تشجير أحد شوارع كوستي بمبالغ خرافية بينما تفتقر المستشفى والمدارس للأساسيات..؟

أين أنت أيها المعتمد ؟ ماذا فعلت من أجل المرضى ؟ ؟ ما دورك تجاه الطلاب والمدارس ؟؟ أو ليس من باب أولى صرف مثل هذه الأموال في تأهيل المستشفى والمدارس ؟؟ لقد استبشر ابناء كوستي خيرا بمقدمك لكنك وأدت فرحتهم وهي حرى إذ أصبحت كسابقيك آلة تنفيذ قرارات عليا ...!! اتق الله يا بن مولانا في رعاياك فأنت بهم مساءل ... وما كان أبوك امرأ سوء

أول عمل قام به المعتمد في يومه الأول ملاحقة إيجار الدكاكين التابعة للمحلية .. وملاحقة بائعي الجرائد وستات الكسرة ...!! هل هذا هو جل همك وعملك ؟؟

لقد زرت غالب قرى وحدة كوستي ووحدة قلي التابعة لمحلية كوستي ، فرأيت عجبا عجابا ... مدارس بلا مباني وحتى المبنى الموجود قام بالجهد الشعبي .. وحدات صحية إن وجدت فهي بحالة تبعث الإشمئزاز .... إلى متى سيظل المواطن بلا قيمة ؟ ؟

أين حكامنا من قول عمر رضي الله عنه : )لو عثرت بغلة بالعراق لخشيت أن يسألني الله يوم القيامة لم لم تسو لها الطريق يا عمر .... ( إنتو ما خايفين من اليوم دا يا معتمد ويا والي ويا رئيس ؟؟

غرس النخل على جانبي الطريق بشكل غير مدروس إذ أنه حكم على الشارع أن يكون على هذا العرض ولايمكن توسعته مستقبلا .. .. وكيف للمعتمد أن يعمل على تشجير الشوارع والمدينة غارقة في أوساخها ؟؟ أمعتمد أنت لمحلية كوستي أم متعمد وأدها كشأن من سبقوك ؟؟

يا معتمد ويا مسؤولين شوارع ما فيها إنارة بشجروها .. ؟ والله بقت عليكم قصة الزول العريان ولابس ليهو صديري .

أخونا محمد عبدالقادر

سلامات .. أختلفت معك أختلاف كبير .. ألم تسمع القول المأثور: الماء والخضرة والوجه الحسن .. يذهبن الحزن.

يبدو أن الرجل رجل بيئة متفرد .. والله يكتر أمثاله.


بريمة

الحبيب بريمة مرحب بي طلتك .. علي قولك إمكن معتمدنا رجل ) بيئة ( لكن شن فايدة المسوح الفوق ال و س خ

إنت أقعد يا معتمد شجر في الشوارع والوالي عايز يبيع أراضي المحلج ) والبركة في الطيب الجزار (

أول عمل قام به المعتمد في يومه الأول ملاحقة إيجار الدكاكين التابعة للمحلية .. وملاحقة بائعي الجرائد وستات الكسرة ...!! هل هذا هو جل همك وعملك ؟؟



سؤال يا جماعة انتو مش وظيفة المعتمد دي بتعادل وظيفة المحافظ زمان ولا أنا غلطان
رحم الله سعد عوض محمد أحمد

الزبير كل عام وأنت بخير .. سؤال يا الزبير : وهل من مهام المحافظ ملاحقة ايجار الدكاكين وملاحقة بائعي الجرائد وستات الكسرة ؟؟

كوستي حسناء جميلة غطاها الغبار والعفر .. لأنها عصية وقالت لا لحكم المغول والتتار ..

الحبيب محسن
سلامات ..

Quote: الحبيب بريمة مرحب بي طلتك .. علي قولك إمكن معتمدنا رجل ) بيئة ( لكن شن فايدة المسوح الفوق ال و س خ

للذين يفهموم فى علوم البيئة .. تعتبر المدن لها شخصيتها الذاتيه .. فشخصى لى حاجاتى الأساسية .. المأكل، الملبس، العلاج .. وغيرها ..

