بيان مضحك وغريب من نادى المريخ حول احداث نهائى بطولة كأس السودان

Quote: بسم الله الرحمن الرحيم يقول الله تعالى في محكم تنزيله (( وتعاونوا على البر والتقوى ولاتعاونوا على الإثم والعدوان )) صدق الله العظيم لقد ظل نادي المريخ في الأونه الاخيره يتعرض الي هجمة شرسة من أهل الهلال جمهور وإدارة وأعلام وصلت في أقصى درجاتها بإستهداف كيان المريخ في أخلاقة ومُثله وموروثاته وذلك بالتشكيك في نزاهة إنتصاراته الداخلية والخارجية مثل ماصرح بذلك مدرب الهلال ميشو في صحيفة الهلال هو الأن قيد النظر من قبل القضاء السوداني العادل ليقول كلمته في هذا الإتهام ووصل الأستهداف الي صورة بشعة وبعض جماهير الهلال تهتف ضد لاعبين المريخ في مباراة نهائي الدوري الممتاز بإلفاظ غير مقبولة وأسلوب دخيل على الوسط الرياضي نها عنه ديننا الحنيف وتقاليدنا السودانية السمحة ، وتكرر نفس الشي في مباراة نهائي الكأس أمس الأول حيث وصلت الي حد إحضار لافته مسيئة لنادي المريخ تصفه بنادي السكرانيين الذي سوف يتم دفنه في مقبرة الساجدين على مشهد من قيادات الرياضة وقيادة إتحاد كرة القدم ، يا للهول ويا للعجب !!!!!! كل ذلك تم برغم الإجتماع الذي ضم رئيس إتحاد كرة القدم السوداني مع رئيس نادي المريخ ورئيس نادي الهلال والذي أمن على غرس المعاني السامية والنبيلة في جمهور الناديين . وهنا نؤكد بأن نادي المريخ والذي نتشرف بالانتماء إليه يتمسك بالقيم النبيلة والأخلاق الحميدة والتي عرف بها طوال مسيرته الحافلة بالإنجاز والإعجاز دون غيره من الأندية ، في نفس الوقت فأن نادي المريخ يرفض تماماً الأساليب الدخيلة والهتافات المنافيه للقيم والأخلاق ولقد تفاجئنا بتصريحات بعض جماهير الهلال من هتافات ولافتتات للإساءة والتحقير لنادي المريخ والتي كادت أن تتسبب في نسف قيام المباراة قبل بدايتها . وتفاجئنا أكثر بتصريحات بعض الأعلام الهلالي والتي أتهمت محترفين المريخ بالجاسوسية ونشرت أرقام هواتفهم الخاصة ، وبعض الجماهير التي بدأت بالتهجم والعدوان على المريخ منذ المباراة الأولى في نهائي الدوري وتم تكرارها بصورة أوضح وأعنف في مباراة نهائي الكأس وبعد ذلك رأينا التباكي على القيم والأخلاق وأن نادي المريخ المجني عليه أولاً هو الذي كسر الإتفاق فبأي منطق يتحدثون وهم ينطبق عليهم المقولة الخالدة ((لاتنهى عن خلق وتأتي بمثله عار عليك إذا فعلت عظيم )) ختاماً نؤكد بأننا في نادي المريخ لانقبل ولانؤيد الإنفلات والهتافات المشينة وفي نفس الوقت لا ولن نقبل الإساءة من أي جهة مهما كانت خاصة وإنها تقول ما لا تفعل ، وندين ونشجب ونستنكر سوء السلوك الذي صاحب المباراة من بعض جماهير الهلال التي حصبت الملعب بالحجارة وقارورات المياه مستهدفين لاعبين المريخ وأجهزته الفنية والإدارية وطاقم التحكيم ونشجب أيضاً السلوك الذي صاحب إستلام الميداليات وننتظر لنرى كيف تتصرف المؤسسة الحاكمة لكرة القدم حيال ذلك . والله الموفق والمستعان محمد جعفر قريش السكرتير بأمر مجلس الإدارة

مجلس ادارة المريخ الهزيل لم يتطرق للشتائم الفظيعه التى تعرض لها هيثم مصطفى
مجلس المريخ تناسوا قزف جماهيرهم للملعب فى العديد من المناسبات الكروية
مجلس المريخ يجعل من الهلال عدو له بدون اسباب مقنه

Quote: ختاماً نؤكد بأننا في نادي المريخ لانقبل ولانؤيد الإنفلات والهتافات المشينة وفي نفس الوقت لا ولن نقبل الإساءة من أي جهة مهما كانت خاصة وإنها تقول ما لا تفعل ، وندين ونشجب ونستنكر سوء السلوك الذي صاحب المباراة من بعض جماهير الهلال التي حصبت الملعب بالحجارة وقارورات المياه مستهدفين لاعبين المريخ وأجهزته الفنية والإدارية وطاقم التحكيم ونشجب أيضاً السلوك الذي صاحب إستلام الميداليات وننتظر لنرى كيف تتصرف المؤسسة الحاكمة لكرة القدم حيال ذلك .

