Post: #1 Title: أجي يا بِشـّة ... Author: محمد البشرى الخضر Date: 11-20-2010, 09:18 AM Parent: #0
شنو يا ود امبارح انت , كمان قونين بدل واحد بعدين قونك الأول دا يا سارق يا فيه فاول ما حسبو اب شنب و قونك التاني فاول واضح وكان لي قون ديمبا - غايتو مالقيت ليه حاجة غير الزمن الضيعو في الإحتفال بعد الهدف - يا قول ابوشيبة
إهداء لشيخ سنادة و من لف لفه
\
____________________
اخشى على اساسي ان يتهمه افراد الهيئة بحمل مواد فاضحة و رسائل خادشة في جواله
Post: #2 Title: Re: أجي يا بِشـّة ... Author: محمد البشرى الخضر Date: 11-20-2010, 09:27 AM
الليلة يا السعودي - الحالتك احسن لاعب
كااااااااااااااااااااااااااااكـ
Post: #4 Title: Re: أجي يا بِشـّة ... Author: محمد البشرى الخضر Date: 11-20-2010, 09:30 AM Parent: #2
_
Post: #3 Title: Re: أجي يا بِشـّة ... Author: طلحة عبدالله Date: 11-20-2010, 09:28 AM
Quote: أجي يا بِشـّة ...
تجي وين ؟؟؟؟؟؟ إترزع في محلك دي بلا أجي بلا شطة خدرا هو نحن ناقصنك .. قال أجي قال ... تجيك أم أربعة وأربعين .
Post: #5 Title: Re: أجي يا بِشـّة ... Author: محمد البشرى الخضر Date: 11-20-2010, 09:32 AM Parent: #3
وين يا تنظير افتينا و نظّر : هل تجوز الأضحية بحمام ميت تالتة العيد
خخخخخخخخخخخخخخخخ
Post: #6 Title: Re: أجي يا بِشـّة ... Author: محمد البشرى الخضر Date: 11-20-2010, 09:36 AM Parent: #5
اخصائي امراض الصفوة
__
Post: #7 Title: Re: أجي يا بِشـّة ... Author: طلحة عبدالله Date: 11-20-2010, 09:39 AM Parent: #5
Quote: هل تجوز الأضحية بحمام ميت تالتة العيد
سؤال مكرر
Post: #8 Title: Re: أجي يا بِشـّة ... Author: محمد البشرى الخضر Date: 11-20-2010, 09:48 AM Parent: #7
Quote: سؤال مكرر
قول جلا طيب كان كدا عندي تاني اسئلة لكن ح تقول مكررات برضو - آخر مرة فاز فيها الوصيف في المقبرة , اييييييييييك سنة كم كانت ؟ - السنة دي الوصيفاب شجّعوا كم فريق - انا بديت احسب مالي و النيجر و الامل عطبرة و التوانسة ووقفت ؟ - ح ترجعوا وورغو ولاّ كيف ؟
Post: #9 Title: Re: أجي يا بِشـّة ... Author: سفيان بشير نابرى Date: 11-20-2010, 10:05 AM Parent: #8
ازيك يا طلحة ياخ خلاص قبلوا دهب افريقيا!!؟ مبروك نحنا بندخل ليهم الفرح لاننا فريق زعيم وعظيم.
أجي يا كبير!!
Post: #10 Title: Re: أجي يا بِشـّة ... Author: طلحة عبدالله Date: 11-20-2010, 10:12 AM Parent: #9
سلام يا نابرى والحمدلله أنك إقتنعت بمريخيتي أخيرا وبعد شد وجذب .. نجي لموضوع البوست لو جاز لنا تمسيته بموضوع يا نابرى البلد قايمة وقاعدة في الانفصال والوحدة والتقسيم والترسيم وناس ود البشرى ديل لسع في الهلال غلب والمريخ مغلوب والكورة والعوك عاك .. دا كلام فارغ ما تشتغل بيهو ياخ .