بينما مدينة كوستى، مثلاً شخصية أعتبارية قائمة بذاتها .. specific Entity لها أيضاً حاجياتها الأساسية التى تجعلها مكان قابل للسكن .. ولها وجهها الذى يميزها عن بقيةالمدن السودانية الأخرى .. الأبيض مشهورة بالرمال، كادقلى تحفها الجبال، الباوقة يكثر بها النخيل .. وهكذا .. والمدن التى تجذب الناس للسكن أو السياحة لقد تم الصرف عليها ..

مدن مثل الدلنج وكادقلى الأشجار التى بها زرعها المستعمر قبل أن يغادر .. ولم يزرع أى أنسان شجرة أخرى ..

لا أرى خطوة المعتمد خطوة سالبة بل خطوة مهمة .. ويجب أن يكون الضغط ليس لمنع مثل هذه الخطوة بل الدفع نحو أكمال الخطوات الأخرى التى تهم أنسان المنطقة ..

بريمة

الحبيب بريمة أتفق معك أن ظاهرة التشجير ليست سالبة ولكنها ليست أولى من الأساسيات .. ثانيا / لماذا التشجير بالنخيل الذي يفوق فيه سعر الشجرة الواحدة المليون ونصف بالقديم .؟ النيم دا مالو يا بريمة ؟ عيبو لي ..!!

فوق فوق يا نخلاتي

يا محسن كل عام وانت بخير

قبل يومين تلاته كده كنت ماشى مع بوردابيه جاية كوستى زيارة لاول مرة متجهين الى كلية النيل الابيض الاهلية

ما تتخيل كنت متباهى كيف بالشارع الجميل ده ؟؟؟ ياخى ما تهرش الناس كده ما اصلوا مالنا ده مأكول مأكول

النخيل ده ممكن نلقط منو حبة تميرات ... ؟؟؟ انت ما حضرته زمن جنينة المفتش ولا شنو ؟؟؟

طلب يا الحبيب خلى لى تلفونك ع المسنجر ضرورى كده ... سلام ...

Quote: يا معتمد ويا مسؤولين شوارع ما فيها إنارة بشجروه

الحبيب صلاح كل سنة وانت طيب .. انا مع الشجر وبحب الشجر إلا شجرتين : شجرة الزقوم وشجرة المؤتمر ..؟ حا أرسل تلفوني إن شاء الله .

Quote: فوق فوق يا نخلاتي

يازول ماتسخر بالنخلات
ديل في شمالنا زي آيات
بعدين يفضولك المخلايات
تقعد تبكي لي بكيات
ما يودنك لي شمبات
ولا يجيبن لك ديك تمرات
تفطر بيها في رمضانات
التشجير ماله ياخوات
ضل جميل وشجر آيات
خضرة ونضرة وجمال جايات
إنت هو لاقي أيتها شي
تقوم ترفض للجايات
أخونا سني لو سمع بيك
حيسويلك مسرحيات
أوعك تغلط في الشجرات

حباب فتاح وحباب الشجرات .... إلا صنفين في مداخلاتي الفوق مذكورات ...... لكن يا فتاح ياخوي أخير لنا الشجر ولا يقعدوا طلابنا في المدرسة والطالبات .... .. . أخير الشجر ولا يوفروا لينا علاج التايفويد والملاريات .....؟ الحكومة ما وفرت الضروري تتشابى للكماليات ...... ... اتعجبنا والله من هكذا حكومات

الأخ عبدالفتاح

Quote: يازول ماتسخر بالنخلات ديل في شمالنا زي آيات بعدين يفضولك المخلايات تقعد تبكي لي بكيات ما يودنك لي شمبات ولا يجيبن لك ديك تمرات تفطر بيها في رمضانات التشجير ماله ياخوات ضل جميل وشجر آيات خضرة ونضرة وجمال جايات إنت هو لاقي أيتها شي تقوم ترفض للجايات أخونا سني لو سمع بيك حيسويلك مسرحيات أوعك تغلط في الشجرات

يا سلام عليك .. والله رائع ..

نضال الحبيب محسن مشروع .. لكن النضال من أجل رفع البؤس عن المواطن المغلوب على أمره لا يمكن أن يتم على حساب البيئة ..

أنا أتمنى أن يقوم ناس الغابات فى الأبيض بتشجير ثلاثة طرقات بأشجار التبلدى .. شارع الأبيض كوستى .. وشارع الأبيض الدلنج وشارع الأبيض النهود .. هذه الثلاثة طرقات تدخل المدينة من الشرق، الجنوب والغرب ..