ووحيال السكر

مدثر حبابك

حبيبنا ود قرجاج تحياتي

Quote: مجلس ادارة المريخ الهزيل لم يتطرق للشتائم الفظيعه التى تعرض لها هيثم مصطفى مجلس المريخ تناسوا قزف جماهيرهم للملعب فى العديد من المناسبات الكروية

ابداً مجلس المريخ العظيم لم يتجاهل التصرفات الغير لائقة من جمهوره تجاه كابتن هيثم واشار ضمنيا لذلك بهذا:

Quote: ختاماً نؤكد بأننا في نادي المريخ لانقبل ولانؤيد الإنفلات والهتافات المشينة

ولا ارى في البيان غرابة ولا شيء مضحك يا مدثر ...

ومجلس الهلال سبق المريخ باصدار بيان ولم يشر فيه الى تصرفات وانفلات جمهور الهلال تجاه راجي وتجاه المريخ باللافتات المسيئة في اخر مباراة ... ولم نقل ان البيان غريب ولا مضحك ولم نصف مجلس الهلال بالهزيل ....


المريخ كبيييير والهلال كبيييير وهما وجهان لعملة واحدة يجب ان نحافظ على الوجهين لتحتفظ العملة بقيمتها ....

مودتي

عدل لعدم التاكد من محتوي المداخلة

مدثر كل عام و انت بخير
هذا بيان مضحك من مجلس اكثر اضحاكا

Quote: ووحيال السكر مدثر حبابك

حبابك ايمو
عايزين يضاروا الفشل بمواضيع عجيبه
واتهامات مضحكة

بصـــراحة يا مدثر مافيهو اي حاجة مضحكة

Quote: ولا ارى في البيان غرابة ولا شيء مضحك يا مدثر ... ومجلس الهلال سبق المريخ باصدار بيان ولم يشر فيه الى تصرفات وانفلات جمهور الهلال تجاه راجي وتجاه المريخ باللافتات المسيئة في اخر مباراة ... ولم نقل ان البيان غريب ولا مضحك ولم نصف مجلس الهلال بالهزيل .... المريخ كبيييير والهلال كبيييير وهما وجهان لعملة واحدة يجب ان نحافظ على الوجهين لتحتفظ العملة بقيمتها .... مودتي

يا امير نهارك سعيد

يا امير اليس من الغرابه ان يذكر البيان ان الهلال يستهدف كيان المريخ
هل هى حرب؟ وماهو الاستهداف المقصود فى البيان لو فى الملعب ممكن
شتائم هيثم كانت افظع من ماتتخيل وقد مست اشياء لا استطيع حتى ذكرها
وهذا لايقلل من شتائم راجى رغم اننى لا احب ان تتدخل الجماهير فى الامور
الشخصية لكن شتائم راجى اخف وطأة واظن ان القضية قد تحولت الى قضية رأى
عام قبل المباراة... وبعد ده كلو جلسنا مع المريخ لتفادى هذه السلبيات لكن الجماهير
الموجهة والمشحونه من قبل اعلام المريخ الغبى ردت وانتقمت لراجى حسب مفهومهم
الضيق بشتائم للبرنس اظننا لم نسمع بها فى تاريخ الملاعب ودونك انا اسال من
تابعوا المباراة من داخل المقبرة.
البيان هزيل وياتى ضمن سياق خير وسيله للدفاع هى الهجوم الملفق والكاذب .
محبتى

Quote: عايزين يضاروا الفشل

ياتو فشل يا مدثر !!!
الفريق فاز قبل يومين ببطولة كاس السودان بفوزه على الهلال 2/0
وهي واحدة من بطولتين سنويتين في الساحة الداخلية ... وخسر البطولة الاولى بخسارته امام الهلال 2/3 بعد تساويهما في النقاط حتى هذه المباراة .. اما على الصعيد الخارجي فالفريق لم يفز ببطولة منذ اكثر من 20 عام يعني الخروج من البطولة لا يعني فشلا للمجلس يبحث عن تبريرات له .


