هلالابى يطلق زوجته المسكينه بعد الهزيمة ، وجعلى مريخابى ينقذ الموقف

عاد المشجع الهلالى الى منزله بحى العرب حافيا ، فقابلته زوجته مستغربة حضوره حافيا ، و تسألت خير يا ابو فلان و ين مركوبك يا راجل ، قال الله ينعل ابليس لقد قذفت به لعيبة المريخ فى الملعب .


المهم زوجته طيبت خاطره وقالت ليهو ما عليك يا رجل الاسبوع الفات انتو ما كنتو فايزين ، قال يا مرة انتى مجنونه 2 صفر و فى استادنا وكمان الهدف التانى من راجى .

المسكينه عاوزه تغير الحديث قالت عليك الله كدى موبايلك ده عاوزه اكلم اختى فى السعوديه ، قال ليها وين موبايلك انتى ، ردت بحسن نية شديده اجى يا ود امى انت ناسي انو عندك الصفر الدولى ويلا شنو، قال ليها انت طالق و الله ما تبيتى فى بيتى .

المهم قام سمع جارو الجعلى المريخابى ، قال يا راجل حرام عليك ذنبها شنو ، قام الهلالابى قال و الله إن بقت اخر حرمة فى الدنيا تانى ما ارجعها ، قام الجعلى قال لى المراة على الطلاق انا اتزوجك بس تمى العده ، اها قامت زوجة الجعلى قالت الله لا كسبك يا راجى خربت بيت جارتى ، و بقيتها لى ضرة .

غايتوز....





كويس الطلعتو من حالة الحداد الكروى

هههههههههههههههه


راجي خراب البيوت والاندية ...



ـــــــــــ
هجو الاقرع ..سلام ..

ود القاضى يا صفوة سلام متنى ، مبروك يا صفوة ، غايتو جنس خج ، اها الرجل بعد ما قال الجعلى سوف يعرس مرتوا ، الهلالابى قال و الله امشى طوالى من دربى ده اشتكى عليك .

Quote: هههههههههههههههه راجي خراب البيوت والاندية

لماح

اها المسكينه دى اتطلقت لا ايده و لا كراعة ، و ثم ياتى حبيبنا ود البشرى ليقول العملية مطبوخه من فوق ، معليش يا هندسة مرات فى لحظات الهزيمة الزول بكون عندو عدم ثبات انفعالى ، يا اخوى غلبناكم حمرة عين و فليقكم شين .

Quote: كويس الطلعتو من حالة الحداد الكروى

لا يا اخى الكريم لقد تجاوز المريخ العظيم كل الاحن و المحن فى هذه المباراة ، وجعلنا من يبتسم اخيرا لغاية الموسم الجديد

شيخ العرب الف الف مبروك

بت العم ام احمد الله يبارك فيك ، بنتك هالة اليوم حاولت الاتصال بك ولم توفق ، وتانى انشغلت لانو كان عندنا ضيوف من السعودية .

اها قامت زوجة الجعلى بعد ما سمعت انو الهلالابى سوف يشتكى ، صيحت ليو بى فوق الحيطة ، قائلة يا هذا من دربك دى و على المحكمة اوعك تقوم تتاخر ، و يقوموا يرفضوا الشكوى ، قال ليها طيب المشكلة انو زوجك حلف بالطلاق ، قالت ليهو اسع امش اشتكى ، انتو جماعتكم بعرفو يسمكرو كويس بنلقى حل .

قال ليها اسع انا حفيان ، قالت انت راجل التابه يا يمه هاك (جوز البراطيش ) ديل وقوم اتخارج ، قال ليها و الله عرفيتها اكان قلتى البس نعلاتى ال 2 ديل ما كان مشيت .

اها صاحبنا مشى مركز الشرطة لقاهو فاضى بس لقى شرطى قاعد براهو ، الراجل استغرب و قام سال العسكرى يا اخى وين الضابط ، و هذه فعلا حدثت ردى الشرطى قال ليهو الجماعة مشوا يفرقوا مظاهرات الصهاينه بالفوز . فى مدنى و بعض احياء الخرطوم فرقت الشرطة المريخاب المحتفلين ، اها ما علينا قام سالو انت ما مشيت معاهم مالك ، قام العسكرى شخط فيهو وقال ليهو ما شغلك .


المهم الهلالابى قال ليهو انا عندى شكوى ، بعد ما سمع الشرطى الشكوى ، وقع من الضحك فى الارض وهنا استغرب الشاكى ...............ونواصل

Quote: ردت بحسن نية شديده اجى يا ود امى انت ناسي انو عندك الصفر الدولى

أصحي يا بريش
إنت يا عمك القصة دي من سنة كم ؟؟؟؟
من سنة 89 واللا شنو ؟؟
المكالمات الدولية يا عمك بجنيه وااااااااحد بس وما دايرة أي صفر لا دولي ولا غيرو

كسرة
قلت ابوظ ليك بوستك زي ما بوظتو الكورة

ألأخ/هجو كل عام وانتم بخير......ومبروك الفوز وكم تمنيته لكم..