Post: #11 Title: Re: أجي يا بِشـّة ... Author: محمد عبدالرحمن محمد Date: 11-20-2010, 10:15 AM Parent: #8
ود البشرى إزيّك؛ ياخي كخبير قانوني -إنت ما أنا!- عندي ليك سؤال: هل القون التاني بتاع بشبش دا قانونياً صاح؟ السؤال لأنو لاحظت حاجتين: - الكوره [من اتشاتت لامن دخلت القون] ما هبشت الواطه؛ - ثم إنها -أي التيوه- [من اتشاتت لامن دخلت القون] الناس ينطحو فيها وزول هبشا بي كراعو مافي..
وشكراً
[المطرطش]
Post: #12 Title: Re: أجي يا بِشـّة ... Author: محمد البشرى الخضر Date: 11-20-2010, 10:53 AM Parent: #11
هلا مطرطش و عيدك سعيد اقوان بشة الإتنين فيهم دخنة ابو شيبة كان قعد ليها بلقى مخارجة وفي النهاية كلها في اطار المؤامرة الكبيرة من الإتحاد و الأندية الصغيرة بمشاركة مفوضية الإستفتاء و تحت رعاية رئاسة الجمهورية لتحويل لقب الممتاز للعرضة شمال - أو كما قال
سفيان دا مالو شكلو اتضايق أجي يا سوفي كااااااااااااااااااااااااكـ يكا
Post: #13 Title: Re: أجي يا بِشـّة ... Author: عمران حسن صالح Date: 11-20-2010, 11:23 AM Parent: #11
مبروكـ يا هندسة كنا جاهزين ( للردم ) بس الله غالب
Post: #14 Title: Re: أجي يا بِشـّة ... Author: yasir Abdelgadir Date: 11-20-2010, 11:41 AM Parent: #13
شغلك نضيف يا ود البشري
كل سنة وإنتو طيبين
Post: #15 Title: Re: أجي يا بِشـّة ... Author: محمد البشرى الخضر Date: 11-20-2010, 12:40 PM Parent: #14
هلا عمران العيد و الدوري مبروكات اردم مافات شي البورد حكر للزعيم لغاية التلاتاء
Post: #16 Title: Re: أجي يا بِشـّة ... Author: محمد البشرى الخضر Date: 11-20-2010, 01:12 PM Parent: #15
سأل سائل عن حصاد الوصيف في 2010 فكانت الإجابة تعادل الهلال من الأمل عطبرة و خروجه على يد الصفاقسي و رفض الشكوى قال ثم ماذا قيل : فوز مازمبي بكأس الأبطال
Post: #19 Title: Re: أجي يا بِشـّة ... Author: كمال حسن Date: 11-20-2010, 02:12 PM Parent: #16
ود البشرى التحايا والتبريكات بفوز الهلال بالرغم من إنو فاز علي حمام ميت، لكن في النهايه إسمو أثبتنا أننا أبطال السودان لكل من تشكك في ذلك ***** طلحه تحياتي وإحتراماتي خليني أداعبك شويه
Quote: يا نابرى البلد قايمة وقاعدة في الانفصال والوحدة والتقسيم والترسيم وناس ود البشرى ديل لسع في الهلال غلب والمريخ مغلوب والكورة والعوك عاك ..