انتو حارقاكم الزعمطة دي .. لانو العبرة بالخواتيم والبضحك اخيرا ببكي التاني كثيييييييييييييييييييراً وبكاكم ياهو كدي جنس البتسووا فيهو دا .

Quote: وبعد ده كلو جلسنا مع المريخ لتفادى هذه السلبيات لكن الجماهير الموجهة والمشحونه من قبل اعلام المريخ الغبى ردت وانتقمت لراجى

مدثر وهل جلوسكم مع المريخ ادى لتفادي السلبيات !!!!
لا طبعا والدليل ان جمهور الهلال جاء للمباراة يحمل لوحات مسيئة للمريخ بوصفه نادي السكرانين وضمنيا فيها تكرار الاساءة لراجي ...!!!!!

وبعدين شنو البقت قضية راي عام ... ياخي اتقوا الله
منو اسي البجوهو في بيتو وللا في بيت صاحبه ويقبضوهو عشان بيسكر !!!!! ويسوقوهو يجلدوهو ....
الموضوع كييييييييييدي ووااااااااااضح وضووووح الشمس في نهار صيف حاااار ....
الناس يا مدثر شجبت فعائل النظام العام وانتهاك الحريات ولا زالت تشجب وانت ممن يشجب ويدين هذا الشيء واذا حدث ما حدث لراجي لاحد لاعبي الهلال لما كان هذا رايك ولا راي جمهور الهلال وايضا عشان ما نكيل بمكيالين برضو دا ما كان حا يكون موقف جمهور المريخ .... ودي مهاترات سخيفة ونرفضها تماما من الجمهورين الكبيرين وبالخصوص المساس بعروض الناس وسلوكياتهم الشخصية ....

تعرف انا ما حصل علّقت على شتيمة هيثم لفيصل العجب ابدا لاني عارف درجة الشحن والضغط البكون عليها اللاعب في المباراة رغم الكلام القبيح الكان بيرددو هيثم لفيصل وكان وااااضح من حركة الشفاه .



مودتي

بيان مضحك وهزيل كمان ....

بئس البيان لا يصدر إلا من مراهقين. المريخ يستحق إدارة أفضل من هذه الإدارة الهزيلة

نعم البيان من الادارة فى رد واضح و صريح على تصرفات الشرذمة المارقة على اخلاق الرياضة

و بالمناسبة حكاية ميشو دى من المبارة الفاتت و فيها قضية و خليكم ساكين تونس لحدى ما نخت ليكم مدربكم ظاااتو فى السجن

و يكفى المكيدة الخسيــسة التى قام بها نادى صغير العرضة للايقاع بالنجم راجى

و لا يستطيع احد ان ينكر موضوع الهتفات المسيئة و التى كررت هنا فى هذا المنتدى

عكس ما يدعيه الكذبة من ان جمهور المريخ اساء الى احد فى مبارة الكاس و هو ما لم يستطيعو اثباته الى الان

الادارة الهزيلة هى ادارة نادى ضغير العرضة المعروف ايضا باسم الهلال و التى لم تلوم حتى مجرد لوم

الشرذمة الفالتة من جمهورها و هو يرمى بالزاجاجت الفارغة و المليئة و الشباشب داخل الملعب

الكويس انو الجمهور طلع حفاين كااااااااااااااااك طلعناهم حفايه من بيتهم ههههههههههههههههههههههه

و الادهى ان هذا النادى يضع كلمة التربية على جدرانه و يضع كابتن لا يتحلى باقل درجات الادب كرمز له

شكرا محمد جعفر قريش
شكرا نادى المريخ العظيم
شكرا جمهور الصفوة

و لا نامت اعين الجبناء و الرجرجة من المفلعين الحفيانيين

و بئس الادارة هى ادارة نادى صغير العرضة ... و التى تفلح فى الجرى فى المحاكم احسن من جرى لعيبتها فى الملعب

أكتر حاجه أنا مستغرب ليها هي قريش ده بقي سكرتير لنادي المريخ كيف ؟؟ من أزمه بيان موت إيداهور وغيره من البيانات الركيكه وأنا بسأل نفسي .. معقوله نادي بحجم المريخ يكون سكرتيره عنده مشكله في كيفيه الصياغه .. وين المكتب التنفيذي وين رئيس القطاع الثقافي والله العظيم أنا المسكين ده البكتب بغلطات نحويه وإملائيه ما ممكن أكتب زي بيانات قريش دي.... لو كلموا ناس وليد الشفت وأمير الجمري ومواهب إدريس ممكن يكتبوا ليهم بيانات أحسن ألف مره من الكلام الفاضي البيكتبو قريش ده

Quote: مدثر كل عام و انت بخير هذا بيان مضحك من مجلس اكثر اضحاكا .

