(إرتباك)في الجنوب بسبب(العائدين) من الشمال ورفض (المستقرين) هناك لهم بفكرة أنهم (غرباء)

وهذا الارتباك ارغم سلطات الحركة الشعبية على مصادرة خمس مدارس في بانتيو لإيواء الوافدين الجدد مؤقتا

ومع انعدام فرص العمل في الجنوب
والبنية التحتية المتهالكة والغلاء المعيشي الفاحش
من المتوقع ان يتسبب في عودة عكسية لكثير من العائدين
الى الشمال الذي اختاروه في مرات سابقة بدلا عن اللجوء الى اثيوبيا واستراليا وكينيا
ويقر كثيرون في الحركة الشعبية (سرا) بفشل برنامج (عد الى وطنك لتختار) الذي رصد له مبلغ 25 مليون دولار

الاخت ميادة

Quote: ومع انعدام فرص العمل في الجنوب والبنية التحتية المتهالكة والغلاء المعيشي الفاحش من المتوقع ان يتسبب في عودة عكسية لكثير من العائدين الى الشمال الذي اختاروه في مرات سابقة بدلا عن اللجوء الى اثيوبيا واستراليا وكينيا ويقر كثيرون في الحركة الشعبية (سرا) بفشل برنامج (عد الى وطنك لتختار) الذي رصد له مبلغ 25 مليون دولار

يعني الناس دي من زمان وقت تلحس في القروش ماعارفة يوم زي دا ممكي يجي
وين حق المواطن الجنوبي المغلوب على امره الان
قال حركة شعبية قال
عاملنها سفر ورفاهيات وتأمين مصالحهم
وناس ضايعة في الرجلين
ناس الجامعات مصيرهم شنو
ناس القوات النظامية مصيرهم شنو
وكل الناس الذين يعملون في المؤسسات المدنية مصيرهم شنو
والله حرام حرام .ابسط مقومات الحياه لم توفر لهم في الجنوب

ولسع

وهل يحسب هذا ضد الحركة الشعبية أم ضد حكومات الشمال المتعاقبة ؟

Quote: ولسع

ياما حنشوووووووووووف
الحركة الشعبية قايله الموضوع لعب وساااااهل
ونحن نحمل الحركة الشعبية والامم المتحدة والمنظمات الانسانية مسؤولية ما يجري للمواطنين هنالك

اهم موضوع في الشغلانة هوسبل كسب العيش للناس ديل لان اي رب اسرة شمالي كان ام جنوبي هموا الاساسي هو لقمة الكسرة - فماذا يشتغل كل هولاءالناس واين هي الوظائف او الاستثمار في المجالات الصناعية والتجارية التي تستوعب كل هذا الكم من البشر غايتو ربنا يكون في عونهم

صباح الخير اخي عاطف ابراهيم
والادهي والامر من ذلك اصرار قيادات الحركة الشعبية على ترحيلهم للجنوب ليصوتوا هناك
بالرغم من ان العام الدراسي في منتصفه في الولايات الشمالية التي يرحلون منها.
والطلاب مجبرون على مغادرة مقاعدهم الدراسية الي فضاءات ليس لديهم بها أدنى علم
الآباء بدورهم ينفذون أوامر القادة السياسيين الذي يتلقون تعليماتهم من حكومة الجنوب.

صباحاتك نواضر اخي وليد
كل سنة وانت طيب

Quote: يعني الناس دي من زمان وقت تلحس في القروش ماعارفة يوم زي دا ممكي يجي وين حق المواطن الجنوبي المغلوب على امره الان قال حركة شعبية قال عاملنها سفر ورفاهيات وتأمين مصالحهم وناس ضايعة في الرجلين ناس الجامعات مصيرهم شنو ناس القوات النظامية مصيرهم شنو وكل الناس الذين يعملون في المؤسسات المدنية مصيرهم شنو والله حرام حرام .ابسط مقومات الحياه لم توفر لهم في الجنوب

الحركة الشعبية لا تضع المواطن الجنوبي ضمن اولوياتها
ولا تضع تحقيق التنمية وتوفير البنيات الاساسية لدولة الجنوب القادمة
وانما تهتم فقط لارساء الامن واللي هو امن الحركة الشعبية
وبعدين ترجع وتفكر في التنمية في الجنوب
كما انها تحرص على نقل الجنوبيين من الشمال نكاية في المؤتمر الوطني
وتتنمي ان تبتلع مصيبة ما اي جنوبي في الشمال لانها تعلم جيدا
لو توفرت ليهم الفرصة الحقيقية لاستفتاء حر ونزيه
قطعا سيصوتوا للوحدة
وهذا ما لا ترضاه الحركة الشعبية
وبالتالي تحرص لتصويت هؤلاء في الجنوب لانها ضااااااااااااامنة تزوير النتيجة هنالك على حسب هواها

