Post: #1
Title: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:08 PM
Parent: #0
المصدر واحد حلف بالله العظيم ..ومصدرو علي قاقرين
|
Post: #2
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:09 PM
Parent: #1
Quote: كسب الهلال السوداني شكواه ضد الصفاقسي التونسي
واصبح الان الامر في مرحلة التداول مابين اعتبار الهلال في النهائي او اعادة المباراة وجاري التصويت بين الامرين مع الاخذ في الاعتبار ان الخيار الثاني ضد قانون المنافسه
عليه نبارك للاسياد عودة الحق الى اصحابه
المصدر الدكتور على قاقارين
|
http://forum.kooora.com/f.aspx?t=26218294
|
Post: #4
Title: Re: الهلال يكسب شكواة ضد الصفاقصي
Author: اساسي
Date: 11-24-2010, 10:11 PM
Parent: #2
اخواني واخواني في فريق الهلال السوداني , اتمني ان تكونوا كرماء كفاية وتدو اخوكم معاوية حسين الضل
اخوكم معاوية يحتاجكم يا اخوانه
|
Post: #6
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:13 PM
Parent: #4
والله اخوك زاتو ما مقتنع بي الموضوع دا ..لكن طالما سافر علي قاقرين ومالك للقاهرة وتدخل الاعلام المصري وعيسي حياتو معناهو الموضوع ما فرقعات اعلاميه
|
Post: #7
Title: Re: الهلال يكسب شكواة ضد الصفاقصي
Author: haroon diyab
Date: 11-24-2010, 10:16 PM
Parent: #2
معليش يامعاوية
حاولت الدخول للموقع
فلقيت الرسالة دي....!!!!
Quote: الموضوع المطلوب غير متوفر.
قد يكون هناك عدة إسباب لهذا منها:
* رقم الموضوع المطلوب غير صحيح.
* الموضوع لم تتم الموافقة عليه للآن من قبل طاقم الإشراف.
* الموضوع تم تجميده أو حذفه أو إخفاؤه.
* المنتدى الذي فيه الموضوع لا يسمح لك بالدخول اليه. |
ارجو الافادة
|
Post: #3
Title: Re: الهلال يكسب شكواة ضد الصفاقصي
Author: khaleel
Date: 11-24-2010, 10:09 PM
Parent: #1
| Quote: المصدر واحد حلف بالله العظيم ..ومصدرو علي قاقرين |
يا رب يا رب يا رب
|
Post: #5
Title: Re: الهلال يكسب شكواة ضد الصفاقصي
Author: اساسي
Date: 11-24-2010, 10:13 PM
Parent: #3
ان معاوية حسين اخوكم يحتاجكم حوجة اخوكم خليل اليكم
هؤلاء في ذمتكم فارأفوا باخوتكم
|
Post: #9
Title: Re: الهلال يكسب شكواة ضد الصفاقصي
Author: محمد إبراهيم علي
Date: 11-24-2010, 10:19 PM
Parent: #5
معاوية عليكم بالماء البارد وكتر منو وخليك في الضل لووووووووووول
صاحبك ده شكلو بلع البوست بتاعو او بلعوهو ليهو ناس موقع كووورة
على اي حال انت ممكن تبلع براك ومن سكات مسنجر صغير لبكري
بس ما توديهو الخور خليهو يوديهو مكتبة ضحايا التعذيب لوول
|
Post: #8
Title: Re: الهلال يكسب شكواة ضد الصفاقصي
Author: سامي صلاح محمد
Date: 11-24-2010, 10:16 PM
Parent: #3
عند الضغط على الرابط تظهر الإجابات التالية، فضلا ًاختر الاجابة الصحيحة:
Quote: الموضوع المطلوب غير متوفر.
قد يكون هناك عدة إسباب لهذا منها:
* رقم الموضوع المطلوب غير صحيح.
* الموضوع لم تتم الموافقة عليه للآن من قبل طاقم الإشراف.
* الموضوع تم تجميده أو حذفه أو إخفاؤه.
* المنتدى الذي فيه الموضوع لا يسمح لك بالدخول اليه.
|
يا فرحة ما تمت
|
Post: #11
Title: Re: الهلال يكسب شكواة ضد الصفاقصي
Author: خضر حسين خليل
Date: 11-24-2010, 10:22 PM
Parent: #8
يا معاوية الواحد ده مصدرو قاقرين ولا زول تاني ؟
أدينا النجيضة ياخ
|
Post: #12
Title: Re: الهلال يكسب شكواة ضد الصفاقصي
Author: عمران حسن صالح
Date: 11-24-2010, 10:22 PM
Parent: #8
بالله انا قاعد من المغرب هنا منتظر
في ناس ما ظهروا خالص في كل البوستات النازلة
بالله من ما جات سيرة الشكوى أوكي أساسي وهارون طلعوا من تحت الواطه
كااااااااااااااااكـ من هنا ليى تونس
|
Post: #17
Title: Re: الهلال يكسب شكواة ضد الصفاقصي
Author: haroon diyab
Date: 11-24-2010, 10:27 PM
Parent: #12
عمران ياعمك
Quote: بالله من ما جات سيرة الشكوى أوكي أساسي وهارون طلعوا من تحت الواطه
كااااااااااااااااكـ من هنا ليى تونس |
نحنا ماصدقنا السكري نزل
عاوز ترفع لينا الضغط....؟
قال شكوي ...قال.....!!!!