عبد الغفار تحياتى
مجلس المهازل يستعرض فى مهزلته
ويسقط فشله لاسباب واهية

Quote: بصـــراحة يا مدثر مافيهو اي حاجة مضحكة

ياادريس سلام
الضحك زاتو خشم بيوت وبيان المريخ عندما تطالعه وتسترجع الاحداث
الحقيقية ربما تنتابك موجة ضحك هيستيرية هى اقرب للبكاء لحال
هذا المجلس الضعيف الذى لم يوفق حتى فى صياغة بيان للدفاع عن
نفسه

Quote: وننتظر لنرى كيف تتصرف المؤسسة الحاكمة لكرة القدم حيال ذلك .

مخير الله في حكمو .........

Quote: ياتو فشل يا مدثر !!! الفريق فاز قبل يومين ببطولة كاس السودان بفوزه على الهلال 2/0 وهي واحدة من بطولتين سنويتين في الساحة الداخلية ... وخسر البطولة الاولى بخسارته امام الهلال 2/3 بعد تساويهما في النقاط حتى هذه المباراة .. اما على الصعيد الخارجي فالفريق لم يفز ببطولة منذ اكثر من 20 عام يعني الخروج من البطولة لا يعني فشلا للمجلس يبحث عن تبريرات له . انتو حارقاكم الزعمطة دي .. لانو العبرة بالخواتيم والبضحك اخيرا ببكي التاني كثيييييييييييييييييييراً وبكاكم ياهو كدي جنس البتسووا فيهو دا . ]

ياامير ياحبيبنا والله امرك عجب ياخى انت عايز فشل اكتر من الانتو فيه
اولا استقالة رئيس النادى بسبب مشاكل لاتحصى وطبعابرضو الهلال كان ليه دور
فى ده؟؟؟
الشى الاول ملايين الدولارات صرفت فى محترقين ضاربين لم يقدموا للنادى اى
جديد وصفقة وارغو دليل على فشل زريع..ومن بعده الجاسوس وبقية التوانسه والمناضل رمزى صالح
فشل مجلس الادارة فى ادارة كل الازمات التى اعترضت المجلس
فشل فى الفوز ببطولة الدورى الممتاز لعاميين متتاليين والسنه الفاتت خرحتو
بصفر كبير
فشلكم فى المناسبات الافريقية والخروج على يد فرق مغموره رغم الملايين الاتصرفت
ياخى اصلو الفشل ده كيف؟ يعنى كاس السودان الاداك ليه الحكم ده بتسميه نجاح والله
تكون مشكلة ..والعبرة صدفنى مابالخواتيم العبرة بالانجاز والنجاح والتشريف
فى المحافل الافريقية وهذا ماجناه الموج الازرق

Quote: [مدثر وهل جلوسكم مع المريخ ادى لتفادي السلبيات !!!! لا طبعا والدليل ان جمهور الهلال جاء للمباراة يحمل لوحات مسيئة للمريخ بوصفه نادي السكرانين وضمنيا فيها تكرار الاساءة لراجي ...!!!!! وبعدين شنو البقت قضية راي عام ... ياخي اتقوا الله منو اسي البجوهو في بيتو وللا في بيت صاحبه ويقبضوهو عشان بيسكر !!!!! ويسوقوهو يجلدوهو .... الموضوع كييييييييييدي ووااااااااااضح وضووووح الشمس في نهار صيف حاااار .... الناس يا مدثر شجبت فعائل النظام العام وانتهاك الحريات ولا زالت تشجب وانت ممن يشجب ويدين هذا الشيء واذا حدث ما حدث لراجي لاحد لاعبي الهلال لما كان هذا رايك ولا راي جمهور الهلال وايضا عشان ما نكيل بمكيالين برضو دا ما كان حا يكون موقف جمهور المريخ .... ودي مهاترات سخيفة ونرفضها تماما من الجمهورين الكبيرين وبالخصوص المساس بعروض الناس وسلوكياتهم الشخصية .... تعرف انا ما حصل علّقت على شتيمة هيثم لفيصل العجب ابدا لاني عارف درجة الشحن والضغط البكون عليها اللاعب في المباراة رغم الكلام القبيح الكان بيرددو هيثم لفيصل وكان وااااضح من حركة الشفاه . مودتي ]

