتي لجميع أهلنا الطيبين بالقولد وآل منجي بالسلمة والأسرة الكريمة
راجع الايميل
Post: #24 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 11-28-2010, 09:44 AM Parent: #21
الاخ تبلديناسلام
لك العتبي حتي ترضي whatever the reason might be !!!!!
Post: #27 Title: Re: "سنين وسنين ومتحكّر أتاوق من ورا البيبان" فهل من مرحّب Author: عبد القادر شادول Date: 11-28-2010, 11:23 AM Parent: #24
Quote: سنين وسنين ومتحكّر أتاوق من ورا البيبان
مبروك بقيت بي جوة ساعد الناس الكانو بتاوقو معاك ( اجدعلهم السلم يعني ) مرحبك الف نورت الدار
Post: #28 Title: Re: "سنين وسنين ومتحكّر أتاوق من ورا البيبان" فهل من مرحّب Author: عبد القادر شادول Date: 11-28-2010, 11:23 AM Parent: #24
Quote: سنين وسنين ومتحكّر أتاوق من ورا البيبان
مبروك بقيت بي جوة ساعد الناس الكانو بتاوقو معاك ( اجدعلهم السلم يعني ) مرحبك الف نورت الدار
يا سلام يا سلام اخيرا ربنا حلاني من ايملاتك ومداخلاتك متخذا من بريدي منبرا لك بي خوره كمان الف مرحب بك اخي منجي في سودانيز اون لاين واشهد ان وجودك متصفحا قد طال امده حتي ظننا انك تيبست بالخارج طبعا قصة انك اضاافة نوعية وما نوعية والحنك النصه موية دا ما بنقدر نحدده من خلال القصيدة العصماء البعاليه دي لكن في اول محك ليك مع ابو بكر صالح وعلاء الدين الكوز وعصام جبر الله وكتورة بيان بننعرف شلوخك تب مبدئيا كدا حنتعامل معاك زي معاملتنا لي ود الصايم كوزل ضحكونجي الي ان تثبت جديتك
Post: #66 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 12-05-2010, 07:35 AM Parent: #65
الاخ اساسي سلام
اولا شكرا علي الترحيب اتاريك شايف ايميلاتي و عامل نايم, ياخ انت طلعت غتييت بشكل و بعدين من 2003 كلهن رسالتين " و شايل بيهن حسي في الاسافير" في 2003 كنت ظريف و بتتونس عادي لكن بعد الزواج حالتك بقت تحنن. و بعدين ود الصايم مالو كدي عيبو لي, ده زول شعبيتو في السما علي كل حال الفيك اتعرفت و خوتك طلعت خوة "لساتك"" وش ضاحك"
:: اساسي: "البعاليه" معناتا شنو
و دمت بخير والاسرة الكريمة
Post: #67 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 12-07-2010, 07:14 AM Parent: #66
.
Post: #68 Title: Re: "سنين وسنين ومتحكّر أتاوق من ورا البيبان" فهل من مرحّب Author: الطيب رحمه قريمان Date: 12-07-2010, 07:33 AM Parent: #67
حبابك عشرة يا عمر نورت المنبر
Post: #69 Title: Re: "سنين وسنين ومتحكّر أتاوق من ورا البيبان" فهل من مرحّب Author: المكاشفي الخضر الطاهر Date: 12-07-2010, 07:33 AM Parent: #67
اهلا ومرحب يأبو ريان مرحب بيك مرحب بيك في بوردك اون لاين السودان فيهو فيهو طارف وتبلدينا وتمبس وابو عفان ياريت جيتنا من بدري ومليت الساحة والحيشان بالدوبيت والحكم والنثر ومقال حسان اخوك مكاشفي ديمة جعان وشفقان وحردان حللت اهلا ونزلت سهلا واسع الأركان
Post: #70 Title: Re: "سنين وسنين ومتحكّر أتاوق من ورا البيبان" فهل من مرحّب Author: محمد الجيلى Date: 12-07-2010, 07:42 AM Parent: #69
مرحب بيكـ
نوّرت المكان
تحايايّ
Post: #71 Title: Re: "سنين وسنين ومتحكّر أتاوق من ورا البيبان" فهل من مرحّب Author: عمر موسي منجي Date: 12-08-2010, 07:31 AM Parent: #70
الاخوه الطيب, المكاشفي و محمد الجيلي تشكروا علي الترحيب ودمتم بعافية
Quote: اخوك مكاشفي ديمة جعان وشفقان وحردان
الشاعر المكاشفي ما دام ما الحالة بقت علي كده امسك في اخوك سيف اليزل برعي اصلو متخصص "لوتري"