قصة (النفطى والمرابط) وقرارهم المفاجى عقب الهزيمة من الهلال

غادر اللاعبين عبد الكريم النفطى ومرابط الاستاد مباشرة عقب المباراة وفى دواخلهم مرارة الهزيمة والانكسار وكان النفطى يسير ومرابط يمسك بيده حتى لايسقط جراء تلك الاصابةالخطيرة التى المت به عقب الاحتكاك مع سيف مساوى .. حالة صعبة هى التى وصل بها اللاعبين الى مقر اقامتهم ولو رأيتهم (حاتقوم
جارى منهم) عبد الكريم يسير على قدم واحده والقدم الثانية يحيط بهاالشاش من كل اتجاه ومرابط لا يوجد مكان فى جسده الى وبه تردخات والعرق يبلل ملابسه ولو انك من الناس الماعندها قضية بكورة القدم وصادفتهم ستكون على يقين ان هؤلاء تعرضوالحادث سير قاسى جدا او عملية نهب وضرب مبرح على قارعة الطريق ولن تتصوراوتتوقع انهم كانوا فى المقبرة وتعرضوا فيها لاكبر عميلة اغتيال كروى بعدان تلقوا ثلاثة طعنات متتالية لم تكن من خنجرا مسموم او من الخلف انما كانت من موجا ازرقا هادر وعلى عينك
ياتاجر )....علم المرابط والنفطى عقب المباراة ان مصيرهم فى المريخ بات فى كف عفريت وايقنوا انهم
على بعد خطوات من العودة الى ديارهم لكن السؤال الذى ظل يلازمهم طوال الليل ما هى وجهتهم
القادمه وبعد مشاورات مضنية استمرت حتى الخيوط الاولى من الصباح توصلوا الى ترك الملاعب نهائيا
والاتجاه الى مهنة التجسس بعد ان علموا صعوبة التوفيق بين اللعب والتجسس وبعد النجاح الباهر
الذى حققوه فى مهنة التجسس لصالح الصفاقسى ......
ولانامت اعين الجواسيس

like

مدثر ...سلام

اليقرا كلامك ده يقول الهلال ده مصلحة نووية فيها من الاسرار مافيها وصعب الوصول اليها ..يااخوي الكرة السودانية ماداير ليها زول يتجسس عليها تجي مغمض بحداشر لاعب ...عليك الله ايه المعلومة الممكن يقدموها ناس المرابط والنفطي للصفاقسي ؟!! لازم نعترف ان الهلال فرط في المباراة وفشل في تحقيق نصر في ارضه ووسط جمهوره ويجب ان نعترف ان الهلال مازال في طور الحبو حتى يعرف ثقافة الكاسات الخارجية ..

Quote: مدثر ...سلام اليقرا كلامك ده يقول الهلال ده مصلحة نووية فيها من الاسرار مافيها وصعب الوصول اليها ..يااخوي الكرة السودانية ماداير ليها زول يتجسس عليها تجي مغمض بحداشر لاعب ...عليك الله ايه المعلومة الممكن يقدموها ناس المرابط والنفطي للصفاقسي ؟!! لازم نعترف ان الهلال فرط في المباراة وفشل في تحقيق نصر في ارضه ووسط جمهوره ويجب ان نعترف ان الهلال مازال في طور الحبو حتى يعرف ثقافة الكاسات الخارجية ..

ياصحبى كلامك القلتو ده انا عارفو لانو اناوالحمدلله مامن الغباء الذى
اتصور معه ان الهلال مؤسسه فيها اسرار يمكن تكون بعيده عن اعين الصفاقسى
او غيره من الفرق لكن المريخاب ملو البلد ضجيج بتجسس النفطى واللاعب نفسه
لم يترك صحيفة سودانية او تونسية ولم يصرح عبرها بنقله لمعلومات لفريقه واكيد
هى معلومات ليست ذات قيمة لانها معروفة ...
مافى حاجه اسمها ثقافة كاسات يا سيد فى حاجه اسمها مجهود وبزل داخل الملعب
اليونان عندما حملت كأس اوربا لم يكن فى رصيدها بطولة واحده وايضا الدنمارك
فمن اين جاءتهم ثقافة الكؤوس؟ لشنو ماشى بعيد؟ فريق مازمبى منذ سبعنيات القرن
المنصرم لم يفوز بالبطولة فمن ايت جاءته ثقافة الفوز بعد اربعين سنه وكذلك انيمبا والامثلة لاتحصى ..وممكن جدا الفريق المغربى يفوز بهذا الكأس وهى المرة الاولى له فأين تعلم هذه الثقافة يا ابوالشباب الكورة لاتعترف بالتاريخ ولا بالثقافة ولا شى سوى اللعب داخل الملعب مع توفيق اعتقد هو الشى الذى افتقده الهلال



وكل سنة وانت طيب

رغم انو انا هلالالابي لكن
DISLIKE
يا مدثر يا اخوي الناس دي قبل الدنيا تصبح بكونو عرفو لحدي المساء حا (يعملو ) شنو

الزول الاسمو النفطي ده زاغ عدييييييييييييل
والمرابط ولا شنو ده ما عارفو زي عدمو واحد
لكن .......... وخلي بالك من لكن زي ما قال عادل امام الناس دي حددت محطتها الجاية وين
والمريخاب خليهم مع تخدير مزمل وكوجين الاسمو شيبة ...لو باروهم عمرهم ما حيقوم ليهم رافع ...
العواطف مهما عملت ما بتصنع بطولات وللاسف الكلام ده في السودان ما اتعرف ...لسه ..

كل سنة وانت طيب ...

Quote: رغم انو انا هلالالابي لكن DISLIKE يا مدثر يا اخوي الناس دي قبل الدنيا تصبح بكونو عرفو لحدي المساء حا (يعملو ) شنو الزول الاسمو النفطي ده زاغ عدييييييييييييل والمرابط ولا شنو ده ما عارفو زي عدمو واحد لكن .......... وخلي بالك من لكن زي ما قال عادل امام الناس دي حددت محطتها الجاية وين والمريخاب خليهم مع تخدير مزمل وكوجين الاسمو شيبة ...لو باروهم عمرهم ما حيقوم ليهم رافع ... العواطف مهما عملت ما بتصنع بطولات وللاسف الكلام ده في السودان ما اتعرف ...لسه .. كل سنة وانت طيب

طبعا انا كلامك ده صاح مليون فى الميه بس حبينا نذكر المريخاب انهم انصرفوا
عن فريقهم واشتغلوا بحاجات فارغه النفطى يتجسس ويدلى بمعلومات مهمة لفريق
الصفقاسى كان هذه هى مانشتات صحفهم ونسوا تمام ان فريقهم فى الضياع وعملوها
تريقه وبس.
وكل سنه طيب

ارجو من الاخوة تقبل اعتذارى فى فتح هذا البوست المتزامن مع الحزن المخيم
على المنتدى لفقد عضو عزيز جدا رحمه الله واسكنه الجنة والله لم انتبه الى
الاتفاق الشرفى المبرم بين الاعضاء على عدم فتح بوستات بخصوص القمة الا بعد
ان فتحت هذا البوست ... اعتذر مرة اخرى واكتفى بهذا القدر الى حين اشعار اخر
وربنا يرحم سمندلاوى ويلهم اهله واصدقائه الصبر والسلوان