ياامير
انا اصلا ماعندى زرة شك فى انو الخصوصيات هى ملك للشخص ومن يومى
بكره النظام العام وبشجب كل اساليبه الغريبه والمدهشة والتى لاتمت
للدين ولا للعرف ولا لكرامة الانسسان بشى ،لكن هذا لايعطى المريخاب
الحق فى رد التحية بابشع منهاوانا كنت بقصد بقضية راى عام انو الحاجه
الكيدية الاتعملت لراجى اتعرفت قبل المباراة للقاصى والدانى وهنالك الكثير
من المشاهير وقعوا ضحية النظام العام فى التربص بهم وعندما ظهروا بعد فترة فى المحافل
العامه ارتفعت ضدهم همهمات عدم الرضا ######ط الناس لكنهم عادوا بعد فترة اكثر تألقالعلمهم
ان الامور الشخصية ليست لها علاقه بمايأديه الفرد فى ساحات العمل العام رغم ان هذه الثقافة
مازالت قيد الاجراءات فى السودان ..لكن ان تصل الاساءة للأم ودون ان يكون لها ذنب وان تصل
الشتيمة الى حديث الافك فهذا مايجب ان يجابه من مجلس ادارة الهلال بكل قوة .وكان من الاحرى
ان يردع مجلس المريخ جماهيره بصورة اكثر حزما وان يستنهض الاعلام المريخى للوقوف امام احاديث
الافك التى ستقود الرياضه الى الهاوية لكن مجلس المريخ الغبى او المتغابى ماعارف انصرق لضرورة
معاقبة هيثم على سلوكه فى استلام الميداليات مع ان هذا الامر لايعنيهم فى شى
حبيبنا امير مالكم كيف تحكمون

Quote: [بيان مضحك وهزيل كمان

ومقرف ايضا

Quote: بئس البيان لا يصدر إلا من مراهقين. المريخ يستحق إدارة أفضل من هذه الإدارة الهزيلة

وبئس مايضمرون من شر وكراهية للبطل

Quote: عكس ما يدعيه الكذبة من ان جمهور المريخ اساء الى احد فى مبارة الكاس و هو ما لم يستطيعو اثباته الى الان

يازول انت قاعد وين؟ ياخى ده كان غلى مسمع من الوزير
ورئيس الاتحاد تانى اثبات شنو؟؟
جمهورك جاء باقبح الاساءات فى تاريخ الملاعب وليتهم مسوا هيثم
فى شخصه كان اهون وليتهم قالو ليه سكران ولا غبيان زى راجى السكران بالجد
لكنهم ذهبوا الى ابعد من ذلك ,,
ادارة المريخ اغبياء
ولاعبين همج
وجمهور لايفقه شى سوى التفنن فى الاساءات
واعلام مغبون وحاقد

Quote: ياامير ياحبيبنا والله امرك عجب ياخى انت عايز فشل اكتر من الانتو فيه

والله انتو الامركم عجيب والنمسكها واحدة واحدة :

Quote: الشى الاول ملايين الدولارات صرفت فى محترقين ضاربين لم يقدموا للنادى اى جديد وصفقة وارغو دليل على فشل زريع

ياخي صفقة وارغو بالذات كانت اكبر انجاز للنادي لانها اقتلعتو من اعتى فريق افريقي وهو نادي القرن الافريقي الاهلي القاهري .. ولو اللاعب ما اتوفق مع النادي ما معنه دا فشل اداري ولا معناه ان اللاعب ضغيف وفاشل وانا وانت والكل يعلم ان وارغو صاحب امكانات عالية جدا وعدم توفيقو مع المريخ اسبابه متعددة .. اهمها الاعلام والظروف الحرب النفسية المورست ضده والخارجة عن اطار السلوكيات الرياضية التي ننادي بحسنها ونظافتها .