يا طلحه بالغت في دي والله البلد دي زي التقول داير تتقسم يادوبه يا ألله لم الهلال إتغلب من الصفاقسي بضربات الجزاء كان البلد داير يتوحد اليوم داك؟ ياخي أنا عديت للمريخاب فوق لي 18 بوست، ده غير البوستات الكانت مفتوحة أصلا مالك مسكثر علي الهلالاب بوست بوستين بس
Post: #17 Title: Re: أجي يا بِشـّة ... Author: عبدالوهاب علي الحاج Date: 11-20-2010, 01:17 PM Parent: #15
ضحــايا بشــة قرارت مجلس إدارة النادي الوصيف عقب مباراة الهلال والمريخ في كأس السودان الشــطب : يشطب الآتية أسماؤهم من كشوفات نادي المريخ : أولاً المجنسون : 1/ المهدي بن ضيف الله تونسي الاصل 2/ غاسيروكا رواندي الاصل 3/ لاسانا فاني مالي الاصل
ثانيا جنسيات أخرى : 1/ عبدالكريم النفطي تونسي 2/ هيثم المرابط تونسي 3/ رمزي صالح فلسطيني
ثالثا لاعبون محليون فوق الاربعين 1/ فيصل العجب
رابعا لاعبون محليون تحت الاربعين 1/ عبدالحميد السعودي 2/ بدرالدين قلق 3/ نصرالدين الشغيل 4/ موسى الزومة
مدربون : يعفى السيد كروجر المدرب الاماني من مهامه كمدرب للفريق ويستبدل بالسيد الرشيد بدوي عبيد الى حين اشعار آخر
_____________ يعني ياود البشرى باختصار كدا لو ادون سعيد السعودي وولدنا راجي عبدالعاطي ممكن نلقاهم براحة في الدوري المؤهل للمتاز خلف حي العرب حلفا
Post: #18 Title: Re: أجي يا بِشـّة ... Author: محمد البشرى الخضر Date: 11-20-2010, 01:25 PM Parent: #17
سلامات وهبة و عيد سعيد
Quote: يعني ياود البشرى باختصار كدا لو ادون سعيد السعودي وولدنا راجي عبدالعاطي ممكن نلقاهم براحة في الدوري المؤهل للمتاز خلف حي العرب حلفا
لا لا راجي بس , سعيد دا ما مضمون كورة في السما و كورتين جلا
______________
عندنا طلب لمزمل يشوف لينا اسم ولا حاجة يقطعها لبكري المدينة عشان يتصلح شوية اسوة بهاليفا و بشة صغيرة و ما إلك إلا بوي و باقي انصاف المواهب
كنت عاوز اقوليك بوست غير موفق لكن لقيت طلوح معاك غايتو الزول ده عندو قوة عين غريبة بشكل ما عادي يا طلوح إختشي ياخ هههههههه وكل وسنة وانت طيب والقابلة تلاتة برضو، لكن بدون رأفة لو لعبت انت بدل رمزي صالح احتمال كنتو تكسبوها
... كل سنة وانت طيب أبو حتوت والقابلة كما تحب وترضى
وقالوا ليك سبب الهزيمة هذه المرة إنو كروجر ما اشرك بله جابر!
أما سبب الهزيمة في المرة السابقة إنو مازدا أشرك بله جابر!!
وقد احتج إعلام المريخ علي إشراك محمد كمال في مباراة الهلال والمريخ في دوري الأبطال بينما احتج إعلام المريخ علي إبعاد محمد كمال عن مباراة الهلال في الدوري الممتاز ووصفه بالحارس المظلوم!!
وفرح الإعلام المريخي بشفاء طمبل من الإصابة ومشاركته الكبيرة في مباراة الأمل واستغرب الإعلام المريخي مشاركة طمبل العائد من الإصابة في مباراة الهلال!!
وطالب الإعلام المريخي بمشاركة الشغيل في وظيفة الارتكاز لأن المريخ يعاني في هذه الوظيفة.. وهاجم الإعلام المريخي كروجر لإصراره على إشراك الشغيل في كل المباريات!!
واستغرب إعلام المريخ من حب كروجر لسعيد السعودي وتوج إعلام المريخ سعيد السعودي نجما لمباراة الفريق أمام الهلال رغم الهزيمة!!
أما معارضة المريخ التي كانت تتحدث عن (كراع) جمال الوالي الحارة، فقالت هذه المرة إن (طول) عبد الله حسن عيسى غير طبيعي!!
والرايح ليهو (فريق) بفتش خشم البقرة!!
تعلمها لغيرك ولا تعلمها لنفسك يا نفطي؟!!!!!!!!!!
