السمندلاوي .... وكأنه إذ مات أخلف ما وعـد ........ (رسالة من زميل البورد "عـاطف عبدون")

اتخيل لسع ما لحقت احفظ رقمك الجديد

قلت لي دا رقمي حيكون شعال لغاية نهاية السنه اضرب لي هنا او في التاني

اسع انا اضرب وين؟

ووعدك لي بي انك حتكون معاي في البعمل فيهو برضو خلاص

كان من المفترض اني اعمل الاتفقنا عليهو الليله

واتصل عليك بكره

مش؟

يعني ما تصل

ولا امشي

ولا اجي زياره

ياخي ليه كدا

ليه الناس الزيك بتفوت

والدنيا احوج ما تكون ليهم

ليه الحياة ما بتدافع عن ناس زيك

وليه الموت بختار اخيارنا

وليه مستعجل ذاتك

كنت تنتظرني بس بكره اتصل بيك حسب وعدنا

وليه ما قلت ليك قبل ما تقوف انت راجل طيب وانت زول مهموم بالناس

ليه ما قلت ليك اني مدان ليك لانك اكتر زول بتحسسني انو في زول معاي في النرويج

بشيل همي وبيسال عني وبوصيني

ليه ما قلت ليك اني بالجد بعزك وبحبك وبقدرك

وليه اجي اقول الكلام دا وانا عارف انك ما حتدخل البوست

ولافي زول حينبهك ليهو

غلطان انا ولا الموت

ولا انت الفت قبل اوانك؟

بالجد ما عارف اقول شنو
بالجد

عاطف عبدون.

أدعو الله لفقيد الكل بالرحمة و المغفرة
وجنة عرضها السماوات و الارض.

يا اخي عاطف.
إنت وسمندلاوى العرفتوني بالبورد ده
وجبتوني هنا.
وسمندل هو الجابك هنا
وجاب ناس كتار و أصبحو
أكثر من أصدقاء
و موجودين هنا.
إذا سمندلاوي بيجيب الناس
لوطن من لا وطن له.

السمندل إنسان وزي ما انت عارفو
يا عاطف وعاشرتو
ما بيتعوض , إنسان تحبه بمجرد
أن تراه.

ومع فصل الظلام
الذي يسود النرويج
هذه الايام, ومع الصقيع
إزدادت ليالينا
حزناً وظلام.

فهل من نور وصبح قريب بعدك يا سمندلاوى؟.

انا زيّك يا عاطف
و بالجد ما ارف اقول شنو.

شوف يا عاطف هنا Re: ويمتد فرح البورد من اوسلو, البوردابى محمد زكريا عري... مبرووك (صور الحنة):
رد السمندلاوى عليك في بوست مناسبة زواج أخونا محمد زكريا.
السمندل قال ليك حينها, (نشوفك قريب)
..

يا بكري...هي يا اللخو...مالك...أول مرة ما تفي بوعودك..... يا وفي..........
أخونا نور الدين
أيضا كان متواعد معه
نعمل شنو
هذه مشيئة الله.
والبركة في اهله
و اطفاله الصغار.

فقد جلل...
الف رحمة ونور تنزل على روحه الطاهرة..
صادق عزائي لاسرته الصغيرة والكبيرة ولاخوانه واصدقائه
عزائ الكبير للاخوة الاعزاء محمد زكريا وخدر وللجميع..

أختنا حليمة
نعم الفقد جلل
روح أبوبكر أحمد المصطفي الآن بين يدي الله عز و جل.
أسأل الله أن يستجب الدعوات , ويدخل عبده "ابوبكر"
جنة عرضها السماوات و الارض.

ربّنا يتغـمّد الأخ والصّديق العزيز بكري
بواسع رحـمته ومغفرته ويتقبّله القبول الـحسن
مع الصّدّيقيـن والشّهداءِ وحسن أولئك رفيقا

ويلزمنا وزوجته الـمكلومة أميـرة وصغارها
والأشقّاء عوض وأزهري وسميـرة
وجميع آل وذوي بكري وكُلّ أفراد الأُسرة
ورفاعة الدّامعة وجـميع معارفه
الصّبـر الـجّميـل والسُّلوان وحُسن العزاء

إنّا لله وإنّا إليه راجعون
اللهم ارحم بكري واسكنه فسيح جنّاتك
اللهم باعد بين بكري وبين خطاياه كما باعدت بين المشرق والمغرب
اللهم نقِّ بكري من الخطايا والذّنوب كما يُنَقّىَ الثّوب الأبيض من الدّنس
اللهم اغسل بكري بالثّلج والماء والبرد
اللهم ابدل بكري داراً خيراً من داره وأهلاً خيراً من أهله
اللهم اجمعنا وبكري في مستقرّ رحمتك
اللهم إنّا نسألك بإسمك الأعظم أن توسّع مدخل بكري
اللهم آنس في القبر وحشة بكري
اللهم ثبّت بكري عند السُّؤال
اللهم لقّن بكري حجّته
اللهم باعد القبر عن جنبات بكري
اللهم اكف بكري فتنة القبر
اللهم اكف بكري ضمّة القبر
اللهم اجعل قبر بكري روضةً من رياض الجّنّة ولا تجعله حفرة من حفر النار
اللهم إن كان بكري محسناً فزد في إحسانه ، وإن كان مسيئاً فتجاوز عن سيّئاته
اللهم الحِق بكري بالشُّهداء
اللهم افتح على بكري نافذةً من الجّنّة واجعل قبره روضةً من رياضها


عزائي الحار وصادق مواساتي لزوجته الـمكلومة أميـرة وصغارها
ولأشقّائه عوض وأزهري وسميـرة
ولـجميع آل وذوي بكري وكُلّ أفراد الأُسرة
ورفاعة الدّامعة وجـميع معارفه



إِنَّا لِلَّهِ وَإِنَّا إِلَيْهِ رَاجِعُوُنْ

عظم الله أجرك أخي لؤى
أسأل الله أن يستجب دعواتك ودعوات كل من
رفع يده بالتضرع و الدعاء للمولي
طالبا الرحمة و الجنة للفقيد.
حاسس بيك يا أخي لؤى والفقد عظيم.
..لن ننسي ذكري الفقيد أبوبكر "سمندلاوى".
كل يوم أتذكر كلماته الرنانه التي كانت كلها حِكم.
منذ وقت حدوث الفاجعة وإلي الأن
لا أستطيع التداخل في اي بوست في المنبر
سوي تلك البوستات التي يذكر فيها إسم الفقيد
هذا حالي.

فما بالكم أيها الإخوة بحال أخونا لؤى الذي عاشر ذلك
الملاك لمدة سنيين و سنيين!
شد حيلك يا لؤى وهذا حال الدنيا.
و "الموت حق و الحياة باطل", كما كان يردد الفقيد.

وإنا لله و إنا إليه راجعون.


..