هيثم مصطفى معاهو حق .. وإن كان السلوك مرفوض

لو أن هذه الهتافات قيلت في أختك أو حتى واحدة من النساء الساكنات معكم في الحي ماذا سيكون رد فعلك ؟؟ نا هيك عن أن تكون أمك



غايتو أنا كنت حا اعمل .................................!!!

أما هذا السلوك والتصرف من اللاعب هيثم مصطفى (( نعم هو قطعا مرفوض )) ولكن هو أقل شيئ فعله .. وكان بإمكانه أن يفعل افظع من هذا في ظل هذه الهتافات التى لا يمكن للإنسان أن يتفوه بها حتى وهو ينقل الخبر
يا إخوان خليكم منصفين البني آدم شعور وأحاسيس قطعا،،، لن يلعب أبدا وستؤثر هذه الهتافات في مستقبل اللاعب
أتضامن مع هذا اللاعب

وأطلب من جميع الصحفيين أن يشجبوا أولا تصرف جماهير المريخ التى هتفت وجماهير الهلال أيضا فالجميع قد أخطأ ولكن أن تصل الدرجة الى الهتاف مثل هذه البذائة وسوء الأدب فهذا مرفوض قطعا ، وأرجو من الجميع ان يشجب الجماهير هذا النوع من السلوك داخل المدرجات ،،،
أتضامن مع هذا اللاعب وأشجب وأدين اي سلوك سيئ في الملاعب وأتمنى أن تكون هذه الهتافات آخر هتافات في مدرجاتنا
وارجو من الجميع ان يرفض هذا السلوك الغير أخلاقي

شكرا يا حبيب...

انا ادانوا او لم يفعلوا
فهادي طرفنا من تشجيع
الكرة السودانية..

لأنها خرجت من توصيف الكرة واخلاقها
الي الالسن البذيئة وساقط القول...وفاحشه..

اسمع انت حكاية مسك العصاية من النص دى سيبها و بطل فلهوة ، يا غلطان ، يا ما غلطان اختار واحدة !!!

و هاك دى كمان بالمرة عشان نشوف حكمك

يا محمد الامين أنا نبذت أي تصرف وأـي من أمثال هذه او تلك لكن أنت موجتك واحدة بس

غلط هذا وذاك لم تتكلم فيه
لماذا يا محمد الامين خليك زول منصف
نحن أسي لومنا هيثم على سلو كه مع رئيس الغتحاد إنت ليش ما نبذت تلك الهتافات وين الانصاف

يا المكاشفي عليك الله خليك جادى بس

هيثم مصطفى ده ما مشجع من المصاطب الشعبية ده كابتن الفريق المكتوب على باب نادية كلمة (التربية) زورا ان كان هذا كابتن فريقه

انتو شفتو قال شنو فى الفيديو الفوق ده ولا ما شفت !!! دى مثبته بالكاميرا ، اما كلامك عن قاله جموهر المريخ ده داير ثابات و ما بصدق

كلام صحفك الجاعنة دى ، ورينى اثبات حى و بعدين تعال اسألنى ، و بديك رآى ساعتها

لكن الشفتو انا قلة ادب من شخص مفروض يكون مثال للاحترام ، و شفت فليق من جمهور و كذب من جريدة و موقع الهلال الرسمى

بالادعاء ان جمهور المريخ احدث اضرار !! هو وينو الملعب البيحدثو فيهو اضرار ده !!!! هو فيهو شنو اصلا غير مصاطب و شباشب

و بعدين كلمة ( لومنا ) دى لذيذة خلاص ، زى لمن المحكمة الاسرائلية نزلت رتبة جنود فى جيش اسرائيل عشان اتخذو اطفال كحواجز بشرية

و بررت تصرفها بانو الجنود كانو مرهقين !!!!!!!!!!!!!!!!!!!!!!!!!!!

الهلال اصبح عالم من الوهم ، يتحكم فيه هذا المعتوه هيثم مصطفى ، و لو قال ليكم الشمي بتطلع بالليل تصدقو !!!

ادارة ادمنت الشكوى اكثر من قدرتها على بناء فريق يستحق

رغــــــــم انني من الصفوة الا انني اعلن كامل تضامني مع هيثم مصطفى

وارفض ادخال مثل هذه الامور في كرة القدم السودانية رغم ان جمهور الهلال
هـــــــــو البادي والبادي اظلم

يا خالد يا حبيبنا

وين الاثبات ، لا تنساق وراء الادعاءات الكاذبة

الجماعة ديل عملو كمين لراجى و السعودى ، و كضبو فى اولادنا و صدقو الكضبة

ما تمشى وراهم ، ديل غير البيانات و المحاكم ما بيعرفو شئ