والتبلدى رمز من رموز كردفان .. كل شارع عايز ليه 400 شجرة تبلدى (قول 1000 شتله) .. ومشتل الغابات فى كازقيل ينتج ألاف أشجار الهشاب .. الخطوة هذه تكلف المواطن شنو؟ ميزانية التشجير موجوده ضمن ميزانية أقسام الغابات والموارد الطبيعية ..

ومثل هذه الخطوة البسيطة يكون لها عدة فوائد منها تحسين صورة المدينة وتلطيف جوها صيفاً .. ظل للمواطن .. وثمار التبلدى من أكثر مصادر الكالسيوم .. ليس هناك أى منتج ينتج الكالسيوم بصورة طبيعية أكثر من ثمرة التبلدى ..

والحبيب محسن لو ذهب وبحث أمر هذه الميزانية فى كوستى يجدها معدة من ناس الغابات منذ زمن طويل وهم يحاولون أن يدخروا قريشاتها بالحبة منذ سنين أو يخططوا لها حتى فتح الله لهم .. يعنى كون ناس الغابات والموارد الطبيعية قدروا زرعوا شارع كامل .. دا نضال ما بعده نضال ..

بريمة

والله يا بريمة إذا كان النضال بقى بس تشجير شوارع يبقى الفاتحة علي النضال ....؟ أنا اتفقت معاك قبل كدا إنو التشجير خطوة ايجابية لكن ما ممكن يا بريمة تنفق ما يزيد على 300 مليون عشان تشجر شارع والمواطن في المستشفى بعاني والطالب في المدرسة بعاني ..

الحبيب محسن
سلام تانى ..

Quote: الحكومة ما وفرت الضروري تتشابى للكماليات ...... ... اتعجبنا والله من هكذا حكومات

والله ما قلت إلا الحق .. حكومة السجم هذى تسرق قوت من لا قوت له .. لكن مسألة تشجير شارع كامل بالنخيل فى كوستى تكون فلتت منهم .. كان ممكن يلقفوها .. لا سمعنا لا درينا .. ولا يعملوا ولا شيئ للمستشفيات أو المدارس ..

يا أخى ديل ذى الحيوان أكل النمل .. ينظر النمل تذهب تبحث قوتها طوال اليوم .. ثم تعود النملة بحبة واحدة .. صاحبنا أبون ضلاف .. يلقط ليك الحبة من خشمها تف .. يترك خشمها ملح ملح ..

كنكشوا فى خطوة التشجير وأعتبروها أنجاز ضمن نضال أهل مدينة كوستى من أجل حقوهم .. وأرموا لى قدام.

هنا فى الولايات أنا ضمن المنضوين فى جمعية أصدقاء البيئة .. فى مدينة تسمى رستون جوار العاصمة واشنطن دى سى .. فى ولاية فرجينيا .. تصدق يا محسن سنوياً عندنا حملات لتقدير عدد الضفادع والفراشات والطيور المهاجرة التى تعبر المدينة ..

وتخيل لماذا الضفادع تحديداً .. لأن الضفادع يتأثر بأقل تغيير فى البيئة سلباً أو أيجاباً .. زيادة أى مادة كيميائية فى البيئة ممكن تعدى لأنتقاص عدد الضفادع .. أو يخليها تتكاثر بصورة غريبة .. أو يتحول كل الذكور إلى إنثات .. ومن ثم لا يوجد ذكر ضفدع يلقح الأخريات ..
إذا مقياسنا للضفادع أختل .. ود بالنسبة لينا مؤشر خطير جداً .. نحن أصدقاء البيئة على طول نكونوا حاملين لافتات كبيرة ومصاقرين أى مرشح لمنصب حكومى حتى يقر بالميزانية التى تؤهل البحث فى أسباب تدهور البيئة ..

طيب .. هل أصدقاء البيئة فى كوستى يرصدون عدد الفراشات أو السنابر أو طائر الرهو أو الضفادع فى المدينة .. ليعرفوا أن صحة المدينة بخير ..؟ ..

إذا صحت البيئة أعتلت تعتل صحة الأنسان أيضاً ..

تحياتى
بريمة

مرحب بيك يا بريمة .. طبعا شغل أمريكا دا شغل ما بنحلم بيهو ... نحن عايزنهم يحافظو ا على بما يحفظ له إنسانيته وبس .... تتصور يا بريمة موجة اسهالات اجتاحت غالب ولايات السودان بسبب المو ية .. .. الله يرحم شعبي الطيب ... تحياتي لك ولكل من معك ..

