Post: #1 Title: الكورة ما كانت سمحة مش كدة Author: khaleel Date: 11-23-2010, 08:47 PM
شفت الشوط الاول بس
والكورة قطعت عندي في الشوط التاني
Post: #2 Title: Re: الكورة ما كانت سمحة مش كدة Author: khaleel Date: 11-23-2010, 08:49 PM Parent: #1
المريخ ما كان كويس
عمل هجمتين بس
وكانو بشيلو الكورة بدوها لي ناس الهلال
ولسع المريخ متاثر بغياب فيصل العجب
Post: #3 Title: Re: الكورة ما كانت سمحة مش كدة Author: محمد الامين احمد Date: 11-23-2010, 08:50 PM Parent: #2
فوق فوق مريخنا فوووووووووووووووووووووووووووووق
و راجى جاب القون جاب القوووووووووووووووووووووووووووووووووووووووووووووون
القون القون جابو راجى جابو جابو هنو جابو جابو
هنو يا هنو يا البكيت الصغار و خليتهم جنو راجى يا راجى يا بكيت الصغار و خليتهم يتلوو
=================================================== بـ قلم **اسماعيل حميم** بمناسبة فوز المريخ العظيم للمرة العشرين بـ كأس السودان =================================================== أين الضيافة يا أهل الديار أين الكرم والإحترام للشعار عشان غلبوه من الكاس طار يقوم جمهوره يفلق بالحجار
بالأمس كان النصر لك واليوم في دارك بنغلبك سيبو النضم وطق الحنك الكورة أهداف في الشبك
Post: #4 Title: Re: الكورة ما كانت سمحة مش كدة Author: khaleel Date: 11-23-2010, 08:51 PM Parent: #2
الهلال نسبيا الشوط الاول
افضل من المريخ
علي الاقل بعرف ينقل الكورة
Post: #5 Title: Re: الكورة ما كانت سمحة مش كدة Author: khaleel Date: 11-23-2010, 08:53 PM Parent: #4
الحكم خالد عبدالرحمن
يعمل بنظرية المساواة في ظلم عدل
Post: #7 Title: Re: الكورة ما كانت سمحة مش كدة Author: khaleel Date: 11-23-2010, 08:55 PM Parent: #5
هذا الشتاء سيرحل كل محترفي المريخ
عايدين الي ديارهم
ممكن يبقي لاسانا
واعتقد نفس الحال بالنسبة للهلال
ان لم تكن هناك شروط جزائية بالعقود
Post: #6 Title: Re: الكورة ما كانت سمحة مش كدة Author: omer osman Date: 11-23-2010, 08:55 PM Parent: #4
Quote: الكورة ما كانت سمحة مش كدة
صاح ... قياساً على نهائي الممتاز ...
لكن بشكل عام المريخ كان الافضل في معرفة ماذا يريد وكيف يحققه ...
لعيبة الهلال لعبوا بغرور نسبي وفقدوا السيطرة على مجريات المباراة ...
Post: #8 Title: Re: الكورة ما كانت سمحة مش كدة Author: khaleel Date: 11-23-2010, 08:57 PM Parent: #6
Quote: صاح ... قياساً على نهائي الممتاز ...
لكن بشكل عام المريخ كان الافضل في معرفة ماذا يريد وكيف يحققه ...
لعيبة الهلال لعبوا بغرور نسبي وفقدوا السيطرة على مجريات المباراة
مبروك يا سعادتك
هذا الطريق لن يقود المريخ للكبري
المريخ يحتاج لثورة شاملة
Post: #9 Title: Re: الكورة ما كانت سمحة مش كدة Author: khaleel Date: 11-23-2010, 08:59 PM Parent: #8
انتهي الموسم بخيره وشره
وعلي الفريقين تدعيم الصفوف والاستعداد
منذ الان لدور ابطال افريقيا
قد يكون صعبا جدا هذا العام
Post: #10 Title: Re: الكورة ما كانت سمحة مش كدة Author: خالد درق Date: 11-23-2010, 09:38 PM Parent: #9
خلى سلام وهاردلك
Quote: الكورة ما كانت سمحة مش كدة
عشان الهلال انغلب كااااااااااااك كانت سمحة
فى المقبرة دفن صح ههههههههههههههه
Post: #11 Title: Re: الكورة ما كانت سمحة مش كدة Author: khaleel Date: 11-23-2010, 09:40 PM Parent: #10
Quote: عشان الهلال انغلب كااااااااااااك كانت سمحة
فى المقبرة دفن صح ههههههههههههههه
مبروك يا خالد
لكن والله لم اشاهد الشوط الثاني باكمله
الشوط الاول كان عبارة عن عك كروي ساكت
Post: #12 Title: Re: الكورة ما كانت سمحة مش كدة Author: haroon diyab Date: 11-23-2010, 09:42 PM Parent: #11
اها القونين ديل عيبهم لي ......
Post: #13 Title: Re: الكورة ما كانت سمحة مش كدة Author: khaleel Date: 11-23-2010, 09:46 PM Parent: #12
Quote: اها القونين ديل عيبهم لي ......