|
Post: #13
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:23 PM
Parent: #8
دي سياسة الاشراف في موقع كورة ..كثرت المواضيع حول شكوي الهلال ولذلك تقوم الادارة بقفل كل الم######## حول الشكوي الا من مصدر رسمي ...لكن الزول دا حلف باسم الله العظيم مرتين ما متخيل زول يحلف عشان كورة
كان شاكين فيني انا كمان يبقي موضوع تاني :)
|
Post: #10
Title: Re: الهلال يكسب شكواة ضد الصفاقصي
Author: Ashraf el-Halabi
Date: 11-24-2010, 10:21 PM
Parent: #3
حد يصحي الجمري
كل سنة إنتا والأسرة بخير يا معاوية
بعيد عن موضوع الشكوى: الهلال حقق مكاسب أهم من كاس الكونفدرالية (أي والله)
*الخبرة التنافسية وعدم الخوف من الاسماء الكبيرة
*الاسم الأفريقي (على فكرة: الأهلي القاهري كتير كان بيكون في حالة سيئة ويكسب بعامل الاسم فقط)
*اللبش بتاع الشكوى دي ذاتو حيخلي ناس الكاف تاني ما يدوسوا للهلال على طرف (زي الحصل في ماتش لاراش)
المكاسب دي كلها حتظهر لقدام
|
Post: #14
Title: Re: الهلال يكسب شكواة ضد الصفاقصي
Author: اساسي
Date: 11-24-2010, 10:24 PM
Parent: #10
انت يا معاوية الزول دا حلف ليك قال شنو؟
هل حليفتو كانت ؛ وحات الله الهلال كسب الشكوى
ولا حلف وقال: والله العظيم قاقرين قال لي
وكمان قال ليك : اقسم بالذي خلقني من تراب انه علي قاقرين بيكتب بحساب وائل طه؟
|
Post: #15
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:26 PM
Parent: #10
مصدر اخر
Quote: سلام عليكم
وردنا قبل قليل
بخصوص شكوى الهلال انها قبلت
وان المبارة ستعاد
وقد اجتمع لجنة مكونة من 20 عضوا"
وقد تم التصويت على النحو التالى
16 عضو وافق على الشكوى وعلى ان تتم اعادة المباراة
فى حين عارض 4 ااعضاء الاعادة
وحتى ورود تفاصيل اخرى
سلام عليكم
|
http://forum.kooora.com/f.aspx?t=26218531
|
Post: #16
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:27 PM
Parent: #15
الخبر الفوق دا من شخص مقرب جدا لادارة الهلال ومراسل لصحيفة الهلال في موقع كورة ..
الف مبروك يا حلوين
|
Post: #22
Title: Re: الهلال يكسب شكواة ضد الصفاقصي
Author: فايزودالقاضي
Date: 11-24-2010, 10:38 PM
Parent: #16
| Quote: ...لكن الزول دا حلف باسم الله العظيم مرتين |
اوع يكون الريس ؟!!!
من حق الهلال على الاتحاد الافريقي ان يطبق القانون في شكواه وعلى الجهات المعنية تنفيذ ذلك ..
والسؤال هل الشكوى تستوجب تصويت اللجنة المعنية للنظر فيها خاصة اذا كانت بدفوعات واسانيد قانونية مثبته ؟!! واذا كانت الادلة ثابتة هل تحتاج اللجنة لتصويت ام تطبيق للقانون ؟!! حاجة غريبة ..
نتمنى للهلال ان يكسب شكواه كما نتمنى له ان يرجع بخفي حنين في مباراته مع الفتح ان تمت ..
|
Post: #32
Title: Re: الهلال يكسب شكواة ضد الصفاقصي
Author: عمران حسن صالح
Date: 11-24-2010, 10:49 PM
Parent: #22
| Quote: نتمنى للهلال ان يكسب شكواه كما نتمنى له ان يرجع بخفي حنين في مباراته مع الفتح ان تمت .. |
هااااااااااهههههههههههههي
تتمنى شنو ؟؟
والله محن وعجائب
بلاهي المريخاب الصاحين أكتر من أصحاب الوجعة
|
Post: #18
Title: Re: الهلال يكسب شكواة ضد الصفاقصي
Author: khaleel
Date: 11-24-2010, 10:30 PM
Parent: #15
Quote:
ان معاوية حسين اخوكم يحتاجكم حوجة اخوكم خليل اليكم
هؤلاء في ذمتكم فارأفوا باخوتكم |
ننوم ول ما ننوم
ما تلعبو بي اعصابنا
|
Post: #19
Title: Re: الهلال يكسب شكواة ضد الصفاقصي
Author: اساسي
Date: 11-24-2010, 10:32 PM
Parent: #18
تنوم شنو بحالتك دي يجيك ود ابليس ساكت
شوف ليك زول يطلع ليك ضربة الشمس دي
|
Post: #20
Title: Re: الهلال يكسب شكواة ضد الصفاقصي
Author: khaleel
Date: 11-24-2010, 10:34 PM
Parent: #19
Quote: تنوم شنو بحالتك دي يجيك ود ابليس ساكت
شوف ليك زول يطلع ليك ضربة الشمس دي |
اساسي
رسل لي موبايل قاقرين عليك الله
كان رقمو عندي في الموبايل القديم
|
Post: #23
Title: Re: الهلال يكسب شكواة ضد الصفاقصي
Author: سامي صلاح محمد
Date: 11-24-2010, 10:40 PM
Parent: #20
Quote: سلام عليكم
وردنا قبل قليل
بخصوص شكوى الهلال انها قبلت
وان المبارة ستعاد
وقد اجتمع لجنة مكونة من 20 عضوا"
وقد تم التصويت على النحو التالى
16 عضو وافق على الشكوى وعلى ان تتم اعادة المباراة
فى حين عارض 4 ااعضاء الاعادة
وحتى ورود تفاصيل اخرى
سلام عليكم
والحمدلله والله اكبر
|
التعليقات:
| Quote: برضو ما في مصدر وبرضو الاشراف حيعمل لموضوعك ...كرررررج.. |
| Quote: ياجماعة اصبروا شوية ماتفرحوا بالسرعة دي |
Quote: يا خوي ما تمشي تنوم !!!