Quote: الزبير كل عام وأنت بخير .. سؤال يا الزبير : وهل من مهام المحافظ ملاحقة ايجار الدكاكين وملاحقة بائعي الجرائد وستات الكسرة ؟؟

الاخ محسن خالد مادة سبب السؤال انة المحافظ بيعادل وظيفة معتمد ولا لا لانة ما شغلتة سك ستات الشاي
انت قايل ترحمنا علي المحافظ الجهبذ سعد عوض محمد احمد من فراغ

أها يا أحباب .. وصلة عن موضوع ذو علاقة ..

مكسكة الخرطوم!!


وسوف أنقل وصلة بوست محسن إلى هناك ..


من أجل ثقافة بيئية تشمل الجميع ..


بريمة

يا محسن يا اخوي
ده بس زي محمد طاهر ايلا بتاع بورتسودان
شباكنا شوارع ظلط لما اهله البجاء بقوا يتندروا عليه
يقول لك ايله عمل لينا شوارع ظلط الا نحن سفنجات نلبسه في كرعينا ما عندنا!!

وهو دليل على تفشي الفقر!!

اها زولكم او نخيل ده تأكد فيها ماكله كبيره
ويا بريمه بطل دروشه هؤلاء الكيزان ماعندهم شيء لله
يكون حدد الشجر نخيل عشان واحد متفق معاهو
يجيبوا شتول النخيل من مزرعته وكله بالنص!!


تقولي شنو وتقول لي منو؟؟؟يا جماعه اصحوا.....


فتش الميزانه وشوف يا محسن حيكون كتب شجر النخيل ده بكم مليون
ان ما وصلها لمليار!!

مرحب تراجي .. والله يا جماعة بلدنا منهوبة منهوبة منهوبة ..

تراجى
سلامات ..

Quote: ويا بريمه بطل دروشه هؤلاء الكيزان ماعندهم شيء لله يكون حدد الشجر نخيل عشان واحد متفق معاهو يجيبوا شتول النخيل من مزرعته وكله بالنص!!

أفترضنا يا تراجى أنت على حق .. برضو يا تراجى نقول الحمدالله .. المال تلته ولا كتلته .. ممكن القروش دى تروح شمار فى مرقه ولا تخدم أىّ غرض ..

والله أنا جادى يجب أن نحيوا القائمين على أنجاز المشروع بدل التبخيس من أنجازهم .. يا تراجى ديل مرقوها من فك الأسد عدييل كده ..

فى دارفور يا تراجى كتب أحد الأخوة يقول أن ألاف من أشجار الحراز يتم قطعها وتحويلها إلى كتل خشبية .. هذا الخبر بالنسبة لى كقتل البشر تماماً .. أشجار الحراز قيمتها هى حياة الأنسان نفسه .. أين يزرع ناس دارفور محصول التمباك ذو الدخل المادى لأغلب الأسر الفقيرة .. يرزعونه تحت شجر الحراز؟؟؟ .. محاصيل مثل الطماطم والشطة فى دارفور أين تزرع إذا قطع شجر الحراز ..؟؟

هل تظنين أن زراعة شجر الحراز فى دارفور يقل فى أهميته عن الحفاظ على حياة البشر .. أنت أصلاً قتلتهم جوعاً وفقراً أول ما قطعت أشجارهم !!

لا تستطيعوا أن تفهموا أنا بقول فى شنو ..

عليكم الله أضيفوا إلى نشاطكم السياسى .. النشاط البيئى .. أبقوا معنا فى جمعيات أصدقاء البيئة عشان تعرفوا أن هؤلاء القوم جنود مجهولين حقيقةً ..

نداء الى حماة البيئة وإلي الأخوة في اليونان والى كل سوداني غيور على وطنه

وطبعاً تضحكوا على أخوكم العبدالله فى البوست التالى ..
الهرار (Sewage Sludge) يغمر ضاحية فى قطاع غزة

بريمة

الحبيب بريمة والله لا شك عندي أن اصحاح البيئة حفاظ علي الإنسانية وزي ما قلت ليك دا حلم كبير جدا .. نتمنى يتحقق عندنا في السودان ...

مرحب بالحبيب الزبير .. مافي عوجة يا حبيب أنا سعيد جدا بمداخلاتك . ما تنقطع ...تحياتي ..