Quote: ومن بعده الجاسوس

اولا كلمة جاسوس دي مرفوضة !!!!
النفطي لاعب مميز جدا ولعب مع المريخ مباريات ممتازة وايضا الاصابات لاحقتو ومنعتو من العطاء بالصورة المطلوبة ...
اما مسألة الجاسوسية وما يتداوله الاعلام الهلالي (ولا انعته بالغباء) كما تفعلون مع اعلام المريخ .. ياخي قرن شطة نصح الهلال في مباراته ضد الاهلي المصري الذي كان يلعب له واتت النصائح لسودانيته ولم يتهم المصريين قرن شطة بالجاسوسية .. بعدين ياخي التجسس على شنو اولا ما يراه النفطي عن الهلال تراهو كل تونس عبر التلفزيون واذا تحدث عن جمهور الهلال وشراسته ومؤازرته القوية للهلال في ام درمان دي برضو معلومة معروفة ومتداولة في كل وسائل الاعلام وتعد في مصلحة الهلال لانها معلومة مخيفة للخصم .. بعدين ياخي هيثم طمبل قبل كده ادى الهلال معلومات عن فريق جنوب افريقي ايام احترافو هناك يعني الكلام البتقولوا فيهو دا والله بيقلل من قيمتكم ساكت وبخلي الناس يضحكوا عليكم ويقولوا عليكم انكم بتحاولوا تنصرفوا عن اخفاقاتكم بامور انصرافية زي دي ..

Quote: متتاليين والسنه الفاتت خرحتو بصفر كبير

العام القبليهو انت انتو خرجتو بنفس الصفر وخاويتوهو بالصفر الاكبر .

Quote: فشلكم فى المناسبات الافريقية والخروج على يد فرق مغموره رغم الملايين الاتصرفت

دا برضو ما فشل مجلس .. هي ظروف حدثت للفريق بموت افضل لاعب على مستوى الدوري السوداني واصابة مهاجميه الاخرين وعدم التمكن من دعم الفريق لعدم السماح قانونيا بذلك .. والخروج على يد فرق مغمورة دا بيحصل عادي وبتتحكم فيها ظروف المباراة نفسها وحدث ذلك امكن للصفاقسي قبل ما يجي ويخرجك من البطولة وذلك بخروجه على يد فريق من الدرجة التانية .. وزي ما قلت ليك الحاجات دي بتتحكم فيها ظروف المباراة نفسها يعني كما خسر الهلال امام هلال كادوقلي لظروف صاحبت المباراة كان يمكن ان تكون نفس المباراة ويخرج الهلال او كما فعل الامل مع المريخ ...

Quote: يعنى كاس السودان الاداك ليه الحكم ده بتسميه نجاح والله تكون مشكلة

.

الحكم لعب الباص لهنو !! وللا قال لي راجي اضرب الكورة لحظة خروج المعز .. وللا صرف ضربة جزاء لبكري المدينة وكمان (لعمر بخيت لمن مصعب اعاقو في منطقة جزاء المريخ) وللا قال لي سيف اضرب راجي بي كوعك وانا بعمل نائم وبعدين غشاهو واداهو الكارت الاحمر ... حكم شنو يا مدثر ياخ .. ناسك جو مليانين غرور وبالتالي انهزموا..
.

Quote: والعبرة صدفنى مابالخواتيم العبرة بالانجاز والنجاح والتشريف فى المحافل الافريقية وهذا ماجناه الموج الازرق

اي نجاح واي خواتيم واي انجاز حققه الهلال او الموج الازرق كما تقول .. واي محافل افريقية .. وانت حتى الشكوى خسرتها وخسرها مجلسك المبجل بعد ان خدّركم بيها لاكتر من اسبوعين ..
يااااااااااااااااااااااااااخي اختشوا ساكت !!!!

Quote: ياامير انا اصلا ماعندى زرة شك فى انو الخصوصيات هى ملك للشخص ومن يومى بكره النظام العام وبشجب كل اساليبه الغريبه والمدهشة والتى لاتمت للدين ولا للعرف ولا لكرامة الانسسان بشى ،لكن هذا لايعطى المريخاب الحق فى رد التحية بابشع منهاوانا كنت بقصد بقضية راى عام انو الحاجه

مدثر ياخي انا معاك وقبلك ادنت تصرف الجماهير بالاساءة لهيثم او لغيره من اللاعبين ... واكررها ان هذا التصرف مرفووووووووووض .

Quote: ..لكن ان تصل الاساءة للأم ودون ان يكون لها ذنب وان تصل

طبعا دا غلط كبييييييييييير ولا يرضي احد ..... لكن بالله مجرد سؤال يا مدثر .. من كا يشتم هيثم ذاتو عندما كان يلاسن فيصل عجب !!! انا ما بعرف انزل الحاجات هنا عليك طلب وااحد بس نزل لي اللقطة الهيثم بيشتم فيها فيصل عجب !