شكوى شنو ؟؟ |
| Quote: يارب بس لازم نتأكد اول |
| Quote: الجزولي عليك الله ماتلعبوا بي اعصابنا ويعيدوها كيف لو اتقبلت الهلال في النهائي |
Quote: ياللجزولي
احنا ما بنطلب المصدر طعنا في مصداقيتك
بس عشان نتاكد بدل الشحتفة |
| Quote: فريق يغلبو هنو ما مفروض يعيدو ليهو مباراة |
الخ الخ الخ
لمزيد من المتعة راجع الرابط أعلاه
|
Post: #21
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:36 PM
Parent: #19
المريخاب خلاص نسو انهم امبارح غلبونا 2-0 وشالو الكاس ..بس اوعو تكوني اديتو النفطي اوراقو وركبتوهو التونسيه لانو في اعادة للمباراة والزول دا قدم ليكم خدمات كبيره في مباراة ام درمان
|
Post: #24
Title: Re: الهلال يكسب شكواة ضد الصفاقصي
Author: سامي صلاح محمد
Date: 11-24-2010, 10:43 PM
Parent: #21
Quote: فريق يغلبو هنو ما مفروض يعيدو ليهو مباراة
زول كراعو مقصرة وبينقز وهو ماشي زي العندو كركاسة يغلبنا ؟؟
|
و الله الزول دا مريحني في حناني
|
Post: #28
Title: Re: الهلال يكسب شكواة ضد الصفاقصي
Author: محمد الخاتم
Date: 11-24-2010, 10:47 PM
Parent: #21
]ممثل بتسوانا يؤكد استحالة قبول الشكوى في هذا التوقيت الحرج !!! كفر و وتر / خاص / يبدو ان الاتحاد الافريقي لكرة القدم في طريقه لتجاهل شكوى الهلال السوداني في قانوينة مشاركة لاعب الصفاقصي شاكر البرقاوي في مباراة الفريقين الاخيرة ، حيث لم يرد الكاف حتى كتابة هذه السطور على استئناف النادي السوداني رغم الاسانيد والحجج القوية التي تقدم بها ورغم ان مباراة الذهاب في البطولة تبقى عليها اقل من 5 ايام ، واسند الاتحاد الافريقي لكرة القدم ادارة مباراة ذهاب نهائي الكونفدرالية الافريقية التي ستقام الاحد المقبل بالمغرب بين الفتح الرباطي والصفاقصي للحكم الجنوب افريقي جريمون دامون ، ويغادر الفريق التونسي الى الرباط غدا استعدادا لمباراة الاحد الامر الذي يعني التجاهل التام الذي وجدته شكوى الهلال من الكاف . وعلمت " كفر و وتر" ان عددا من اعضاء الكاف اعترضوا على قبول الشكوى بينهم ممثل بتسوانا اشفورت ماملودي بحجة ان لفريق التونسي يستعد للمغادرة غدا الى المغرب ومن غير المعقول ان يتم ابلاغه بعد سفره الى هناك بانه خارج اللعبة رغم الدفوعات التي ظل يقدمها سكرتير الكاف المغربي هشام العمراني .ة شكواهم هناك .
المصدر كفر ووتر
http://cover-sd.com/news-action-show-id-5997.htm[red
|
Post: #25
Title: Re: الهلال يكسب شكواة ضد الصفاقصي
Author: هشام كمال عبادي
Date: 11-24-2010, 10:43 PM
Parent: #10
والله يا ريت يكون الكلام صحيح .. بس انا قريت من شوية انها رفضت ..
اهانصدق منو ؟؟
|
Post: #27
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:46 PM
Parent: #25
قريت انها رفضت وين يا عبادي ...كفر ووتر ؟ ناس انا افتكر ..وممكن واظن ومصادنا رجحت ؟
|
Post: #30
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:47 PM
Parent: #27
لو الكلام اتاكد ميه ميه ..هلالاب المنبر يفتحوا لي ايقونه بتاعت تبرعات في باب المنبر فوق
|
Post: #26
Title: Re: الهلال يكسب شكواة ضد الصفاقصي
Author: هشام كمال عبادي
Date: 11-24-2010, 10:45 PM
Parent: #10
والكلام ده كيف ؟؟
Quote: أعلن نادى الهلال السودانى تلقيه رفضا من الاتحاد الإفريقي لكرة القدم (كاف) بشأن الشكوى التي تقدم بها طاعنا في قانونية مشاركة أحد لاعبى الصفاقسي في مباراة الفريقين التي جرت يوم الأحد الماضي في كأس الكونفيدرالية الافريقية.
