Post: #5 Title: Re: رااااااااجللل عبدالعاطى وكااااااااااااااح Author: خضر حسين خليل Date: 11-23-2010, 08:49 PM Parent: #4
والله يا ودالمشرف قدر حزني علي هزيمة الهلال لكن قون راجي ده بسطني عديل ده ود موهوب وبيعرف هو بسوي في شنو ـ البسطة مصدرها انو الهدف ده تحديداً من شأنه رفع معنويات الشاب ده والاتعرض لسخف كتير في موضوع ماعندوا علاقة بالكورة ـ
يا اخوانا دقيقه بس .. يا عباس, السكر عيبو شنو آ زول والشاب الفنان ده لو بسكر ولا ما بسكر المفروض انو علاقتى بيهو انو مهاجم فى المريخ, بالتالى يفترض اكون محايد لو ما ايجابى تجاه احترامى لتفاصيلو الشخصيه اقول ليك يا عباس فليسكر راااااجى كما يشاء .. وكاااح الفى العنوان دى انا قاصدها, وتحديدا كده كاح بالحا اوووع زول يكون قايل انا غلطان, انا قاصدها غلط و بالحا والحا حب كبير للمريخ, والكأس, والانخاب وفووووق ارفع آ راااااجى
خضر حسين خليل,, دى استالينيه منك, لا اكثر ولا أقل يا زميل ( الايام دى شايفها موضه والناس فرحانين بيها, قلت الا اقولها .. انت استالين ده كان كعب شدييييد ولا شنو ؟!)
.. ما مورس تجاه راجى يا خضر , حاجه مؤسفه جدا مافى زول صاح ممكن يتفق معاها..
.. خضر, أعلم أن الامر اقدار محتومه وقد ابرمت تماما الا انك مريخابي قياسي , الا إنها أقدار
.. الواحد زى التقول ليهو زمن ما فرح!! تحياتى يا صديق
Post: #8 Title: Re: رااااااااجللل عبدالعاطى وكااااااااااااااح Author: محمد الامين احمد Date: 11-23-2010, 09:06 PM Parent: #6
فوق فوق مريخنا فوووووووووووووووووووووووووووووق
سكران يا ..... ( خت البيعجبك فى النقط )
صغير العلرضة ده طول عمرو كعب و تعبان
لكن القرد فى عين امو غزال ... و قالو انو الهلال فى احسن حالتو
زووووووو زووووووووووو اترصع فى حفرتو
هنو يا هنو يا البكيت الصغار و خليتهم جنو راجى يا راجى يا بكيت الصغار و خليتهم يتلوو
أها حبيب نوره ده زول فنان و مريخابي والصلاه على النبي .. وقال ليكم زوط , واوقن هى مختلفه وغالبا بكون تابع كورة رااااجل عبدالعاطى نقطه نقطه.. ثم قالها!!
.. تسلم يا حبيب
Post: #21 Title: Re: رااااااااجللل عبدالعاطى وكااااااااااااااح Author: بكري عباس علي Date: 11-23-2010, 10:10 PM Parent: #17
والله رغم اني هلالابي لكنه راجل بالجد ياخي الولد ده مستقبله واعد اريتو ولدنا
الهادى الصفوى .. الصفوى بالصاد زى الصافيه والصحافه وشارع النص جوار الاسبتاليه .. اسبتاليه التجانى الماحى فى شارع العرضه الرئيسي ,, الزقاقات لا قلت لى الكوره بتدردق بالرااااحه قالو الحكم عاين لى ساعتو مرتين قبل ما تدخل .. وزهج قرب يمشي ؟؟ إدردقت بالرااااحه ودخلت .. والله فى علمو تطلع تانى .. والتانى بالغ يا صفوه
شكرا ليك يا خضر وياريت جماهير الرياضه يبقي عندها فهمك ده عشان كورتنا تمشي لي قدام
Post: #30 Title: Re: رااااااااجللل عبدالعاطى وكااااااااااااااح Author: عبدالكريم الامين احمد Date: 11-24-2010, 06:55 AM Parent: #29
هلا يا دكترة والف مبروك.. ويعلم الله الود راجي لعاب ومافي كلام تببببببببب والكورة دي اصلا اللعاب لعاب والمهارات والمقدرات بتظهر طوالي بدون ادني شخشخة وانا كهلالابي غير متابع بعتذر للجمهور المريخي ولراجي ده زاااتو لانو قبل كم يوم كده قلت راااااجي ده منو..؟؟ فسريعا اتاني الرد عبر هدف جميل من لاعب جميل استلم الكورة ومشي خطوة ثم خطوتين ثم حدد الزاوية الصعبة وشات فيها بمهارة وحرفنة جعلتني ابلع ريقي وليس بلعان ريق فقط بل لك ان تزيد عليها عودة بعضا من وهج زمن الكورة الجميلة واللاعب الكارزيمي...