المواطنين الذين تم ترحيلهم يقولون ان لجنة الترحيل وصلتهم الى مدينة بانتيو وملكال ثم تركتهم وشانهم
كما لم تدعمهم حكومة الجنوب فكان من الصعب بقاءهم

ياليت كل الجنوبيون يدركون تلك الجنوبية التي تحدثت بان ابان حرب الجنوب نزح الجنوبيون للشمال ووجدوا الدواء والسكن والعمل وكان الشمال بمثابة دكتور للجنوبيون ووجدوا فية الامن والامان وقالت في زول بيرفض الدكتور بتعوا وتحدثت بان من يتحدثون عن الانفصال هم اصحاب الملائين من ابناء الحركة وكل اسرهم في امان ونعيم في بلاد اوربا ويريدوننا ان نذهب للجحيم مرة اخري واطفال في احسن مدارس اوربا وقالت نحنا مع الوحدة والشمال بلدنا ونحن وسط اهلنا بندرس عيالنا ونربيهم

أعضاء المنبر الأمنجية


• في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين!
• مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية ، والسعي لحرف مسار النقاش بأي شكل من الأشكال.
• لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين، فيطلقون عبارات مثل ( آكلي الويلفير)، (العملاء)، (الرجرجة)، (الدهماء)، (الطابور الخامس).........الخ!. ويصل الإفلاس ببعضهم أحياناً الى إطلاق بعض الصفات والنعوت العنصرية على زملائهم بالمنبر! كما يجنحون في بعض الأحيان الى التعريض بأعمار مناقشيهم ظناً منهم بأن هذا يستفزهم فيتركون موضوعهم الأساسي، وهنا تجدهم يستخدمون عبارات مثل حبوبة فلانة أو الخال فلان......الخ.
• كما قلنا فإن هؤلاء (مستنفرين) تجاه أعضاء محددين، فما إن يظهر بوست لأحد هؤلاء الأعضاء حتى يبدأ الأمنجية في لعب دورهم المرسوم.
• بعضهم يحاول إخفاء تهمة الدفاع عن النظام عن نفسه ليلعب دوره الخبيث، وهؤلاء يمثلون الإمتداد الفعلي لجمهور المنافقين الذين تحفل بهم كتب التاريخ.
• ما يقوم به هؤلاء لا يقل إجراماً وخطورة عما يقوم به النظام داخل البلاد.
• هم العدو فاحذرهم.

الكلام دا وااااضح يا مصطفى محمود

لكن برضو شكرا للتوضيح

ويا ريت لو أديت الناس أمثلة

احسن مافيكى ياميادة متابعة احوال المواطن الجنوبى المسكين المظلوم واسوأ مافيك انك بتايدى فى نظام اقل مايقال عنه انه عصابة من اللصوص والقتلة وانهم المتسببين فى كل بلاوى السودان الحالية
والادهى والامر تجى واحدة مثقفة وفاهمة وعلى خلق تايد وتطبل لمثل هؤلاء ... اختى ميادة والله انا لك من الناصحين رجاءا لا تقفى مع من تسبب فى تقسيم السودان وشرد وقتل الالاف من ابناء هذا الوطن لكى لا تاتى يوم القيامة وتسالى عن لماذا انت معهم .

إسمحوا لي إخوتي واعزائي الذين مروا من هذا البوست قبل الديك تور مصطفى محمود
ان اعطيه شرف ان ارد عليه أولا

Quote: في إطار التعتيم الذي يسعى نظام البشير بشتى السبل إلى فرضه على مماراساته في البلاد فقد تمكّن من دس بعض عناصره بالمنبر العام لسودانيزاون لاين!