Quote: قال ليها وين موبايلك انتى ، ردت بحسن نية شديده اجى يا ود امى انت ناسي انو عندك الصفر الدولى

يا أخى أحبك النكتة كويس عشان ما يجوك القانونيين ويخربوها عليك.........فى جوال مافيهو صفر دولى...لكن قبلناها..وربنا يهدى النفوس...تحياتى...

مع خالص تقديرى وأحترامى.

اها السكران عملو ليه شنو


وريني وجاوب علي ده بس


هاهاهاهاهاهاهاهاهاهاهاهاهاهاهاهاهاهاهاهاهاها

قون راجى سكت الرشاشات وردم المقبرة وطلع كابتن نادى الحكام من طورو برافوا راجل عبد العاطى

البيان بالعمل جو الزريبة مبرو ك ياهجو

هجو الأقرع


بابكر سلك قاليهم راجي جاب القوون





(بسنـه) الحذاء



غايتو موضوع راجي دا الا يقولوا منو التوبة







أبومصطفى

الحبيب ياسر التجاني



صاحبك كان ريقو ناشف


الحمد لله القدرو اتكلمو ساي

يديك العافية يا عبس
you got it???

الف مبروك مريخاب عجبني وسر بالي

ام محمد المريخابي ابا وجد وحبوبة كمان

جرتقت ولدها بالنجمة بدل الهلال والنجمة جاهزة

لجرتق محمد ان شاء الله

الاخ الكريم ياسر التجانى ، بداية اشكر على التذكر بالموضوع ، بس يا اخى الكريم الموضوع كان مربوط بفترة الحداد فقط ، و لقد كتبته مع بداية المباراة ومع هدف المريخ الاول و يمكنك التحقق من الزمن .

إن كنت تقصد النصيحة فلك الشكر و التقدير ، وإن كان فى الامر شىء اخر برضو مقبوله .

اها بكرة باذن الله نكمل القصة .

أها يا هجو ,, انا كمان بمط ليك القصة دي زي قصة الجريو بتاعة ناذر الخليفة...
" والمهم ان الهلالابي عمل شكلة كبيرة مع الجعلي القال عايز يزوج مرته الطلقانة وتدخل الجيران .. لكن الجعلي حلف بأنه الهلالابي ده ما يبيت في الحلة ومشى جاب عكازه وجا.. والمهم واحد من الجيران اقترح يعملوا جلسة مصالحة .. لكن الهلالابي رفض المصالحة... واحد من الجيران جنو مشاكل طلب الشرطة وقال ليهم الجعلي عاوز يقتل الهلالابي وهدده قدامي بالقتل وانا شاهد... الشرطة اعتقلت الاثنين وباتو في الحراسة يومين لغاية ما وكيل النيابة يستعرض القضية.. وبعد ان سمع وكيل النيابة القصة طلب شهود من لعيبة الهلال والمريخ عشان يوضحوا المسالة أكثر لأنه عاوز يعرف هل المشجعين المتعصبين ممكن تصل بيهم الدرجة يطلقوا نسوانهم عشان الهزيمة؟
تأجلت المحكمة ليومين آخرين لأنه لعيبة الهلال رفضوا الحضور للمحكمة لكن لعيبة المريخ ابدوا استعدادهم لتقديم شهاداتهم امام المحكمة عشان ينتصروا لمشجع المريخ الجعلي.. لكن خلال هذه المدة وقعت مصيبة كبيرة جدا حصل منها حرب كأنها حرب قبلية... ونتم القصة بعد الرجوع من اجازة الويك اند الطويلة..

Quote: لقد كتبته مع بداية المباراة ومع هدف المريخ الاول و يمكنك التحقق من الزمن .

الفرق بين هدف المريخ الاول وقون بشه ختت الكورة في النص

Quote: يا أخى أحبك النكتة كويس عشان ما يجوك القانونيين ويخربوها عليك.........فى جوال مافيهو صفر دولى

تفتيحة لكن ياسمعة

مع تحياتى

Quote: Quote: يا أخى أحبك النكتة كويس عشان ما يجوك القانونيين ويخربوها عليك.........فى جوال مافيهو صفر دولى تفتيحة لكن ياسمعة مع تحياتى

بل يمكن ألا يوجد صفر دولى بالموبايل
إن شاء المستخدم يمكنه الإتصاال بخدمات المشتركين وطلب قفل الصفر الدولى ..
بل بالإمكان قفل الخدمة الصوتية والإكتفاء بخدمة المعلومات،
بعض الشركات تطلب ذلك فى حساباتها حسب طبيعة عملها

للمحاولة مرة اخري....

اضغط....نقطة

صفر جديد