Quote: الشتيمة الى حديث الافك فهذا مايجب ان يجابه من مجلس ادارة الهلال بكل قوة .وكان من الاحرى ان يردع مجلس المريخ جماهيره بصورة اكثر حزما وان يستنهض الاعلام المريخى للوقوف امام احاديث الافك التى ستقود الرياضه الى الهاوية لكن مجلس المريخ الغبى او المتغابى ماعارف انصرق لضرورة معاقبة هيثم على سلوكه فى استلام الميداليات مع ان هذا الامر لايعنيهم فى شى

ماذاتفعل مجالس الادارات للجمهور يا مدثر !! عمّ تتحدث يا حبيب !!

فعلا ... فعلا ... هيثم مصطفى هو خير ممثل لكم

هيثم مصطفى هو خير ممثل لك و لـ امثالك و هو فعلا كبيركم و هو خيركم فى كيفية تقديم الاعتراض الرياضى و احترام اللعبة



هيثم مصطفى هو خير ممثل لك و لـ امثالك و هو فعلا كبيركم و هو خيركم فى انتقاء الالفاظ مع زملائه اللاعبين و امام المشاهدين



هيثم مصطفى هو خير ممثل لك و لـ امثالك و هو فعلا كبيركم و هو خيركم فى تقبل قرارات المدرب و ضرب المثل و القدوة



هيثم مصطفى هو خير ممثل لك و لـ امثالك و هو فعلا كبيركم و هو خيركم فى التعامل مع الجمهور



هيثم مصطفى هو خير ممثل لك و لـ امثالك و هو فعلا كبيركم و هو خيركم فى تصدر الصحف مع انجازات فريقه



هيثم مصطفى هو خير ممثل لك و لـ امثالك و هو فعلا كبيركم و هو خيركم فى اظاهره لسلوككم فى الخارج



هيثم مصطفى هو خير ممثل لك و لـ امثالك و هو فعلا كبيركم و هو خيركم فى رابطة الجأش و الثبات عند الخسارة



هيثم مصطفى هو خير ممثل لك و لـ امثالك و هو فعلا كبيركم و هو خير ممثل لهذة الجماهير



هيثم مصطفى هو فعلا كبيركم ... من قلبى والله بدعى معاهو ربنا يديهو الـ فى مرادو



لانو فعلا حرام كل مره






** جميع الصورة اعلاه منقولة من مواقع متنوعة حفاظا على حقوق الملكية

Quote: أكتر حاجه أنا مستغرب ليها هي قريش ده بقي سكرتير لنادي المريخ كيف ؟؟ من أزمه بيان موت إيداهور وغيره من البيانات الركيكه وأنا بسأل نفسي .. معقوله نادي بحجم المريخ يكون سكرتيره عنده مشكله في كيفيه الصياغه .. وين المكتب التنفيذي وين رئيس القطاع الثقافي والله العظيم أنا المسكين ده البكتب بغلطات نحويه وإملائيه ما ممكن أكتب زي بيانات قريش دي.... لو كلموا ناس وليد الشفت وأمير الجمري ومواهب إدريس ممكن يكتبوا ليهم بيانات أحسن ألف مره من الكلام الفاضي البيكتبو قريش ده ]

فدياس سلام
انا مستغرب زاتو اكتر منك زول زى قريش ده ماعندو اى معرفة
بالامور الرياضية ولايعرف كيف يدير الازمات وتنقصه الكثير من
الحنكة ليكون فى مجلس المريخ ولا بنعرف عنو شى غير الرعونة
والتهور وزى ماقلت بيان ايداهور كان خير دليل على عدم درايته
بشى وكاد ان يخلق فتنة كبرى .
لكن نحن بعد كده مفروض تانى مانستغرب فى شى من طرف المريخ لانو
الفوضى ضاربه فى اعماق النادى من كل الاتجاهات وانطبقت عليهم علامات
اخر الزمان وصارت الامور فيه تولى لغير اهلها .

