الشكوى لغير الله ... مذله

لعب الهلال أمام الصفاقسي وخرج بركلات الترجيح وعناد الحظ

اللاعبون أدؤ ما عليهم وزياده

لكنه الحظ الذي عبس لفرنسا حتى العام 1998 وزيدان يهديه كأس اخترعه إبنها جول ريميه بعد سفر طويل

نفس الحظ الذي لم يضحك لإسبانيا إلا في عامي 2008 و2010

كان علي إداره نادي الهلال .... إغلاق هذه الصفحه والبدايه من جديد

لم أسمع في حياتي إن فريق أوربي أو حتى آسيوي قد فاز بنتيجه مباراه بالشكوى

هذا الأمر لا يحصل إلا في بلد العجائب السودان

عندما تنظر الشكوى في خمسه شهور ويب فيها بعد تحديد الفرق الصاعده و الهابطه

فاز الصفاقسي

نقول مبروك والموضوع ينتهي

شنو .. شكوي .. وسفر الأمين العام ونائب الرئيس

وتخدير الجمهور بكلام فارغ

فقط في السودان يحلف رئيس النادي بأن يظل الكشف ناقصاً لوجود مخالفه من الإتحاد العام ( منتصر فرج الله لاعب نيل الحصاحيصا )

فقط في السودان تتم الشكوى لأن لاعب حصل تزوير في شهاده ميلاده ( لاعب هلال كادوقلي )

في راي البسيط إن النادي الذي يخسر في الميدان

عليه إن لا يبحث عن الفوز في المكاتب

فلا طعم لبطوله تأتي من قرار مكتبي

إلا في حاله مثل تلك الحصل في إيطاليا وفضيحه الكالشيو وتجريد جوفتوس من اللقب ومنحه للإنتر

بسبب تلاعب الحكام في المباريات

في هذه الحاله يمكن أن تقبل البطوله لوجود غش وسرقه مجهود

لكن لاعب عنده كرتين .. لاعب إسم حبوبته ما مطابق للسجلات

لاعب سكران

هسه السكران ذنبه شنو

في كل الحالات الفارغه دي المفروض الزول يشتكي لربنا بس


يالله فضوه سيره وفكروا في التسجيلات

معليش يافدياس
اخوي
تعيشوا
وتشتكوا















هسع السكر الجابو شنو

والله يا فدياس كلام جميل جدا ... بالجد و ما عندى اى مقاصد خفية

و ياريت كل الفرق تسعى للفوز فى الميدان و تحسين الاداء

السودان كان الاساس فى تاسيس الكرة الافريقية و العربية

و انظر اليوم اين نحن !

يا فديو حوش وحوش
دا ما شعر
دا أنا بسميهو الجلمنتوش
كان طرِبْت بخش توش
والكورة دي ما بترضي زول شايلة الوشوش
كم وش كدا؛ ما عارفم من وين بجو بس حوش وحوش
وش بس تقول دا شي مهبوش
من غير دي رتوش
وصناعي رموش
كدا وللا موش
أما الصفوة ديل اصبر ليهم بجيهم يوم توش
بس الكورة سادة نفسي بقيت مهبوش
معقول ناس غلبوا تلاتة وخايضين مسابقة دولية ياخدوا واحد ملطوش
وناس تتصارع تقول دي ما كورة ديل ياخي عايزين ال######وش
ما دامت لزول داكة أي عروش
منها أنا زعلان ما بتلقى أي وشوش
ولا هي عندها وش عشان تطالبني بي عيوش
ولا حتى ديك قروش
قول ليه بس روحي يا الشايلة بس رتوش
جارية عشان تملا لي ناسا ديك كروش