‏.......

بختكم بقيتوا شايقيي ...
الخواجة كوستا بإمالة الشايقيي
قلبتوه كوستي
آها التمر مناسب معاكم ...
يا محسن مع معارضتي لهؤلاء البشر إلا انني لا أعترض على زراعة أي شبر مربع وكذلك تأسيس أي مباني .. لأن الأرض هي ما يبقى لنا ..
ورأي بريمة ده ما يقع أرض جو ... البيئة وإنقاذها الأمثل يتم عبر الزراعة والخضرة أي كان نوعها ...

حبيبنا عثمان والله العظيم مشتاقين وكل سنة انت بألف خير ... طبعا يا حبيب مسألة التشجير أصلا ما مرفوضة عندنا لكن نحن قلنا في أولويات .. بمناسبة النخيل الفي الشوارع الله يكفينا شر عصير النخيل .. تحياتي ..

محسن ولدي
الفي إيدو القلم
لا تخاطبه في شدّة
اكسب اللي أداك ليه
وطالب بعده بالعنده
لكن كان شدّدت عليه
بشيل العندك والعنده
التنمية ما بنفع فيها قول شدة
وإيد على إيد كل يصل زندي بي زنده
امسك الشجر في إيدك قوي ونميه بيجيب ليك البعده
وكان فقارتنا كمان زادت عن حده تحت الشجر بنعلم جنده
والضل كمان ببقى علاج فايت حدود بنده
هو الحبيب ما قرا ليكم حديث الرسول للزول الفي إيده فسيلة
وقامت القيامة قال له اجري والله قال له أول ازرعها يا فردة
--
حبة حبة تجي المحبة
ما تعمل لينا من الحبّة قبة
ما كل قبة فيها شيخ يتحب
لكن حبة حبة ننمي بلدنا ونتحب
--
ويا بريمة زول التبلدي
كتر خيرك على الزبدة
وعلى الإشادة بالمداخلة
قول لي ولدي دا حبّة بي حبّة
وإلا أجيب له أخونا تبلدينا يديه سوطين يأدبّه
هههههههه
لكم جميعاً
تحياتي
لكن شغل سياستكم دي كجّناه كمان فارقنا لي دربه
لأنه مسلطنين فيه كل من هبّ ودبّ
زي الكورة ديك لا فيها خيراً شفناه ولا انتصاراً حبّة
روّقوا روّقوا يا أحبة
شغل السياسة ختّى البلد في جبّ
السياسة خلّتكم تلخبتوا الكيمان وتعملو من الحبة قبة
وياريت قبةً فيها فكي باح ما فيها المحبة
ما سمعتو الشيوخ قالولكم الماعنده المحبة
ما عنده الحبة
وقول لي بتّي تراجي دي الظلط ما برضو حبة
إنت لو ما الظلط العندك دا كنت قدلت بالهمر هوبّا؟
تعرفوا مشكلتنا في السودان شنو يا أحبة
إنو ما نحمد الله تبّة
لو حمدنا الله كنا صعدنا القمر ما بي صاروخ
كنا قفزنا بالزانة كبّا
محسن سوق أختك دي وتعالوا عشان أغني ليكم
كدا ووب وكدا كاااااك عشان من تاني ترجعوا للمحبة
وإنت يا بريمة خليك حبيب زي ما حبيناك
ارجع من كلامك داك واللا برّشك وإنت عارف
الملام دا وين تبّ
وتاتي؛ وكان ما اعتذرت لي زولنا؛ إنت حر وياها جاتك الربّة
وما بهددك يا ولدي لكن أنا عجوز مخرّف كان شالتني الهاشمية
بقوم هبّة
شكراً يا صاحب يا عزيز
وإن شاالله ديمة تكون محسن
فالإحسان درجة من العبادة فوق فوق
ولكم جميعاً الود
ولكم العتبى
حتى ترضوا

لاحظ يا حبيب

المداخلة باللون الأخضر عشان خاطر الشجر

يا أخوانا انا لي فايدة الشجر ما أنكرت ..... و هسع بقول ليكم بي رايكم انا اقتنعت ... وواثق إنو التشجير أقلاه بضلل لي أنا وليك إنت .. وفيه لمحة جمال زي عروس ليها زينت ... لكن كلامي نمشي ونجيهو أولى الشجرة ولا الحقنة حاول جاوبني إنت ...