Post: #1
Title: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 10:39 AM
Parent: #0
قلتوا المريخ حقكم ...
خلينا ليكم !!
عاوزين كمان تكرهونا بحرى ؟
ما بنخليها ليكم !!
معقولة بس ؟
تستخدموا تمانية كبارى عشان تمشوا الخرطوم ؟
كبرى الفتيحاب ، كبرى النيل الأبيض ، كبرى شمبات مروراً بكبرى المك نمر ،
كبرى الحلفايا ، كبرى النيل الأزرق وكبرى القوات المسلحة مروراً بكبرى كوبر الطائر!!
قايلين نفسكم شنو ياخ ؟
|
Post: #2
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 11:01 AM
Parent: #1
قبل إفتتاح كبرى الحلفايا..
أنا كنت بصل الخرطوم فى ربع ساعة بالكتير تلت ساعة قول نص ساعة !!
هسى والله العظيم مرات بقرب للساعة !!
|
Post: #3
Title: Re: ناس أمدرمان أعملوا حسابكم .. (2)!!
Author: waleed dawash
Date: 11-22-2010, 11:52 AM
Parent: #2
كامل تضامني معاك .
ــــــــــــــــــــــــــــــــــــــــــــــــ
الحراميه دخلو البيت شالو الفيها النصيب وجرو..
واحد من ناس البيت حس بيهم وجرى وراهم
ولما ماحصلهم وقف وقال ليهم( ياخ انتو ثقيلين كده ليه ياخ ؟ ياخ نحن قاعدين نجيكم؟)
|
Post: #5
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 12:14 PM
Parent: #3
وليد
كل سنة وإنت طيب
| Quote: ( ياخ انتو ثقيلين كده ليه ياخ ؟ ياخ نحن قاعدين نجيكم؟) |
والله ناس بحرى ديل مافى حاجة بتوديهم أمدرمان غير الكورة والدافنة !
أها والحمد لله بقوا مع بعض !!!
|
Post: #4
Title: Re: ناس أمدرمان أعملوا حسابكم .. (2)!!
Author: ود الخليفه
Date: 11-22-2010, 11:57 AM
Parent: #2
التمانيه كباري دي شغاله اتجاه واحد للخرطوم ؟
شغاله اتجاهين برضو
ما تراها امدرمان دي اتملت للحاره 100 وقيل اكتر والبجي ما بطلع تاني
كلامك دا اكيد ما موجه لي حدود خليل فرح
من علايل ابوروف لل...............
الباقي قطع شك بتكون حافظو يا المبروك
|
Post: #6
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 12:34 PM
Parent: #4
ود الخليفة
تعود الأيام وكل سنة وإنت طيب
Quote: التمانيه كباري دي شغاله اتجاه واحد للخرطوم ؟
شغاله اتجاهين برضو |
ما إنتو مستخدمين الإتجاهين .. رايح .. جاى !!
يعنى إنتو حا تمشوا وما حا تجوا راجعين !
|
Post: #7
Title: Re: ناس أمدرمان أعملوا حسابكم .. (2)!!
Author: عبدالكريم أحمد الامين
Date: 11-22-2010, 01:04 PM
Parent: #6
Quote: قبل إفتتاح كبرى الحلفايا..
أنا كنت بصل الخرطوم فى ربع ساعة بالكتير تلت ساعة قول نص ساعة !!
هسى والله العظيم مرات بقرب للساعة !! |
** جنابو ود ابو ديه..
** مساءك خير..
## عايز ترتاح من الغزو الأُمدرمانى تعمل إقتراح لمحلية الحلفايا يعملو نظام سداد للعبور قول "5 جنيه" (عندنا فى دبى إسمو سالك) عباره عن جهاز إلكترونى يوجد على بعض الجسور وعلى شارع الشيخ زايد كل ماتعبر بيخصم منك أربعه دراهم عن طريق تاك موجوده فى الزجاج الامامى للسياره وبنظام الاسكراش بتتعبأ زى الموبايل..
** وبما إنو التقنيه دى بتمنع اللحس وناس المحليه إحتمال مايوافقو عليها خليهم يعملو ليهم كشك فى نص الكبرى وهاك ياتذاكر من ابو خمسه جنيه ,, وحاتك تانى عربيه تججيك مُعديه مافى .. ويسموهو :- ياتدفع ياترجع..
## كلامى دا ونسه معاك أوعى جماعة المحليات يعملو بكلامى دا وتكون جاتم جبايه من السما ,, غايتو عودى راكب ونسبتى محفوظه من هسه حفظاً للحقوق وكدا وإى تعدى على حقوقى الفكريه بعتبرك شاهد أساسى..