واستند الكاف في رفضه على قرار سابق اصدره في مايو من هذا العام باسقاط كافة العقوبات والانذارات الصادرة في حق لاعبي أندية ومنتخبات القارة الإفريقية تمكينا للمنتخب الجزائري من الاستفادة من خدمات جميع لاعبيه قبل مونديال جنوب إفريقيا الذي مثلت الجزائر فيه القارة السمراء.
وحسب الموقع الرسمي للهلال أكد الأمين العام للنادي مالك جعفر أن الهلال لن يستسلم لهذا القرار من واقع قناعته وإيمانه بعدالة قضيته وامتلاكه لكافة المستندات التي تؤكد تورط منافسه التونسي.
وقال مالك إن المجلس قام بخطوة عملية في هذا الصدد حيث تقدم باستئناف رسمي ضد القرار وسيواصل تصعيد قضيته على كافة المستويات وصولا بها إلى محكمة التحكيم الرياضية بسويسرا.
وينصب اعتراض الهلال على أن لاعب الصفاقصي موقوف لثلاث مباريات إثر الاحداث التي شهدتها مباراة الكأس التونسية عندما واجه الصفاقسي خصمه الاتحاد المنسيرتي.
كان فريق الهلال - صاحب الارض والجمهور - خسر من نظيره الصفاقسى التونسى بركلات الترجيح 5 / 3 فى المباراة التى جرت بينهما الاحد الماضى على ستاد أم درمان فى الخرطوم ليتأهل الصفاقسى الى نهائى الكونفيدرالية الافريقية 2010 ويلتقى فى المباراة الختامية لكأس الاتحاد الافريقى مع فريق الفتح الرباطى المغربى الذى تأهل رغم خسارته أمام الاتحاد الليبى بهدف دون مقابل. |
|
Post: #31
Title: Re: الهلال يكسب شكواة ضد الصفاقصي
Author: أحمد محمد عمر
Date: 11-24-2010, 10:48 PM
Parent: #26
أنا المحيرني استخدام أيقونة (حصري) والخبر منقول من منتدى كورة !!!!!
هو الحليفة كانت لي منو بالضبط كدة؟
|
Post: #35
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:52 PM
Parent: #31
انا حر استخدم الايقونه الانا دايرا ..الايقونات دي حقتك انت ؟
|
Post: #34
Title: Re: الهلال يكسب شكواة ضد الصفاقصي
Author: فايزودالقاضي
Date: 11-24-2010, 10:50 PM
Parent: #26
ياجماعة انا هسي اتصلت بحسن ابراهيم يوسف واكد لى انو الهلال كسب الاستئناف وعلى كده الهلال حايتأهل للمباراة النهائية ثم يتغلب من الفتح ويجي راجع ...يعني المسألة كلها حاتكون خساير تذاكر وازعاج سلطات وعودة لصيوانات البكاء ...
|
Post: #33
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 10:50 PM
Parent: #29
يا عبادي اقرا التاريخ .المصدر 21-11..دا الرفض الاول
|
Post: #36
Title: Re: الهلال يكسب شكواة ضد الصفاقصي
Author: هشام كمال عبادي
Date: 11-24-2010, 11:02 PM
Parent: #33
| Quote: يا عبادي اقرا التاريخ .المصدر 21-11..دا الرفض الاول |
يا معاوية.. المصدر بتاعك وينو ..
ما تقول لي التلفون ..
ياخي عايزين نضبح لينا خروف ..
كدي برد لينا قلبنا ياخي ..
|
Post: #40
Title: Re: الهلال يكسب شكواة ضد الصفاقصي
Author: بدر الدين اسحاق احمد
Date: 11-24-2010, 11:16 PM
Parent: #36
Quote:
11-24-2010
Zoom Match no.133: FUS (Morocco) Vs CSS (Tunisia)
Date: 28/11/2010
Time: 18 :30
Venue: sport. Prince Moulay Abdallah (Rabat)
Referees:
Ref. Benouza Mohamed (Algeria)
A.I. Tahir Belaid (Algeria)
A.II. Meknous Mohamed (Algeria)
R.R. Benaissa Mohamed (Algeria)
Match Commissioner: Ndoye Mbaye (Senegal)
General Co-ordinator: General Coordinator: Mazen Marzouk (Egypt) |
المصدر http://www.cafonline.com/competition/confederation-cup_.../7212-first-lea.html
الناس العاملــه غمرانــه احسـن يفوقو .. يغسلو وشهم بيــه مويــة تلج ,,,
ناس الصفق ديلك وصــلو بعد دا الا يرجعوهم بالانتربول ..