احتفل اهل المريخ باللاعب التونسي عبد الكريم النفطي مرتين.. مرة عندما تم تسجيله في المريخ ومرة أخرى عندما قاد حملة كشف أسرار الفريق الهلالي للصفاقسي!! وما بين هذه وتلك كان أهل المريخ يبحثون عن النفطي ولم يجدوه إلا منقولا على عربة إسعاف نادي الهلال الجميلة!!
النفطي الذكي الذي يجيد قراءة الفريق بعث بالرسائل بمختلف الوسائل لفريقه السابق الصفاقسي شارحا طريقة لعب الهلال ونقاط القوة والضعف في الفريق ولكن النفطي نسي في زحمة عمله الجاسوسي أن يخبر أهل المريخ بهذه المعلومات!!
النفطي لم يحدث سفاري عن سرعة كاريكا ولا حدث رمزي عن عكسيات هيثم مصطفى ولا كلم سعيد السعودي عن بكري المدينة!!
معقولة يا نفطي ما تقول لي سعيد (بكري المدينة) ده بعمل فيها عايز يشوت وما بشوت.. كده كويس تخلي الولد ود جده يمشي بحركة واحده لحدي أمبده!!
يعني يا نفطي كان غالبك تقول لموسى الزومة ما تتقدم ناس كاريكا وخليفة ديل بلعبوا علي الشمال طوالي؟!!
والله يا نفطي إنت ثقيل.. يعني تكلم ناس الصفاقسي بضعف العمق الدفاعي وما تكلم روحك؟..!
إنت ما عارف مساوي ده ضعيف خالص.. في داعي تجي عليهو!!
قال ضعيف قال..
ده حالتو ضعيف.. يعني لو سمين كان عمل فيك شنو؟!
إنت لييه قمت جاري؟ أوع تقول أنا مصاب!!
مصاب ولا بوظان أعصاب؟..
ما قلنا ليك إنت الكلام ده ما قدرو.. أها خلي الصفاقسي يحلك..
والخندقة الوريتها لي ناس الصفاقسي دي ما وريتها للمريخ ليييه؟!!
وريتها والله يا (خالد) لكن الجماعة ديل الخندقة ذاتها غالباهم انا اعمل ليهم شنو؟!!
يا خالد كروجر ده لعب لينا لاعبين الارتكاز الفي الكشف كلهم وما ركزوا!! أركز أنا؟؟؟
ومن كم سنة لا هو عارف ولا أنا..
عشر مرات يا نفطي نحن شايلين الكاس بقت علي السنة دي؟ولا يهمك يا تونسي..
لكن قلت لي الفلسطيني ده طلع ماسورة؟..
والله أنا لما الجماعة كانوا فرحانين وقالو سجلنا حارس شرس من فلسطين كنت قايلو تبع (حماس) أتاريهو طلع من (فتح)!!
واحد ثقيل رسل لي الرسالة دي: (أورد موقع الجزيرة نت أن هناك احتجاجا فلسطينيا شرسا حدث مساء الامس في شمال مدينة العرضة علي التعامل العنيف من القوات الزرقاء مع الحارس الفلسطيني رمزي صالح الذي تعرض للطرد من موقعه لتقوم القوات الزرقاء ببناء وحدتين سكنيتين في منطقة (بيت بشه) القريبة من المنطقة (السباعية) في الحدود الأردنية !! وقال الموقع ان الحارس كاد يتعرض لحملة (سباعية) مثل التي تعرض لها حارس المريخ السابق أكرم الهادي سليم لولا تدخل بعض العقلاء من الأهلة الذين طالبوا القائد هيثم بردع المهاجم بكري المدينة بعد ان قذف بـ(السعودي) الذي كان يقف أمام بوابة منزل الحارس الفلسطيني!! ورفضت القوات الزرقاء المدعومة بكتيبة ردع تسمى (الديمباوية) وهي قوات (مالية) خاصة الدخول في أي مفاوضات سلام معتبرة أن منطقة العرضة كلها بشمالها وجنوبها أصبحت تحت سيطرة القوات الزرقاء وأن قرار الإبعاد سيشمل كل الأجانب والمجنسين ولن يسمح إلا ببقاء اللاعب محمد علي سفاري!!