(ودام الود بيننا)
(ابو محمد فؤاد)
|
Post: #8
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 01:21 PM
Parent: #7
أبو محمد فؤاد
تقبل الله وكل عام وأنتم بخير
والله يا عبده بحرى بقت فظيعة بعد إفتتاح كبرى الحلفايا!
بتجى وبتشوف براك !
الله المستعان ووصيتك حا أكلم بيها معتمد بحرى إن شاء الله يعمل ليهم خمسين جنيه !
|
Post: #9
Title: Re: ناس أمدرمان أعملوا حسابكم .. (2)!!
Author: ود الخليفه
Date: 11-22-2010, 02:11 PM
Parent: #8
يعني تاني لمن نجي بي بحري المعتمد حيدي النفر 50 جنيه؟
شويه
|
Post: #10
Title: Re: ناس أمدرمان أعملوا حسابكم .. (2)!!
Author: وليد عبد اللطيف
Date: 11-22-2010, 02:39 PM
Parent: #9
ابودية ... كل سنه وانت طيب
ياخي تخيل اكون ماشي الخرطوم كبري المك نمر اقرب لينا
اقوم امشي هناك بكبري النيل الازرق ( بحري )
بالجد حاله فظيعة جدا جدا
لكن لاتنسى نحن الكرم زاتو
واسي كما بنعمل ليهم كبري بحري توتي
.
.
مافي حل غير نعمل ليهم رسوم دخول وخروج
|
Post: #13
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-23-2010, 07:33 AM
Parent: #10
وليد عبداللطيف
كيف حالك والعيد مبارك عليك
Quote: واسي كما بنعمل ليهم كبري بحري توتي
|
ما تعملوا واحد برضو أمدرمان توتى عشان الجماعة ديل يوم الجمعة يغيروا شوية!
|
Post: #11
Title: Re: ناس أمدرمان أعملوا حسابكم .. (2)!!
Author: مرتضى احمد عبد القادر
Date: 11-22-2010, 02:39 PM
Parent: #9
المشكله ما في ناس أمدرمان، ولا في الكباري .. المشكله انو معظم سكان ولاية الخرطوم بصحو الصباح في نفس الزمن بيمشو حته واحده وآخر اليوم في نفس الزمن بيرجعو منها
|
Post: #14
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-23-2010, 09:00 AM
Parent: #11
مرتضى
كل سنة وإنت طيب | Quote: المشكله ما في ناس أمدرمان، ولا في الكباري .. المشكله انو معظم سكان ولاية الخرطوم بصحو الصباح في نفس الزمن بيمشو حته واحده وآخر اليوم في نفس الزمن بيرجعو منها |
وجهة نظر برضو !
حقو يغيروا مواعيد العمل بالنسبة للمناطق التلاتة ويخلوها بالأيام
يوم لناس بحرى ويوم لناس الخرطوم ويومين لناس أمدرمان
|
Post: #12
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-22-2010, 05:50 PM
Parent: #9
Quote: يعني تاني لمن نجي بي بحري المعتمد حيدي النفر 50 جنيه؟
|
ود الخليفة!
ما عزبتناااا
|
Post: #15
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-23-2010, 10:26 AM
Parent: #12
العجيبة ونستم كلها بقت كبارى وبحر !
أول ما تلقى واحد جايب سيرة كبرى تعرف طوالى إنو الزول ده من أمدرمان !
مشيت بى كبرى الحلفايا ..
جيت راجع بى كبرى شمبات ..
الليلة الكبرى كان زحمة ..
البحر الليلة زايد !
|
Post: #16
Title: Re: ناس أمدرمان أعملوا حسابكم .. (2)!!
Author: ود الخليفه
Date: 11-23-2010, 10:48 AM
Parent: #15
اتذكرت افتتاح كبري توتي كان عباره عن مهرجان اليوم داك اي زول داير يقطع الكبري
يشوف توتي لاول واخر مره تدشينا للكبري
صادف انو كنا في الخرطوم وراجعين بي الكبري القديم 
معانا صديق اصر انو نمشي نجرب كبري توتي الجديد دا
لمن وصلنا مدخل الكبري لقينا هيلامانه شديده والناس مبسوطه
طوالي علقت انو الكباري دي لو البشير عرف انها بتفرح الناس قدر دا كان عرش ليهم البحر
|
Post: #18
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-23-2010, 12:25 PM
Parent: #16
| Quote: معانا صديق اصر انو نمشي نجرب كبري توتي الجديد دا |
أقعدوا يا ود الخليفة جربوا فى الكبارى ..
لمن يقع بيكم كبرى يلحقكم أمات طه !
عليك الله يا ود الخليفة الكبرى بجربوا كيف ؟؟
|
Post: #19
Title: Re: ناس أمدرمان أعملوا حسابكم .. (2)!!