|
Post: #42
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 11:20 PM
Parent: #40
يا بدر الدين خبرك دا معلق ليهو اكتر من اسبوع ما شفتو الا الليله ؟ انتو هسه فارق معاكم بي شنو انو الهلال يكسب ولا يخسر ولا يشيل الكاس ؟ الكلام دا بخصكم في شنو هسه متكومين كلكم هنا ؟
|
Post: #37
Title: Re: الهلال يكسب شكواة ضد الصفاقصي
Author: عمران حسن صالح
Date: 11-24-2010, 11:03 PM
Parent: #33
أها ؟؟
|
Post: #38
Title: Re: الهلال يكسب شكواة ضد الصفاقصي
Author: أحمد محمد عمر
Date: 11-24-2010, 11:14 PM
Parent: #37
| Quote: انا حر استخدم الايقونه الانا دايرا ..الايقونات دي حقتك انت ؟ |
دة هسة كلام شنو؟
ومنو القال ليك الأيقونات ما ممكن تحيرني إلا لما تكون بتاعتي؟
خليني من الكوراك بتاعك دة وجاوب لي على سؤالي : الخبر حصري ولا ما حصري؟
|
Post: #41
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 11:17 PM
Parent: #38
يامان انا مافاضي ليك ولا عندي ليك زمن ..شوف ربك وين
|
Post: #39
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 11:15 PM
Parent: #37
الخبر طلع بي صورة خاصه ..وفي تكتم شديد من ادارة الهلال ما عارف ليه ؟ حتي لو كان رفض ما اظن ادارة الهلال كانت حا تلم الخبر لانها عارفه انو 99% من جماهير الهلال مهيئه لرفض الشكوي ..
|
Post: #43
Title: Re: الهلال يكسب شكواة ضد الصفاقصي
Author: أحمد محمد عمر
Date: 11-24-2010, 11:30 PM
Parent: #39
السؤال كان | Quote: الخبر حصري ولا ما حصري؟ |
والإجابة بالتأكيد كلمة واحدة : حصري أو ما حصري
فبرر معاوية عدم مقدرته على نطق الكلمة الواحدة بسبب ضيق الزمن .. فنطق - لضيق الزمن  - بأحدى عشر كلمة | Quote: يامان انا مافاضي ليك ولا عندي ليك زمن ..شوف ربك وين |
فتك بي عافية
|
Post: #44
Title: Re: الهلال يكسب شكواة ضد الصفاقصي
Author: بدر الدين اسحاق احمد
Date: 11-24-2010, 11:33 PM
Parent: #39
يا هندســـة ..
الزير بيكون فى الصيف مندي وعندو نقاع .. النقاع دا صافــى وبيبرد الحشــا
وممكن الرملـة الجمب الزير باردة الزول ممكن يكوع فيها ...
حتى انتهاء صافرة الشوط التانى للتوانسة والمغاربة فى مبارة الذهاب ...
|
Post: #45
Title: Re: الهلال يكسب شكواة ضد الصفاقصي
Author: Maawya Hussein
Date: 11-24-2010, 11:41 PM
Parent: #44
طيب ..
وان غد لناظرة قريب ..كلها سويعات وتنجلي الحقائق ..تصبحوا علي خير ...واسفين علي الحدة يا شباب
|
Post: #49
Title: Re: الهلال يكسب شكواة ضد الصفاقصي
Author: عمر عبد الخالق سعيد
Date: 11-25-2010, 04:35 AM
Parent: #45
| Quote: فعلا لاعبي حي العرب اوفوا بالوعد ولعبوا كما لم يلعبوا من قبل وفازوا علي الهلال 2-0 صفر واستلموا المبلغ المعلوم .. |
ولا يهمك
بعد كلامك الزمان ده بقينا نصدق ايو شي
|
Post: #46
Title: Re: الهلال يكسب شكواة ضد الصفاقصي
Author: معتصم مصطفي الجبلابي
Date: 11-24-2010, 11:42 PM
Parent: #44
| Quote: لو الكلام اتاكد ميه ميه ..هلالاب المنبر يفتحوا لي ايقونه بتاعت تبرعات في باب المنبر فوق |
ماعندك مشكلة وانا منى طقم جلابية انصارية كاملة بي المركوب
|
Post: #47
Title: Re: الهلال يكسب شكواة ضد الصفاقصي
Author: نيازي مصطفى
Date: 11-25-2010, 00:28 AM
Parent: #46
رسل ليهو المركوب يا حبيب والانصارية رسلها لي انا ..
لا اعتقد انه هناك جديد في موضوع الشكوى فناس الكاف امس نزلوا على موقعهم اعلان مباراة الصفاقسي مع الفريق المغربي _الفاينال
لاحظ التاريخ
بعدين يا مغربي ما تجهجه لينا الاتنين بالله ..
تحياتي ؛
|
Post: #48
Title: Re: الهلال يكسب شكواة ضد الصفاقصي
Author: معتصم مصطفي الجبلابي
Date: 11-25-2010, 01:46 AM
Parent: #47
Quote: يترقب الهلال اليوم قرار الاتحاد الافريقي لكرة القدم حول الاستئناف الذي قدمه مجلس ادارة النادي طعنا في قرار لجنة الانضباط بالكاف حول الشكوي التي رفعها المجلس ضد نادي الصفاقسي التونسي حول مشاركة اللاعب شاكر البرقاوي في مباراة الفريقين بنصف نهائي
كاس الاتحاد ـ الكونفدرالية ـ التي يري الهلال انها مخالفة للوائح البطولة لتعرض اللاعب للايقاف مرتين خلال المنافسة بعد ان حصل علي انذارين في المرحلة الاولي ثم انذارين اخرين استحق علي اثرهما الايقاف لمباراة بعد الانذارين الاولين ومباراتين بعد الانذارين الثالث والرابع وهذا لم يحدث وتوقف اللاعب في المرة الاخيرة لمباراة واحدة بدلا عن مباراتين مما اوقع ناديه تحت طائلة القانون وصدر قرار لجنة الانضباط حول شكوي الهلال بالرفض استنادا علي قرار سابق من الكاف بالعفو عن اللاعبين المنذرين.