ولييه سفاري بس يا خالد؟
أنا عارف؟ أسألوا الزول الثقيل الرسل لي الرسالة!!
يكون سفاري ده بقى ولدنا!!
زي ما سادومبا بقي ولدهم؟؟؟
مسكين سادومبا من بقى ولدهم بقي احتياطي.
شفتو الفارق؟!
فريق الاحتياطي بتاعو سادومبا وفريق أفضل لاعب فيهو سعيد السعودي؟
فرق يا إبراهيم..
فريق بسجل من الموردة بشة وخليفة وفريق بسجل من الموردة هنو!
فرق يا إبراهيم..
فريق يفوز على خصمو في الدورتين بالتلاتة والاتنين ويحرز كأس الممتاز للمرة العاشرة مقابل خمس مرات!!
فرق يا إبراهيم..
للمعلومية حتى نعود لكم بالتفصيل.. بهذه المباراة فإن الهلال وصل للمباراة رقم 95 بدون هزيمة علي ملعبه في الدوري الممتاز.. يعني الموسم الجاي حنحتفل بالمئوية في استادنا..
استعد من الآن يا مالك جعفر أصلك بتاع احتفالات درجة أولى.
نفسي أعرف لاعبين الهلال ديل كانو عاملين بروفات للاحتفال بالدوري الممتاز ولا جات صدفة؟!
صدفة وأجمل صدفة!
لو صادفكم حارس مرمى وانتوا ماشين في الشارع عليكم الله كلموا ناس المريخ ديل!!
أصلهم بفتشوا ليهم علي حارس!
بس جوازو ما يكون دبلوماسي!!
يا هارسنا وفارسنا!!!!!!!
Post: #23 Title: Re: أجي يا بِشـّة ... Author: الصادق يحيى عبدالله Date: 11-20-2010, 07:58 PM Parent: #22
Quote: ضحــايا بشــة قرارت مجلس إدارة النادي الوصيف عقب مباراة الهلال والمريخ في كأس السودان الشــطب : يشطب الآتية أسماؤهم من كشوفات نادي المريخ : أولاً المجنسون : 1/ المهدي بن ضيف الله تونسي الاصل 2/ غاسيروكا رواندي الاصل 3/ لاسانا فاني مالي الاصل
ثانيا جنسيات أخرى : 1/ عبدالكريم النفطي تونسي 2/ هيثم المرابط تونسي 3/ رمزي صالح فلسطيني
ثالثا لاعبون محليون فوق الاربعين 1/ فيصل العجب
رابعا لاعبون محليون تحت الاربعين 1/ عبدالحميد السعودي 2/ بدرالدين قلق 3/ نصرالدين الشغيل 4/ موسى الزومة
مدربون : يعفى السيد كروجر المدرب الاماني من مهامه كمدرب للفريق ويستبدل بالسيد الرشيد بدوي عبيد الى حين اشعار آخر
_____________ يعني ياود البشرى باختصار كدا لو ادون سعيد السعودي وولدنا راجي عبدالعاطي ممكن نلقاهم براحة في الدوري المؤهل للمتاز خلف حي العرب حلفا
كل و انت و الاهلة بخير يا وهبة شغلك نضيــــــــــــف
Post: #24 Title: Re: أجي يا بِشـّة ... Author: Hassan Senada Date: 11-21-2010, 05:36 AM Parent: #23
ود البشري كل سنة وانت طيب كاسات السودان كلها شيلوها بس حارجى صفر دولى
Post: #25 Title: Re: أجي يا بِشـّة ... Author: محمد البشرى الخضر Date: 11-25-2010, 11:55 AM Parent: #24
من ابداعات ضفاري بعد نهاية الممتاز وحلاقة بشة - نقلا عن منتدى الهلال
\