Quote: ياخي صفقة وارغو بالذات كانت اكبر انجاز للنادي لانها اقتلعتو من اعتى فريق افريقي وهو نادي القرن الافريقي الاهلي القاهري .. ولو اللاعب ما اتوفق مع النادي ما معنه دا فشل اداري ولا معناه ان اللاعب ضغيف وفاشل وانا وانت والكل يعلم ان وارغو صاحب امكانات عالية جدا وعدم توفيقو مع المريخ اسبابه متعددة .. اهمها الاعلام والظروف الحرب النفسية المورست ضده والخارجة عن اطار السلوكيات الرياضية التي ننادي بحسنها ونظافتها

ياامير كيفنك
اول شى النادى الاهلى صرف نظر عن وارغو لانو لايستحق كل هذا المبلغ مع ايمانى
الكامل بمهارات وارغو لكن مقارنة بالمبلغ المدفوع فى مبالغه شويه والاهلى المصرى
لهم فلسفة اخرى فى جلب المحترفين ...بعدين يا امير لمن مجلس ادارتكم الفاشل جاب
وارغو كان يرمى من وراء ذلك الى البطولات وضخ الحياة الى الفريق حتى يكون فى مصاف
الفرق الكبرى ومسألة الضغط الجماهيرى والنفسى دى ماعندها معنى لان هنالك لاعبين يجلبون
بملايين الدولارات ويعرفون كيف يتعاملون مع هذا الضغط واظن ان ماتعرض له وارغو من ضغط
هو ايضا يضاف الى اخفاقات مجلسكم الفاشل ...
يا امير ان يعار لاعب مثل وارغو دون ان يحقق للمريخ انجاز واحد فهذا يعنى فشل الصفقه بغض
النظر عن مهارات اللاعب وقصة عدم التوفيق ...

وراجع لباقى كلامك عشان الزول النشر الصور لهيثم مصطفى ده غايزنى شديد
وداير امشى عليهو

يامحمد الامين
يعنى انت قايل صورك وتسجيلاتك دى ممكن تهز صورة البرنس والله بتكون بتضحك على نفسك
والله لو جبت الف صورة زى دى عشان تثبت انو هيثم ماعندو سلوك تكون بتتعب فى نفسك ساكت لان
هيثم مصطفى من 15 سنه وهو رمز للاخلاق داخل وخارج الملعب ولو داير تعرف اخلاق هيثم امشى
من صلاة الصبح رابط جنب بيتو عشان تعرف قمة الادب والاخلاق البتبدأ من الاسرة وتمتد الى
الملعب .
بعدين ياصحبى لو شفت كيف هيثم مصطفى احتوى راجى وطبطب عليهو ومنحو مزيد من الثقة كنت
قدرته تقيم هيثم واخلاق هيثم كويس وكانت الغشاوة الفى عيونك انزاحت لكن انتو حتى لو شفتوا
بتعملوا فيها ماشايفين ولاعارفين لمجرد انكم ماعايزين تمنحوا اى زول من الهلال شرف الاعتراف
بيهو فى اى شى ونحن لانحتاج بالتاكيد لاننا ندرك ان الفشل يدفع بصاحبه الى مستنقع الحقد والحسد.
شايفك خاتى ليك تسجيل ماعندو معنى؟ معتصم جعفر قال ليك الزول ده برى جايب التسجيل تانى لشنو؟
بعدين هيثم بشر ومن حقو ان يدعو الله ان يديهو بطوله المشكله شنو يعنى فى الصورة دى؟
بعدين تعال ورينى العجب قال لهيثم شنو؟ وهيثم رد ليه شنو؟ لانو صراحه ماعرفت اميز ؟ ومنتظر
ردك؟ بعدين هيثم لمن بكا كان بكاء الرجل النبيل الغيور على الهلال يعنى الصورة ماعندهادخل بالسلوك
وصورك الباقيه دى مفبركه زى الكثير من الصور الحايمه فى المنتديات والمستهدفه هيثم فى شخصو
من جمهوركم المتواضع جدا فى الفهم وفى السلوك الرياضى وقبل ده هتفتوا ضد هيثم فى تمرين للمنتخب
الوطنى داخل استادكم وحينها لم يكن راجى سكران عشان ماتقول لى انتو البديتو انتو اصلا ده طبعكم
حتى المرحوم والى الدين رحمه الله ذلك المهذب الطيب لم يسلم من هتافاتكم البذيئة وانور الشعله
والكثير الكثير..جايين هسى عشان تغيبى الناس وتقولوا الهلال هو البدا ياخى ارحمو نفسكم شويه
سيظل هيثم مصطفى هو شعلة من الاخلاق والادب الرفيع وسيظل سفير النوايا الحسنة واحسن لاعب فى تاريخ السودان والاكثر شعبية بدون منازع..
وستظل جماهير الموج الازرق هى حامى حمى ابطالها تصون كرامتهم وتحفظ مكانتهم من المتربصين