ويترقب الهلال الرد علي الاستئناف اليوم الذي لن يخرج عن احتمالات ثلاثة الاول هو رفض الاستئناف استنادا علي رفض الشكوي الاولي .
الثاني اعتبار الهلال فائزا في المباراة الثانية فوزا يؤهله الي المباراة النهائية باعتبار ان الصفاقسي التونسي قد خالف لوائح البطولة.
الاحتمال الثالث اعادة المباراة باعتبار ان الخطأ قد نتج من الاتحاد الافريقي وليس من الصفاقسي التونسي.
من جهة اخري فتحت قوون خطوطا هاتفية مساء امس مع القاهرة وتونس لتقصي الحقائق حول الشكوي بعد ان سرت شائعات عبر المواقع الالكترونية والرسائل القصيرة عبر الموبايل مفادها ان الهلال قد كسب الاستئناف وان المباراة ستعاد.
وكشفت المعلومات من تونس ان الصفاقسي قد توجه الي العاصمة التونسية تمهيدا للسفر اليوم الي الرباط لمواجهة الفتح في ذهاب نهائي الكونفدرالية وكشفت المعلومات ايضا ان جميع اللاعبين قد رافقوا الفريق في رحلته من جنوب تونس الي العاصمة بمن فيهم شاكر البرقاوي.
|
قوون
والبجى من الله كلو خير
|
Post: #51
Title: Re: الهلال يكسب شكواة ضد الصفاقصي
Author: فتحي الصديق
Date: 11-25-2010, 06:36 AM
Parent: #50
Quote: علمت "كفر و وتر" ان الاتحاد الافريقي لكرة القدم اجل البت في استئناف الهلال المتعلق برفض شكواه في قانونية مشاركة لاعب الصفاقصي التونسي شاكر البرقاوي في مباراة الفريقين الاخيرة في نصف نهائي كاس الكونفدرالية الافريقية والتي كسبها الصفاقصي بركلات الترجيح ، ورفض منسوبوا الكاف تقديم اي مبررا للصحفيين المتواجدين امام مبنى الاتحاد بمدينة 6 اكتوبر بالقاهرة فيما يتعلق بتاجيل اصدار القرار رغم قناعة اغلبية اعضاء اللجنة التنفيذية المناط بهم النظر في القضية بقوة الحجج والاسانيد التي تقدم بها الهلال حسب ما تسرب من معلومات من داخل مكاتب الكاف .
الى ذلك اكد مصدر مطلع بنادي الهلال انهم لن ينتظروا الكاف كثيرا للنظر في القضية لان الوقت لا يحتمل على حد تعبيره ، مشيرا الى ان الاعلان عن القرار كان من المفترض ان يتم منذ مساء الامس وتم تاجيلة لصباح اليوم ومن ثم اليوم نهارا ومساء اليوم الى ان وصل الى مسامعنا الان ان القرار تاجل ليوم لخميس وهو ما يعني ان هناك ضغوطات تمارس من بعض الجهات ذات المصلحة على بعض اعضاء اللجنة التنفيذية الامر الذي لن يقبل به الهلال باي حال .
واستطرد قرار الكاف ينتظره اكثر من 35 مليون سوداني هم مشجعي الهلال داخل السودان اضافة الى ملايين من عشاق الازرق على مستوى افريقيا والعالم العربي محذرا من اي تلاعب في هذا الجانب او تأجيل اخر سيضطرهم مباشرة الى اللجوء لمحكمة لوزان لحفظ حقوق ناديهم وايقاف اي اجراء متعلق بذهاب المباراة النهائية من الكونفدرالية الافريقية التي يفترض ان يكون الهلال احد اطرافها "على حد تعبيره" .
يشار الى ان الكاف اعتمد الاحد المقبل موعدا لذهاب المباراة النهائية للكونفدرالية الافريقية بين فريقي الفتح الرباطي المغربي والصفاقصي التونسي واسند ادارتها للحكم الجنوب افريقي جيرمون دامون . |
المصدر صحيفة كفر ووتر ..
الساعة 12.35 صباح اليوم الخميس ..
---------------------------------------
بانتظار الأخبار نهار اليوم الخميس..
|
Post: #52
Title: Re: الهلال يكسب شكواة ضد الصفاقصي
Author: فيصل محمد رشوان
Date: 11-25-2010, 07:55 AM
Parent: #51
| Quote: الهلال يكسب شكواة ضد الصفاقصي |
حبيبنا معاوية
سلامات يا راقي
ياخ مالك مستعجل في العنوان ....
أنا خائف الهلال يكسب الشكوى ويتأهل للمباراة النهائية ولكن للأسف ما يفوز ويقوم هيثم مصطفى يعمل لينا حركاتو دي مع ناس عيسى حياتو ويحرجنا ...
شكوى بالدكوة !!!!
..
|
Post: #53
Title: Re: الهلال يكسب شكواة ضد الصفاقصي
Author: Faisal Al Zubeir
Date: 11-25-2010, 11:06 AM
Parent: #52
Quote: اغلب اعضاء لجنة الكاف التنفيذية افتو بصحة استئناف الهلال والمكتب التنفيذي ينتظر توقيع حياتو على القرار
اليوم 11:03 AM
كفر و وتر / خاص / اكدت شخصية هلالية نافذة ولها ثقل كبير بين جماهير الهلال وتتمتع بعلاقات واسعة داخليا وخارجيا لـ " كفر و وتر " ان قرار الاتحاد الافريقي بشأن الاستئناف المقدم من الهلال بخصوص رفض شكواه ضد قانونية مشاركة لاعب الصفاقصي شاكر البرقاوي في مباراة الفريقين الاخيرة في الدور نصف النهائي من بطولة الكونفدرالية الافريقية قد صدر فعلا وقضى بتأهل الهلال للمباراة النهائية من البطولة الا ان ترتيبات داخلية في اروقة الكاف اجلت اصدار القرار الى اليوم .