ياعمك مافي زول من نظام البشير شغال بي منبركم دا الشغلة
وعلى الاقل لو كانو شاغلين بيه الشغلة
ما كان واحد زييييييييييك إتجدع في المنبر دا وعمل فيها مناتل
ياخي ما كتر خيرهم الخالينك تمرح وتسرح في المنبر

Quote: مهمة هؤلاء هو مراقبة الموضوعات التي يكتبها أفراداً بعينهم وخاصةً من الناشطين في إبراز قضية دارفور او اي قضية

هي وينها قضية دارفور يا ديك تور مصطفى محمود
والكل يجمع على ان لا قضية الان مطروحة في الساحة اهم من الاستفتاء وحق تقرير المصير والوحدة والانفصال والشريكيين وابيي وقضايا ما بعد الاستفتاء وووو
وبعدين وينهم الناس الكانو شايتين في خط الدفاع عن قضية دارفور وعاملين فيها مناضلين
هل تجد اي تواجد لهم حاليا في المنبر
لا اعتقد
الكل الان في اتجاه الجنوب

Quote: لا تناقش تعليقاتهم في الغالب أي فكرة من الأفكار التي ترد في الموضوعات، وينصرفون الى التهكم والإستهزاء والتخوين

كلامك هذا غير صحيح
انا ميادة كمال دي ما خصل كتبت في موضوع فارغ
ياخي جيب زول محايد يحكم على قضايانا ومواضيعنا المطروحة في المنبر

Quote: بعضهم يحاول إخفاء تهمة الدفاع عن النظام عن نفسه ليلعب دوره الخبيث،

انا دي الان بقولها ليك انا مؤتمر وطني
اها قصرت !!!!!!!!!!!!!!!!!!!!!!!!

Quote: • هم العدو فاحذرهم.

بالله
زعلتني والله
كان ما خايفة اللوم
اقو ليك
قووووووووووووم لف

الأخت ميادة
عيدكم أعياد
الفقر والبؤس والجوع والمرض بالخرطوم والجزيرة ناهيك الشرق والغرب
الأمنجية بالمنبر موجودون وهي واقعة ثابتة ... بس فراخ بدون أجنحة (ناس باردة ومناصب ومكاسب )
خففي من لهجة العداء لأمثال دكتور مصطفى فهو على الأقل عضو وزميل ناهيك عن عمره وعلمه وخبرته
ليت الأخت ميادة تزور أطراف الخرطوم وليس أطراف كسلا وتأتي بالمفيد عن أحوال الناس هناك ..
انتهى زمن الوصاية على الشعوب والقبائل والأقاليم بعلم ومعرفة وبصمة وتوقيع اللا وطني ..
فالنترك البكاء
الشفيع ابراهيم

الأخت ميادة،
سلام

أخشى من الغد أن تكتبى عن (إرتباك فى دارفـور)، وربما فى الشـرق!!





عارفة الإرتباك المو خمج سيكون فى الخرطوم بعـد الإنفصال.

سلام يا ميادة ..
معليش ياخ .. مداخلة انصرافية الى حد ما عن موضوع البوست الاساسي ..
لفتني بشدة التناقض بين الوجه الأخضر الضاحك في أيكونه البوست و بين عنوانه المحزن للغاية..
العنوان ليس محزناً لفشل الحركة أو تخبطها .. العنوان محزن لأنه عن معاناة قطاع من ابناء الشعب السوداني ( حتى اليوم أو هم على اسوأ الفروض اخوة تقاسمنا الجغرافية و التاريخ و الحاضر و لا نعلم المستقبل ).
فأن يكون مثل هذا الخبر طريفاً لدرجة تنصيصه بوجه ضاحك هو أمر على أقل تقدير يفتقر للحساسية تجاه معاناة هؤلاء الناس.
أتمنى أن تلاحظي هذا الأمر في المستقبل.

وبرضو يا حمور
أخونا عمر صديق بهناك يقول ليك المؤتمر الوطني عنده كوادر إعلامية
وجه ضاحك بمثابة عنوان للبوست، ومكايدة لكوادر الحركة الشعبية، بينما موضوع المكايدة هو كميات من الأسر السودانية التي ستبات بأطفالها داخل مدارس لانعدام المأوى.
غايتو بقى رأسنا قدّام بندقية أم ماسورتين
ما نعرف نفرح لما ما نلقى وجيع لأهلنا وبلدنا وناسنا غير الإعلام الغربي
وما نعرف نبكي ونترمّد لمن نعرف إنو الإعلام الغربي ما ببكي علي زول بالمجان ساااكت كدا
اللهم أشهدك أننا نستحق أفضل من هؤلاء الناس جميعاً

Quote: ياخي ما كتر خيرهم الخالينك تمرح وتسرح في المنبر

كتر خيرهم???????

هي حرية التعبير بقت منحة نن ناس الإنقاذ....

وكمان في منبر بكري...

طيب الزول دا لو كان في السودان كان سوو ليهو شنو....

سبحان اللة...