مبروك بني صهيون واخيرا اخرجت الارض الصهيونية المريخية الرعديدة مهاجما من طراز كركبي فريد يمكن لهلالابي رجاف مثلي ان يخاف منه
Post: #31 Title: Re: رااااااااجللل عبدالعاطى وكااااااااااااااح Author: حمد عبد الغفار عمر Date: 11-24-2010, 07:32 AM Parent: #30
ما في غير نقول مبروك
لكن شكلكم كدا كنتوا داخلين في كستبانة ضيقة خلاص قبل المباراة
ويا لهذه الصباحات الاجمل, تصحو على وميض النجوم وتزهو بالانتصارات البارحه
و ..
Quote: الماركة: ميشو الموديل:2010 اللون : أزرق مركز الفحص: زريبة العيش رقم اللوحة :2 ...يسري حتي: 22-11-2011
ملحوظة:مرهونة لدي نادي المريخ السوداني
يسري ده منو ؟! اضرب اللون يا خاتم .. الجنازه دى مرقت ولا لسه .. انت الجماعه ديل ما يدفنو قبلم فى المقبره ناس يعيشوا فى مقبره ويدفنو بره!؟ ده كلام ده ! هم مالم ! الواحد منهم تلقاهو مسهم زى راجى ليهو عيش بدققوه فى الطاحونه
Post: #37 Title: Re: رااااااااجللل عبدالعاطى وكااااااااااااااح Author: عمر عبد الله فضل المولى Date: 11-24-2010, 02:45 PM Parent: #36
هارون دياب .. نحنا ونحنا الشرف الباذخ .. قلق الناس وراجى الليل الليل وآخرو, ناس مازال الليل طفلا واللاطفال اللسه بغنو ديل انحنا شارع العرضه الرئيسي يا صفوه الزقاقات لا الجخانين لا الزرائب ما معانا الكبير كبير يا اخوانا .. بيتنا دورين ناصيه اربعه شوارع الرد كاسل القلعه الحمراء الشرف الباذخ, ناس كاسات بره وجوه اولاد العز المرتاحيييين والما نحن هامش ابو المركزيه ظاااتها ولد ده!؟ لعاب راجى ولا حريف قلق ! النصيحه لله .. سمح السعودى
سفيان يا أنيق ومرتب وصفوه .. المعلق المصري قال المريخ النهارده عالى آوى وإحنا فعلا عالين آوى أوى , ومتكلفين اوى آوى , وهنااااك بين النجوم بنغنى برانا و ..أوى آوى ( وبقى لينا العالم رهااااب , تحتنا, تحتنا ويهتف لنا شربنا كاسات الهنا, دور منهن ودور مننا) بالشئ الفلانى الكلام ده, مترو غااالى عبقرية الكاشف على ايقاعات راجى وراجى معانا لا تغشانا ولا اقول ليك , خليهو اليجى, هنو فى وقلق فى , قلق مافى طارق مختار قطعها نااااشفه معاهم وبله قرب يختها فى أضانو انتو الشغيل ده مر كده مالو .. الزول ده ما ضحك لحدت ما قالوا ليه الحكم صفر قاليهم شنو ؟؟ قالو ليه الكوره انتهت فابتسم .. معقوله يا الزومه !
أوووو حبيبنا كيكى .. إزيك با هندسه .. فى واحد اخونا فى المنبر بس .. بره لا .. اسمو فدياس .. فقد المنطق ..اتكلو معاهو ياخى .. الكلام ده اعوج عديييل ..
يا هندسه, والذى أودع فى راجى الحرفنه وخصنى بعشق المريخ, كنت قايلك صفوه حتى صدمنى بوست العوده عموما كسبنا خصم من الوزن الثقيل وبخت الهلال بى ناس طليعيين زيك انت وخضر .. حتما ستصنعون فرقا فى نهاية المدى يا صديق وبمناسبه الهلال .. قالو فى هلالاب طشموا أمبارح بعد الكوره جوه( المقبره ).. قعدو يغنو الليل كلو .. ( سيبنى فى عز القبر , وانت من حولى بتمر انت عارف انو, عارف .. صبري فات حد الصبر )
\ ابوساندرا .. عليك الله اقرا الكلام ده .. بضحك لى ساعه و قريتو حاشر مره.. فى شعورى وفى خيالى الف مره شوف شفتنة اولاد امدرمان دى كيف .. امدرمان الشوارع الرئيسيه ..الزقاقات لا .. امدرمان السمحه .. الجخانين لا .. امدرمان الصفوه .. الرشاشات لا .. امدرمان وكما أنزل بالمسطره .. الملولوه لا بابكر سلك لم ليك فى الجماعه الضلاليين بستفهم لمن قالو فهمو حاجه ..