واكدت الشخصية الهلالية التي عرفت بصدامها وتبنيها لكل القضايا الهلالية خاصة المتعلقة بالشئون القانونية منها انها اجرت اتصالات مكثفة مع عدد كبير من اعضاء اللجنة التنفيذية للكاف وهي اللجنة المناط بها الفصل في الشكوى واكدوا لها جميعا انهم افتوا بصحة شكوى الهلال منوهين الى ان تاخير اصدار القرار ناتج من الامور الادارية التي ظل يتبعها الكاف في مثل هذه الامور خاصة وان الامر يحتاج الى كثير من المخاطبات الخارجية والداخلية .
ونفت الشخصة الشخصية الهلالية في تصريح خصت به "كفر و وتر" ان امر اعادة المباراة مستبعد تماما وان القرار صدر فعلا بتاهل الهلال الا اذا استجدات مستجدات بعد الساعة التاسعة من صباح اليوم الخميس .
الى ذلك اشارت مصادر مطلعة ان المكتب التنفيذي للكاف ينتظر توقيع عيسى حياتو الموجود حاليا بفرنسا على القرار .
0 | 0 | |
|
Post: #54
Title: Re: الهلال يكسب شكواة ضد الصفاقصي
Author: سفيان بشير نابرى
Date: 11-25-2010, 11:22 AM
Parent: #53
يا صفوة ياخ وحاة الله انا من قلبي بقول :-
يارب يارب يارب يكسبوها عشان خليل اخوي
ده وبس .
|
Post: #56
Title: Re: الهلال يكسب شكواة ضد الصفاقصي
Author: ABUHUSSEIN
Date: 11-25-2010, 11:54 AM
Parent: #54
Quote: تنوم شنو بحالتك دي يجيك ود ابليس ساكت
شوف ليك زول يطلع ليك ضربة الشمس دي |
أساسي يا خوي و الله تنفع لينا جناح خطير في بوست ذواليد
عايز كم و نسجلك ...؟؟؟؟؟؟؟؟؟ و لا أقول ليك ..... ناخد ليك الإذن من منو و تجينا ..؟؟؟؟
معاوية و الله دعواتي ليكم تكسبو الشكوى و تفوزو بالكاس
تحياتي
|
Post: #55
Title: Re: الهلال يكسب شكواة ضد الصفاقصي
Author: مدثر قرجاج
Date: 11-25-2010, 11:45 AM
Parent: #53
يا اخوانا الحاصل شنو ماترسونا على بر والله اعصابنا بايظه وماقادرين نتحرك
ولاقادرين نتكلم ...ياخى الشكوى قانوية ناس الكاف ديل بيلفوا وبدوروا فى شنو
يارب
يارب
يارب
الهلال فى نهائى الكونفدرالية
وسيبدأ العمل فى تهيأت استاد الهلال للنهائى بعد ان دمرته جماهير الوصيف
الذين لايملكون فى رصيدهم الكروى غير السلوك السى والضرب والشلاليت
اللهم اجعل كيدهم فى نحرهم
|
Post: #57
Title: Re: الهلال يكسب شكواة ضد الصفاقصي
Author: محمد الامين احمد
Date: 11-25-2010, 07:57 PM
Parent: #55
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
Quote:
المصدر واحد حلف بالله العظيم
|
.
.
و شماتى فيك ............. شمتان فيك لمن غلط ... قلت لى حل بالله العظيم
طيب قول ليهو صوم ، و انتو افضلو صايمين ... صمتو 80 شنه قبل كده
و عادى تصومو تانى ... و ما تخاف كان ما شفت نتيجة مميزه ... احفاد احفادك ح يشوفهو يا معاوية حسين
كاااااااااااااااااااااااااااااااااااااااااااااااااااااااااااااااااك
|
Post: #58
Title: Re: الهلال يكسب شكواة ضد الصفاقصي
Author: فيصل محمد رشوان
Date: 11-25-2010, 09:25 PM
Parent: #57
احرجتونا مع التوانسة
عليكم الله أقروا تعليقاتهم في كوورة تونسية
Quote:
هيا الحمد لله تعدات على خير
ارتحنا من البكيان متاع فريق الهلال السوداني الشقيق |
Quote:
ارجو من الله عدم ملاقات اي فريق سوداني في المسابقات الافريقية
لم اشاهد في حياتي "تخلويضا" قد ما ريتو في الفوروم السوداني الايام الي فاتت
وصلو يطلعو الاخبار من روسهم، يصدقوها ... المصيبة الاغلبية الساحقة من الاعضاء تصدق الاخبار الكاذبة )مع وجود استثناءات بالطبيعة)
لا يزي القانون واضح و لا يزي الشكوى غالطة... كل شيء واضح
المصيبة لشنو وصلو :يحبو يلعبو فينال نهار الاحد... يستناو في الشكوى تتقبل، دوب ما تتقبل يمشيو يلعبو نهار الاحد في المغرب
عمري ما ريت والله اكثر من سذاجة قد هكة
عندي اقتراح
يحبوشي النادي الصفاقسي يلعب الذهاب، حتى لين المحكمة الرياضية توافقلهم على الشكوى
و بعد هوما يلعبو الاياب براحتهم
اتو نقسمو اللقب مع بعضنا
هاك علاش ما يهزوش تيتروات...