هارونا
مبروك
ان كان هذا هو حال المريخ صدقني سيخرج من الادوار التمهيدية لبطولة الاندية الابطال
دير بالك
Post: #14 Title: Re: الكورة ما كانت سمحة مش كدة Author: حبيب نورة Date: 11-23-2010, 09:48 PM Parent: #12
عفيت منك يا أبو السرررررريع
لحقت جبت الفيديو
كفارة يا أبو خليل والله ما درناها ليك
Post: #15 Title: Re: الكورة ما كانت سمحة مش كدة Author: khaleel Date: 11-23-2010, 09:50 PM Parent: #14
Quote: لحقت جبت الفيديو
كفارة يا أبو خليل والله ما درناها ليك
مبروك يا حبيبو
اعتقد الارهاق هو سبب هزيمة الهلال وليس المريخ هو الافضل
ساحاول مشاهدة الشوط الثاني مرة اخري
لنري ماذا حدث
Post: #16 Title: Re: الكورة ما كانت سمحة مش كدة Author: محمد الامين احمد Date: 11-23-2010, 10:28 PM Parent: #15
فوق فوق مريخنا فوووووووووووووووووووووووووووووق
====================================================== رغم ظلم التحكيم فزنا ======================================================
====================================================== و أغنية عراقية نظام الهيصه و كده (علي البغدادي - جاك جيك جكجكه) ======================================================
*** يقال ان المرجفين من جمهور صغير العرضة غادرو المقبرة حفاة ... لانهم فـلـعـو بـ شباشبهم
Post: #17 Title: Re: الكورة ما كانت سمحة مش كدة Author: khaleel Date: 11-23-2010, 10:32 PM Parent: #16
كرع
Post: #18 Title: Re: الكورة ما كانت سمحة مش كدة Author: khaleel Date: 11-24-2010, 10:46 AM Parent: #17
لماذا طرد مساوي ولماذا طرد بلة جابر
فيديو لو سمحتو يا شباب
Post: #19 Title: Re: الكورة ما كانت سمحة مش كدة Author: امير طمبل Date: 11-24-2010, 11:01 AM Parent: #18
Quote: لماذا طرد مساوي ولماذا طرد بلة جابر
خلا...نهارك سعيد و هاردلك المذكورين طردوا لسوء السلوك الاتنين اتفه من بعض الأول ما عارفو مالو اما التاني اساسا بلف ودي اخلاقو بالله ...نحن عندنا موضوع نتفرج في الوهم ديل
Post: #20 Title: Re: الكورة ما كانت سمحة مش كدة Author: khaleel Date: 11-24-2010, 11:49 AM Parent: #19
حاج طمبل
سلام يغشاك اقرا هذا الخبر
Quote: قذ الحكم خالد عبد الرحمن موسم المريخ وأهداه الفوز ببطولة كأس السودان على حساب الهلال في المباراة التي جرت بين الفريقين أمس على ملعب استاد الهلال، وتغاضى خالد عن العديد من المخالفات التي من بينها ركلة جزاء ارتكبها الحارس محمد كمال مع بكري المدينة غير عدم احتساب الوقت المحتسب بدلاً عن الضائع رغم تعمّد لاعبي المريخ اهدار الوقت ، أحرز هنو الهدف الأول للمريخ في الشوط الأول وفي الشوط الثاني أضاف راجي عبد العاطي الهدف الثاني لينتزع الفوز لفريقه، وبالنتيجة جرّد خالد عبد الرحمن الهلال من لقبه وحرمه من الجمع بين ثنائيتي الدوري والكأس.
جماهير المريخ تخرج عن السلوك القويم وتردد هتافات نابية ضد البرنس
خرجت جماهير المريخ أمس عن السلوك الرياضي القويم وظلّت منذ دخول لاعبي الهلال لإجراء عمليات الإحماء تردد هتافات بذيئة تستهدف قائد الفريق هيثم مصطفى، وكان لهذه الهتافات أثرها النفسي السيء على لاعبي الهلال الذين فقدوا التركيز تفاعلاً مع قائدهم، ورددت جماهير المريخ هتافاتها في وجود قادة الإتحاد السوداني لكرة القدم الذين اكتفوا بدور المتفرج دون أن يتدخلوا لحماية قائد المنتخب السوداني وعميد لاعبي الكرة بالسودان.
برنس الهلال يحمل اتحاد الكرة مسئولية الافرازات السالبة لقمة الكأس
خرج قائد الهلال وكابتنه البرنس هيثم مصطفي غاضبا علي اداء حكام مباراة فريقه والمريخ في كاس السودان واكد ان سوء التحكيم وعدم الدقة في القرارات افسد المباراة وادخلها في جو غير اجواء الرياضة وشعاراتها التي تحث علي الاخلاق الحميدة والروح الرياضية.
خسائر فادحة في استاد الهلال عقب مباراة الكأس
أحدثت جماهير المريخ خسائر فادحة في استاد الهلال عقب نهاية مباراة الفريقين أمس في بطولة كأس السودان، وتسببت الجماهير في اتلاف الكثير من كراسي الاستاد وفاقت الخسائر ماحدث عقب مباراة الاسبوع الماضي على بطولة الدوري الممتاز والتي انتهت بفوز الهلال وتتويجه بلقب البطولة الكبرى، وقال الكابتن زغبير مدير استاد الهلال إن حصر الخسائر الناجمة عن تصرفات جماهير المريخ جارٍ من أجل حصرها بصورة نهائية.