منقول من منتديات الزعيم
Quote: شفتنه جابت بشتنه في السلك بعد الكورة الهليل اليوم
بسم الله الرحمن الرحيم في السلك شفتنه جابت بشتنه • حبة شفتنه • شويه ماكتيره • سنه بس ( بكسر السين ) • جابت جنس بشتنه • الجمهور كان شفت شديييييييد • ترك عباية الصفوه في البيت • وجا لابس لبس الشفتنه • احبكم يا شفوووت • واحب فيكم حبكم لمريخ الشفتنه • الشفتنه البتجيب البشتنه • صدق خالد عز الدين • لما قال ناس خليفه انصاف مواهب • عين حمراء • خلت الجماعه رجعوا لي ورا • ده مريخنا البنعرفوا مريخ حلا وحمار • مريخ شفت شديد • اي زول قام بدوروا كامل • كروجر لعب بي طريقه • شجره مليانه قرود طلح ماتفهمها • ابو عنجه وقف علي الخط • يهب في النار • لما اتأكد عيش الريف اتشوي صااااااااااااااح • لكن سعيد والشغيل اشتغلوا جنس شغل غير مرئي • شغل تحت تحت • شغل شفوت • شغل بالشلوت • اقصد بالشفوت • لكن مصعب السواها رقدت • الزول ده بجي من وين • خليفه لي اسي ماعارف • محل مايلعبوا الكوره • القوا الشطه الحمراء • اربعه قرون • شطه شفته • شطة شفوت • اها • هنو طلع في التربيزه • وطلع في العربيه الهكره • العربيه اللزوها زمااااااان • تتذكروها • وجمهور المريخ الشفت يغني • الطقعوا ومرقوا • قالوا قون راجي حرقوا • غنيه طويله • حانكتبها كامله • المهم هنو طلع في التربيزه • تربيزة السواد والرماد • قربت ترميهو • الفيران عرفناها • كمان في ارضه بتاكل الخشب ؟ • المهم • قون راجي شفتوهوا جا كيف ؟ • قالوا جابوا بالسنه • سنة الحذاء • تهي تهي تهي • معقوله قون زي ده بالسنه ياراجي ؟ • يعني لو كان بدون سنه كان جا كيف ! • لو بالحذاء كلو مثلا • المهم • احكي ليكم قون راجي • جات لي مصعب • جري بالحمام • دردقها لي راجي • راجي يترنح من النص • اقصد يتبجح • قالوا لما وصل المعز ماشات طوالي • قال للمعز • انت طالبني حليفه ؟ • تصدق وتؤمن بالله ! • اقول ليك شئ • طبعا راجي لايوق شديد • اصلوا بتلايق كتير • يشيل ويسأل في المعز • انت طالبني حليفه • المعز قال ليهو خليفه ؟ • راجي قال ليهو خليفه مرق قبييييييييييييييل • غلبتو • حليفه • ما خليفه • وبس • قال ليك بالسنه • سنة الحذاء • القائم ده لو جا جاي سنتمتر واحد • كان دقت فيهو • لكن عجبتني الشفتنه • تحت تحت • لاسانا ضيع التالت • لكن خير وبركه • نحنا بعد سنة راجي دي مادايرين تاني حاجه • سنة الحذاء • ديمبا تقيل • مالحق راجي • تاني باري ديمبا • لكن المعز راجي هنو يعكسها • راجيهو لي اسي • محمد كمال يا بطل • ياشفت • قلت لي بشه داير يلعب رأسيه ؟ • راسيه بالعنقره ؟ • ولا رأسيه بالرا ؟ • شفتنه جابت البشتنه • الناس جدعوا جنس جديع • ومرقوا • قون راجي ماااااا حرقوا • لكن عليك الله ياخالد عزالدين عرفت انصاف المواهب ديل كيف ؟ • اسلام حضرت الكوره في التلفزيون • قالت لي شفت ميشو • قلت ليها مامعقول • قالت لي والله وكمان لابس بدله بتشبه بدل الاقساط بتاعت استعمال بره ديك • بدل المرحوم كان قدرك • ضحكت • تاني اللجماعه ما بعلقوا لافته • لكن ياراجي يسألك الله جبتوا من وين ؟ • لعب زي ده بتجيبوا من وين انت ؟ • باص قلق لي هنو • بالكوره كلها • ومشينا القلعه الحمراء بعد الكوره • ارض الحضارات • المريخاب الشفوت طلعوا محتفلين • يشهد الله اسر وعوائل • اسر مأصله • اولاد ناس • اسر محترمه • ده المريخ • في دي بنقبل صفوه • لكن في الاستاد • شفوت بس • قلنا ليكم حبة شفتنه • وتتضح لكم كذبة ابريل • خط بارليف • اكبر كذبه في التاريخ • الله يجازيك ياراجي • بالسنه ؟ • كان تملي رجلك يا راجل • بكره حانتم ليكم قصة التومه وسميه • الحلقه الجايه التومه بتقدم طلب لي ناس الاسر البديله • دايره تتبني ليها شافع • قنعت من حكاية الولاده دي بعد بلغت الاتنين وتمانين • لكن ناس الاسر البديله رايهم شنو ؟ • ده الحانعرفوا في حلقة بكره • جنس بشتنه ! • بالغت يارجي • بال • بالعديييييييييييييييل كده ! سلك كهربا ننساك كيف وكل التيم والجمهور كان ايداهوووووووووووووووور والي لقاء سلك