و بعد يجيو يقولولك احترمونا
افرضو علينا احترامكم على الاقل ...
ربي مع السي اس اس |
صحيفة قوون أخدت حقها في الشتل
Quote: رغم الي كنت متاكد من رفض الاتحاد الافريقي للشكوى
الا انو و بحكم متابعتي للمنتدى السوداني ... يوصلو ينرفزوك
موش خاطر يجيبو ادلة قاطعة على صحة الشكوى متاع الهلال
اما بنوعية المواضيع في منتداهم
صدقوني مواضيع بدون ادنى قيمة تقعد بالاشهر و ما تتسكرش
رغم الي ثمة اقلية تعرف تناقش و ترفض الحكايات هذم و ديما تلوم على الاعضاء الي يكتبو مواضيع بدون قيمة
اما عندهم حكاية "للتوثيق" ... يعني يكتب موضوع و يتخاطر مع اصحابو على صحة الموضوع ... كان خطف ... اوكا يولي بطل
عندهم المراسلين متاعهم كيما واحد اسمو "الجزولي" .. وصل حل مواضيع على حكاية الشكوى و صب خطار على قفل العضوية متاعو كان الكاف ما تقبلش الشكوى
مساكن الاعضاء السودانيين صدقوه و ليلة كاملة يستناو
عندهم صحيفة قووون زادة، المصيبة يعتبروها مصدر رسمي و هي تخرج في الاخبار الغالطة
راهو تشوف الاعاجيب غادي
يوصلو يحلو مواضيع متاع دعاء بش تقبل الشكوى متاعهم ... تو معقول هكة
ايامات الماتش متاع الديمي فينال ... يلومو على ميشو كيفاش عمل تغيير و دخل اللاعب الي ضيع البينالتي
السيد من اقوى المدربين الي ريتهم في افريقيا و شوف على شنو يلومو عليه
لومو علا ملاعبيتكم الي ضيعو فرص واضحة جدا جدا جدا
والله العظيم لعبنا مع فرق مغربية و مصرية و جزائرية و ليبية ... و مشينا لمنتداهم نقراو الاخبار و التعاليق
بش ريت كيف المنتدى السوداني ما ريتش
المصيبة فاش ... يقولولك
- التوانسة مغرورين ... اكيد جدا الي الشعب السوداني شعب طيب جدا يعني ما عندهمش خباثة .. اما في الكورة مازالو بعاد برشة، تقلو الكاف راهو نحى البطاقات و السجل ولى نظيف متاع كل لاعب، يقلك لا الانذارات تنحاو اما وقت ياخو انذارين مرة اخرى يرجعو يتحسبو ... ما لواه تنحاو هوما؟
- يقلك التوانسة يعاونوهم الحكام و الاتحاد الافريقي يجامل التوانسة.. نقلهم التوانسة من 1999 وصلو للنهائي متاع رابطة الابطال 7 مرات خسرو منهم 6 و 3 منهم بتحكيم فاضح... مالا وقت ما يجاملوناش اش يصير؟ ما يحسبوناش وقت يعملو القرعة؟؟؟؟؟
على مراد الله و اكهو |
|
Post: #59
Title: Re: الهلال يكسب شكواة ضد الصفاقصي
Author: محمد الامين احمد
Date: 11-25-2010, 09:35 PM
Parent: #58
لا حول و لا قوة الا بالله ، فضحونا مع التوانسة والله
و حتى اهل تونس الخضراء عرفو وهمة صغير العرضة
فى انو بيكذب و يصدق كذبتو بعدين !!!
يله معليش ، اصلهم متعودين على الصبر و البلع
|
Post: #60
Title: Re: الهلال يكسب شكواة ضد الصفاقصي
Author: فيصل محمد رشوان
Date: 11-25-2010, 09:53 PM
Parent: #59
التونسي قال
نلعب مع الفتح مباراة الذهاب
والهلال يمشي يشتكي للفيفا ويكسب الشكوى ويلعب مباراة الإياب ونقتسم اللقب مع بعض
....
|
Post: #61
Title: Re: الهلال يكسب شكواة ضد الصفاقصي
Author: أحمد محمد عمر
Date: 11-26-2010, 05:45 PM
Parent: #60
طمنونا يا شباب
أخبار الشكوى شنو؟
|
Post: #62
Title: Re: الهلال يكسب شكواة ضد الصفاقصي
Author: بلدى يا حبوب
Date: 11-26-2010, 06:06 PM
Parent: #61
كنت اتمنى ان يكون فى قمة اتحاد الكرة دكتور كمال شداد فالرجل نفتقده فى مثل هذا الموقف الذى يتطلب وجود رجل ملم بكل قوانين الكاف
كما نفتقد الارباب فهو هلالى قح ولبس رئيس سياسى بالتعين كما نرى فى مجليى القمة
ولا اتوقع ان بصل الهلال الى نتيجة فلقد انطبق عليه المثل الذى يقول
اكلنا حين اوكل الثور الابيض
والثور الابيض هو فريق الترجى التنوسى
تحياتى
|
|