Author: ود الخليفه
Date: 11-23-2010, 01:10 PM
Parent: #18
زمان قالو الصينين لمن جو السودان للكبري الجديد بتاع الفتيحاب
دايرين يصينو الكبري القديم لمن وصلو لي نهايتو رجعو بي بحري
الرد الرد كباري وسد
|
Post: #20
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-24-2010, 08:45 AM
Quote: زمان قالو الصينين لمن جو السودان للكبري الجديد بتاع الفتيحاب
دايرين يصينو الكبري القديم لمن وصلو لي نهايتو رجعو بي بحري |
قوية ياود الخليفة !
لكن ناسكم بسوو أفظع من كده !!
|
Post: #17
Title: Re: ناس أمدرمان أعملوا حسابكم .. (2)!!
Author: عبدالحافظ سعد الطيب
Date: 11-23-2010, 10:56 AM
Parent: #15
هــى ناقصة
الله يستر ناس الحركة مايقروا البوست ده
وكان قروه بنقطع الكبارى كدارى
|
Post: #21
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-25-2010, 12:18 PM
Parent: #17
عبدالحافظ
كل سنة وإنت طيب
Quote: الله يستر ناس الحركة مايقروا البوست ده
|
ياتو حركة ؟
|
Post: #22
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-29-2010, 08:40 AM
Parent: #21
كمان جابت ليها مشى بالواطة !
كتحتونا ومليتونا غبار ، لاحقين شنو إنتو ؟؟
خلوا الحركات بتاعت الناس المتخلفين دى وأركبوا معانا فى الزلط !!
|
Post: #23
Title: Re: ناس أمدرمان أعملوا حسابكم .. (2)!!
Author: Nader Abu Kadouk
Date: 11-29-2010, 09:06 AM
Parent: #22
Quote: تستخدموا تمانية كبارى عشان تمشوا الخرطوم ؟
|
جنس حساده!!!
|
Post: #24
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-29-2010, 10:32 AM
Parent: #23
نادر ابوكدوك
كل سنة وإنت طيب
حسدتونا إنتو والله على شوارعنا الواسعة دى
وبقيتوا الواحد كان ماشى الحمام يجى يغاشى بحرى !!
|
Post: #25
Title: Re: ناس أمدرمان أعملوا حسابكم .. (2)!!
Author: Nader Abu Kadouk
Date: 11-29-2010, 10:43 AM
Parent: #24
و إنت والاسرة بالف خير يا جنابو...
|
Post: #26
Title: Re: ناس أمدرمان أعملوا حسابكم .. (2)!!
Author: ismeil abbas
Date: 11-29-2010, 10:58 AM
Parent: #25
ألأخ/أبودية.......السلام عليكم وكل عام وانتم بخير..
Quote: تستخدموا تمانية كبارى عشان تمشوا الخرطوم ؟
كبرى الفتيحاب ، كبرى النيل الأبيض ، كبرى شمبات مروراً بكبرى المك نمر ،
كبرى الحلفايا ، كبرى النيل الأزرق وكبرى القوات المسلحة مروراً بكبرى كوبر الطائر!!
قايلين نفسكم شنو ياخ ؟ |
غايتو انا ما بعرف...على جهتكم كده إلا الشديد القوى..عندنا قريبتى رحلوها شمبات قلنا ليها اعذرينا إلا تجينا إنت...يا اخى نحن ما بنتنفس طبيعى إلا هواء أم درمان..
إنتوا أعملوا حسابكم...
تقديرى وأحترامى لكل أهل السودان.
|
Post: #27
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-29-2010, 11:59 AM
Parent: #26
الأخ إسماعيل
كل سنة وإنت طيب
| Quote: يا اخى نحن ما بنتنفس طبيعى إلا هواء أم درمان |
سعيدة عليكم !
بس لمن تكونوا ماشين الخرطوم ما تمشوا بى بحرى !
سمح !Quote: إنتوا أعملوا حسابكم...
|
يعنى نعمل كبرى تانى ؟؟
|
Post: #28
Title: Re: ناس أمدرمان أعملوا حسابكم .. (2)!!
Author: saif massad ali
Date: 11-29-2010, 12:05 PM
Parent: #27
اسمع اصبر ليهم تاني كان اهلي جو علا يعدو بالمراكب
|
Post: #29
Title: Re: ناس أمدرمان أعملوا حسابكم .. (2)!!
Author: صلاح أبودية
Date: 11-29-2010, 12:55 PM
Parent: #28
| Quote: اسمع اصبر ليهم تاني كان اهلي جو علا يعدو بالمراكب |
المراكب القددناها أمبارح بالليل دى ؟
|
|