Quote: وبعدين وينهم الناس الكانو شايتين في خط الدفاع عن قضية دارفور وعاملين فيها مناضلين هل تجد اي تواجد لهم حاليا في المنبر لا اعتقدالكل الان في اتجاه الجنوب

المسكينه مياده كمال
منو قال لك الناشطين يوما سكتوا؟؟؟
ولا فاكره ترتيب الاولويات عايز اذن منكم؟؟!!
بالله بقوا مافيشين؟؟؟سبحان الله!!
عايزه روابط لنشاطهم هنا؟؟!!



انتبهي لكلام حمور
واختشي معاناة الناس عمرها ما مفروض تكون شماته
لولا عدم آدميتكم وقال وحدوين قال!!

وبعدين يا عجم ما قدره كمان الطبيظ اللغوي

Quote: وهذا الارتباك ارغم سلطات الحركة الشعبية على مصادرة خمس مدارس في بانتيو لإيواء الوافدين الجدد مؤقتا

المدارس ملك الدوله....لذا هي ليست مصادره لغويا وانما تخصيص
يمكنك كان ان تقولي واخليت المدارس لاستقبال المشردين من قبل حكومتنا العنصريه
مش مصادره قال!!



مصادره تعني نزع ملكيه للابد.

Quote: سلام يا ميادة .. معليش ياخ .. مداخلة انصرافية الى حد ما عن موضوع البوست الاساسي .. لفتني بشدة التناقض بين الوجه الأخضر الضاحك في أيكونه البوست و بين عنوانه المحزن للغاية.. العنوان ليس محزناً لفشل الحركة أو تخبطها .. العنوان محزن لأنه عن معاناة قطاع من ابناء الشعب السوداني ( حتى اليوم أو هم على اسوأ الفروض اخوة تقاسمنا الجغرافية و التاريخ و الحاضر و لا نعلم المستقبل ). فأن يكون مثل هذا الخبر طريفاً لدرجة تنصيصه بوجه ضاحك هو أمر على أقل تقدير يفتقر للحساسية تجاه معاناة هؤلاء الناس. أتمنى أن تلاحظي هذا الأمر في المستقبل

حمور زيادة ازيك
و كل سنة وانت طيب و جميل : )
عمرك اطول من عمري ، دفنتني تب
اول حاجة خطرت لي بمجرد ما شفت العنوان بتاع البوست دة هو مداخلتك دي
و جيت لقيتك ما مقصر كالعادة ، يخليك لي انت يا يابا


أ. ميادة كمال
يبدو من عنوان البوست أنه خبر اتت به اصدارة ما ...
إذا كان كذلك ، فمن فضلك عايزين تفاصيله اسم الاصدارة الورد فيها الخبر ، تاريخه ... الخ الخ الخ
اما إذا كان دة تحليلك الشخصي ، فيا لأسلوب الترغيب على الوحدة الذي تتبعين !!!
عارفة اول ما قريت الموضوع نط في راسي مشهد لنسوان حلة بتشاكلن ، و وحدة شمتانة فيهم و مادة ليهم قبضتها اليمين بفوق لكفها الشمال و بتقول ليهم : " عجبني ليكم ، اها خمممممو و صرو "

Quote: انا دي الان بقولها ليك انا مؤتمر وطني

لا عجب ، هنيئاً لحزبكم بكم يا أستاذة ميادة
Good for you

Quote: دعت الولايات المتحدة السودان إلى وقف "القصف الجوي" للحدود مع الجنوب، في حين أعرب مجلس الأمن الدولي عن قلقه من تصاعد التوتر في منطقة أبيي الحدودية، وطالب الشمال والجنوب بتهدئة الأوضاع قبل الاستفتاء المقرر إجراؤه يوم 9 يناير/كانون الثاني المقبل. وقالت السفيرة الأميركية لدى الأمم المتحدة سوزان رايس أمس الخميس إن "الولايات المتحدة تدعو حكومة السودان إلى أن توقف فورا غاراتها الجوية" على المناطق الحدودية مع الجنوب. وأكدت للصحفيين عقب اجتماع لمجلس الأمن بشأن السودان أن رئيس قوات حفظ السلام الأممية ألان لوروي قال "بوضوح" إن قوات الخرطوم هي التي شنت الهجمات الجوية.

ارحمى نفسك

يرى كثير من الجنوبيين الذي توصلت اليهم الحركة الشعبية في الشمال : أن العودة ليست طوعية بل قسرية وقد جاءت في وقت غير مناسب، وأن هناك تخويفا وترهيبا من الحركة الشعبية لتحرير السودان لهم بهدف إجبارهم على العودة إلى الجنوب.

واصفين عملية الترحيل ((بالفوضوية))، ولم تضبط لها تواريخ وبرامج محددة تغني الناس عن البقاء في العراء لأيام.

وان حكومة الجنوب هددت الناس بأن من لم يحزم أمتعته ويضعها خارجا فلن يتمكن من الرحيل إلى الجنوب لاحقا

خليكى من ناس الجنوب دى دولة ما عندنا معها شغله ناس الشرق ديل مش الله بسالك يوم القيامة منهم وبسال عمر البشير

ميادة نصيحت حموره اخديها فى الاعتبار ,


--------
اللهم لا تجعل فى قلوبنا حقد على اى انسان

Quote: ياعمك مافي زول من نظام البشير شغال بي منبركم دا الشغلة وعلى الاقل لو كانو شاغلين بيه الشغلة ما كان واحد زييييييييييك إتجدع في المنبر دا وعمل فيها مناتل ياخي ما كتر خيرهم الخالينك تمرح وتسرح في المنبر

والله العلي العظيم والله العلي العظيم لقد رأيت وزير أنقاذي في مكتبه والكومبيوتر مفتوح على المنبر ،،

يا أخواننا تحيرنا كمال عبيد يقول ما بديهم حقنة بعد الأنفصال ،يرجعوا أهلهم تقولوا خوفتهم الحركة الشعبية

بالله عليكم بعد 22 يوم المنبر ده ح.تكتبوا فيه شنو؟؟؟ سؤال برئ والله

المضحك الى حد البكاء في بوست اختنا ميادة
أن الجنوبيين العائدين الى الجنوب ...
عادوا من عدم استقرار في شمال كان يرجو وحدتهم
الى عدم استقرار في جنوب يرجو انفصاله منهم ومن الشمال
باعتبار أن هؤلاء غرباء علينا وعليهم
ومن الفرح ما أبكى .
عن نفسي أضحك من غباء الحركة الشعبية التي حسبت الجنوب غنيمة ثمينة لحربها الطويل مع الشمال
وأبكي لغباء المؤتمر الوطني الذي فات عليه غباء الحركة الشعبيةفي هذا...

وتحياتي اختي ميادة

ما تستغربوا للوجه الضاحك

زي ما المصائب بتزعل وتبكي ناس

برضو كمان بتسلي وتضحك ناس

ما تعتذري

طالما دا هو احساسك الحقيقي تجاه مصيبة غيرك

اضحكي لي بكره

Quote: ونحن نحمل الحركة الشعبية والامم المتحدة والمنظمات الانسانية مسؤولية ما يجري للمواطنين هنالك

كما نحمل المؤتمر الوطنى مسؤولية ما يحدث للسودان كله من تشرذم
وتشطى..
بعدين الجنوبيين ديل فى الخرطوم كانوا ساكنين زى الجبهجية فى
العمارات والقصور والفلل المترفة، ما ياها الكرانك حقت زندية
وارفع سدرك دى هناك بسووها ويقعدوا فيها،تانى شنوا،،،

مقالك ليس حـرصا علي مـواطـني الجـنوب ولكنه تشفيا في ومكايدة للحركة الشعبية لأنو
مؤتمـرك الوطني الفرحـانة بيهو ده هـو الذي دفـع بقيادات الحـركة الشعبية دفعا للهـروب
مـن الوحـدة والشواهـد علي ذلك كثيرة !!
تكسبك السياسـي من معاناة هؤلاء لمصلحة مؤتمرك الوطني يؤكد
لا إنسانيتك التي تجلت في بوسـتك الغريب عـن الفتاة المجـلودة !!
* أنت ومحمـد فرح .. خللوا الجنوبيين في حالهـم !

Quote: تكسبك السياسـي من معاناة هؤلاء لمصلحة مؤتمرك الوطني يؤكد لا إنسانيتك التي تجلت في بوسـتك الغريب عـن الفتاة المجـلودة !!

وايييييييييييين كانت انسانية المعارضة والمتنوضلين
لما جلبوا شريط جلد الفتاة للمنبر هنا
دون ادنى مراعاة لمشاعر الفتاة واسرتها وعائلتها الكبيرة
هل تم استئذانها
واييييييييييين كانت انساينتكم هذه لم تم استغلال حادثة جلد الفتاة اسواء استغلال
من اجل الاحراج السياسي للحكومة

معارضة كسييييييييييييييييييحة وبااااااائسة وهزييييييييييييلة
تقتات على معاناة والام الاخرين